Rutilio Escandón laj yak’be slekilal La Trinitaria ta spasel snail DIF Munisipal xchi’uk

Materialetik Ta Sventa Slekubtasel Naetik

SPUKEL A’YEJ/LA TRINITARIA

K’alal i-ay ta svu’lanel La Trinitaria, ti jtunel jvu’el Rutilio Escandón Cadenas laj stsaj komel stunesel snail yavil yabtel Sistema

DIF Municipal xchi’uk te lajyak’ komel jutuk mu 400 Paquetes de Mejoramiento de la Vivienda, yo’ jech te staik lekilal ta skuxlejalik ti jnaklumetik ta steklumal Meseta Comiteca Tojolabal. Jech o xal un, ti jtunel jvu’ele lajyal ti kolyal ti jech ep ta xich’ ak’bel stak’inalil jech te ta xlekub batel ta staik koltael yu’un DIF Municipal, yu’un jech lek muk’ xchi’uk lek pasanbil snailal ta sventa skoltaelik jnaklumetike, ta jmoj chapal k’op xchi’uk

DIF Chiapas, DIF Municipal xchi’uk Registro Civil, lajyich’an ak’el 115 actas de nacimiento, ja’ jun vun ti tsots stu ta k’usitik chich’an lok’esel ta sventa ich’el ta muk’ stael ti biile.

Jech xtok, xmuybaj lajyal ti lek ta xil ti oy chapal k’op ta yak’el materialetik ta sle- kubtasel naetik ti li’ ta jteklume, yu’un manchuk me ti jtunel jvu’el ta estaro ta xak’ 387 apoyoetik, pe ti ta xich’ pasel ta jmoj stak’inalil xchi’uk ti Ayuntamiento ja’ jech te ta spas ta jmil ti spasel apoyo ta stojolik ti jnaklumetik ta La Trinitaria.

“Ti k’usi k’ak’oj ta ko’ontik spasele ja’ ta stojolik ti jnaklumetik boch’otik abol sbaike xchi’uk ja’ ta jchanbetik batel slekil spasel yabtel peserente ta México, Andrés Manuel López Obrador, jayo’ jech ta xpuklij ku’untik ti tak’ine”, xi lajyal k’alal laj stabe ta ojtikinel jnaklumetik ta La Trinitaria ti jech lek jmoj svolet stsobetik, yu’un ja’ no’ox jehc ta xich’ tabel slekilal ti steklumalike.

Yanuk ti secretario de Obras Públicas, Ángel Torres Culebro, lajyal ti li’ jmoj ta xich’ pasel abtelaletik ja’ te yilubil ti jtunel jvu’ela ta sk’el stuk’ulanel k’usi ta sk’anik pasbel ti jnaklumetike, yu’un mu ja’uk no’ox k’usi ta xak’ komel xchi’uk ja’ jech te ta xak’ komel yilubil ti slekil spasel yabtele. “Jna’ojtik lek ti li’ ta orae ta xich’an tunesel stak’inal jlumaltik ta sventa slekubtasel kuxlejalile”.

Yanuk ti directora general yu’un DIF Chiapas, Deliamaría González Flandez, lajyal ti kolyal ti jech ta jmoj ta x-abtejik batel ti ajvaliletik ta estaro xchi’uk ta municipal, yu’un ti li’ nail abtelale mu’yuk xa’ox lek jayo’ jech te lajyich’ cha’meltsanel, yu’un ja’ jech te ta xlekub batel yak’bel skoltaelik ti jnaklumetike. Lajyal xtok ti jtunel j-abteletik spasoj sbaik ta jmoj ta skoltael sbaik ta yak’el k’usitik yantik koltaeletik.

Yanuk ti director general yu’un Promotora de Vivienda Chiapas (Provich), Fredy Escobar Sánchez, lajyal ti jujun paquete ja’ te jutuk mu 13 mil pesos lajyich’ik ak’bel ti jnaklujetike, jayo’ jech te ta staik lekilal ta sna sk’ulebik xchi’k oyuk lek bu stak’ xch’i xkuxiike.

Ti peserenta yu’un DIF Munisipal ta La Trinitaria, Rubí López Martínez, laj stojbe ta vokolal jtunel jvu’el ti jech ta xak’beik talel koltael ta slekubtasel yich’el stuk’ulanel jnaklmetike.

Yanuk ti peserente munispal Ervin Leonel Pérez Alfaro te laj stabe ta ojtikinel yak’el ta yo’on spasel yabtel ti jtunel jvu’ele, jech k’ucha’al spasoj obraetik ta sventa Telebachillerato Comunitario, ti Unidad

Deportiva, jun Clínica digna xchi’uk Centro de Atención a Migrantes, yak’belik patruyaetik xchi’uk motopatruyaetik, xchi’uk jech k’ucha’al ti nopol xa xlik xcha’meltsanel boulevare.