Ti jelovel ta jujun naetik ja’ te ta xich’ k’elel poxtael k’usi svokolik ti jnaklumetike: Pepe Cruz

“Ta sk’an ta xkik’tatik komel smexail kabteltik ta yojtikinel ti kosilaltike”, xi lajyal ti secretario de Salud yu’un estaro, doctor Pepe Cruz, K’alal laj spaxalta ta k’elel chanib coloniaetik ta slumal capital yu’un estaroe sventa sk’elel k’u x-elan slekil ta xak’ik poxtael Convoyetik sventa salud ta slekilalik ti jnaklumtake.

Ja’ jech un, ti jtunel j-abtel yu’un estaro te laj yak’an ayudas técnicas xtok, jechik k’u cha’al sillas de ruedas, andaderas xchi’uk bastonetik ta stojolik kirixanoetik boch’otik oy svokolik ta skuxlejalik ta coloniaetik

Las Granjas, Diana Laura, Sahop xchi’uk Monte Real.

“Lijtal ta yak’el k’elel poxtael ta stojolik jnaklumetik xchi’uk stael ta ilel k’usitik ta sk’anan pasel batel yo’ jech tsotsil skuxlejalik ti jnaklumetike”, xi, k’alal lajyalbe xmuyubajuk yo’onik ti brigadistaetik ta xjeloik ta jujun naetik ta slok’esel censo sventa stael ta ilel boch’otik ta sk’anik poxtael jnaklumetik yo’ jech ak’o xnopajik batel ta stojol konvoyotetike.

Ti doctor Pepe Cruz lajyal ti ta xchibal k’ak’al sjelovelik ta jujun nae - tik ta coloniaetik ta slu mal capital staoj ta ilel ti mol me’eletike bisil ja’ oy svokolik ta skuxlejalik ta chamel, jayo’ jech ta sk’an ak’o xich’ sa’bel smelolal jun programav ta sventa sk’elel stuk’ulanelik ti mol me’eletike. te Adán Augusto ja´ yich´o yip ta swenta sts´akelbel te muk´ul ajwalil, jich la yak´ ta na´el te Konsultoría OEM P.3

Ti K’alal ijeloik ta colonia Las Granjas, ti boch’o sbainoj yabtelanel k’elel poxtael ta estaroe, te ijelo ta sk’elel k’u x-elan x-ech’ spasel jun nail poxtael ti te ta lume, yu’un ja’ toj vokol chilik jnaklumetik K’alal xlok’ik ta sa’el spoxilike jayo’jech te ta staik lekilal likel.

Yanuk ti slekio stunel ti Convoyes de la Salud, “ja’ jun lekil programa ta stojolik kirixanoetik boch’otik mu’yuk staojik matanal poxtael”, xi lajyal González Peñarán k’alal laj sk’opanik ti secretario de Salud.

Yanuk antsetik Guadalupe Moreno xchi’uk Maya Velázquez laj stojbeik ta vokolal ti jech lajyichik batel k’elel poxtaele, yu’un oy jnaklumetik tabilik ta ilel oy staojik askal chamel xchi’uk xchamelik ta yo’onik xchi’uk jech k’u cha’al antsetik oy xch’utik ti ta sk’anik tuk’ulanele.

Ti konvoyetik sventa salud ja’ te ta x-ayinik ta 24 k’alal to ta 26 yual julio ta coloniaetik yu’un Los Manguitos, Bienestar Social, Paraíso, Las Granjas, Diana Laura, Sahop, Monte Real, Los Manguitos, Los Tamarindos, Caleras Maciel, Santa María La Rivera xchi’uk ta parque Caña Hueca.