Te Rutilio Escandón la spasbey snaul DIF Munisipal sok la ya’bey bitik ya xtuunyunik ta

slekubtesel snaik te slumal Trinitaria

COMUNICADO/LA TRINITARIA

Te k’alal xk’otok yil te slumal Trinitaria, te ajwalil Rutilio Escandón Cadenas la spasbey sk’inul te snaul Sistema DIF Munisipal la yich’ pasel sok la yak’ kol bajk’ ta chajp Paketeetik yun Slekubtesel te Naetik, ta swenta Slekubtesel te xkuxinelik te jlumaltik li’ ta lum yun te Meseta Komiteka Tojolabal.

Jichyu abi, te ajwalil la yal te ja’ wokolayalyun te yakal ta abeyel stak’inalito, lek ya yich’ik kolrayel ta DIF Munisipal te jlumaltik, melel lek pasbil sok chapala ta swenta skoltayel te jlumaltik; soknix junax a a’tejik te DIF Chiapas, DIF Munisipal sok te Rejistro Sibil y la yak’ik 115 aktaetik yun p’ejkajel, te ja’ jun te tulan sk’olal ta swenta xchajpanel yantik junetik, ta swenta xchajpanel te sjunik te jlumaltik.

Soknix la spak’ sk’abyun te pajal yakal spas - belin tulan ta yak’ el te bitik ya xtuun ta swenta slekubtesel te snaik te jlumaltikn li’ ta munisipio, melel manchuk tame la yak’ 387 ta chajp orita te Ajwalil, ta swenta te junax ya stsob stak’ iniksok te Ayuntamiento, ya yich’ ak’el mil ta chajp te koltayel ta stool te slumal Trinitaria.

“Ja’ kak’o jk’optik ta stool te jente wokol ayik, sok yakal jk’ainbeltik ta spasel te bit’il yakal spasbel te muk’ul ajwalil yun Méjiko, Andrés Mayel López Obrador, teyuk-a tik’ yakal ta lok’el-a te tak’in” xi la yal te k’alal la yalbey wokolyun te slumal Trinitaria te junax ayik, pa’ ke jich ya xu’ ta pasel te a’teliletik yun slekubtesel te jlumaltik li’ ta munisipio. Jichek te wolawal yun te Obras Públikaetik, Ángel Torres Culebro, la yal te jich te bit’il la yich’ pasel te proyektoetik-ito, ja’ tey chikan ta ilel te ya sk’oes ta pasel te ajwalil te binta ya sk’anik te jlumaltik. “Te orita ya jna’tikix te ya stak’ lek ya yich’ tuuntesel te tak’in ta swenta slekubtesel te kuxinel sok ta swenta slekubtesel te jlumaltik”.

Jichek te wolawal yunn te DIF Chiapas, Deliamaría González Flandez, la xcholbey sk’olal te ja’ wokolayalyun te junax yakalik ta a’tel te Ajwalil

Estatal sok te Munisipal, ju’ ta lekubtesel te najito te bolobenix, jich lek ya yich’ ilel sok chajpanel te bitik ya sk’an te jlumaltik. Sok la yal te junax ya x-a’tejikxanbel ta swenta yak’el yantik koltayel.

Te wolawal yun te Promotora yun Vivienda Chiapas (Provich), Fredy Escobar Sánchez, la yal te ay stojol kol oxlajun mil pesoetik te paketeetik la yich’ abeyel ta chajpalchajp te me’iltatil, jich ya stak’ slekubtesik te snaik.

Te wolawal yun te DIF Munisipal yun slumal

Trinitaria, Rubí López Martínez, la yalbey wokolyun te yakal ta koltaywanej te ajwalil chia - paneko, te ya slekubtesbey xkuxinel te jenteetik.

Sokek te alkalde Ervin Leonel Pérez Alfaro la yalbey wokolyun te yak’oj sk’op te ajwalil, ay pasbil a’tliletik jich bit’il te snaul nopjun Telebachillerato

Komunitario, te Snaul Tajimal, jun lekil Klínika sok te Snaul SKoltayel Migranteetik, te la yich’ ak’el patrullaetik sok motopatrullaetik, sok li’ ta pael cha’wej ya yich’ lekubtesel te bej bulevar.

Yakal ta ilel ta wolowol te naetik ta swenta yilel te bitik tulan sk´olal ya xtuunyunik te jlumaltik: Pepe Cruz

COMUNICADO/TUXTLA GUTIÉRREZ

“Ya sk´an kijkitaytik te ofisina ta swenta sbeintayel te lum k´inal”, xi la yal te wolawal yun te Salud ta jlumaltik, doktor Pepe Cruz, te k´alal la sbeintay te k´axixtel martes te koloniaetik yun te slumal Tuxtla Gutiérres, ta swenta yilel te koltayel sok te poxtayel ya yak´ik te muk´ul karroetik yun te salud, ta swenta skoltayel te mach´atik wokol ayik.

Te a´teltuunel soknix la ya´bey koltayel téknikaetik te mach´atik ayik ta diskapasidad ta koloniaetik Las Granjas, Diana Laura, Sahop sok Monte Real, la ya´bey xilaetik te ya xbeen sok namate´iletik.

“Tal ka´beytik poxtayel te jlumaltik sok tal kiltik te bitik tulan sk´olal ya xtuun ta swenta xchajpanel sok xpoxtayel te jlumaltik”, xi te k´alal la yalbey sbujts´ k´inal ya´ayik te brigadistaetik te ya sbeintayik te naetik ta swenta stsakbeyel sbiil te mach´atik ya sk´anik koltayel, sok ta swenta yalbeyel te yak´uk xbajt sk´anik poxtayel ta muk´ul karroetik yun Salud.

Te doktor Pepe Cruz la yal te, ta che´ k´aal te yakal ta ilel te naetik ta koloniaetik yun te slumal Tuxtla, ay tajbil ta ilel te ja´ bayel ayikto ta wokol te me´elmamaletik, teyuk-a te ya sk´an ya yich´ chapel jun a´telil ta swenta skoltayel te jlumaltik-ito.

Te k´alal la sbeintay te kolonia Te Granjaetik, te wolawal yun te salud ta jlumaltik xk´otok yil te snaul poxilal yakal ta pasel li´ ta kolonia, ta swenta slekubtesel te koltayel, te banti ay swokolik pa´ ke ya xbajtik ta snaul poxil te jlumaltik, y jich te bit´il ya yich´ paselito, jich ma xk´axix swokolik-a.

Te binta ut´il yakalik ta a´tel te muk´ul karroetik yun poxtayel, “ja´ jun lekil programa ta swenta skoltayel te mach´atik ma staik te poxtayel-ito”, xi la yal te me´iltatil González Peñarán te k´alal la spakbey yo´tan te wolawal yun te Salud.

Jichek te Guadalupe Moreno sok Maya Velázquez la yalik wokolyun te k´ot te karroetik yun poxtayel-ito, melel ay jlumaltik te mach´atik tajbilik ta chamel ta xch´ich´ik, sok ay xchamelik ta yo´tanik, soknix ay alajel antsetik te ya sk´anik koltayel.

Te muk´ul karroetik yun Salud ya x-a´tejikbel ta sk´aalel 24 k´alal ta 26 yun julio ta koloniaetikTeManguitoetik, Bienestar Sosial, Paraíso, Te Granjaetik, Diana Laura, Sahop, Monte Real, Te Tamarindoetik, Kaleras Masiel, Santa Maruch Te Rivera sok ta parke Kaña Hueka.