Peirianneg CERbydau Modur

Mae gyrfa fel mecanydd neu mewn atgyweirio cerbydau yn gwarantu dyfodol o waith cyson. Gall dirywiad yn yr economi effeithio ar bobl yn prynu ceir newydd, ond bydd angen gwaith cynnal a chadw ac atgyweirio ar gerbydau bob amser. Os ydych yn mwynhau cwrdd â gwahanol bobl bob dydd, gwneud gwaith ymarferol, gweithio gyda'r dechnoleg ddiweddaraf, neu fod gennych lygad creadigol neu gariad at waith adfer – yna mae gyrfa yn gweithio gyda cherbydau yn aros amdanoch chi.

Mae gan yr adrannau cerbydau modur yng Ngholegau'r Drenewydd a Bannau Brycheiniog hefyd weithdai â'r holl gyfarpar angenrheidiol gyda lifftiau cerbydau pedwar postyn, dau bostyn ar ffurf siswrn, offer profi diagnostig gan Bosch, Crypton, Pico, Autel a chyfleusterau glanhau chwistrellwyr uwchsain ASNU. Hefyd, mae gan Goleg Y Drenewydd fae profi ATL ar ffurf MOT ac ardal offer diagnosteg pwrpasol cwbl weithredol.

Mae'r adran Cerbydau Modur wedi tyfu yn 2022 wrth i rig cerbydau trydan penodedig a cherbyd Peugeot 208 a ddisgwyliwyd yn eiddgar i gefnogi'r cyfleoedd dysgu a hyfforddi ar gyfer technolegau cerbyd trydan newydd. Yn awr bydd dysgwyr yn cael hyd yn oed mwy o gyfleoedd i ddysgu am y cerbydau a'u technolegau diweddaraf.

Beth fyddaf yn ei wneud?

Nod ein cyrsiau yw archwilio adeiladwaith cerbyd ac atgyweirio difrod i'r cerbyd ei hun a'i gorff yn gywir yn barod i'w orffennu. Byddwch yn cwblhau cyfres o aseiniadau a thasgau ymarferol a gyflawnir yn ein cyfleusterau rhagorol.

Rhagolygon gyrfa

Fel arfer ceir cyflogaeth i beirianwyr gyda garejys, cwmnïau trafnidiaeth, cwmnïau cludo nwyddau ffyrdd neu sefydliadau mawr gyda fflyd o gerbydau. Ar lefel technegydd byddwch yn cyflawni gwaith diagnostig medrus, gan gynnwys gwaith ar systemau electronig a systemau a reolir gan gyfrifiadur. Mae'r gwaith yn heriol ac yn rhesymegol, ac yn cynnwys llawer o waith datrys problemau. Mewn cwmnïau mwy o faint, mae fel arfer yn bosibl ennill dyrchafiad i swyddi goruchwylio a rheoli.

Mecanydd £13k - £30k (Emsi - economicmodeling.com)

Peiriannydd Modurol £ 60k+ mewn swyddi uwch (Prospects.ac.uk)

Technegwyr Paent Cerbydau £18k - £40k (Emsi - economicmodeling.com)

Enillion blynyddol cyfartalog Byddwch

Peirianneg Cerbydau Modur

Cafodd myfyrwyr Cerbydau Modur Lefel 3 yng Ngholeg Y Drenewydd gyfle prin i ddysgu mwy am dechnolegau a weithredir gan fatri trydan yn y dyfodol, pan gawsant gyfle i weld trawsnewidiad Fiat 500 clasurol i drydan diolch i Electric Classic Cars yng Nghanolbarth Cymru.

Mae gan y Fiat 500 holl gymeriad clasur gyda thro modern. Mae'r modur wedi'i osod yn y cefn (gan roi mwy o le i fagiau yn y tu blaen), ac mae'n cynnwys tri phecyn batri gyda phwynt gwefru cuddiedig o dan y bathodyn Fiat.

Cymerodd y myfyrwyr ddiddordeb brwd yn y gosodiad, gyda manteision cyflymder a phŵer trydan yn cael eu gwireddu'n gyflym. Fel un o selogion cerbydau clasurol, roedd gan Tom Watkins, technegydd yn y Coleg ddiddordeb arbennig.

Dywedodd Dan Pritchard, darlithydd Cerbydau Modur fod hyfforddiant mewn hybrid a thrydan yn “faes y mae'r Coleg yn edrych arno ar hyn o bryd. Mae'r dechnoleg gerbydau newydd hon yn mynd i chwarae rhan bwysig yn nyfodol y diwydiant ac mae'n wych gweld enghreifftiau o glasuron fel y Fiat yn cael eu trosi, a gwybod bod hwn ac eraill ar gael i'w gweld ar garreg ein drws".

Mae Electric Classic Cars wedi'i leoli yng Nghanolbarth Cymru ac mae wedi cynhyrchu nifer o drawsnewidiadau clasurol sy'n cynnwys Porsche 911, Range Rover o 1972 a BMW E9. Mae'r busnes sy'n eiddo i Richard Morgan wedi tyfu'n gyflym a dywedodd Richard pa mor bwysig oedd hi bod myfyrwyr bellach yn dysgu am gerbydau trydan i gefnogi cerbydau cyfredol a rhai sydd wedi'u trawsnewid: “Bydd mwy o alw yn y blynyddoedd i ddod am y wybodaeth hon ac mae'n syndod faint o gamdybiaethau sydd eisoes yn bodoli am geir sy'n cael eu pweru gan fatri.”

Cyrsiau

Cyrsiau sy'n Canolbwyntio ar Yrfa Lefel Gofynion Mynediad Hyd Lleoliad

Peirianneg Cerbydau Modur 1

Peirianneg Cerbydau Modur 2

Peirianneg Cerbydau Modur

3

Mae TGAU gradd D/E neu uwch yn ddymunol, ond ystyrir profiad ymarferol hefyd Blwyddyn Bannau/ Y Drenewydd

Mae 4 TGAU gradd C neu uwch yn ddymunol ond ystyrir profiad ymarferol hefyd Blwyddyn Bannau/ Y Drenewydd

Mae 5 TGAU gradd C neu uwch yn ddymunol ond ystyrir profiad ymarferol hefyd. Blwyddyn Bannau

“Roeddem wrth ein boddau o fod y coleg cyntaf yng Nghymru ar ddechrau 2020 i gynnig hyfforddiant gydag offer hyfforddi cerbydau modurol trydan a hybrid. Rydym wedi cael y pleser o hyfforddi myfyrwyr galwedigaethol a gweithwyr proffesiynol y diwydiant yn y dyfarniad Lefelau

1-4 mewn atgyweirio a newid systemau cerbyd trydan/ hybrid.”

Darlithydd, Dan Pritchard