Editorjal

Jien. Int. Aħna. Flimkien.

VO/1178

Missio ‑ [Uffiċċju Missjunarju], 7, Triq il‑Merkanti, il‑Belt Valletta VLT 1171. Ħinijiet: mit‑Tnejn sal‑Ġimgħa: 9.00am ‑ 1.00pm Donazzjonijiet jistgħu jitħallew fil‑ħanut Faith Hope & Charity mit‑Tnejn sal‑Ġimgħa: 1.00pm ‑ 7.00pm / Is‑Sibt: 9.00am ‑ 1.00pm Missio: Nru. 150, Triq Lorenzo Gafà, il‑Mosta MST 4128. Ħinijiet: mit‑Tnejn sal‑Ġimgħa: 8.00am ‑ 4.00pm

Tel: 2123 6962 • Fax: 21231272 Imejl: info@missio.org.mt • Websajt: www.missio.org.mt

Uffiċċju Missjunarju, 7, Triq l‑Imgħallem, ir‑Rabat, Għawdex VCT 9066. Tel: 2155 0267 • Imejl: gozo@missio.org.mt Ħinijiet: mit‑Tnejn sal‑Ġimgħa: 8.30am ‑ 12.00pm BORD EDITORJALI Editur: Claudia Cini (claudia@missio.org.mt) Membri:Mons. Valent Borg

Dun Victor Agius, Mario Scicluna, Dun Karm Portelli, Kav. Emmanuel Cutajar KCHS, Robert Farrugia Websajt u Facebook: missiomalta Qari tal‑Provi: John Caruana Grafika: James Trapani (gakbu@gakbu.com)

Malta Missjunarja hija Rivista Missjunarja ta’ kull xahar. L‑ewwel ħarġa: Settembru 1932 bl‑isem ta’ Malta Missjunarja. Jannar 1978: bidla fl‑isem għal Knisja Missjunarja. Frar 2003: mill‑ġdid Malta Missjunarja. Abbonament għal sena €10.00

F’din il‑ħarġa:

2 Editorjal 4 Messaġġ mid-Direttur 6 Unjoni Missjunarja 8 Propagazzjoni tal-Fidi 10 San Pietru Appostlu 14 Santa Infanzja 16 Messaġġ minn Mons. Arċisqof CJ Scicluna 17 Messaġġ minn Mons. Isqof A. Teuma 22 Il-Qaddis tax-Xahar 24 90 Sena ta’ Storja 28 Messaġġ mill-Assistent Direttur 29 Messaġġ mid-Direttur t’Għawdex 30 Dehriet tal-Madonna 35 Poeżija 36 Riċetta Tradizzjonali 38 Kompetizzjoni u Ċajt 39 Nitolbu għall-Mejtin Tagħna Ritratt tal‑faċċata:

Powster uffiċjali għall‑Jum Dinji Missjunarju 2021

Il‑Ġurnata Missjunarja Dinjija

Ġesù qal li s‑saltna t’Alla hija bħal żerriegħa tal‑mustarda, li hija l‑iżgħar miż‑żerriegħa kollha fuq l‑art; iżda meta mħawla, tikber u ssir l‑akbar waħda mill‑pjanti kollha tal‑ġnien, bi friegħi kbar tant li l‑għasafar jistgħu joqogħdu fid‑dell tagħha.

Nhar il‑Ġurnata Missjunarja Dinjija, il‑Kattoliċi madwar id‑dinja kollha għandhom l‑opportunità li jiżirgħu żrieragħ tal‑fidi li huma mogħtija l‑ilma u mrawma matul is‑sena kollha minn Missio. Permezz tat‑talb u l‑għotja nistgħu nkunu solidali ma’ ħutna barra minn xtutna.

Kont taf li 40% tal‑Knisja madwar id‑dinja hija missjunarja? Dan ifisser eluf ta’ parroċċi li huma żgħar wisq jew foqra wisq biex isostnu lilhom infushom. Billi naqsmu dak li għandna ma’ dawk fil‑bżonn, aħna ngħinu biex tinbena Knisja mad‑dinja

kollha li tista’ tilħaq lin‑nies bil‑Vanġelu. Dawk li qatt ma semgħu l‑messaġġ ta’ Ġesù, jingħataw iċ‑ċans li jesperjenzaw l‑imħabba ta’ Kristu u li jkunu jafu l‑appoġġ tal‑familja tal‑Knisja tagħna.

Eżempju ta’ dan huma l‑orfanatrofji, il‑kliniċi, l‑isptarijiet, l‑iskejjel u ċ‑ċentri miftuħa, fost ħafna oħrajn, li huma mmexxijin minn sorijiet, patrijiet u lajċi missjunarji li jilqgħu fihom tfal iltiema u abbandunati, anzjani, persuni morda u bi bżonnijiet speċjali, u tant u tant foqra u nies fil‑bżonn. Bis‑saħħa ta’ dawn il‑missjunarji li jaħdmu f’isem Ġesù u l‑Knisja Kattolika, dawn il‑persuni qed jingħataw tama, dinjità u futur sabiħ lejn xiex iħarsu.

Il‑Ħadd tal‑Ġurnata Missjunarja Dinjija jaħbat il‑Ħadd ta’ qabel tal‑aħħar f’Ottubru. Kull persuna f’kull parroċċa f’kull pajjiż fejn il‑Knisja hija preżenti, se tkun qed tiċċelebra flimkien u taqsam dak li għandha. Huwa l‑uniku Ħadd fis‑sena meta l‑ġenerożità tiegħek tmur direttament biex tgħin lill‑parroċċi tal‑missjoni barra l‑pajjiż sabiex jintlaħqu bil‑messaġġ ta’ tama u mħabba ta’ Ġesù. Tixtieq tgħinna nibnu Knisja universali fejn l‑ifqar u l‑aktar fil‑bżonn tad‑dinja jistgħu jesperjenzaw l‑imħabba t’Alla? Jekk jogħġbok agħti d‑donazzjoni tiegħek illum biex tagħmel differenza fil‑ħajja ta’ tant u tant ħutna fil‑bżonn. 

Biex infiq għandi bżonn id-demm. Int tista’ tgħinni?