Edukim fizik. Efektet fatgjata dhe afatshkurtera te veprimtarise sportive.

Lënda Edukim fizik Tema: Efektet afatshkurtra dhe afatgjata të veprimtarisë fizike e sportive mbi organizmin e njeriut Mësuese Majlinda Leka

Rezultatet e të nxënit:  Liston efektet afatshkurtra dhe afatgjata të veprimtarisë fizike e sportive mbi organizmin e njeriut.  Shpjegon shëndetin fizik dhe social  Hulumton përfitimet që sjell për organizmin zbatimi i një aktiviteti të rregullt fizik në jetën e përditshme.  Fjalë kyç: efekte afatshkurtra, efekte afatgjata, lëvizje trupore, kultura fizike, vlera, synime, aktivitet fizik i rregullt, shëndet fizik e social.

Efektet afatshkurtra të veprimtarisë sportive: Veprimtaria fizike dhe sportive është shëndet fizik, mendor dhe emocional.

Në adoleshencë aktiviteti fizik sportiv merr rëndësi të veçantë për vetë vlerat që ai sjell për organizmin.

Zakonet pozitive të angazhimit në sporte, që krijoni në këtë periudhë, mund të zgjasin gjithë jetës duke ju siguruar një shëndet të përgjithshëm cilësor dhe një imazh pozitiv të trupit.

Në këtë periudhë të jetës ju përballeni me ndryshime emocionale, fizike, sociale dhe akademike. Nevoja për aktivitet fizik dhe lëvizje na shoqëron gjatë gjithë jetës. Ajo duhet kryer sipas moshës dhe mundësive që na ofron trupi. Shkalla e vështirësisë duhet t’i përgjigjet kapacitetit motorik dhe atij biologjik të individit.

Të gjitha sportet në përgjithësi stimulojnë trurin, i cili çliron kimikate, të cilat ju bëjnë të ndiheni më të lumtur, më të çlodhur dhe më socialë. Kur jeni duke ushtruar aktivitet fizik, niveli i stresit ulet.  Lëvizja shton qarkullimin e gjakut, zhvillon aparatin e frymëmarrjes, shton kalciumin në kocka dhe i bën ato më të forta.  Duke u ushtruar vazhdimisht ju do të ndërtoni muskuj të fortë e të shëndetshëm. Muskujt rriten dhe forcohen, duke ndihmuar zhvillimin e shëndetshëm të artikulacioneve.

Forcohet sistemi imunitar dhe ju do të jeni më rezistentë ndaj baktereve dhe sëmundjeve. Ushqyerja e shëndetshme me ushqime të pasura me kripëra dhe minerale rrit dëshirën për aktivitet dhe lëvizje

Efektet afatgjata të veprimtarisë fizike dhe sportive mbi organizmin e njeriut Përfitimet nga aktiviteti fizik janë: fizike,  jetësore,  emocionale,  sociale  njohëse.

Në rritjen dhe zhvillimin e personalitetit, edukimi fizik ndikon fuqishëm. Veprimtaria fizike dhe sportive zhvillon shkathtësitë, cilësitë motore, aftësitë koordinatave, psikomotore, të cilat janë themeli i nevojshëm i pjesëmarrjes në stilin e mëvonshëm të jetesës dhe aktiviteteve sportive.

Zhvillim fizik, aftësi fizike, kulturë fizike dhe qytetare  Nga ushtrimi përfitohet zhvillim fizik, aftësi fizike, kulturë fizike dhe qytetare.

Emocionalisht lëvizja jep gëzim, optimizëm, shpresë, frymëzim, estetikë dhe harmoni.  Ushtrimi rrit vetëvlerësimin dhe raportin me shkollën për zhvillimin njohës dhe akademik, për një zhvillim karriere të suksesshme në të nesërmen.  Sportet në përgjithësi rrisin vetëbesimin dhe kjo ndikon në përmirësimin e gjendjes shpirtërore dhe emocionale.  Të rinjtë që marrin pjesë në sporte kanë arritje më të mira dhe zhvillojnë aftësi pozitive sociale. Fëmijët sportistë kanë më pak gjasa që të preken nga depresioni, pasi aktiviteti fizik ul nivelin e ankthit. Pjesëmarrja në sporte ofron mundësi të krijoni miqësi,

të menaxhoni humbjen dhe fitoren dhe mbi të gjitha të mësoni të ndiqni dhe të zbatoni rregullat.

Veprimtari praktike  Listoni rëndësinë e aktivitetit fizik-lëvizor shkollor në organizmin tuaj, duke menduar për efektet ditore dhe vjetore që ajo sjell (mësuesi i edukimit fizik mund t’ju ndihmojë me njohuri mbi synimet dhe rezultatet e të nxënit që do të përfitoni nga programi i gjithë vitit shkollor)

 Sipas germave të alfabetit, shkruani fjalët që lidhen me veprimtarinë fizike dhe efektet e saj në organizmin tonë. (p.sh. a - aftësi; b - BMI; c - cilësi etj.)

Faleminderit!

MERRNI NJOHURI SHTESË: Përdorni teknologjinë për të kërkuar informacion shtesë dhe formuloni përfundimet tuaja rreth temës “Lojërat tradicionale shqiptare dhe vlerat e tyre”.

(Kjo teme do zhvillohet orën e ardhëshme.)