Festa San Ġwann tas-Salib 2017

PARROĊĊA SAN ĠWANN TAS-SALIB TA' XBIEX

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

FESTA 2017

1

PARROĊĊA SAN ĠWANN TAS-SALIB TA' XBIEX

2

FESTA 2017

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

WERREJ Kelmtejn mill-Kappillan ......................................................2 Tbatija bil-paċenzja ......................................................3 Ritratt ta’ Qaddis ......................................................4 Messaġġ mis-Sindku ......................................................6 Infejqu l-ħsebijiet ta’ tbatija permezz ta’ San Ġwann tas-Salib ..................................................... 8 San Ġwann tas-Salib fl-arti ................................................... 10 PROGRAMM TAL-FESTA ................................................... 12 Feast of Saint John of the Cross ................................................... 15 Il-Festa mil-lenti tat-tfal ................................................... 16 Is-Salib u l-Imħabba ................................................... 17 Ġesù Kristu Hu l-Mulej ................................................... 20 Ċelebrazzjonijiet ta’ żmien il-Milied .................................................. 24

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

1

PARROĊĊA SAN ĠWANN TAS-SALIB TA' XBIEX

FESTA 2017

Kelmtejn mill-Kappillan Ix-xahar ta’ Novembru jfakkarna fil-festa tal-Padrun u Missier tagħna San Ġwann tas-Salib. Qaddis li ħajtu kienet dejjem immarkata mill-imħabba t’Alla u għalhekk seta’ jħobb dejjem u fil- verità anke quddiem is-salib. San Ġwann ma kellux ħajja faċli: sa minn mindu kien żgħir esperjenza tbatija fil-familja, u anke fil-ħajja tiegħu bħala patri mill-istess ħutu reliġjużi, imma baqa’ jżomm il-ħarsa tiegħu fuq Ġesù sal-mewt. Kien jaf u emmen bis-sħiħ li biex tħobb trid tbati anke fis-skiet, iktar u iktar meta l-imgħallem tiegħek hu Ġesù.

Ma stenniex aħjar; San Ġwann fehem xi tfisser l-imħabba, li l-imħabba hi Alla nnifsu, u għex għaliH. Kien jaf li l-imħabba t’Alla kienet imħabba konkreta, mhux astratta jew imħabba artifiċjali, imma li Alla sar bniedem u ta ħajtu għalih.

San Ġwann tas-Salib mhux il-qaddis tad-dlam, mhux il-qaddis tal-biża’, mhux il-qaddis li trid tħares lejh mill-bogħod, mhux il-qaddis tat-tbatija biss; hu l-qaddis tal-imħabba għax għaraf li mingħajr l-imħabba t’Alla ngħixu fid-dlamijiet u d-dell tal-mewt.

San Ġwann għex ferħan, u miet ferħan, għalhekk seta’ jgħid il-frażi tant sabiha, frażi li nsibuha mniżżla fuq il-presbiterju tal-knisja tagħna, ‘‘Fejn m’hemmx l-imħabba, qiegħed l-imħabba, u tieħu l-imħabba’’.

U bħala Kappillan filwaqt li nistedinkom biex tieħdu sehem fiċ-ċelebrazzjonijiet liturġiċi li se jsiru fil-ġimgħa tal-festa, irrid ngħid grazzi kbira u minn qalbi lil kulħadd għall-għajnuna li dejjem irċevejna mingħandkom.

Fl-istess ħin, inħarsu ‘l quddiem lejn is-sena 2019, sena li fiha niċċelebraw il-ħamsin sena minn mindu l-knisja tagħna saret parroċċa. Kien fl-1 ta’ Ġunju tas-sena 1969.

Grazzi mill-ġdid lil kulħadd u Ġesù jixħet il-barka tiegħu fuqna lkoll.

Patri Salv Spagnol o.c.d. – Kappillan

2

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Tbatija bil-paċenzja Li titkellem fuq paċenzja u tbatija hija ħaġa li la hija prattikata u anqas ma jifhmuha dawk li jħobbu u jorbtu qalbhom mad-dinja. Jifhmuha u jippratikawha dawk biss li jħobbu lil Alla.

“O Mulej,” jikteb San Ġwann tas-Salib “ma nitlob xejn minnek ħlief li nbati għalik u li jiddisprezzawni minħabba fik” . Santa Tereża ta’ Ġesù spiss kienet tesklama: “O Ġesù tiegħi, jew inbati jew immut. ” Marija Maddalena de’ Pazzi kienet tistqarr: “Jiena rrid nsofri u ma mmutx ”.

Hekk jitkellmu l-qaddisin li jħobbu lil Alla, għaliex ruħ ma tistax turi li tħobb lil Alla jekk volontarjament mhux lesta li tbati għalih biex togħġbu. Din hija prova kbira li Ġesù Kristu tana tal-imħabba tiegħu għalina.

Bħalma Alla ħabbna meta ħalaqna, berikna bil-providenza tiegħu u jrid li aħna mmorru ngawduh fil-glorja ta’ dejjem: u ma setax juri mħabba akbar milli wera meta sar bniedem bħalna barra mid-dnub u għex ħajja ta’ tbatija u ħa fuqu għax ried Hu mewta l-aktar ħarxa u umiljanti fuq is-Salib għall-imħabba tagħna.

U issa kif nistgħu nirreċiprokaw din l-imħabba tagħna lil Ġesù Kristu? Billi ngħixu ħajja ta’ pjaċir u gosti mundani?

Inneħħu minn moħħna li Alla jiggosta jarana nbatu: in-natura ta’ Alla mhix natura li tħobb tara lill- bniedem jogħtor taħt il-piż tat tbatija u s-salib. Huwa Alla ta’ tjubija u mħabba bla qies li jixtieq jarana kuntenti u ferħana u kulmin jersaq lejh għall-wens speċjalment f’mumenti diffiċli, ikun milqugħ.

Imma minħabba l-kondizzjoni tagħna bħala nies midinba u l-gratitudni li għandna nuru lejn l-imħabba ta’ Ġesù aħna neħtieġu, għall-imħabba tiegħu, li ngħakksu lilna nfusna mill-pjaċiri u nħaddnu bil-ferħ is-salib li hu jagħtina, li nġorruh matul ħajjitna hawn fuq l-art u nimxu warajh. U dan biex wara mewtna jiġborna mieħhu fil-ferħ ta’ dejjem.

Alla ma għandu ebda xewqa li jarana nbatu, iżda billi Hu ġustizzja infinita, ma jistax iħalli l-iżbalji tagħna għaddejjin lixxi. U sabiex inpattu għalihom u jum wieħed nidħlu fid-dehra tiegħu għandna npattu għal dnubietna u nbatu għalihom bil-paċenzja jekk irridu li nkunu eternament imberkin. Ma tistax tkun isbaħ u ħelwa din ir-regola tal-providenza divina li darba ġġustifikati, għax ħallasna lill-Ġustizzja Divina bit-tbatija tagħna, inkunu salvi.

Itfa’ għajnejk fuq Ġesù, innoċenti, qaddis u divin, ibati matul ħajtu kollha: taħseb inti li n-Nisrani jista’ jgħid li jixbah lill-imgħallem tiegħu Ġesù jekk dan ifittex kumditajiet u pjaċiri li toffri d-dinja? Kif jista’ n-Nisrani jiftaħar li hu segwaċi ta’ Kristu jekk jirrifjuta li jaċċetta bl-umiltà u l-pacenzja l-kuntrarji li Alla jippermetti fuqu?

Niftakru dejjem li premju kbir jitlob tbatija kbira.

Patri Alfred Vassallo o.c.d. – Viċi Kappillan

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

3

PARROĊĊA SAN ĠWANN TAS-SALIB TA' XBIEX

FESTA 2017

Ritratt ta’ Qaddis Meta tħares lejh, tintebaħ bla ma trid li dan il-bniedem kellu xi ħaġa differenti.

Ta’ ftit kliem, imma l-ftit li kien jgħid kien jagħmel ħafna sens. Ma kienx jintilef fix-xejnijiet meta jitkellem, imma l-ftit kliem tiegħu kien jiswa immens. Kellu xeħta awstera imma malli jiftaħ fommu, il-ħlewwa u l-imħabba kienu joħorġu naturali. F’ċertu sens biss kienet tgħodd l-ewwel impressjoni li kien jagħti, għax imbagħad meta ssir tafu tagħraf kemm kien ħaj u tieħu pjaċir bih.

San Ġwann tas-Salib ma kienx ifittex il-popolarità. Kien ta’ importanza kapitali għar-Riforma tal-ħajja Karmelitana li xtaqet Santa Tereża minn Avila. Kienet issejjaħlu d-“duttur ċkejken” tagħha għal raġunijiet ovvji: kellu intelliġenza impekkabbi, imma kien qasir ukoll. Fl-intelliġenza kien “duttur”, u fit-tul kien “qasir”. Patri Jeronimo de San Josè, huwa l-aħjar bijografu li ġabar u organizza t-tagħrif li kiseb minn xhieda differenti. Hekk jgħidilna dwar San Ġwann tas-Salib: “Il-patri venerabbli kien bejn qasir u għoli medju, proporzjonat sew f’ġismu, għalkemm irqiq minħabba l-penitenza riġuruża li kien jagħmel. Wiċċu kien ta’ lewn samrani, pjuttost magħlub, iktar tond milli tawwali; kien fartas u jġiblek qima b’daqsxejn xagħar quddiem. Ġbinu kien wiesa’; għajnjejh suwed b’ħarsa ġentili.

Il-ħuġbejn ta’ għajnejh kienu ffurmati sewwa. Ħalqu u xofftejh, mal-bqija kollha ta’ wiċċu u ġismu, kienu proporzjonati tajjeb.

“Kien iħalli l-leħja tikbirlu ftit hekk illi bil-libsa tiegħu ta’ suf aħrax kienet tintlemaħ iktar venerabbli u edifikanti.”

Deskrizzjoni qasira u eżatta. Patri u soru li kienu jafuh sewwa – Eliseo de los Martires u Maria de San Pedro minn Beas – jagħtuna bejn wieħed u ieħor l-istess ritratt.

Imma flimkien mal-qoxra ta’ barra, ir-ritratt tal-Qaddis tinkludi wkoll il-karatteristiċi tal-karattru tiegħu. Minn dawk li kienu jafuh, nafu li kellu xi ħaġa x’tiġbdek kif iġib ruħu, fl-imġiba tiegħu, kif iżomm ruħu bħala persuna. Jgħidulna kellu xeħta speċjali, imġiba qaddisa mogħtija lilu minn Alla, li fil-preżenza tiegħu tħossok f’preżenza qaddisa li ġġiblek rispett.

Kien tip ħaj u jidher li skopra ħafna f’ħajtu. Kien jaghtik l-arja ta’ bniedem liberu, enerġetiku. Kien bniedem distakkat, mhux minħabba l-mortifikazzjoni, imma minħabba l-libertà ġewwenija li kien igawdi. L-affarijiet li ma kinux neċessarji, kienu ta’ tfixkil għalih. Kellu qalbu tajba u jifhmek daqskemm daqstant ieħor kien iebes u aħrax miegħu nnifsu.

Saħansitra qabelnn ma kiteb l-opri tiegħu, kien magħdud bħala bniedem profond u b’intelliġenza bħal xafra msinna tajjeb. Dan kien jidher fl-għarfien tiegħu tal-Bibbja, fit-tagħlim tat-teoloġija, u fid-dixxerniment spiritwali. Il-professuri tal-Università ta’ Baeza faħħruh u rieduh għalihom.

Karatteristika li ftit insemmu ta’ San Ġwann tas-Salib hi li kien bniedem ferrieħi. Kien jidħaq ftit imma jitbissem ħafna. Meta kien superjur, kien jiddispjaċih jara lil ħutu mdejqin. Kien joħroġhom fl-għelieqi u

4

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

fil-pajsaġġi miftuħa. Kien jidħol għall-uffiċċju li jieħu ħsieb il-morda, jaqta’ l-melankonija tagħhom b’servizz mill-qalb u jgħidilhom xi storja jew ċajt ukoll. Personalità tal-ġenn.

Karatteristika qawwija ta’ San Ġwann tas-Salib kienet il-fraternità. Din kienet il-pedament ta’ kif kien iġib ruħu ma’ sħabu. Il-prestiġju u x-xogħol tiegħu fit-tmexxija tar-Riforma ma kinux jinterferu mas-sempliċità li kien iħobb iżomm fir-rapporti tiegħu mal-oħrajn.

Is-segretarju tiegħu kien iqisu li ma jżommx il-pożizzjoni tiegħu ta’ superjur fil-visti li kien jagħmel. San Ġwann kien jaf fejn hi l-verità, ġieli kkorreġa, imma b’imħabba u sempliċità. It-temperament affettiv tiegħu kien jagħtih ħafna iktar. Il-karità fraterna fuq kollox. Ma kienx xi predikatur magħruf imma l-eżempju tiegħu kien jista’ jkaxkar lil min kien ta’ rieda tajba. Bniedem li skopra teżor fil-persuna ta’ Ġesù, u fit-talb kien ikabbar l-intimità miegħU. Hija din l-unjoni m’Alla li għaniet il-personalità tiegħu, l-intelliġenza tiegħu, u s-sigriet ta’ ħajtu. Meta tħares lejh – u mhux biss tarah ta’ fuq fuq – tintebaħ li Alla jeżisti u Ġwanni huwa opra fina u kollha mħabba ħierġa mill-idejn ħalliieqa tiegħu. Huwa mera ta’ meta l-bniedem u Alla jsiru ħaġa waħda.

Il-Festa t-Tajba!

P. Manwel Schembri o.c.d. – Pirjol

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

5

PARROĊĊA SAN ĠWANN TAS-SALIB TA' XBIEX

FESTA 2017

Messaġġ mis-Sindku Għeżież ħbieb, Nibda billi nsellem lill-parruċċani kollha u nirringrazzja lill-Kappillan talli bħal kull sena jagħtini spazju sabiex nitkellem ftit dwar ix-xogħol li jkun qed isir mill-Kunsill.

Din kienet sena importanti għalina, partikolarment fejn tidħol aċċessibbiltà.

Irranġajna bosta bankini, qlajnihom u għamilnihom ġodda, sabiex jagħtu dehra isbaħ, filwaqt li jkunu aktar prattiċi. Tissokta Triq Sir Temi Zammit, jiġifieri t-triq tal-Knisja tagħna, fejn wara li kienet ilha snin mhux fl-aqwa kundizzjoni, ħassejna li għandna ntuha d-dehra li jixraqilha, b’investiment ta’ eluf ta’ ewro, li jinkludi sistemi ġodda tal-ilma u drenaġġ, aċċessibbiltà aħjar u dehra ferm isbaħ, sabiex tikkumplimenta mal-ġmiel tal-Knisja ta’ San Ġwann tas-Salib f’ Ta’ Xbiex.

Dan il-Kunsill matul din is-sena kompla wkoll javvanza fiż-żamma tal-ambjent. Filwaqt li nkomplu nħeġġu s-separazzjoni tal-iskart, ħassejna li kellna nagħtu iktar għażla lir-residenti dwar il-ġbir tal-iskart. Filfatt minn dan ix-xahar daħħalna borża oħra mħallta (sewda) kull nhar ta’ Tnejn flimkien mal-borża organika, sabiex inkopru ġbir ta’ skart tat-tip ta’ ‘nappies’ u ‘litter’ tal-annimali li kien qed ikun ta’ problema biex jinżamm fiddjar bejn is-Sibt u l-Erbgħa. Madanakollu nfakkar li din il-miżura mhijiex biex neliminaw il-ġbir ta’ skart organiku ta’ nhar ta’ Tnejn, iżda biex tikkumplimenta din il-ġabra. Huwa importanti ħafna li nkomplu nisseparaw, partikolarment il-ġbir ta’ skart organiku li huwa importanti ħafna fejn jidħol żvilupp sostenibbli. Miżura oħra ġdida li daħħalna hija ġabra oħra fix-xahar għall-ħġieġ. Għalhekk issa flok darba fix-xahar, il-ħġieġ ser jibda jinġabar darbtejn fix-xahar. Fit-triq tal-Kunsill ippreparajna wkoll kontenituri għall-ħwejjeġ użati, sabiex dawn jiġu wkoll rċiklati, filwaqt li intom ikollkom ukoll aktar spazju fil-gwardarobbi tagħkom. Nemmnu li fejn tidħol indafa għandu jsir ukoll aktar infurzar sabiex jiġu evitati l-abbużi minn ċerti individwi. Huwa ta’ dispjaċir għalija li nara ħmieġ barra minn nies irresponsabbli, li jaraw biss mill-bieb ‘il ġewwa. Nemmen li issa għandna skema magħmula eżatt għall-ħtiġijiet tar-residenti ta’ Ta’ Xbiex u min jabbuża għandu jerfa’ r-responsabbiltà. L-aġenzija LESA hija responsabbli mill-operat tal-gwardjani lokali u mhuwiex il-Kunsill. Għaldaqstant bħala Kunsill nistennew iktar minn din l-aġenzija, partikolarment fis-settur tal-ambjent.

Ma kienx kumbinazzjoni li kemm ilu dan il-Kunsill dejjem intrebaħ il-Green Council Award għal erba’ snin konsekuttivi minn fost il-Kunsilli Lokali ta’ Malta u Għawdex kollha li jaqgħu taħt l-iskema tal-Green Mt. Dan huwa grazzi għar-residenti li dejjem ikkollaboraw magħna u rrispondew tajjeb għad-direttivi u inizjattivi tagħna. Huwa għalhekk li f’dan il-lokal nemmnu li għandu jinġibed ħabel wieħed u l-awtoritajiet għandhom jissapportjawna f’dak li nagħmlu.

Kienet sena fejn organizzajna bosta korsijiet edukattivi li dejjem qed iżidu fil-parteċipazzjoni minn sena għal sena. Dan barra numru ta’ ħarġiet kulturali li jżommu din il-komunità magħquda. Infakkar li kulħadd huwa mistieden għall-korsijiet edukattivi u ħarġiet kulturali li nagħmlu, li jkunu wkoll fuq in-notice board tal-knisja.

Nagħlaq billi nawgura l-festa t-tajba lill-Komunità Tereżjana, lill-parruċċani, residenti u ħbieb. Nappellalkom sabiex kemm jista jkun tipparteċipaw kemm tistgħu fil-programm sabiħ tal-festa li hemm imħejji għalina.

Max Zammit D.L.I.S (Melit.)

Sindku ta’ Ta’ Xbiex

6

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

FESTA 2017

7

PARROĊĊA SAN ĠWANN TAS-SALIB TA' XBIEX

FESTA 2017

Infejqu l-ħsebijiet ta’ tbatija permezz ta’ San Ġwann tas-Salib Fil-ħajja ħafna huma n-nies li jqattgħu ħajjithom isofru minn ħafna wġiegħ emozzjonali frott tal-ħafna ħsebijiet jew memorji ta’ tbatija li jkunu sofrew fl-imgħoddi. Il-kitbiet ta’ San Ġwann tas-Salib jistgħu jkunu duwa ta’ fejqan u purifikazzjoni minn dawn il-ħsebijiet u memorji ta’ tbatija f’ħajjitna. San Ġwann tas-Salib duttur tal-Knisja u mistiku Nisrani permezz tal-kitba tiegħu joffrilna triq ta’ purifikazzjoni minn dawn il-ħsebijiet u l-memorji ta’ tbatija. Għalkemm dan il-qaddis għex fis-seklu sittax huwa diġà joffri ħsebijiet ta’ psiko-terapija spiritwali li jistgħu jkunu mezz ta’ terapija u fejqan għal min jixtarrhom.

San Ġwann tas-Salib jisħaq ħafna li l-ħsebijiet u l-memorji ta’ tbatija f’ħajjitna jistgħu jitfejqu b’mod gradwali grazzi għall-virtù teologali tat-tama – virtù li Alla żera’ fir-ruħ tagħna permezz tas-sagrament tal-magħmudija. It-tliet virtujiet teologali: Fidi, Tama u Mħabba għandhom ikunu duwa ta’ fejqan għalina l-bnedmin proprju għax dawn il-virtujiet jitfgħu l-ħarsa tagħna fuq Alla li huwa s-sors tal-imħabba u l-fejqan. Għalhekk San Ġwann tas-Salib permezz tal-kitbiet tiegħu jsejhilna niffokaw fuq waħda minn dawn il-virtuijiet teologali jiġifieri dik tat-TAMA biex b’hekk nakkwistaw il-fejqan minn tant ħsebijiet, memorji u turmenti ta’ tbatija f’ħajjitna. Dan il-qaddis li tant ġarrab tbatijiet hu stess, jitlobna kontinwament ngħixu l-kelmiet: ‘Itlaq kollox’ u warrab kull ħsieb li jinkwetak fil-ħajja. Irridu nħallu l-virtù tat-Tama tgħammar fil-ħsebijiet tagħna u allura tfejjaqna gradwalment minn dak kollu li jtaqqalna ħalli bhekk nakkwistaw il-ħelsien’ fi Kristu Rxoxt. Ejjew nieħdu l-każ ta’ persuna li tikser saqajha. Din il-persuna jkollha tgħaddi minn operazzjoni u terapija bit-tama li tfiq. Hekk bħalma t-tama hi meħtieġa għal fejqan talġisem hekk ukoll it-tama hi meħtieġa għal fejqan tal-moħħ u tar-ruħ. San Ġwann tas-Salib isostni li ma’ din il-virtù tat-tama aħna l-bnedmin nirċievu wkoll il-grazzja t’Alla li tgħinna nfiequ minn kull forma ta’ tbatija f’ħajjitna. Però sabiex inkunu nistgħu ngħixu din il-virtù tat-tama jeħtiġilna nipprattikaw l-eżerċizzju tat-talb u l-meditazzjoni f’ħajjitna.

San Ġwann tas-Salib jgħid li meta aħna ngħixu l-virtù tat-tama din “teħlisna minn ħafna tbatija, turmenti u dwejjaq” ħaġa li hu stess isejħilh ‘barka eċċezzjonali’ (AMC, III, 4). Tajjeb ngħidu li fil-psikoloġija konjittiva moderna magħrufa bħala Cognitive Behavioral Therapy (CBT) li wieħed jidentifika u jaħdem biex jelimina l-ħsebijiet li jinkwetawh huwa mezz ta’ fejqan fih innifsu.

San Ġwann tas-Salib jgħid hekk dwar il-ħsebijiet li jinkwetawna u t-tama: “Meta ninsew lil Alla allura l-ħsebijiet tagħna jegħrqu fiż-żmien…Dan id-difett jinklina l-ħsebijiet tagħna biex naraw l-affarijiet fuq livell orizzontali, fuq linja taż-żmien li jaħrab…Li tinsa lil Alla ma jħalliniex naraw li l-mument ta’ issa huwa wkoll vertikali - marbut miegħu hemm l-eternità li ma tinbedilx u d-Divinità li ssejħilna ngħixu l-mument ta’ issa b’tali mod li permezz tal-merti aħna nakkwistaw din l-eternità… Li tikkontempla lil Alla jfisser li tara l-affarijiet fuq linja vertikali fejn kollox jgħaddi ħlief Alla… Li tegħraq fiżżmien ifisser li tinsa l-valur taż-żmien jiġifieri r-relazzjoni mal-eternità.” (tradott minn Father GarrigouLaGrange, The Three Ages of the Interior Life) Hekk San Ġwann tas-Salib jisħaq li aħna nistgħu nakkwistaw il-fejqan mit-tbatijiet tagħna permezz tat-tama fl-eternità. Dan il-ħsieb ifakkarni fil-ġrajja tar-Re Karlu Stwardu I tal-Ingilterra fejn il-ħsieb tal-eternità għenu jirbaħ il-biża’ tal-mewt meta ftit qabel ma l-Puritani qatgħulu rasu nstema jgħid: “Jien kuntent li nħalli din id-dinja korrotta biex nidħol f’saltna bla korruzzjoni fl-eternità”.

8

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Għalhekk it-tama f’Alla hija duwa li tippurifikana mill-ħsebijiet tat-tbatija f’ħajjitna. Iktar ma jirnexxielna niffokaw il-ħsebijiet tagħna f’Alla l-Imbierek permezz tat-talb iktar allura nesperjenzaw il-fejqan mit-irannija tal-ħsebijiet li jkissruna u jfixkluna. Hawn ta’ min isemmi dak li San Ġoġg Preca kien iħobb jgħid: “Aħdem għal Alla ruħi għax jekk taħdem għall-bnedmin la jkun jafhulek Alla u lanqas il-bnedmin… ħsieb li jinkwetak mhux ġej minn Alla għax Alla tagħna hu Alla tal-paċi”.

Iktar ma jirnexxielna nibqgħu ankrati mal-linja vertikali li hi Alla allura aktar ngħixu ħielsa mill-ħsebijiet u l-memorji tat-tbatija tal-ħajja.

San Ġwann tas-Salib għalhekk jagħtina dan il-parir: “…kulmeta jiġuk f’moħħok ħsebijiet ta’ tbatija titfax ħarstek fuqhom iżda immedjatament itfa’ ħarstek fuq Alla, żvojta l-ħsebijiet kollha tiegħek f’imħabba affettiva lejn Alla”. (tradott minn The Ascent of Mount Carmel, Bk. III, chap. 14) Għalhekk fuq il-passi ta’ San Ġwann tas-Salib ejjew ngħixu ħajjitna f’intimità m’Alla u meħlusin minn kull ħsieb li jinkwetana jew jitturmentana. Ejjew ma nibqgħux naraw il-problemi tal-ħajja fuq livell orizzontali iżda nitfgħu ħarsitna fuq livell vertikali – lejn Alla l-Imbierek – li hu l-uniku ħellies u faraġ tagħna.

miktub minn Martin Azzopardi sdc B.A. (Hons) P.G.C.E., M.A. (Melit.)

Membru tas-Soċjetà tad-Duttrina Nisranija, M.U.S.E.U.M kif ukoll għalliem ġewwa l-Kulleġġ ta’ Santa Margerita Sekondarja Maġġuri Verdala ġewwa Bormla.

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

9

PARROĊĊA SAN ĠWANN TAS-SALIB TA' XBIEX

FESTA 2017

San Ġwann tas-Salib fl-arti San Ġwann tas-Salib (1542 – 1591), il-qaddis, il-poeta mistiku, huwa meqjus bħala figura prinċipali fl-istorja tal-Knisja u għalhekk ma jistax jonqos li xbiehetu tiġi manifestata matul iż-żminijiet f’diversi espressjonijiet artistiċi. Ħafna mill-kwadri li għandna ta’ San Ġwann tas-Salib huma pjuttost modesti f’dak li huwa livell artistiku. L-awturi tagħhom jew ma nafuhomx jew mhumiex tant rinomati. B’danakollu xorta waħda jqanqlu devozzjoni qawwija lejn dan il-qaddis. Ħafna drabi San Ġwann jidher quddiem il-kurċifiss b’idejh miftuħa jew imsallbin fuq sidru f’att ta’ orazzjoni. Kwadri oħra juru lill-qaddis fi dialogu mal-kurċifiss jew ma’ Kristu bis-salib fuq spaltu. Kwadru partikulari jurih b’subgħajh ma’ ħalqu u s-sawt f’idejh bħallikieku qed juri l-importanza tas-skiet u tal-mortifikazzjoni fil-ħajja kontemplattiva. Att ta’ xbihat oħra juruh mar-riformatrici tal-Ordni Karmelitan, Santa Tereża ta’ Avila. Dawn it-tipi ta’ kwadri insibuhom f’mużewijiet aktarx żgħar jew monasteri marbuta mal-qaddis. F’dan il-kuntest, l-idjoma devozzjonali tieħu soppravvent fuq l-aspett artistiku.

Arti aktar sofistikata Matul is-seklu sbatax ir-rappreżentazzjoni ta’ San Ġwann tas-Salib saret aktar drammatika u sofistikata.

Filwaqt li l-livell artistiku għola, dan sar għas-skapitu tad-devozzjonalità li xbihat meqjusa naive kellhom is-seħer li jikkonservaw.

Statwa polikroma ta’ San Ġwann tas-Salib inħadmet fl-1675 mill-artist Francesco Antonio Gijon (1553 -1721), għall-patrijiet Karmelitani Skalzi ta’ Sevilja, fi Spanja. Illum tista’ tiġi ammirata ġewwa l-Gallerija Nazzjonali tal-Arti f’Washington. L-istatwa turi l-istil tat-tieni nofs tas-seklu sbatax meta l-Barokk kien fl-aqwa tiegħu. Il-qaddis jidher b’ħarstu ‘l fuq ifittex l-ispirazzjoni divina qabel jikteb. It-tonka u l-kappa huma mżejna b’disinji dehbija, liema dekorazzjoni kienet komuni ħafna fi Spanja u fil-kolonnji tagħha. Is-sieq ix-xellugija tal-isttwa hija sporġuta ‘l barra sabiex jinħoloq aktar moviment skultorju, imma forsi wkoll sabiex juri dettal importanti fejn wara r-riforma tal-Ordni Karmelitan, il-patrijiet tal-ordni l-ġdid bdew jilbsu s-sandli.

Fil-pittura Barokka, kwadri bħal ta’ Arcangelo Aquilini (1562 – 1611), u Nicolo Lorense (1632 – 1695), saru idjoma popolari ħafna. Iżda l-aktar kwadru importanti ta’ dan il-perjodu li juri lil San Ġwann tas-Salib tpitter mill-artist Spanjol Francesco De Zurbaran (1598 - 1664), fl-1656. Illum dan il-kwadru jinsab fil-Mużew tal-Arċidjoċesi ta’ Katowice fil-Polonja.

F’dan il-kwadru San Ġwann jidher bħala żagħżugħ iħares lejn kurċifiss li

10

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

jżomm f’idu l-leminija. Fl-id l-oħra jżomm ras ta’ mewt, simbolu tal-penitenza. F’dan il-kwadru, Zurbaran jinterpreta lill-figura ta’ San Ġwann ‘il bogħod mid-drammaċità li tidher fil-kwadri tiegħu ta’ madwar l-1630. Id-dawl li jdawwal il-qaddis, għalkemm għadu jevoka l-influwenza Caravaggeska, mhuwiex kuntrastuż tant li jevoka emozzjonijiet għolja. Id-dawl sar għal Zurbaran element ta’ kontemplazzjoni mistika. In-naturaliżmu impekkabli li l-artist jirnexxielu jgħammed b’dija spiritwali, partikolarment lejn l-aħħar snin ta’ ħajtu, jevoka li l-qdusija għandha l-għeruq tagħha f’dak li hu uman.

Era moderna L-aktar pittura famuża tas-seklu għoxrin li hi marbuta ma’ San Ġwann tas-Salib hija dik ta’ Salvador Dali (1904 - 1989), li pitter fl-1951. Din il-pittura tinsab fil-Kelvingrove Art Gallery fi Glasgow. Il-kwadru juri lil Kristu msallab hekk kif jidher min-naħa ta’ fuq. Meta pitter dan il-kurċifiss, Dali kellu f’moħħu d-disinn li listess San Ġwann tas-Salib kien ħażżeż bejn l-1574 u l-1577 waqt viżjoni li kellu. Fuq in-naħa t’isfel tal-pittura tidher il-bajja tal-port ta’ Llgat fejn Dali kien residenti dak iż-żmien. Dali kien artist eċċentriku u hu stess jgħid li meta għamel din il-pittura kien ispirat minn ħolma fejn ra din l-immaġni bil-kulur u li hu interpreta bħala l-unità vera tal-univers li huwa Kristu.

San Ġwann tas-Salib u l-Astratt L-astratt hija lingwa pittorika li għalkemm għadda ħafna żmien minn fuqha, ħafna għadhom ma jistgħux jirrelataw magħha. Huwa veru li din il-forma ta’ arti hija suġġettiva ħafna u huwa veru wkoll li xi kultant isservi bħala paravendu għal dawk li jipproduċuha. Din tal-aħħar tnaffar ħafna nies jew tnissel dubji fihom li ġġegħielhom iwarrbuha. Fil-verità, l-astratt jimpenja lill-artist daqs jekk mhux aktar minn dawk li jipproduċu l-figurattiv.

L-artist Amerikan Larry Day (1921 – 1998) ipproduċa xogħol tajjeb ħafna li huwa marbut ma’ San Ġwann tas-Salib; Landscape for Saint John of the Cross. Din tinstab fil-Woodmere Art Museum ġewwa Philadelphia.

Jekk wieħed iħares sew lejn dan il-kwadru, imdawwal ukoll mill-isem tiegħu, jista’ jassoċċja ċerti linji u kuluri ma’ pajsaġġ. Imma fil-verità, il-linji u l-kuluri tant jintisġu tajjeb flimkien li s-sens tal-figurattiv jgħib kważi għalkollox u lispettatur jitħalla fil-libertà (jekk irid), li jinterpreta wkoll personalment.

Nikkonkludi billi ngħid li l-arti hija lingwa meraviljuża li titfa’ dwal differenti fuq prattikament kollox li hawn fid-dinja u madwarna. Permezz tagħha ħafna persunaġġi, ġrajjiet u mkejjen setgħu jiġu apprezzati aktar u dan minn perspettivi diversi. San Ġwann tas-Salib mhux eċċezzjoni.

Twanny Spagnol FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

11

PARROĊĊA SAN ĠWANN TAS-SALIB TA' XBIEX

FESTA 2017

Il-Ġimgħa, 3 ta’ Novembru - Adorazzjoni 5.30pm Rużarju.

6.00pm Quddiesa.

6.30pm Adorazzjoni biex il-festa tħalli frott spiritwali u tkabbar fina l-imħabba lejn San Ġwann tas-Salib.

It-Tnejn, 13 ta’ Novembru - Jum il-Vokazzjonijiet Saċerdotali u Reliġjużi 5.30pm Rużarju.

6.00pm Quddiesa minn Patri Karm Spiteri ocd, promotur tal-Vokazzjonijiet Tereżjani fi ħdan il-Provinċja Karmelitana Tereżjana. Il-kant isir mill-aħwa Annmarie u Joana Mifsud.

It-Tlieta, 14 ta’ Novembru - Jum it-Tfal u Vestizzjoni tal-Abbatini 5.00pm Ċelebrazzjoni ta’ ferħ mit-tfal tal-Parroċċa u dawk li jattendu d-duttrina. Issir purċissjoni bl-istatwa ta’ San Ġwann tas-Salib.

6.00pm Quddiesa minn Fr. Brian Gialanze Kappillan tal-Kalkara, li fiha ssir il-vestizzjoni ta’ Shemor u Keene Spiteri. Il-kant isir minn Suzanne Azzopardi Cachia Castelletti u Louise Cachia Castelletti. Wara l-Quddiesa t-tfal kollha jingħataw BORŻA ĦELU. L-Erbgħa, 15 ta’ Novembru - Jum l-Anzjani 9.30am Quddiesa għall-Morda, dawk li huma weħidhom u l-Anzjani li fiha jiġi amministrat is-Sagrament tal-Griżma tal-Morda. Iqaddes Patri Philip Cutajar ofm.cap. Il-kant waqt il-Quddiesa jsir mis-Sur Andrew Cauchi. Wara l-Quddiesa jkun hemm Entertainment fis-Sala Parrokkjali bil-parteċipazzjoni ta’ Benny Grima.

5.30pm Rużarju.

6.00pm Quddiesa li fiha jiġi mġedded il-mandat tal-Letturi. Iqaddes Patri Charles Tabone op.

Il-kant waqt il-Quddiesa jitmexxa minn Anna Xerri.

12

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Il-Ħamis, 16 ta’ Novembru - Jum l-Għaqdiet u l-Kummissjonijiet fi ħdan il-Parroċċa 5.30pm Rużarju.

6.00pm Quddiesa bis-sehem tal-Għaqdiet u l-Kummissjonijiet li jaħdmu fil-Parroċċa. Iqaddes il-Kappillan Patri Salvino Spagnol ocd. Il-kant isir minn Sonia u Paul Salerno.

Il-Ġimgħa, 17 ta’ Novembru - Jum il-Familja 5.30pm Rużarju.

6.00pm Quddiesa li għaliha huma mistiedna l-familji kollha tagħna animata mill-Kummissjoni Familja. Iqaddes Patri Alfred Vassallo ocd, Viċi-Kappillan. Il-kant waqt il-Quddiesa jitmexxa minn Jessica Galea.

Is-Sibt, 18 ta’ Novembru - Lejlet il-Festa 5.30pm Rużarju.

5.55pm Translazzjoni Solenni bir-Relikwija tal-Missier tagħna San Ġwann tas-Salib.

6.00pm Konċelebrazzjoni mmexxija mill-Provinċjal Patri Juan DeBono ocd b’omelija fuq ilqaddis. Il-kant isir mill-Kor tal-Parroċċa taħt id-direzzjoni ta’ Mro. Gino Mulé Stagno.

Il-Ħadd, 19 ta’ Novembru - Jum il-Festa 7.00am Quddiesa.

8.30am Quddiesa mill-Kappillan tal-Imsida Dun Norman Zammit.

10.00am Quddiesa bl-Ingliż.

11.30am Quddiesa mill-Kappillan tal-Gżira Dun Karm Tanti.

5.30pm Rużarju.

5.55pm Tingħata l-Barka Sagramentali.

6.00pm Konċelebrazzjoni mmexxija mill-Provinċjal Patri Juan DeBono ocd. Jippriedka fuq San Ġwann tas-Salib Patri Marcello Girlando ofm. Il-kant isir mill-Kor tal-Parroċċa taħt id-direzzjoni ta’ Mro. Gino Mulé Stagno.

Wara jsir Riċeviment għal Kulħadd fis-sala tal-Kunvent.

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

13

PARROĊĊA SAN ĠWANN TAS-SALIB TA' XBIEX

FESTA 2017

Friday 3rd November – Eucharistic Adoration

14

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Friday 3rd November - Eucharistic Adoration 17.30 Rosary.

18.00 Mass.

18.30 A Holy Adoration will focus on increasing spiritual fruit and our love towards St. John of the Cross.

Monday 13th November - Priestly and Religious Vocations Day 18.00 Fr. Karm Spiteri o.c.d., promoter of Teresian Vocations within the Teresian Carmelite Province will celebrate Mass. Singing will be led by the sisters Annmarie and Joana Mifsud.

Tuesday 14th November - Children’s and Altar Servers’ Day 17.00 A joyous celebration by the Parish’s children and those that attend Catechism Classes via a procession with the statue of St. John of the Cross.

18.00 Fr. Brian Gialanze, the Kalkara Chaplain, will celebrate Mass during which there will be the investiture of Shemor and Keene Spiteri. Singing will be led by Suzanne Azzopardi Cachia Castelletti and Louise Cachia Castellitti. After the Mass the children will be given treats.

Wednesday 15th November - Day for the Elderly 09.30 Fr. Philip Cutajar o.f.m.cap will celebrate Mass for the sick, those who live alone and the Elderly, during which the Anointment of the Sick will be administered. Singing during the Mass will be conducted by Mr. Andrew Cauchi. After Mass there will be some entertainment in the Parish Hall which will include the participation of Benny Grima.

17.30 Rosary.

18.00 Fr. Charles Tabone o.p. will celebrate Mass during which the mandate of the lectors will be renewed. The singing during the Mass will be led by Anna Xerri.

Thursday 16th November - Day for Groups and Commissions within the Parish 17.30 Rosary.

18.00 The Parish Priest Fr. Salvino Spagnol o.c.d. will celebrate Mass with the participation of the Groups and Commissions within the Parish. Singing will be led by Sonia and Paul Salerno.

Friday 17th November - Family Day 17.30 Rosary.

18.00 Fr. Alfred Vassallo o.c.d, Associate Parish Priest, will celebrate Mass. All our families are invited to participate; the Mass will be animated by the Family Commission. The singing will be led by Jessica Galea.

Saturday 18th November - Eve of the Feast 17.30 Rosary.

17.55 Solemn Translation of the Relic of our Father St. John of the Cross to the main altar.

18.00 Concelebration led by the Provincial Fr. Juan DeBono o.c.d., with a homily about the Saint. The singing will be done by the Parish Choir led by Mro. Gino Mulé Stagno.

Sunday 19th November - Feast Day 07.00 Mass.

08.30 Mass celebrated by Fr. Norman Zammit, parish priest of Msida.

10.00 English Mass.

11.30 Mass celebrated by Fr. Karm Tanti, parish priest of Gzira.

17.30 Rosary.

17.55 The Eucharistic Benediction is given.

18.00 A Concelebration led by the Provincial Fr. Juan Debono o.c.d. The homily on St. John of the Cross will be delivred by Fr. Marcello Girlando o.f.m. The singing will be conductd by the Parish Choir under the direction of Mro Gino Mulé Stagno. Afterwards there will be a Reception for everyone in the Parish Hall.

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

15

PARROĊĊA SAN ĠWANN TAS-SALIB TA' XBIEX

FESTA 2017

Il-Festa mil-lenti tat-tfal li rċevew is-Sagrament tal-Konfermazzjoni din is-sena Ħadt tassew pjaċir li ġejt mistieden mill-kappillan Patri Salv sabiex nikteb kelmtejn għall-programm tal-festa ta’ San Ġwann tas-Salib.

Għalkemm jien mhux mill-parroċċa ta’ Ta’ Xbiex, iżda mwieled l-Imsida, il-Parroċċa ta’ San Ġwann tas-Salib hija tassew importanti f’ħajti; fiha tgħammidt, għamilt l-Ewwel Tqarbina u f’Ottubru li għadda rċieviejt is-sagrament tal-Griżma tal-Isqof.

Jiena nsib il-festa ta’ San Ġwann tas-Salib bħala waħda sempliċi iżda li fis-sempliċità tagħha din tagħmilha festa iktar spiritwali. Billi ċ-ċelebrazzjonijiet isiru kważi kollha ġewwa l-knisja, din il-festa tgħinek tħoss x’għandha tkun festa Nisranija. Jiena din il-festa togħġobni ħafna iktar minn dawk il-festi b’ħafna bombi u sparar. Matul il-ġimgħa tal-festa, aħna t-tfal wkoll ikollna ġurnata b’ċelebrazzjonijiet apposta għalina.

Jiena nħossni tassew milqugħ f’din il-parroċċa u nixtieq nieħu din l-opportunità biex nawgura l-festa t-tajba lit-tfal kollha ta’ Ta’ Xbiex.

Bradley Suda

Il-qaddis patrun tal-lokalità ta’ Ta’ Xbiex huwa San Ġwann tas-Salib.

Il-festa ta’ San Ġwann tas-Salib tiġi ċċelebrata f’Novembru.

Din il-festa hija differenti mill-festi li jiġu ċċelebrati f’irħula u bliet oħra madwar Malta. Minflok il-ħafna storbju, tiżjin, baned u logħob tan-nar, il-festa tar-raħal tagħna hija waħda aktar spiritwali. Il-festa tiġi ċċelebrata fil-knisja b’diversi attivitajiet li jsiru matul il-ġimgħa tal-festa.

Isiru laqgħat, taħditiet u attivitajiet għat-tfal, anzjani, gruppi lokali u familji. Ma jonqosx li jkollna xi mistieden speċjali li jispjegalna aktar f’dettal fuq il-qaddis patrun tagħna u l-ħajja eżemplari u qaddisa tiegħu.

Intemmu ċ-celebrazzjonijiet b’quddiesa solenni ddedikata lil San Ġwann tas-Salib.

Għalina li ngħixu f’Ta’ Xbiex, din hija ġimgħa tassew speċjali li fiha nersqu aktar viċin ta’ Alla.

Luna Fenech

16

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Is-Salib u l-Imħabba Malli tidhol fil-knisja ta’ Ta’ Xbiex mingħajr ma trid għajnejk imorru fuq is-salib kbir li hemm imwaħħal mal-ħajt wara l-artal. Dan is-salib, magħmul mill-ferrobattuto hu kbir u prominenti u fuqu hemm ix-xbieha ta’ Ġesù msallab – is-salib maqtugħ mill-ħajt u l-figura ta’ Ġesù timpressjonak li jidher minn fuq u l-figura tal-Imgħallem tidher mill-ġenb u mhux mill-quddiem. Dan is–salib kien imnebbaħ minn tpinġija ta’ San Ġwann tas-Salib. Kristu mejjet fuq is-salib u maqlugħ ‘il barra u idejh miftuħin. Is-salib qiegħed ukoll fl-għoli biex jidher minn kulħadd u l-idejn miftuħin qegħdin hekk biex jilqgħu lil kull min irid imur għandu. Mhux lili u lilek iżda lil kulhadd ta’ kull ġens u ta’ kull kulur.

Taħt dan is-salib għandek tara kwotazzjoni tal-istess qaddis u din tgħid hekk: ‘‘Fejn m’hemmx imħabba qiegħed l-imħabba u tieħu l-imhabba.’’ Il-kwotazzjoniet ta’ San Ġwann tas-Salib huma ħafna u l-messaġġ tagħhom huma fuq l-imħabba universali – dik ta’ Alla lejn il-bniedem u tal-bniedem lejn Alla kif ukoll tal-bnedmin lejn xulxin – imħabba mistika li tgħinek tgħix ħajja tajba u biex tgħinek tmur ħdejn il-ħallieq tiegħek wara ż-żmien tiegħek f’din id-dinja.

Is-simbolu tas-salib u l-kwotazzjoni jdaħħluk f’atmosfera ta’ devozzjoni liema bħalha.

Fil-Knisja, f’waħda min-navi, hemm statwa ta’ San Ġwann tas-Salib – il-figura tal-qaddis hi imponenti – hu qiegħed wieqaf iħares b’ċerta ħarsa impressjonanti lejn salib li qed iżomm f’idu x-xellugija. Dan il-qaddis mistiku għaraf li dak li miet fuq is-salib wera mħabba liema bħalha – kien altruista għall-aħħar billi miet għal ħaddieħor, fil-fatt għal kulħadd, biex kull wieħed minna jinfeda minn kull dnub u jkun jista’ jmur il-ġenna miegħu wara mewtu.

San Ġwann tas-Salib hu wieħed mid-dutturi tal-Knisja Kattolika. Kien ukoll studjuż kbir tal-Bibbja u fiha sab lil Ġesù mhux bħala ħakkiem tirann li lest isawwat u jaħqar lill-bniedem għan-nuqqasijiet tiegħu iżda, għalkemm setgħan, dan Alla, għal dan i-qaddis, hu bħal dak il-missier tal-parabbola tal-Iben Prodigu li ma semax minn missieru u berbaq flusu u kulma kellu biex fl-aħħar mar lura għand missieru u dan laqgħu b’idu miftuħa u għannqu miegħu, biesu u għamel festa kbira talli ibnu mar lura d-dar. Il-missier feraħ li ibnu nidem mill-ħtija tiegħu u mar lura d-dar. Dan il-missier ħafer lil ibnu u wrieh xi tfisser tħobb bla kundizzjoni. Alla tagħna mhux Alla tal-biża’ iżda hu Alla tal-imħabba. Min iħobb għalhekk ikun viċin Alla.

Dawn il-ħsibijiet joħorġu ċari u qawwija mill-kitbiet ta’ San Ġwann tas-Salib.

Parabbola oħra li turi l-imħabba lejn il-bnedmin hi dik tas-Sammaritan it-Tajjeb fejn is-Sammaritan jieħu ħsieb bniedem, li ma kienx Sammaritn bħalu, li safa’ msawwat u misruq mill-ħallelin. Ħa ħsiebu, dewwieh u ħadu f’lukanda fejn il-magħdur għadda għall-aħjar. Hawnhekk Alla jrid juru li għandna nħobbu lil kulħadd anki l-għedewwa tagħna – xi ħaġa diffiċli iżda mhux impossibbli bl-għajnuna ta’ Alla.

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

17

PARROĊĊA SAN ĠWANN TAS-SALIB TA' XBIEX

FESTA 2017

Meta lil Kristu staqsewh liema hu l-akbar kmandament qalilhom biex iħobbu lil Alla fuqkollox u lill-proxxmu kollu bħalhom infushom. Għalhekk jekk wieħed iħobb għandu post il-ġenna garantit għax ftit li xejn jista’ jagħmel żbalji. Li tħobb lil min iħobbok hi ftit jew wisq faċli iżda li tħobb lil xi ħadd li jagħmillek id-deni hi ftit li xejn kważi diffiċli iżda mhux impossibbli bis-saħħa tal-ħallieq.

Kull meta Kristu kien jiltaqa’ ma’ xi ħadd it-tislima tiegħu kienet tkun dejjem l-istess: ‘‘Il-paċi magħkom.’’

Fejn hemm il-paċi hemm l-imħabba u fejn hemm l-imħabba hemm il-paċi. Mhumiex l-istess iżda waħda tiġbed lill-oħra. Dan kollu jfisser li Alla jrid li l-paċi u l-imħabba jirrenjaw fil-ħajja tagħna ta’ kuljum. Kristu joffri l-paċi għax hu, fl-istess ħin, jaf li l-paċi trid taħdem għaliha biex takkwistaha u mhix ħaġa faċli anzi pjuttost diffiċli.

Fil-ħajja tiegħu fuq din l-art Ġesù dejjem ta eżempju tal-imħabba f’dak kollu li għamel. L-ewwel miraklu tiegħu Kristu għamlu fit-tieġ ta’ Kana fejn dawwar l-ilma f’inbid biex jifirħu l-miżżewġin friski u l-mistednin tagħhom. L-imħabba tal-miżżewġin friski kienet għalhekk imbierka mill-Mulej li għolla l-għaqda taż-żwieġ bejn mara u raġel għal sagrament. F’din l-għaqda li tista’ tagħti l-frott bit-twelid tal-ulied li huma wkoll ulied il-Mulej. Alla jagħti t-tfal lill-koppja biex jieħdu ħsiebhom u jgħinuhom jitgħallmu u jħobbu bl-eżempju tagħhom f’ambjent familjari mimli mħabba. L-isbaħ imħabba hi dik ta’ mara u raġel fiż-żwieġ fejn jikkumplimentaw lil xulxin f’imħabba reċiproka.

Kristu wera mħabba liema bħalha kull darba li qajjem lil xi ħadd mill-ewt. Dan għamlu kemm biex juri l-kobor tiegħu kif ukoll biex juri mħabbtu lejn il-bniedem. Alla jaf li l-mewt hi xi ħaġa diffiċli għalina l-bnedmin u għalhekk juri kompassjoni lejn il-mejjet u n-nies li jiġu minnu. Biss fil-qawmien ta’ Lazzru mill-mewt Ġesù wera mħabbtu fil-beraħ billi beka għal ħabibu li kien miet. Ġesù qajmu mill-mewt kemm biex juri mħabbtu u biex juri s-saħħa tiegħu fuq il-mewt. Hemm it-tifsira li l-mewt tagħna mhix l-aħħar kelma. Bis-saħħa t’Alla kull bniedem jerġa’ jqum għall-ħajja ta’ dejjem. Imħabbitna tfisser ħafna – il-preju tagħna jiddependi fuq kemm inkunu ħabbejna f’ħajjitna. San Ġwann tas-Salib għaraf kemm il-qawwa t’Alla kif ukoll imħabbtu lejn il-bniedem.

San Pawl u San Ġwann tas-Salib it-tnejn għarfu li l-imħabba hi xi ħaġa tal-meravilja. Ħobb u jħobbuk. Alla tant ħabb il-bniedem li għamel il-bniedem xbieha tiegħu billi tah id-don tal-ħsieb u intelliġenza. Fl-użu tal-ħsieb tiegħu l-bniedem joħloq ħwejjeġ ġodda. Alla ta lill-bniedem ftit mill-kobor tiegħu u għamlu kmand fuq il-ħolqien kollu, kemm fuq il-ħxejjex u kemm fuq l-annimali kollha, u għalhekk il-bniedem għandu juri rispett u mħabba lejn il-ħolqien kollu kemm hu.

San Ġwann tas-Salib jurina t-triq lejn il-ħajja ta’ dejjem.

Paul Michael Camilleri Akkademiku Rtirat

18

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

FESTA 2017

19

PARROĊĊA SAN ĠWANN TAS-SALIB TA' XBIEX

FESTA 2017

Ġesù Kristu Hu l-Mulej Kemm il-darba kantajn dan il-kliem, speċjalment wara l-konsagrazzjoni tal-Ġisem u d-Demm ta’ Sidna Ġesù Kristu waqt il-Quddiesa! Imma jkolli nagħmel mistoqsija: kemm il-darba jiena u inti fhimna l-veru tifsira ta’ dak li konna qed inkantaw?

“Jekk inti tistqarr b’fommok li Ġesù huwa l-Mulej u temmen f’qalbek li Alla qajmu mill-imwiet, inti tkun salvat” (Rumani 10, 9). Jiena kont preżenti fiċ-Circus Maximus ġewwa Ruma lejlet il-Pentekoste ta’ din is-sena flimkien ma’ madwar 80,000 persuna ġejjin minn 128 pajjiż differenti. Taħt xemx tiżreġ, Padre Raniero Cantalamessa, predikatur appostoliku (jiġifieri tal-Papa u l-Kurja Vatikana), stedinna biex nipproklamaw flimkien dan il-vers, mill-ittra ta’ San Pawl lir-Rumani, għal diversi drabi.

Huwa kompla jgħid: “f’dan il-post fejn ninsabu aħna, it-trab tal-art huwa maħsul bid-demm ta’ eluf ta’ martri li ngħataw il-mewt għax ipproklamaw li Ġesù hu l-Mulej. U ngħataw il-mewt għad-divertiment tal-folol miġbura hawn” F’dawk iż-żminijiet, l-imperatur Ruman biss seta’ jiġi meqjus bħala l-mulej u għalhekk, kulmin kien jipproklama li Ġesù kien il-Mulej, kien jistħoqqlu l-mewt.

Bilqiegħda ftit passi ‘l bogħod minn Padre Raniero kien hemm jisma’ b’attenzjoni kbira, il-Papa Franġisku.

U madwar il-Papa kien hemm bilqiegħda ħafna mexxejja ta’ knejjes Insara Protestanti. Kien propju l-Papa nnifsu li xtaq li din iċ-ċelebrazzjoni ta’ Pentekoste, magħmula fl-okkażjoni tal-Ġublew (50 sena) mill-bidu tat-Tiġdid Kariżmatiku, kellha ssir fiċ-Circo Massimo u li jkollha dimensjoni ekumenika (jiġifieri bil-preżenza ta’ Kristjani minn Knejjes diversi li lkoll jagħrfu lil Ġesù bħala l-Mulej).

Il-Papa saħaq, kif jagħmel ħafna drabi, li fiż-żminijiet li qed ngħixu llum hawn aktar martri milli kien hemm fl-ewwel żminijiet tal-Knisja. Kompla jgħid: “dawk li qed joqtlu l-Insara ma joqogħdux jistaqsuhom: ‘inti Kattoliku’ jew ‘inti Luteran’ jew ‘inti Ortodoss’....? Le, jistaqsuhom biss: ‘inti Nisrani’ u jekk dawn jgħidu iva, joqtluhom minnufih. Dan huwa ekumenizmu tad-demm li jgħaqqad il-martri tal-lum f’xhieda waħda”.

Mela hemm “ħtieġa urġenti għall-għaqda tal-Insara, magħqudin bil-ħidma tal-Ispirtu s-Santu...... nimxu flimkien, nitolbu flimkien, inħobbu lil xulxin, iva nħobbu lil xulxin. Flimkien nippruvaw nifhmu d-differenzi biex naslu għal ftehim, imma nagħmlu dan waqt li mexjin. Jekk nibqgħu fejn aħna, mingħajr ma nimxu, qatt ma naslu biex niftiehmu. U dan qed iseħħ għax l-Ispirtu jridna mexjin fi triqitna.”

Il-kuntest ta’ Pentekoste huwa importanti għax kien dakinhar li l-Ispirtu ġab ġns diversi flimkien. Il-Papa kompla jisħaq fuq din “l-unità fid-diversità” fl-omelija li għamel l-għada l-Ħadd waqt il-Quddiesa fi Pjazza San Pietru. Padre Cantalamessa wkoll stqarr li l-Pentekoste huwa bħal rivoluzzjoni Kopernikana (Copernicus skopra li kienet id-dinja li ddur max-xemx u mhux ix-xemx mad-dinja). Dawk li bnew it-torri ta’ Babel tħawdu u ma setgħux jiftiehmu għax qiegħdu l-bniedem, lilhom infushom, fiċ-ċentru tal-proġett tagħhom. Imma f’Pentekoste, iċ-ċentru sar l-istqarrija li Ġesù hu l-Mulej. U permezz ta’ din l-istqarrija, l-Ispirtu ġab din l-unità fid-diversità u l-bnedmin issa bdew jiftiehmu minkejja li kienu jitkellmu b’ilsna differenti.

20

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FESTA 2017

Papa Franġisku kompla jitkellem dwar tliet punti essenzjali: a. Il-magħmudija fl-Ispirtu: kif ġara f’Pentekoste, skont il-wegħda ta’ Ġesù nnifsu, id-dixxipli preżenti ġew mgħaddsa fl-Ispirtu u ħajjithom sfat ittrasformata. Din l-esperjenza tal-Ispirtu għadha ħajja llum ukoll u tingħata lil dawk kollha li jitolbuha f’isem Ġesù. Kif kien talab il-Papa San Ġwanni XXIII, “Ġedded l-għeġubijiet tiegħek fi żminijietna bħal f’Pentekoste ġdid.” b. it-talb tat-tifħir: Papa Franġisku kompla jgħid li t-tifħir huwa “t-talb ta’ gratitudni u ringrazzjament għall-imħabba bla qies ta’ Alla. Hija t-talba li nsibuha kontinwament fit-tradizzjoni biblika. Is-Salmi pereżempju: ir-re David jiżfen mimli bil-ferħ quddiem l-Arka tal-Patt ....u jekk jogħġobkom, taqgħux f’attitudni ta’ Nsara li għandhom ix-xejra ta’ Mikal (mart David) li stmerritu għall-mod kif kien qed ifaħħar ‘l Alla”( 2 Sam 6,16) ċ. is-servizz lejn il-bniedem: il-Papa kompla “mhux biżżejjed li nfaħħar b’mod profond jekk ma ngħinx lil dawk li l-aktar jinsabu fil-bżonn. Fil-ktieb tal-Atti naqraw ‘ma kienx hemm fosthom persuna waħda li kienet fil-bżonn’ (Atti 4,34). Aqdu lill-ifqar u l-morda: dan huwa li l-Knisja u l-Papa jistennew minnkom”.

Wara li smajna dan, nistħajjel tistaqsuni xi jfisser dan kollu għalijna speċjalment meta qed nitħejjew biex niċċelebraw il-festa ta’ San Ġwann tas-Salib? Il-verità hi li, kif jgħidilna San Pawl, aħna lanqas biss nistgħu ngħidu “Ġesù hu l-Mulej” jekk ma nkunux imqanqla mill-Ispirtu (1 Kor 12,3). L-Ispirtu huwa dak li dejjem jipponta lejn Ġesù: Huwa biss jista’ jwassalna għall-għarfien profond ta’ Ġesù bħala persuna ħajja li jien nista’ jkolli relazzjoni personali magħha bħal kif għandi ma’ marti u ma’ wliedi. U meta jien verament nagħraf lil Ġesù bħala persuna ħajja, jiena nkun irrid inbiddel ħajti (konverżjoni) u hawnhekk ukoll hu l-Ispirtu li jmexxini u jqawwini biex nagħmel dan il-proċess ta’ bidla. L-Ispirtu jagħmilni bniedem ġdid, maħluq skont ix-xbieha ta’ Ġesù nnifsu: jiġifieri jagħtini l-karattru ta’ Ġesù (il-frott tal-Ispirtu). U l-Ispirtu ma jħallinix hemm imma jibgħatni biex naqsam l-aħbar ta’ ħajja ġdida mal-ohrajn (evanġelizazzjoni) sabiex, bħall-mara li marret timla l-ilma mill-bir ta’ Sikar jew l-imxajtan li tfejjaq fid-Dekapoli, immur nistqarr mal-oħrajn l-għeġubijiet kbar li l-Mulej għamel f’hajti. Nagħmel tiegħi l-istqarrija ferrieħa li għamlet ommna Marija fil-Magnificat.

Naħseb li nista’ ngħid b’konvinzjoni li dan huwa s-sigriet li kull qaddis skopra f’ħajtu. Din hija l-ġawhra ta’ prezz kbir u t-teżor moħbi fl-għalqa li San Ġwann tas-Salib u l-qaddisin li ġew qabilna skoprew f’ħajjithom.

Dan hija l-ġawhra li jien ukoll qed niskopri u li inti, ħija u oħti, tista’ tiskopriha wkoll jekk biss temmen u titlob l-Ispirtu s-Santu jagħtihielek.

Jalla San Ġwann tas-Salib jidħol għalina lkoll quddiem il-Missier Etern u b’ħeġġa kbira jitolbU biex dak li skopra hu u li kien lest li jbati tant ingustizzji basta li ma jitlifx din il-ġawhra prezzjuża, jirrivelah lilna lkoll.

Ammen.

Philip Leone-Ganado FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

21

PARROĊĊA SAN ĠWANN TAS-SALIB TA' XBIEX

22

FESTA 2017

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

FESTA 2017

23

PARROĊĊA SAN ĠWANN TAS-SALIB TA' XBIEX MILL-15 SAT-23 TA’ DIĊEMBRU 5.30pm 6.00pm

FESTA 2017

NOVENA TAL-MILIED

Rużarju.

QUDDIESA bil-kant u l-omelija minn P. Damian Cachia O.Carm.

IL-ĦADD 17 TA’ DIĊEMBRU Nilqgħu fostna lill-E.T. Mons. Charles J. Scicluna Arċisqof ta’ Malta.

Ilkoll mistiedna niltaqgħu miegħu għall-Quddiesa tal-11.30am.

IL-ĦADD 24 TA’ DIĊEMBRU

LEJLET IL-MILIED

11.00pm

Velja bil-kant tal-Milied bis-sehem tal-Marivyan Quartet u l-organista Mro. Gino Mule Stagno.

12.00am

Quddiesa Solenni tat-twelid tal-Mulej Ġesù li fiha ssir il-priedka tal-Milied minn Kendra Bartolo. Wara l-Quddiesa jkollna refreshments imħejjija mill-Kummissjoni Djakonija fis-sala Parrokkjali.

ATTIVITAJIET OĦRA IT-TLIETA 19 TA’ DIĊEMBRU 5.00pm

Purċissjoni bil-Bambin bis-sehem tat-tfal li jattendu l-klassijiet tal-katekiżmu.

IL-ĦAMIS 21 TA’ DIĊEMBRU

4.30pm

PARTY TAL-MILIED għat-tfal li jattendu l-klassijiet tal-katekiżmu.

IS-SIBT 16 TA’ DIĊEMBRU

8.00pm

24

BUFFET DINNER

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

PARROĊĊA SAN ĠWANN TAS-SALIB TA' XBIEX

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA

FESTA 2017

25

PARROĊĊA SAN ĠWANN TAS-SALIB TA' XBIEX

26

FESTA 2017

FEJN M’HEMMX IMĦABBA QIEGĦED L-IMĦABBA U TIEĦU L-IMĦABBA