Ko Te Kōhanga Reo ō ngā uri whakakeke o te rohe.
l
'Te Rā Hākinakina - TKR'
l
Pipiwharauroa
Page 8
Te Hauora ō Tūranganui ā Kiwa
Mauri Ora Mokopuna Mā! Ko te reo kia tika! Ko te reo kia rere! Ko te reo kia Māori! I te wiki kua mahue ake, i paaho te reo ō Māhaki ki ngā Kōhanga Reo puta noa i te Tairāwhiti whānui mai i Wharekahika huri noa kia whakaeke mai ki te Papa Whakangahau ō Tūranganui kia huihui tahi ki te waiata, ki te kanikani, ki te mahi i ngā mahi ā Rēhia. Kapi katoa ngā tahataha o ngā pari i te rau neke atu o te mahi a te tangata. Ahakoa ngā kūrakuraku o te wā, e kore e tukua aua raru hai whakapōrearea i ngā whakahaere o te kaupapa. I konei, ka kitea te pono o ngā whānau ō tēnei rohe ki te kaupapa o Te Kōhanga Reo, arā ko te reo. Ko te reo kia tika, ko reo kia rere, ko te reo kia Māori. Nō tēnei rā ka rangonahia te pākaha o te reo e akongia ana i roto i ō rātou kōhanga. E ono ngā purapura whakahaere o tēnei rohe, mai i Wharekahika ki Te Aitanga ā Māhaki, ā i whakatakotoria ngā whakaritenga mā ia rohe hai kawe mō te painga o te mokopuna. Koinei te kaupapa i tau mai ki te aroaro o Māhaki ko te whakahaere rā whakangahau, ana me te aha, i kitea e te marea te kaha tautoko ā ngā whānau i te kaupapa. He rangi whakakotahi, he rangi whakawhanaungatanga. Ehara ko ngā Kōhanga anake i whakatū waewae, engari i puta mai ō rātou tūākana mai i ngā kura o Tūranganui me Hauiti. I tū rātou ki te whakangahau, ki te pārekareka, ki te whakaharikoa i te minenga i whakarauika. I whakamihia hoki Ngā Taiohi ā Hauiti, mō tō rātou haerenga mai ki te whakangahau. Nā tēnei huihuinga ka kitea, kei te ora tonu te whakaaronui i roto i tēna, i tēna mō te kaupapa o te Kōhanga Reo. Nā te aha, ko ngā mahi papai katoa i
He kohikohinga kōhanga - Waihirere, Pāhou, Rongowhakaata
kitea. Ei, kei te ora rawa atu te reo i tēnei moka o te whenua. I reira ngā pouā, ngā kuia, koroua, kōka, e whakanui ana i a rātou mokopuna me te kaupapa o Te Kōhanga Reo. Kei te mihi ki te katoa ō ngā roopu i haere mai ki te tautoko, ki te āwhina. Tēna koutou katoa. Kei te mihi hoki ki ngā toa hokomaha i tuku koha mai mā ngā mokopuna. Me huri ngā mihi ki a Louise Kingi me rātou i āwhina kia noho whakamaumahara tēnei rā ki te kaha, ki te pono ō ngā whānau ō Te Tairāwhiti ki te kaupapa ō Te Kōhanga Reo.
Ngā whānau tautoko
Kia kaha Tūranganui, hoea te waka kia ū ki uta! Kōrerotia te reo i ngā wā katoa! On behalf of Te Kōhanga Reo movement of Te Tairāwhiti, they would like to thank the Police, the Fire Department, the business of Gisborne for spending time and giving donations to make this a memorable and successful occasion for our children.
Photos courtesy of Shaan Te Kani Ko Te Kōhanga Reo ō Ngai Tāmanuhiri
Ko te kōhanga reo ō Te Pārekereke ō Te Reo