Hagai
SARIYE 1
1 Mangɛ Dariyusi xa mangɛya ɲɛ firin nde, kike senni nde, xi singe, Alatala naxa masenyi ti Salatiyeli xa di Sorobabeli bɛ, Yudaya gomina, Annabi Hage saabui ra, a nun Yosuwe xa di Sɛrɛxɛdubɛ kuntigi Yosedeki naxa a fala,
2 Alatala Sɛnbɛma xa masenyi nan ya, «Yi ɲama naxɛ, Alatala xa hɔrɔmɔbanxi ti tɛmui mu nu a lixi.
3 Na tɛmui Alatala naxa masenyi ti Annabi Hage saabui ra. 4 Waxati bara a li wo xa sabati wo xa banxie kui, yi banxi tan kanaxi?
5 Yakɔsi Alatala Sɛnbɛma xa masenyi nan ya. Wo xa wo ɲɛrɛ ki mato.
6 Wo bara sansi gbegbe garansan, kɔnɔ wo bara a xurun. Wo wo dɛgema, kɔnɔ wo mu wagama. Wo ye minma, kɔnɔ wo mu ganxi ye ra; Wo dugi raso ma, kOnO dugi yo mu na wo ma. Naxan wali sare sOtO ma a sare sOtO ma a xa a sa saki kui naxan yilixi.
7 Alatala Sɛnbɛma xa masenyi nan ya. Wo xa wo ɲɛrɛ ki mato.
8 Wo xa te geya fari, wo xa wuri fen, wo xa hɔrɔmɔbanxi ti. Alatala xa masenyi nan a ra, n ɲɛlɛxinma nɛ na ra.
9 Wo nu fe gbegbe nan mamɛfe, kɔnɔ wo bara a dondoronti. Wo to fa a ra wo xɔnyi, n naxa a rabɛɲin. Nanfera? Alatala Sɛnbɛma xa masenyi nan na ki.» N ma banxi xa fe ra naxan kanaxi, wo birin wo gife wo xɔnyi.
10 Na nan a toxi koore tan xini danma wo xun ma, bɔxi fan tan dansɛma.
11 N naxa a fala ye xɔɔra xa fa bɔxi ma, geyae ma, mɛngi, wɛni, ture, nun sansi xɔri, mixie, xurusee, nun sansi xɔrie ma. bElExE wali birin ma.
12 Salatiyeli xa di Sorobabeli, sɛrɛxɛdubɛ kuntigi Yosuwe Yosuwe, Yosedeki xa di, nun ɲama dɔnxɔɛ birin naxa e Marigi Alatala xui rabatu, a nun Annabi Hage xa masenyi ra, alɔ e Marigi Alatala a fala ki naxɛ a xɛɛ nɛ, ɲama naxa gaaxu Alatala ya i.
13 Na tɛmui Alatala xa xɛɛra Hage naxa Alatala xa masenyi ti ɲama bɛ, «Alatala xa masenyi nan ya: «N na wo sɛɛti ma.
14 Alatala naxa Salatiyeli xa di Sorobabeli, Yudaya gomina, nun Yosuwe, Yosedeki xa di, sɛrɛxɛdubɛ kuntigi, nun ɲama dɔnxɔɛ birin bɔɲɛ rate. E naxa siga wali rabade e Marigi Alatala Sɛnbɛma xa banxi kui.
15 Mangɛ Dariyusi xa mangɛya ɲɛ firin nde, kike senni nde, xi mɔxɔɲɛn nun naani nde ra.
SARIYE 2
1 Kike solofere nde xi mɔxɔɲɛn nun keren nde ra, Alatala naxa yi masenyi ti Annabi Hage saabui ra.
2 «A fala Salatiyeli xa di Sorobabeli bɛ, naxan na Yudaya gomina, a nun sɛrɛxɛdubɛ kuntigi Yosuwe, Yosedeki xa di, nun ɲama dɔnxɔɛe.
3 Nde luxi wo ya ma, naxan yi banxi to a tofanyi singe ra? Wo a toxi di yi waxati? Wo ya ma a mu luxi alo fe fufafu?
4 Kɔnɔ Alatala xa masenyi nan ya: «Kɔnɔ yakɔsi, i sɛnbɛ so Sorobabeli. I xa sɛnbɛ so, Yosuwe, Yosuwe, Yosedeki xa di, sɛrɛxɛdubɛ kuntigi. Alatala xa masenyi nan ya: «Wo
sɛnbɛ so, wo tan ɲama birin naxee na yi bɔxi ma, wo xa wali, barima n tan na wo sɛɛti ma.
5 Wo naxa gaaxu, alɔ n na saatɛ tongo wo bɛ ki naxɛ wo mini tɛmui Misira.
6 Alatala Sɛnbɛma xa masenyi nan ya. A gbe mu luxi sinden, n koore, bɔxi, baa, nun bɔxi rasɛrɛn.
7 N si birin nasɛrɛnma nɛ, n si birin waxɔnfe birin luma nɛ, n yi hɔrɔmɔbanxi rafema nɛ nɔrɛ ra.
8 N tan nan gbe gbeti ra, xɛɛma fan na a ra.
9 Alatala Sɛnbɛma xa masenyi nan ya: «Yi hɔrɔmɔbanxi dɔnxɔɛ xa nɔrɛ dangi a singe ra.»
10 Dariyusi xa mangɛya ɲɛ firin nde, kike solomanaani nde xi mɔxɔɲɛn nun naani nde ra, Alatala naxa masenyi ti Annabi Hage saabui ra.
11 Alatala Sɛnbɛma xa masenyi nan ya. I xa sɛrɛxɛdubɛe maxɔrin sɛriyɛ xa fe ma.
12 Xa mixi sube sɛniyɛnxi na a xa donma kui, a din taami ra, xa na mu a ra wɛni ra, ture ra, xa na mu a ra sube gbɛtɛ ra, na findima se sɛniyɛnxi nan na? Sɛrɛxɛdubɛe naxa a yaabi, «Ade.»
13 Na tɛmui Hage naxa a maxɔrin, «Xa mixi sɛniyɛnxi fure saabui ra, a a din na mɔɔli ra, a findima sɛniyɛntare ra?»
Sɛrɛxɛdubɛe naxa a yaabi, «A findima se sɛniyɛntare ra.»
14 Hage naxa a yaabi, «Alatala xa masenyi nan ya: Yi ɲama na ki nɛ. A nun e bElExE wali birin na na ki nE; E naxan sɛrɛxɛ bama mɛnni, a fan findixi se sɛniyɛntare nan na.»
15 Yandi, wo xa a mato, keli to ma han a raɲɔnyi, Alatala xa hɔrɔmɔbanxi kui, gɛmɛ yo nu dɔxɔma gɛmɛ nde fari tɛmui naxɛ.
16 Kabi na waxati, mixi nu fa se maniyɛ mɔxɔɲɛn malan yire, a xasabi mu nu toma fu ra.
17 N bara wo bɔnbɔ ye xɔɔra, tuuri, nun balabalanyi ra wo xa wali kui. Kɔnɔ wo mu gbilen n fɔxɔ ra, Alatala xa masenyi nan ya.
18 Kelife to ma han a raɲɔnyi, kike solomanaani xi mɔxɔɲɛn nun naani, keli Alatala xa hɔrɔmɔbanxi kɔɔrin lɔxɔɛ ma.
19 Sansi xɔri na bili kui? Awa, wɛni bili, xɔrɛ bili, grenadi, nun oliwi bili mu bogi raminima sinden, kelife to lɔxɔɛ ma n barakɛ sama nɛ wo ma.»
20 Alatala man naxa masenyi ti Hage bɛ na kike xi mɔxɔɲɛn nun naani nde ra.
21 «A fala Sorobabeli bɛ Yudaya gomina bɛ, ‹N koore nun bɔxi rasɛrɛnma nɛ.
22 N mangɛyae xa kibanyie rabirama nɛ, n si gbɛtɛe xa mangɛyae sɛnbɛ bama nɛ. N sɔɔri ragisee nun e ragimae ibɔɔma nɛ. Soe nun e ragimae fama nɛ gorode a ngaxakerenyi xa santidɛgɛma ra.
23 Alatala Sɛnbɛma xa masenyi nan ya, «Na lɔxɔɛ, n i tongoma nɛ, n ma konyi Sorobabeli, Salatiyeli xa di, n i findima nɛ tɔnxuma ra. .