Social Service Group, HKUSU
香港大學學生會 社會服務團
活動回顧 「『補補』高升」
低收入家庭學生義補活動 喺 4 月份，我地為中 三嘅同學仔親自設計教材同 提供數學義補，令佢地可以 喺考試上精益求精，順利揀 到心儀嘅選修科。最後仲有 指導活動，了解佢地學習上 嘅難處，分享下升學同讀書 嘅心得，互相交流～
「標新創異」 聯社企體驗活動 喺 6 月 份， 我 地 舉 辦 咗 聯社企體驗活動，一班港
大同學透過 SOCI game， 體 驗 長 者 和 SEN 兒 童 生 活 上 嘅困難，仲參與 咗 為期六星 期嘅社企實習✏️， 加深對本地 社企運作嘅認識，並從中吸 取經驗，同組員一齊構思一 個專為弱勢社群而設計嘅服 務。🥸 最 後 仲 有 教 授 指 導 工 作坊 🔆， 為參加者提供寶貴意 見 😆， 為求得出一個創新又可 行的 idea ！
「敏而好學」 低收入家庭兒童義教活動 我地喺六至七月舉辦咗義教活 動嘅第一期，俾港大嘅同學運 用自己嘅英文知識，設計課堂 內容，將英文嘅元素融入有趣 嘅活動，令小朋友能夠過一個 既開心又充實嘅暑假 !! 過往義工留言： Kenny Ng： 參加義教除左可以幫手舒緩低收入家庭嘅壓力，啲小朋友仲可以透過 呢個活動好開心咁學英文，活動過後真係覺得好滿足，好有成功感！
Cherry Lo: 喺準備教材同上堂嘅過程中令我對學生嘅個性、需要都有更深嘅認識。 可以喺五個星期之間見證住佢地嘅進步都令我感到莫大嘅滿足感。
「營聚 •Fireflies」 聯中學服務營 喺暑假，我地舉辦咗聯中學服 務營，希望以此去凝聚一班中 學生同大學生，一齊去關注、 服務社會上嘅弱勢社群。服務 營唔單止加深一班參加者對於 弱勢社群嘅了解，佢地仲可以 為弱勢社群親自設計同舉辦社 會服務添！
活動預告 「夢亦『童』趣」迎新營
OCAMP
嚟到 ocamp 梗係要玩 SOCI game 體 驗 各 種 人 生， 同 埋 化 身 成 偵 探 喺 Dgame 查 案 啦！ 仲 有 呀， ocamp 冇 campfire 又點算係難忘 嘅回憶呢？ 咪住先，仲未完㗎！除咗玩之外， 參加得我哋蛇蛇豬嘅 ocamp 梗係 仲 有 做 service 嘅 環 節 啦！ 仲 等 咩？一齊嚟同少數族裔嘅小朋友 找尋高掛喺天邊嘅夢想啦！
「敏而好學」 低收入家庭兒童義教活動 暑期嘅「敏而好學」低收入家庭 兒童義教活動話咁快就喺短短五 堂之後完咗啦 :( 不過唔緊要！嚟 緊十月一連五個星期六上晝就係 我地第二期嘅義教活動喇！歡迎 熱心服務又鍾意小朋友嘅港大同 學參加今次嘅義教活動，落手落 腳設計最啱小朋友嘅教材，一齊 分享學英文嘅樂趣！
「相『肢』相識」 肢體殘障人士體驗活動 嚟緊十月，我地將會舉辦肢體殘 障人士體驗活動，參加者可以坐 住輪椅，喺港大唔同嘅地方完成 任務，親身體驗肢體殘障人士嘅 日常生活，以及專為傷殘人士而 設嘅無障礙設施。咁有趣又有意 義嘅體驗又點可以錯過呢？！
「不『耆』而遇」 聯舍堂獨居長者探訪 我地將會喺 11 月同舍堂合作， 舉行一個獨居長者探訪活動，希 望聯同舍堂宿生，一齊透過上門 探訪去關心長者，可以喺呢個因 為疫情而少咗人際互動嘅社會之 下，帶比佢地溫暖！
「無家之家」露宿者活動 唔知大家對於露宿者嘅認識有幾 深 呢？ 嚟 緊 11 月 中， 我 地 邀 請 咗一位曾經係無家者嘅義工，帶 領我地遊走油尖旺一帶嘅露宿者 群體所在地，了解佢地嘅日常生 活、居住環境。當然唔少得同露 宿者傾下計，以及贈送物資，去 傳達我地嘅關愛啦！
「『童』遊港大」 兒童之家兒童活動 大家鍾唔鍾意小朋友呢？如果大 家鍾意同小朋友相處嘅，就一定 唔可以錯過呢個活動喇！ 嚟緊 11 月尾，我地將會為兒童 之家嘅小朋友舉辦一個同樂日， 到時會帶住佢地一齊喺港大校園 玩唔同嘅 checkpoint 遊戲。唔單 止可以讓小朋友感受到我地對佢 地嘅關懷，仲可以提高佢地對未 來升學嘅認知同興趣，系咪好有 意義呢？
贊助機構 （排名不分先後）
香港大學學生會社會服務團成立於 1950 年， 致力於幫助本地弱勢社群， 多年來為有需要人士舉辦不同類型的社會服務。 本團團訓為「服務實踐，自我教育」， 意為本團對有需要的服務對象伸出援手的同時， 團員亦能從中汲取經驗和學習知識， 可謂助人助己。
hkusussg
Social Service Group, HKUSU