A diversidade hídrica, vexetal e edáfica

A diversidade de ríos, lagos, zonas húmidas e acuíferos de España; a variedade dos seus bosques, matogueiras e prados; e os diferentes solos sobre os que se asentan obedecen á influencia de numerosos factores.

Entre eles destacan a disposición do relevo e a natureza do rochedo, a variedade climática e a acción humana.

Estes tres elementos do medio natural interaccionan e exercen unha marcada influencia sobre a poboación e sobre numerosas actividades humanas.

QUE VAS ENCONTRAR NESTA UNIDADE?

• A diversidade hídrica de España.

• A diversidade vexetal.

• A diversidade do solo.

• A interpretación de hidrogramas de caudal fluvial.

• A elaboración e o comentario de cliseries altitudinais.

Os contidos e as actividades desta unidade poden resultar de utilidade para a realización do proxecto multidisciplinario «Unha viaxe por España».