Årsmelding Åsen Vel 2020

1

ÅSEN VEL ÅRSMELDING 2020

Foto: Dagfinn Nyhammer Det er heva over ein kvar tvil at i Åsen Vel sin heiagjeng er det mange dugnadspersonar i alle aldre som verkeleg gjer ein solid innsats. Tilbodet som vi alle kan ta del i er blitt eit eldorado for alle, og skal vere for alle gjennom heile året. Tusen takk til deg som stiller på for fellesskapet.

Årsmelding Åsen Vel 2020

2

ÅRSMØTE

ÅSEN VEL På Mona Vekst 9. MARS 2021 kl. 20.00 SAKLISTE 1

OPNING v/leiar

2

KONSTITUERING - Val av møteleiar, referent og to til å signere møteboka

3

ÅRSMELDING 2020

4

MEDLEMSPENGAR 2021 – 200 ,-

5

REKNESKAP 2020 v/Ole Andre Aae

6

BUDSJETT 2021 v/Ole Andre Aae

7

VAL

8.

AVSLUTNING/YMSE

Foto: May-Britt Sægrov.

2 nye hockeymål på plass på Myra, takk til Chatlet for god handel og rask levering.

Årsmelding Åsen Vel 2020

3

STYRE Leiar

Birgith Hjelle Roset.

Styremedlem

Ole Andre Aae.

Styremedlem

May-Britt Sægrov.

Styremedlem

Jørn Lothe.

Revisor:

Martha Engeland.

Valkomite:

Jan Ivar Rise, Janne Akse og Dagfinn Nyhammer.

MØTE- OG DUGNADSAKTIVITET Styret har hatt fem styremøte gjennom året. Arbeidsfordelinga er fordelt - May-Britt har hatt ansvar for arrangement og tilrettelegging, samt vere bindeleddet med foreldregruppa. Jørn er kasserar og kontaktperson for dugnadsaktivitet. Ole Andre har heva fokus i styret med å sikre den økonomiske situasjonen, og saman har vi gjennom året hatt mål om å kvitte seg med kortsiktig gjeld og få kontroll på økonomien. På første styremøte etter årsmøtet satt styret seg mål for 2020 der tryggleik og økonomi skulle ha ekstra merksemd.

Byggenemnda med Paul-Rune, Jostein og Dagfinn i spissen har hatt mandagsjobbing på Myra, i tillegg til all anna dugnadsaktivitet gjennom året. Tusen takk for eit strålande engasjement, og som dei seier sjølve – «Kjekt om fleire vil vere med oss på føremiddagen mandagar, alle er velkomne.»

Firda Tidend hadde i slutten av mars ein artikkel om Åsen Vel, dugnadsarbeid med Svein Hjelmeset og Jostein Midtkandal i spissen. At mange vert klare over den gode jobben som er gjort er inspirerande for alle - både dei som jobbar der, men også for dei som brukar området.

Årsmelding Åsen Vel 2020

4

Fleire eldsjeler må nemnast ekstra, som Knut Ove Henden som bidreg stort i Åsen Vel. Han har kløyvd ved til den store gullmedalje, han stiller på med arbeidstimar og utstyr, og han bidrar til lotteriet med bilde han har teke sjølv. Du set dine spor i Åsen Vel, takk.

Fugleinteresser vert ivareteke stort i Åsen Vel. Takk til Svein Hjelmeset og Bukta 4H med fugleholkprosjekt som vi alle kan nyte godt av. Mange er einige om at dette er eit kunnskapsløft for mange, og er takknemlege for å få lov til å ta del i dette.

Toaletta har fått seg ein oppsving der mange har takka ja til å bidra med hjelp til å halde det reint gjennom året. Det er satt opp dugnadsliste, dette er også eit viktig arbeid når det er stor aktivitet og det i tillegg er pandemi. Foreldregruppa ytra ønske om å skaffe stellebord, og på kort tid fekk vi dette i gåve frå fornøgd brukar av anlegget.

Det er tradisjon tru mobilisert til stordugnad på våren og sommar der mange rydder, vasker og lager det fint til sommar- og haustaktivitet. Det blir rydda skog, rydda i stiar og vaska der det vaskast kan. I år var det stordugnad 7. mai og 13. august, og mange fann det kjekt å vere med på det fine arbeidet. Vi er takknemlege for at mange stiller på.

Holde orden på sin 100 meter? Det var spørsmålet styret kom med i sommar, og responsen var fantastisk. Mange husstander tok ansvar for området ved eigedomen sin, og hjalp oss i tillegg å påpeike at stiane ut av barkeløypa er viktige å huske på.

Vinteraktiviteten på Myra har vore formidabel. Kald desember i 2020 og dei to første månadane i 2021, la grunnlag for vinteraktivitetar på Myra. 12. desember vart første isen lagt, og den vart vedlikehalde til fram mot 20 februar. Jostein Midtkandal som primus motor, og med mange hjelparar, la ned om lag 400 persontimar i tilrettelegging, måking, snørydding og vatning av bana. I vinter var det kjekt å organisere denne dugnaden, sidan folk stilte så velviljug opp.

Snø kom det også i lysløypene. Her vart det køyrt løyper til glede for store og små skiløparar. Alt i alt har Myra, med is og skiløyper hatt fantastisk mange besøkande av born og unge frå Sandane og Nordstranda Skule, Barnehagane rundt Gloppefjorden, Firda Vgs, Nordfjord Folkehøgskule, Ungdom i Medvind (frå Byrkjelo) og andre organiserte og uorganiserte. Enkelte kveldar, etter skuletid, talde ein om lag 100 aktive på skøyteisen og i løypene. På dagtid har det til tider vore 3-4 klassetrinn samstundes i området. Det har vore ein minnerik vinter for Åsen Vel og dei som har jobba med å få dette til!

Årsmelding Åsen Vel 2020

5

ØKONOMI – MEDLEMSSKAP OG LOTTERI Stor takk til alle som har støtta Åsen Vel i eit vanskeleg år. Medlemskontingent er ei av dei viktigaste inntekstkjeldene, at vi lukkast med å gjennomføre god informasjon om aksjonen er avgjerande. I 2020 var det 237 betalande husstandar/personar som betalte medlemskontingent. Det er høve til å betale medlemsskap på vipps og direkte til kontonummer.

• • •

Medlemsavgifta i 2020 var kr. 400,- per husstand.

Kontonummeret er 3710.30.16259.

Vippsnummeret er 126161.

Lotteriet på slutten av året vart som vanleg ein suksess. Takk til Dagfinn Nyhammer som velvilleg losa oss gjennom lotteriprosessen, det kom inn i overkant av 39.000,- Tusen takk også her til alle som kjøpte lodd!

ÅSEN VEL SITT FRILUFTSOMRÅDE ER FOR ALLE Det er viktig for styret i Åsen Vel å snakke om dette. Det vert lagt til rette for alle, til alle årstider.

Servicebygg med toalett og fellesrom, samt garasje for å ta vare på utstyr. Grillhytta er alltid open, kan bestillast og vert nytta heile året gjennom. Stiane blir jobba jamt og trutt med på den lyse årstida, der ein jamner ut og legg på bark for å få det mjukast mogleg på eine sida av stien. På den andre sida er det igjen viktig at det er fast dekke på deler av stien slik at ein lett kan bevege seg for personar med rørslehemming. Det er kome innspel til sykkelstiar i terrenget som ikkje kjem i konflikt med fugleholkar og sti. Vi applauderer engasjement, og styret er positiv til vidare dialog rundt dette.

På vinteren vert det køyrt opp skiløyper som er tilrettelagt for både klassisk- og skøyteteknikk. Også dei gåande har fått sitt eige spor i denne løypa, takk til alle løysingsorienterte som tenker på alle. Vi heier fram denne kunsten.

Årsmelding Åsen Vel 2020

6

SPONSORAR Jan Ivar Rise har kompetanse på korleis skaffe pengar, utforme desse på beste måte og sende innan frist. Målet i 2020 var å hente inn kapital for å oppgradere området med leikapparat, og inntil vi får meir pengar i hende fortset jakta på kapital for å realisere dette. Det er strenge reglar rundt det å sette opp leikeapparat, og tusenlappane går fort når vi set i gang. I tillegg har ein del av pengane vi har fått i støtte vore øyremerka tilrettelegging av området. Vi har fått kr. 10.000,- frå Byrkjeloleikane, og dei vart nytta til innkjøp av masse til å jamne ut stien. Dei bratte bakkane er blitt slakkare, og det er tydeleg deling av stien der eine sida skal vere tilrettealgt for personar med rørslehemming.

Utover støtte nevnt ovanfor har vi mottatt støtte frå følgande gjevarar: Gloppen Kommune Gloppen Helselag Norsk Kystleir Jarle Hervik's minnefond Nordfjord Folkehøgskule Breimsbygda IL /Byrkjeloleikane Gloppen Sogelag Kulturmidlar, Gloppen Kommune Norsk Ornitologforening Bukta 4H

2 000 5 000 5 000 12 735 1 500 10 000 2 500 7 000 10 000 8 000

Vi rettar ein stor takk til alle som har kome med sine bidrag gjennom året.

Det herlege vinterveiret med minusgrader har markert seg ved å legge til rette for ski- og skøyteaktivitet på Myra. Etter snøfall over tid har vi sett behov for å sette fokus på innkjøp av ATV for blant anna å rydde skøytebana. Engasjerte har utfordra styret og Jan Ivar til å lage søknad til blant anna Sparebankstiftinga for å førebu neste sesong. Vi vil samstundes fortsette arbeidet med å skaffe midlar til leikeapparat.

TRYGGLEIK I anlegg som Myra er det alltid prosjekt å ta tak i. Styret har i tillegg til å sikre økonomien hatt fokus på tryggleik. Stolpane er eit eige prosjekt som vi tek på høgste alvor, og det er gjennomført synfaring på alle stolpane i løypa. Målet er å skifte ut fem stolpar per år, det betyr ein kostnad på kr. 15.000,- i året som vi budsjetterer med kvart år.

Parkering er eit anna tema som styret med fleire har vore opptekne av. I september var styreleiar i kontakt med Gloppen kommune rundt parkeringstilhøve. Med auka bruk av området i det fine vinterveiret har det bydd på nokre utfordringar rundt parkering, og tryggleik har blitt viktig å snakke om. Styret i Åsen Vel vil starte jobben med å sjå på mulighet for å ha eit mindre område for parkering, og vil fremje eit forslag om ny detaljregulering for dette området. Styret held fram med dette arbeidet i 2021, og vil hente ressursar utover styremedlemer for å få dette i gang. Årsmelding Åsen Vel 2020

7

GLAD I OMRÅDET PÅ MYRA Det er fint å oppleve at Myra betyr mykje for mange. At minnegåve etter Jarle Hervik vart gitt til Åsen Vel er eit eksempel på at området betyr ein forskjell, og at det ligg hjertet nær å støtte opp om utviklingsarbeidet her. Tusen takk til familien Hervik.

Gode tilbakemeldingar gir inspirasjon til vidare arbeid. Å heie på kvarandre er meir teneleg enn å kritisere, dei fleste blir glade av å få god omtale. I sosiale media er det ein stor heiagjeng som roser arbeidet som blir gjort opp i sky. I den daglege talen har Myra eit godt rykte, og det er lett å be om hjelp. Mange har eit nært forhold til naturområdet, og det er ulike meiningar rundt kva som skal til for å få det perfekte anlegget. Det er fint med engasjement, styret med dugnadsgjeng samkøyrer aktivitet gjennom året for å realisere prosjekt ut frå den økonomiske situasjonen.

COVID-ÅRET 2020 Det meste av arrangement på Myra etter 13. mars har vore innstilt, eller gjennomført etter gjeldande smittevernsreglar. Jonsokfeiring vart avlyst, dugnad vart gjennomført med smittevernsreglar, og vi markerte julegrantenning og trekking av lotteriet utan å ha arrangement.

Likavel er området stort og det har vore mulig for alle å bevege seg nesten heilt fritt. Det var på eit tidspunkt innspel på korleis organisere retning på aktiviteten i løypa. Det vart oppmoda om retning å bevege seg på for å redusere treffpunkt, det lukkast vi kanskje ikkje med men det var etter beste meining.

Årsmelding Åsen Vel 2020

8

HJARTESTARTAR Åsen Vel/GFIL var i haust så heldige å få tildelt ein hjartestartar frå Ida Eides Minnefond.

Hjartestartaren er montert på servicebygget, ved lysløypa i Åsen, sidan veldig mange nyttar løypene her for trening. Alle kan ein eller annan gong få nytte av ein hjartestartar, mange nyttar denne løypa og gjer det naturleg å plassere den her. Dagfinn, May-Britt og Birgith deltok på kurs i bruken av hjartestartaren. I samarbeid med Åsen Vel skal Gfil syte for at denne gåva vert teken godt vare på.

Tusen takk til Ida Eides minnefond!

REKNESKAP 2020

Årsmelding Åsen Vel 2020

9

Årsmelding Åsen Vel 2020

10

ÅSEN VEL - RESULTATREKNESKAP 2020 Inntekter: Kapitalinntekter Medlemskontigent Ekstrainnbetaling frå medlemmar Lotteri Støtte til trimløype Moms-refusjon Utleige Grillhytta Restbeløp tippemidlar utskifting lysarmatur Sum inntekter Utgifter Straum Servicebygg Myra,uteområde Forsikringar Firda Tidend annonser Verktøy/Utstyr/service Girogebyr Renter Kapitalkostnad Sum utgifter Resultat/underskot 2020

15 107 353 39 227 63 735 51 072 600 262 002 12 454 107 813 38 255 2 035 1 598 1 180 125 7 777 95 171 332 90 670

BALANSE 31.12.20 EIGE Bank lagskonto Bank sparekonto Sum eige

60 566 36 60 602

GJELD OG EIGENKAPITAL Lån Sum gjeld/uteståande Eigenkapital 01.01 Årets resultat Eigenkapital 31.12 Sum gjeld og eigenkapital Jørn Lothe Kasserar Årsmelding Åsen Vel 2020

160 000 160 000 -190 068 90 670 -99 398 60 602 Martha Engeland Revisor

Birgith Hjelle Roset Leiar

11

Kommentarar til årsrekneskapen •

• • • • •

• • • •

•

•

Medlemskontigent har auka med ca TNOK 30 i 2020 samanlikna med 2019. I 2019 hadde vi ekstrainnbetaling frå medlemmer med ca TNOK 84. Totale medlemsinntekter i 2019 ca TNOK 161 inkl ekstrainnbetaling frå medlemmer. Dette utgjer ein reduksjon av samla medlemsinntekter i 2020 mot 2019 med ca TNOK 53. o Vi har likevel fleire medlemmar som har betalt kontigent i 2020 med 237 innbetalande medlemmer mot 226 i 2019. o Auke ordinær medlemskontigent kan i stor grad forklarast med auke medlemskontigent til kr 400,- i 2020.

Lotterinntekter var på samme nivå som i 2019.

Momsrefusjon mottok Åsen Vel ca TNOK 51 i 2020 mot TNOK 13 i 2019.

Støtte til trimløype var i 2020 TNOK 64 mot TNOK 120 i 2019, ein reduksjon med ca TNOK 56.

Inntekter totalt i 2020 TNOK 262 mot TNOK 368 i 2019. Ein reduksjon med ca TNOK 107.

Totale kostnader i 2020 TNOK 171 mot TNOK 479 i 2020. Ein reduksjon med TNOK 308. o I all hovudsak gjeld dette reduserte kostnader knytta til uteområde på Myra, herunder byggeaktiviteterar.

Bankbehaldning pr 31.12.2020 var kr 60 602 mot kr 9 931 i 2019. Ein auke med ca TNOK 51.

Kortsiktig gjeld knytt til leverandørar er i løpet av 2020 nedbetalt med ca TNOK 98,5.

Pr 31.12.2020 har Åsen Vel ingen forfalte ubetalte gjeldspostar til leverandører.

Lån til Sparebanken S & F er redusert med TNOK 40, som er avdraget i 2020.

Til tross for redusert inntekt er resultatet i 2020 positivt med ca TNOK 91. Styret har i 2020 vore fokusert på nedbetaling av kortsiktig forfalt leverandørgjeld og kostnadskontroll for å sikre sunn drift i Åsen Vel i framtida.

Arbeidskapitalen til Åsen Vel er god der bankinnskot på TNOK 60 utgjer arbeidskapitalen. Åsen Vel har ingen kortisiktig gjeld som er forfalt. Likviditetssituasjonen til Åsen Vel er derfor god.

Eigenkapital er negativ, som kan forklarast med eit lån til Sparebanken Sogn og Fjordane.

Forskjellen mellom bankinnskotet og gjeld til kredittinstitusjon utgjer negativ eigenkapital. Åsen vel har likevel gjennom sitt resultat i 2020 tilnærma halvert den negative eigenkapitalen med årets resultat. o I og med at nybygga på Myra var delvis finansiert av banklån og at ein i Åsen Vel brukar kontantsprinsipp for rekneskapsføring so er ikkje bygningsmassen aktivert i balansen. Dette har resultert i at alle kostnader til nybygg er kostnadsført løpande tidlegare år, og at ein ikkje har aktivert bygningsmassen i Åsen Vel sin balanse. Dette påvirkar eigenkapital negativt.

Årsmelding Åsen Vel 2020

12

ÅSEN VEL - BUDSJETT 2021 INNTEKTER: Kapitalinntekter Medlemskontingent Ekstrainnbetaling frå medlemmar Lotteri Støtte til ATV Sparebankstiftinga Sogn og Fjordane Støtte til ATV Kulturmidlar Gloppen kommune Støtte til ATV Gåver lokalt næringsliv Støtte til Leikeapparat+isskrape Moms-refusjon Utleige Grillhytta SUM INNTEKTER

30,00 107 000,00 0,00 40 000,00 50 000,00 20 000,00 30 000,00 43 000,00 25 000,00 1 200,00 316 230,00

UTGIFTER: Straum Servicebygg vedlikehald Myra, uteområde Forsikringar Annonsering Verktøy/Utstyr/service Kjøp av ATV Kjøp av Leikeapparat Girogebyr Kapitalkostnad SUM UTGIFTER

13 000,00 10 000,00 60 000,00 3 000,00 2 000,00 12 000,00 130 000,00 50 000,00 150,00 80,00 280 230,00

Resultat 2021

36 000,00

BALANSE 31.12.21 EIGE Bank lagskonto Bank sparekonto SUM eige

56 566,00 36,00 56 602,00

GJELD OG EIGENKAPITAL Lån SUM gjeld og uteståande

120 000,00 120 000,00

Eigenkapital 01.01 Årets Resultat Eigenkapital 31.12

-99 398,00 36 000,00 -63 398,00

SUM GJELD OG EIGENKAPITAL Årsmelding Åsen Vel 2020

56 602,00

13

Kommentar til budsjett • Styret i Åsen Vel vil jobbe for å finansiere kjøp av ATV. Dette vil lette arbeidet knytt til drift av uteområdet på Myra mv. Dette vil også bidra til å redusere manuelt arbeid ved drift av Åsen Vel sitt uteområde og kreve mindre arbeidskraft. Styret erkjenner at drifta av Åsen Vel krev mange personar for å drive og drifte Åsen Vel sitt uteområde tilfredsstillande og vi meiner derfor det er naudsynt å gå til anskaffelse av ein ATV for å lette på det manuelle arbeidet og gjere drifta enklare.

•

Åsen Vel sitt styre vil fortsette arbeide med å gjere uteområdet på Myra meir attraktivt. Vi vil derfor fortsette arbeidet med finansiering av leikeapparat på Myra. Dette vil være til stor glede for borna som er brukarar av Myra og vil komplementere det tilbodet som allereie ligg der.

•

Det er budsjettert inn kostnad knytt til utskifting av lyktestolpar.

Årsmelding Åsen Vel 2020