LESTRARSTAÐ
Aarhus, Keypmannahavn og so eisini nøkur úr Føroyum. 1. semestur Fyrsta hálva árið á Aalborg Universitet kallast eitt “basis semester”. Tað merkir, at allar samfelagsfrøðiligu útbúgvingarnar (økonomi, politologi, søga, sosiologi, jura og erhvervsjura) eru saman til fyrilestrar Tað gevur øllum lesandi møguleika at skifta útbúgving til eina av hinum samfelagsfrøðiligu greinunum, um onkur ivi um framtíðina skuldi komið upp. Samstundis er nógv gjørt burtur úr bólkaarbeiði. Bólkaarbeiði er essentielt fyri Aalborg Universitet, tí undirvíst verður sjálvsagt til fyrilestrar, men eisini í bólkum á 30 lesandi og enn minni bólkum á fýra-fimm lesandi. Tað ger uttan iva Aalborg Universitet til eitt enn betri stað at lesa í, tá tað sosiala er uppá pláss. Bólkararbeiði sæst aftur ígjøgnum øll fimm árini á jura útbúgvingini, og hetta er eisini galdandi fyri aðrar útbúgvingar á universitetinum. Av tí, at tey á juraútbúgvingini á Aalborg Universiteti leggja serligan dent á Formueret, supplerað við bólkaarbeiði, eru nýútbúgvnir juristar haðani serliga vælumtóktir á arbeiðsmarknaðinum Jura Sum so nógvir aðrir idealistar hevði eg sjálvur dreymar um at sleppa út í víðu verð at lesa víðari. Hetta bar tó ikki til, tí jura-útbugvingin er av
94
PISAN 2011
so kompleksum karakteri. Av tí sama var eg avkláraður longu tá, og tað bilti ikki tað stóra, tá eg visti, at jura var rætta leiðin fyri meg. Jura er ein útbúgving, sum krevur hart arbeiði, og tað at velja eina útbúgving, har ein skal seta 35-40 tímar av um vikuna upp á skúlan og skúlating, er ein stór umstilling frá einari miðnámsútbúgving. Tí krevur tað eisini, at ein setur tað fakliga í hásæti og letur frítíðaráhugamál koma í aðru røð. Hetta merkir tó ikki, at eg ikki havi havt nakað sosialt lív. Tvørturímóti havi eg verið óluksáliga glaður fyri, hvussu lætt tað hevur verið at “sligið seg niður”. Nógv tiltøk hava verið hildin millum nýggj lesandi, m.a. hevur verið nógvur ítróttur á universitetinum, tann vælumtókta Fredagsbar, sum ein ikki skal missa fyri nakran prís, og so er tað eisini tann vælúmtókta ballingargøtan, Jomfru Ane Gade. Tað lítla París! Jomfru Ane Gade, ið eisini verður kallað 'Tað lítla París', er hjá nógvum hjartað í Aalborg. Við sínum lítlu, smáu og hugnaligu caféum er tað avgjørt eitt stað, sum
[MEGINFELAG FØROYSKRA STUDENTA]
skal upplivast, og flestu lesandi enda eisini inni á gøtuni um vikuskiftið. Um summarið er tað serstakliga hugnaligt at fáa sær eina øl, irish coffee ella eina sodavatn á gøtuni og njóta summarveðrið, og tá náttin kemur, er tað sum at vera á ólavsøku, tí náttarlívið í Aalborg er samlað á einum stað.