Ísland í fimmta sæti

Hugmyndir um hraðalækkun í borgarlandinu er mikil afturför

Fórnarkostnaður, tafir og samstarf

Reikna þarf út fórnarkostnaðinn við svona aðgerð. Hver er samfélagslegi tafakostnaðurinn? FÍB hefur lagt áherslu á ítarlegra samráð við borgarana varðandi hámarkshraðabreytingar. Eðlilegt væri einnig að fara vel yfir þessi mál með samtökum sveitarfélaga á höfuðborgarsvæðinu. Samtök iðnaðarins hafa fjallað ítarlega um tafir og óþarfa tímasóun í umferðinni og margfeldisáhrif tafa á kostnað og lífsgæði. Ljóst er að tafir í umferðinni í þéttbýli hafa aukist verulega síðustu ár. Byggingu stórra samgöngumannvirkja á höfuðborgarsvæðinu hefur verið frestað eða þau slegin af m.a. vegna tilraunaverkefna til þess að auka hlutdeild almenningssamgangna á svæðinu. Ekki hefur náðst að mæta markmiðum um aukna hlutdeild í almannasamgöngum en met hafa verið slegin varðandi lengd ferðatíma íbúa á höfuðborgarsvæðinu. Allar þessr tafir auka rekstrarkostnað fyrirtækja og kostnað vegna aðfanga sem aftur hækkar vöru- og þjónustuverð til neytenda. Oft þurfa foreldrar barna að sækja þjónustu í önnur hverfi vegna íþrótta- og listiðkunar barna sinna. Sama á við um foreldra yngri barna á leikskólum eða í daggæslu. Þá þjónustu þarf alltof oft að sækja um langan veg og í önnur hverfi en þar sem fjölskyldan býr. Okkur hefur ekki enn auðnast sem samfélagi að koma almennt á samræmdum og samfelldum vinnutíma barna á skólaaldri. Þetta skilar sér í allt of mörgum ferðum, vanhugsuðu skutli, tímaþjófnaði og mengun. Allt hefur þetta neikvæð áhrif og dregur úr lífsgæðum borgaranna. Samverustundir fjölskyldna skerðast ef ætlunin er að hindra sem mest ferðir fjölskyldubíla. Leiðin til að vinna á þessu er ekki bygging girðinga heldur brýr.

Mótvægisaðgerðir

FÍB hefur síðustu árin lagt áherslu á mikilvægi götuþrifa. Mikið hefur skort á götuþrif og vilja til að takmarka óþarfa jarðvegs- og malarburð frá byggingasvæðum inn á götur borgarlandsins. Ryk myndar setlög á götunum sem umferðin þyrlar upp aftur og aftur. Veðurfarið liðinn vetur skapaði mörg kjörin tækifæri til þrifa sem ekki voru nýtt. Halda þarf úti öflugu kynningarátaki til að upplýsa borgarbúa um að flestir geti vel ekið án nagla yfir vetrarmánuðina á höfuðborgarsvæðinu. Á sama tíma þarf að auka slitþol slitlaga til að mæta aukinni umferð og standast samanburð við það sem þekkist á Nörðurlöndunum. Sveitarfélög þurfa að mæta þjónustukröfum m.a. varðandi opnun leikskóla og grunnskóla til þess að auka möguleika atvinnulífsins til þess að hafa breytilegan vinnutíma. Stórir vinnustaðir á svipuðum slóðum gætu komið sér saman um að hefja ekki störf á sama tíma. Hálftíma skörun á milli HR, HÍ og Landspítalans gæti létt mjög á umferðarálagi á svæðinu umhverfis flugvöllinn í Reykjavík. Betra skipulag, jafnt flæði og hreinsun gatna, skilar ríkulegum árangri og bætir umhverfi borgaranna.

Allt árið 2020 Samtals árin 2002 - 2020