MU, negozio-ideia teknologikoak saritzen Mondragon Unibertsitateak 15.000 euroko 6 sari banatu ditu oinarri teknologikoko negozio-ideiak bilatzeko deialdi batean
Jon Lasa Galdos
Mondragon Unibertsitateko Goi Eskola Politeknikoak oinarri teknologikoko ideia berritzaileen alde egin du berriro, eta Enpresa Sortuz lehiaketa antolatu du ostera, oraingoan Mondragon Unibertsitatea Industrial Sustainable Entrepreneurship Awards izenarekin. Lehiaketa Estatu osoan egingo da, eta banaka edo taldeka hartu ahal izango da parte, urriaren 15a baino lehen. Lehiaketak 15.000 €-ko 6 sari emango ditu. Sari bakoitzak beka bat hartuko du barne: Mondragon Unibertsitateko ingeniaritzako ikasle bat 2023-2024 ikasturtean negozio-proiektu berri batean sartzeko beka bat. Guztira, 90.000 €-ko sariak banatuko dira, bakoitza 11 hilabeterainoko beka/soldatakoak. Gainera, laguntzaeta aholkularitza-zerbitzua eskainiko da, baita proiektua garatzeko gune fisiko bat ere. Urriaren 16ko astean jakinaraziko dira lan finalistak. Handik astebetera, finala izango da, Arrasateko Garaia parke teknologikoan. Finalistek han aurkeztuko dizkiote proiektuak epaimahaiari. Enpresa hauek babesten dute lehiaketa: Fagor Taldeak, Orbeak, Centro Stirlingek eta Fagor
Ederlanek. Guztiek ere talentu teknologikoa eta enpleguaren eta aberastasunaren sorrera sustatzen dituzte lurraldean. Era berean, bi informazio-saio antolatu ziren, lehiaketaren xehetasunen, baldintzen eta sarien berri emateko zein interesdunen zalantzak argitzeko. Online izan ziren, irailaren 26an, 15:00etan, eta irailaren 28an, 17:00etan.
Interesdunek urriaren 15era arte dute izena emateko eta proiektuak aurkezteko epea, eta banaka zein taldeka hartu ahal izango dute parte Deialdia Mondragon Unibertsitatea Industrial Sustainable Entrepreneurship Awards lehiaketari esker, oinarri teknologiko-industrialeko negozio-ideia bat duen pertsona batek -edo dagoeneko startup gisa finkatuta dagoen proiektu batek- Mon-
dragon Unibertsitateko ingeniaritzako ikasle bat sartu ahal izango du bere proiektuan. Unibertsitateak eta lehiaketan parte hartzen duten enpresek beka bat eskainiko dute ikasleak ekintzailetza-proiektua martxan jartzen lagundu dezan. Bestalde, proiektuan zer ingeniaritzako ikaslea sartu nahi duen aukeratu ahal izango du pertsona edo talde ekintzaileak: mekanikakoa, diseinukoa, antolaketakoa, elektronikakoa, informatikakoa, energiakoa, prozesu industrialetakoa, biomedikuntzakoa, mekatronikakoa, robotikakoa, proiektu-zuzendaritzakoa, zibersegurtasunekoa eta eragiketa-zuzendaritzakoa, besteak beste.
Urriaren 23ko astean jakinaraziko dira pertsona edo talde finalistak, eta euren proiektua epaimahaiaren aurrean aurkeztu beharko dute, Garaia parke teknologikoan Mondragon Unibertsitatearekin harremanik ez duten profesionalek edo ikasleek ere hartu ahal izango dute parte lehiaketan. Kasu horretan, beka bat jasoko dute, datorren ikasturtean unibertsitateko ingeniaritzako ikasle bat proiektuan sar dadin, hari ordaintzeko. Mondragon Unibertsitateko Goi Eskola Politeknikoko ikasleak ere aurkeztu ahal izango dira -hain zuzen, laster gradu-amaierako lana edo master-amaierako lana egin behar dutenak-, baita ikertzaileak ere. Interesdunek idatzizko dokumentu bat aurkeztu beharko dute, zenbait alderdi zehaztuta: bezero potentziala, merkatuaren tamaina, balio-proposamena, diru-sarrerak nondik lortuko diren, negozio-eredua, lehiakideen azterketa eta abar. Positiboki baloratuko dira genero-berdintasuna eta negozio-ideiaren berrikuntza, bideragarritasuna eta jasangarritasuna. Orobat, hiru minutuko bideo pitch bat prestatu beharko dute, idatzizko dokumentuaren edukia laburbiltzeko. Ideia originalak aurkeztu behar dituzte; ez da plagiorik onartuko. Dena den, aukera egongo da lehiaketa honetako -lehen, Enpresa Sortuz- beste
deialdi batzuetan aurkeztutako ideiak aurkezteko, betiere saririk lortu ez badute. Halaber, sariak bateragarriak izango dira beste sari eta finantzaketa-iturri batzuekin. Urriaren 23ko astean jakinaraziko dira pertsona edo talde finalistak, eta euren proiektua epaimahaiaren aurrean aurkeztu beharko dute, Garaia parke teknologikoan. Sarien helburuak Lehiaketaren bidez, Mondragon Unibertsitateko Goi Eskola Politeknikoak unibertsitatearen erronka estrategiko bat lortzen lagundu nahi du: 2030erako Europako ekintzailetza teknologikoaren erreferente bat izatea, hain zuzen. Halaber, beste helburu hauek ere lortu nahi ditu: Mondragon Unibertsitateko ikasleen eta irakasleen ekintzailetza sustatzea; enpresekiko harremanak sendotzea, industriaren arloan barne-ekintzailetza jasangarria sustatuz, eta gizarte-aberastasuna sortzea, bereziki unibertsitatearen eragin-eremuan. Izen-ematea Lehiaketan parte hartzeko, interesdunek urriaren 15a baino lehen eman beharko dute izena. Dokumentazioa egun horretan aurkeztu beharko da. Pertsona edo talde finalistak urriaren 16an jakinaraziko dira, eta, urriaren 23ko astean (data zehatzak lotzeko daude), euren proiektua epaimahaiaren aurrean aurkeztu beharko dute, 3 minutuko pitchingaren bidez. Azken ekitaldia Arrasateko Garaia parke teknologikoan izango da. Parte-hartzaileek bertaratu egin beharko dute.
Rural Kutxa - Deustuko Unibertsitatea Deialdia, BerriUp-en eskutik Eskaerak aurkezteko epea irailaren 22an hasi zen eta urriaren 22ra arte luzatuko da, www.berriup.com webgunean gaituta dagoen formularioaren bidez
Jon Lasa Galdos
BerriUp, Funcas fundazioaren urteko txostenaren arabera nazio-mailan duen azelerazio-programarekin azeleratzailerik onena izaten jarraitzen duena 2021az geroztik, eta Rural Kutxa, Euskadin, Nafarroan eta Errioxan presentzia duen finantza-entitate liderra, berriz ere batu dira startupak aukeratzeko eta bizkortzeko hirugarren deialdi bateratua abian jartzeko. Horrez gain, deialdi berri horrek Deustuko Unibertsitatearen lankidetza du. Unibertsitate horrek 12 urte baino gehiago daramatza ekintzailetza eta berrikuntza sustatzeko unitate batekin: Deusto Emprende. Helburua hazi- eta aurrehazi-faseko proiektu berritzaile berriak erakartzea da, eta, oraingo honetan deialdia Bizkaian zentratu arren, beste lurralde batzuetako proiektu eta startup-entzat ere zabalik dago. Eskaerak aurkezteko epea irailaren 22an hasi zen, eta datorren igandera arte, urriak 22, luzatuko da kolaboratzaile bakoitzaren webgunean gaituta dagoen formularioaren bidez. Aurreko deialdietan bezala, azelerazio-programa honetan aukeratutako proposamenek tutore eta adituen laguntza izango dute, proiektu bakoitza bereziki garrantzitsuak diren gai eta arloetan gidatuko duten sustatzaileei beren proiektu berria martxan jartzeko beharrezko
ezagutzak eskaintzeko. Azelerazio-prozesuak 16 asteko iraupena izango du, eta ekimenek abantaila desberdinak izango dituzte, hala nola, finantzaketa espezializatua lortzeko aukera, bai kapital moduan, bai finantzaketa tradizionalean, prestakuntza baliabideak eta beren ideiak garatzeko espazioak.
Aurreko deialdietan bezala, azelerazio-programa honetan aukeratutako proposamenek tutore eta adituen laguntza izango dute Ekimen bateratu hau Rural Kutxa Gizarte Ekintzak laguntzen duen ardatz nagusietako baten barruan kokatzen da, hau da, ekintzailetza eta berrikuntza sustatzea baino ez da. Gonzalo Soto Rural Kutxako Ekintzaileentzako Línea Iniciako arduradunarentzat, “ziur gaude ekintzailetzarekin lotutako eragile ezberdinen arteko lankidetzak garrantzi handia duela horrelako deialdietan, proiektuetarako interes bereziko prestakuntza-ibilbidea, finantzaketa eta lotutako zerbitzuak sortuz”. Garbiñe Henry Deustuko Unibertsitateko Berrikuntza eta Ekintzailetza zuzendariaren hitzetan, “Deusturako, deialdi hau abian jartzeak, Rural
Kutxa eta BerriUp bezalako eragileekin elkarlanean, kultura ekintzailea, berrikuntza eta pertsona ekintzaileei laguntza sustatzeko dugun konpromisoa islatzen du. Proiektu irabazleek coworking zerbitzuetarako, prestakuntzarako, laguntzarako eta Deusto Emprenderen jarduera guztietarako sarbidea izango dute, eta horrela euren karrera ekintzailea indartuko dute”. Patricia Casado BerriUp-eko zuzendariak dio: “Deialdi hau Rural Kutxarekin eta Deustuko Unibertsitatearekin batera abiatu genuen proiekturik onenak ezagutzeko. Gure ideia da gure programarekin trebatzera erakartzea eta hazten laguntzea. Oraingo honetan, parte-hartzea malgutu egin dugu EASO VC funtsen aldetik, eta bereziki aztertuko du gure azelerazio programa gainditzen duen proiektu bakoitzaren inbertsioa, zeina estatuko rankingeko lehen postuen artean jarraitzen baitu". Proposamenak aurkezteko epea amaitzen denean, epaimahai espezializatu batek proiektu finalistak aztertu eta hautatuko ditu, zeinek euren ekimena aurkeztu beharko baitute datorren azaroaren 24an Bilboko hirian egingo den ekitaldi batean. BerriUp-i buruz 2015ean sortua, BerriUp Iparraldeko azeleratzaile pribatu liderra da: Easo SCR funtsaren laguntzari esker bere prestakuntzan sartu diren 40 startup baino gehiago bizkortu ditu. 50 tutore baino gehiagoko sarea du eta 2021az geroztik estatuko bizkortze programarik onenaren postuetan mantendu da, Funcas Fundazioaren urteko txostenaren arabera. Bilbon eta Donostian du egoitza eta aldiro kolaboratzen du erakunde publiko eta pribatuekin, hala nola, Adinberri, Nafarroako Rural Kutxa edo Gasteizko Udala. Informazio gehiagorako: www.berriup.com Rural Kutxari buruz Rural Kutxa ekintzailetzari laguntzeko konpromisoa hartu duen entitate bat izan da beti. Ekintzailetza-proiektuetarako laguntza-lerro zehatz bat du: Ekintzaileentzako Hasierako Lerroa. Lerro honek aholkularitza eta finantzaketa eskaintzen ditu lehentasunezko baldintzetan EAEn, Nafarroan eta Errioxan garatzen diren
ekintzailetza-ekimen guztietarako. 2007an hasi zenetik, Línea Iniciak guztira 2.500 ekintzailetza-proiektu lagundu ditu, 4.300 ekintzaile baino gehiagok zuzenduta. Informazio gehiagorako: www.ruralkutxa.com
Oraingo honetan deialdia Bizkaian zentratu arren, beste lurralde batzuetako proiektu eta startup-entzat ere zabalik dago Deustu buruz Deustuko Unibertsitatea, Deustuko Ekintzailetza Ereduan oinarrituta eta Deusto Emprenderen, Berrikuntza eta Ekintzailetza Unitatearen bitartez, berrikuntzaren eta ekintzailetzaren sustatzaile, dinamizatzaile eta hizlari da Unibertsitate Komunitatea eta bere ingurunea osatzen duten talde ezberdinen artean -enpresak, erakunde publikoak eta pribatuak, inbertsioak eta gizarte eragileak…-. Deusto Emprenderen helburua pertsonak bizitzan zehar laguntzea da, kultura ekintzailea eta berritzailea sustatuz Unibertsitate barruan zein kanpoan, eraldaketa ekonomiko eta sozialeko eragile bihur daitezen, gainerako ekosistemarekin elkarlanean, ongizate sozial eta ekonomiko handiagoa lortzeko erronkarekin. Informazio gehiagorako: www.emprendimiento.deusto.es
Mundu osoko startupak BIND 4.0 programan Bost kontinenteetako 76 herrialdeko 777 startupek eman dute izena Eusko Jaurlaritzaren BIND 4.0 ekintzailetza-programan
Jon Lasa Galdos
BIND 4.0 berrikuntza-plataforma irekiak 777 hautagaitzarekin itxi du bere azelerazio-programaren zortzigarren ediziorako deialdia, zortzi ediziotan erregistratutako kopururik handiena izanik. Programara 76 herrialdeko startupak aurkeztu dira proiektu berritzaileak hiru arlotan garatzeko: industria adimenduna, energia garbi eta jasangarria eta elikaduraren eta osasunaren teknologia.
% 50ek teknologia jasangarriak proposatzen dituzte eta % 25ek adimen artifiziala aplikatzen dute Zortzigarren edizio honetan parte hartuko duten startupak azelerazio-programako 70 partner
enpresek hautatuko dituzte, eta horien artean daude Mercedes-Benz, ITP Aero, CIE Automotive, Erhardt, Danobatgroup, Iberdrola, GH Cranes, BTI Biotechnology Institute edo Eroski. Edizio honetako berrikuntza nagusi gisa, enpresa horiek 12 erabilpen-kasu proposatu dituzte startupek, hautagaitza aurkezten dutenean, premia horiei erantzuteko soluzio zehatzak planteatu ditzaten. Jasangarritasuna eta adimen artifiziala izango dira zortzigarren edizioaren protagonistak Izena eman duten startupen % 50ek industria efiziente eta jasangarriagoa sortzera bideratutako berrikuntza-proiektuak proposatu dituzte, ingurumen-inpaktuan eta CO2 murriztean hobekuntzak planteatuz. Startupen % 43k barneko prozesuen digitalizazioaren eta optimizazioaren erabilpen-kasuari erantzuna emateko proposamenak aurkeztu dituzte. Eta hirugarren posizioan
ekoizpen-prozesuen trazabilitatearekin, monitorizazioarekin eta integrazioarekin lotutako soluzioak ematen dituzten proposamenak daude. Sektoreko teknologia eraldatzaile nagusiei dagokienez, startupen % 25ek adimen artifizialaren aldeko apustua egiten dute eta % 10ek IoT-ren aldekoa, eta jarraian daude Big Data, murgiltze teknologia, robotika eta fabrikazio aditiboa erabiltzen dituztenak. Startupek hainbat jarduera-sektoretarako soluzioak aurkeztu ahal izango dituzte, eta aipagarria da edizio honetako hautagaien % 60k industria adimendunaren arloan aplika daitezkeen soluzioak planteatzen dituztela eta, bigarren lekuan, % 43k energia garbiaren eta jasangarritasunaren arloan aplika daitezkeenak. Bestalde, % 23k osasunaren arloan aplikatzen dituzte euren soluzioak eta % 21ek elikaduraren sektorean.
Edizio honetarako hautagaitzen artean, 560 nazioarteko startupak dira eta 35 Euskal Autonomia Erkidegokoak Munduko berrikuntza-hub nagusietako startupek BIND 4.0 aukeratzen dute Startupen jatorriari dagokionez, azken urteotan ikusten den joera da munduko berrikuntza-hub nagusietako enpresa emergenteek BIND 4.0 aukeratzen dutela hazten jarraitzeko. Aurten BIND 4.0k proiektuak Euskadiko industrian garatzeko interesa duten eta Alemaniatik, Italiatik, Erresuma Batutik, Israeldik edo AEBtik datozen soluzioak izango ditu. Alde horretatik, nazioarteko startupen kopuru handia ere nabarmendu behar da, 560 hautagaitza baino gehiago erregistratu baitira, guztien % 84, alegia. Ehuneko horren % 50, hau da, 390 hautagaitza, Europatik aurkeztu dira, Amerikaktik, berriz, % 19 aurkeztu dira eta Asiatik % 13,5. Gainera, 8 ediziotan lehenbiziko aldiz, BIND 4.0 ekimenak Ozeaniako hautagaitzak ere izan ditu, Australiako 5 startup aurkeztu baitira. Hautagaitza guztien % 4,5 Euskadikoak dira, eta 16 dira Gipuzkoakoak, 14 Bizkaikoak eta 5 Arabakoak. Gainerako % 11,7, hau da 91 hautagaitza, Estatuko gainerako lurraldeetakoak dira.
Jada zortzi ediziotara iritsi den BIND 4.0 industriaren digitalizazioa enpresa eta startup berritzaile handien arteko elkarlanaren bitartez sustatzen duen erreferentziako ekimenetako bat da. Eredu arrakastatsu honen bidez, orain arte, 200 startup baino gehiago azeleratu dira eta 300 proiektu baino gehiago garatu dira, eta 7,7 milioi eurotik gorako fakturazioa gainditu da. Hori guztia, programa osatzen duten hiru ekimenei esker: BIND 4.0, korporazio handietara zuzendutako azelerazio-programa; SME Connection, ETEekin berritzeko; eta, hirugarrena, BIND 4.0 GovTech, sozietate publikoen digitalizazioa sustatzeko. BIND 4.0ri buruz BIND 4.0 industria adimenduneko berrikuntzaplataforma irekia, publiko/pribatua, da, eta Ekonomiaren Garapen, Jasangarritasun eta Ingurumen Sailak sortu zuen SPRI Taldearen eta Euskadiko ekintzailetza-ekosistemako haren UpEuskadi plataformaren bidez. Gaur egun egoitza Euskadin duten sektoreko erreferentziako 70 bat enpresarekin lankidetzan dihardu, besteak beste Angulas Aguinaga, Iberdrola, ITP Aero, Mercedes Benz, Siemens Gamesa, Quirónsalud edo Coca-Cola Europacific Partners. Ekimena hiru helbururekin sortu zen: Euskadiko industria-ekosisteman startupen garapena azeleratzea, enpresen eraldaketa digitala sustatzea eta Euskadiko ekosistema industriaekintzailetzako hub aurreratu gisa kokatzea. BIND 4.0k 2016tik ekimen ezberdinak ditu eta jada 200 startup baino gehiago sustatu dituzte eta 300 proiektu garatu dituzte. Informazio gehiago: www.bind40.com
Hizkuntzak ikasi atzerrian Hezkuntza Sailak 532 plaza eskaintzen ditu Bigarren Hezkuntzako ikasleek atzerrian ingelesa, frantsesa eta alemana ikas dezaten
Jon Lasa Galdos
Hezkuntza Sailak, 2024ko udarako ere, Alemanian, Frantzian, Irlandan eta Erresuma Batuan hizkuntza-ikastaroak egiteko 532 egonaldi antolatuko ditu, DBHko 3. eta 4. mailetako eta Batxilergoko lehen eta bigarren mailetako ikasleei zuzendutak. Bi asteko egonaldiak eskainiko dira, eta horiek finantzatzeko 1.033.571 euroko diru kopurua bideratu du Hezkuntza Sailak. Egonaldi horietarako deia egiten duen Agindua Gobernu Kontseiluaren azken saioan onartu da, urriaren 10ean, asteartez. Eskabideak egiteko epea urriaren 24tik azaroaren 23ra egongo da zabalik, biak barne. 532 plaza horietako bat eskuratu nahi duten ikasleek bete beharreko baldintzak, honako hauek dira: ❚ Aukeratutako hizkuntzan edo hizkuntzetan (ingelesa, frantsesa edo alemana) gutxienik 7 puntuko nota eskuratu izana aurreko ikasturtean. ❚ Aurreko ikasturteko bataz besteko nota eta hautatutako hizkuntzan jasotako notaren arteko batuketan 16 puntu edo gehiago lortu izana. ❚ Ikasleak eskatzen duen plazari dagokion hizkun-
tza ikasia izan behar du aurreko bi ikasturteetan. ❚ Ikasleak 2024an gehienez ere 19 urte betetzea.
Plazen banaketa egiteko, kontuan izaten dira bai eskaera egin duen ikaslearen hezkuntza-maila (DBH edo Batxilergoa), eta baita haren familiaren egoera ekonomikoa ere (1 eta 2 tarteak).
2024ko udan burutuko dira egonaldiak eta DBHko 3. eta 4. mailetako eta Batxilergoko ikasleei zuzenduta daude Lehen tartean, aurreko ikasturtean beka jaso zuten ikasleak hartzen dira kontuan, eta bigarren taretan berriz, bekarik jaso ez zuten ikasleak. Plazaren bat egokitu zaien ikasleek ezinbestekoa izango dute dagokion ordainketa egitea. Lehen tartean daudenek, 140 euro ordaindu beharko dituzte, eta bigarren tartekoek 560 euro.
MU eta LABORAL Kutxa, talentu gazteen bila Mondragon Unibertsitateak eta LABORAL Kutxak talentu gazteak trebatzeko eta erakartzeko hitzarmena sinatu dute Jon Lasa Galdos
Mondragon Unibertsitateak eta LABORAL Kutxak talentu gazteak erakartzeko lankidetza-hitzarmena sinatu dute, haien enplegagarritasuna hobetu eta ekintzailetza-gaitasuna sustatzeko. Hitzarmenaren ondorioz, finantza-erakundeak LABORAL Kutxa Ikasgela izeneko espazioak jarriko ditu martxan Mondragon Unibertsitatearen instalazioetan. Ikasgela bat Bilbon egongo da, eta bestea, Arrasaten, eta, haietan, ikasleek proiektuak garatuko dituzte datu-teknologiaren, datu-analisiaren, garapen teknologikoaren eta kontsumorako finantzaketaren alorretan, besteak beste. Bi erakundeek berrikuntzaren, ekintzailetzaren eta talentuaren arloetan lankidetzan aritzeko 2021ean sinatutako esparru-akordioaren barruan dago hitzarmena. Honako hauek sinatu dute hitzarmena: Carlos Garcíak, Mondragon Unibertsitateko Goi Eskola Politeknikoko koordinatzaile nagusiak; Lander Belokik, Mondragon Unibertsitateko Enpresagintza Fakultateko dekanoak, eta Nuria Agirrek, LABORAL Kutxako Gestio Sozialeko zuzendariak.
Hitzarmenaren helburua da talentu gazteen enplegagarritasuna hobetzea eta ekintzailetza-gaitasuna sustatzea Garapen teknologikoko eta datu-analisiko proiektuak Lehen urtean, Arrasateko LABORAL Kutxa Ikasgelako ingeniaritzako ikasleek datu-teknologia-
ren, garapen teknologikoaren eta altxortegiaren alorretako soluzioak garatuko dituzte. Bestalde, Bilbao AS Fabrik campuseko LABORAL Kutxa Ikasgelan sartzen diren Enpresagintza Fakultateko ikasleek datu-analisiaren eta kontsumorako finantzaketaren alorretako proiektuak garatuko dituzte. LABORAL Kutxarentzat oso garrantzitsua da entitatean integratzeko gai diren talentu gazteak erakartzea. Hori dela eta, kanpoko praktika akademikoak sustatuko ditu (besteak beste, ikasketak eta lana txandakatzea, gradu-amaierako lanak eta master-amaierako lanak), ikasleek prestakuntza akademikoan ikasitakoa aplikatu eta osa dezaten, eta beharrezko trebetasunak lor ditzaten, lanbide-jarduerarako prestatzeko, enplegagarritasuna hobetzeko eta ekintzailetza-gaitasuna sustatzeko. Orain urte batzuk bi erakundeen artean berrikuntza, ekintzailetza, talentua eta beste arlo batzuk bultzatu eta garatzeko hasitako lankidetza finkatzen du hitzarmenak.
Laguntzen du
"Gloop-en, “erabili eta bota” paradigmaren ordez “erabili eta jan” erabiltzen dugu"
Jon Lasa Galdos
Hernán Hernándezek eta bere bazkide Martak Gloop sortu zuten 2020an, Indiara bidaia bat egin ostean. Ingurumenaz arduratuta, jan daitezkeen mahai-tresnak fabrikatu eta merkaturatzen dituzten enpresa bat sortzea erabaki zuten, kontsumo modu berri eta jasangarriago bat sortuz. Elkarrizketa honetan, Hernánek bere enpresa eta bere produktuak aurkeztuko ditu, ekintzailetzari buruz hitz egingo digu... Zer sentitu zenuten TikTok EmprendedorZ lehiaketa irabaztean? Orduan hasi ginen enpresarekin. TikTok lehiaketa batera aurkeztu ginen eta, beno, irudi asko handia eman zigun. Garai hartan ulertu genuen kontzeptuak nolabaiteko koherentzia izan zezakeela Espainiako edo Europako merkatu bate-
an, eta jendeak kategoria berri hori bereganatu zezakeela. Oso modu bitxian, arreta deitu zien.
"Niretzat, ekintzailetzaren gauzarik onena da maila pertsonalean nola hazten zaren eta egunero nola ikasten duzun" Zer da Gloop? Gloop mahai-tresna jangarrien marka bat da. Gloop-en egiten duguna da “erabili eta bota” paradigmaren ordez “erabili eta jan” erabiltzea. Gure helburu nagusia kontsumo-esperientzia hori hobetzea da eta guztiz jasangarriak gara, azkenean jendeak kontsumitzen duen produktua guztiz ekologikoa delako.
Nola jaio zen Gloop? LEINN-en gradu amaierako proiektuan jaio zen, bertan lanean hasi eta kontzeptu hori lantzen hasi ginen, eta bukatzen ari ginenean, hau da, Lanzaderan, Valentzian, garatzen jarraitu genuen, merkatuan gero eta gehiago lantzen hasi ginen.
"Gloop produktuak erabiltzea, kontsumitzailearen aldetik, erabaki koherenteagoa da" Nola bururatu zitzaizuen ideia? Martarekin nire bazkidearekin egin nuen Indiarako bidaian hasten da ideia, han bizpahiru hilabete eman genituen, eta han kontzeptua ezagutu genuen, baloratu genuen eta bilatzen hasi ginen. Espainiara itzuli ginenean, begira eta bilatzen hasi ginen, zer produktu zeuden ikusi, nola garatu zitekeen eta nola eskala zitekeen. Indiara egindako motxila-bidaian gure helburua, ekonomikoki ez ezik, jasangarria ere izango zuen proiektu bat bilatzea zen. Proiektu bat martxan jartzean izan nahi genuen proposamenetako bat zen. Zer filosofia dago Gloop-en atzean? Gazte talde bat gara, gauzak egiteko gogo askorekin, kontsumo paradigmak aldatzeko filosofiarekin, jendeak kategoria berri hau ezagutu dezala, horretara moldatu dadila, eta enpresek ikusi dezatela zein garrantzitsua den aldaketa bat egitea mundu jasangarriago bat lortzeko. Zein produktu eskaintzen dituzue? Gaur egun, batez ere ekitaldietarako edo izozkitegietarako erabiltzen diren koilaratxoak eskaintzen ditugu, bost zaporetako lastotxoak ere baditugu, marrubia, bainila, txokolatea, menda eta limoia, eta bezero motaren arabera, bat edo beste erabili, eta orain kafe-irabiagailua ateratzen ari gara, egurrezko pala ordezkatzeko, kafea irabiatu eta dena jaten amaitzeko. Nondik datoz zure produktuak? I+G azterketak egiten ditugu gure laborategian, eta bertan produktu berriak garatzen ditugu,
baina elikagaien industriako produktuen bidez. Esan nahi dut orain arte fabriketan erabiltzen ez ziren elikagaiak berrerabiltzen ari garela, garatzen ditugula, probak egiten ditugu eta industriako elikagai horiekin kafe irabiagailuak bezalako produktuak garatzeko bideragarritasuna ikusten dugula. Hortik kanpo, fabrikatzaile bat dugu, haiekin elkartzen gara eta haiek fabrikatzen dituzte. Nola eros daitezke zuen produktuak? Gure estrategia orain B2Bra bideratzen da, hau da, zuzenean enpresetara joaten gara. Uste dugu beraiek direla kontsumo paradigma horiek aldatzeko erabakiak hartu behar dituztenak eta neurriak hartu behar dituztenak lehenik, eta horra joaten gara zuzenean horiek saltzera. Hala ez bada, jendeak inprimakiak bidaltzen dizkigu webgunearen bidez gure produktuen laginak eskatzeko eta horiek bidaltzen dizkiegu eta zer iruditu zaien galdetzen diegu.
Zerk bereizten du Gloop gainerako lehiakideetatik? Gloop gisa hiru hesi ditugu. Lehenengoa da gure I+G garapen asko egiten dugula, elikagaien industriako produktuak erabiltzen ditugu, hau da, eskalatzeko aukera ematen diguna eta lehen erabiltzen ez zena. Horri gehitzen diogu eskalagarritasun handiagoa ahalbidetzen diguten teknologiak erabiltzen ari garela eta marka bat sortzen dugula. Enpresak komunitateetan zehar asko mugituko direla uste dugu eta dagoeneko ikusten ari gara. Beraz, marka hori sare sozialen bidez sortu nahi dugu, TikTok, Instagram... eta gure komunitatearen parte diren marketin-enpresa horiekin marketin kanpainak abiaraztea indartsua da eta lor dezakegun sarrera handienetako bat da. Zure ustez, zeintzuk izan dira zuen historiako unerik garrantzitsuenak? Dena mendi errusiar baten modukoa izan da: gauza oso onak dituzu, ikasten ari zaren gauzak... aurtengo unerik garrantzitsuenetako bat 450.000 eurotan bildu dugun inbertsio txanda izan da, jada horretan sinesten duen pertsona
bakarra ez zarela balioztatzen duena, baizik eta atzean jende gehiago dagoela eta dagoeneko lortu dituzula zure lehen salmenta eta eskalagarritasun neurketak.
"Ez dakit inoiz erraparatu diogun lurrean aurkitzen ditugun lastotxo, irabiagailu edo plastikozko koilaratxoen kopuruari" Eta prozesu osoaren zatirik konplikatuena? Oraintxe daukagun erronkarik handiena produktua da. Garapen teknologikoa eta eskalagarritasuna duen produktua. Bertan aurkitzen ari gara erronkarik handiena gure produktuen prezioak demokratizatu ahal izateko eta merkatu handiago batera heldu ahal izateko. Nola erabaki zenuen ekintzailetzara jotzea? Nire kasuan, Arrasateko Unibertsitatean LEINN graduaren berri izan nuen eta asko gustatu zitzaidan. Informazioa bilatzen hasi nintzen, hura
ikasi zuen jendea bilatu nuen, urtez urte ekintzailetzarekin hasi eta maitemindu nintzen. Batez ere, jendeak erabiltzen dituen gauzak sortzearen sentsazioa eta arazo desberdinak konpontzen ari zarenean gustatzen zaizula. Sentsazio eta sentimendu horrekin maitemintzen zarenean, are gehiago maitatuko duzu ekintzailetza zer den zure eguneroko bizitzan.
txo, irabiagailu eta plastikozko koilaratxo kopuruan erreparatu dugun. Eta horrek guztiak ekosisteman duen eragin guztia ikusten ari gara, sortzen duen zikinkerian... Beraz, pixka bat pentsatzera animatzen dut, produktu parekidea dela baina askoz irtenbide hobea duena, berdin jan eta botako balute, guztiz ekologikoa delako. Erabaki koherenteagoa da kontsumitzailearen aldetik.
"Ekintzailetzan, zer gertatuko den jakin gabe bizitzen ikasi behar da"
Etorkizuneko zer asmo dituzue Gloop-en? Bigarren urte honetan, 6 edo 7 lagun inguruko taldea mantendu nahi dugu, 400 denda ingurura iritsi eta beste bi produktu garatu. Etorkizunera begira, gure ideia hurrengo urterako hazten jarraitzea litzateke 14 edo 15 pertsona artean izatera, eta Europako iparraldeko herrialdeetako ate batzuk jotzen hastea.
Zein da ekintzailetzaren onena eta txarrena? Niretzat onena maila pertsonalean nola hazten zaren eta egunero nola ikasten duzun da, basatia delako. Bizitza ekintzailea maila pertsonalean eramaten baduzu, hazkundea askoz handiagoa da agian enpresa normalago batera lanera joanez gero baino. Okerrena, honekin guztiarekin eta sakrifizioarekin dakarren errusiar mendia da, eta zer gertatuko den ez jakitea. Uste dut horrekin bizitzen ezagutu eta ikasi behar duzula, ziurgabetasunez lan egin eta momentu oso onak eta oso txarrak etortzen direla jakin, eta horiek guztiak modu linealean kudeatzen jakin. Nola animatuko zenuke norbait ekintzailetzara jotzea? Utzi pertsona hori bere buruarekin esertzen, eta ea benetan nahi duen zer egiten ari den, ea ezkonduko litzatekeen zerbait den, haur bat izatea bezain garrantzitsua baita. Beraz, pertsona horrek % 100 argi badu, igerilekura salto egin dezala, prozesuaren parte delako eta ez badu funtzionatzen lehen aldiz, bigarrenean, hirugarrenean... Argi baduzu. eta sinesten baduzu, aurrera egin behar duzu. Azkenean, garrantzitsuena egitea da eta zer gertatzen den ikustea. Nola bultzatuko zenuke Gloop produktuak erabiltzera? Animatu baino gehiago, ez dakit inoiz gelditu garen pentsatzen, adibidez, kalean ibiltzean, lurrean aurkitzen ditugun izozkitegietako lasto-
Establezimendu ezagunen batean al zaudete dagoeneko? Izozki-kate ezagunak izan daitezkeen bezeroak ditugu, hala nola Puerta Real, Grupo Cahorza, Espainia osoan izozkitegi batzuk ere dituena... bezero ezagunak eta ez hain ezagunak ditugu. www.gloop.site
Unibertsitateko titulua ikasteko Europako unibertsitate onenak Britainiar zentroak dira Europako nabarmenenak eta Espainian Universitat Autònoma de Barcelona nabarmentzen da, QS World University Ranking 2024ren arabera
Jon Lasa Galdos
Unibertsitateko titulua ikasiko duzun unibertsitatearen prestigioa zuretzako faktore garrantzitsuenetako bat bada zure ikasketak non egin aukeratzeko orduan, interesatuko zaizu jakitea munduko 10 unibertsitate onenetariko 5 Europan daudela, QS World University Ranking 2024ren arabera. Izan ere, horietako 4 Erresuma Batuan daude, eta 1 Suitzan. Guztira, Europako 501 unibertsitate daude munduko onenen artean, aipatutako sailkapenaren arabera, hor bertan aztertutakoen herena gutxi gorabehera. Horien artean, Erresuma Batukoak nabarmentzen dira bereziki, Europan nazioartean sailkatutako unibertsitate gehien dituen herrialdea baita (90), Alemaniaren (49) eta Italiaren (42) aurretik. Era berean, kontuan izan behar da QS World University Rankings 2024ren hogeigarren edizioa prestatzeko 104 kokapenetako 1.500 erakunde hartu direla kontuan. Halaber, hobekuntza metodologikoak ezarri dira daudenei hiru
metrika berri sartuz: jasangarritasuna, lanemaitzak eta nazioarteko ikerketa-sarea. Unibertsitate britainiarrak, Europako onenak Cambridgeko Unibertsitatea Europako unibertsitate-zentro onenen sailkapenaren liderra da eta munduko bigarrena ere bada, Estatu Batuetako Massachusetts Institute of Technology-k (MIT) bakarrik gainditua, hamabigarren urtez jarraian munduko lehen postua hartzen duena. Unibertsitate britainiar honek 99,2ko puntuazio orokorra lortu du eta puntuaziorik handienarekin (100) adierazle hauetan nabarmentzen da: ospe akademikoa, enplegatzaileen artean ospea, ikasle-irakasle ratioa, nazioarteko irakaskuntza ratioa eta enpleguaren emaitzak, Quacquarelli Symonds (QS) goi mailako hezkuntzako nazioarteko aholkularitzak egindako ranking honen arabera. Bigarren tokian, Europa mailan, Oxfordeko Unibertsitatea dago 98,9ko puntuazio orokorrarekin, eta horrek munduko hirugarren unibertsi-
tate onena bezala ere jartzen du. Europako top 5en artean, Imperial College London (97,8), ETH Zurich (93,3) eta London's Global University (UCL) (92,4) daude. Jarraian, kontinenteko onenen Top 10a osatzen duten Europako gainerako unibertsitateak erakusten dizkizugu, QS World University Ranking 2024-aren arabera.
QS World University Rankings 2024ren hogeigarren edizioa prestatzeko, 104 kokapeneko 1.500 erakunde hartu dira kontuan Bartzelonako Unibertsitate Autonomoa, Espainiako nabarmenena Bartzelonako Unibertsitate Autonomoa (UAB) Espainian hobe kokatuta dagoena da. Izan ere, Bellaterran (Bartzelona) kokatutako erakunde honek hiru urtez jarraian gora egin du aipatutako rankingean bere posizioa hobetzen, 2021ean 213. postutik 2024an 149. izatera igaro baita mundu osoan, azken hamarkadako emaitzarik onena. Gainera, UAB Europako 100 onenen artean kokatzen da, Europako unibertsitate onenak sailkatzen dituen rankingean 63. postuan kokatuta. Entitatea bereziki nabarmendu da iraunkortasun-adierazleetan (94,6) eta nazioarteko bilaketa-sareetan (84,2). Gertutik jarraitzen du Kataluniako beste unibertsitate batek, Bartzelonako Unibertsitatea (UB), 49,7ko puntuazio orokorrarekin, Europan 70. postuan kokatuta eta mundu osoan 164. postuan. UB ere bere aurrekoaren adierazle berdinetan nabarmentzen da: jasangarritasunean (98,1) eta nazioarteko bilaketa-sareetan (97,8). Era berean, Espainiako beste bi unibertsitatek lortu dute Europako 100 onenen artean kokatzea. Madrilgo Unibertsitate Konplutensea (UCM) (73. postua) eta Madrilgo Unibertsitate Autonomoa (UAM) (84. postua). Erakunde biak ere nabarmentzen dira iraunkortasun-adierazleengatik eta nazioarteko bilaketa-sareengatik.
Espainian posizioa
Posizio globala
Unibertsitatea
1 2 3 4 5 6 7 8 9 10
149 164 171 199 280 310 319 349 354 403
Bartzelonako Unibertsitate Autonoma Bartzelonako Unibertsitatea Madrilgo Unibertsitate Konplutensea Madrilgo Unibertsitate Autonomoa Nafarroako Unibertsitatea Pompeu Fabra Unibertsitatea Madrilgo Carlos III.a Unibertsitatea Madrilgo Unibertsitate Politeknikoa Universitat Politécnica de Catalunya Granadako Unibertsitatea
Kontuan izan behar da Madrilgo Unibertsitate Konplutenseak aurrerapen handia egin duela munduko rankingean aurreko urtearekin alderatuta, 226. postutik 171era igaroz. Jarraian, QS World University Ranking 2024aren arabera Espainian eta munduan ondoen kokatutako 10 unibertsitate espainiarrak erakusten dizkizuegu; Gogoratu unibertsitate baten prestigioa ez dela izan behar unibertsitateko titulua non ikasi behar duzun aukeratzen duen faktore bakarra. Hemen esaten dizuegu zein beste irizpide hartu behar diren kontuan unibertsitateko titulua non ikasi aukeratzeko, hala nola, bere instalazioak, irakaslegoa, eskaintzen diren zerbitzu osagarriak, ikasgelako ikasle kopurua, besteak beste. QS World University Ranking QS World University Ranking urtero kaleratzen da etorkizuneko ikasleei munduko unibertsitate nagusiak identifikatzen laguntzeko. QS World University Ranking 2024ren edizio hau hogeigarrena izan da eta 104 tokitako 1.500 erakunde zenbatu ditu sailkapena prestatzeko. Gainera, daudenei beste hiru adierazle gehitu zaizkie: iraunkortasuna, lan-emaitzak eta nazioarteko ikerketa-sarea. Rankingean agertzen den unibertsitate bakoitzaren puntuazio orokorra adierazle hauetan oinarritzen da: ospe akademikoa, enplegatzaileen artean ospea, ikasle-irakasle ratioa, ikerketa-artikuluetako aipamenak, nazioarteko irakasle ratioa, nazioarteko ikasle ratioa, nazioarteko sarearen ikerketa, lan-emaitzak eta jasangarritasuna. Emaitzak 17,5 milioi artikulu akademikoren azterketan eta 240.000 irakasle eta enpresaburu baino gehiagok osatutako adituen iritzietan oinarritzen dira.