Alumnado de 1º e 3º da ESO
Proxecto Servet VI
O alumnado de 1º e 3º da ESO fomos a Zaragoza dos días 13 ao 15 de maio. O día 13 fomos por separado xa que Pablo e Zaira estaban en Ourense na Galiciencia. Os alumnos de 1º e mais eu fomos nunha furgoneta ata Ponferrada na que máis tarde xuntámonos todos. Logo, saímos en autobús camiño de Zaragoza. A verdade a viaxe foi moi lomga. Cando chegamos a Zaragoza fomos a Etopía que é un centro de arte e tecnoloxía. Alí démoslle os últimos retoques a nosa sonda porque para o día seguinte tiña que estar preparada. Logo cada participante presentou o seu traballo. Había un montón de traballos interesantes con propósitos diferentes. Ao día seguinte fomos para un colexio no que se ía facer o lanzamento. Estivemos alí ata que se lanzou a sonda. O globo era moito máis grande do que eu me esperaba e a verdade tardou en incharse por completo. Despois do lanzamento estivemos esperando a que aterrizara. Cando caeu ao chan uns organizadores foron a buscalo xa qye aterrizou en Huesca. Ao día seguinte fomos a Etopía a analizar os nosos resultados. Por sorte a nosa Sonda quedou intacta e puidemos recoller todos os datos sen problemas. A min os resultados non me pareceron malos porque conseguimos gravar a curvatura terrestre, o globo na maioría da viaxe e ademais recollimos moitos datos da temperatura, ozono, presión, humidade… Non sabemos o por que pero nun momento do traxecto todo deixou de funcionar. A mañá seguinte fomos a Etopía para que todos puidesemos explicar os nosos resultados. A moita xente o traballo saíulle moi ben e recolleron todos os datos que esperaban. Despois de presentar todos os resultados fixeron unha entrega de placas conmemorativas do evento. Esa foi a última actividade en Etopia. Logo de rematar subimos no autobús e saímos dirección o Caurel. Sabela Rodríguez Rodríguez
Alumnado de 1º e 3º da ESO
Chove pra que eu soñe A Universidade de Zaragoza, Ibercivis e a FECYT ofertan os medios para que os centro escolares poidan mandar unha sonda a estratosfera. Unha sonda é un globo que sube ata a estratosfera e leva colgado os proxectos dos centros escolares. A sonda está posta pola organización e lánzanse 2 globos con todos os proxectos. A capa da atmosfera coa que estamos en contacto é a troposfera. Por riba da troposfera está a estrafosfera. Nesta capa está a capa de ozono, que é a que nos protexe da radiación ultravioleta.
O Courel destaca pola súa beleza paisaxística que é fonte de inspiración poética. Entre os nosos poetas destaca Uxío Novoneyra. Como tantas persoas observaba o ceo para gozar da sía beleza. Inspirámonos en Uxío Novoneyra para poñerlle título a nosa sonda. Entre as súas obras destacan os caligramas que son poemas visuais. Escollemos o seu caligrama “Chove pra que eu soñe” para homenaxear o noso poeta e titular o noso proxecto.
Obxectivos
1. Medir as variacións de presión e temperatura. 2. Estudar a concentración de ozono na troposfera e na estratosfera 3. Facer un seguimento real da forza e da dirección dos ventos predominantes ó longo da traxectoria da sonda. 4. Fotografar as nubes altas e o horizonte a diferentes alturas.
Requisitos da sonda
A nosa sonda chegou a estratosfera a 35 km de altura. A esa altura as temperaturas son inferiores a -40ºC. Este foi un dos nosos retos: que todo funcionase a baixas temperaturas. Outro dos retos foi o imposto pola organización: que a nosa sonda non supere os 300 g de peso
Deseño da estrutura
A nosa estrutura está construída nun material illante co fin de protexer do frío os compoñentes electrónicos. Primeiro fixemos un prototipo de estrutura de cartón.
Elementos electrónicos
Prototipo de cartón da estrutura da sonda
Usamos sensores de presión e temperatura, de ozono, 3 microcámaras, tarxetas microSD e placas de Arduino.
Resultados
Funcionaron as 3 cámaras e os sensores. Non sabemos a razón pero a placa de Arduino reiniciouse continuamente. Esto provocou que non houbese gravación dos datos de xeito contínuo, senon de xeito interrumpido. O período máis longo de gravación foi de aproximadamente 35 minutos.
Estrutura da nosa sonda
Visión da cámara superior antes da explosión do globo (arriba) e despois da explosión co paracaídas aberto (abaixo).
Visión da cámara lateral no que se aprecia a curvatura da Terra.