ἈπολυτίκιονπάντωντῶνἐνΓρεβενοίςἉγίων.
Ἦχοςπλ.α’.ΤὸνσυνάναρχονΛόγον.
Γρεβενῶν τῶν Ἁγίων χορὸν τιμήσωμεν, * σὺν τῇ ἁγνῇ Θεοτόκῳ καὶ
Ἀχιλλίῳ, Κοσμᾶ, * Σαμαρίνης τὸ ἐκβλάστημα, Δημήτριον, * θεῖον
Νικάνορα, πιστοί, * καὶ Γεώργιον στερρόν, Τσουρχλίου γόνον καὶ
θρέμμα. * Ὡς ἀνυστάκτους ἐφόρους * καὶ ταχυνοὺς ἡμῶν ἀκέστορας.
ἈπολυτίκιονΧριστούτοῦΣωτήρος. Ἦχοςα'.Τῆςἐρήμουπολίτης.
Τὴν σεπτήν σου εἰκόνα προσκυνοῦμεν φιλάνθρωπε, * ἥν ἐν Καλλιστράτου
τῷ ὄρει θαυμαστῶς ἐφανέρωσας, * Νικάνορι θεράποντι τῷ σῷ, * καὶ
τούτου ταῖς πρεσβείαις ἀγαθέ, * ἱκετεύομέν σὲ σῶσον πάντας ἡμᾶς * τοὺς
εὐλαβῶς κραυγάζοντας. * Δόξα τοῑς μεγαλείοις σου Σωτήρ, * δόξα τῇ
εὐσπλαχνίᾳ σου, * δόξα τῇ ἐν Θαβωρίω Ζωοδότα Μεταμορφώσει σου.
ἈπολυτίκιονΠαναγίαςτουΣπηλαίου.* Ἦχοςα'.Τῆςἐρήμουπολίτης.
Πληθὺς Γρεβενιωτῶν ἐν ᾠδαῖς εὐφημήσωμεν * ἡμῶν τὴν πολιοῦχον καὶ
Σπηλαίου τήν ἔφορον. * Τιμῶμεν ὡς ἁγίασμα σεπτόν, * καὶ σκήνωμα τῆς
δόξης Σου πιστῶς, * τήν εἰκόνα σου Θεοτόκε, * ἐξ ἧς καρποῦνται χάριν καὶ ἰάματα. * Χαῖρε τῶν σὲ τιμώντων ἡ ἐλπίς, * χαῖρε ἡμῶν τὸ καύχημα,
* χαῖρε ἡ χάριν καὶ ὄνομα οὖσα βοήθεια.
ἈπολυτίκιονΑρχαγγέλουΜιχαήλ.* Ἦχοςα'.Τῆςἐρήμουπολίτης.
Τὴν ἁγίαν Μονὴν σου καὶ λαὸν σου νὺν φύλατε, * τόν ἐν Γρεβενοὶς
κατοικοῦντα, Μιχαὴλ Ἀρχιστράτηγε, * καὶ πάντων Ὀρθοδόξων τὴν
πληθύν, * ἐκ πάσης ἐπηρείας, τοῦ ἐχθροῦ. * Ὡς δὲ θεῖος ἐχρημάτισας
βοηθός,* τῶν πίστει σοὶ προστρέχοντας. * Δόξα τῷ δεδωκότι σοὶ ἰσχύν, *
δόξα τῷ σὲ στεφανώσαντι, * δόξα τῷ ἐνεργοῦντι διὰ σοῦ πᾶσιν ἰάματα.
ἈπολυτίκιονἉγίουἈχιλλίου.
Ἦχοςπλ.α΄.ΤὸνσυνάναρχονΛόγον.
Ἱεράρχην Λαρίσης τὸν ἐνθεώτατον, * τῶν Γρεβενῶν Πολιοῦχον καὶ
βοηθὸν κραταιόν, * τὸν Ἀχίλλιον πιστῶς ἀνευφημήσωμεν, * ὅτι ἐκήρυξε
λαμπρῶς * ὁμοούσιον Πατρὶ τὸν Λόγον ἐν τῇ Συνόδῳ, * νῦν δὲ σκέπει ὡς
ἀντιλήπτωρ* ἠμᾶς τοὺς πόθῳ αὐτὸν γεραίροντας.
ἈπολυτίκιονΟσίουΝικάνωρος.
Ἦχοςγ’.Θείαςπίστεως.
Νίκης εἴληφας, ἄφθαρτον στέφος, * πάτερ ὅσιε, παρὰ τοῦ Κτίστου, * τῶν
σῶν ἀγώνων ἀντάξιον ἔπαθλον· * τὴν γὰρ πατρίδα λιπὼν τὴν ἐπίγειον, * τῆς οὐρανίου οἰκήτωρ γεγένησαι· * ὅθεν πάντες σὲ πίστει καὶ πόθῳ
γεραίρομεν· * χαίροις Νικάνορ, Ὁσίων ὁμόσκηνε.
ἈπολυτίκιονἹερομάρτυροςΚοσμᾶτοῦΑἰτωλοῦ. Ἦχοςγ’.Θείαςπίστεως.
Κόσμον ηὔγασας Πνεύματι θείῳ, * κόσμον ἤνεγκας τῇ ᾿Εκκλησίᾳ, *
κόσμημα θεῖον, πιστῶν τὸ προπύργιον, * ταῖς διδαχαῖς σὺ τὸ Γένος
ἐφώτισας * καί τῆς δουλείας τὰ σκότη διέλυσας, * Κοσμᾶ ῞Αγιε· τῶν
᾿Αποστόλων ὁμότροπε, * Χριστὸν τὸν Θεὸν ἱκέτευε * κοσμῆσαι τὰς
ψυχὰς τῶν ἀνυμνούντων σε.
ἈπολυτίκιονΝεομάρτυροςΓεωργίου.
Ἦχοςπλ.α’.ΤὸνσυνάναρχονΛόγον.
Τὸν πανεύφημον Μάρτυν Χριστοῦ Γεώργιον, * Τσουρχλιωτῶν δέ τὸ
κλέος καὶ πολιοῦχον λαμπρόν, * ἐν ᾠδαῖς πνευματικαῖς ἀνευφημήσωμεν· *
ὅτι ἐνήθλησε στερρῶς,* καὶ κατήνεγκεν ἐχθρόν, τοῦ Πνεύματος τῇ
δυνάμει· * καὶ νῦν ἀπαύστως πρεσβεύει, * ἐλεηθῆναι τὰς ψυχὰς ἡμῶν.
ἈπολυτίκιονΝεομάρτυροςΔημητρίου. Ἦχοςα’.Τῆςἐρήμουπολίτης.
Σαμαρίνης τὸν γόνον εὐσεβῶν τὸ κραταίωμα, * τὸν νεοφανῆ
Ἀθλοφόρον, τοῦ Σωτῆρος Δημήτριον, * τιμήσωμεν συμφώνως οἱ πιστοί·
* ἀθλήσας γὰρ στερρῶς ὑπὲρ Χριστοῦ, * Ἐκκλησίας ἀνεδείχθη νέος
ἀστήρ, * καὶ τῶν βοώντων πρόμαχος· * δόξα τῷ δεδωκότι σοι ἰσχύν, * δόξα τῷ σὲ θαυμαστώσαντι, * δόξα τῷ ἐκπληροῦντι διὰ σοῦ, ἡμῶν τὰ αἰτήματα.
ἈπολυτίκιονΕθνοϊερομάρτυροςΑιμιλιανού.*
Ἦχοςα’.Τῆςἐρήμουπολίτης.
Ὀρθοδόξων τήν πίστην καί Ἑλλήνων τό φρόνημα, * Αἰμιλιανὲ Ἱεράρχα
διὰ βίου ὀρθότητος, * ἐδίδαξας κηρύττειν εὐθαρσῶς,* τοῖς πᾶσιν θείον
λόγον τοῦ Χριστοῦ * Διὰ τοῦτο ὡς ποιμένα καὶ ἀθλητήν * τῶν Γρεβενῶν
κραυγάζοντες, * δόξα τῷ παρασχόντι σοι Ἰσχύν, * δόξα τῷ σὲ
στεφανώσαντι, * δόξα τῷ δωρουμένῳ διὰ σοῦ, πάσι τὴν ἄφεσιν.