med desimaltal

Avrunding av svar med desimaltal

Når vi reknar med desimaltal, får vi ofte eit uendeleg tal desimalar i svaret. Då må vi runde av. Vi rundar av til eit heilt tal, eller til så mange desimalar som vi vil ha i svaret.

Sjå på avrundingane nedanfor.

Avrunding til eit heilt tal: 1,500 2 17,40 17 99,49 99 300,7 301

Avrunding til éin desimal: 4,03 4,0 4,08 4,1 4,16 4,2 4,25 4,3

Avrunding til to desimalar: 2,433 2,43 1,245 1,25 0,597 0,60 1,995 2,00

Når vi rundar av, er det smart å finne avrundingssifferet. Om vi ønskjer å runde av til eit heilt tal, er det sifferet på einarplassen som er avrundingssifferet. Dersom sifferet på plassen etter avrundingssifferet er 5 eller større, aukar vi verdien til avrundingssifferet med 1. Dersom sifferet er 4 eller mindre, lèt vi avrundingssifferet stå uforandra.

Prøv å formulere ein avrundingsregel for eit desimaltal med tre desimalar.

≈ tyder tilnærma lik.

DØME 1.20

a) Rund av 97,6 til eit heilt tal. b) Rund av 2,53 til eit tal med éin desimal. c) Rund av 0,1049 til eit tal med to desimalar.

Løysing

a) Her er avrundingssifferet 7. Sifferet bak er større enn 5.

97,6 98

b) Her er avrundingssifferet 5. Sifferet bak er mindre enn 5.

2,53 2,5

c) Her er avrundingssifferet 0. Sifferet bak er mindre enn 5.

0,1049 0,10

HUGS

Dersom talet etter avrundingssifferet er 5 eller større, rundar vi av oppover. Dersom talet etter avrundingssifferet er mindre enn 5, lèt vi avrundingssifferet stå uforandra.

OPPGÅVER

1.71 Rund av til éin desimal. a) 2,34 b) 4,65 c) 7,86 d) 5,46

1.72 Rund av til to desimalar. a) 4,567 b) 6,367 c) 6,777 d) 2,224

1.73 Rund av til tre desimalar. a) 1,5555 b) 4,8996 c) 0,0005 d) 7,9995

1.74 Rund av til eit heilt tal. a) 14,49 b) 5,50 c) 9,51 d) 99,62

1.75 Rund av til to desimalar.

a) 5,586 b) 1,596 c) 4,895

a) 4,703 b) 8,999 c) 0,099

a) 5,995 b) 0,0049 c) 9,995

1.76 Espen kjøper 2,4 kg kjøtdeig til 34,80 kr per kilogram. Han betalar med kontantar. Kor mykje må Espen betale?

1.77 Rekn ut ved hjelp av ein kalkulator, og rund av svaret til seks desimalar. a) 1 : 7 b) 2 : 7 c) 3 : 7 d) Kva samanheng ser du mellom svara du har fått?

1.78 I ein butikk kostar klementinar 17,90 kr per kilogram. Rekn ut og rund av svaret til nærmaste heiltal. Kor mykje kostar 2 kg klementinar?

Kor mykje kostar 1,75 kg klementinar?

Du betalar 63 kr for ein pose med klementinar. Kor mange kilogram har du kjøpt?