Reykjanesbær
Gengur hratt á þriggja milljarða handbært fé Grindavíkurbæjar
Bæjarráð Reykjanesbæjar samþykkti á fundi sínum 13. febrúar 2025 að óska eftir skammtímafjármögnun að höfuðstól allt að einn milljarður króna , með lokagjalddaga þann 15. janúar 2026. Þá er óskað eftir framlengingu á lánasamningi sem er á gjalddaga 28. febrúar 2025. Er fjármögnunin ætluð til að brúa bil þar til jafnvægi kemst á dreifingu fjárstreymis en fasteignagjöld eru innheimt frá febrúar til nóvember ár hvert og kemur því fall í fjárstreymi í desember og janúar um 700 milljónir. Bókanir vegna málsins voru lagðar fram á bæjarstjórnarfundi í gær. Meira á vf.is.
Leigubifreið
valt og tvennt á sjúkrahús
Handbært fé Grindavíkurbæjar var ríflega 3,3 milljarðar króna um síðustu áramót að meðtöldum tjónabótum frá Náttúruhamfaratryggingu Íslands, NTÍ. Hratt mun ganga á fjármunina samkvæmt fjárhagsáætlun fyrir Grindavíkurbæ og stofnanir fyrir árin 2025 til 2028. Í árslok 2028 er gert ráð fyrir að handbært fé verði 51 milljón króna. Fjárhagsáætlun Grindavíkurbæjar og stofnana fyrir árin 2025 til 2028 var lögð fram til síðari umræðu á fundi bæjarstjórnar í lok janúar.
Áætlunin ber þess merki að starfsemi Grindavíkurbæjar er í algjöru lágmarki út áætlunartímabilið. Áætlun um tekjur byggir á mjög
óljósum forsendum en ljóst er að mikið tekjufall verður hjá Grindavíkurbæ. Gert er ráð fyrir samdrætti í launum og öðrum rekstrarkostnaði en þrátt fyrir það verður verulegur rekstarhalli öll árin.
Áætluð rekstrarniðurstaða í samanteknum reikningsskilum Aog B-hluta gera ráð fyrir rekstrarhalla upp á tæpar 1.364 milljónir
króna á þessu ári. Rekstrarhallinn er svo ráðgerður tæpar 553 milljónir króna árið 2026, á árinu 2027 er hann ráðgerður ríflega 523 milljónir og árið 2028 er rekstrarhalli áætlaður 545 milljónir króna.
Bæjarstjórn samþykkir samhljóða framlagða áætlun.
Ökumaður leigubifreiðar missti skyndilega stjórn á bifreið sinni og endaði utan vegar á Miðnesheiðarvegi á laugardagskvöld. Ökumaður og farþegi voru flutt með sjúkrabifreið á Heilbrigðisstofnun Suðurnesja og þaðan á Landspítalann. Farþeginn var síðan fluttur á Heilbrigðisstofnun Suðurnesja þar sem hann dvaldi eina nótt en ökumaður dvaldi á Landspítala í tvær nætur vegna rannsóknar á meiðslum hans.
Suðurnesjabær sendir neyðarkall til stjórnvalda
Bæjarráð Suðurnesjabæjar sendir neyðarkall til stjórnvalda um að taka sér tak, bæta nú þegar úr því úrræðaleysi sem ríkir í málaflokknum um búsetuúrræði fyrir börn með fjölþættan vanda og koma til framkvæmda tillögum nokkurra starfshópa sem hafa fjallað um þá nauðsynlegu þjónustu sem viðkomandi einstaklingar þurfa á að halda.
Á borði velferðarsviðs Suðurnesjabæjar er búsetuúrræði fyrir
tvo einstaklinga í einkareknum úrræðum og er áætlað að kostnaður
vegna þeirra fyrstu fimm mánuði ársins 2025 verði 136,50 milljónir króna. Samkvæmt erindinu til velferðarsviðs má reikna með að á árinu 2025 gæti umræddur kostnaður alls orðið nálægt kr. 330.000.000. „Það er algerlega augljóst að þetta dæmi getur ekki með nokkru móti gengið upp,“ segir í afgreiðslu bæjarráðs Suðurnesjabæjar. Nánar á síðu 2 í blaðinu í dag.
Tvö börn með fjölþættan vanda geta kostað
Suðurnesjabæ 330 milljónir króna á ári
Búsetuúrræði fyrir börn með fjölþættan vanda voru til umfjöllunar á síðasta fundi bæjarráðs Suðurnesjabæjar og minnisblað um málefnið til umræðu. Eins og fram kemur á forsíðu blaðsins í dag hafa bæjaryfirvöld sent frá sér neyðarkall til stjórnvalda um að taka sér tak í málaflokknum.
Fyrir liggur erindi frá velferðarsviði Suðurnesjabæjar, þar sem óskað er eftir fjárheimild að fjárhæð 86,5 milljónir króna til viðbótar við fjárheimild í fjárhagsáætlun 2025. Í erindinu kemur fram að um er að ræða búsetuúrræði fyrir tvo einstaklinga í einkareknum úrræðum og er áætlað að kostnaður vegna þeirra fyrstu fimm mánuði ársins 2025 verði 136,50 milljónir króna.
„Bæjarráð getur ekki samþykkt að rekstur sveitarfélagsins geti staðið undir þeim kostnaði sem tilgreindur er í erindinu, hvað þá ef framhald væri á þessum úrræðum út allt árið. Samkvæmt erindinu má reikna með að á árinu 2025 gæti umræddur kostnaður alls orðið nálægt kr. 330.000.000. Það er algerlega augljóst að þetta dæmi getur ekki með nokkru móti gengið upp. Ef sveitarfélagið neyðist til að standa undir þessum kostnaði þarf bæjarstjórn annað hvort að ráðast
í mikinn niðurskurð á þjónustu við íbúa sveitarfélagsins eða að rekstrarniðurstaða ársins verður verulega neikvæð. Ef það verður niðurstaðan mun Suðurnesjabær ekki standast fjármálareglu sveitarstjórnarlaga, sem kallar á afskipti
„Bæjarráð getur ekki samþykkt að rekstur sveitarfélagsins geti staðið undir þeim kostnaði sem tilgreindur er í erindinu, hvað þá ef framhald væri á þessum úrræðum út allt árið. Samkvæmt erindinu má reikna með að á árinu 2025 gæti umræddur kostnaður alls orðið nálægt kr. 330.000.000. Það er algerlega augljóst að þetta dæmi getur ekki með nokkru móti gengið upp,“ segir m.a. í afgreiðslu bæjarráðs Suðurnesjabæjar. VF/Hilmar Bragi
ráðuneytis og eftirlitsnefndar með fjármálum sveitarfélaga,“ segir í afgreiðslu fundarins.
Þá ítrekar bæjarráð fyrri ályktanir um málið, sem og erindi sem send hafa verið til ráðuneyta, ríkisstofnana og alþingismanna. Þá
vísar bæjarráð til funda og samtala sem bæjarstjóri hefur ásamt starfsfólki velferðarsviðs átt við ráðherra, embættismenn og fulltrúa ríkisstofnana sem málið varðar. Þá segir: „Bæjarráð Suðurnesjabæjar sendir neyðarkall til stjórn-
valda um að taka sér tak, bæta nú þegar úr því úrræðaleysi sem ríkir í málaflokknum og koma til framkvæmda tillögum nokkurra starfshópa sem hafa fjallað um þá nauðsynlegu þjónustu sem viðkomandi einstaklingar þurfa á að halda, síðast í áfangaskýrslu II sem kom út í september 2024 þar sem fram koma tillögur um aðgerðir til að mæta því ófremdarástandi sem uppi er í þjónustu við börn með fjölþættan vanda. Þar er m.a. lagt til að ríkið annist þjónustu og úrræði fyrir viðkomandi einstaklinga. Grundvallaratriði er að taka utan um viðkomandi einstaklinga, veita þeim þjónustu við hæfi og hlúa að þeim með uppbyggilegum hætti, eins og almennt ber að gera gagnvart börnum.“
Bæjarráð Suðurnesjabæjar samþykkti samhljóða að fela bæjarstjóra að koma ályktun bæjarráðs á framfæri við ráðuneyti og stofnanir sem málið varðar, sem og við alþingismenn og umboðsmann barna. Einnig sendir bæjarráð ákall til Sambands íslenskra sveitarfélaga um að setja þetta mál í forgang í samskiptum við ríkisvaldið. Bæjarráð samþykkir jafnframt samhljóða að fresta því að taka afstöðu til erindisins frá velferðarsviði.
Fasteignakaupum í Grindavík að
Fasteignakaupum í Grindavík fer senn að ljúka en nú hafa 952 umsóknir frá einstaklingum um kaup á íbúðarhúsnæði borist Fasteignafélaginu Þórkötlu. Frestur einstaklinga til að sækja um sölu á íbúðarhúsnæði í Grindavík rennur út 31. mars.
Gengið hefur verið frá kaupum á 938 eignum. Enn eru sjö umsóknir í vinnslu hjá félaginu og í sjö tilvikum hefur félagið hafnað kaupum á grundvelli þess að umsóknin uppfylli ekki skilyrði laga um undanþágu frá lögheimili. allt að 80 kaupsamningar á dag
„Horft til baka var þetta ótrúlegt verkefni og er það reyndar enn,“ segir Örn Viðar Skúlason framkvæmdastjóri Fasteignafélagsins Þórkötlu í tilkynningu. „Ýmsar ófyrirséðar áskoranir komu fram, eins og við er að búast í svona óvenjulegu verkefni, en eftir að uppkaup hófust í lok apríl hefur
þetta gengið gríðarlega vel. Þegar mest lét vorum við að ganga frá 80 kaupsamningum á dag,“ segir Örn Viðar. Á fyrstu sex vikunum eftir frágang samninga við lánastofnanir gekk félagið frá kaupum á 660 eignum eða 80% þeirra sem þá höfðu sótt um. Í lok júní hafði félagið svo gengið frá kaupum á 750 eignum.
Þórkatla byggir upp fasteignateymi í Grindavík
Uppkaup fasteigna voru þó bara fyrsta skrefið. Tilgangur Fasteignafélagsins Þórkötlu var að skapa Grindvíkingum svigrúm til
búferlaflutninga vegna eldsumbrotanna sem enn standa yfir. Nú hafa því áherslur félagsins færst yfir á rekstur og viðhald eignanna. Fasteignafélagið Þórkatla hefur í því skyni ráðið þriggja manna teymi til að hafa eftirlit með eignum félagsins í Grindavík. Þá starfar fjöldi verktaka við viðgerðir og öryggisviðhald á húsunum. Teymi pípara hefur til dæmis farið í öll hús félagsins í bænum og yfirfarið hitakerfi, gert við bilanir og tappað af snjóbræðslum. Þá hafa rafvirkjar og smiðir komið að viðgerðum til að fyrirbyggja skemmdir á húsum.
Að lokum er markmið félagsins þó alltaf að gera íbúum kleift að kaupa eignir sínar aftur þegar ljóst er að skilyrði hafa batnað, svo blómleg byggð geti fest rætur í Grindavík á ný.
Horft yfir byggðina í Grindavík í júnímánuði í fyrra. Þarna var yfirstandandi fimmta eldgosið á síðasta ári. VF/Hilmar Bragi
Leikhúsferð
Félag eldri borgara á Suðurnesjum ætlar að sjá „Þetta er Laddi“
í Borgarleikhúsinu 9. maí nk. kl 20.
Rútan fer frá Nesvöllum kl 18:30.
Verð kr 11.500.-
Miðapantanir hjá Hildi s. 848-5882 og Steinunni s. 868-9863.
Miðar seldir þriðjudaginn 4. mars á Nevöllum. Posi á staðnum. Leikhúsnefndin
Orlofshús VSFK Páskar 2025
Opnað verður fyrir páskaumsóknir föstudaginn 21. febrúar inn á orlofssíðum VSFK vsfk.is (grænn takki merktur Orlofsvefur) eða orlof.is/vsfk
Eftirtalin orlofshús félagsins verða leigð út um páskana:
3 hús í Svignaskarði
1 hús í Húsafelli 64 (hundahald leyft)
2 hús í Ölfusborgum
4 hús við Syðri Brú (Grímsnesi) (hundahald leyft í húsi nr.10)
1 íbúð í raðhúsi að Núpasíðu 8h, á Akureyri Útleigutímabil er frá miðvikudeginum 16. apríl til og með miðvikudagsins 23. apríl 2025. Félagsmenn fara inn á www.orlof.is/vsfk og skrá sig inn með Íslykli eða rafrænum skilríkjum, fylla skal út páskaumsókn þar með allt að fjórum valmöguleikum.
Einnig er hægt að fara inn á vsfk.is og smella á Orlofsvefur (grænn takki) Umsóknarfrestur er til kl. 23.59 sunnudagsins 9. mars 2025.
Úthlutað verður samkvæmt punktakerfi. Umsóknir fyrir sumarið 2025 opna 13. mars og verða opnar til 3. apríl.
Orlofsstjórn VSFK
Verkalýðs- og sjómannafélag Keflavíkur og nágrennis
Smáhúsin eru nauðsynleg viðbót í fjölbreytta flóru þjónustu velferðarsviðs Reykjanesbæjar, enda eru á annan tug íbúa í brýnni þörf fyrir þessa tegund búsetu. Þrjú hús eru nú þegar í útleigu fyrir íbúa Reykjanesbæjar og hafa nýst þeim íbúum vel. Nú er verið að taka næsta skref í þróun þessarar velferðarþjónustu og samhliða hefur verið farið í markvisst starf um stefnu í þjónustu við einstaklinga með miklar og flóknar þjónustuþarfir.
Velferðarsvið og umhverfissvið hafa unnið að uppbyggingu verkefnisins í náinni samvinnu og eru húsin nú að verða tilbúin fyrir úthlutun til væntanlegra íbúa. Undirbúningur fyrir úthlutun húsanna og væntanlegrar þjónustu fyrir nýja íbúa þeirra er unninn í samvinnu virkni- og ráðgjafarteymis, heimaog stuðningsþjónustuteymis og Bjargarinnar, geðræktarmiðstöðvar Suðurnesja.
Viljayfirlýsing undirrituð
Markmið þjónustu við íbúa smáhúsanna er að veitt sé einstaklingsbundin, heildstæð og sveigjanleg þjónusta í þeim tilgangi að íbúi geti búið á eigin heimili og verið virkur þátttakandi í samfélaginu á eigin forsendum. Skal þjónustan veitt með það að markmiði að efla vald íbúa yfir aðstæðum sínum og lífi, styrkja sjálfsmynd hans, sjálfstraust, félagslega stöðu, sjálfsvirðingu og lífsgæði.
Síðastliðinn föstudag var haldið opið hús á Hákotstanga og við sama tilefni undirrituðu helstu samstarfsaðilar viljayfirlýsingu um þjónustu við væntanlega íbúa húsanna. Undir viljayfirlýsinguna skrifuðu; velferðarsvið Reykjanesbæjar, Heilbrigðisstofnun Suðurnesja, embætti lögreglustjórans á Suðurnesjum, Reykjanesapótek og Suðurnesjadeild Rauða krossins sem rekur Frú Ragnheiði. Sameiginlegt markmið þeirra er að sinna einstaklingsbundinni þjónustu við íbúa smáhúsanna eins og best verður á kosið hverju sinni. Jafnframt er tekið fram að unnið verði
Úrræði fyrir íbúa með flóknar þjónustuþarfir
Fjögur smáhús verða tekin í notkun á næstunni við Hákotstanga í Innri-Njarðvík. Húsin eru nánast tilbúin og munu nýtast þeim sem eru með miklar og flóknar þjónustuþarfir og eru án heimilis sem stendur og því í brýnni þörf fyrir úrlausn í húsnæðismálum sínum.
Björn traustason frá reykjanesapóteki og Hilma Hólmfríður Sigurðardóttir, teymisstjóri á velverðarsviði reykjanesbæjar.
Jóhann Páll Kristbjörnsson johann@vf.is
út frá hugmyndafræðinni Húsnæði fyrst og skaðaminnkandi nálgun og leitast við að þjónusta íbúa húsanna út frá þjónustuþörfum þeirra og þeim aðstæðum sem þeir búa við.
Jöfnum tækifærum íbúa til heilbrigðs lífs og vellíðunar
Samhliða leigusamningi er gerð einstaklingsáætlun sem felur í sér skýr markmið sem vinna skal að með viðkomandi einstakling.
Stuðningurinn er veittur út frá þeirri áætlun og úrræði mismunandi þjónustuaðila samhæfð, eftir því sem hver íbúi er metin í þörf fyrir.
„Þetta er gríðarlega mikilvægt því öruggt húsnæði er oft fyrsta skrefið til þess að geta unnið að bættum lífsskilyrðum fólks. Húsnæði fyrst stefnan hefur skilað miklum árangri og dregið úr langtímaheimilisleysi víða um heim. Þjónustan leiðir til aukinna lífsgæða þjónustuþega og aðstandenda þeirra,“ segir Hera Ósk Einarsdóttir, sviðsstjóri velferðarsviðs Reykjanesbæjar.
Með þessu vinnur Reykjanesbær að því að auka lífsgæði íbúa og stuðla að jöfnum tækifærum þeirra til heilbrigðs lífs og vellíðunar. Velferðarráð Reykjanesbæjar hvetur til samkenndar og mannúðlegrar nálgunar um verkefnið og óskar þess að bæjarbúar nálgist umræðuna af nærgætni.
Herbert eyjólfsson, formaður rauða krossins á Suðurnesjum, Björn traustason, framkvæmdastjóri reykjanesapóteks, andre klara Hauksdóttir, hjúkrunardeildarstjóri heilsugæslu HSS, Sigurrós antonsdóttir, formaður velferðarráðs reykjanesbæjar, alda Hrönn Jóhannsdóttir, yfirlögfræðingur embættis lögreglustjórans á Suðurnesjum, og Sigvaldi a lárusson, lögregluþjónn.
Hugmyndafræðin Húsnæði fyrst byggir á gildum skaðaminnkunar og gengur út frá því að húsnæði sé grunnþörf og teljist til mannréttinda. Aðeins þegar þessari grunnþörf sé mætt, geti einstaklingur í þessari stöðu ráðið við aðrar áskoranir í sínu lífi. Hugmyndafræði skaðaminnkunar felur í sér að draga úr skaðlegum áhrifum vímuefnaneyslu á notendur vímuefna, fjölskyldur þeirra, nærsamfélagið og samfélagið í heild.
Frekari þróun í þessa átt áætluð
„Þau sem munu koma og flytja inn í þessi hús eru íbúar okkar sem búa við miklar og flóknar þjónustuþarfir og þurfa á svona sérstöku búsetuúrræði að halda,“ sagði Hilma Hólmfríður, teymisstjóri á velferðarsviði Reykjanesbæjar, við tilefnið.
„Við erum mjög stolt af því að opna þessi hús og bæta við fjölbreytta flóru velferðarþjónustu í Reykjanesbæ. Við erum með þrjú smáhús í notkun hjá sveitarfélaginu núna og þetta er viðbót við það.“
Hilma segir að það sé áætlað að frekari þróun verði í þessa átt í þjónustu Reykjanesbæjar enda sé brýn þörf fyrir svona búsetuúrræði í Reykjanesbæ.
Það velur sér enginn að verða fíkill „Við hjá Reykjanesapóteki erum búin að vera vinna allskonar svona skaðaminnkandi verkefni í gegnum tíðina. Byrjuðum í raun og veru árið 2022 með Lyfjastoð, þar sem við vorum að taka viðtalsmeðferðir við fólk sem var að taka lyf. Hjálpa þeim að finna út hvort lyfin séu að passa, hvort þau séu rétt tekin og hvort það séu einhverjar skaranir á milli lyfja – með það að markmiði að bæta meðferðarheldni og draga úr skaðsemi lyfja,“ segir Björn Traustason frá Reykjanesapóteki. „Í kjölfarið á því fórum við í samstarf við fyrirtækið Prescriby sem þróaði aðferð til að aðstoða fólk við að hætta á ávanabindandi lyfjum.“ Björn segir að í framhaldi af því hafi Reykjanesapótek farið að kynna sér það sem kallast viðhaldsskammtar á lyfjum. „Það er í raun og veru fyrir fólk sem er búið að vera í neyslu og vill að minnsta kosti draga úr henni og reyna stýra sér inn á leið sem er auðveldara að vinna með.
Það velur sér náttúrulega enginn að verða fíkill. Þetta er líffræðilegt fyrirbæri sem er erfitt að vinna með og það sem gerist líka þegar fólk á við fíknivanda að stríða, Besta leiðin til að vinna úr því eða allavega draga úr því er að grunnurinn sé í lagi. Þess vegna er svona verkefni, svona húsnæðisaðstoð við fólk, alveg risastórt skref til þess að aðstoða fólk við að draga úr neystu eða jafnvel að hætta henni með tímanum.“ Nánar er rætt við Hilmu og Björn í sjónvarpi Víkurfrétta á vf.is.
Smáhúsin við Hákotsatanga
í innri-Njarðvík. VF/JPk
Lægra verð, meira úrval
Árið 2024 byrjuðum við markvisst að lækka verðin okkar.
MAR APR MAÍ JÚN JÚL ÁGÚ SEP OKT NÓV DES JAN FEB
*
Við ætlum að halda þessari vegferð áfram árið 2025 og bjóða upp á ódýrar vörur ásamt fjölbreyttu úrvali og án þess að draga úr gæðum.
Við þökkum samfylgdina og hlökkum til spennandi tíma fram undan.
Fylgist með!
*Samkvæmt tölum úr verðlagseftirliti ASÍ.
Samþykkja niðurrif á öllum
eignum nema Salthúsinu
Óskað hefur verið eftir heimild til niðurrifs á nokkrum eignum í Grindavík sem eyðilögðust í náttúruhamförum 10. nóvember 2023 og í eftirköstum þeirra. Um er að ræða fasteignirnar Lóuhlíð 1-3, Staðarsund 3, Austurveg 5 en um er að ræða viðbyggingu við Víðihlíð, gróðurhús Orf líftækni að Melhólabraut 4 og Stamphólsveg 2, sem er húsnæði veitingahússins Salthússins.
Innviðanefnd Grindavíkur leggur mat á vernd húsa og leggur til við bæjarstjórn að samþykkja
niðurrif á öllum eignum nema Stamphólsvegi 2. Bæjarstjórn samþykkir samhljóða tillögu innviðanefndar.
ljósmyndir: Jón Steinar Sæmundsson
Kristrún og Aðalbjörg á Suðurnesjum
Lumar þú á ábendingu um áhugavert efni í Suðurnesjamagasín? Sendu okkur línu á vf@vf.is
Bílaviðgerðir Smurþjónusta Varahlutir
Brekkustíg 38 - 260 Njarðvík sími 421 7979 www.bilarogpartar.is
Þú finnur allar nýjustu fréttirnar frá Suðurnesjum á
Rétturinn
Ljú engur heimilismatur í hádeginu Opið: 11-13:30 alla virk a daga
Heyrðu umskiptin, fáðu heyrnartæki til reynslu
HEYRN.IS
Komið er vel fram í febrúar og þessi mánuður er búinn að vera nokkuð erfiður gagnvart veðrinu, bátar hafa þurft að sæta lagi til þess að komast út en þegar þeir hafa komist út þá hefur veiðin verið nokkuð góð hjá þeim.
Reyndar hefur dragnótaveiðin ekki ennþá aukist neitt af viti. Aðalbjörg RE er hæst bátanna í Sandgerði og er komin með 58 tonn í sex róðrum, rétt á eftir er Maggý VE með 51 tonn í sjö róðrum, mest 18,1 tonn. Siggi Bjarna GK með 27 tonn í fjórum, Sigurfari GK 26 tonn í fimm og Benni Sæm GK 25 tonn í fjórum.
Reyndar er nokkuð merkilegt með Aðalbjörgu RE. Þessi bátur var í eigu fjölskyldu í Reykjavík sem var þá elsta útgerðarfyrirtæki í Reykjavík. Á meðan báturinn var í eigu fjölskyldunnar var úthaldið á honum venjulega þannig að báturinn var að mestu að eltast við kola og þorskurinn var notaður sem meðafli.
Í janúar á þessu ári var báturinn ásamt kvóta seldur til Fiskkaupa ehf. í Reykjavík og þá heldur breyttist útgerðarmynstur Aðalbjargar RE. Úthlutaður kvóti bátsins þetta fiskveiðiár var um 93 tonn af þorski, 10 tonn af ufsa og 4 tonn af löngu. Það hefur heldur betur verið bætt við kvótann á bátnum því búið er að setja 222 tonn af löngu, 91 tonn af ufsa og 733 tonn af þorskkvóta yfir á Aðalbjörgu RE. Þetta þýðir að núna má áhöfnin á Aðalbjörgu RE heldur
betur veiða svona næstum því eins mikið og þeir geta, því nægar eru heimildirnar. Kvótinn kemur að langmestu leyti frá Kristrúnu RE en það er bátur sem að Fiskkaup ehf. á og núverandi bátur er númer þrjú sem heitir þessu nafni, Kristrún RE. Núverandi Kristrún RE stundar einungis grálúðunetaveiðar og það gerði Kristrún RE númer tvö líka en sá bátur byrjaði sem línubátur. Það er aftur á móti Kristrún RE númer eitt sem við þekkjum mjög vel hérna á Suðurnesjunum, því að báturinn var gerður út frá Keflavík í ansi mörg ár og hét þá Albert Ólafsson KE. Albert Ólafsson KE stundaði mikið veiðar með línu og var þá helst með bala línu. Óskar Ingibergsson og Karl Óskarsson keyptu bátinn árið 1982 en þá hét hann Ólafur Friðbertsson ÍS og eitt af því fyrsta sem gert var við bátinn eftir að hann fékk
AFLAFRÉTTIR
Gísli Reynisson gisli@aflafrettir.is
nafnið Albert Ólafsson KE, byggt var yfir hann og var það gert af Vélsmiðjunni Herði ehf í Sandgerði og byggt var yfir bátinn við bryggjuna í Sandgerði. Árið 1992 var báturinn sendur í miklar breytingar og var bátnum þá breytt, sett ný brú á bátinn og sett línubeitningarvél í hann.
Albert Ólafsson KE var síðan seldur til Fiskkaupa og fékk þá nafnið Kristrún RE og má kannski segja að kvótinn mikli sem er kominn á Aðalbjörgu RE sem rær frá Sandgerði, er þá næstum kominn heim því að meðan að Kristrún RE hét Albert Ólafsson KE þá landaði báturinn mikið í Sandgerði.
Útgefandi: Víkurfréttir ehf., kt. 710183-0319. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ritstjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamenn: Jóhann Páll Kristbjörnsson og Sigurbjörn Daði Dagbjartsson. Útlit og umbrot: Hilmar Bragi Bárðarson. Dagleg stafræn útgáfa: vf.is og kylfingur.is
Fengist hefur heimild til að rífa lóuhlíð 1-3, sem eru nýbyggingar í nýju Hlíðarhverfi.
Gróðurhús Orf líftækni við Melhólabraut verður rifið. Það fór illa í jarðskjálftum.
Þessi magnaða mynd Jóns Steinars Sæmundssonar sýnir hvernig sprungan liggur í gegnum hjúkrunarheimilið Víðihlíð.
Viðbygging við Víðihlíð að austurvegi 5 verður rifin.
Dren- og skólplagnir
Frárennslislagnir
Við tökum að okkur:
l Þjónustum einstaklinga, fyrirtæki, sumarhús og húsfélög
l Alla almennar pípulagnir og breytingar baðherbergja og eldhúsa
l Skólp og drenlagnir
l Snjóbræðslu í tröppur og plön
l Uppsetningu á stýribúnaði
l Förum yfir hitakerfi og stillum ef þess þarf
l Tengjum heita potta og uppsetningu á pottastýringum
l Gröfuvinnu
l Alla almenna múrvinnu innan sem utan og flísalögn
l Smíðavinnu
l Brotvinnu
l Rafvirkjun
l Tengjum rafstöðvar fyrir rafmagnsbíla og fleira
l Málningarvinnu innan sem utan
Við erum meistarar
l Pípulagningameistari
l Húsasmíðameistari
l Múrarameistari
l Rafvirkjameistari
l Málningarmeistari
l Byggingarstjóri
Er ísbíllinn í kirkjunni?
„Er ísbíllinn í kirkjunni,“ spurði ung stúlka Erlu Guðmundsdóttur sóknarprest á kirkjutröppunum á sunnudaginn, þegar 110 ára afmæli Keflavíkurkirkju var fagnað. „Nei, af hverju heldur þú það,“ spurði Erla á móti. „Vegna þess að bjöllurnar hafa hringt svo oft,“ svaraði barnið um hæl. Það var þétt setinn kirkjubekkurinn og hátíðleg stund í stórafmælinu. Kirkjukórinn troðfyllti kórloftið og bæjarstjórinn lék á fiðluna.
„Ef Keflavíkurkirkja væri manneskja, gætum við fundið það á henni við fyrstu kynni að lífsreynslan birtist í fasi hennar og framkomu. Hún þekkir þetta allt. Hefur upplifað myrka tíma mótlætis og sorgar, horft framan í mannlega veikleika og mistök sem gerð hafa verið. Hún hefur kynnst yfirborðsmennsku og óekta vináttu. Allt þetta hefur mótað hana, kennt henni mikilvæga lexíu í lífinu, gefið henni þá dýrmætu gjöf að greina rétt frá röngu, sannleika frá lygi og heiðarleika frá sýndarmennsku. Hún hefur leitað í uppruna sinn, losað sig við allt hjóm. Stendur eftir sterk og óhagganleg, ómetanleg hverjum þeim sem vill leita til hennar. Er kletturinn í samfélaginu, vitinn á heiðinni, heimilið sem opnar dyr sínar fyrir hverjum sem þangað vill leita sér til gagns og samfélaginu til farsældar,“ sagði Erla sóknarprestur m.a. í ræðu sinni. Séra Erla, séra Fritz Már þjónuðu fyrir altari og nutu aðstoðar Ívars djákna og messuþjónanna Páls og Jónínu. Einar Páll Bergþórsson og Jökull Ingi Gústafsson kveiktu á kertum og sunnudagaskólaleiðtogar voru Grybos, Helga, Jón Ingi og Rut Páldís. Eftir hátíðarmessuna og sunnudagaskólann var svo öllum boðið í afmæliskaffi og kökur í
kirkjuklukkum keflavíkurkirkju var hringt vel og lengi síðasta sunnudagsmorgun í tilefni af 110 ára afmæli kirkjunnar. klukknahljómurinn var svo mikill að börnin í hverfinu voru með það á hreinu að sjálfur ísbíllinn væri mættur inn á gólf í kirkjunni.
Séra Fritz Már Jörgensson, séra erla Guðmundsdóttir og arnór Vilbergsson organisti í keflavíkurkirkju með
PALLARÁÐGJÖF MEÐ SVANFRÍÐI
Svanfríður Hallgrímsdóttir landslagsráðgjafi verður á Suðurnesjum dagana 27. og 28. mars með pallaráðgjöf fyrir garðinn þinn. Eftir tímann færð þú senda hugmyndabók með þrívíddarteikningum af fullkomnum sælureit í garðinum þínum.
Reykjanesbær hefur frá árinu
2020 unnið að verkefninu Allir
með! sem miðar að því að tryggja að öll börn hafi jöfn tækifæri til að taka þátt í íþrótta- og tómstundastarfi. Hingað til hefur verkefnið að mestu snúist um þjálfun þjálfara og starfsfólks í því að efla jákvæða leiðtoga og stuðla að vellíðan barna í skipulögðu starfi. Valgerður Björk Pálsdóttir bæjarfulltrúi og fulltrúi í íþrótta – og tómstundaráði Reykjanesbæjar hefur sýnt málefninu áhuga og fór af stað með áframhald á verkefninu.
„Mér fannst næsta skref í verkefninu vera að ná beint til barna og foreldra og datt í hug að nýta foreldrasamtalsdaga í grunnskólum. Á þeim dögum mæta allir foreldrar eða forráðafólk til að ræða við kennara barnsins síns, og mér fannst tilvalið að nýta þetta tækifæri til að kynna möguleika á íþrótta- og tómstundastarfi í sveitarfélaginu. Þegar ríkið styrkti stöður svæðisfulltrúa íþróttahéraða nú í haust, sá ég tækifæri til að þróa tilraunaverkefni sem þau myndu halda utan um, sem myndi afla gagna um hvers vegna sum börn taka ekki þátt í skipulögðu starfi.“ Settur var saman hópur sem svæðisfulltrúarnir tveir á Suðurnesjunum halda utan um ásamt fulltrúum Reykjanesbæjar, íþróttafélaganna Keflavíkur og Njarðvíkur og Háaleitisskóla á Ásbrú, þar sem þátttaka barna í tómstundastarfi
og tómstundastarfi
Sigurður Friðrik Gunnarsson og Valgerður Björk Pálsdóttir, bæjarfulltrúi og fulltrúi í íþrótta- og tómstundaráði reykjanesbæjar.
er sérstaklega lág. Verkefninu var hrundið af stað á foreldrasamtalsdeginum í Háaleitisskóla í lok janúar og gekk afar vel. Fulltrúar íþróttafélaga og deilda kynntu starfsemi sína á sal og kennarar lögðu fyrir könnun um hindranir í þátttöku barna í skipulögðu starfi. „Næsta skref er að vinna úr niðurstöðunum og útbúa aðgerðaráætlun byggða á þeim. Við í hópnum höfum líka rætt mögu-
leikann á að endurtaka verkefnið í fleiri skólum í Reykjanesbæ. Markmiðið er að tryggja að öll börn hafi aðgengi að tómstundum og félagsstarfi, óháð félagslegri og fjárhagslegri stöðu en mér finnst sérstaklega mikilvægt að börn af erlendum uppruna upplifi sig sem hluta af samfélaginu en farsæl inngilding er ekki bara mikilvæg fyrir þau heldur samfélagið allt.
Þetta verkefni er dýrmætt skref í átt að því að tryggja öllum börnum jöfn tækifæri til þátttöku í íþrótta- og tómstundastarfi. Með góðu samstarfi skóla, íþróttafélaga og sveitarfélagsins er unnið að lausnum sem geta haft jákvæð áhrif á líf fjölda barna og fjölskyldna. Reykjanesbær er stoltur af þessu verkefni og hlakkar til að fylgja því eftir með markvissum aðgerðum sem stuðla að virkari og samheldnari samfélagi fyrir alla,“ sagði Valgerður að lokum.
Nýburi
Stúlka fæddist á Landspítala Háskólasjúkrahúsi þann 5. febrúar 2025.
Foreldrar eru Paulina og Daniel Myszoglad. Þau eru búsett í Garðinum.
Þyngd: 3.712 grömm.
Lengd: 50 sentimetrar.
Ljósmóðir: Stefanía Ósk Margeirsdóttir.
Drengur fæddist á ljósmæðravakt Heilbrigðisstofunar Suðurnesja þann 8. janúar 2025.
Foreldrar eru Katrín Helga Daðadóttir og Hlynur Snær Kristmundsson. Þau eru búsett í Reykjanesbæ.
Þyngd: 3.808 grömm.
Lengd: 51 sentimetri.
Ljósmóðir: Ingibjörg Finndís Sigurðardóttir.
UNGMENNI VIKUNNAR
Nafn: Sólrún Glóð Jónsdóttir
Aldur: Sextán, er að verða sautján ára
Bekkur og skóli: Á fyrsta ári í framhaldsskóla Áhugamál: Dans
Stundum smá ljóska
Hvert er skemmtilegasta fagið? Akkúrat núna finnst mér stærðfræði skemmtilegasta fagið, en það breytist oft. Hver í skólanum þínum er líklegur til að verða frægur og hvers vegna? Örugglega Sara Björk, hún á eftir að ná svo langt í körfuboltanum.
Skemmtilegasta saga úr skólanum: Ég er eiginlega ekki með neina úr FS, en ég er með eina góða sögu úr grunnskóla. Við vorum í útskriftarferðalaginu og ég var nýbúin að vera þræta við einn kennaran út af einu (það er önnur saga) og svo fórum við í „paintball“ og við vorum í sitt hvoru liðinu og ég skaut hana í hausinn. Alveg óvart en fór samt að hlæja, en hún líka, þannig að hún meiddi sig ekki.
Hver er fyndnastur í skólanum? Ég hlæ eiginlega bara mest af vinkonum mínum í skólanum, svo ég segi bara allar.
Hvert er uppáhaldslagið þitt? Úff á svo mörg, erfitt að velja eitt.
Hver er uppáhaldsmaturinn þinn? Kalkúnn og brún sósa.
Hvaða þrjá hluti myndir þú taka með þér á eyðieyju og hvers vegna? Rúmið mitt, því ég ELSKA!! að sofa. Símann minn, því ég er ALLTAF með hann hjá mér og í honum þegar ég er ekki á æfingu. Og svo bara poka fullan af mat til þess að borða.
Hver er þinn helsti kostur? Ég gefst ekki upp og ég er alltaf til staðar fyrir fólk.
Ef þú gætir valið þér einn ofurkraft til að vera með restina af ævinni, hvað myndir þú velja? Ég myndi vilja vera ósýnileg.
Hvaða eiginleiki finnst þér bestur í fari fólks? Traust.
Hvað langar þig að gera eftir grunnskóla? Ég stefni á að fara beint í háskóla eftir framhaldsskóla.
Stundar þú íþróttir eða aðrar tómstundir? Ég æfi dans.
Ef þú ættir að lýsa sjálfri þér í einu orði, hvaða orð væri það? Ég get verið smá ljóska stundum ... ha ha.
Ungmenni vikunnar
Umsjón : Gunnlaugur Sturla.
Nýburi
Drengur fæddist á ljósmæðravakt Heilbrigðisstofunar Suðurnesja þann 8. febrúar 2025
Foreldrar eru Telma Lind Sævarsdóttir og Arnór Sindri Sölvason. Þau eru búsett í Sandgerði. Þyngd: 4.232 grömm.
Lengd: 52 sentimetrar.
Ljósmóðir: Guðlaug María Sigurðardóttir.
Hjördís Eva til farsældar barna
Hjördís Eva Þórðardóttir hefur verið ráðin í stöðu verkefnastjóra farsældar barna. Hjördís Eva býr yfir viðamikilli reynslu í opinberri stefnumótun, árangursmælingum og alþjóðlegu samstarfi, með sérstakri áherslu á farsæld og réttindi barna. Hún er með BS.c í sálfræði frá HÍ og MA í stefnumótun og innleiðingu opinberrar stefnumótunar í þágu barna frá Háskólanum í Stokkhólmi.
Faghópur, skipaður sviðsstjórum velferðarþjónusta á Suðurnesjum hafði umsjón með úrvinnslu umsókna og mat á umsækjendum. Í faghópnum sátu Nökkvi Már Jónsson, sviðsstjóri félagsþjónustuog fræðslusviðs Grindavíkurbæjar,
Guðrún Björg Sigurðardóttir, sviðsstjóri velferðarsviðs Suðurnesjabæjar, og Hera Ósk Einarsdóttir, sviðsstjóri velferðarsviðs Reykjanesbæjar.
Markmið verkefnisins er að koma á fót farsældarráði á Suðurnesjum í þágu farsældar barna. Um er að ræða tímabundna ráðningu til tveggja ára sem byggir á samningi milli SSS og mennta- og barnamálaráðuneytisins.
Hjördís Eva mun vinna að því að efla farsæld barna á Suðurnesjum í samræmi við ný farsældarlög. Mun hún m.a. fylgja eftir innleiðingu farsældarlaganna, styðja sveitarfélög, stofnanir og þjónustuaðila við börn og koma á svæðisbundnu samráði.
Framkvæmdaeftirlit á Reykjanesi Framkvæmdaeftirlit á Reykjanesi
Verkís leitar að byggingartæknifræðingi eða byggingarverkfræðingi í eftirlit með framkvæmdum á starfsstöð Verkís í Reykjanesbæ. Starfið felur í sér eftirlit með fjölbreyttum framkvæmdaverkefnum s.s. húsbyggingum, samgöngumannvirkjum og veitum.
Við höfum áhuga á jákvæðum einstaklingum með góða samskipta- og skipulagshæfni sem sýna metnað, frumkvæði og sjálfstæði í starfi.
Menntunar- og hæfniskröfur
• Byggingartæknifræðingur eða byggingarverkfræðingur
• Reynsla af hönnun í mannvirkjagerð er kostur
• Frumkvæði og sjálfstæði í vinnubrögðum
• Reynsla af eftirliti Gott vald á íslensku og ensku
Nánari upplýsingar veita: Áslaug Ósk Alfreðsdóttir, sérfræðingur í mannauðsmálum, aoa@verkis.is og Guðrún Jóna Jónsdóttir útibússtjóri á Reykjanesi, gjj@verkis.is.
Umsóknarfrestur er til og með 3. mars 2025
Óskum öllum konum til hamingju með
Konudagsblóminkonudaginn
Allskonar blóm
Pottablóm, skreytingar og margt annað fallegt fyrir heimilið
Verið hjartanlega velkomin á Hafnargötu 54
færðu hjá okkur
Opnunartími: Mánudaga: Lokað Þriðjudaga til föstudaga 12–18
Laugardaga 11–18
Á konudaginn verður opið frá 9 til 20
VIÐ
Hvað gerir Landssamband eldri borgara (LEB)
Landssambandi eldri borgara sem er regnhlífasamtök eldra fólks (LEB) á Íslandi. Félög eldra fólks eru 57 með 37 þúsund félagsmenn. Félög eldri borgara starfa víðsvegar um landið og standa fyrir margvíslegri starfsemi í sinni heimabyggð. LEB vinnur að hagsmuna-, velferðar- og áhugamálum aldraðra og kemur fram fyrir hönd aðildarfélaganna gagnvart Alþingi, ríkisstjórn, stjórnvöldum og öðrum sem sinna málefnum aldraðra fyrir landið í heild.
LEB tekur þátt í og vinnur að ýmsum verkefninum, sem dæmi má nefna:
• Mánaðarlegir fundir með formönnum LEB félaga
• Hélt fræðslufund um öldungaráðin í haust
• Kjaranefnd í samstarfi við stjórn LEB hélt átta kjarabaráttufundi í haust víðsvegar um landið
• Stór kosningafundur á síðasta ári fyrir alþingiskosningarnar með frambjóðendum stjórnmálaflokka, fundinum var streymt og tóku mörg hundruð manns þátt í honum
• Dómsmál Gráa hersins sem er núna hjá mannréttindadómstólnum til umfjöllunar
• Samráðshópur við Tryggingastofnun ríkisins
• Tekur þátt i verkefninu Gott að eldast
• Á fulltrúa í stjórn Framkvæmdasjóðs aldraðra
• Á fulltrúa í Öldungaráði Íslands
• Á fulltrúa í samstarfsnefnd um málefni aldraðra
• Á fulltrúa í Almannaheill - samtök þriðja geirans
• Á fulltrúa í Velferðarvaktinni
• Vinnur að átaki til að draga úr notkun svefnlyfja
• Á fulltrúa í norrænu samstarfi landssambanda eldri borgara
• Hjá LEB starfa kjaranefnd, húsnæðisnefn, ritnefnd LEB blaðsins auk nefnda sem starfa fyrir landsfundi.
• LEB sendir umsagnir um fjölda þingmála sem varða eldra fólk
• LEB hefur sl. ár átt fjölda funda með ráðherrum og þingmönnum til að reyna að fá þá til að hlusta á baráttumál LEB um að hækka kjör þeirra sem verst standa
Auk þessa lætur LEB vinna fyrir sig skýrslur um stöðu eldra fólks í samfélaginu og hefur miðlað þeim upplýsingum m.a. til ráðherra og þingmanna. Eldra fólk hefur engan samningarétt og stéttarfélögin hafa iðulega skilið þennan hóp eftir án þess að semja um bætingu til þeirra sem áður greiddu sín iðgjöld til stéttarfélaganna.
Um 15 þúsund manns hafa heildartekjur undir lámarkslaunum. LEB hefur síðustu árin lagt aðaláhersluna á að ná fram bættum kjörum fyrir þá sem eru með lágan lífeyrissjóð og/eða fá greitt frá TR. Miðgildi þeirra sem fá greitt úr lífeyrissjóði er krónur 249.000,- og eru það rúmlega 20 þúsund manns sem eru með þau laun eða minna. TR greiðir rúmlega 40 þúsund manns einhvern lífeyri í hverjum mánuði.
LEB mun halda áfram kjarabaráttu fyrir eldra fólk en það er mjög mikilvægt að félög eldra fólks og almennir félagsmenn styðji þá baráttu til við náum betri árangri.
Landsfundur LEB verður haldinn 29. apríl nk. á Park inn hótelinu í Reykjanesbæ og fulltrúar úr öllum félögum LEB geta sent fulltrúa á fundinn til að taka þátt. Ég hlakka til að sjá ykkuur sem flest þar.
Drífa Sigfúsdóttir, varaformaður LEB
Störf í boði hjá Reykjanesbæ
Sumarstörf
Vinnuskóli Reykjanesbæjar - Leiðbeinandi 100% starf
Vinnuskóli Reykjanesbæjar - Leiðbeinandi 50% starf
Vinnuskóli Reykjanesbæjar - Umsjónaraðili verklegs starfs (Yfirflokkstjóri)
Vinnuskóli Reykjanesbæjar - Leiðbeinandi ungmenna með sértækar stuðningsþarfir
Velferðarsvið - Dagdvalir aldraða, sumarafleysingar
Íþróttamannvirki Reykjanesbæjar - Starfsfólk í sumarafleysingar
Önnur störf
Íþróttamannvirki Reykjanesbæjar - Tækjastjóri
Viltu starfa hjá Reykjanesbæ? - Almenn umsókn
Umsóknir í auglýst störf skulu berast rafrænt gegnum vef Reykjanesbæjar Þar eru jafnframt nánari upplýsingar um auglýst störf Hægt er að notast við QR kóða til að fara beint inn á vefinn
112 dagurinn haldinn í fyrsta skipti á Suðurnesjum
Það var margt um manninn hjá Brunavörnum Suðurnesja þriðjudaginn 11. febrúar en þá var hinn árlegi 112 dagur haldinn. Yfirskriftin í ár er „Öryggi og börn.“ Það er ekki tilviljun að 112 dagurinn er haldinn á þessum degi, 11. febrúar, 11.2. Dagurinn hefur verið haldinn til fjölda ára en þetta var í fyrsta skipti sem hann er haldinn í Reykjanesbæ. Ingvi Hákonarsonar vinnur hjá Brunavörnum Suðurnesja, hann var ánægður með mætinguna og telur fullvíst að þetta verði að árvissum viðburði hér eftir.
„Við tókum af skarið núna og smöluðum saman öllum viðbragsaðilum, hér eru sjúkraflutninga-, slökkviliðs-, björgunarsveitar- og
lögreglumenn svo dæmi séu tekin og allir á sínum bílum og mér sýnist á áhuga barnanna að þeim leiðist ekki að fá að skoða þetta og jafnvel að setjast undir stýri. Við erum mjög ánægðir með mætinguna, það er fullt hús svo ég tel fullvíst að þetta verði að árlegum viðburði hér eftir,“ sagði Ingvi.
Ungmenni sem tilkynntu um eldsvoða fá þakkir
Eins og greint var frá á dögunum kom nýlega upp eldur í skemmu hjá íbúum á Efri-Flankastöðum við Sandgerði. Aðstæður um kvöldið voru þannig að vindáttin stóð í áttina frá íbúðarhúsinu og því urðu íbúar ekki varir við reykjarlyktina. „Reykjarstrókurinn barst þvert yfir Garðveg og það voru nokkur ábyrg ungmenni sem höfðu verið að keyra frá Garði til Sandgerðis sem keyrðu inn á planið hjá okkur og bönkuðu til að láta okkur vita og hringdu á slökkviliðið. Við erum þeim afar þakklát en í fátinu gleymdist því miður alveg að spyrja þau til nafns svo það eina
sem við vitum er að þau eru öll nemendur í FS. Þau biðu með okkur eftir slökkviliðinu og fóru ekki fyrr en þau voru viss um að allt væri orðið öruggt. Sannarlega er hegðun þeirra til eftirbreytni og viljum við því biðja Víkurfréttir að aðstoða okkur við að koma til þeirra sérstöku þakklæti fyrir þeirra framkomu og það er alveg víst að það er þeim að þakka að ekki fór verr,“ segja þau Manfred og Þóra, íbúar á Efri-Flankastöðum með þakklætiskveðju til ungmennana.
Fjölbrautaskóli Suðurnesja stofnun
ársins þriðja árið í röð
Fjölbrautaskóli Suðurnesja
var valin stofnun ársins í flokki stórra ríkisstofnana þriðja árið í röð. Val á Stofnun ársins 2024 var tilkynnt á hátíð Sameykis þann 13. febrúar en titlana Stofnun ársins og Stofnun ársins - borg og bær hljóta þær stofnanir sem þykja skara fram úr í könnun Sameykis meðal starfsmanna þeirra. Könnunin náði til starfsmanna í opinberri þjónustu hjá ríki, Reykjavíkurborg, sveitarfélögum og sjálfseignarstofnunum.
Stærðarflokkarnir eru stofnanir með færri en 40 starfsmenn, stofnanir með 40-89 starfsmenn og stofnanir með 90 eða fleiri starfsmenn. Fimm efstu stofnanir í hverjum flokki hljóta titilinn Fyrirmyndarstofnun og fær skólinn þann titil nú í 9. sinn á síðustu ellefu árum. Kristján Ásmundsson skólameistari og Guðmundur Grétar Karlsson aðstoðarskólameistari tóku við viðurkenningunni fyrir hönd FS.
á myndinni eru ingibjörg Sif Sigríðardóttir varaformaður Sameykis, kristján, Guðmundur Grétar og kári Sigurðsson formaður Sameykis.
Einstaklingum með
fjárhagsaðstoð fækkar
Alls fengu 160 einstaklingar greidda fjárhagsaðstoð til framfærslu frá Reykjanesbæ í janúarmánuði. Fjárhagsaðstoðin hljóðar uppá rúmlega 27 milljónir króna en að meðaltali eru það um 168.849 kr. á hvern einstakling. Fjöldi barna á framfæri foreldra/forráðamanna á fjárhagsaðstoð voru 47 talsins. Í sama mánuði 2024 fengu 247 einstaklingar greidda fjárhags-
aðstoð til framfærslu frá Reykjanesbæ sem hljóðaði upp á 39,2 milljónir króna.
Sérstakur húsnæðisstuðningur var greiddur til 273 einstaklinga í janúar. Samtals voru greiddar um 6,8 milljónir króna. Í sama mánuði 2024 fengu 316 einstaklingar greiddan sérstakan húsnæðisstuðning sveitarfélagsins, samtals 6,5 milljónir króna.
Um er að ræða glæsilega þriggja herbergja íbúð til leigu í fallegu og vönduðu fjölbýlishúsi að Pósthússtræti 3, Reykjanesbæ, ásamt sérstæði í bílgeymslu.
Það er mikið og fallegt útsýni úr íbúðinni. Stærð íbúðarinnar ásamt geymslu 128,7 fm. Útgengt er út á yfirbyggðar svalir úr stofu.
Mánaðarleg leigufjárhæð er kr. 380.000,og er lágmarks leigutími 1 ár.
Innifalið í mánaðarlegri leigu er hússjóður og hiti.
Rafmagn greiðir leigutaki samkvæmt mæli.
Leigutaki leggur fram 3 mánaða húsaleigutryggingu/ábyrgð. Íbúðin er laus til afhendingar og leigist íbúðin án húsgagna.
Fyrir nánari upplýsingar hafið samband í síma 896-2822
eða netfang: karl.jonsson@simnet.is
Lýsir yfir ánægju með uppbyggingaráform í Ásbrúarhverfi
Mikil uppbyggingnaráform eru fyrirhuguð á Ásbrú, eins og áður hefur verið greint frá hér í blaðinu. Fjórar vinnslutillögur vegna deiliskipulags voru til afgreiðslu á aukafundi umhverfisog skipulagsráðs Reykjanesbæjar, sem haldinn var á Ásbrú fyrir síðustu helgi. Á Suðurbrautarreit er unnið að vinnslutillögu deiliskipulags á 3,3 ha. reit sem kenndur er við Suðurbraut 765. Þar er gert ráð fyrir fjölbýlishúsum á þremur til fimm hæðum með allt að 300 íbúðum af fjölbreyttri gerð. Sérstakir byggingarreitir eru ætlaðir sérstakri notkun annarri en fyrir íbúðir, t.d. samkomuhús, garðskála o.fl. Vinnslutillaga deiliskipulags fyrir Spítalareit sem afmarkast af Flugvallarbraut, Grænásbraut og Breiðbraut gerir ráð fyrir lág-
reistri tveggja til fjögurra hæða byggð fjölbýlishúsa sem mynda svokallaða randbyggð með allt að 250 íbúðum. Skipulagssvæðið er vel staðsett á Ásbrú og er hluti af tveimur hverfum samkvæmt rammaskipulagi, þ.e. í hjarta Ásbrúar og Offiserahverfinu svokallaða. Það er því mikilvægt að reiturinn uppbyggður verði sterkur tengipunktur mismunandi hverfahluta.
Þá var tekin fyrir vinnslutillaga deiliskipulags fyrir Breiðbrautarreit sem afmarkast af Lindar-, Grænás- og Breiðbraut. Nýjar byggingar skapa skjól fyrir ríkjandi áttum, norðan- og austanátt, en opnast að sama skapi til móts við suður og vestur. Þetta einfalda grunnstef tekur svo á sig ólíkar myndir þar sem það lagar sig að núverandi aðstæðum en með þessu
SÖLURÁÐGJAFI
móti tekst að skapa fjölbreytilegt byggðarmynstur með áhugaverðum sjónásum á milli ólíkra staða innan svæðisins. Að lokum var tekin fyrir vinnslutillaga deiliskipulags fyrir Suðurbrekku, svæði sunnan við Skógarhverfi, austan Virkisbrautar að Flugvallarbraut. Byggingar verði ein til þrjár hæðir og blanda af sérbýli og fjölbýli með um 200 íbúðum alls af fjölbreyttri gerð. Markmiðið er að nýtt deiliskipulag á Suðurbrekkureit skapi heildstæða og hlýlega byggð einbýlishúsa, raðhúsa og lítilla fjölbýlishúsa. Umhverfis- og skipulagsráð lýsir yfir ánægju með uppbyggingaráform í Ásbrúarhverfi, samantekt athugasemda verður lögð fram á næsta fundi og erindi því frestað.
RAFBÚNAÐAR
JOHAN RÖNNING Í REYKJANESBÆ
Johan Rönning óskar eftir að ráða öflugan söluráðgjafa í útibú fyrirtækisins í Reykjanesbæ.
Söluráðgjafi veitir ráðgjöf til viðskiptavina og selur rafbúnað til fagfólks.
Um er að ræða fjölbreytt og áhugavert starf sem býður upp á möguleika til starfsþróunnar og vaxtar í starfi. Við leggjum mikið upp úr góðu vinnuumhverfi þar sem starfsfólk hefur það að markmiði að veita framúrskarandi þjónustu.
Johan Rönning er í dag hluti af Fagkaupum ehf.
Um 100% starf er að ræða og farið er með umsóknir sem trúnaðarmál.
Helstu verkefni og ábyrgð
• Sala og þjónusta til viðskiptavina
• Tilboðsgerð og ráðgjöf
Menntunar- og hæfniskröfur
• Menntun og reynsla í rafiðngreinum er skilyrði
• Þjónustulund og samskiptahæfni
• Frumkvæði og lausnamiðuð hugsun
• Reynsla af sölustörfum er kostur
• Bílpróf
Fríðindi í starfi
• Frístundastyrkur
• Samgöngustyrkur
• Niðurgreiddur hádegismatur
• Öflugt félagslíf og virkt starfsmannafélag
Johan Rönning var stofnað árið 1933. Í dag tilheyrir Johan Rönning sem fyrr segir Fagkaupum. Um 300 starfsmenn starfa í fyrirtækinu víðsvegar um landið en höfuðstöðvar félagsins eru við Klettagarða 25 í Reykjavík. Nánari upplýsingar má finna á www.fagkaup.is og www.ronning.is
Eitt af markmiðunum félagsins er að fara fram úr væntingum viðskiptavina. Til að ná þeim markmiðum er hæft starfsfólk mikilvægur partur í daglegum störfum Fagkaupa. Unnið er að jákvæðu, hvetjandi og öruggu starfsumhverfi þar sem vellíðan starfsfólks er höfð að leiðarsljósi. Við hvetjum áhugasama einstaklinga að sækja um starfið óháð kyni, aldri og uppruna.
Fyrsta áhaldamótið í Keflavík
Þrepamót í fyrsta til þriðja þrepi fór fram í keflavík um síðustu helgi en þetta er í fyrsta skipti sem fimleikadeild keflavíkur er boðið að halda Fimleikasambandsmót í áhaldafimleikum. Mótið heppnaðist einstaklega vel og 105 stúlkur kepptu í keflavík þessa helgina. Fimleikadeild Keflavíkur átti fjóra keppendur á mótinu og áttu þær allar mjög gott mót.
Guðlaug Emma Erlingsdóttir keppti í fyrsta þrepi, fjórtán ára og eldri og hafnaði hún í fyrsta sæti á slá og í öðru sæti á stökki.
Harpa Guðrún Birgisdóttir og Sara Benedikta E. Arnarsdóttir kepptu í þriðja þrepi, þrettán ára og eldri. Harpa hafnaði í fjórða sæti á slá og í níunda sæti af 29 keppendum í fjölþraut. Sara lenti í öðru sæti á gólfi og í sjötta sæti í fjölþraut.
Snædís Líf Einarsdóttir keppti í þriðja þrepi, ellefu ára og yngri og átti mjög gott mót þar sem hún
framkvæmdi sumar æfingar í fyrsta skipti á móti. Besti árangur hennar var sjötta sæti á tvíslá. Í tilefni fyrsta mótsins og 40 ára afmælis fimleikadeildarinnar fór fyrsta merki Fimleikafélags Keflavíkur upp í Akademíunni og kemur
Málarinnjafnarmálin
Ef hægt er að draga ályktanir frá fyrstu þremur skiptunum sem Brynjar Hólm Sigurðsson hefur verið í tippleik Víkurfrétta, þá er hann jafnaðarmaður í eðli sínu. Í öllum leikjum hans hefur jafntefli verið niðurstaðan og hann borið sigur úr býtum í einhverjum af þeim úrræðum sem þá er gripið til. Um helgina gerði hann 8-8 jafntefli við Halldór Rúnar Þorkelsson en vann á fimm réttum í leikjum með einu merki, á móti fjórum leikjum hrútsins Rúnars. Rúnari er hér með þakkað fyrir sína þátttöku. Næsti áskorandi kemur frá Grindavík og er fulltrúi kvenþjóðarinnar. Hún heitir Petra Rós Ólafsdóttir, hefur verið gífurlega dugleg í alls kyns stjórnar- og trúnaðarstörfum fyrir knattspyrnudeild UMFG, þar áður hafði hún spilað með Grindavík og stjórnarstörfin hófust á meðan takkaskórnir voru ennþá reimaðir á hana.
„Eigum við ekki að segja að ég hafi sett kommu aftan við stjórnarstörfin, ekki punkt. Ég ákvað að taka mér frí síðasta haust en fram að því hafði ég verið í kvenna-, unglingaráði, eða í stjórn knattspyrnudeildar UMFG, í u.þ.b. tuttugu ár. Eigum við ekki að segja að ég sé í bakvarðasveitinni og þar sem ég er ekki nema 45 ára gömul þá tel ég allar líkur á að ég gefi kost á mér aftur á einhverjum tímapunkti, eigi síðar en þegar við fjölskyldan flytjum aftur til Grindavíkur. Í dag búum við í Hafnarfirði og unum hag okkar vel en við söknum Grindavíkur, við
vitum ekkert hvernig framhaldið verður, þetta er bara óvissa með hvað við gerum þegar yfir lýkur. Knattspyrnuáhuginn byrjaði þegar ég var ung stelpa, ég byrjaði að æfa sjö ára gömul og spilaði upp í meistaraflokkinn en þurfti tvisvar sinnum að taka pásu vegna barneigna, skórnir fóru svo endanlega upp í hillu þegar þriðja barnið bættist í hópinn en leik lauk ekki þar með, það fjórða bættist svo við. Ég byrjaði í kvennaráði þegar ég var 25 ára og var enn að spila svo knattspyrna, og bara íþróttir yfir höfuð, hefur alltaf verið eitt helsta
áhugamálið og þá gefur í raun auga leið að áhuginn á enska boltanum hefur alltaf verið mikill. Ég hef alltaf haldið með liðinu sem er í rétta rauða litnum og viðurkenni fúslega að ég er farin að kíkja á kampavínið sem ég mun bjóða upp á þegar Liverpool verður búið að lyfta enska titlinum. Ég er einmitt nýkomin úr frábærri ferð á Anfield á vegum Njóttu ferða, Siggi Óli er alger snillingur að skipuleggja svona boltaferðir. Við sáum Liverpool rúlla Ipswich upp, mjög skemmtilegt.
Ég hef verið dugleg undanfarin ár að taka þátt í alls kyns leikjum í útvarpi og unnið fullt af verðlaunum en hef minna gefið mig að tippinu. Það verður gaman að mæta öðrum Pool-ara, Binni má búa sig undir hörkuslag við mig,“ sagði Petra Rós.
Snati eða Sámur
„Hvort ég er jafnaðarmaður eða hvað í minni pólitísku hugsun ætla ég ekkert að segja til um hér og nú. Leikirnir hafa einfaldlega þróast svona en ég legg ekki upp með jafntefli þegar ég mæti til leiks, það væri skrítið leikskipulag. Þú mátt kalla mig Snata, Sám eða eitthvað annað hundanafn, ef ég kem mér ekki upp í annað sætið í heildarleiknum. Ég ætla mér sigur og ekkert annað í þessum tippleik, verst að geta ekki séð mína menn í Liverpool í úrslitaleiknum en Englandsmeistaratitillinn verður næg sárabót,“ sagði Brynjar.
einstaklega vel út ská á móti Keflavíkurmerkinu. Aðstandendur fimleikadeildarinnar voru í skýjunum með mótið og sögðust að því loknu vera einstaklega ánægð að hafa fengið að halda FSÍ-mót; „... og þökkum
kærlega fyrir okkur og hlökkum til að halda fleiri mót í framtíðinni í áhaldafimleikum og hópfimleikum en um leið og við fáum nýtt fimleikahús þá getum við vonandi loksins haldið nokkur Fimleikasambandsmót á hverju ári.“
Flott tilþrif sáust
akademíunni um helgina. keflavík/JPk
Vilt þú bætast við öflugan og samhentan hóp Landhelgisgæslu Íslands?
Sérfræðingur á sviði mannvirkjagerðar
Við óskum eftir öflugum, útsjónarsömum og skipulögðum einstaklingi til að taka þátt í verkefnastjórnun og samræmingu með uppbyggingu mannvirkja og innviða á öryggissvæðunum hér á landi.
Helstu verkefni og ábyrgð:
Verkefnastjórnun í samvinnu við aðra stjórnendur og sérfræðinga
Undirbúningur og innleiðing verkefna í samvinnu við hagsmunaaðila hér á landi og erlendis
Þátttaka í tengdum vinnuhópum
Undirbúningur og framkvæmd í samvinnu við viðeigandi hagsmunaaðila
Áætlanagerð, framkvæmda- og kostnaðareftirlit
Eftirfylgni með heimildum, framkvæmd, umsýslu og uppgjörum verkefna
Upplýsingamiðlun til hagsmunaaðila Tryggja að undirbúningur, framkvæmd og skjölun gagna uppfylli kröfur Atlantshafsbandalagsins
Ráðgjöf við stjórnendur, sérfræðinga og verktaka
Gerð og viðhald leiðbeininga og áætlana ásamt skýrslugerð
Upplýsingamiðlun til viðeigandi aðila hverju sinni
Menntunar- og hæfniskröfur:
Háskólamenntun, t.d. á sviði byggingaverkfræði eða reynsla og þekking á verkefnastjórnun og áætlanagerð vegna byggingaframkvæmda
Mjög góð íslensku-, ensku- og tölvukunnátta
ásamt ökuréttindum
Áhugi á varnarmálum
Sjálfstæði og frumkvæði ásamt hæfni til að vinna undir álagi
Góð greiningarhæfni og lausnamiðuð hugsun
Afburðagóðir samstarfs- og samskiptahæfileikar
Vélfræðingur, vélstjóri eða vélvirki
Við óskum eftir að ráða vélfræðing, vélstjóra eða vélvirkja til starfa á Öryggissvæði B á Keflavíkurflugvelli
Helstu verkefni og ábyrgð:
Daglegt viðhald og eftirlit með tækjum, kerfum og búnaði mannvirkja
Skýrslugerð og fleira tengt rekstrinum
Umsjón og eftirlit með verktökum
Menntunar- og hæfniskröfur:
Vélfræðingur, vélstjóri, vélvirki eða önnur sambærileg menntun
Staðgóð þekking á varaaflsbúnaði, kælikerfum, eldvarnakerfum og rafmagnsbúnaði
Framúrskarandi samskipta- og samstarfshæfni
Frumkvæði, jákvæðni og lausnarmiðað viðhorf Ökuréttindi og vinnuvélapróf
Góð íslensku- og enskukunnátta
Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skal starfsfólk uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.
Um Landhelgisgæslu Íslands:
Landhelgisgæsla Íslands er löggæslustofnun sem hefur það hlutverk að sinna löggæslu og eftirliti sem og leit og björgun á hafsvæðinu umhverfis Ísland. Landhelgisgæslan annast einnig framkvæmd á varnartengdum rekstrarverkefnum í umboði utanríkisráðuneytisins sbr. varnarmálalög nr. 34/2008 og samning við utanríkisráðuneytið, þ.m.t. er rekstur öryggissvæða, mannvirkja, kerfa, stjórnstöðvar og ratsjár- og fjarskiptastöðva Atlantshafsbandalagsins. Hjá Landhelgisgæslunni starfar rúmlega 230 manna samhentur hópur sem hefur að leiðarljósi slagorðið: Við erum til taks!
Gildi Landhelgisgæslunnar eru: Öryggi - Þjónusta – Fagmennska. Nánari upplýsingar um Landhelgisgæslu Íslands má finna á: www.lhg.is.
Umsóknarfrestur er til og með 28. febrúar 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Í ljósi ríkjandi kynjahlutfalls innan Landhelgisgæslunnar og jafnréttisáætlunar stofnunarinnar, eru konur sérstaklega hvattar til að sækja um. Launakjör eru samkvæmt kjarasamningi viðkomandi stéttarfélags og fjármálaráðherra f.h. ríkissjóðs.
Nánari upplýsingar veitir Thelma Kristín Kvaran (thelma@intellecta.is) í síma 511 1225.
Míla leggur ljósleiðara í þéttbýli
Suðurnesjabæjar
Míla mun í samstarfi við Suðurnesjabæ leggja ljósleiðara í þéttbýlum Suðurnesjabæjar á árinu 2025. Um er að ræða framkvæmdir í Sandgerði og Garði. Framkvæmdaáformin eru auglýst á heimasíðu Mílu. Framkvæmdin er styrkt með átaki stjórnvalda um að klára ljósleiðaravæðingu landsins fyrir árslok 2026. Suðurnesjabær var eitt þeirra sveitarfélaga sem fékk styrk til framkvæmda. Áformað er að framkvæmdir hefjist í bæjarkjörnunum næsta vor en nánari upplýsingar um tímasetningar veitir Míla. Nánari upplýsingar um verkefnið má finna á vef Suðurnesjabæjar.
Mikilvægt að auka neysluvatnsöryggi
Ferskvatnsmöguleikar og vatnsból í Grindavík voru til umræðu á síðasta fundi bæjarstjórnar Grindavíkur. Á fundinum var minnisblað ISOR um borun neysluvatsnholu fyrir Grindavíkurbæ frá því í desember síðastliðnum lagt fram.
Innviðanefnd telur mikilvægt að ráðist verði í verkefnið sem fyrst í samstarfi við Grindavíkurnefnd, til að auka neysluvatnsöryggi. Nefndin vísaði málinu til bæjarstjórnar. Bæjarstjórn samþykkir samhljóða að fela bæjarstjóra að vinna málið áfram í samstarfi við Grindavíkurnefndina.
Gunnar á Hlíðarenda og íslenska krónan
Vesturströnd Noregs er stórfengleg sýn, sé siglt meðfram henni. Djúpir firðir og há fjöll sem umlykja byggðirnar. Þar lifir fólk í sátt og samlyndi og á lignum sólríkum dögum má sjá einstaka sólblóm sveiflast í náttúrunni. Þar liggur næst stærsti bær Noregs, Bergen í Vestland kommúnu, sem ásamt sautján öðrum kommúnum mynda Bergen-svæðið. Íbúafjöldi á svæðinu er 415.000 íbúar. Þeir notast við norska krónu sem unnt er að versla með um víða veröld og nýta á erlendum gjaldeyrismörkuðum. Í Noregi öllum búa 5,5 milljónir manna og nýta þeir sama gjaldmiðiðil. Ekki hefur komið til umræðu hingað til að taka upp íslenska krónu, jafnvel þó fylgjendur þriggja stórra flokka á Íslandi telji slíkar örmyntir snilldarráð. Ekki er vitað hvort þar ráði för málaerfiðleikar. Í Árósum í Danmörku og svæðinu þar í kring búa 367.000 íbúar. Þar er heldur ekki notuð íslansk króna, jafnvel þó fjöldi spenglærðra íslenskra námsmanna hafi í áranna rás reynt að útskýra fyrir þeim snilldina. Með nýrri ríkisstjórn koma nýjar áherslur. Gefið hefur verið út að ekki síðar en 2027. fari fram þjóðaratkvæðagreiðsla um mögulegt áframhald aðildarviðræðna
við ESB og þar með talin upptaka nýs gjaldmiðils. Við gætum sem sagt haft tvo kosti í boði. Annars vegar fulla aðild að bandalagi þjóða í Evrópu sem samanstendur af tuttugu og sjö fullvalda þjóðríkjum, þar sem búa rúmlega fimm hundruð milljónir manns, eða að halda áfram eins og áður. Það hefur verið reiknað út að beinn kostnaður vegna íslensku krónunnar sé um það bil 200 þúsund krónur á mánuði sé litið til húsnæðislána eingöngu. Vaxtamunur krónunnar kosti ríkið árlega 80 milljarða sem er sú upphæð sem hægt væri að reka Landspítalann þar sem 5000 manns vinna. Samanlagt nemi heildarkostnaður ríkis, heimila fyrirtækja og atvinnulífs 500 milljörðum á ári. Kostnaður og kostir vegna hugsanlegar inngöngu í ESB liggur ekki fyrir fyrr en að loknum samningum, sem þjóðin mun þá væntanlega greiða atkvæði um. Það er ljóst að framundan er tími umræðu, rökræðu. Ekki staðhæfingar um niðurstöðu samninga sem enn hafa ekki verið skrifaðir. Það er ljóst að öll útflutningsfyrirtæki landsmanna hafa tekjur sínar að mestu leyti af erlendri mynt. Þau væru ekki útflutningsfyrirtæki ef þau ætluðu að selja vöru sína fyrir íslenska krónu. Þá krónu þekkir enginn utan landsteinana,
hvorki í Bergen eða Árósum eða þó víðar væri leitað. Langt úti í Atlantshafi liggur lítil eyja, harðbýl með vondum veðrum og reglulegum eldgosum. Ein þeirra helsta hetja var Gunnar á Hlíðarenda. Sagt er að þegar hann var að ríða til útlegðar hafi hann litið til baka og mælt þessi orð „Fögur er hlíðin svo að mér hefir hún aldrei jafnfögur sýnst, bleikir akrar en slegin tún, og mun eg ríða heim aftur og fara hvergi.“ Allir vita hvernig fyrir honum fór. Þegar Hallgerður vildi ekki lána honum hár úr höfði sér var líf hans búið. Boginn sem var hans helsta vopn var gagnlaust þegar enginn strengur var í honum lengur. Svipað er það með íslensku krónuna, þegar að enginn verðmæti felast í henni er hún verðlaus. Kannski er kominn tími á breytingar.
Mundi
Það má samt ekki sofa hjá Þórkötlu þó að þú sért viðhaldið hennar.
62,4% nýta hvatagreiðslur
HANNESAR FRIÐRIKSSONAR
„Erum klárlega leiðandi á landsvísu“
n Fræðsla fyrir foreldra í Reykjanesbæ um skjánotkun barna
Alls nýttu 2.642 börn sér hvatagreiðslur Reykjanesbæjar árið 2024 sem er 62,4% af heildarfjölda barna á aldrinum fjögurra til átján ára í Reykjanesbæ. Nýtingin hefur aukist um 14,9 % frá 2019, segir í samantekt sem Hafþór Birgisson, íþrótta- og tómstundafulltrúi, fór yfir á fundinum.
Íþrótta- og tómstundaráð Reykjanesbæjar hvetur alla til að stunda íþróttir og tómstundir í skipulögðu starfi og hvetur foreldra til að nýta hvatagreiðslur sveitarfélagsins. Óumdeilt er að gildi forvarna og lýðheilsu er mikið þegar litið er til þátttöku barna í kröftugu íþrótta- og tómstundastarfi í Reykjanesbæ, segir í fundargerð frá síðasta fundi ráðsins. Á fundinum var einnig sagt frá þátttökutölum barna og ungmenna í íþróttum og tómstundum í Reykjanesbæ árið 2024. Helstu tölur eru að þátttaka barna 4 til 18 ára hefur fjölgað úr 56,2% frá árinu 2022 í 61% árið 2024 og þátttaka erlendra barna úr 25,3% frá árinu 2022 í 35,9 % árið 2024.
Gunnarsdóttir, fulltrúi Samtakahópsins.
Skúli Bragi Geirdal, verkefnastjóri hjá Fjölmiðlanefnd, leiddi fræðsluna og fjallaði um skjánotkun, samfélagsmiðla, skjátíma
Samtakahópurinn, þverfaglegur forvarnarhópur í Reykjanesbæ, stóð fyrir fræðslu um skjánotkun barna dagana 10.–13. febrúar í öllum grunnskólum Reykjanesbæjar. Foreldrar barna í öllum skólum í Reykjanesbæ í 1.-4. bekk voru heimsóttir á sal skólanna og í boði var fræðsla um skjánotkun barna. Eftir fræðsluna unnu foreldrar bekkjarsáttmála um skjánotkun barnanna. „Við erum klárlega leiðandi á landsvísu með þetta fyrirmyndar verkefni. Vonandi taka önnur sveitarfélög þetta upp og gera slíkt hið sama,“ segir Gunnhildur Gunnarsdóttir, forstöðumaður Fjörheima og 88 hússins. Foreldrar voru virkilega ánægðir með framtakið og sýndu efninu mikinn áhuga.
Þessi viðburður fellur vel að alþjóðlegum netverndardegi, sem haldinn er árlega á öðrum þriðjudegi í febrúar. Í ár var hann þriðjudaginn 11. febrúar, og minnir okkur á mikilvægi netöryggis og ábyrgðar í stafrænum heimi. Það er ánægjulegt að Samtakahópurinn í Reykjanesbæ skuli taka virkan þátt í að stuðla að vitundarvakningu um þessi mál og styðja foreldra í að fræða börnin sín um skynsamlega skjánotkun, segir á vef Reykjanesbæjar um verkefnið.
„Við vonum að fræðslan auki vitund foreldra um skjánotkun barna og hvetji þá til að skoða eigin skjávenjur og hvernig fyrirmyndir við viljum vera. Það væri einnig frábært ef foreldrar héldu áfram að miðla því sem þeir læra hér og ef þessi viðburður yrði upphafið að opnara samtali foreldra á milli. Ég hef fulla trú á að við getum unnið saman að því að skapa öruggt og gott umhverfi fyrir öll börn í Reykjanesbæ,“ sagði Gunnhildur
og mikilvægi foreldrasamstarfs. Hann útskýrði hvernig skjánotkun getur haft áhrif á börn og veita hagnýtar leiðbeiningar um hvernig foreldrar geta stutt börnin sín í að nota skjáinn á jákvæðan og uppbyggilegan hátt.
Hugmyndin að fræðslunni spratt upp úr samtölum innan Samtakahópsins, sem hafði áhyggjur af aukinni skjánotkun barna og ungmenna og vildi styðja við foreldra með markvissri fræðslu.
Gunnhildur Gunnarsdóttir og Skúli Bragi Geirdal.
Markmið verkefnisins eru skýr:
• Foreldrar og forsjáraðilar verði upplýstir um áhrif skjánotkunar.
• Foreldrar og forsjáraðilar fái tækifæri til að setja skýr mörk um skjánotkun.
• Foreldrar og forsjáraðilar vinni saman að jákvæðu og heilbrigðu umhverfi fyrir börnin sín.
Eftir fræðsluna fengu foreldrar tækifæri til að taka þátt í hópavinnu þar sem þeir vinna að bekkjarsáttmála um skjánotkun barna sinna. Forstöðukona félagsmiðstövar, ásamt námsráðgjöfum, mun stýra hópavinnunni sem miðar að því að móta sameiginleg viðmið og reglur sem verða hengd upp í skólastofum nemenda. Að auki verður bekkjarsáttmálanum deilt á foreldrasíður og heimasíður skóla.
Framtíðarsýn – árlegur viðburður og fræðsla fyrir eldri bekki
Skipuleggjendur stefna að því að gera foreldrafræðsluna og hópavinnu bekkjarsáttmálans að árlegum viðburði. Ef verkefnið reynist vel er jafnframt áformað að útvíkka fræðsluna til foreldra barna í 5.–7. bekk. Þetta er einstakt tækifæri fyrir foreldra í Reykjanesbæ til að afla sér dýpri skilnings á málefninu og stuðla að jákvæðri og uppbyggilegri skjánotkun barna sinna.
Sótt um 79 hollvinasamninga
Sótt hefur verið um 79 hollvinasamninga við Fasteignafélagið Þórkötlu. Nú þegar hafa 47 skrifað undir og tekið yfir umsjón fasteignar. Hægt er að sækja um hollvinasamning og kynna sér betur ákvæði samningsins á vef Þórkötlu.
Þú finnur allar nýjustu fréttirnar frá Suðurnesjum á