VANYLVEN KOMMUNE
Kommunestyre 26.Oktober 2020
Etterlevelseskontroll Ny kommunelov stiller i $ 24.9 krav til revisjonen om å utføre forenkla etterlevelseskontroll med økonomiforvaltninga. Dette lovkravet er nytt. Revisjonen skal sjå til at kommunen si økonomiforvaltning i hovudsak skjer i samsvar med bestemmelsar og vedtak. Område som skal velgast ut for kontroll er basert på revisor sitt skjønn og risiko-og vesentleghetsvurdering. Det er kontrollert om lønsutgifter, som etter Kostra-rettleiar skal rapporterast på Kostrafunkjson 120 administrasjon, vert registrert og rapportert i samsvar med denne. Kontrollen er avgrensa til å gjelde fast løn registrert på lønsart 1100. Kontrollen er utført for rekneskapsåret 2019. I rapporten blir det konkludert slik: - Administrasjonkostnadane har auke frå 2016-2018. « viser ein beskjeden reduksjon i 2019. - Kommunen har i 2019 dei høgaste netto administrasjonsutgiftene av kommunane på Søre Sunnmøre. - Kommunen ligg høgast av Søre Sunnmøre-kommunane når det gjeld årsverk innan administrasjon i forhold til totale årsverk med lønsart 1100. - Vanylven er den av dei kontrollerte kommunane med høgst netto driftsutgifter til administrasjon både pr årsverk og pr innbyggar. - Når det gjeld gjennomsnittleg løn til administrasjon ligg Vanylven høgast pr. november 2019 i forhold til dei andre kommunane i området. Sjå forøvrig revisjonen sin rapport . Melding: Møteprotokoll kontrollutvalet 08.09.2020 Protokoll frå møte i kontrollutvalet 08.09.2020 vert lagt fram for kontrollutvalet. Plan for forvaltningsrevisjon - kommunen og selskap Plan for forvaltningsrevisjon – kommunen og selskap er oversendt frå kontrollutvalet til handsaming i kommunestyret.
oversikt
Tertialrapport nr 2 – 2020 Rådmannen rapporterer tre gongar per år til kommunestyret om økonomi, sjukefråvær, investeringsprosjekt, saksoppfølging, tenesteproduksjonen og om finans (lån og bankinnskot). Denne saka gjeld rapportering for 2. tertial 2020 (mai til august).
Økonomiske konsekvensar knytt til koronapandemien - rapport nr 4 I k-sak 25/20 orienterte administrasjonen om økonomiske konsekvensar for kommunen av koronapandemien. Det vart gjort slikt vedtak: 1. Rådmannen får fullmakt til å sette i verk naudsynte tiltak knytt til mulig pandemiutbrot i kommunen. Finansiering vil ein kome tilbake til når ein har meir oversikt over forventa statlege tilskot. 2. Rådmannen får fullmakt til å regulere budsjettet med finansiering frå mottatte statlege tilskot. 3. Kommunestyret får på komande møte framover oppdatert informasjon om økonomiske konsekvensar knytt til koronapandemien. Saka som no vert lagt fram gjeld perioden juli og august og er å sjå på som ei oppfølging av punkt 3 i vedtaket over. Dette er rapport nr 4 om økonomiske konsekvensar av pandemien.
Detaljregulering -Hasleneset - vurdering av merknadar og godkjenning etter 1. gangs høyring Nordplan AS har på vegne av tiltakshavar Oddvar Strand AS utarbeid detaljplan for Hasleneset i Syvde gnr. 82 bnr. 52. Føremålet med planen er å leggje tilrette for etablering av inntil 6 fritidsbustadar med felles areal og eit felleshus/naust, inklusiv tilhøyrande infrastruktur. Formannskapet vedtok i sak FO46/20 i møte den 08.06.2020 å legge reguleringsplan Hasleneset gnr. 82 /bnr. 52 til offentleg ettersyn i 6 veker. Etter 1 gongs høyring kom det inn 4 merknadar. Fylgjande vert utført for å møtekomme merknadane: -Turvegen f_GT opparbeidast og tilretteleggast for fri ferdsel før fyrste fritidsbustad takast i bruk. -Alle fritidsbustadar skal ha ei stille side. Desse bustadane skal ha tilgang til både private og
For meir informasjon om dei politiske sakene som er til handsaming i dette møtet – sjå kommunen si nettside www.vanylven.kommune.no «Politikk og møte»
VANYLVEN KOMMUNE
Kommunestyre 26.Oktober 2020
felles uteareal med maksimal støynivå på 55 dB. -Fritidsbustadar som ligg i den høgaste støysona skal ha minimum 50% av opphaldsrom mot stille side. Minst 1 soverom skal ha vindufasade mot stille side. -Naudsynt tiltak for å oppnå tilfredsstillande støynivå i samsvar med retningslinje T1442/2016 skal dokumenterast på byggesaksnivå, når plassering og utforming av fritidsbustad er fastlagt. -Støytiltaka skal ferdigstillast før fritidsbustadane kan takast i bruk. Administrasjon meiner desse tiltaka innfrir motteke merknadar.
Finanisering av overflate og sjakting etter kulturminnelova - Åheim sentrum. Før detaljreguleringsplanen for Åheim sentrum kan godkjennast må det gjennomførast ei arkeologisk registrering, jf. Kulturminnelova § 9. Fylkeskommunen oppfordrar til å bestille registrering så snart som mogleg, slik at dei kan organisere det i deira feltkalendar. Budsjett for feltarbeidet representerar om lag kr. 558 235,og leige av gravemaskin med førar, kr. 300 000,- , toltalt kr. 858 235,- . Kostnadane må finansierast av eksterne midlar.
Reguleringsplan Tue krysset. Eit forslag til nytt næringsområde ved Tuekrysset var presentert av firmaet Asteco ved Arild Skorge i kommunestyremøte den 20.06.2017. Omådet ser ein føre seg skal verte eit framtidig knytepunkt mot desinasjonar i Nordfjord og Sunnmøre. Ein vil reise her eit bygg som rommar Norsk Olivinsenter, Valborgsamlinga, Kysteverket, Turistinfor, kafe og WC. Arealbehovet som var stipulert til 8001000m2. I planane ser ein også føre seg å etablere butikkareal, truck-stopp og bobilcamping med sanitæranlegg, ladestasjon for el-bil og andre turistrelaterte aktivitetar. Asteco ynskjer at området Tue-krysset vert lagt inn i reguleringsplan Gang- og Sykkelveg Åheim. Administrasjonen skal vere behjelpeleg med reguleringsplan for området dersom det er politisk semje om dette arbeidet. Ein ber om ei politisk prioritering korleis ein eventuelt
oversikt
reguleringsplan for Tue-krysset skal prioriterast i høve til andre framtidige planleggingsoppgåver, som er sett opp tidlegare i kommunestyremøte den 20.06.2017 – sak 56/2017.
Oppfølging av notatet "Utredning av en hensiktsmessig barnehage- og skolesektor i Vanylven kommune". Etter bestilling frå skuleeigar har Vanylven kommune gjennomført eit grundig og involverande arbeid for å få på plass ein framtidsretta skule og barnehagebruksplan. KS-Konsulent har vore leigde inn som eit eksternt blikk/ekstern part for å gjennomføre arbeidet som har strekt seg gjennom heile skule og barnehageåret 19/20. Gjennom arbeidet har det blitt gjort vurderingar med vekt på kvalitet, demografi, økonomi og bygg. Rapporten frå Telemarksforsking som kommunen fekk i 2017 er også nytta som grunnlagsdokument til notatet som KS-K har overlevert kommunen.
Samarbeidsavtale med Sunnmøre friluftsråd «Medlemskommunane i Sunnmøre friluftsråd vedtok i 2019/2020 at friluftsrådet skal organiserast som Kommunalt oppgåvefellesskap (KO) i samsvar med ny kommunelov §19. Oppgåvefellesskapet erstattar samarbeid etter § 27 i tidlegare kommunelov. Som følgje av ny organisasjonsform må vedtektene i friluftsrådet endrast til ei samarbeidsavtale. Til saksframlegget fylgjer samarbeidsavtalen som årsmøtet i Sunnmøre friluftsråd har tilrådd på årsmøte 19.08.2020, sak 9. Jamføre kommunelova §19-4 skal kvart enkelt kommunestyre i alle medlemskommunane sjølv vedta samarbeidsavtala.» Kommunal alkoholavgift 2020 Fastsetjing av kommunal alkoholavgift 2020 med utgangspunkt i omsett mengde alkohol i 2019
For meir informasjon om dei politiske sakene som er til handsaming i dette møtet – sjå kommunen si nettside www.vanylven.kommune.no «Politikk og møte»