VANYLVEN KOMMUNE
Kommunestyremøte 14.06 2021
Årsmelding 2020 Kommunestyret skal etter § 14.2 og § 14-7 i kommunelova vedta «årsberetning» for foregåande år. I vedlagte årsmelding har administrasjonen gjort greie for viktige moment, utover det som går fram i rekneskapen, som: · Utviklinga i kommunen sin økonomi og handleevne over tid · Vesentlige avvik mellom det vedtekne budsjettet og det som vart endeleg rekneskapstal · Tilstanden med omsyn til kjønnslikestilling · Likestillingstiltak som er sett i verk.
Rekneskap 2020 Saka gjeld godkjenning av rekneskapen for kommunen for 2020. I saka er det også foreslått å fordele avsetning til disposisjonsfond i samsvar med reglement for disponering av sektor- og avdelingsfond. I saksutgreiinga er også kommunen sine finansielle måltal for berekraftig økonomisk utvikling oppdaterte basert på vedtatt økonomiplan og avslutta rekneskap for 2020.
Tertialrapport nr 1 – 2021 Kommunedirektøren rapporterer tre gongar i året til kommunestyret om økonomi, sjukefråvær, investeringsprosjekt, saksoppfølging, tenesteproduksjon og om finans. Denne saka gjeld rapportering for 1. tertial 2021(januar til april).
Kommunal kompensasjonsordning for lokale verksemder Stortinget har løyvd ein milliard kroner til kommunale kompensasjonsordningar for lokale verksemder (koronatilskot), og dette var tildelt kvar kommune gjennom eigne tildelingsbrev. Fylkeskommunen har klargjort at kommunane står fritt i fordeling av desse midlane. I Vanylven kommune er det næringsselskapet Vanylven Utvikling AS har motteke og vurdert søknadane og gitt ei innstilling til saka.
Rehabilitering vass- og avløpsleidning Åheim: Åheimtun -Senso AutoMøre Teknisk har problem å gje abonnentane mellom Åheimtun og Senso-Auto på Åheim god kommunal vasskvalitet den siste tida grunna tilgroing i eldre eternit vassleidning. Det tilrådast at 210m vassleidning utskiftast, og at 240m eldre avløpsanlegg på denne strekninga også rehabiliterast samstundes.
Nordfjordbrua AS - kjøp av aksjar Vanylven kommune er invitert til å teikne aksjar i selskapet Nordfjordbrua AS, som har vedteke å utvide aksjekapitalen i selskapet med inntil 1.750.000 kroner. Kommunedirektøren tilrår at kommunen kjøper aksjar for inntil kr. 25.000,-.
oversikt
Sande Fastlandssambad AS - invitasjon til aksjeemisjon Vanylven kommune mottok den 24. mai 2021 ein invitasjon frå Sande Fastlandssamband AS til aksjeemisjon på kr 1 million, slik at selskapet kan få utført naudsynt planarbeid for endeleg å kunne gjere vedtak om sambandet. Sande kommune har blitt invitert til å delta med kr 2 million og næringslivet med kr 2 million.
Runde forsking AS - teikning av aksjar Runde Miljøsenter AS er i ferd med å omorganisere seg og inviterer kommunane på Søre Sunnmøre til å bli medeigarar i eit nytt FOU selskap; Runde Forsking AS. Kommunane på Søre Sunnmøre har stort behov for kompetansearbeidsplassar. Regionen har svært få arbeidsplassar innan forsking, utanom miljøet på Høgskulen i Volda. Regionen treng eit tverrfagleg forskingsmiljø som kan vere med på å utvikle nye næringar og bidra til ny kunnskap i kommunane.
Synergigruppe Stad skipstunnel - private anlegg Administrasjonen har motteke forslag frå Synergigruppa på fleire private prosjekt i Vanylven som kan ta i mot tunnelmasse frå Stad skipstunell.
Innbyggjarundersøkinga 2021 - resultat Vanylven kommune har sidan 2015 gjennomført innbyggjarundersøkinga annakvart år, og resultatet gir ein god indikasjon på kva område kommunen har forbetra seg på og kva område det er behov for forbetring. Når kommunen i år gjennomfører denne innbyggjarundersøkinga på nytt, så vil denne danne eit godt grunnlag for prioriteringane i samfunnsdelen av kommuneplanen – som skal vere ferdig til kommunestyremøte i november 2021.
Oppdatering av handlingsplan til Kvalitetsplanen Kulturområdet har fått ei ny Melding til Stortinget nr 18,«Oppleve, skape, dele. Kunst og kultur for, med og av barn og unge». I denne meldinga presenterer regjeringa, for første gang, barne- og ungdomsskulturen som eit samla politisk satsingsområdet på nasjonalt nivå. Samfunnet vårt har vore stilt over for harde prøvingar etter at koronapandemien blei stadfesta våren 2020. Pandemien, som vi framleis ikkje har sett enden på, vil truleg prege barne- og ungdomskulturfeltet i mange år framover. Regjeringa sitt mål er at vi må leggje til rette for eit rikt kulturliv.
Søknad om deltaking i lokaldemokratiprosjekt Vanylven kommune søkjer om deltaking i prosjekt om lokaldemokratiet.
For meir informasjon om dei politiske sakene som er til handsaming i dette møtet – sjå kommunen si nettside www.vanylven.kommune.no «Politikk og møte»
VANYLVEN KOMMUNE
Kommunestyremøte 14.06 2021
oversikt
Retningsliner for startlån og tilskot frå Vanylven kommune Tildeling av startlån, tilskot til bustadetablering og bustadtilpassing, samt tilskot til utgreiing og prosjektering, er verkemiddel som kommunen kan nytte for å hjelpe vanskelegstilte personar/ husstandar på bustadmarknaden. Ordningane er regulert i lov og forskrift, samt retningsliner frå Husbanken. Kommunen er tillagt stort skjøn når det til dømes gjeld kva grupper som skal prioriterast ved tildeling, og det er derfor naudsynt å fastsette retningsliner for kommunen si handsaming av søknadar om lån og tilskot. Kommunen er ikkje pliktig til å tilby startlån og tilskot, men når ein først har påteke seg ansvaret for å formidle slike lån/tilskot, så må handsaminga av søknader gjerast i samsvar med lovverk, retningsliner og god forvaltningsskikk. Vanylven kommune sine retningsliner var sist revidert i april 2015. Frå 1. januar 2020 er tilskot til utgreiing og prosjektering eit nytt kommunalt ansvar, og er no innteke i retningslinene. Det vert rådd til at mynde til å gjere vedtak i alle saker vert delegert til administrasjonen, og at formannsskapet vert nytt klageorgan.
Vertskommune samarbeid for brann mellom Herøy og Vanylven – Evaluering I møte 9. april var interkommunalt samarbeidsprosjekt innanfor fagområdet brann mellom Vanylven og Herøy evaluert. Begge partane føreslår at samarbeidet vert avvikla.
LOKAL FORSKRIFT OM FEIING OG TILSYN MED FYRINGSANLEGG OG OM REGULERING AV FEIEGEBYR I VANYLVEN KOMMUNE Ny lokal forskrift for Vanylven om feiing og tilsyn med fyringsanlegg har vore ute på høyring i 8 veker med frist 7 mai 2021. Ingen merknad er kommen inn.
For meir informasjon om dei politiske sakene som er til handsaming i dette møtet – sjå kommunen si nettside www.vanylven.kommune.no «Politikk og møte»