Polisi a Threfnau ar gyfer Myfyrwyr ac Aelodau Cyswllt Dan 18 oed

Polisi a Threfnau ar gyfer Myfyrwyr ac Aelodau Cyswllt Dan 18 oed

Mae Undeb Myfyrwyr Prifysgol Bangor yn cydnabod y gallai rhai o fyfyrwyr Prifysgol Bangor fod o dan 18 oed pan fyddant yn dechrau ar eu cwrs. Dylai'r myfyrwyr hyn a'u teuluoedd ddeall bod Prifysgol Bangor ac Undeb Myfyrwyr Phrifysgol Bangor yn amgylchedd i oedolion a disgwylir i bawb sy'n cymryd rhan yng ngweithgareddau Undeb y Myfyrwyr ysgwyddo cyfrifoldeb oedolyn a bod â'r sgiliau angenrheidiol i gymryd rhan yn annibynnol yng ngweithgareddau Undeb y Myfyrwyr. Cyfrifoldeb yr unigolyn yw sicrhau bod ei riant neu rieni)/gwarcheidwad neu warcheidwaid yn deall y dybiaeth hon ac yn gwneud cais am gefnogaeth ychwanegol os oes ei angen.

Bydd Undeb y Myfyrwyr yn llunio adroddiad o'n system Gwasanaethau Aelodaeth i nodi pa fyfyrwyr sydd o dan 18 oed a bydd y wybodaeth hon yn cael ei chyfleu i arweinwyr gweithgareddau perthnasol yr Undeb. Bydd arweinwyr gweithgareddau myfyrwyr hefyd yn hysbysu Undeb Myfyrwyr Bangor yn ysgrifenedig os bydd unrhyw unigolyn o dan 18 oed yn bresennol mewn unrhyw weithgareddau grŵp.

Mae pob achos o gofrestru aelod cyswllt yn cael ei brosesu trwy ein system gwasanaethau aelodaeth a bydd hyn yn gyfrwng i hysbysu staff ac arweinwyr gweithgareddau perthnasol yr Undeb am unrhyw unigolion sydd o dan 18 oed.

Gall Undeb Myfyrwyr Prifysgol Bangor agor rhai o'i weithgareddau i fyfyrwyr o sefydliadau Addysg Uwch neu Addysg Bellach eraill sydd o dan 18 oed. Bydd gofyn i'r myfyrwyr hynny ymaelodi ag Undeb y Myfyrwyr fel Aelodau Cyswllt (gweler 1.6 am ragor o wybodaeth).

Bydd aelodau o dan 18 oed yn ddarostyngedig i bolisïau a threfnau Undeb Myfyrwyr Prifysgol Bangor a byddant yn gallu cael mynediad at y mwyafrif o'i weithgareddau yn amodol ar ddarpariaethau'r polisi hwn ac awdurdodiad ysgrifenedig personol gan gynnwys unrhyw amodau penodol yn ymwneud â chyfranogiad a bennir gan y Rheolwr Adran perthnasol. Bydd unrhyw amodau'n cael eu nodi a'u cytuno arnynt ar sail unigol.

1.1

Cyfrifoldeb Rhieni

Nid yw Undeb Myfyrwyr Prifysgol Bangor yn gallu ysgwyddo'r hawliau, y cyfrifoldebau a'r

awdurdod sydd gan rieni mewn perthynas â phlentyn ac ni fydd yn gweithredu in loco parentis mewn perthynas ag aelodau sydd o dan 18 oed.

1.2

Cyfathrebu ag Aelodau sydd o dan 18 oed

Polisi Undeb Myfyrwyr Prifysgol Bangor yw cyfathrebu ac ymateb i aelodau sydd o dan 18 oed yn uniongyrchol (neu gydag aelod perthnasol o gyfadran y sefydliad maent yn gofrestredig ag ef lle bo hynny'n briodol).

1.3

Cyfrifoldeb Aelodau sydd o dan 18 oed (neu Rieni/Gwarcheidwaid)

Bydd disgwyl i fyfyrwyr Prifysgol Bangor a myfyrwyr allanol sy'n cymryd rhan yng ngweithgareddau Undeb Myfyrwyr Prifysgol Bangor wneud fel a ganlyn: -

1.4

1.3.1

Ymddwyn fel oedolion a gallu edrych ar ôl eu hunain ym mhob mater ymarferol.

1.3.2

Nodi eu hoedran wrth lenwi'r ffurflen gais Aelodaeth Gyswllt.

1.3.3

Rhoi enw, cyfeiriad a manylion cyswllt rhiant/gwarcheidwad a fydd yn bwynt cyswllt Undeb y Myfyrwyr os bydd mater brys yn codi yn ymwneud â'r myfyriwr.

1.3.4

Ymlynu wrth holl Bolisïau a Threfnau Undeb Myfyrwyr Prifysgol Bangor.

1.3.5

Sicrhau bod Undeb y Myfyrwyr wedi cael gwybod am unrhyw anghenion neu ofynion arbennig a all fod gan y myfyriwr.

1.3.6

Peidio â chymryd cyfrifoldeb dros gynnal digwyddiadau.

1.3.7

Peidio â chymryd rhan mewn teithiau dros nos a/neu wibdeithiau.

1.3.8

Peidio â chymryd swyddi o gyfrifoldeb h.y. fel swyddog pwyllgor neu swydd sabothol.

1.3 .9

Ar ôl cyrraedd 18 oed, yn derbyn yr un amodau aelodaeth â phob oedolyn arall.

Cyfrifoldeb Undeb Myfyrwyr Prifysgol Bangor

Bydd Undeb Myfyrwyr Prifysgol Bangor yn gwneud y canlynol:1.4.1

Rhoi manylion myfyrwyr o dan 18 oed i arweinwyr gweithgareddau perthnasol yr undeb a chytuno ar unrhyw amodau aelodaeth. Gall y rhain amrywio yn dibynnu ar y gweithgaredd.

1.4.2

Sicrhau y nodir enwau pob aelod staff ac arweinydd gweithgareddau y mae eu swyddi'n cynnwys mynediad sylweddol heb oruchwyliaeth at fyfyrwyr o dan 18 oed mewn gweithgaredd a ddiffinnir fel Gweithgaredd Rheoledig gan y Gwasanaeth Datgelu a Gwahardd a bod gwiriadau perthnasol y Gwasanaeth Datgelu a Gwahardd yn cael eu cynnal.

1.4.3

Sicrhau bod myfyrwyr yn ymwybodol o bwy i gysylltu â hwy mewn achos pan fo anawsterau'n codi'n ymwneud â gweithgareddau Undeb y Myfyrwyr.

1.5

Aelodaeth i fyfyrwyr o sefydliadau eraill Addysg Uwch neu Addysg Bellach 1.5.1

Rhaid i fyfyrwyr o sefydliadau Addysg Uwch neu Addysg Bellach eraill sy'n cymryd rhan yng ngweithgareddau Undeb Myfyrwyr Prifysgol Bangor wneud cais i fod yn Aelodau Cyswllt Undeb y Myfyrwyr a chael eu cymeradwyo cyn cymryd rhan mewn unrhyw weithgaredd.

1.5.2

Wrth gynnig Aelodaeth Gyswllt Undeb Myfyrwyr Bangor i fyfyrwyr o sefydliadau eraill Addysg Uwch neu Addysg Bellach, bydd staff o'r ddau sefydliad yn dod i ddealltwriaeth i amlinellu natur yr estyniad mewn aelodaeth, pryd a lle y bydd y gweithgareddau a ddarperir gan yr undeb ar gael a chyfrifoldebau'r ddwy ochr.

1.5.3

Bydd y Sefydliad y mae'r myfyriwr allanol wedi'i gofrestru ag ef yn gyfrifol am gyfleu Polisïau a Threfnau perthnasol Undeb Myfyrwyr Prifysgol Bangor i rieni neu warcheidwaid eu myfyrwyr.

1.5.4

Dim ond gweithgareddau priodol fydd yn cael eu cynnig i fyfyrwyr allanol a chaiff hyn ei gymeradwyo fesul achos i sicrhau bod capasiti'r gweithgaredd yn cael ei reoli'n briodol. Bydd y gweithgareddau'n cael eu hadolygu'n flynyddol ym mis Mai.

1.5.5

Dim ond i fyfyrwyr 16 oed a hŷn y bydd gweithgareddau Undeb Myfyrwyr Prifysgol Bangor yn agored.