Cynrychiolydd Ysgol (Blwyddyn Academaidd 2025-26)
Swydd-ddisgrifiad
Teitl y Swydd: Cynrychiolydd Ysgol (CY).
Lleoliad: Wedi'i leoli yn ysgol y CY.
Yn Atebol i: Arweinydd Llais Myfyrwyr a Chydlynydd Cynrychiolaeth yn Undeb Bangor; Cyfarwyddwr Ennyn Diddordeb Myfyrwyr/Cyfarwyddwr Addysgu a Dysgu yn Ysgol y Cynrychiolydd Ysgol.
Tymor: Un flwyddyn academaidd (un flwyddyn academaidd).
Ymrwymiad Amser: Rydym yn amcangyfrif 2-3 awr yr wythnos (hyblyg o amgylch astudiaethau).
Disgwyliadau Swydd
Dadansoddiad Adborth ac Eiriolaeth
• Monitro ac adolygu adborth myfyrwyr a gyflwynir drwy'r ffurflen adborth ar-lein.
• Nodi themâu sy'n codi dro ar ôl tro, blaenoriaethu materion allweddol, a'u huwchgyfeirio at y Cyfarwyddwr Ennyn Diddordeb Myfyrwyr (DSE) neu'r Cyfarwyddwr Addysgu a Dysgu (DTL) neu'r Pwyllgorau Cyswllt Staff-Myfyrwyr (SSLiCs).
• Dilyn i fyny gyda myfyrwyr (lle darperir manylion cyswllt) i gasglu mewnwelediadau dyfnach.
• Gweithio'n agos gyda’r Is-lywydd Addysg ar ymgyrchoedd ar draws yr ysgol/prifysgol.
• Cynllunio a gweithredu’r Wythnos Cynrychiolwyr gyda chefnogaeth Cyfarwyddwr Ennyn Diddordeb Myfyrwyr / Cyfarwyddwr Addysgu a Dysgu eich ysgol, cynrychiolwyr cyfoedion, ac Undeb Bangor.
Cydweithio a Datrys Problemau
• Gweithio'n adeiladol gyda staff yr ysgol ac Undeb Bangor i gyd-ddatblygu atebion i faterion academaidd.
• Gweithio gyda'r cynrychiolwyr eraill yn eich ysgol i sicrhau cynrychiolaeth effeithiol i fyfyrwyr ar faterion academaidd, fel tîm cynrychiolwyr yr ysgol.
• Mynd i gyfarfodydd y Pwyllgor Cyswllt Staff-Myfyrwyr bob tymor i drafod tueddiadau adborth a chyfrannu at gynlluniau gweithredu.
• Mynd i gyfarfodydd rheolaidd gyda thîm Llais y Myfyrwyr i rannu adborth a gweithio ar ymgyrchoedd ledled y brifysgol.
Cyfathrebu a Thryloywder
• Cyfleu canlyniadau adborth i fyfyrwyr drwy Teams, newyddlenni, neu fwletinau ysgol, Blackboard a gwefan eich ysgol ar undebbangor.com.
• Hyrwyddo’r system adborth ar-lein a'ch rôl fel cynrychiolydd i sicrhau ymwybyddiaeth myfyrwyr.
• Cyfrannu o bryd i'w gilydd at ddatblygu a lledaenu cynnwys cyfryngau cymdeithasol priodol ar gyfer Undeb Bangor; mae cymryd rhan yn y gweithgaredd hwn yn parhau i fod yn gwbl wirfoddol.
Adeiladu cymunedau
• Meithrin cysylltiadau â myfyrwyr ar draws eich Ysgol i annog ymgysylltiad.
• Cymryd rhan mewn digwyddiadau cymunedol a sesiynau hyfforddi cynrychiolwyr Undeb Bangor.
Sgiliau, Priodoleddau, a Phrofiad
Rydym yn chwilio am ymgeiswyr sydd:
• Yn angerddol dros wella profiad academaidd myfyrwyr.
• Yn drefnus ac yn rhagweithiol.
Rydym hefyd yn awyddus i gael ymgeiswyr sydd eisiau datblygu sgiliau mewn:
• Dadansoddi data (adborth) a nodi materion allweddol.
• Cyfathrebu cryf i gysylltu â myfyrwyr a staff.
• Gweithio'n dda mewn tîm a meddwl yn feirniadol am atebion.
Nid oes angen unrhyw brofiad blaenorol. Bydd hyfforddiant a chefnogaeth yn cael eu darparu!
Cefnogaeth a Datblygiad
• Hyfforddiant gorfodol ar ddadansoddi adborth, sgiliau cyfarfodydd, a phrosesau adborth a chamau gweithredu cynrychiolwyr ysgolion.
• Cefnogaeth a hyfforddiant ychwanegol wedi'u teilwra a fydd yn cael eu trafod gydag Undeb Bangor yn eich sesiynau dal i fyny rheolaidd.
• Llawlyfr pwrpasol gyda chysylltiadau, canllawiau ac awgrymiadau ar gyfer datrys problemau.
• Cysylltiadau rheolaidd ag Undeb Bangor a chynrychiolwyr cyfoedion i gael cefnogaeth barhaus.
Manteision
• Dylanwadu ar newid cadarnhaol ym mhrofiad addysg eich Ysgol.
• Datblygu sgiliau trosglwyddadwy (e.e., datrys problemau, cyfathrebu, dadansoddi data).
• Gwella eich CV gyda rôl arweiniad gydnabyddedig.
• Ymuno â chymuned o gynrychiolwyr ym gysylltiedig gyda chyfleoedd cymdeithasol a rhwydweithio.
Cymhwystra a Dewis
• Ar agor i bob myfyriwr israddedig/meistr yn yr ysgol.
• Dewisir trwy gais a chyfweliad grŵp.
Sut i wneud cais
Cyflwynwch gais byr drwy’r ffurflen gais ar-lein yma erbyn (24-8-2025).
Cynhelir y cyfweliadau yn ystod Medi/dechrau Hydref.
Dyddiad cau: 24-8-2025
Cyswllt: studentvoice@undebbangor.com