Personalhandbok for Askvoll kommune 9.1. Rådmannen kan gjere endringar som er naudsynte for at reglementet til ei kvar tid er i samsvar med lov, tariffavtale, hovudavtale eller andre føresegner som kommunen er bunden av. Administrasjonsutvalet har fullmakt til å gjere andre endringar og til å tolke reglementet
Kap IIII - arbeidstidsreglement Reglar om arbeidstid, fridagar og ferie i Askvoll kommune
Fleksitid. 1. Kva er fleksibel arbeidstid Fleksibel arbeidstid er i utgangspunktet ei gjennomsnittsberekna arbeidstidsordning over ein bestemt tidsperiode, som ved slutten av perioden skal vise eit tilnærma nullrekneskap. Forskjellen frå ei gjennomsnittsberekna arbeidstidsordning etter aml. § 10-5, er at det ved fleksibel arbeidstidsordning ikkje er krav om arbeidsplanar som viser kva for dagar, veker og månader den tilsette gjennom året har lengre og kortare arbeidstid. Fleksibel arbeidstid skal ikkje føre til nokon endring i dagens praksis som gir arbeidstakarar høve til – etter nærare avklaring med den enkelte sin overordna – til å ha nødvendig korttidsfråvær, f.eks. korte lege- eller tannlegebesøk, i arbeidstida. Gjentekne behandlinger hos lege mv. må takast som fleksitid eller som velferdspermisjon dersom arbeidsgiver finn grunnlag for det. Korttidsfråvær skal ikkje registrerast i fleksitidsrekneskapet. 2. Kven kan nytte seg av ordninga? Ordninga med fleksitid gjeld alle fast tilsette og vikarar for faste stillingar som arbeidar heile dagar. Kortidstilsette, ekstrahjelp og sommarvikarar vert ikkje omfatta av ordninga. Ordninga gjeld ikkje for arbeidstakarar i kommunale tenester der det av omsyn til tenesta ikkje kan praktiserast fleksitd. Dette gjeld t.d lærarar, barnehagetilsette, legesekretær, vaktmeistre, og arbeidstakarar som går i skift- /turnusteneste. Tilsette som har ansvar for telefonsentral eller publikumsmottak kan ikkje nytte seg av fleksitida dei arbeidsdagane dei har dette ansvaret. Registrering av arbeidstid Arbeidstakarar som kjem inn under ordninga med fleksibel arbeidstid, skal føre tidsregistreringsskjema som kontroll med arbeidstida. Tidsregistreringsskjemaet skal vere oppdatert og kunne leggast fram for overordna når det vert krevd. 3. Kjernetid Kjernetida vert kl.09.00 – 14.30 i tida frå og med 1.mai til og med 30.september, og frå kl.09.00 – 15.00 resten av året. I kjernetida skal alle vere tilstades på arbeidsplassen.
17