Nasalaag

Sa panahon karon,

Asa ba kita padulong?

Unsa ba ang pulos sa kinabuhi?

Kini ang pangutana sa kaugalingon.

Mga higala, masabtan ba kining gibati

Nga wala damha ug ako wala kahibalo

Kung aduna ba’y paingnan ning kinabuhi

Nawala ba sad mo karon?

Sama ba mo nako nga wala na kasabot?

Unsay angay natong buhaton?

Aduna ko’y kaguol sa kamatuorang

Di nako makita ang kaugmaon

Kung unsa gayud ang nag atang kanako

Puros kangitngit ang nasugatan

Nag hinaot nga aduna’y mutabang

Muhatag kahayag niining dalan

Kinsa ba ang angay kong tawgon?

Dakong pasalamat ko

Ikaw nibati ning pagsampit

Diyosa Agolanay, diyosa sa mga nawala

Ania ka para mutabang kanako

Kini nga diyosa mudungog kanato

Sa mga tao nga nasalaag, siya mutabang

Muhatag kahayag sa ngitngit nga kadalanan

Kay siya usa ka diyosa nga naay kaluoy

Diyosa Agolanay, ikaw ang among pag-asa

Ning hunahuna nga pwerting gubota

Busa ayaw na kamo kaguol

Dia na ang atong diyosa,

Dili kita niya pasagdan

Maong paglaum lang

Dawata ang kahayag

Para kanato nga nasalaag