Bileahttašlájat

4.6 Vearjogeatnegasat

Sii, geat vuosttašgeardde leat vearjogeatnegasbálvalusas ja mátkkoštit uniforpmain, ja sáhttet čájehit militeara ID-koartta/vearjogeatnegasduođaštusa. Vuoládus ii addo Suodjalusa bargiide, ámmátsoalddáhiidda, HV-soalddáhiidda dahje sidjiide geat leat geardduhanbálvalusas.

4.7 Honnør-vuoigatvuođalaččat

• Sii, geat leat deavdán 67 jagi, bargonávccaheamit, čalmmeheamit dahje bealjeheamit/čalmmeheamit • Ovdaláiggepensionisttain, geat eai leat deavdán 67 jagi ii leat vuoigatvuohta oažžut honnør-vuoládusa

4.8 Mieđušteaddji

Mielčuovvu mátkkošta nuvttá go mieđušta su gii dárbbaša mielčuovvu. Son gii dárbbaša mielčuovvu máksá dábálaš bileahta.

4.9 Mánáid- ja nuoraidjoavkkut

Jos joavkkus leat eanet go 10 olbmo, de addojuvvo 60 % vuoládus. Skuvllat, mánáidgárddit ja eaktodáhtolaš organisašuvnnat/valáštallansearvvit mánáid ja nuoraid várás ožžot namuhuvvon vuoládusa. Gávpogiin sáhttá vuoládus áigeráddjejuvvon jos ollugat mátkkoštit oktanaga iđđedis ja veaigin.

4.10 Beatnagat ja biebmoeallit

• Beatnaga dahje eará biebmoelliid ovddas ii dárbbaš oastit bileahta. • Mátkkoštettiin galgá beana leat báttis, ja dasa galgá gávdnat dakkár saji gos ii vuorjja earáid. Beana ii galgga goarjadit stuolus • Fanasmátkkiin ii oaččo beana leat doppe gos olbmot čohkkájit, ja galgá fievrriduvvot ritta siste ja biddjot gálvolatnjii, biilalatnjii dahje eará heivvolaš sadjái

• Bussevuoddji/fanasbargi sáhttá gieldit váldimis mielde beatnagiid (ja eará guolgaelliid) jos mátkkošteddjiin lea allergiija. Bahás beatnagat dahje beatnagat mat ráfehuhttet mátkkošteddjiid sáhttet biddjot eret busses/fatnasis

4.11 Mánávovdna, juvlastuollu ja vázzinjorri

• Mánávovnna, juvlastuolu dahje vázzinjori ovddas ii dárbbaš oastit bileahta • Daid lea vejolaš váldit mielde jos lea sadji ja jos daid sáhttá sihkkarastit.

Bussevuoddji/fanasbargi mearrida saji daidda

4.12 Sihkkel ja spárka

• Fertet oastit bussebileahta stuorit gálvvuid ovddas, nu go sihkkel- ja spárkabileahta • Sadji sáhttá ráddjejuvvon. Sihkkel, spárka, gielká jna. eai váldojuvvo mielde jos busses leat ollu mátkkošteaddjit

4.13 Eará gálvvut

Sabehat, gielká ja sullasaččat: Nuvttá jos lea sadji gálvolanjas.

Giehtagálvu: Nuvttá jos gálvu ii deatte eanet go 20 kg. Losit gálvvu ovddas gáibiduvvo máksu. Geahča čuoggá gálvofievrredeapmi.

Mátkegálvu: Sáddejuvvo páhkkan ja dan ovddas ferte máksit sáddengoluid busse- ja fanasfitnodagaid haddetabealla mielde. Riekta devdojuvvon fievrrádusbábir galgá sáddejuvvot mielde.

5. BILEAHTTAŠLÁJAT

Mii ávžžuhat buohkaid oastit bileahta ovddalgihtii, mii mielddisbuktá ahte vuordináigi bisánanbáikkiin oaniduvvo ja bussevuoddji, bargiid ja mátkkošteddjiid sihkkarvuohta nannejuvvo. Bileahtta maid ovddalgihtii oastát lea seamma hálbi dahje hálbbit go bileahtta maid oastát go boađát bussii/fatnasii.

Don sáhtát maid oastit eaŋkilbileahta busses/fatnasis máksinkoarttain dahje ruđain. Áigodatbileahta gal fidne oastit dušše Snelandia Mobillett áppas.

5.1 Snelandia Mobillett

Snelandia Mobillett áppas lea álki oastit bileahta ovddalgihtii. Áppas gávdnojit iešguđetlágan máksinčovdosat: (Mátkekonto) Mobilkonto (kontoi ferte bidjat ruđa ovddalgihtii), njuolgamáksu báŋkokoartta dahje Vipps bokte, dahje sirdit bileahttasupmi mátketelefovdnarehkegii.

Jos dus lea iPhone de sáhtát viežžat áppa «Snelandia Mobillett» AppStore:s dahje Google Play:s jos dus lea Android telefovdna.

Snelandia Mobillett áppas sáhtát oastit buotlágan bileahtaid. Dus ferte leat interneahtta telefovnnas vai beasat oastit bileahta. Váilevaš interneahtta ii leat ágga váidalit, buohkat fertejit oastit bileahta go bohtet bussii/fatnasii gustovaš njuolggadusaid ja bileahttahattiid mielde.

Mobillett bileahtas lea ráddjejuvvon gustonáigi ja doaibmagoahtá dallánaga go bileahta oasttát. Danne galggat bileahta oastit ovdalaš go manat bussii/fatnasii, amas bileahta gustonáigi ii noga ovdal go mátkki lea loahpahuvvon. Bileahtta galgá čájehuvvot jos gáibiduvvo.

Vuođđoskuvla- ja joatkkaskuvlaoahppit, geain lea vuoigatvuohta nuvttá skuvlasáhttui, sáhttet Mobileahta geavahit sáhttoduođaštussan.

Mobilkonto dahje Mátkekonto áppa geavahuvvo máksit Mobillett bileahta. Kontoi ferte ovddalgihtii bidjat ruđa. Mátkekonto sáhttet máŋggas geavahit, ovdamearkka dihte sáhttet mánát oastit bileahta dien máksinvuogádaga bokte.

Jos sáhttofálaldagain leat váilevašvuođat, de sáhttá mátkkošteaddji govttolaš áiggis gáibidit bileahta buhtaduvvot dahje máksojuvvot ruovttoluotta.

5.2 SMS

Dál lea vejolaš oastit ollesbileahta dahje ollesolbmuid eaŋkilbileahta SMS bokte go sáddet koda REISE1 (molsso logu sonaid ektui, eanemusat 8) 2470 nummirii. Haddi ja gustonáigi lea seamma go eaŋkilbileahtas maid oasttát Snelandia Mobillett áppas.

5.3 Báberbileahta maid oasttát busses/fatnasis

Don sáhtát máksit koarttain dahje ruđain go oasttát eaŋkilbileahta busses dahje fatnasis. Don galggat bileahta vurket dassái go mátkki lea loahpahuvvon, ja dat galgá čájehuvvot bileahttadárkkisteamis.

5.4 Fievrredanfitnodatbargiid friddjakoarta

Fievrridanfitnodatbargit sáhttet nuvttá mátkkoštit bargui/ruoktot, jos sis lea uniforbma badjelis. Bussefitnodagat ja skiipafitnodagat hálddašit ortnega.

5.5 AutoPASS fearggaide

Finnmárkku feargajohtolat čuovvu nationála AutoPASS-máksinvuogi mii gusto fearggaide. Don mávssát dušše biilla ovddas. Sii, geat leat biilla mielde, mátkkoštit sihkkeliin dahje sullasaš fievrruin eai dárbbaš oastit bileahta. Biilavuoddji sáhttá oažžut eanemusat 50% vuoládusa ja fitnodat fas 40% vuoládusa jos lea AutoPASS-mearka ja dahkan ovdamáksošiehtadusa.

Eará eavttut, geahča Auto-PASS dieđuid Snelandia neahttabáikkis.