Mátkkoštanjoavkkut

1. ULBMIL JA DOAIBMAGUOVLU

Giehtagirji almmolaš sáhttofálaldagaid birra lea sin várás:

• Geat geavahit mearkagálvvu Snelandia sáhttofálaldagaid, maid Finnmárkku fylkkagielda ovddasvástida • Geat geavahit dasa gulli terminálaid, bissánanbáikkiid dahje káijaid • Geat ostet bileahta dihto mátkái – Ja nu dahket sáhttoduođaštusa ovddasvástideaddji fievrredanfitnodagain.

Giehtagirji lea oassi sáhttošiehtadusas

Giehtagirjji njuolggadusat čuvvot gustovaš fievrredanláhkaásahusaid.

Giehtagirji ii gusto:

• Sáhttofálaldagaide maid eará fievrredanfitnodagat go Snelandia doaimmahit.

2. BUSSEVUODDJI/FANASBARGI

OKTAVUOHTA MÁTKKOŠTEDDJIIGUIN

Snelandia bussevuoddjit ja fanasbargit leat vuosttašlinjábargit geaigun mátkkošteaddjit deaivvadit buot ovddimusat. Danne lea ge hirbmat dehálaš ahte bargit leat ustitlaččat, láhttejit albma láhkai ja hálddašit gielalaš hástalusaid. Bussevuoddjit ja fanasbargit galget čájehit veahkkáivuođa ja addit rivttes bagadallama dárbbu mielde.

Bussevuoddji ja fanasbargi galgá fuolahit ahte:

• mátkkošteaddji oažžu veahki oastit bileahta mátketelefovnna bokte, neahtas dahje eará láhkai jos lea dárbu • mátkkošteaddji oažžu rivttes dieđuid hattiid, bileahtaid ja vuoládusaid birra • mátkkošteaddjit geat ožžot hálbbeduvvon bileahta (honnør, nuorat jna.) galget čájehit dohkálaš duođaštusa • biilaboagán geavahuvvo busses • mátkkošteaddji lea gávdnan čohkkánsaji ovdal go busse/fanas vuolgá • mátkkošteaddji guođđá busse/fatnasa oadjebasat bisánanbáikkis

• mátkkošteaddji oažžu dieđu jos šaddet rievdadeamit mátkki oktavuođas – jos dat guoská fivrui mainna lea johtimin dahje fivrui maid mátkki vuolde šaddá lonuhit

3. MÁTKKOŠTEADDJI

3.1 Gáibádusat ja láhtten

• Mátkkošteaddji galgá álo go gáibiduvvo čájehit dohkálaš bileahta ja duođaštusa jos sus lea vuoigatvuohta hálbbeduvvon bilehttii • Mátkkošteaddji geatnegasvuohta lea vuhtiiváldit eará mátkkošteddjiid, ja čuovvut dábálaš sihkkarvuođanjuolggadusaid • Biilaboagán ja eará sihkkarvuođarusttegat galget geavahuvvot bussemátkkis. Gusto maiddái fatnasiidda, jos doppe gávdnojit dakkárat • Vuojedettiin ii leat lohpi ságastallat bussevuddjiin, dahje eará láhkai muosehuhttit su • Lea lobiheapme juhkat alkohola dahje geavahit eará mirkkuid • Bussevuoddji/fanasbargi sáhttá gieldit váldimis mielde gárrenolbmuid, dahje jos mátkkošteaddji láhtte unohasat dahje váivvida earáid • Mátkkošteaddjit geat láhttejit unohasat, dahje muosehuhttet eará mátkkošteddjiid, sáhttet biddjot eret busses/fatnasis.

3.2 Mátkkošteaddji galgá fuolahit ahte sus lea dohkálaš bileahtta

• Bileahtta dárkkistuvvo optihkalaš lohkkis busses/fatnasis, jos ii leat eará šiehtadus • Mátkkošteaddji galgá ieš dárkkistit lea go sus dohkálaš bileahtta.

Vejolaš bileahttamolsun galgá dahkkot doppe gos bileahtta lea ostojuvvon • Jos mátkkošteaddji ii beasa oastit bileahta rivttes áigái, de galgá bussevuoddji/fanasbargi oažžut dieđu dan birra nu johtilit go vejolaš, ja ovdal go busse/fanas vuolgá • Bileahtta galgá vurkejuvvot olles mátkki oktan dárbbašlaš duođaštusaiguin

3.3 Ovddasvástádusnjuolggadusat

Jos mátkkošteaddji man ge láhkai billista/vahágahttá busse/fatnasa dahje ráhkkanusaid busses, fatnasis dahje bisánanbáikkis, de sáhttá buhtadus gáibiduvvot.

4. MÁTKKOŠTANJOAVKKUT

Min Snelandia bussiin, Flexx-sáhtuin ja leaktofatnasiin leat čuovvovaš bileahttašlájat ja bileahttavuoládusat. Eaktun oažžut vuoládusa lea, ahte mátkkošteaddjis lea dohkálaš dahje duođaštus, geahča čuoggá Legitimašuvdna.

4.1 Mánát 0 – 5 jagi

Mánát gaskal 0 ja 5 jagi.

4.2 Mánát ja nuorat gaskal 6-17 jagi

Mánát ja nuorat 6 jagi rájes dassái go devdet 17 jagi.

4.3 Nuorat 16 – 19 jagi

Nuorat 16 jagi rájes dassái go devdet 19 jagi. Dán mátkkoštanjovkui ii addo eará vuoládus go ahkejovkui mearriduvvon vuoládus, ja sii sáhttet maid geavahit 30-beaivásašbileahta «Snelandia 16-19».

4.4 Nuorra ollesolbmot 18 – 29 jagi

Nuorra ollesolbmot 18 jagi rájes dassái go devdet 29 jagi. Mis eai leat eará vuoládusat studeanttaide, ohppiide, oahpahalliide jna., dan geažil go sii dábálaččat gullet dán ahkejovkui.

4.5 Ollesolbmot

30 jagi rájes dassái go devdet 66 jagi.