Nanayyy, Tatayyy! Anong Balita?

T a , t y a y y y y a y n ! a N B a g l n i t o a n ?

A written by: unah gapaz, thea almirez & lina masanque

o i n t s a r t by: s u li l addie martinez & ella villamonte

1

“Lia! Andyan na ang nanay!”

“Tatay, paglaki ko gusto ko din maging katulad ninyo ni nanay. Mag re-report po ako ng mga balita para alam ng mga tao ang mga nangyayari sa paligid nila!” Hindi nagsalita si tatay at ngumiti sa akin habang tinapik-tapik ang aking ulo.

2

3

Hanggang madaling araw ang pasok ni nanay sa opisina at marami pa siyang kailangan gawin.

Alas-otso na ng umaga at kailangan ko nang pumasok sa eskuwelahan, sumilip ako sa kwarto nila nanay at natutulog pa rin siya.

Nagluto na si tatay ng pritong itlog, hotdog, at sinangag para sa agahan namin.

Sabay kami ni tatay umaalis ng bahay, hinahatid niya muna ako at pagkatapos ay pupunta na siya sa kaniyang opisina.

Sa hapon naman, si nanay ang sumusundo sa akin.

4

5

Pag-uwi namin ni nanay nagkuwento ako tungkol sa takdang aralin na binigay sa amin ni T. Camille.

“Nanay, may homework na binigay sa amin si T. Camille, ano daw ang gusto namin maging paglaki?” ”Ano ba ang gusto mo maging paglaki anak?” tanong ni nanay.

Napakamot ako sa aking ulo. “Nanay, gusto ko po na maging katulad ninyo ni tatay! Ang astig niyo po kasing tingnan sa TV, ang ayos po ng pananalita niyo, tapos hangang-hanga po ako sa inyong pagbabalita, naniniwala ako na totoo ang inyong mga sinasabi pati na rin ang mga sinusulat ni tatay.”

Napangiti si nanay at hindi siya nagsalita.

6

7

Nagpresenta kami sa harap ng klase tungkol sa aming mga gustong maging paglaki. Ipinakita ko ang aking drawing.

“Ako si Lia Diaz, ang aking nanay at tatay ay si Carmen at Benedict Diaz. Isang journalist si tatay at ang aking nanay ay isang reporter. Pareho silang nagtatrabaho sa NABI Station bilang mga kasapi ng media!”

8

9

Makalipas ang labing-isang taon, nasa kolehiyo na ako at ang kurso na pinili ko ay Journalism. Hindi ko inakala na mahirap pala ang trabaho ng aking mga magulang.

Pananaliksik, pagsusulat, pag-e-edit, pag-proofread, at pakikipanayam ang madalas na ginagawa sa mundo ng media.

Maaari kang husgahan sa bawat galaw at salita na iyong bibitawan.

10

11

Lumabas sa balita ang isang breaking news, si nanay ang nag-uulat.

“Nagkaroon na po tayo ng unang kaso ng Novel Coronavirus sa Filipinas. Ito ang kauna-unahang kaso sa ating bansa, ang pasyente ay nagmula sa Wuhan, China at umuwi ng Pilipinas. Siya ay kasalukuyang naka-confine sa San Lazaro Hospital sa Maynila.”

Habang pinapanood namin ang balita, nagkakagulo na sa aming barangay. Nagtatanong na ang mga kapitbahay ng mga essential na kailangan bilhin para makaiwas sa COVID-19.

12

Pagkalipas ng isang buwan, ibinalita sa telebisyon ni nanay ang mga bilin ng pamahalaan sa mga tao. Binanggit din dito ang mga pangangailangan at lockdown na mangyayari.

Dito nagsimula ang panic buying at pagkakaubusan ng alcohol, facemask, at mga pagkain. Iniwan ako sandali ni tatay upang mamili habang ginagawa ang isang proyekto para sa semestre.

13

Kailangan namin magbalita tungkol sa nangyayari sa pandemya.

Maaaring tungkol sa kakulangan ng suplay sa pamilihan o bagong paraan ng pag aaral, Pinili ko ang paksang tungkol sa pagkawala ng trabaho ng mga mamamayan dahil sa pandemya.

Pag-uwi ni tatay, tinulungan ko siya sa mga pinamili habang sinagot niya ang tawag mula sa kanyang kompanya.

14

15

“Ano pong sabi tatay?”

Tinignan niya ako at nagdadalawang isip sa kanyang sasabihin.

“Nawalan ako ng trabaho anak, hindi na nila kayang suweldohan ang mga journalist sa kompanya. ”Malungkot na sagot ni tatay. “Si nanay din po ba?”

Tanong ko dahil pareho sila ng kompanyang pinapasukan ni nanay.

“Hindi anak, dahil reporter nanay mo at sumusunod lang naman siya sa iskrip ay hindi siya nawalan ng trabaho.”

16

Sumusunod lang naman siya sa iskrip, ano kaya ang ibig sabihin ni tatay dito?

Lumipas ang gabi at binisita ko si nanay sa kuwarto niya upang tawagin para mag almusal.

Walang pasok si nanay dahil sabado, kaya ito ang araw na sabay-sabay kami kumakain. Tinanong ko si nanay tungkol dito, “Nay, ano po ang ibig sabihin ng sumusunod ka lang naman sa iskrip?” Tumingin siya kay tatay habang tumango ito sa kanya.

17

“Anak, ang mga reporter kasi ay may binabasang iskrip bago magbalita.

Sa trabaho naman ng isang journalist ay mas malaya silang magbahagi ng mga impormasyon na sila mismo ang nagsulat. Puwede ito maging kahit anong gusto mong iparating sa ibang tao.” Pagpapaliwanag ni nanay.

18

19

“Pero may limitasyon ang pagiging journalist anak. Dahil may mga impormasyong hindi maaring ipamahagi at malaki ang tyansang mahuli ng dahil dito. Kaya ako nawalan ng trabaho ay hindi lamang dahil sa pandemya, dahil din ito sa aking sinusulat tungkol sa gobyerno. Kung bakit sa tingin ko ay mali ang pamamahala nila sa atin base sa mga nakaraang balita at iba pang pananaliksik.” Dugtong ni tatay.

20

Limitasyon? Katotohanan? Pamamahagi?

Pagkatapos ng almusal ay dumiretso ako sa aking kwarto.

Isinusulat ang mga kuwento ni tatay kanina tungkol sa gobyerno, korupsyon, human rights, at iba pang paksa na hindi niya naibahagi sa mga tao.

Simula bata ay pinangarap ko na maging journalist upang mag bahagi ng impormasyon, pero ngayon ay hindi lamang impormasyon ang nais kong ibahagi. Kasama na din dito ang mga katotohanan na ipinagbabawal ng limitasyon.

21

T a , t y a y y y y a y n ! a N B a g l n i t o a n ?

A May isang bata na ang mga magulang ay nagtatrabaho sa Media field. Nainspire siya sa trabaho na ginagawa ng magulang niya kaya gusto niya din na maging isang Journalist paglaki niya. Habang tumatagal ay mas naiintindihan niya kung gaano kahirap ang mga pinagdadaanan ng kanyang mga magulang bilang parte ng media. Ngayong nasa pandemic, nawalan ng trabaho ang kanyang tatay na Journalist. Kaya napagdesisyunan niyang sumunod sa yapak ng kanyang tatay.