Knisja Arċipretali San Sebastjan Ħal Qormi
Avviżi Tal-Kommunità
It-Tieni Ħadd tas-Sena
16 ta’ Jannar 2022
____________________________________________________________________________________
Nhar it-Tnejn/Għada, is-Superjur Joe Fenech imexxi l-Adorazzjoni Ewkaristika fil-Knisja mid-9.00am sal-10.00am. Kulħadd huwa mistieden.
Fl-okkażjoni tal-festa liturġika ta’ San Sebastjan, nhar it-Tnejn/Għada ser issir Quddiesa għat-tfal kollha tal-Parroċċa u l-familji tagħhom flimkien mal-katekisti. Din tkun fis-6.00pm, fil-Knisja. Fi tmien tal-Quddiesa tingħata tifkira lit-tfal preżenti.
Nhar it-Tlieta fis-6.00pm, l-Kummissjoni Djakonija ser torganizza Quddiesa b’suffraġju għal dawk ħutna mill-parroċċa tagħna li mietu bejn Settembru u Diċembru li għadda. Il-familjari huma mħeġġa li jattendu.
L-Erbgħa, niċċelebraw is-36 anniversarju mill-Konsagrazzjoni tal-Knisja u lejliet il-festa liturġika ta’ San Sebastjan. Fis-6.00pm issir t-Tranżulazzjoni tar-Relikwa minn ħdejn l-istatwa titulari u wara Quddiesa kantata tal-anniversarju mill-Konsagrazzjoni tal-Knisja fejn fiha ser issir il-vestizzjoni ta’ erbà abbatini ġodda. F’din il-Quddiesa jieħdu sehem il-fratelli tal-Parroċċa, flimkien mal-abbatini u l-familji tagħhom.
Il-Ħamis 20 ta’ Jannar niċċelebraw il-festa liturġika tal-Patrun tagħna San Sebastjan Martri. Il-Quddies filgħodu fil-Parroċċa jkun fis-6.30am, 7.30am u 8.30am. Fid-9.30am ser ikollna Quddiesa oħra animata mill-Grupp tal-Ladies Circle u l-Quddiesa tas-6.00pm tkun il-Quddiesa tal-festa u ser tkun immexxija minn Dun Bastjan Caruana, l-Arċipriet tal-Mosta li din is-sena qed jiċċelebra l-25 sena mill-Ordinazzjoni Saċerdotali tiegħu. Ilkoll mħeġġa li nattendu.
Inħeġġu lil kulħadd sabiex f’dawn il-ġranet għeżież tal-festa, jitilgħu l-bnadar fuq il-bjut, jinxtgħelu d-dwal mal-bjut u l-galleriji tagħna u tkun armata x-xbieha ta’ San San Sebastjan sabiex nuru l-għożża li għandna lejn il-patrun tagħna.
TRIQ SAN BARTILMEW, ĦAL QORMI QRM 2184
•
T EL: 21 48 6 35 0
•
E-M AI L: i nf o @q or m i sb p ari s h . org