9789178250172

Waxa aan noqon doonaa sida Zlatan oo kale. Aniga taasi waxa ay iiga dhigan tahay dhimasho iyo nolol.

JOHANNA NILSSON SIDA ZLATAN OO KALE

Waa aan necebahay in aan wax akhriyo iyo in aan wax qoro! Markasta qalad baan sameeyaa.

Waa taasi sababta aan u raadsaday dugsiga sare ee kubbadda cagta lagu barto.

Waa in aan soo galo dugsigaasi!

SIDA

ZLATAN

OO KALE

ISBN: 978-91-7825-017-2

en möjlighet för alla – waa mid u taagan u adeegidda bulshada

JOHANNA NILSSON

Nypon förlag

Madbacadda Nypon – waa fursad cid walba u furan info@nyponforlag.se www.nyponforlag.se Ciwaanka: Sida Zlatan oo kale Ciwaankii asalka: Nästan som Zlatan Qoraa: Johanna Nilsson Jaldiga: Jonas Lindén © Johanna Nilsson och Nypon förlag AB daabacaddii koowaad 2015 Waxa turjumay: Musa M. Isse, 2019 Översatt till somaliska av Musa M. Isse Daabacaaddii koowaad 2019 ISBN 978-91-7825-017-2

Johanna Nilsson

Sida Zlatan oo kale Jaldiga: Jonas Lindén Waxa turjumay: Musa M. Isse

Nypon förlag

1 Riyadaydu waa in aan sida Zlatan oo kale noqdo.

Mararka qaar si aad u fiican baan u ciyaaaraa. Markaa waxaan dareemaa in isagii oo kale aan noqday. Hadal iyo dhammaan sidiisii oo kale ayaan noqday.

Laakiin hubaal isagu iguma uu raaceen. Waxa laga yaabaa in uu igu qosli lahaa. Ama waxa laga yaabaa in uu i baro qaar ka mid ah farsamooyinkiisa ciyaareed.

Haa, sidaa ayuu samayn lahaa. Zlatan waa qof naxariis badan, in kasta oo uu yahay qof adadag haddana waa uu naxariis badan yahay.

Waxa aan jeclaan lahaa in uu Zlatan i baro sida kubbadda goolka loogu laago iyada oo inta kor loo boodo labada lugood dhulka laga qaadayo.

Maanay erey qurux badan ahayn ereyga dhabalku?

Waa ereyga ugu adag ee aan aqoono. Waa ereyga ugu adag ee aan qori karo, akhrinna karo iyada oo aanan qalad samayn.

5

Sida kale marar badan qalad waan sameeyaa marka aan wax akhrinayo ama wax aan wax qorayo.

Xuruufta ama ereyada ayaa isaga kay darsama marka aan isku dayayo in aan wax akhriyo ama qoro. Waan necebahay taasi.

Waan necebahay in aanan aqoon iyo in aanan fahmayn.

Waan karaahiyaystaa marka aan dareemo in aan ahay qof damiin ah.

Damiin, waliba ka ugu sii damiisan.

Walaashayda iga yari waa toddoba jir, balse haddana way igaga fiican tahay dhanka akhriska iyo qoraalka.

Waxa sidoo kale ila dhashay laba gabdhood oo kale.

Midi waa toban jir, ta kalena waa saddex iyo toban jir.

Walaashayda weyn ayaan mar siiyay konton karoon si ay iiga caawiso oo iigu qorto curiskii Iswiidhishka ahaa ee la ii soo diray.

Balse macallinkaygii ayaa fahmay in aan khiyaano sameeyay. Waxa ay macallimadaydu iga codsatay in aan fasalka sii fadhiyo markii la rawaxayay, waxaanay i waydiisay bal in ay cidi iga caawisay curiskii aan soo qoray.

6

Sidii ay wax ahaayeen ayaan u sheegay. Kuma fiicni in aan been sheego.

Waligay noloshayda sidaa umaan qajilin.

Maalintaasi intii ka dhinnayd waan jaray iskuulka.

Waxa aan iska dhex wareegayay magaalada, waanan yara ooyay. Waxa aan dareemay in aan ahay qofkii ugu qiimaha liitay dunida.

Waxa aan is waydiiyay bal haddii uu Zlatan sidoo kale sidan mar uun u qajilay.

Waxa aan is waydiiyay bal haddii uu Zlatan waligii dhib kala kulmay iskuulka.

Waxa aan is waydiiyay bal in uu waligii Zlatan u ooyay sidii aan u ooyay maalintan.

Malaha waxa qumman in aan iskiin baro. Magacaygu waa Johan Lindblom, da’dayduna waa shan iyo toban jir.

Waxa aan lix iyo toban jir noqonayaa dayrta soo socota.

Hadda waa gu’. Waxa lagu jiraa badhtamihii bisha Abriil.

Waana xillidugsiyeedkii ugu danbaysay ee fasalka sagaalaad.

7

Waxa aan la noolahay saddex gabdhood oo aannu walaalo nahay iyo waalidkay, waxaananu deggannahay bangalo cas.

Waxa aanu leenahay beer weyn oo ay hooyaday ku beerto, khudrad, midho iyo ubaxyo.

Hooyaday waxa ay ka shaqaysaa dukaan ubaxyada iibiya.

Aabbahayna waxa uu iibiyaa gawaadhida.

Hooyaday mararka qaar way guclaysaa. Waxa ay rabtaa in ay miisaanka iska riddo.

Balse waligeed miisaanku kama dhaco. Waa ay joojinaysaa guclaynta oo waxa ay isku sasabaysaa in ay jokolaato cunto. Way caqli badan tahay.

Aabbahay mararka qaar waxa uu bowlin la ciyaaraa saaxiibadiisa ay wada shaqeeyaan. Markaa waxa uu isu haystaa in uu yahay qof isboorti ah.

Walaaladay midna ma jecla ciyaaraha. Taa beddelkeeda waxa ay jecel yihiin muusiga. Waxa ay ku ciyaaraan qalab badan, waxaanay qaataan casharo sida loo heeso ah.

Mararka qaar waa wax dhib badan marka uu qof guriga ku ciyaarayo giitaarka, qofna uu biyaano ciyaarayo halka uu qof kalena ka ciyaarayo qalabka foodhya.

8

Waxa aan rabaa in aan maalin walba kubbadda cagta ciyaaro.

Qoyskaygu taasi ilama fahmaan. Markaa waxa aan dareemaa cidlo. Waa qalad.

Waxa aanu deggannahay magaalo yar oo leh koox kubbadda ciyaarta oo wanaagsan.

Waxa ay ka ciyaaraan naadiyada heerka koowaad ee Iswiidhan, waxaanay koobka ku guulaysteen saddex sanno ka hor.

Xaga hore ayaan uga ciyaaraa.

Waxa aan dhaliyaa goolasha ugu badan. Waxa aan ahay qofka ugu dheereeya dadka oo dhan. Aniga ayaa ugu bootin dheer marka kubbadda madaxa lagu dhalinayo. Waxa aan toogtaa goolasha ugu adag. Waa xaqiiq? Waa runtay.

Waan necebahay dadka is faaniya. Waligay is amaani maayo. Waydiiya tababarahayga.

Waxa uu ii sheegay in aan ahay ciyaartoy hibo leh.

Balse waxa uu ii sheegaa in aan sii dadaalo si aan koox derejo saraysa u gaadho. Way fiicnaan lahayd in aan noqdo ciyaartoy xirfad sareeya sida Zlatan oo kale.

Sidaasi darteed ayaan u dalbaday dugsiga sare ee kubbadda cagta lagu barto.

Waa mihiim in aan dugsigaa soo galo.

9

Waalidkay ilama fahmaan taasi.

Waxa ay doonayaan in aan xirfad kale ka barto iskuulka.

Dugsiga sare ee farsamada gacanta, si aan marka aan sidaa iskuulka u dhameeyaba shaqo u helo.

Shaqo iska caadi ah. Sida farsamayaqaan korontada ka shaqeeya. Ama alxame. Ama makaanig gawaadhida sameeya.

Anigu shaqo noocan oo kale ah ma rabo.

Waxa aan doonayaa in aan noqdo Zlatan oo kale.

Ilama fahmayaan sida ay tani mihiim iigu tahay.

Waa in la fahmo in ay ka dhigan tahay dhimasho iyo nolol.

Hadda waxa aan fadhiyaa miiska aan wax ku qorto ee yaalla qolkayga, waxaanan isu diyaarinayaa imtixaan taariikh ah oo aan todobaadka danbe galayo.

Waa sidii ay awalba ahayd. Buuq badan ayaa jira, cod dheer oo dhib badan.

Madaxa ayaa i xanuunaya. Mid ka mid ah gabdhaha aanu walaalaha nahay ayaa biyaano ciyaaraysa. Mid kale ayaa iyana heesaysa.

10

Waxa aan haystaa wax dhegaha la gashado, balse haddana ima caawinayso.

Aad baan u xanaaqay oo waan garaaci lahaaba.

Waan garaaci lahaa ilaa inta ay ka aamusayaan.

Waan garaaci lahaa ilaa inta ay hadalka ka joojinayaan. Waan garaaci lahaa ilaa inta uu madaxu iga ladnaanayo.

Waan garaaci lahaa ilaa inta aan ka xariifsanaanayo walaashayda iga yar ee igaga fiican akhriska iyo qoraalka. Garaac. Garaac. Garaac.

Buuggan xoog baan isaga laabayaa oo waan iska fogaynayaa. Waan ogahay in ay fiicnaan lahayd in aad wax barto. Waan u jeedaa in ay ahayd in aan sidaa sameeyo.

Haddii aan doonayao inaan galo dugsiga sare ee kubadda cagta, waa inaan maaddooyin badan darajo fiican ka helo. Sida maaddooyinka taariikhda, diinta iyo iswiidhishka.

Gaar ahaan iswiidhishka.

Ah! Necbiyee afka iswiidhishka.

11

Waan baxayaa oo ordayaa.

Waan dhididay, wadnuhuna wuu i garaacayaa.

Cadhadii way iga ba’day. Si qunyar qunyar ah.

Telefoonkayga ayaa dhacaya. Waxa isoo wacaya saaxiibkay Anton.

Kubbadda ayuu u ciyaari jiray koox iga saraysa.

Waxa uu ahaa ciyaartoy fiican oo dhexda ka ciyaari jiray.

Waxaannu is raaci jirnay oo soo wada baashaali jirnay.

Waannu gali jirnay silimooga, waxaannu soo wada daawan jirnay ciyaaraha. Kol aanu tv-ga ka Daawanno iyo kol aanu garoonka ka daawano.

Anton sidoo kale waxa uu ku riyoon jiray in uu Zlatan oo kale noqdo. Balse si kadis ah uun buu u joojiyay ciyaartii kubbadda cagta.

Inta uu iskuulkii isaga baxay ayuu qoyskiisiina ka guuray. Markaa waxa uu ahaa toddoba iyo toban jir, wax shaqo ahna ma uu hayn.

Hadda Anton waa siddeed iyo toban jir. Waxa uu deggan yahay guri weyn oo ku yaalla suuqa dhexdiisa.

12

Waxa uu haystaa gaadhi kuwa raaxada ah, waxaanu ku labistaa dhar iyo kabo qaali ah.

Waxa uu xidhan yahay saacad uu yidhi qiimaheedu waa in ka badan 100 000 karoon.

Waxa uu qoorta ku xidhan yahay silsilad dahab ah.

Waxa uu sidoo kale farta ku xidhan yahay fargal dahab ah.

Hadda waxa i soo wacaya Anton.

– Nabadeey, ayuu yidhi. Iska waran?

– Waa caadi ayaan idhi.

– Waxa lagu moodaa in aad xiiqsan tahay, ayuu yidhi.

– Bannaanka ayaan joogaa oo waan ordayaa.

– Oo maxaad sidaa u samaynaysaa?

Maxaanan u samaynayn? Waa in aan caafimaadkayga ka shaqeeyo. Ma fahantay! ayaan ku idhi.

– Haye haye, raali ahow, maxaad la xanaaqday?

– Waad ogtahay sida ay waxbarashadu u adag tahay.

Waan neeftuurayaa.

– Kaliya waxa aan rabay in aan ogaado bal haddii aad rabto in aad xaflad ii raacdo sabtida, ayuu yidhi Anton.

– Magaranayo.

13

Dhanna waan ka rabaa in aan xaflad u raaco Anton, haddana ma rabo.

Xafladihiisu waa kuwo aad u xiiso badan.

Muusig fiican. Gabdho qurux badan. Khamri.

Tababarahaygu wuu naga mabnuucay in aan tababarka nimaadno annaga oo sirkhaasan. Balse in yar oo khamri ah baan cabbi karaa si aan maalinta xigta la ii dareemin. Loomana baahna in aan wakhti dheer sii joogo.

Xafladda haddaan tago wax walba waan ilaabi.

Waxa aan ilaabi hawshii adkayd ee iskuulka. Waxa aan ka nasan in aan ka fikiro qoraalkii adkaa.

– Haye, balse in badan ma joogi karo xafladda, ayaan ku idhi markii u danbaysay.

– Waa caadi, waan ku fahmay. Kaalay ilaa meelahaa sagaalka. Nabad galyo, Zlatan!

14