Skinfaxi lm50blad 2013

Page 1

Vík í Mýrdal 7.–9. júní 2013

10

Björn Helgason:

Guðbjörn Árnason:

Hreyfingin heldur manni gangandi

Gaman að hitta fólk og keppa

Guðmundur Nikulásson keppir á Landsmóti UMFÍ 50+:

Árangurinn er kannski ekki aðalmálið heldur góður félagsskapur

12

Fróðleikur um Mýrdalinn

19

– Áhugaverðir staðir – Tjaldsvæði og gistimöguleikar

Velkomin á 3. Landsmót UMFÍ 50+ í Vík í Mýrdal

Guðmundur Nikulásson ætlar að keppa í annað sinn á Landsmóti UMFÍ 50+

„Ég var með á mótinu í Mosfellsbæ í fyrrasumar og var mjög ánægður í alla staði. Þetta var skemmtilegt, góð skipulagning og vel að öllum þáttum staðið. Það var bara virkilega gaman að vera þarna og hitta fólk. Ég tók þátt í kúluvarpi, kringlukasti, spjótkasti og lóðkasti og reyndar í 100 metra hlaupi en var svo óheppinn að togna,“ sagði Guðmundur Nikulásson sem ætlar að taka þátt í Landsmóti UMFÍ 50+ í Vík Í Mýrdal í sumar. Til að halda sér í góðu formi sagðist Guðmundur stunda hina venjulegu líkamsrækt, æfa í World Class svona 3–5 sinnum í viku. Þegar vorar færi hann kasta með til gamans.

Maður keppti fyrir HSK í gamla daga

„Það má segja að ég hafi svona alla jafna verið duglegur að hreyfa mig. Maður var náttúrlega mikið að keppa fyrir HSK í gamla daga en ég kem frá Hvolsvelli þar sem ég er fæddur og uppalinn. Á unglingsárunum var ég að æfa og keppa í öll-

um íþróttagreinum og um tíma var ég í landsliðinu í frjálsum íþróttum og keppti þá í þrístökki. Svo keppti maður líka mikið í 100 og 200 metra hlaupum og langstökki. Í seinni tíð hefur maður reynt að hugsa vel um heilsuna með því að hreyfa sig reglulega en maður er byggður til að hreyfa sig. Kastgreinar sem slíkar hafa aldrei verið mín sérgrein en maður hefur fyrst og fremst gaman af því að vera með,“ sagði Guðmundur.

Ég er bara rétt skriðinn yfir fimmtugt

– Fannst þér vera kominn tími til að halda mót fyrir þennan aldursflokk? „Mér sýndist fólkið í Mosfellsbænum njóta þess að taka þátt en kannski hefðu mátt vera fleiri þátttakendur í frjálsum íþróttum. Mér finnst bara allt jákvætt með þessi mót og ég ætla að vona að ég verði með á þeim í mörg ár enda bara rétt skriðinn yfir fimmtugt. Maður ... framhald bls. 2

Sumarið 2013 verður sannkallað landsmótssumar. Þrjú Landsmót verða haldin í sumar á vegum Ungmennafélags Íslands, í Vík í Mýrdal, á Selfossi og á Höfn í Hornafirði.

Landsmótssumarið 2013 3. Landsmót UMFÍ 50+

27. Landsmót UMFÍ

16. Unglingalandsmót UMFÍ

verður haldið 7.–9. júní í Vík í Mýrdal. Mótið er sérstaklega ætlað einstaklingum 50 ára og eldri. Fyrsta Landsmót UMFÍ 50+ var haldið á Hvammstanga 2011 og þótti takast einstaklega vel. Annað Landsmót UMFÍ 50+ var haldið í Mosfellsbæ 2012, en þar voru keppendur um 800 talsins. Þó nokkur umræða hafði farið fram um að ýta úr vör Landsmóti UMFÍ fyrir þennan aldurshóp enda hefur vakning um hreyfingu ýmiss konar í þjóðfélaginu aldrei verið meiri. Nú fá allir, 50 ára og eldri, tækifæri til að etja kappi hver við annan. Allir geta verið með og aðalatriðið er að fólk hittist og eigi góða stund saman.

verður haldið á Selfossi 4.–7. júlí. Stóru Landsmótin hafa alla tíð notið óskiptrar athygli og vinsælda. Þau eru ein fjölmennustu íþróttamót sem haldin eru hér á landi. Fyrsta Landsmót UMFÍ var haldið á Akureyri árið 1909. Þátttaka á Landsmótum UMFÍ hefur verið góð og ætíð hefur sérstök stemning fylgt mótunum. Á stóru Landsmótunum, sem haldin eru á fjögurra ára fresti, er keppt í 25 íþróttagreinum. Starfsíþróttir eins og t.d. dráttarvélaakstur og starfshlaup eru þar á meðal. Keppendur hafa oft verið yfir 2.000 og gestir frá 12.000 til 20.000, en hefur mest farið upp í 25.000 manns á Laugarvatni árið 1965.

verður haldið á Höfn í Hornafirði um verslunarmannahelgina 2.–4. ágúst. Unglingalandsmót UMFÍ hafa á undanförnum árum slegið rækilega í gegn, en fyrsta Unglingalandsmótið var haldið á Dalvík 1992. Unglingalandsmótin hafa sannað gildi sitt sem glæsilegar vímuefnalausar fjölskyldu- og íþróttahátíðir. Þar hafa komið saman þúsundir barna og unglinga á aldrinum 11–18 ára ásamt fjölskyldum sínum og tekið þátt í fjölbreyttri dagskrá. Unglingalandsmótin hafa frá 2002 verið haldin á hverju ári. Þátttakendum hefur fjölgað jafnt og þétt með hverju árinu og umfang mótanna aukist.

Eitt kort 35 vötn 6.900 kr

www.veidikortid.is

00000


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.