PROXECTO 20/21: AS VIAXES DE RABADÍN POLO MUNDO (EUROPA)

LIÑAS PRIORITARIAS DE ACTUACIÓN “AS VIAXES DE RABADÍN POLO MUNDO”

BIBLIOTECA ESCOLAR CEIP OTERO PEDRAYO RÁBADE CURSO: 2020/2021 ANEXO VIII

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

PROXECTO: “AS VIAXES DE RABADÍN POLO MUNDO” 1. XUSTIFICACIÓN Debido a nosa recente incorporación no PLAMBE 15 no curso 19/20 e tras unha enorme reforma para convertir a antigua aula de Lingua Extranxeira nun espazo único para a biblioteca escolar, a expurga de fondos documentais, informáticos e audiovisuais; a adquisición co orzamento do centro de mobiliario adaptado, novos fondos documentais, materiais creativos, informáticos (ordenador para a zona de xestión, impresora, lector de códigos; 2 tablets para a zona de informática de alumnos/as), clasificación por idades dos fondos documentais segundo se establece na CDU, etiquetado dos mesmo e inicio de catalogación nos mesmo no PROGRAMA MEIGA. No presente curso co orzamento aportado polo PLAMBE continuamos adquirindo novos fondos relacionados con determinadas datas importantes, asi como contacontos, obradoiros, visitas de escritores e novo mobiliario para os distintos recantos. Tamén se adquirirán novas ferramentas TIC e audiovisuais como un proxector e unha pantalla.

Asemade, xa que foi o primeiro curso da apertura da biblioteca elaboramos unha mascota “RABADÍN” sobre a que traballaron todos os nenos/as e profes deste centro con proxectos realizados por ciclos relacionados co tema “Coñecendo a Rabadín”.

Para o vindeiro curso seguiremos na mesma liña e o proxecto sobre o que traballaremos titúlase “As viaxes de Rabadín polo mundo”.

Un proxecto que se levará a cabo en cinco anos, xa que, durante cada curso Rabadín descubrirá e investigará sobre distintos países dun continente.

Comezaremos co CONTINENTE EUROPEO. Escollemos este tema xa que é importante destacar a necesidade de respetar o entorno, as costumes,a gastronomía, as festas, a natureza, a fauna, a arte e a cultura, os monumentos … asi como as tradición de cada país.

Cada curso elixirá un ou varios países europeos e descubrirán, investigarán e coñecerán o que máis lles guste de cada un deles.

Coñecer e respetar as distintas culturas, as tradicións, o entorno … de distintos países vai facer que aprendamos a considerar e respetar outras culturas distintas á nosa e igualmente inriquecedoras. É de especial importancia traballar dende a escola a igualdade, o respecto, a tolerancia entre as persoas, sobre todo nun momento onde a multiculturalidade forma parte do non contorno máis próximo.

2

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

2. ORGANIZACIÓN E XESTIÓN A organización e xestión da biblioteca escolar prográmase conxuntamento co grupo dinamizador da mesma nas reunións mensuais e sempre que sexan precisas. Todo isto require despois, de moitas horas máis de dedicación, que case nunca se dispoñen, pero con esforzo, ilusión e interese polo fomento da lectura imos pouco a pouco conseguindo obxectivos.

Prevense actuacións similares ás do curso anterior e outras novas que sexan precisas para o desenvolvemento do proxecto.

Algunhas delas como por exemplo: ▪ Organización do horario da biblioteca: alumnos/as voluntarios para axudar no tempo de lecer, profesorado de garda no tempo de lecer e no horario lectivo, profesorado de dinamización e tempo de uso de cada aula para o seu proveito, que será de alomenos unha hora semanal fixa e as que precisen de libre disposición da biblioteca.

▪ Expurgación do material en desuso.

▪ Busca e adquisición do material preciso para a realización do noso proxecto.

▪ Continuación de catalogación dos fondos documentais, informáticos e audiovisuais.

▪ Préstamos utilizando o programa MEIGA. ▪ Organizar, xestionar e desenvolver as actividades de: acto de apertura da biblioteca.

▪ Clasificación e catalogación de novos fondos literarios e audiovisuais.

▪ Traballar a lectura en tódalas áreas do currículo.

▪ Elaboración de paneis informativos e motivadores das actividades programadas, trípticos informativos das mesmas ás familias e de lecturas recomendadas.

▪ Selección de contos con calidade temática e estética motivadores da lectura polas aulas.

▪ Encontros con personaxes relevantes, contacontos, obradoiros de lectura…

▪ Exposición dos traballos realizados ▪ Exhibición ás familias desas exposición.

▪ Organizar os materiais das mochilas viaxeiras: montalas para o seu uso.

▪ Continuación coa HORA DE LER: 20 minutos despois do tempo de lecer (a 4ª hora) 3. DINAMIZACIÓN E RECURSOS DA BIBLIOTECA O proxecto intenta ser interdisciplinar e integrador, abranguerá todas as áreas do currículo e axudará a desenvolver todas as competencias.

Dividiremos o proxecto en tres bloques, un por cada trimestre.

BLOQUE 1: como actividade motivadora:

3

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

➢ Selección de países europeos a traballar.

OBXECTIVOS: ▪ Facer unha lista dos países a investigar atendendo ó interese do alumnado, profesores/as e familias como eixo motivador.

▪ Coñecer a situación xeográficas dos países seleccionados, a súa gastronomía, cultura, o entorno, a fauna, monumentos, festas, tradicións, formas de vida, características das persoas que viven alí ….

BLOQUE 2: como actividade investigadora (ferramentas TIC) ➢ Países do continente europeo.

OBXECTIVOS: ▪ Pescudar sobre os países a investigar tendo en conta os diferentes ámbitos: físico, social, ambiental, cultural…

▪ Facer un traballo de investigación de cada un deles.

▪ Preparar distintos traballos (muráis, paneis, manualidades, libros, construcións…)

▪ Entrevistar a persoas que poidesen visitar algúns dos países seleccionados.

BLOQUE 3: como producto social relevante. ➢ Un colexio multicultural.

OBXECTIVOS: ▪ Aproveitar a procedencia dalgún dos nosos alumnos/as que veñen de distintos países.

▪ Preparar algunhas historias ou contos desenvueltos meses países.

▪ Facer unha exposición sobre o traballo realizado de cara as familias.

4. FORMACIÓN DE USUARIOS Continuaremos cunhas liñas de actuación similares ao curso pasado para formar o alumnado de 6º voluntario para colaborar na biblioteca.

▪ Formar a todo o profesorado para un bo uso da biblioteca atendendo á colocación dos libros, mostrando as posibilidades que ofrecer en si mesma como punto de partida de moitas actividades do centro, e como espazo lúdico para o noso alumnado.

▪ Formar a todo o alumnado de E.primaria, xa que os nenos/as de E. Infantil van acompañados das súas titoras, para que saiban buscar un libro e gardalo de novo no seu lugar correspondente.

▪ Xogos para a adquisición destas habilidades.

4

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

▪ Entrega do tríptico explicativo do bo uso da biblioteca e guía de usuarios ao alumnado novo e ao novo profesorado. Esta guía estará exposta na biblioteca en DIN A3.

▪ Formarase ao alumnado na busca e selección da información en distintos soportes: ordenador, mapas, enciclopedias, vídeos documentais…

▪ Fomento da consulta do noso blogue da biblioteca.

▪ Formación do profesorado en cursos relacionados con bibliotecas escolares.

Por outra banda, continuaremos a levar a cabo todas aquelas actividades relacionadas co fomento da lectura que sabemos que son valorados e dan moi bos resultados: ▪ Fomento da lectura en familia: MOCHILA VIAXEIRA. ▪ HORA DE LER: 20 min. Despois do tempo de lecer. Faremos lecturas individuais, colectivas, por parellas, por parte do Mestre/a, lectura silenciosa…

▪ Encontros con escritores e persoas relevantes da cultura.

▪ Presentación por parte do equipo de biblioteca das novas adquisicións.

Outras novas propostas como: ▪ Visita á outra biblioteca o a unha feira do libro.

▪ Actividades lúdicas e creativas: xogos de mesa, adiviñas, chistes, facer marca-páxinas,…

▪ Mércores poéticos: día en que lerán todos/as o mesmo poema, recitalo, memorizalo, dramatizalo.

▪ Guías de lectura recomendadas para os tempos de lecer: Nadal e verán.

Relacionadas co proxecto: ▪ Mergullarse na búsqueda e investigación a través da rede de aspectos relacionados co proxecto.

▪ Buscar información noutros soportes onde quede recollido por escrito as características dos países a investigar.

▪ Inventar historias enmarcando os personaxes nos países traballados.

▪ Búsqueda de contos relacionados cos distintos países escollidos e contalos o resto dos nenos/as.

5. BIBLIOTECA INCLUSIVA. ▪ Dirixir a nosa actividade para mellorar a accesibilidade a todos/as os/as nenos/as.

▪ Adquirir ferramentas adaptadas a todos/as os usuarios.

▪ Aumentar a existencia nos fondos da biblioteca: películas con subtítulos, materiais de lectura fácil, xogos …

▪ Promover a biblioteca nos espazos de lecer.

5

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

6. OUTRAS ACTUACIÓNS A biblioteca é o verdadeiro centro de recursos de toda a comunidade educativa como medio facilitador do todo o material preciso para o desenvolvemento da función docente.

Aportarase todo o material e axuda na elaboración de actividades que integren o proxecto nas súas actuacións.

Elaboraranse guías de lectura relacionadas con datas concretas dalgunha celebración.

Ademáis das actividades propias do proxecto seguiranse a programar outras propias de datas sinaladas: Samaín, Magosto, Nadal, Día da Paz, Día Internacional contra a Violencia de Xénero, Entroido, Día da muller traballadora, Día de Rosalía, Semana do libro, das letras Galegas, Día do medio ambiente, Día mundial da saúde.

Tamén se traballará interdisciplinarmente cos outros grupos dinamizadores para o desenvolvemento común de todas as actividades e en especial as relacionadas co proxecto.

O profesorado asistirá a cursos de formación relacionados coa xestión, dinamización da biblioteca e co fomento lector.

7. CRITERIOS E PROCEDEMENTOS DE AVALIACIÓN Estableceremos e impulsaremos mecanismos de avaliación útiles, a partir dun traballo sistemático de recollida de accións na biblioteca: ▪ Uso e valoración da biblioteca: alumnado, profesorado, implicación familiar.

▪ Cantidade de préstamos realizados e libros máis lidos.

▪ Diversidade de destinatarios.

▪ Extratexias para a difusión, comunicación e a sinalización cara o alumnado, profesorado e familias.

▪ Actividades propostas (adecuación) ▪ A avaliación do proxecto farase tendo en conta os obxectivos fixados no apartado 3 e tendo en conta os distintos instrumentos de avaliación.

6

CEIP OTERO PEDRAYO (Rábade - Lugo)

Liñas prioritarias de actuación

(2020/2021)

8. GRUPO DA BIBLIOTECA Seguiremos como no curso pasado, coordinadora, Sara Ferreiro Bóveda (6 h). O resto do equipo de apoio pode sufrir algunha variación cara o vindeiro curso, por traslado de membros do claustro ou xubilacións.

Con respeto o horario: o grupo de apoio terá 1 hora semanal que utilizaremos para as reunións, colocación e catalogación dos fondos da mesma.

NOME E APELIDOS Sara Ferreiro Bóveda Mª Remedios González Cabarcos Mª Jesús Espiño Meilán Mª José Parga Regueiro Berta Mª Gómez Rodríguez Mª Luisa Escolante Vilar Mª Aurora Quindós Regueiro Ana Mª Barreiro Carral

S. ADMINISTRATIVA Definitiva Definitiva Definitiva Definitiva Definitiva Definitiva Definitiva Definitiva

ETAPA/CICLO E. Física/ CCSS 6º/L.G 6º Directora/ Música X.E/ Titora 6º SEC/ Titora 4º Titora 4º E.I Lingua Extranxeira/CCSS 4º Titora 5º E.P Apoio E. Infantil

En Rábade, a 15 de xuño de 2020

Vto. E prace

A directora

A responsable

Asdo.: Mª Remedios González Cabarcos

Asdo.: Sara Ferreiro Bóveda

7