þjónustustofnanir teknar í notkun

Reykjavíkurborg lagði fé til byggingar dvalar- og hjúkrunarheimilis sameignarfélagsins Eirar, sem tók til starfa 1993.

Í Mjóddinni voru reist fjölbýlishús fyrir aldraða og félags- og þjónustumiðstöð borgarinnar á milli þeirra. Slíkar miðstöðvar voru einnig teknar í notkun í Árbæ, við Hæðargarð og á Aflagranda.

Í Valhöll var hljóðið dauft þegar talið barst að undirbúningi næstu borgarstjórnarkosninga. Mér var tjáð að litlir sem engir peningar yrðu til að heyja kosningabaráttu og nauðsynlegt kynningarstarf. Ekki var vanþörf á í umtalsverðu atvinnuleysi og efnhagsörðugleikum.

Þegar nokkrir borgarfulltrúar Sjálfstæðisflokksins fóru að vinna gegn mér og tómlæti annarra fór vaxandi eftir því sem á leið árinu 1993, nefndi ég það við forystumenn flokksins þar á meðal Davíð Oddsson, að ég kynni því mjög illa, að sumir borgarfulltrúar reru gegn mér leynt og ljóst, meðal annars með því að klifa sífellt á því að ég væri ekki kjörinn borgarfulltrúi og því umboðslaus borgarstjóri. Taldi ég ekki seinna vænna en að efnt yrði til prófkjörs vegna kosninganna 1994 snemma