Aflvaki til

Valhöll um stöðuna í stjórnmálunum. Dvínandi fylgi við Sjálfstæðisflokkinn á landsvísu hafði vitaskuld alvarleg áhrif á stöðu flokksins í Reykjavík þar sem atvinnuástandið var verst. Í maí 1993 mældist fylgi við Sjálfstæðisflokkinn í borgarstjórn 46,5%. Öskruðu þá sumir “Meirihlutinn fallinn.” Það var þó ekki gefið, fór allt eftir fjölda flokka sem atkvæðin dreifðust á. Á sama tíma og við í borgarstjórn mældumst með 46,5% var fylgi Sjálfstæðisflokksins á landsvísu 25,7%. Málið var grafalvarlegt og horfur tvísýnar. Þá hefðu menn þurft að snúa bökum þétt saman vegna borgarstjórnarkosninganna að ári. Þrátt fyrir samdrátt tekna og aukningu rekstrargjalda ákvað Reykjavíkurborg á árinu 1992 að reyna að verja atvinnulífið í borginni áföllum vegna efnahagssamdráttarins. Aukafjárveitingar til úrbóta í atvinnumálum námu 380 milljónum króna og tókst að halda framkvæmdaumsvifum borgarinnar óbreyttum frá árinu 1991. Á sama tíma var heildarfjárfesting í landinu talin hafa dregist saman um 12%. Í fjárhagsáætlun fyrir 1993 var gert ráð fyrir að samanlagður kostnaður Reykjavíkurborgar, borgarsjóðs og borgarfyrirtækja vegna verklegra framkvæmda yrði um níu milljarðar króna. Miðað var við að framkvæmdaumsvif yrðu að mestu óbreytt frá því sem þau höfðu verið undanfarin ár. Til að gera þetta kleift var tekið erlent lán að fjárhæð 2,5 milljarðar króna. atvinnulífi. Í febrúar 1994 fór fram 150 millj. króna hlutafjárútboð Áfanga. Félagið hafði þá þegar stutt um 10 nýsköpunarverkefni og hjá félaginu voru að auki til alvarlegrar athugunar á annan tug fyrirtækja eða verkefna m.a. á sviði hugbúnaðar, tækniþróunar og vélaframleiðslu fyrir fiskiðnað.

Þróunarfélagið Aflvaki Reykjavíkur hf. var stofnaður í árslok 1992 að mínu frumkvæði. Að stofnun félagsins stóðu auk Reykjavíkurborgar, Hitaveita Reykjavíkur, Rafmagnsveita Reykjavíkur, Reykjavíkurhöfn og Vatnsveita Reykjavíkur. Skömmu eftir stofnun félagsins gekk Háskóli Íslands til liðs við það sem hluthafi. Félagið hafði að leiðarljósi að laða að erlenda og innlenda fjárfesta til atvinnuuppbyggingar í Reykjavík.

Í Morgunblaðinu var fjallað um málið í ritstjórnargrein:

“Borgarstjóri boðaði í ræðu sinni við aðra umræðu um fjárhagsáætlun í síðustu viku að til viðbótar fjárhagsáætlunartölunum mætti gera ráð fyrir umtalsverðum upphæðum til úrbóta í atvinnumálum. „Það lætur að líkum, að það er ekki á valdi Reykjavíkurborgar einnar að leysa þann vanda, sem við er að etja í atvinnulífinu