48
In Design
Музеефікацыя ці муміфікацыя? Ала Пігальская
Э
кспазіцыі ў музеях закліканыя цэментаваць адчуванне спакою і непа рушнасці ўсталяванага стану рэчаў. Але як толькі адбываюцца значныя падзеі, зададзены парадак раптам паўстае ва ўсёй сваёй штучнасці, «зробленасці» з пэўнымі мэтамі. У пераломныя моманты гісторыі агаляюцца пытанні, якіх пазбягалі ў спакойныя часы. Музеі дызайну сталі адкрывацца параўнальна нядаўна. Гісторыя дызайну як дысцыпліны з’яв ілася толькі ў 1977 годзе з ініцыятывы Таварыства гісторыі дызайну Вялікабрытаніі. Музей дызайну — праз дзесяцігоддзе, у 1989-м. Па дзея гэта значная, бо музей дызайну канцэптуальна, дысцыплінарна і прасто рава быў аддзелены ад музея дэкаратыўна-прыкладнога мастацтва. Першы музей дызайну адкрывала Маргарэт Тэтчэр, і гэта было паказнікам важнасці дызайну для эканомікі і міжнароднага іміджу Вялікабрытаніі. Чаму ж было так істотна аддзяліць музей ДПМ ад музея дызайну? Дызайн мяркуецца разглядаць у кантэксце масавай вытворчасці тавараў, і таму ён у высокай ступені залежыць ад прамысловай і эканамічнай інфра структуры, іншымі словамі — ад палітычных і эканамічных рэалій. Дызайн як феномен сфармаваўся ва ўмовах высокай канкурэнцыі не столькі на ўнутра ным, колькі на міжнародным рынку. У той самы час як дэкаратыўна-прыклад ное мастацтва звязваецца з лакальнай самабытнасцю і культурнымі трады цыямі на пэўнай тэрыторыі. Аддзяленне дызайну ад ДПМ паказала, наколькі свет рэчаў з’яўляецца не пасіўным фонам паўсядзённасці, а моцным палітыч ным і эканамічным інструментам у прасоўванні тых ці іншых каштоўнасцей. Яскравы праект Музея Вікторыі і Альберта «Два мадэрны халоднай вайны» праявіў, што халодная вайна паміж дзвюма звышдзяржавамі разгортвалася не толькі на ваенных палігонах, але і ў плоскасці вытворчасці і спажывання паўсядзённых рэчаў. Мода на бліскучыя гладкія тканіны, формы побытавага прызначэння, што вонкава нагадвалі касмічныя гаджэты (кшталту спадарож ніка), супалі з бумам вытворчасці сінтэтычных матэрыялаў, якія дазвалялі ўсяго гэтага дасягнуць, — і былі рэхам супрацьстаяння ў касмічнай сферы. Заснаванне Усесаюзнага навукова-даследчага інстытута тэхнічнай эстэтыкі таксама было вынікам спрэчкі Ніксана і Хрушчова пра якасць побытавай тэхнікі ў ЗША і СССР у разгар халоднай вайны. Аднаўленне ў 1990-х незалежнасці краін, што ўваходзілі ў склад Савецкага Саюза, вельмі ярка адлюстравалася на дызайне рэчаў і на візуальнай каму нікацыі. Акрамя адраджэння лакальных нацыянальных візуальных матываў, з’явілася большая прастора для эксперыментаў — але пры зменшаных фі нансавых магчымасцях. У Беларусі дызайн таксама вызваліўся ад савецкай ідэалагічнай нагрузкі і кароткі час быў нацэлены на выкананне сваёй пра мой функцыі — рабіць тавары больш канкурэнтнымі на міжнародным рынку. Адасабленне дызайну ад ДПМ дазваляе ўбачыць, наколькі масавая вытвор часць залежыць ад таго, хто і з якой мэтай будзе ўкладваць у яе грошы. Ме навіта гэтыя ўмовы падкрэсліваюць у сваіх экспазіцыях куратары Музея Вік торыі і Альберта, выставы якіх збіраюць аншлагі па ўсім свеце. Услед за імі і Нацыянальная галерэя мастацтваў у Вільнюсе паказвае, як і якія рэчы былі ў вытворчасці ў перыяд незалежнасці Літвы ці пад савецкай акупацыяй. На выставе «Гісторыя рэчаў. Літоўскі дызайн 1918—2018» прадэманстра ваны шэраг аб’ектаў, а пры дапамозе інтэрв’ю ўзноўленыя ўмовы і логіка іх вытворчасці. Літоўскія дызайнеры, якія працавалі за савецкім часам у віленскім філіяле ВНІІТЭ, распавялі, што амаль усе праекты інстытута бы лі запазычаны ў той ці іншай ступені з перыядычных выданняў Еўропы і ЗША. Савецкая прамысловая інфраструктура не была прыстасаваная пад іх вытворчасць, і гэта адна з прычын, чаму так мала з гэтых праектаў было рэалізавана масавым тыражом. Праекты філіялаў ВНІІТЭ былі прызначаны для выстаў, каб дэманстраваць дасягненні савецкай прамысловасці, а не паляпшаць дабрабыт грамадзян і ствараць больш камфортныя ўмовы жыц ця. Што ж будзе, калі глядзець на дызайн па-за палітычным і сацыяльным
«Мастацтва» № 11 (452)
кантэкстамі? Ігнараванне знешніх кантэкстаў прымушае засяродзіцца на эстэтыцы, такі падыход дазваляе, напрыклад, не звяртаць увагі на змястоў нае пасланне агітацыйнага савецкага плаката і ацэньваць арыгінальнасць кампазіцыі, якасць графікі, але тое ж самае можна абмяркоўваць у любым аб’екце дэкаратыўна-прыкладнога мастацтва. Візуальна прадметы прамыс ловай ці саматужнай вытворчасці могуць мала адрознівацца, часам нават імітуючы адзін аднаго. Пры фіксацыі на эстэтыцы размываюцца адрозненні паміж прамыслова і саматужна створанымі аб’ектамі, а пры адсутнасці ад розненняў знікае неабходнасць у дысцыплінарным распазнаванні, а такса ма ў асобным музеі. Фокус на эстэтыцы мяркуе слізганне па паверхні, аднак кожная спроба пранікнуць глыбей разбурае ілюзію самадастатковасці эстэ тыкі, бо пад паверхняй могуць аказацца вельмі непрыгожыя ці малапры емныя рэчы. Эстэтыка аперыруе катэгорыямі прыгажосці і гармоніі, што наўрад ці могуць быць маторам наватарскіх рашэнняў. Прагрэс ды інавацыі, якімі славіцца дызайн, узнікаюць на стыку гнуткай прамысловай інфраструктуры, сумлен най канкурэнцыі, свабоды самавыяўлення, спрыяльных эканамічных, пра зрыстых юрыдычных умоў рэалізацыі праектаў. Наўрад ці знойдуцца час і месца з ідэальнымі ўмовамі, але колькасць і якасць інавацый у галіне ды зайну дэманструюць найбольш спрыяльныя моманты і рэгіёны. Ці павінна музейная экспазіцыя дэманстраваць умовы, у якіх рэалізуюцца дызайн-праекты, альбо яна мусіць засяродзіцца на эстэтычным кампанен це? Ці варта з дапамогай музейнай экспазіцыі задаваць нязручныя пытанні пра мінулае, каб зразумець, што будзе садзейнічаць стварэнню спрыяльных умоў для рэалізацыі інавацыйных рашэнняў сёння? Або ўсё ж аддаць пера вагу экспазіцыі з шэрагам прыгожых аб’ектаў? Ад адказаў на гэтыя пытанні залежыць, будзе дызайн музеефікаваны альбо муміфікаваны. Бо музей як публічны інстытут стаў магчымы ў часы другой прамысловай рэвалюцыі (ка нец ХІХ стагоддзя), калі прагрэс і інавацыі змянілі лад жыцця грамадства (урбанізацыя), горада (транспартныя сістэмы) і краіны (канкурэнцыя на гла бальных рынках). Музей стаў прасторай, у якой мінулае паўстае такім чынам, каб пазначыць вектар развіцця ў будучыні. Сёння савецкі перыяд існавання дызайну лічыцца перыядам фармавання школы беларускага дызайну і часам яго безумоўнага росквіту. І ад таго, як яго прадставіць у музеі, будзе залежаць, які вектар атрымае беларускі ды зайн. Напрыклад, калі пры экспанаванні беларускага агітацыйнага плаката на першае месца паставіць ягоныя эстэтычныя характарыстыкі, ігнаруючы сацыяльны і палітычны кантэксты, то і дызайн будзе разглядацца як эстэ тыка, пазбаўленая сувязі з рэальным светам. Калі задацца мэтай у фармаце экспазіцыі ўзнавіць на фактах і дакументах, як і якую функцыю выконвалі плакаты пра выбары ў краіне, у якой выбары як інстытут былі адмененыя, то пытанні пра функцыі дызайну ў сённяшняй Беларусі набудуць энергію і жыццёвую цікавасць, што можа стаць імпульсам далейшага развіцця.