48
I n D es i g n
Вайна мінус забойства Візуальны дызайн спартыўнай легенды Ала Пігальская
У
агітацыйных, сацыяльных і рэкламных плакатах тэма спорту пады маецца з рознай частатой у залежнасці ад гістарычнага кантэксту. Ці могуць беларускія, украінскія і польскія плакаты спартовай тэ матыкі праясніць характар дачынення спорту да палітыкі? Пытанне пра іх узаемаадносіны не толькі не страчвае актуальнасці, але і робіцца ўсё больш балючым. Як казаў Шэрлак Холмс, няма нічога больш няяснага, чым відавочны факт. Спорт як відовішча і нацыянальны феномен з’явіўся на хвалі мадэрнізацыі ўсіх сфер жыцця падчас другой прамысловай рэвалюцыі (канец ХІХ — па чатак ХХ стагоддзяў), што супала з працэсамі фармавання нацыянальных дзяржаў. З тых часоў спорт зрабіўся набыткам не толькі спартоўцаў-амата раў і прафесіяналаў, але і мас, ператварыўся ў відовішча з вялікай колькас цю звязаных з ім індустрый, а таксама з нацыянальнай палітыкай. У пэўныя перыяды спорт аказваецца больш запатрабаваным палітычным інструмен там уплыву, у некаторыя перыяды ён — толькі фон для іншых працэсаў. Мастацтва выкарыстоўвалася для ўбудоўвання спорту ў паўсядзённасць, адаптацыі пад масавыя густы і патрэбы. Адной з першых спроб афармлен ня спартовых актыўнасцей пры дапамозе мастацтва быў конкурс мастацкіх твораў, які праходзіў паралельна з Алімпійскімі гульнямі з 1912 па 1948 гады ў пяці кірунках: жывапіс, скульптура, літаратура, музыка і архітэкту ра. З нашага рэгіёна менавіта польскія мастакі актыўна ўдзельнічалі ў вы ставах конкурсу, бо гэта была ўнікальная магчымасць стаць заўважнымі на арт-кірмашы і трапіць у сусветную прэсу. Сярод пераможцаў Алімпіяд былі тыя, хто атрымліваў узнагароды адначасова за дасягненні і ў спорце, і ў мастацтве. Але ў рэшце рэшт перамагла канцэпцыя спадарожных спар товым мерапрыемствам выстаў прафесійных мастакоў, без складніка спа борніцтва. Як заўважыў адзін з крытыкаў, такія конкурсы раздражнялі тых, хто разбіраўся ў спорце, і не задавальнялі тых, хто разбіраўся ў мастацтве. Толькі ў 1952 годзе Савецкі Саюз далучыўся да Алімпійскага руху — гэта было наступствам пераходу да прафесійнага спорту ад палітыкі ўсеагуль нага ўцягнення ў фізкультурны рух, які ахопліваў вытворчую гімнастыку, турызм, спартакіяды, быў альтэрнатывай індывідуальнаму вольнаму часу і дадаткам да палітасветы. Фізкультурны рух быў закліканы кансалідаваць савецкае грамадства, выхоўваць і гартаваць перакананні савецкіх грама дзян. Па меры нарошчвання супрацьстаяння ў халоднай вайне спорт пера тварыўся не толькі ў прафесію, але і стаў інструментам знешняй палітыкі. Інакш чым патлумачыць байкот Злучанымі Штатамі Алімпійскіх гульняў у Маскве ў 1980 годзе і байкот у адказ гульняў у Лос-Анджэлесе ў 1984-м? Ідэалагічны патэнцыял спорту быў раскрыты ў калажах канструктывістаў, якія прадстаўлялі не столькі спорт, колькі калектыўнае баўленне часу і лу нанне ў прасторы, нібыта пераадольваючы законы гравітацыі. Спартыўная тэма займае вялікая месца ў калажах Густава Клуцыса, фатаграфіях Аляк сандра Родчанкі, але яе няма (ці не захавалася) у творчасці ўкраінскага мастака Васіля Ярмілава і прадстаўнікоў харкаўскага авангарду. Сярод беларускіх мастакоў, то-бок тых, хто прайшоў школу УНОВІСу і працягнуў навучанне і працу ў Маскве і Ленінградзе, тэма спорту таксама не сустра каецца — за выключэннем Эль Лісіцкага. Супастаўленне рэпрэзентацыі спартыўнай тэматыкі ў творах польскіх мастакоў 1920-30-х гадоў і савец кай нагляднай агітацыі паказвае розніцу паміж спортам, што выконвае выключна палітычную функцыю (выхаванне чалавека з сацыялістычнымі перакананнямі), і спортам, які ўключаны ў культуру спажывання. У поль скім плакаце расслабленая і індывідуалізаваная пластыка цел, уласцівая карпацкім лыжнікам, кантрастуе з напружанымі і сінхранізаванымі целамі на савецкіх плакатах.
«Мастацтва» № 6 (459)
У беларускай нагляднай агітацыі спартовай тэматыкі сустракаюцца плака ты, якія ілюструюць пастановы КПСС адносна функцыі фізкультуры і спорту ў справе выхавання савецкага чалавека, плакаты, прымеркаваныя да спар такіяд. У 1979 годзе з’явіліся творы, прысвечаныя Алімпійскім гульням, якія ў 1980-м праводзіліся ў Маскве, Кіеве, Мінску, Таліне і Ленінградзе. Акрамя мабілізаваных для спартовых спаборніцтваў і напружаных цел, пры рэпрэзентацыі спартыўнай тэматыкі выкарыстоўваецца сцяг БССР, але гэта не самы часты атрыбут. У сацрэалістычных плакатах 1950-х даволі ад крыта праводзіцца паралель паміж добрай фізічнай формай і абавязкам удзельнічаць у мілітарысцкіх акцыях, пра што недвухсэнсоўна гавораць выявы ружжаў альбо ценяў воінаў. У плакатах 1980-х усё больш матываў, звязаных з прагрэсіўнымі відамі спорту, кшталту мота- і аўтагонак, авія цыйных шоу вышэйшага пілатажу. У гэтых плакатах няма прамой адсылкі да мілітарысцкіх задач спорту, але самі снарады выглядаюць невыпадко вымі ў кантэксце супрацьстаяння халоднай вайны. Перамогі ў міжнародных спаборніцтвах (Алімпіяды, чэмпіянаты свету) бы лі прапагандысцкім інструментам доказу пераваг сацыялістычнага рэжы му. Спартакіяды ў савецкім «космасе» былі сацыяльным ліфтам, нароўні з кар’ерай у структурах камуністычнай партыі, ладзіліся рэгулярна, ідэалагіч на супрацьпастаўляліся міжнародным спаборніцтвам. Сярод сатырычных плакатаў таксама сустракаюцца спартыўныя сюжэ ты, калі працоўныя займаюцца спартыўнымі актыўнасцямі замест працы. Гэтая сатыра толькі на першы погляд уваходзіць у супярэчнасць з маса вым (прымусовым) удзелам у вытворчай гімнастыцы, якая праводзілася на фабрыках і заводах пад гукі спецыяльнай радыёперадачы. Гімнастыка выконвалася калектыўна, пад каманды дыктара, а ў сатыры высмейваліся індывідуальныя і самавольныя заняткі спортам. Тут яшчэ раз выяўляецца парадокс савецкага плаката: парушальнікі — аб’екты сатыры — атрымліва юць задавальненне ад сваіх заняткаў і выглядаюць нашмат больш шчаслі вымі і прывабнымі ў параўнанні са «станоўчымі» персанажамі. Плакаты, выпушчаныя пасля Другой сусветнай вайны ва Украіне, па графі цы, рыторыцы і стылістыцы мала адрозніваюцца ад беларускіх. Падобна, у спартыўнай нагляднай агітацыі ў найбольшай ступені рэалізуецца прын цып «нацыянальны па форме, савецкі па зместу». Польскі плакат па графіцы і візуальнай мове моцна адрозніваецца ад бе ларускіх і ўкраінскіх. Але калі параўнаць польскі спартыўны плакат пасля Другой сусветнай вайны з даваенным, то кідаецца ў вочы, наколькі розную функцыю выконваў спорт у Польшчы часоў інтэрбелум і ў часы ПНР. Перабудова — адзін з нямногіх перыядаў савецкай гісторыі, калі плакаты на спартыўную тэматыку практычна знікаюць. Аднак менавіта ў гэты пе рыяд расквітнелі падпольныя трэнажорныя залы, а захапленне спортам атрымала сапраўды масавы і шчыры характар. У сацыялістычнай ідэалогіі спорт як актыўны і калектыўны від вольнага часу павінен быў замяніць музеі, бо мастацтва распаўсюджвае буржуазныя і кансерватыўныя каштоўнасці, а спорт — сацыялістычныя. З аднаго боку, спорт звязваўся з лібералізацыяй, з новымі ўяўленнямі пра культуру і стан дарты цела, гігіену. З іншага — спорт непасрэдна звязаны з дысцыплінай і мілітарызацыяй. Халодная вайна ўзмацняла гэты аспект. У таталітарных рэжымах спорт акумулюе ўладу і рэсурсы, у дэмакратычных краінах з лібе ральнай эканомікай — аказваецца элементам культуры спажывання, таму верыць, што спорт па-за палітыкай, можна толькі калі відавочнасць кан чаткова асляпіла. Як адзначыў Оруэл, «сур’ёзны спорт не мае нічога агульнага з сумленнай гульнёй. Сур’ёзны спорт — гэта вайна мінус забойства».