PAGINA 2
DIARIO
DIABIERNA 21 FEBRUARI 2014
Aruba Tourism Authority cu resultado positivo di turismo pa januari 2014
Crecemento di 9.42% den cantidad di bishitante, combina cu crecemento di 15% den RevPar
ORANJESTAD (AAN): E aña aki a habri positivo pa cu nos turismo, cu un crecemento di 9.42% compara cu januari 2013. Un total di 82.887 bishitante a bin disfruta di tur loke nos destinacion tin pa ofrece. Esaki ta 7.136 bishitante mas pa nos isla, di cual nos por nota cu e subimento aki ta principalmente for di Merca y Latino America, entre otro Venezuela. Turismo di crucero tawata un total di 97.234 turista, cual ta 21.9% menos cu januari 2013. Norte America E continente principal pa cu turismo pa Aruba a subi cu 4.90% compara cu januari di aña pasa. For di Estados Unidos, un total di 47.969 turista a bin nos isla y for di Canada a bin un total di 5.220. Den numbernan absoluto e ta 2.483 turista mas for di Norte America y pa januari 2014, esaki a representa un total di “market share” di 66.94%. Latino America Cu un total di 20.284 bishitante pa nos isla, Latino America ta creciendo fuerte pa cu turismo pa Aruba. Compara cu januari 2013 esaki ta ta equivalente na 23.66% (3.881 persona) mas. Si nos wak esaki pa cada mercado, nos por ripara cu apesar di e ahustacionnan cu e gobierno di Venezuela a implementa pa cu su sistema di cambio monetario, e turismo di Venezuela a aumenta cu 27.68% (2.612
turista mas) compara cu januari 2013. Den cifranan absoluto, 12.048 turista a bin nos isla. Colombia tambe a subi cu 37.69%, en total 1.940 turista a bishita nos isla, cu ta 531 mas compara cu aña pasa. E aerolineo LAN a inicia su vuelonan dos biaha pa siman pa Aruba, y sigur esaki tin su influencia riba e cifranan positivo. Awo tin mas asiento pa Aruba, y esaki ta wordo bendi na un manera positivo como cu e demanda pa nos isla ta halto For di Brazil, 3.101 bishitante a bin pasa nan vacacion, cual ta 37.33% (843 persona en total) mas pa nos isla. E otro mercadonan di Latino American unda nos destinacion ta wordo representa ta e.o. Argentina. Un total di 1.865 turista a bin for di e pais aki pa Aruba, cu ta 303 bishitante menos (-13.98%) compara cu januari 2013. Chile di otro banda a aumenta cu 38.81%, un total di 515 Chileño a bin disfruta di nos isla, cu ta 144 persona mas compara cu januari aña pasa. E continente di Latino America a representa un total di 24.47% di nos mercado di turismo durante januari 2014.
Telefonnan di DIARIO 582-6747 Fax 582-8551
Europa Cu un total di 7.202 bishitante, Europa a subi cu 8.14% compara cu januari 2013. Esaki ta un total di 542 bishitante mas pa nos isla. Hulanda a mira un aumento di 1.33% (42 turista mas cu januari 2013). E economia ta recuperando pero e consumidor ta keda cauteloso pa book su vakantie. Alemania a subi cu 23.60% compara cu januari 2013, cu 59 turista mas pa nos pais, cu ta iguala na un total di 309 persona cu a bishita nos isla. Inglatera a trece 297 turista pa nos isla, cu ta 57.98% mas (109 bishitante mas) cu aña pasa. Italia ta creciendo cu 70.98 % mas turista compara cu januari 2013. Un total di 489 perona a bin, cu ta 203 mas cu aña pasa den e mesun temporada. Scandinavia sinembargo a baha cu 4.94% cual ta 104 turista menos pa nos isla compara cu januari 2013. Un total di 2002 bishitante a bin pa nos isla. En total, Europa a subi cu 8.14% compara cu januari 2013 y ta representa un total di 8.69% di e total di turismo pa cu nos destinacion.
Recapitulacion di tur e mercadonan E continente di Norte America a baha cu 2.77% den e total di e market share pa cu januari 2014, den línea cu maneho di diversificacion esaki a wordo compensa dor di Latino America cu a subi cu 2.82%. Europa a baha un poco, cu 0.10%. Pa e luna di januari 2014, mayoria di e turistanan tabata entre edad di 50-59 aña (19.81%) sigui pa e grupo entre 6069 aña (16.75%). Te ainda mayoria di esnan cu ta bishita nos isla (un total di 57.012 persona) ta bini pa nos playanan bunita, nos awanan cristalino y nos solo cu ta briya practicamente tur dia. E bishitantenan cu ta bin Aruba pa negoshi (conferencia/incentive/ reunion) ta suma un total di 6.289 persona. E mercado di honeymoon/enlace matrimonial a trece 2.071 persona pa Aruba. Calidad di turismo Un indicacion di calidad di turista cu Aruba ta atrae ta door di midi e prijs cu e turista ta paga pa cada camber pa persona, e ‘Average Daily Rate’ (ADR). Segun AHATA pa luna di januari 2014 ADR a subi cu 15.8% compara cu januari 2013. Esaki den cifra
ta US$ 248.62 na januari 2013 compara pa US$ 287.82 na januari 2014. E ocupacion di cambernan di hotel a baha cu 0.5% den e luna aki cual tawata 81.8% na 2013 pa 81.3% na 2014. E ganashi pa camber, e asina yama REVPAR a subi cu 15.1% di US$ 203.41 na januari 2013 pa US$ 234.04 na januari 2014. E total di disponibilidad di cambernan pa anochi a subi cu 7.1%, debi na e hecho cu Ritz Carlton a habri cu 320 camber na fin di november 2013. Esfuersonan di Aruba Tourism Authority Esfuersonan ta dirigi continuamente riba hisa e calidad di e bishitante, pero mas aun riba hisa a contribucion cu ta resulta di turismo pa nos isla. E vision aki ta basa riba un limite pa loke ta trata expansion den cantidad di cambernan. Esaki tin como consecuencia cu asina cu yega e punto di ocupacion optimal di acomodacionan, e isla lo no por crece na e mesun manera den cantidad mas. Na e momento ey, e crecemento lo mester ta den calidad pa asina por ricibi mas ingreso pa medio di nos industria turistico pa nos isla. Esaki ta parti di e vision
DIABIERNA 21 FEBRUARI 2014
PAGINA 3
DIARIO
Entrante juni Copa lo tin un total di 11 vuelo pa siman pa Aruba Den zomer Jet Blue y USA Airways lo agrega 11 vuelo y Delta y American lo opera ekiponan mas grandi
ORANJESTAD (AAN): Diahuebs atardi Ministerio di Turismo, Transporte, Sector Primario y Cultura, ATA y AAA tabatin informacionnan hopi positivo pa loke ta trata servicio aereo. Myrna Jansen, consehera principal di turismo di Minister Otmar Oduber a informa cu banda di e noticianan agradabel di e ultimo lunanan pa loke ta aumento di vuelonan di aerolineanan pa nos isla y tambe e anuncio di Southwest Airlines cu a agrega 4 vuelo mas pa siman for di Atlanta y Baltimore entrante promer di juli di e aña aki, awor ta continua cu mas anuncionan positivo riba e tereno aki. Copa Airlines cu actualmente ta bulando tur dia pa Aruba, lo incrementa su vuelonan cu 4 mas pa siman. Copa ta bula for di
Panama y ta conecta cu hopi puntonan strategico pa nos isla na Sur America, manera entre otro Brasil, Argentina, Chile y Colombia. Cu e aumento di vuelonan, nos isla lo conta cu 2 vuelo di Copa pa dia durante 4 dia pa
siman, logrando asina un total di 11 vuelo cu ta representa un incremento di 376 asiento pa siman. Adicionalmente Myrna Jansen a comenta cu Copa tin un flota di 86 avion , e ta un di e flotanan di mas hoben y moderno
di e aerolineanan di Sur America y ta sirbi 29 pais. E aerolinea aki y aumento di su vuelonan ta hopi importante pa strategia di Aruba pa cu Latino America. Consehera principal di Minister Otmar Oduber a anuncia tambe cu pa e temporada di zomer di e aña aki lo tin expansion di Jet Blue cu lo agrega 11 vuelo, US Airways cu tambe lo agrega 11 vuelo, ademas cu Delta y American Airlines lo opera ekiponan mas grandi. Importante pa remarca ta cu e aerolineanan aki no ta incrementa nan vuelo of ekipo pa Aruba pa casualidad. De facto, tin un scarcerdad di ekipo di avion y no ta facil pa haya mas vuelo pa ningun destinacion. E aerolineanan aki ta scohe Aruba pasobra Aruba ta den demanda. E fondonan di
mercadeo cu ATA a inverti den e mercadonan, su esfuerzonan haci conhuntamente cu AAA, Ministerio y Airlift Committee ta dunando su frutanan. Aruba su imagen den exterior ta sumamente halto y nos isla a bira un destinacion desea. Esaki ta hala atencion di e aerolineanan tambe kendenan ta nota e tendencia positivo aki pa nos isla. Banda di dje nan ta conciente cu nan yield, nan rendimento di ganashi, cu nan vuelonan pa Aruba ta di tal nivel cu ta hacie atractivo pa incrementa vuelonan pa nos isla. Ademas di esey, tin un relacion hopi estrecho entre e aerolineanan, ATA, AAA y Aruba, lo cual ta duna su beneficionan tambe. Myrna Jansen, den nomber di Minister Oduber a gradici ATA, AAA y e Airlift Committee pa tur nan esfuerzo realiza.
Evelyn Wever-Croes: Nos ta Tin regla pa e empleadonan cu ta convivi cu e pueblo venezolano bay cas cu auto dienst Minister di finanza ta splica kico e ta:
ORANJESTAD (AAN) – Minister di Finanza señor Juan David Yrausquin, den entrevista cu Matutino DIARIO, a referi na e custumber cu algun trahador di sector publico tin, di bay cas cu auto dienst unda e ta pasa anochi te mainta tambe. Minister Yrausquin a menciona cu tin un regla cu si e trahador ta bay cas cu auto di e compania, e tin cu paga diescinco porciento di e balor di e auto, cu ta un suma cu ta wordo kita for di e salario di e persona y poni riba su payslip, y tambe e tin cu paga belasting riba dje. E dignatario a indica cu tin un evaluacion ta tumando lugar aworaki pa wak si e regla ta wordo aplica consistentemente den gobierno, y tampoco por ta asina cu tin hende tin auto toelage y tambe tin auto banda di esey. Esaki ta otro ehercicio cu gobierno ta haciendo. El a subraya cu gobierno tin cu duna ehemplo y no por ta asina cu nan ta pone regla pa sector priva pero den gobierno mes no ta cumpli cu esey. Minister di finanza tin tur atencion pa esaki y un carta ta sa-
liendo pa tur departamento y tur minister pa asegura cu e regla aki ta wordo aplica consistentemente den henter e aparato publico. Cu otro palabra, tin dos opcion: of e trahador ta laga auto dienst staciona na trabao despues di horario laboral of bay cas cune pero paga e diescinco porciento pasobra e ta un bentaha cu su doño di trabao ta dune. Esey ta haci tambe cu su belasting ta aumenta. Esaki ta un areglo cu ta existi hopi aña caba y mester asegura cu den nos gobierno tambe e ta wordo aplica structuralmente. Por ta cu e empleado ta bay cas cu e auto dienst pa e no wordo desmantela si lague na trabao, loke e minister ta kere por wordo evalua, pero no tin excepcion den e regla. Esun cu bay cas cu e auto tin cu paga e 15 porciento menciona.
ORANJSTAD (AAN): Lider di MEP Evelyn Wever-Croes a duna e siguiente declaracion riba e situacion na Venezuela: “E situacion na Venezuela ta hopi tenso y esey tin hopi hende preocupa. Nos ta convivi cu e pueblo Venezolano. Nos tin Venezuela den nos pensamento y oracion, y nos ta spera cu e ola di violencia por pasa, y cu por bin pas y trankilidad pronto na Venezuela, den cual derechonan humano y derechonan democratico ta wordo respeta, y cu ta brinda e solucionnan cu e pueblo ta anhela. Mescos cu hopi hende cu tin famia y amigo na Venezuela, ami tambe ta hopi preocupa pa nan seguridad, y mi ta resa pa nan bienestar. Mi ta hopi preocupa pa nos aki na Aruba tambe, pasobra Aruba ta geograficamente hopi cerca di Venezuela, y nos mester ta alerta pa tur locual pasa aya. Nos mester ta prepara cu un plan di accion of di contingencia si en caso e situacion empeora. Mi no ta mira Gobierno ta tuma accion, pues nos mes a cuminsa informa. Minister Presidente Eman
a duna un declaracion hopi cortico, pero no a duna informacion pa por calma e pueblo di Aruba en bista di e tantisimo informacionnan cu ta yega cerca nos. Nos a mira un potret cu e Prome Minister a publica cu e tin tur dos pechi den su man, un di gobierno
Chavista y un di oposicion. Sinembargo nos no mester di esey awor, awor nos mester pa gobernantenan bisti e pechi di Aruba y informa e pueblo con nan ta garantiza cu Aruba ta keda sigura. MI ta urgi Minister Presidente Eman pa e hasi esaki mas pronto cu ta posibel”.
Castigo di 10 dia pa pareha Mericano acusa di horta den 4 tienda ORANJESTAD (AAN): Diahuebs a tuma lugar un caso na corte di husticia na unda cu sospechosonan Mericano e muher N.G y e homber C.A.S a wordo acusa di ladronicia den tiendanan den e periodo di 12 di Augustus 2013 te 5 di November 2013 di (entre otro) un of mas bril di solo y/of fahanan. Den e caso aki e tiendanan Diesel, Gucci, Ralph Lauren y Faconnable situa den Renaissance Mall lo a bira victima di e personanan aki. Huez a cuminza na repasa procesverbal di e caso, despues di cual fiscal a exigi un castigo di 10 dia pa ambos, cu ta e cantidad di dia cu nan a sinta caba den detencion preventivo. Despues cu abogado Sven Faarup a trece defensa dilanti pa e Mericanonan, huez a duna su veredicto mesora. Huez a bay di acuerdo cu exigencia di fiscal y a condena e pareha na un castigo igual na e 10 dianan cu nan a sinta caba.
PAGINA 10
DIABIERNA 21 FEBRUARI 2014
DIARIO
Ronella Tjin Asjoe-Croes, CEO di ATA
Logronan den aumento di vuelonan pa nos isla ta danki na un trabou den ekipo
ORANJESTAD (AAN): Ronella Tjin Asjoe-Croes, CEO di ATA, a comenta durante e conferencia di prensa riba e aumento di vuelonan di diferente aerolinea pa Aruba, manera
Copa cu lo bula entrante juni 11 biaha pa siman, Jet Blue y US Airways cu durante zomer lo agrega 11 vuelo y tambe Delta y American Airlines cu lo cuminsa bula cu ekiponan mas grandi.
El a duna di conoce cu esaki ta trabou di lunanan atras cu a wordo logra danki na trabou den ekipo caminda e Airlift Committee tin strategianan delinea di antemano y puntonan di agenda cu ta traha riba dje. Aki el a menciona cu den luna di april nan lo ta bishitando diferente aerolineanan pa asina sigui traha riba otro metanan. Ronella Tjin AsjoeCroes a indica tambe cu e anuncio recien di Southwest ta uno hopi positivo, pasobra e ta pemitinos como Aruba pa enfoca mas riba diversificacion dentro di Merca y tambe ta permitinos pa capitaliza un fluho di bishitante nobo. E ta agrega cu kier
amplia un tiki mas e base di diversificacion, bayendo mas den e mercadonan cu kizas lo por duna nos e bishitante di calidad mas halto. Inclusive den seno interno di ATA a cuminsa papia di crea un segmento nobo desde e a単a aki, enfoca riba esun cu tin un entrada di riba 150 mil Dollar pa a単a bay ariba. CEO di ATA ta bisa cu como Aruba nos ta capturando ya caba cu e esfuerzonan haci un parti importante di e mercado aki cu 7%. E ta bisa igualmente cu mas cu mitad di e bishitantenan cu ta bin Aruba na e momentonan aki tin un entrada di 100 mil Dollar bay ariba pa a単a, pero esfuerzonan mester bay toch den captura un tiki mas
di e segmento di 150 mil Dollar bay ariba. Southwest lo permiti pa haci esaki por ehempel pensando riba un hub manera Houston, unda cu e aerolinea a anuncia cu nan tin plannan pa dentro di un a単a ofrece vuelonan for di e destinacion aki. Tjin Asjoe-Croes a expresa cu e ta hopi contento cu e logronan obteni cu American Airlines cu ta bay opera ekiponan mas grandi pa nos isla, igualmente pa loke ta e anuncionan di US Airways y Delta. E anuncionan aki ta hopi importante pa mercadonan primario di Aruba y ta zorg pa nos tin mas airlift cu nos tin mester pa sirbi e mercadonan aki.