EXCURSIÓN SANTIAGO

CLUB DE LECTURA “MUCHACHADA LECTORA” E CLUB DE ESCRITURA “LOS DEL 97”

Viaxe a Santiago de Compostela: 

Visita ao MUPEGA (Museo Pedagóxico de Galicia).



Percorrido polos espazos exteriores da Cidade da Cultura.



Roteiro pola zona monumental da cidade. Propoñemos un percorrido, no que, lendo o mapa, as indicacións das

rúas,

carteis,

imaxes...

ou

preguntando

simplemente á xente, teredes que responder ás seguintes cuestións.

ROTEIRO POR SANTIAGO DE COMPOSTELA

1. Praza do Obradoiro. Xunto coa catedral, que outros tres edificios rodean esta praza?

2. Subimos polo arco de Palacio e chegamos á praza da Inmaculada. a. Que edificio acolle o Seminario Maior? b. Como se chama a fachada da catedral que dá a esa praza?

3. Rodeamos a catedral e chegamos á Praza da Quintana.

Localizade e descubride: a. A Berenguela, único elemento vertical da praza.

Complementa ao reloxo que só ten unha agulla. b. A Porta Santa, meta dos peregrinos que chegan a Santiago de Compostela en busca do Xubileu. c. A casa da Parra que toma o nome das froitas pétreas -vides e pámpanos- da súa porta principal.

4. Seguimos á Praza de Praterías. Buscade a Casa do Cabido e explicade a seguinte frase “Trátase dun verdadeiro pano de pedra de apenas tres metros de fondo,

levantado polo arquitecto Fernández Sarela, coa intención de pechar de xeito case teatral a praza.”

5. Entramos á catedral pola porta da Praza de Praterías e facemos un pequeno recorrido. Dirixímonos ao Pórtico da Gloria e localizamos o “Santo dos Croques”. Que facían ante el os peregrinos seguindo a tradición popular? Saímos á Praza do Obradoiro.

6. Dirixímonos á rúa do Franco. No comezo, no Instituto Padre Sarmiento, buscade a árbore da ciencia. Di a tradición que os estudantes, de costas á árbore elixían un papel e iso era o que deberían estudar. Facede unha foto intentándoo.

7. Continuamos pola rúa do Franco que concentra boa parte da oferta gastronómica do casco histórico. Nesta rúa, os estudantes instituíron para a vida nocturna o 'rallye ParísDakar'. Descubride por que.

8. Subimos á Praza do Toural, antigo punto de venda de gando, onde se ubica un museo ou fundación, cal?

9. Regresamos pola rúa do Villar observando os moitos casaróns que dan fe do carácter privilexiado da rúa.

Localizade o canellón de Entrerrúas, o máis estreito da cidade.

10. Subindo polo canellón de Entrerrúas chegamos á rúa Nova. Collemos á dereita e percorrémola ata a rúa das Orfas. Continuamos pola rúa da Calderería e acercámonos á Praza de Mazarelos e á Praza da Universidade. Que dúas Facultades se sitúan aquí?

11. Continuamos polo Preguntoiro ata a Praza Cervantes.

Onde se sitúa o busto que recorda ao escritor?

12. Baixamos pola Acibechería ata chegar de novo ao punto de partida. Localizade o punto de encontor de todos os camiños que conducen ao Apóstolo.

PARA ORIENTARNOS NO GAIĂ S

E terminamos cun xogo para lectores: Que relato de Edgar Allan Poe recrea esta camiseta?