Que significan os números e letras nas etiquetas dos libros? 82N-C CER qui
Materia
Un exemplo:
82N-G
Iniciais apelido autor
Agustín Fernández Paz: Rapazas
FER
Iniciais título
rap
Como buscar un libro? 1. Por Internet: entrade en: http://www.opacmeiga.rbgalicia.org/ Despois de elixir a biblioteca do cole, entrade e na ventá que aparece escribide o título (sen artigo) ou apelido do autor. Se o libro existe na biblioteca, aparecerá coa súa sinatura. 2. Nos andeis: ide á sección correspondente (Ciencias, Galego, etc.). Os libros están ordenados por orde alfabética do apelido do autor. Se hai varios títulos do mesmo autor, entón o factor que manda é o título do libro (sen artigos). Por exemplo, para buscar “Rapazas” de A. Fernández Paz. A Ir a “Literatura en galego”. B Buscar os libros que na etiqueta do lombo leven “FER” C Alí veredes moitos libros deste autor. O que buscades é un que no lombo leva “rap”, en letra minúscula, que corresponde ao título.
A nosa biblioteca participa, dende o 2006, no “Plan de Mellora das Bibliotecas Escolares” de Galicia. Un dos seus obxectivos continúa a ser o de medrar en calidade, en recursos, equipamento e integración no proceso formador do alumnado e, para acadalo, precisamos a colaboración de todos os membros da comunidade educativa.
CPI DA CAÑIZA GUÍA USUARIOS BIBLIOTECA
http://biblogcaniza.blogspot.com.es/
INFORMACIÓN E FUNCIONAMENTO
NORMAS XERAIS
TABLETAS
CONDICIÓNS DE PRÉSTAMO
A biblioteca non é un sitio de castigo; vénse voluntariamente. Nela hai que respectar unhas normas de convivencia e traballo. Tamén debemos coidar o material. Os usuarios (alumnado, profesorado, familias...) terán un número de lector que deberán empregar no servizo de préstamo. A biblioteca pode ser usada como aula cando un profesor a precise; poderá reservarse na sala de profesores sempre que non interfira na xestión.
A biblioteca dispón, tamén, de 5 tabletas que o alumnado pode empregar na biblioteca e o profesorado nas aulas. Para o seu uso haberá que reservar e cubrir un rexistro.
Todos os días nos recreos. Pódense levar ata tres libros, CDs ou DVDs. O prazo de préstamo dos libros é de quince días; nos CDs e DVDs redúcese a unha fin de semana. Renovación: o prazo pode ampliarse renovando o período de préstamo por outros quince días. O profesorado poderá levar ás aulas un lote de libros (lectura/consulta) polo tempo que estime oportuno. A devolución do material deberá realizarse no tempo fixado; “perseguiremos” aos morosos: — Excederse nunha semana sancionarase cun mes sen préstamo; excederse en dúas, suporá unha sanción dun trimestre e excederse en tres conlevará unha falta de orde e a comunicación á familia. — A perda ou deterioro do material resolverase coa reposición do mesmo e cun mes de suspensión no servizo. Coa acumulación de tres sancións durante o curso, perderase definitivamente o dereito ao préstamo.
RECUNCHO DE LECTURA E ZONA DE TRABALLO EN GRUPO Tamén son dependencias da biblioteca, polo que debemos seguir as normas xerais para o seu uso. Só poderemos empregalas cando haxa profesores de garda.
E-READER Contamos con 5 dispositivos de lectura electrónica (E-reader) que calquera membro da comunidade pode levar. Deberán solicitarse na biblioteca e será necesaria a autorización das familias.
CONSULTA EN INTERNET Pódense empregar os ordenadores nos recreos só como ferramenta de consulta e non para xogo ou lecer. O profesorado de garda poderá limitar o tempo de utilización de cada usuario (cando hai moita demanda) e restrinxir o acceso a xogos, you tube, Chats... (se non teñen unha compoñente didáctica). Tamén os poderán usar durante as horas de clase, sempre que os acompañe un profesor. En ningún caso poderán dispor do ordenador de xestión da Biblioteca.
ZONA DE XOGOS Situada no vestíbulo, os usuarios terán que acudir á biblioteca a solicitar o xogo desexado para o seu uso.
BLOG En http://biblogcaniza.blogspot.com.es/ ofreceremos historias, imaxes, actividades, recursos... e sobre todo libros.