Á luz do lema que a Consellería nos propón para este curso: Poéticas diversas na biblioteca escolar; tamén vos ofrecemos:
CPI da Cañiza
Contamos tamén con xogos cos que descubrir e explorar o mundo que nos rodea. No último trimestre do curso pasado mercamos xogos novos: Virus, Dixit, Story Cubes... e renovamos os antigos con novos taboleiros e fichas para xadrez, damas e parchís.
E axudamos a traballar as emocións con: C. Núñez Pereira. e Rafael Romero: Emocionario.
C. Núñez Pereira e Rafael R. Valcarcel: Amar.
E, coma sempre, recordámosvos:
O blog da biblioteca: http://biblogcaniza.blogspot.com.es/
O blog do club de lectura:
http://muchachadalectora.blogspot.com.es/
Guía de lectura, BIBLIOTECA ESCOLAR
Nadal 2018 - Secundaria
Paula Pereira e Nerea Gómez de 2º B son as responsables do deseño gañador no concurso “Decora a porta da biblioteca” Para a súa realización contaron coa axuda de Andrea Lorenzo, tamén de 2º B.
BO NADAL
Fernando Castro Paredes. A derradeira bala. Luciano intenta desertar da guerra e, despois de ser xulgado polos seus superiores, é condenado a morte. Será fusilado coa última bala que garda o pelotón. Mais o seu amor pola música e as ansias de liberdade farán que a cousa se complique. Becky Albertalli: Con amor, Simon. Ou Simon logra que Abby salga con Martín ou este contará a todos os seus segredos. Con todo, ceder á chantaxe non será a solución senón o comezo dun enorme envurullo. Ana Penyas: Estamos todas bien. Un retrato das avoas, Maruja e Herminia, que é ao mesmo tempo a homenaxe a toda unha xeración.
Alberto Varela Ferreiro: Ulf de Jakobsland. Foi no ano 844 cando os viquingos chegaron por primeira vez ata o antigo reino de Gallaecia, coñecido no norte como Jakobsland.
J. Billet e C. Fauvel: La guerra de Catherine Os pais de Rachel déixana nunha escola preto de París na que se refuxian nenos xudeus durante a Segunda Guerra Mundial. Cando a escola deixa de ser segura, deberá cambiar de nome e fuxir, axudada por unha rede da resistencia. Care Santos: Mentira e Verdade. Nun nárrase a historia de Xenia, namorada dun ser virtual co que comparte a súa paixón pola lectura, pero que non quere desvelar a súa identidade. No outro descubriremos a historia de Eric que busca reinserirse coa axuda do amor de Xenia. Ledicia Costas: A balada dos unicornios. A Escola de Artefactos e Oficios acolle os mozos máis brillantes, capaces de crear proezas abraiantes. Ágata McLeod é unha das mellores alumnas, pero hai moitas cousas que descoñece da institución... e do seu pasado. Pedro Feijoo: Sen piedade. Tocara fondo. Así foi como decidimos tomar prestado o coche do vello, un impresionante Dodge Charger do 68, e botarnos á estrada nunha viaxe feroz. A tumba aberta. Sen coidado nin precaución, sen tregua, sen límites. Sen piedade.
Ian Gibson e Quique Palomo: Vida y muerte de Federico Garcia Lorca. Un repaso aos datos máis relevantes da vida de Lorca ata a súa morte, coa intención de acercar a figura do poeta ás novas xeracións. Francisco Castro: Iridium. Iridium é unha historia de amor. Ou é unha historia de discriminacións e inxustizas. Ou é unha historia sobre a amizade máis aló das dificultades. Ou é unha historia sobre unha raíña do Instagram e un malote moi malo.
Rosie Dickins: Los ordenadores y la programación. Un libro de lapelas con infinidade de datos fascinantes sobre as tecnoloxías da información.