Barrios 65

Entrevista a Vítor Nieves, coordinador do Outono Fotográfico [Páx. 3]

CIDADE

Páx.6

3.000 puntos de luz renovaranse para o Ecobarrio da Ponte coa tecnoloxía LED

ALLARIZ

Páx.13

A Deputación cédelle un camión recolector de residuos ao Concello de Allariz

XINZO

Páx.14 CELANOVA

O Concello de Xinzo inviste máis de 21.000 euros en melloras de parques

Pax.16 DEPORTES

Continúa o taller de ilustración na Casa dos Poetas impartido por Katharina Ojea

Cambio de cara da alameda do Cruceiro

Páx. 20

Ngagne Faye e Aarón Blanco, do club Artai, convocados para o Mundial de shuaijiao

Manuel Cabas, novo alcalde de Xinzo de Limia [Páx. 2]

O COB perfila a súa plantilla

[Páxs. 4 e 14]

[Páx. 19]

Rapaces xogando na zona de auga da alameda do Cruceiro. // Cabas tomando posesión como alcalde de Xinzo. // Ott e Zamora compartirán vestirario do COB este ano./RAMSÉS.

Número: 65 - Ano: XI - 23 de agosto de 2018 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

Barrios 23 de agosto 2018

TEMA DA SEMANA

Manuel López Casas dimite como alcalde de Xinzo 4 O popular explicou que se debe a motivos familiares.

Redacción O alcalde popular de Xinzo, Manuel López Casas, dimitiu a comezos deste mes de agosto do cargo como rexedor por motivos familiares.

Logo de liderar a alcaldía de Xinzo dende o 6 abril, sustituíndo a Antonio Pérez, que viña de renunciar despois de ser condenado a oito anos e medio de inhabilitación por un delito continuado de prevaricación pola contratación de varios empregados do Concello entre 2011 e 2013; López Casas asegura que con esta decisión remata a súa vida política, que comezou como edil neste mesmo Concello en 1979 na primeira corporación democrática, e que ao

longo destas décadas o levou tamén polos postos de tenente de alcalde de Xinzo, delegado de Xustiza e Agricultura en Ourense, deputado no Parlamento de Galicia e director xeral de Infraestruturas. Agora, deixa o cargo de alcade contento coa experiencia vivida e coa axuda que puido prestar aos veciños nestes catro meses.

Novo alcalde O encargado de facerse agora co bastón de mando é o tenente de alcalde de Xinzo, Manuel Cabas López.

López Casas pecha así a súa vida política, que comezou en 1979

Manuel Cabas toma o relevo 4 O tenente de alcalde asumiu o cargo de rexedor á espera do que determine o PP. M. Rejo No pleno extraordinario celebrado este 22 de agosto, o que era tenente de alcalde de Xinzo, Manuel Cabas, asumiu o cargo de rexedor municipal, asegurando que continuará coa liña dos seus antecesores. A decisión sobre se será el o próximo candidato do PP á alcaldía nas eleccións municipais de 2019 déixaa en mans do partido.

nuel López Casas?

Manuel Cabas: “Si, vou continuar co feito e orzamentado, porque cremos que está moi ben programado; pero, ademais, imos por o punto persoal no obxectivo acordado polo resto dos meus compañeiros de facer de Xinzo un pobo bonito, agradable, limpo, onde a xente queira vivir, coas beirarrúas arranxadas, parques e xardíns coidados, cun asfalto sen buracos...”.

Vai vostede a continuar a liña de traballo de Antonio Pérez e Ma-

Plantéxase ser cabeza de lista nas eleccións municipais de 2019?

A oposición critica a inestabilidade 4 Xinzo Adiante e BNG coinciden en sinalar que Antonio Pérez segue a tomar decisións no partido.

Redacción

López Casas ocupou o cargo de rexedor dende abril.

Este novo cambio na alcaldía de Xinzo non deixou indiferente aos partidos da oposición.

Por unha banda, dende Xinzo Adiante califican esta situación como un “espectáculo lamentable e bochornoso por parte do PP local, cuxos membros antepoñen os seus

intereses persoais ao ben común da cidadanía”.

Aseguran, ademais, que López Casas deixa o cargo “canso de ser unha marioneta” nas mans do anterior rexedor Antonio Pérez, quen, segundo Xinzo Adiante, controla todo o que acontece e decide o Partido Popular deste Concello. De feito, aseguran que Manuel Cabas se

M.C.: “A miña intención é rematar o mandato ata maio. Cambiará o alcalde pero a liña que está seguindo este grupo segue sendo a mesma, os compoñentes son os mesmos, cambiarán puntualmente pero cada un segue facen-

do o seu traballo.

Polo demais, eu estou a disposición do partido para o que decida, eu non pretendo nada que o partido non queira, se o partido quere a outra persoa eu vou ser fiel e leal e estarei sempre con el”.

Manuel Cabas, novo alcalde de Xinzo./M.REJO.

“autoproclamou alcalde”, co respaldo de Pérez, mentres algúns compañeiros do partido no municipio “negaron ter falado con el e moito menos apoialo”.

“Dende Xinzo Adiante lamentamos que unha formación política como o PP siga sendo dirixida por xente que a día de hoxe non son militantes por estar inhabilitados e que o seu presidente provincial e os seus superiores o sigan permitindo”, explicaron.

“Señores do PP, se non teñen capacidade para gobernar o Concello presenten a súa dimisión”, sentenciaron.

Tamén o BNG quixo facer unha valoración da marcha de López Casas. E aínda que o grupo nacionalista sinalou que “non

se pode facer unha análise da súa xestión porque foi esencialmente continuista e catro meses non dan para moito”, si valorou “positivamente o seu talante aberto e dialogante”.

Así mesmo, dende o BNG coinciden na presenza oculta do anterior rexedor. “Con esta dimisión confírmase que a sombra do anterior alcalde, Antonio Pérez, é alongada, e certifica a ruptura dentro do grupo de goberno e a incapacidade do PP para garantir unha mínima estabilidade ao Concello de Xinzo”.

Algo que ao seu xuízo perxudica aos veciños, “levamos un atraso de décadas cos sucesivos gobernos populares e este está sendo outro mandato perdido”.

ENTREVISTA

Barrios 23 de agosto 2018

ENTREVISTA A VÍTOR NIEVES, COORDINADOR DO OUTONO FOTOGRÁFICO

“Teñen unha política cultural orquestrada. Non é casual que desapareza o cinema, a fotografía contemporánea e que poñan trabas a outras iniciativas” 4 Vítor Nieves, coordinador do Outono Fotográfico, detállanos o incumprimento económico do goberno municipal que condenou a morte a este festival.

R. Torres Despois de 35 edicións, o Outono Fotográfico botou o peche. Dende a súa organización apuntan ao incumprimento do apoio económico por parte do goberno municipal como o respesponsable desta lamentable decisión.

Nun comunicado, o seu director, Xosé Lois Vázquez, explicou que «a colaboración económica comprometida polo Concello de Ourense co festival para a 35ª edición celebrada en 2017, non foi habilitada e, tras meses de absoluta opacidade informativa, o pasado 23 de xuño, comunícasenos que, en definitiva, non se vai cumprir o acordado».

Falamos con Vítor Nieves, coordinador do festival de fotografía, o segundo máis antigo do mundo, para coñecer os detalles.

Que vos levou a tomar a decisión de que non haxa Outono Fotográfico este ano?

Vítor Nieves: “Basica-

“Confirmaron que non se van pagar eses 9.000 euros, que están xa gastados”

mente é que temos unha edición de 2017 que está sen cobrar por parte do Concello de Ourense. É dicir, o resto de patrocinadores pagaron pero a parte do Concello, que é a máis grande, 9.000 euros, non están pagados. Despois das reunións mantidas coa Concellería de Xuventude e a de Cultura temos que desconvocar o Outono Fotográfico polas débedas que temos, polo que non podemos pensar en facer a edición de 2018”.

Non vos pagarán esa débeda?

V.N.: “Confirmaron que non se van a pagar eses cartos, que están xa gastados, polo tanto actualmente as relacións están completamente rotas. Así que non podemos traballar se temos unha edición sen pagar todo”.

Xustificaron por que non pagarán?

V.N.: “Non. Ademais bótanse a culpa uns aos outros -a parte técnica e a parte política- pero realmente non hai unha explicación de por qué. Nós estamos seguros de que se houbera vontade política de que haxa unha cultura nesta cidade faríanse os esforzos que sexan, independentemente de que haxan

100 exposicións. Gustaríame, pero non se pode”.

Será unha pausa ou un punto e final?

V.N.: “Non quería levar nas costas a responsabilidade de ter matado ao único festival galego de fotografía contemporánea e non o quero ver coma un punto e final, pero é o que estamos vendo agora e o que estamos aínda asumindo, a nivel persoal, de que é un punto e final”.

Vítor Nieves, coordinador do Outono Fotográfico./R.T.

“Penso que é unha política neoliberal que busca a castración de toda esta creatividade”, explica Vítor Nieves informes técnicos que non avalen esa cultura. O que está claro é que si que fan outras cousas e outro tipo de cultura que ao mellor move masas pero que non é cultura real”.

ben eses cartos pagamos as débedas ou intentámolo, porque algunhas como seguros de exposicións adquiriron intereses, pero non nos permite programar esta edición”.

Eses 9.000 euros o que farían é desbloquear a débeda que tedes, pero non vos permitiría facer o festival en 2018.

V.N.: “Efectivamente. A situación é que se se reci-

Entón é moi difícil pensar nun Outono Fotográfico 2018?

V.N.: “Imposible. A estas alturas de ano non se pode programar e nun mes non se poden coordinar

Moita xente deuvos mostras do seu apoio.

V.N.: “Sí. Desde que se fixo pública a noticia os teléfonos do equipo non pararon de soar, as redes sociais do Outono e en persoa, foi un non parar de apoio; non só a cultura senón tamén persoais”.

Co Outono Fotográfico e o OUFF fóra, o Fito no armario... como vedes a política cultural do Concello?

V.N.: “Cremos que desde o Concello teñen unha política cultural orquestrada. Non é casual que desapareza o cinema, a fotografía contemporánea e que poñan trabas a outras iniciativas culturais. Estase cobrando taxas a xente que usa a rúa para facer eventos, como Veranearte ou as

xornadas da diversidade.

Cando ten apoio económico retírao e cando non o ten cobra ás asociacións por facer eventos culturais. Isto non é casual; se as noticias que recibimos é que se tambalean todas estas iniciaticas é que está orquestrado.

Quérense cargar todas as iniciativas dun xeito organizado desde a base.

A nivel persoal penso que é unha política neoliberal que busca a castración de toda esta creatividade, porque ese tipo de políticos sempre tivo medo a ese tipo de cultura; porque si que apoian a outra cultura, a do espectáculo, carísima, que move masas, pero que non move coñecemento”.

Que supuxo o Outono Fotográfico en cifras?

V.N.: “En 35 anos expuxeron máis de 6.000 artistas en máis de 2.000 exposicións, non só en Ourense, hai unha media de 25 cidades que acolleron algunha mostra en cada edición en Galicia e norte de Portugal.

Nos últimos sete anos fixemos un esforzo pola internacionalización, en todos os países que fomos convidados o nome de Ourense estaba sempre ligado ao Outono Fotográfico”.

Barrios 23 de agosto 2018

CIDADE

A alameda do Cruceiro convértese no primeiro parque inclusivo de Galicia 4 Conta cunha zona de auga e unha tirolina, entre outros espazos.

R. Torres A alameda do Cruceiro coñecida por todos como o “Parque Infantil”- reabriu as súas portas cun cambio de cara totalmente necesario. Despois de que nos últimos anos se convertera nunha zona degradada, desde este luns, 20 de agosto, transformouse no primeiro parque inclusivo de Galicia.

A área reformada consta de 162 m2 e eliminou todas as barreiras físicas mellorando a accesibilidade. O espazo conta con catro zonas de esparexemento diferenciadas.

O parque contén xogos para nenos de todas as idades: unha tirolina dobre -de 40 metros- que é a segunda máis longa de Galicia, xogos con cordas, de actividade acuática con chorros, canóns e arcos de auga e unha zona de xogos tradicionais: o truco, o trompo, un circuíto das chapas e mesmo os xices para pintar no chan.

Na parte superior do parque está a área de xogos para nenos de cero a seis anos, que se amplía e incorpora xogos con accesibilidade para cadeira de rodas. Desde a parte de arriba e cara abaixo instalouse a

tirolina dobre de 40 metros e delimitada por árbores. Na parte inferior desta zona, un espazo de xogos con cordas para acoller ata oito nenos.

O espazo para xogos acuáticos está concebido para nenos de 0 a 12 anos puidendo acceder a el os de mobilidade reducida debido a que carece de bordos, pendentes ou obstáculos de calqueira tipo; a auga reutilizarase nun ciclo pechado, e o resto do ano será unha fonte nocturna cun equipamento de iluminación artística.

Tamén hai un espazo para o exercicio físico -ca-

Nenos xogando nas novas instalacións do parque sito na alameda do Cruceiro./R.T. listenia- adaptado a usuarios en cadeiras de rodas.

Colaboración O novo parque Infantil é unha realidade grazas á colaboración entre Concello -co apoio do PSOE- e Deputación. A obra, cun investimento de 459.619,11

euros, forma parte do Plan de Investimentos aprobado no Concello cos votos favorables do goberno municipal e dos socialistas.

A Deputación colaborou administrativa e economicamente como xa o fixera coa reforma da rúa Concello (cuxo orzamento foi de

O parque infantil consta de 162 m2 e eliminou todas as barreiras físicas mellorando a accesibilidade

especial LUMES

Barrios 23 de agosto 2018

metros de pistas e 3.600 hectáreas de devasas.

Neste ano, o orzamento é de 2,7 millóns de euros para unha mellora de case 500 quilómetros de pistas e máis de 1.600 hectáreas de devasas.

Un avión botando auga nas lapas dun lume./ARQUIVO.

Cambios normativos contra o lume 4 A Xunta de Galicia traballa para reforzar a protección e prevención dos incendios.

Redacción Antes da onda de incendios de outubro pasado -que asolou sobre todo o sur de Galicia-, a Xunta xa estaba a traballar para reforzar a protección e prevención dos incendios.

Así, preparáronse cambios normativos adicionais para favorecer o cumprimento das esixencias legais por parte de todos, que incluense na Lei de Acompañamento dos Orzamentos de 2018, por ser o medio máis áxil para tramitar estas modificacións.

Trátase de reforzar a regulación para conseguir un maior e mellor aproveitamento do monte e para intensificar a loita contra os incendios.

Medidas administrativas Varias foron as medidas neste sentido. Aumentouse a distancia de árbores pirófitas (de fácil combustión), dos 30 aos 50 metros, nos lugares nos que está demostrado que existe un maior risco. Prohibiuse totalmente a plantación de acacias a

Instaláronse cámaras ópticas en parroquias de alta actividade incendiaria

menos de 50 metros de edificios e obrígase a que os eucaliptos e piñeiros garden unha distancia mínima de 10 metros entre cada exemplar. As vivendas illadas deben obrigatoriamente ter xestionada a biomasa nos 50 metros que as rodeen, independentemente da distancia á que se atopen do monte.

As subestacións eléctricas e estacións de telecomunicacións están obrigadas a retirar especies pirófitas a menos de cinco metros de distancia. Axilizouse o procedemento para a limpeza de terreos forestais que non estean debidamente xestionados por parte da Administración.

Ademais, aqueles montes veciñais en man común abandonados ou non explotados poderán ser declarados como tales pola Consellería do Medio Rural e incorporados ao Banco de Terras para que aqueles que teñan necesidade de terreo póidano pór en valor.

Convenios Doutra banda, a Consellería do Medio Rural elaborou en 2016 un convenio marco (con tres liñas de axuda: brigadas de extinción, condutor de motobomba e hectáreas para rozar) cos concellos para colaborar na prevención e extinción de incendios.

Adheríronse 267 conce-

llos (e 6 convenios con mancomunidades).

Tras os lumes de outubro, este departamento enviou unha carta a todos os concellos para mellorar o convenio que tivesen subscrito ou adherirse a el. A día de hoxe, hai 16 novos municipios interesados en sumarse nalgunha das tres liñas de actuación e outros 19 que queren facer melloras nos seus convenios. Así, o 90% dos municipios galegos terán subscrito este verán o convenio de incendios con Medio Rural.

En canto ao orzamento, o primero convenio marco foi de 33 millóns de euros (11 millóns por ano); este ano increméntase en 672.161,04 euros chegando aos 11,7 millóns por ano, a inversión nos convenios de prevención e extinción cos concellos. En total son 285 convenios, 279 con concellos (deles 206 contarán con brigadas, 97 con condutor motobomba e 234 con roza de hectáreas). 69 concellos teñen subscritas as tres liñas do convenio contando cun total de 290 brigadas de entidades locais despregadas e preto de 1.800 persoas contratadas a través destes concellos entre brigadistas e condutores de motobomba.

O vindeiro convenio marco contará cunha

duración de catro anos (2019-2022) e un importe anual de 11,7 millóns de euros (46,8 millóns nos catro anos). Ademais estanse a buscar novas liñas de colaboración coas coas administracións locais.

Vixilancia A vixilancia nos montes estase reforzando con cámaras ópticas (un mínimo de 44) en parroquias de alta actividade incendiaria.

Infraestruturas Entre o pasado ano e o presente destináronse preto de 8,5 millóns de euros para a creación de novos puntos de auga e a mellora de pistas e devasas. O

pasado ano construíronse 58 novos depósitos por un importe de 1,5 millóns de euros. Grazas a isto, Galicia conta a día de hoxe con 5.481 puntos de auga operativos, dos cales 754 son aptos para os medios aéreos (helicópteros).

Ademais, para este ano, está prevista a construción doutros 49 puntos por un importe de algo máis de 700.000 euros.

En canto ás devasas, Galicia conta con aproximadamente unhas 10.500 hectáreas, que teñen que ser repasadas co fin de eliminar a capa vexetal.

En 2017, aprobouse un investimento de 3,4 millóns de euros para actuar sobre máis de 600 quiló-

Outras medidas Para unha correcta concienciación a Xunta está a realizar charlas e actividades divulgativas que este ano pretenden chegar a 17.000 alumnos.

O pasado 5 de xullo, foi aprobado inicialmente e publicado no DOG o Plan Forestal de Galicia e foi remitido aos grupos parlamentarios para recoller suxestións e aportacións.

A Xunta publicou este ano unha orde pola que se convocan subvencións -catro millóns de euros en dous anos- destinadas á elaboración de instrumentos de ordenación ou xestión forestais.

Tamén mellorouse as zonas de pastoreo extensivo, na reestructuración parcelaria, na axilización das cortas de madeira (tramitanse arredor de 200 solicitudes de corta ao día).

Entre o pasado ano e o presente destináronse preto de 8,5 millóns de euros para a creación de novos puntos de auga e a mellora de pistas e devasas.

Estado no que quedou un monte ourensán tralos lumes do outono pasado. /ARQUIVO.

Barrios 23 de agosto 2018

EN BREVE 4Escaleira mecánicas para a Cruz Alta DO levará ao pleno de setembro unha nova moción para reclamar a instalación dunhas escaleiras mecánicas no barrio da Cruz Alta-Milagrosa, tal e como acordaron co PP en 2015.

Dende o partido de Gonzalo Jácome explican que os populares negociaron daquela con DO o seu apoio para unha modificación de crédito a cambio de poñer en marcha estas escaleiras.

“Nós cumplimos e eles non”, sentencian.

4ARRUs O Concello resolveu oprograma de subvencións para a reforma e rehabilitación dun total de 96 vivendas nas catro ARRUs por valor de 1.022.366 euros, dos que 433.219,42 euros serán subvencionados polo Ministerio de Fomento e a Xunta de Galicia a través deste programa que desenvolve o Servizo de Rehabilitación do Concello.

CIDADE

Ourense aforrará 800.000 euros ao ano en luz 4 Pasará dos 3,5 millóns de euros aos 2,6.

Redacción O alcalde de Ourense, Jesús Vázquez, anunciou que o Concello aforrará sobre “800.000 euros anuais no contrato da luz do Concello” e que esa cantidade será destinada a áreas como Asuntos Sociais e a inversións que creen emprego. “Permitirá impulsar os programas de atención social, a creación de emprego ou proxectos que teñan por obxectivo mellorar a situación dos ourensáns que afrontan maiores dificultades no seu día a día”, afirmaba o rexedor.

Así o dixo despois de informar de que a Xunta de Goberno Local aprobou o novo contrato de subministración eléctrica do Concello, que supón “unha significativa redución dos gastos”.

Na actualidade, o Concello viña pagando máis

de 3,5 millóns de euros anuais pola subministración eléctrica. O novo contrato reduce esa cifra a 2.960.621,72 euros anuais.

Novo contrato O novo contrato eléctrico realizouse en catro lotes, segundo a potencia a cubrir polas compañías eléctricas. O primeiro é adxudicado a Watio Wholesale S.L. por un importe total de 1.029.510,29 euros (impostos engadidos), e os outros tres lotes son para Aura Energía, S.L., por importes de 451.458,45 euros (o lote 2), 638.993,59 euros (o lote 3) e 570.659,36 (o lote 4).

DO Democracia Ourensana, ademais de felicitarse por este aforro censura a actitude do alcalde. Desde o grupo da oposición

4Centro Histórico Ourense en Común pedirá no próximo pleno a dotación dunha partida específica para retirar os apeos e apuntalados de fachadas que “invaden desde hai máis dunha década o espazo público do centro histórico”.

O seu voceiro alertaba na última comisión de urbanismo de que algúns andamios metálicos instalados de forma provisional para sustentar unha fachada en ruína “están cedendo”.

Farolas da Praza Maior./DANIELA REJO.

aseguran que o rexedor apropiouse dunha idea de DO. “En concreto foi o 3 de novembro de 2017, fai 10 meses, cuando se aprobou esta moción de DO” dicía a súa nota de prensa. Incluso critican que se se van a aforrar preto dun millón de euros cada ano, o goberno local perdeu en tres anos tres millóns por non habelo sacado a concurso. “Perdemos millóns pola procrastinación do alcalde”, remataba a nota.

O novo contrato eléctrico realizouse en catro lotes, segundo a potencia a cubrir polas compañías eléctricas

Presentación das actuacións que se realizarán no inicio do Ecobarrio da Ponte.

3.000 puntos de luz renovaranse para o Ecobarrio da Ponte 4 Ademais de actuacións na Chavasqueira e en 15 pasos de peóns.

Redacción O Ecobarrio da Ponte arrancará coa renovación de 3.000 puntos de luz a tecnoloxía LED, iluminación da Chavasqueira e mellor visibilidade en 15 pasos de peóns. O investimento de 1,2 millóns de euros, para estas primeiras actuacións, reportará ao barrio melloras enerxéticas, económicas e ambientais, reducindo en 216.000 euros o custe; ademais evitará a emisión á atmósfera de 240 toneladas de CO2 ao ano.

O alcalde e Ourense, Jesús Vázquez, o director xeral de Enerxía e Minas da Xunta de Galicia, Ángel Bernardo Tahoces; a delegada territorial da Xunta en Ourense, Marisol Díaz, e representantes de EnergyLAB, visitaron

a contorna da Chavasqueira para anunciar estas intervencións coas que arrancará o proxecto. Será cun investimento inicial de 1,2 millóns de euros, que inclúe basicamente tres elementos: cambio tecnolóxico (renovación de máis de 3.000 puntos de luz a tecnoloxía LED do barrio); actuación singular de iluminación arquitectónica na contorna das Termas da Chavasqueira, onde en determinados ambitos haberá un sistema hibridal, dotando de paneis solares a luminarias que se alimentan da rede eléctrica, cun sistema de acumulación que permitirá que o 30% da enerxía que utilicen sexa solar; e mellora da visibilidade de 15 pasos de peóns do barrio, os máis conflitivos, para reforzar a seguridade viaria.

especial VERÁN

Barrios 23 de agosto 2018

Campaña contra o furtivismo nas praias galegas 4 “Non sexas pirata!” percorreu o litoral.

Redacción Durante todo o ano -pero con máis insistencia en verán- a loita contra o furtivismo é un dos cabalos de batalla da Xunta de Galicia na que consideran chave a implicación da sociedade e o traballo conxunto entre as administracións e o sector. Ademais, estas accións, furtivas e de fraude, poñen en perigo a saúde do consumidor e supón un prexuízo económico para os mariscadores profesionais.

No verán, as praias das costas galegas énchense de turistas procedentes de diferentes enclaves.

En ocasións, prodúcense

desagradables situacións pola extracción ilegal do recurso do que viven moitos traballadores que contan co seu correspondente permiso de explotación, e que pagan os seus impostos correspondentes. De feito, en anos anteriores téñense producido situacións de tensión entre as propias mariscadoras e os turistas.

Por iso, para loitar contra este problema do furtivismo precísase unha maior

concienciación, especialmente nas zonas costeiras nas que conviven areais turísticos con polígonos de marisqueo aos que son fáciles de chegar.

Non sexas pirata!

Debido a esta necesidade xurdiu a iniciativa que leva por lema “Non sexas pirata! Á praia vense a gozar, non saquear”. A campaña percorreu as praias máis turísticas de Galicia, chegando a un total de 35

Precísase unha maior concienciación, especialmente nas zonas costeiras nas que conviven areais turísticos con polígonos de marisqueo

areais (50 accións) de 21 concellos costeiros. Entre as praias que tiveron a visita desta campaña estiveron as do Vao (Vigo), Ribeira (Baiona) ou Montalvo (Sanxenxo), moi visitadas por turistas ourensáns.

Xa en abril deste ano, a Conselleira do Mar mantivo unha reunión coa Organización de Produtores Pesqueiros OPP-20 Illa de Arousa na que se abordou o problema e se estableceron vías de coordinación.

Foi nesta xuntanza na que se puxo enriba da mesa a importancia de desenvolver iniciativas para concienciar aos turistas da ilegalidade que supón a extracción de marisco nas Arriba dous volutarios e abaixo detalle dos agasallos para os veraneantes que se achegaban á carpa de “Non sexas pirata! Á praia vense a gozar, non saquear”. praias sen permiso de explotación.

Para dar visibilidade á problemática do “furtivismo de bañador”, a Consellería do Mar enviou a principios de verán unha misiva a todas as confrarías de Galicia para informarlles da posta en marcha desta campaña para concienciar á poboación da importancia que ten a actividade marisqueira na nosa comunidade e a problemática que supón este tipo de furtivismo.

O obxectivo foi facerlles ver aos veraneantes que os moluscos son un tesouro, do cal viven traballadores que contan co seu correspondente permiso de explotación.

Fíxose unha dinámica de xogo educativo que lles amosou todo o traballo que hai detrás do marisqueo e para facer saber que o marisco que está na praia ten dono.

O posto de “Non sexas pirata! Á praia vense a gozar, non saquear” nunha praia galega.

Outra iniciativa foi a de crear a APP móbil Non piques, non peques, con máis de 10.000 descargas Outras iniciativas Dentro do labor de loita contra este tipo de prácticas, a Xunta ten desenvolvido diferentes medidas de concienciación. Entre elas está a posta en marcha da APP móbil Non piques, non peques, con máis de 10.000 descargas na actualidade (tanto para app store, como windows e google play); e o reparto de 5.000 paipais nas praias, co obxectivo de concienciar aos turistas da ilegalidade de extraer de marisco sen permiso de explotación; ademais doutras campañas de sensibilización.

A campaña pasou polo Vao (Vigo), Ribeira (Baiona) ou Montalvo (Sanxenxo), praias moi visitadas por turistas ourensáns

Barrios 23 de agosto 2018

EN BREVE 4 OUeC Ourense en Común pide reforzar o transporte público ás zonas de baño. Ás instalacións de Oira só chega polas mañás unha liña de autobuses.

A piscina do Pavillón é inaccesible en transporte público e chegar ao complexo deportivo de Monterrei en transporte público pode supoñer “unha verdadeira odisea”.

4Entroido de Verán Xa está aberto o prazo para inscribirse no Entroido de Verán 2018 de Ourense, que terá lugar o vindeiro 15 de setembro.

Terán de prazo até o 11 de setembro ás 13:00 horas para inscribirse. Así, na categoría de premios individuais o primeiro premio estará dotado con 200 euros; o segundo, con 150 euros e o terceiro con 100 euros. Tamén haberá cinco áccesits de 50 euros.

Para as parellas os premios serán de 200 euros para os gañadores; 150 euros para os que queden de segundos e 100 euros para os terceiros.

Na categoría de grupos os premios serán de 350 euros, 250 euros e 150 euros. A contía do premio para a mellor foto colgada no Facebook será de 75 euros.

4 Rúa Páxaro Os veciños da Rúa do Páxaro, no casco vello da cidade, queixanse pola gran cantidade de actos vandálicos e delictivos que sofren sistemáticamente en dita rúa, sen que as autoridades tomen as medidas necesarias para acabar con esa situación.

CIDADE

Concello entrega á Xunta o proxecto do novo skatepark

4 Estará ubicado fronte ao novo Centro de Saúde do Couto.

Redacción O Concello de Ourense entregou á Xunta de Galicia o seu proxecto para un novo skatepark. A Xunta será a encargada de licitar e adxudicar as obras. Trátase dunha nova instalación para a práctica de deportes de skate, patíns en liña, scooter e BMX, que ocupará unha superficie de 800 metros cadrados no parque urbano entre a avenida da Ribeira Sacra e a rúa Bispo Lourenzo, fronte ao Centro de Saúde do Couto.

As obras contarán cun orzamento próximo aos 150.000 euros e correrán a cargo da Axencia Galega de Infraestruturas, logo de que o Concello acadase que o seu proxecto se incorporase á segunda fase do proxecto co que a Xunta está a recuperar a contorna da Ponte Romana (na súa primeira fase impulsouse a recuperación e a nova iluminación do emblemático monumento).

A pista que se construirá para substituír ás actuais instalacións no exterior do Pavillón de Os Remedios é unha iniciativa impulsada polo Consello Municipal de Deportes para dotar Ourense dunhas novas instalacións para a práctica de deportes urbanos que conten coas máximas garantías para a seguridade dos usuarios. As actuais ins-

OUeC cuestiona o compromiso do Concello co Ateneo 4 A entidade continúa nunha sede provisional.

Redacción

O alcalde, Jesús Vázquez, entregando o proxecto do novo skatepark á delegada da Xunta, Marisol Díaz, xunto co conselleiro de Deportes, Mario Guede. talacións para a práctica do skate, patíns en liña, scooter e BMX, no exterior do Pavillón de Os Remedios seguirán en funcionamento até a finalización das obras da nova pista.

Colaboración O alcalde, Jesús Vázquez, nun acto que contou coa presenza da delegada territorial da Xunta, Marisol Díaz Mouteira, e do concelleiro de Deportes, Mario Guede, reivindicou a colaboración de todos os clubs da cidade que practican estas disciplinas deportivas á hora de dar forma ao novo skatepark. “Os seus consellos foron fundamentais á hora de decantarnos por este proxecto”, que foi redactado polo arquitecto Daniel Yabarco, explicou

o rexedor. Ademais, salientou as boas relaccións entre Concello e Xunta para a realización deste proxecto.

Pola súa banda, a delegada territorial da Xunta explicou que os vindeiros pasos do proxecto consistirán na súa remisión a Axencia Galega de Infraestruturas para “a posta en marcha do proxecto de licitación e de adxudicación das obras”, que terá lugar “nos vindeiros meses”.

O novo skatepark contará cunha superficie de 800 m2 fronte ao Centro de Saúde do Couto

A formación Ourense en Común cuestiona o compromiso do Concello de Ourense, e máis concretamente do seu alcalde -Jesús Vázquez- co Ateneo. O ente cultural continúa cunha sede provisional (no Centro Cultural Marcos Valcárcel) á espera da mediación do Concello de Ourense coa Xunta de Galicia para cederlle un espazo.

Por iso, OueC rexistrou unha pregunta dirixida ao alcalde coa finalidade de coñecer o estado das negociacións coa Xunta de Galicia para ceder o espazo da actual Biblioteca Nodal a colectivos culturais da cidade, entre eles o Ateneo.

Enmenda Unha enmenda

de

Ourense en Común a unha moción do PSOE, aprobada por toda a oposición no pleno celebrado en febreiro de 2017, obrigaba ao equipo de goberno do Partido Popular en Ourense a: “trasladar á Xunta de Galicia o compromiso desta Corporación Municipal para a futura cesión gratuíta das instalacións do actual edificio da Biblioteca Pública de Ourense na rúa Concello nº 11 (que quedarán baleiras despois do seu traslado ao Complexo de San Francisco) co fin de garantir o seu uso social como hotel de asociacións e espazo de creación cultural, albergando entidades culturais referentes da cidade como o Ateneo de Ourense e o Cineclube, así como aqueles outros colectivos comprometidos co desenvolvemento cultural dentro do municipio”.

O Centro Cultural da Deputación acolle temporalmente ao Ateneo.// M. REJO.

PUBLICIDADE

Barrios 23 de agosto 2018

10

Barrios 23 de agosto 2018

CIDADE

Ourense acollerá a asemblea xeral da Asociación de Cidades Termais de Europa

O Ourense+ chega ao seu ecuador

4 Celebrarase do 3 ao 5 de outubro coa asistencia de 40 delegados de toda Europa.

Redacción

Redacción No Comité Executivo da Asociación Europea de Cidades Termais Históricas (EHTTA, polas súas siglas en inglés) que vén de realizarse en Alemaña, informouse de que a programación da Asemblea que terá lugar na nosa cidade incluirá un seminario –o Café de Europa– no que se abordará o rol das vilas termais como axentes de sustentabilidade ambiental.

Este evento tamén servirá para poñer o foco sobre os aproveitamentos enerxéticos vinculados aos recursos termais mineromedicinais.

O seminario, aberto ao público, desenvolverase o día 3 de outubro de xeito previo a Asemblea e abordará proxectos como o Geoatlantic, iniciativa comunitaria financiada con fondos FEDER na que Ourense actúa como socio líder.

4 Maís de 50 participantes traballan nos seus futuros negocios.

Máis de 50 persoas están a participar no proxecto Ourense+, para promover a cultura emprendedora verde entre a nosa sociedade, que acaba de superar o ecuador das actividades programadas. Na actualidade os beneficiarios están a traballar na definición, valoración e posta en marcha dos seus proxectos empresariais de futuro.

Trátase de ideas emprendedoras vinculadas ao respecto e conservación do medio ambiente que se complementan con actuacións de peso social

O novo centro interxeracional estará listo para este curso 4 A escola ten capacidade para 82 nenos.

Redacción O novo centro interxeracional entrará en servizo, como estaba previsto, para este curso 2018/2019.

Xestionado polo Consorcio Galego de Servizos de Igualdade e Benestar, en colaboración co Concello de Ourense, estase a desenvolver todo o proceso necesario para que o novo equipamento estea plenamente en funcionamento no novo curso, tanto no relativo a atención a cativos como no relativo ao centro de día. Na súa páxina web xa se pode consultar a lista de admitidos e lista de agarda para a escola infantil (identificada como Ourense-Ramón Abellás).

A escola abrirá as portas no mes de setembro co resto de escolas da rede Galiña Azul de nova aper-

tura. A día de hoxe están matriculados 51 nenas e nenos, e o prazo de solicitude mantense aberto ate o 31 de agosto. A escola ten unha capacidade de 82 prazas.

Centro de Día En canto ao Centro de Día, nas próximas semanas licitarase o contrato de xestión, para que poida

entrar en funcionamento antes de que remate o presente ano 2018.

Desde o Concello aseguran que prestan ao Consorcio toda a colaboración precisa para que a cidade incorpore un equipamento destas características, que vai proporcionar un extraordinario servizo a persoas maiores e ás familias.

Visita institucional ao centro interxeracional.

e de compromiso co desenvolvemento económico da cidade.

Durante o curso, os

participantes aprenden a valorizar se os seus proxectos son rendibles ou non, como se debe crear o plan de negocio e ademais como se debe vender un produto ou servizos nas redes sociais, en comercio electrónico, pero tamén no mercado físico.

O proxecto ten unha duración total de 12 meses.

Ourense+ xa prepara novas accións en setembro para as que xa está aberto o prazo de inscrición.

Todas as iniciativas do proxecto son gratuítas para os usuarios ao ser cofinanciadas polo Concello e o Fondo Social Europeo a través da Fundación Bio-

Ourense+ xa prepara novas accións en setembro para as que xa está aberto o prazo de inscrición

O concelleiro de Promoción Económica, Jorge Pumar, con alumnos de Ourense +.

PUBLICIDADE

Barrios 23 de agosto 2018

11

12

Barrios 23 de agosto 2018

BARBADÁS

EN BREVE

O Concello aposta polo rural

4 Teatro O xoves, 23 de agosto no parque dos Patos, actuación de Baobab Teatro a partir das 21 horas.

Baobaba traerá o espectáculo “Baila Roque, baila!” unha obra de teatro e contos dinámica, divertida e participativa.

4 Destinará 154.132,95 euros a melloras en varios pobos do municipio.

Redacción

4Linguareteando Xa está aberta a inscrición para a terceira edición de Linguareteando (concurso de monólogos de Barbadás). Pódese enviar o teu vídeo (a linguareteando@barbadas. gal) antes do 10 de outubro e poderase gañar premios por valor de 100 a 1.000 euros.

Haberá actuacións en directo dos concursantes os días 26 de outubro e 9 e 16 de novembro, e unha gala final o 30 de novembro.

Máis información en linguareteandobarbadas. com.

4Taller de restauración Aínda está aberto o taller de restauración de obxectos antigos posto en marcha pola concellaría de Promoción Económica e Turismo para os meses de xullo e agosto. Nel apréndese a restaurar obxectos de todo tipo.

O obradoiro dase todos os martes e xoves no local social de Loiro en horario de 20 a 22 horas.

Non fai falta inscrición, e a entrada e libre e sen custe algún.

4Concurso de pinchos A Concellaría de Comercio do Concello de Barbadás pon en marcha o III Concurso de pinchos “Barbadás a Bocados”, que se celebrará os días 13, 14 e 15 de setembro.

4Cantos de taberna Ata o 31 de agosto está aberta a inscrición para participar no I encontro de cantos de taberna de Barbadás. Anotarse en cet@barbadas.es ou no teléfono: 988360413.

Presentación da I Romaría Feminista que terá lugar a finais de setembro no Concello de Barbadás.

Barbadás organiza unha romaría feminista a prol da igualdade 4 Será o 29 de setembro.

Redacción O Concello de Barbadás converterase o día 29 de setembro, sábado, na capital da igualdade coa celebración da I Romaría Feminista, que se desenvolverá baixo o lema “Logo do 8M, camiñamos”. Esta primeira edición pretende reflexionar, dende diferentes ámbitos e puntos de vista, sobre o “futuro a abordar para ir conquistando maiores niveis de igualdade”, segundo dixo na presentación, Ánxela González Cid, concelleira de Cultura, Mocidade e Igualdade de Barbadás. Na súa comparecencia, estivo acompañada por representantes de colectivos feministas que tomarán parte na xornada, como o grupo Xestreu, a Marcha Mundial das Mulleres, a concelleira de Igualdade de Benestar Social de Allariz, Maribel Poisa e outros colectivos de mulleres pertencentes á distintas parroquias do concello de Barbadás.

A concelleira nacionalista de Barbadás xus-

tificou a posta en marcha da iniciativa “a partir das experiencias vividas ó longo deste último ano, no que se produciron no mundo importantes mobilizacións feministas, que marcan un camiño a percorrer na procura da igualdade real”.

Con esa base, engadiu, nesta xornada “contaremos con representantes dos movementos feministas, profesionais da comunicación, da xustiza, expertas en violencia e concelleiras de diferentes organizacións políticas”.

Apuntou a concelleira de Igualdade de Barbadás que “a xornada, porén, terá tamén un marcado ambiente festivo, pois quixemos que fose unha romaría, con música, poesía, teatro, gastronomía, e moitas máis cousas porque cremos que estas tamén son formas de reivindicar o papel das mulleres na sociedade e porque estas tamén son formas de debater e pensar”, subliñou.

Programa O programa de actividades dará comezo ás 11 da

mañá e durará todo o día, culminando pola noite cos concertos musicais, que pecharán a xornada, e que estarán a cargo de Sés, Xestreu, De Vacas, e The Tetas Van. As mesas de debate que terán lugar ao longo do día versarán sobre diferentes temáticas: o futuro do movemento feminista, o papel das mulleres comunicadoras e nos medios de comunicación como impulsoras do cambio de paradigma machista, como mellorar a abordaxe das violencias que sofren as mulleres e finalmente unha posta en común das políticas de igualdade levadas a cabo en concellos gobernados por diferentes organizacións políticas.

A xornada contará con con música, poesía, teatro e gastronomía, entre outras actividades

O Concello de Barbadás investirá 154.132,95 euros en varios pobos do municipio destinado a obras de mellora en viais, parques, seguridade viaria e na reforma dunha corredoira. Sobrado, Piñor, Santa Uxía, Finca Fierro, A Cal e Barbadás pobo son os lugares aos que irán destinados os fondos aprobados polo pleno do mes de maio de 2018. Todas as actuacións son xestionadas pola Concellería de Urbanismo, Obras e Servizos Públicos.

Actuacións En Barbadás rehabilitarase a canella do Regueiro ao Rosario para darlle utilidade a un camiño que na actualidade está intransitable. O custe da actuación ascende a 28.067,77 euros. As obras consistirán na pavimentación do camiño con granito do país, reforma dos muros laterais, limpeza e acondicionamento da mina e instalación de novas canalizacións.

Outros dos proxectos é a pavimentación da rúa Tangaraño e afirmado da praza do pobo da Cal; o custo do proxecto de pavimentación ascende a 36.500 euros.

En Sobrado repararase o muro de contención do Parque Fidalguiño cun custe de 17.739,08 euros.

A modificación de crédito procedente de fondos do remanente de tesoureiría tamén servirá para acometer o proxecto de balizamento da pista de Barxa, en Piñor, nunha curva perigosa que se atopa nunha situación de seguridade moi delicada.

As obras terán un custe de 6.750 euros.

En Santa Uxía (12.335,33 euros de orzamento) preténdese habilitar unha zona de xogos infantil debido a que na actualidade os nenos non dispoñen de elementos para disfrutar dun xeito lúdico desta zona de esparcemento no entorno do lavadeiro. Instalaranse elementos biosaudables, colocarase unha valla perimetral para a zona de xogo infantil e baldosas de caucho e de elementos lúdicos.

E para rematar, en Piñor procederase á demolición de varias vivendas adosadas na rúa do Pito. Son vivendas cedidas, hai anos, por parte dos veciños ao Concello. O deterioro da estrutura das mesmas obriga a unha actuación de urxencia por motivos de seguridade viaria. 52.740,77 euros será o gasto nestas demolicións.

O Concello de Barbadás demolerá varias vivendas na rúa do Pito en Piñor.

ALLARIZ E COMARCA

Barrios 23 de agosto 2018

Un camión recolector de residuos para Allariz 4 A Deputación pono temporalmente a disposición do concello alaricano.

Presentación do convenio entre Concello e Espazo benComún.

Axudas para emprendedores 4 Grazas á colaboración entre Concello e Espazo Bencomún.

Redacción Concello de Allariz e Espazo Bencomún firmaron un convenio de colaboración para proporcionar un servizo a persoas traballadoras independentes, autónomas e/ou microempresas que requiran dun espazo para desenvolver a súa actividade empresarial.

Con convocatoria regúlase o Programa de axudas do Concello de Allariz para o uso dun posto de traballo no espazo de traballo compartido BenComún Coworking, co obxecto de favorecer o nacemento, arranque e consolidación de novas empresas, a xeración e emprego e autoemprego, e a dinamización económica do concello.

En palabras da alcaldesa, Cristina Cid, búscase que Allariz “non sexa un hándicap” para traballar.

O servizo de coworking conta con diferentes modalidades e as persoas

usuarias poderán facer uso dos diferentes servizos dos que dispoñen na actualidade.

Axuda O Concello aporta un importe global máximo de 6.000 euros do Programa de axudas para uso dun espazo de traballo compartido, o que pode supoñer o 40% do gasto o primeiro ano. Isto, sumado á axuda de Espazo Bencomún poderá chegar ao 90% do custe do servizo de coworking durante eses primeiros 12 meses. Serán beneficiarias finais as persoas que sexan traballadoras independentes, autónomas ou microempresas, é dicir, calquera que sexa a súa forma xurídica-societaria.

Poden chegar ao 90% do custe do servizo de coworking

Crearanse rutas BTT na Reserva da Biosfera 4 Na área de Allariz.

Redacción Na área de Allariz da Reserva da Biosfera crearanse seis rutas BTT. Allariz e Vilar de Santos,

xunto cos concellos de A Bola e Rairiz de Veiga, que conforman a Reserva da Biosfera Área de Allariz, crean un centro e novas rutas para bicicletas

Redacción O presidente da Deputación de Ourense, Manuel Baltar, e a alcaldesa de Allariz, María Cristina Cid, asinaron un convenio de colaboración entre ambas institucións polo cal a institución provincial cédelle o uso dun camión recolector de residuos ao municipio de Allariz para que poida seguir prestando este servizo aos seus veciños.

A través deste convenio, a Deputación de Ourense cede temporalmente o uso deste vehículo ao Concello de Allariz, en tanto non poidan prestar o servizo de recollida de residuos con medios propios, dado que o vehículo que viña realizando estas

funcións anteriormente sufriu un sinistro con importantes danos materiais, polo que o municipio de Allariz, solicitou a colaboración da Deputación de Ourense para poder seguir prestando este servizo aos seus veciños, ata que se repare o vehículo sinistrado ou se adquira un novo vehículo recolector de residuos.

“A Deputación de Ourense está para cooperar cos concellos da nosa provincia e, nesta ocasión, tendo en conta a situación do municipio de Allariz e atendendo a súa petición, o goberno provincial colaborará con el para garantir a prestación deste servizo do cal os veciños alaricanos son os principais beneficiados”, explicou Baltar.

Convenio Durante a vixencia deste convenio, o vehículo será operado por persoal municipal de Allariz, mentres que a Deputación de Ourense comprométese a seguir asumindo os custes do imposto de vehículos de tracción mecánica e seguro obrigatorio, así como da xestión da I.T.V.

A Deputación cede temporalmente o uso deste vehículo ata que se repare o sinistrado ou se adquira un novo

13

EN BREVE 4 Encontro cesteiro Santa Mariña de Augas Santas acolle o IX Encontro de Cesteiros que dará comezo o sábado 25, ás 19:30h, co roteiro arqueolóxico “A Cibdá de Armea”.

O programa continúa o domingo 26 con varios obradoiros de cestería así como tamén haberá postos de exposición e venda en horario de 11 a 14h e de 17 a 20 horas. Ás 14 horas celebrarase un xantar degustación carne de boi.

4Roteiros Cada xoves pola noite, ata o 6 de setembro, Allariz celebra os roteiros teatralizados para coñecer a historia e os personaxes de Allariz dende a Idade Media ate mediados do século XX. O percorrido iníciase no alto do Portelo.

4Mercado Os días 25 e 26 de agosto o paseo da Alameda acolle a unha ducia de comerciantes que ofrecerán moda, complementos, decoración e artesanía, entre outros. Ademais este evento incorporará actividades infantís e sorteos de varios produtos no que poderán participar as persoas que se acheguen ao mercado que estará aberto, de 10 a 21 horas.

4FIXA

Cristina Cid e Manuel Baltar asinando o convenio polo que a Deputación cede, temporalmente, un camión recolector de residuos ao Concello de Allariz.

todo terreo (BTT).

Vilar de Santos.

Orzamento Esta actuación, que conta cun orzamento de 49.000 euros e unha subvención do 65% da Xunta de Galicia, inclúe o acondicionamento de dous puntos de acollida con servizos para os deportistas e de información sobre as rutas situados nas instalacións do cámping Os Invernadeiros de Allariz e xunto ao centro social de

Percorrido Serán 100 quilómetros de percorrido, de diferen-

Reserva da Biosfera.

te lonxitude e grao de dificultade, serán acondicionados e sinalizados formando un total de seis itinerarios circulares.

O Festival de Xardíns de Allariz bate o récord de visitas no que vai de verán. Suma máis de 14.000 euros de ingresos en entradas ata xullo.

Ata o día 30 de novembro permanecerá aberto o prazo para presentar os deseños da vindeira edición baixo o título de “Xardíns de Cine”.

4Festival de curtas Allariz acollerá a primeira edición do Festival RIR (International Comedy Short-film Festival) no que se proxectarán unha selección de curtametraxes de humor, xunto a outras actividades. O evento terá lugar do 5 ao 9 de setembro.

14

Barrios 23 de agosto 2018

XINZO E COMARCA

O Pombal estrea unha tirolina 4 O Concello de Xinzo invistiu máis de 21.000 euros en aparatos de xogos.

Redacción O Concello de Xinzo de Limia (a través da Concellaría de Medio Ambiente) investiu, neste verán, máis de 21.000 euros en 17 novos aparatos de xogos. O daquela tenente de alcalde Manuel Cabas, e agora rexedor, xa anunciara en pleno a intención de darlle “unha volta” a todos os parques infantís, para retirar aqueles aparellos que estiveran xa moi utilizados por outros novos.

Desde o mes de xullo, os rapaces xa poden gozar da tirolina, que conta cunha lonxitude superior aos 10 metros. Ademais, súmanse

dous resortes balancíns no parque do Pombal e outros tantos no da Devesa, así como un novo tobogán no parque Galicia. Noutras zonas de xogo instaláronse balancíns e resortes.

Adultos Outra das novidades é a instalación na alameda do Toural dun parque para adultos, que é unha das solicitudes por parte de moitas persoas que queren facer exercicio ao aire libre.

Conta cunha calistenia, unha barra triple francesa e un banco de abdominales e outro de lumbares.

Cancha de fútbol A cancha de fútbol da praza Carlos Casares xa está en funcionamento.

Desde o Concello lanzaron unha serie de conse-

A tirolina, de maís de 10 metros, instalada no Pombal.

llos para o seu uso. Así, poderá accederse á zona será de 10 a 23 horas, tendo prioridade os menores de 15 anos.

Non se poderá xogar co balón fóra da cancha e non se utilizará cando haxa algún evento ou actividade na praza.

Na alameda do Toural instalouse unha zona de exercicios para adultos

Carabuñas recibe o premio Agader 4 Na categoría de sector agrogandeiro.

Redacción Agosto trouxo unha boa nova para o grupo Carabuñas, ubicado en Vilar de Santos. Eva e Nelson, propietarios da empresa, acolleron con ledicia a nova de que a Carabuñas lle deron o premio Agader (ás iniciativas de Desenvolvemento rural) na categoria de sector agrogandeiro.

Unha recoñecemento que lle dá pulos a unha iniciativa que arrancou en 2015 ao poñer a primeira liña de produtos alimentarios de sabugueiro de España, na que se poden atopar xelea de flor desta árbore, así como mermeladas,

licor e cervexas de sabugueiro.

Tanto para Nelson como para Eva este premio ten a súa importancia ao “poñer en valor un recurso local desaproveitado”.

Eva e Nelson.

XINZO E COMARCA

Xinzo Adiante critica as obras de rúa da Igrexa 4 Tíldaas de “chapuza”.

Redacción A formación política Xinzo Adiante critica as obras de rúa da Igrexa e tíldaas de “chapuza”.

Os pivotes -que servían para que non se aparcara na rúa- foron sustituídos por uns bloques de granito a modo de banco.

A denuncia está en que

Rúa da Igrexa.

estes bloques “convertéronse nunha barreira arquitectónica”, xa que “o espazo que hai entre estes bloques e a parede dos edificios dificulta que as persoas en cadeira de rodas ou os carros de bebé poidan transitar comodamente” e obríganos a facelo “pola calzada por onde circulan os coches”.

Para Xinzo Adiante a vila cada vez está peor.

Quéixanse que as beirarrúas “están destrozadas” e a vila está “cada vez máis sucia”. Ademais aseguran que “a recuperación económica non chega”, polo que “a xente moza ten que emigrar” porque “aquí non atopa traballo”, remataban.

O PSOE alerta do mal estado das pontes

4 As que atravesan o río Limia ao paso polo municipio.

Redacción O PSOE de Xinzo denuncia o “calamitoso e perigoso” estado das pontes que atravesan o río Limia ao paso polo municipio, nas que faltan varandas de ferro.

Elvira Lama, voceira socialista, salienta que “son zonas de paso que obrigatoriamente deben contar con mantemento e reparación para evitar males maiores con resultado desgraciado”. “É incomprensible que non dispoñan de elementos de seguridade básicos”, salienta.

Os socialistas denuncian o “desleixo e aban-

dono xeral” de todo o municipio e dubidan que o novo “alcalde autoproclamado, que non mira á xente de fronte, sexa capaz de ver tanta desfeita”.

Barrios 23 de agosto 2018

Lama prosigue na súa denuncia: “unha desas pontes está á beira do Camiño de Santiago, que discorre en paralelo o río Limia, xusto antes de entrar na vila, unha zona coñecida como o Mato de Baronzás, e nese paso concreto falta a varanda dun dos laterais polo que, desde hai tempo, ten colocada unha sinxela cinta que durante a noite apenas se aprecia e que non é elemento de protección e seguridade” relata.

15

EN BREVE 4 Sandiás O grupo de goberno e oposión de Sandiás non lograron acadar un acordo para invertir os 90.000 euros de remanente de tesourería do Concello. O alcalde quería utilizalos para cambiar a unha iluminación de baixo custe en Vilariño, Cerredelo, Novaíño, Piñeira e Sandiás. Pola súa banda, a oposición votou en contra da iniciativa para invertir os cartos nun centro de día.

4Rairiz de Veiga

Ponte xunto ao Camiño de Santiago sen unha das varandas.

A conselleira de Medio Ambiente e Ordenación do Territorio, Beatriz Mato, e a alcaldesa de Rairiz de Veiga, Josefa Morgade, asinaron un convenio de colaboración polo que Augas de Galicia destina 65.000 euros para os traballos de renovación de rede de abastecemento e saneamento na Penteira e en Santa Baia.

16

Barrios 23 de agosto 2018

EN BREVE 4 Obradoiro O conselleiro de Economía, Emprego e Industria, Francisco Conde, participou na clausura de Novicrea 4.0, celebrado en Celanova, Bande e Verea.

Un total de 20 alumnos recibiron formación, durante 9 meses, en temas vencellados coas novas tecnoloxías da información, con proxectos nos que, por exemplo, desenvolveron APPs, ou campañas de promoción turística destes concellos.

4Premios Rebulir O xurado dos Premios Rebulir da Cultura Galega, na súa edición 2018, decidiu por unanimidade premiar a Guadi Galego, na categoría de música galega; a Carlos Blanco, na de artes escénicas; e a Romaría Raigame, na de premio homenaxe.

A entrega dos galardóns terá lugar o 22 de decembro de 2018, no marco da Gala Central do Festival Internacional Rebulir, que terá lugar no complexo polideportivo do Picouto, no Concello de Ramirás.

O xurado quixo deixar constancia no acta o seu pesar polo falecemento de D. Lois Antón Pérez, quen recibiu esta homenaxe na derradeira edición, o ano 2017.

4 Exposición Do 17 de agosto ao 29 de setembro a sede da Fundación Curros Enríquez en Celanova acollerá unha mostra de pinturas do artista de Quintela de Leirado Xulio Fontes “Mar e Terra”. Poderase visitar de martes a venres de 10:30 a 14 e de 16 a 19.

A exposición consta dun total de 26 obras, 14 delas son cadros e 12 son pezas escultóricas.

CELANOVA E COMARCA

Baltar e Ferro abordan futuros proxectos culturais 4 Na reunión tamén se plantexou un plan de novos usos para o Mosteiro de San Salvador.

Redacción Este pasado 22 de agosto o presidente da Deputación de Ourense, Manuel Baltar recibiu no Pazo Provincial ao alcalde de Celanova, José Luís Ferro, con quen abordou futuros proxectos de colaboración entre ambas administracións a medio

e longo prazo en materia de cultura.

Trala xuntanza, Baltar explicou que entre as propostas de cooperación analizadas destaca a posibilidade de que Celanova albergue o Museo Internacional de Cornamusas que conta cunha das coleccións de gaitas máis importantes do mundo, con ins-

trumentos procedentes de África, Asia, Europa e América Latina e que actualmente está ubicado na Escola Provincial de Gaitas da Deputación de Ourense. Así mesmo, na reunión tamén acordaron desenvolver un ambicioso plan de novos usos do Mosteiro de San Salvador.

O presidente da Deputación e o alcalde de Celanova reuníronse no Pazo Provincial.

Participantes no segundo taller de ilustración.

Taller de ilustración na Casa dos Poetas 4É a segunda edición, impartida por Katharina Ojea.

Redacción A Fundación Curros Enríquez, en colaboración co Concello de Celanova, organizan a segunda edición do taller de ilustración para nenos de entre 12 e 18 anos na Casa dos Poetas. Impartido por Katharina Ojea, veciña de Celanova, será os días 21 a 23 e 28 a 30 de agosto en horario de 10.30 a 13.30 horas.

Este taller de debuxo ten como obxectivo coñecer as diferentes saídas

no mundo da arte, fomentar o desenvolvemento das ideas e coñecer as diferentes técnicas da ilustración.

Traballarase con grafitos e carbón, base para crear os primeiros esbozos. Empregaranse materiais como tintas ou acuarelas para realizar a obra final, comezando cunha pequena explicación teórica e pequenas prácticas.

Para inscribirse deberase contactar coa Fundación Curros Enríquez, no 646026421 ou en fundacion@currosenriquez.es

Éxito do campamento de verán de Celanova 4 Participaron 27 nenos.

Redacción Éxito do campamento de verán da Casa dos Poetas. Organizado pola Fundación Curros Enríquez en colaboración co Concello de Celanova e impartido por Xurxemurxe Xestión Cultural, contou coa asistencia dunha media de 27 nenos.

Coa excusa da pre-

senza dos persoeiros de Celanova polo mundo, os rapaces, de entre 4 e 12 anos, realizaron xogos e actividades que os levaron polos cinco continentes.

Foron días tamén para coñecer o patrimonio da vila participando na visita infantil do mosteiro e subindo á Torre das Campás, pero sobre todo coñeceron a Casa dos Poetas e os escritores da vila.

4 Visitas infantís Todos os venres de agosto ás 11.30 horas os nenos poderán visitar de balde o Mosteiro de San Rosendo, e os xoves poden subir á Torre das Campás. A saída é dende a oficina de turismo do Concello de Celanova.

Cativos participantes no campamento deste verán.

PROVINCIA

Castrelo de Miño será a sede da Copa da Xuventude 2021 de remo 4 A candidatura foi elaborada entre a Federación Española e a Deputación de Ourense.

Redacción O parque náutico de Castrelo de Miño acollerá a primeira competición internacional de remo olímpico que se celebrará en Galicia. Na asamblea ordinaria da “Coupe de la jeunesse de remo”, celebrada o día 28 de xullo en Cork (Irlanda), os países integrantes da mesma votaron, por unanimidade, que Castrelo de Miño sexa a sede da edición de 2021.

A candidatura, presentada pola presidenta da Federación Española de Remo (Asunción Loriente), elaborouse conxuntamente entre esta entidade e a Deputación de Ourense, a través do Instituto Ourensán de Desenvolvemento Económico (INORDE).

A Coupe de la jeunesse é unha competición de remo internacional que se celebra anualmente e coa categoría de Campionato de Europa, entre os atletas máis mozos, masculinos e femininos, con idades comprendidas entre os 16 e os 18 anos, que aínda non se presentaron na selección para o Campiona-

to Mundial de remo júnior por parte das súas federacións nacionais.

Esta será a segunda vez que se celebra en terras españolas (en Bañolas foi a primeira) desde que se creou o campionato aló polo 1985. Nesta cita participan os seguintes

Nace a “Provincia Intelixente” 4 Grazas á colaboración entre Deputación e ABANCA O presidente da Deputación de Ourense, Ma-

Instalación A proba internacional será a data chave para que o parque Náutico conte, para 2021, cunhas mellores instalacións.

Para elo, este mesmo ano investiranse 100.000 euros para mellorar a pista de remo (subvencionada pola Deputación de Ourense). Nos venideros anos todas as administracións colaborarán para realizar as melloras precisas.

Esta será a primeira vez que Castrelo de Miño acolla unha competición internacional de remo olímpico

O presidente da Federación Galega de Remo, José Manuel Seijas; o alcalde de Castrelo de Miño, Xurxo Rodríguez; o presidente da Deputación de Ourense, Manuel Baltar; e a presidenta da Federación Española de Remo, Asunción Loriente, na presentación de la Coupe de la jeunesse 2021.

Abanca e Deputación na firma do convenio.

Redacción

países: Austria, Bélxica, República Checa, Dinamarca, Francia, Gran Bretaña, Hungría, Irlanda, Italia, Polonia, Suíza

e España.

nuel Baltar, asinou co presidente de ABANCA, Juan Carlos Escotet, e co presidente de Afundación,

Miguel Ángel Escotet e tamén co conselleiro delegado de ABANCA, Francisco Botas, os convenios para impulsar este centro de innovación, situado no recinto de Finca Sevilla cunha superficie de máis de 8.000 metros cadrados, que permitirá crear novas oportunidades no ámbito tecnolóxico, económico e social na provincia.

Neste sentido, a empresa VIEWNEXT, do grupo IBM, será a primeira compañía en incorporarse ao centro “Provincia Intelixente” con máis de 200 traballadores, acordo que tamén foi asinado entre Manuel Baltar e o director xeral del VIEWNEXT,

José María Pascual.

A Deputación de Ourense realizará unha achega de 200.000 euros no 2018 e outra do mesmo importe no vindeiro ano, para sufragar a posta en marcha e mantemento do centro de innovación, e comprométese con ABANCA e Afundación a realizar proxectos conxuntos no ámbito das novas tecnoloxías, a través do IESIDE, na formación superior para a innovación e desenvolvemento dixital. Pola súa banda, Afundación será a encargada de renovar e adecuar o inmoble ás finalidades desta iniciativa.

Barrios 23 de agosto 2018

17

Baltar recibe a Iván Olmos 4 O ourensán foi campión de discursos no Mundial de Debate.

Redacción O presidente da Deputación de Ourense, Manuel Baltar, recibiu ao ourensán Iván Olmos, quen vén de proclamarse campión mundial de discursos no Campionato Mundial Universitario de Debate en Español, celebrado en Chile.

Baltar remarcou que entre os recoñecementos logrados por Olmos figuran a medalla de ouro do Concello de Xinzo, no ámbito do debate e da oratoria; a semifinal mundial de debate en 2016 e o segundo posto acadado no Campionato Mundial de Debate en 2017, “éxitos que falan da relevan-

cia da transmisión oral da nosa cultura, que ten en Iván Olmos o un representante de excelencia”.

A importancia desta disciplina do debate e o papel que xoga a provincia de Ourense nesta materia fixo que a Deputación co-organizase este ano o III Torneo Nacional de Debate Universitario “Premio Ourense Termal”, no que se deron cita os mellores oradores de España: 80 debatentes integrados en 40 equipos.

Foi o primeiro evento destas características celebrado en Ourense, e supuxo tamén a primeira vez que en Galicia se competiu a nivel nacional co formato internacional de British Parliament.

Iván Olmos e Manuel Baltar no Pazo Provincial.

“Ourensanía 2018” viaxa a Arxentina e Uruguai Redacción O Centro do Partido do Carballiño en Bos Aires e o Centro Ourensano de Montevideo veñen de ser recoñecidos co VIII Premio “Ourensanía”, un galardón que concede a Deputación de Ourense como recoñecemento honorífico a aqueles ourensáns ou persoas vinculadas á provincia de Ourense que teñen destacado nas súas facetas profesionais, sociais

ou intelectuais.

O xurado do premio, reunido no Mosteiro de San Pedro de Rocas baixo a presidencia de Manuel Baltar, ditaminou concederlle o galardón a estas dúas institucións porque “a ourensanía non só esta presente na provincia de Ourense, senón que chega a todas as partes do mundo alá onde hai un ourensán, máis nun tempo, o da emigración masiva a América, no que Ourense estivo moi presente”.

A entrega do premio Ourensanía terá lugar o vindeiro 11 de novembro, día de San Martiño, no Teatro Principal de Ourense.

18

Barrios 23 de agosto 2018

PUBLICIDADE

DEPORTES

Comeza a Terceira división 4 Catro equipos conforman o grupo que representan á provincia de Ourense.

R. Torres Esta fin de semana (domingo, 26 de agosto) comeza a Terceira división 2018-19, e o fai con catro equipos ourensáns. Por unha banda repiten, Barco, Ourense CF e Arenteiro, e pola outra está a recén ascendida Unión Deportiva Ourense.

Os catro equipos reforzáronse para afrontar con garantías unha tempada que se presume moi complicada. Son moitos os rivais, e moi bos. Os catro primeiros equipos da pasada tempada -Compostela, Bergantiños, Vilalbés e Alondras- continúan na categoría; ademais hai que engadir no grupo de favoritos ao Rácing de Ferrol, recén descendido

da Segunda división B e ao Arousa e Somozas.

Primeira xornada Para a primeira xornada Ourense CF e Arenteiro xogan como locais

4 Repite adestrador e xa conta con oito xogadores.

Este ano parece que as cousas van máis rodadas no Club Ourense Baloncesto. En xuño, confirmábanse as renovacións dos xogadores Davis Rozitis e Jhornan Zamora, xunto co adetrador Gonzalo García de Vitoria. En xullo sumáronse ao proxecto Sergio Rodríguez e Alfred Ott; e nestes días de agosto confirmaron a súa incorporación Pol Molins, Santiago “Pepo” Vidal, Kevin Van Wijk e, esta mesma semana, Javon Masters.

Xogadores experimentados e con proxección conxugan o novo proxec-

Preferente A Rexional Preferente, que tamén dará comezo esta fin de semana, conta con catro conxuntos ourensáns: Antela, Barbadás, Bande e Velle. Na primeira xornada, o Bande recibe ao Cambados, o Antela ao Ponteareas, o Barbadás ao Sanxenxo e o Velle ao Pontellas.

Partido de pretempada entre a UD Ourense e o Celta B.

Perfílase o COB 2018-19

R.T.

diante de Arousa e Boiro, respectivamente. A UD Ourense visita ao Ribadumia e o Barco, ao Laracha. O primeiro derbi chegará na terceira xornada, cun atraínte Ouren-

se CF - UD Ourense.

to do COB que, a priori, ilusiona á afección.

Javon Masters será un dos bases do COB.

Barrios 23 de agosto 2018

Regresa o “Correndo por Ourense” 4 Na zona da Universidade e na Ponte.

R.T. Despois do parón de xullo e agosto, o circuíto de carreiras populares “Correndo por Ourense” volta no mes de setembro con dúas citas. A zona universitaria prepárase para que o domingo 9 de setembro teña lugar a cuarta xornada da edición 2018. O día 30 (tamén domingo) a marea atlética trasladarase ata o barrio da Ponte para acoller a quinta proba.

As inscricións estarán abertas para a da Universidade ata o 5 de setembro. Logo de disputarse esta carreira, o luns 10 abriranse novamente as inscricións (en

Faltan dúas pezas máis (como mínimo) para completar o quebracabezas, pero a columna vertebral xa está definida.

Xogadores con fame e con gañas de demostrar que o equipo ourensán pode ser un salto na súa carreira profesional.

O Xadrez Ourense sobe a Primeira

Tempada A tempada na LEB Ouro dará comezo o 5 de outubro e farao co COB visitando a un dos recén ascendidos: Covirán Granada.

Antes comezará a pretempada o 27 de agosto, para a posta a punto do inicio de curso. En setembro disputará varios encontros ante Breogán, día 11; contra Coruña a semifinal da Copa Galicia, o 14 (en caso de gañar xogaría a final o día 15); contra Melilla o 18; e repite ante Breogán o día 22.

O Xadrez Ourense logrou un meritorio segundo posto no Campionato de España de clubs de Segunda división disputado en Linares. Este subcampionato permítelle ascender á Primeira división.

Os ourensáns lograron un total de 11 puntos, e tan só foron superados polos favoritos do Laboratorios Sys Paterna.

Na última rolda lograron a vitoria diante do Caja Granada por 4.5 a 0.5. Nesta derradeira xornada venceron Iván Salgado, Jorge Viterbo,

4 Despois de ser segundo no Campionato de España.

Redacción

19

Jorge Viterbo e Adrián Gómez, mentres que Yudania Hernández firmou táboas.

Con este subcampionato, o club Xadrez Ourense estará no 2019 entre os oito mellores clubs de Es-

championchipnorte) para anotarse na do Ponte ata o mércores 26 de setembro.

Líderes Lideran a clasificación absoluta o atleta do Ourense Atletismo Rubén Diz en homes e Vicky Losada, do Burgas Atletismo, en mulleres.

Carreira do Centro.

paña.

Iván Salgado O Gran Mestre Iván Salgado defenderá o título de campión de España (acadado en Gran Canaria o ano pasado) no campionato que se está a celebra en Linares (Jaén) ata o 28 deste mes.

O seu máximo rival para lograr a coroa será o Gran Mestre David Antón, subcampión nas tres últimas edicións. Francisco Vallejo é a gran ausencia deste ano.

Membros do club Xadrez Ourense.

20

Barrios 23 de agosto 2018

DEPORTES

Faye e Blanco, convocados para o Mundial de shuaijiao 4 Celebrarase no mes de outubro en China.

Redacción A primeiros de agosto chegou unha boa nova para o club Artai de Ourense.

E é que dous deportistas deste club foron convocados pola Asociación Española de Kuoshu e, concretamente a súa área de Loita, Spanish Shuai Jiao Union, pertencentes á European Shuai Jiao Union e European Kuoshu Federation. Trátanse do loitador Ngagne Faye e do adestrador Aarón Blanco, que formarán parte do equipo nacional para o vindeiro International Shuai Jiao Championship (Mundial de shuaijiao -loita china). Este campionato terá lugar na localidade chinesa de Baoding (China) do 10 ao 14 do mes de outubro.

Esta cita ten o carácter de campionato do mundo oficioso por non existir

ata o momento federación mundial oficial. Porén, move aos mellores atletas da loita chinesa. Desde a asociación explican que para este campionato queren “presentar ao mellor equipo posible” e, para

iso, e tendo en conta a limitación de competidores e categorías, fixeron valer os resultados do sétimo Campionato de España de kuoshu, na modalidade de loita, para elaborar a lista de convocados.

Shuaijiao O shuaijiao é unha modalidade de loita chinesa que consiste na execución de derribas, varridos e desequilibrios. É unha das probas de competición de kungfu moderno na Federación galega de kungfu.

Ngagne Faye, actual campión de España e campión galego, será o deportista que represente á selección española no peso de menos de 70 kg.

Aarón Blanco, mestre do club Artai e director do departamento de kungfu

moderno da Federación galega de kungfu, será o adestrador principal da selección nacional durante o torneo mundial. Ambos están agora en plena preparación do torneo.

Faye participará na categoría de -70 kg e Blanco será o primeiro técnico da expedición española

EN BREVE 4 Sala Ourense Arturo de las Casas é a nova incorporación ourensá desta tempada.

De las Casas ten experiencia en Terceira e 2ª B na posición de ala-peche.

4Fútbol Gaélico No festival Interceltique de Lorient, o torneo europeo de fútbol gaélico, no que Galicia competiu tanto en categoría masculina coma feminina, o Auriense F.G contou con doble representación, da man de Alba e Jacobo.

4Ciclismo Este domingo 26 de agosto, ás 11 da mañá, en Baños de Molgas haberá outra cita ciclista. Trátase do Campionato de Galicia de fondo en estrada máster 2018.

4Contrabando

Ngagne Faye Faye e Aarón Blanco acudirán coa selección española ao Campionato do Mundo de shuaijiao.

Este domingo 26 de agosto celebrarase en Lobios a “ 10 ª Ruta do Contrabando”.

Dende ás 8 da mañá, os participantes pasarán pola Pena de Anamán, a ermita da Virxe da Numao ou a garida de Xan das Quingostras.

OCIO E CULTURA

Trío Ramales e Jorge Balanzá, vencedores no concurso Piano Meeting 4 Formarán parte do cartel do festival.

R.T. Trío Ramales e Jorge Balanzá proclamáronse gañadores do concurso de Piano Meeting do Concello de Ourense. O segundo premio recaeu en Carolina Santiago. Este concurso, ao mesmo que o festival, conta co apoio da Xunta de Galicia a través da Secretaría Xeral de Cultura e da Axencia de Turismo de Galicia.

Os galardoados, que foron elixidos entre 40 participantes, repartiranse o primeiro premio dotado con 1.000 euros. Ademais, formarán parte do cartel do festival.

Concurso nas redes O concurso de Piano

Meeting tamén inclúe unha sección nas redes sociais, aberto a toda a cidadanía que desexe participar como xurado. Os 20 elixidos deste concurso nas redes son Diego Mata Pose, Borja Gil, Manuel Josué Ramos, Trío Ancor, Trío Benonar, Melisa Zaganjori, Cristina Rodríguez, Andrea Vilar, Adriana Iglesias, Marta Aranda, , David Núñez e Leticia Recamán, o coruñes Gerson Tineo, Estefanía Cereijo, Dúo Emanarte, Jacobo Ramos, Molina & Uchi Piano Dúo, Joana María Riera, Aída Saco, Marta Fernández e Magdalena Argibay. O público terá todo o mes de agosto para votalos a través de Facebook e a principios

de setembro daranse a coñecer os 10 finalistas elixidos nas redes.

Festival O Piano Meeting 2018 celebrarase a finais do mes de setembro e contará

coas actuacións dos 20 músicos seleccionados na fase de concurso. Os concertos terán lugar ao aire libre e o festival incluirá tamén obradoiros para neófitos e concertos de grandes pianistas convidados, ao tempo que se permite a participación de espontáneos que se animen a tocar.

O festival terá lugar a finais de setembro polas rúas da cidade

Barrios 23 de agosto 2018

Antonio Piñeiro, Manuel Baltar, Martín López e Luz Castro reunidos na Deputación.

“Arnoia, Arnoia” de Ferrín, en videoxogo 4 A acción trascurrirá na comarca de Celanova.

Redacción

Momento no que se deron a coñecer os gañadores do concurso Piano Meeting 2018.

21

A novela “Arnoia, Arnoia”, do escritor Xosé Luis Méndez Ferrín, converterase en videoxogo, grazas ao apoio da Deputación e coa colaboración de Antonio Piñeiro, coordinador cultural de Celanova, Luz Castro, especialista en marketing dixital, e Martín López Nores, profesor da Escola de Telecomunicacións da Universidade de Vigo

e coordinador do programa europeo CrossCult.

O videoxogo, que permitirá entre outras posibilidades descargalo como APP, xogar en rede e mesmo terá tamén o formato de xogo de mesa, consistirá en ofrecer unha serie de pistas para percorrer turisticamente a comarca de Celanova a través de xeolocalizacións, conxugando escenas de realidade aumentada con escenarios reais.

22

Barrios 23 de agosto 2018

OCIO E CULTURA / ARTIGOS

4ARQUIVO VISUAL OURENSÁN

4AXENDA - Exposicións - Ata o 22 de setembro - V Bienal de Pintura Xove - Museo Municipal de Ourense Música - 23 de agosto - Concerto de “Coanhadeira” - 22.30 h. - Praza San Martiño (Ourense) - 27 de agosto - Jam, Session Rock - 22 h. Café Cultural Auriense (Ourense) - 30 de agosto - Concerto de “Caxade” - 22.30 h. - Praza San Martiño (Ourense) - 6 de setembro - Concerto de “Guezos” - 22.30 h. - Praza San Martiño (Ourense) - 7 de setembro - Concerto de “Xoan Curiel e a súa banda” - 18 h.

- Praza San Martiño (Ourense) Cinema - 29 de agosto - Cine de Verán “Curtas nacionais FicBueu 2017” - 21.30 h.

- Museo Arqueolóxico Provincial (Ourense) Deportes - 25 de agosto - Subida nocturna á Pena da Cruz 19 h. - Castro Caldelas - 25 e 26 de agosto Campionato de Galicia de Golf Sub14 - Club de Golf Montealegre 25 e 26 de agosto - Torneo Fútbol X Memorial Manolo Arnoya - Campo de fútbol SD Arrabaldo - 26 de agosto - X Ruta do Contrabando - 8 h. Lobios - 26 de agosto - Campionato de Galicia de fondo en estrada máster 2018 - 11 h. - Baños de Molgas - 26 de agosto - Ourense CF - Arosa SC. Terceira División - O Couto - 26 de agosto - CD Arenteiro - CD Boiro.

Terceira División - Espiñedo - 26 de agosto -CD Vella - CD Pontellas. Rexional Preferente - Monte da Aira - 26 de agosto -UD Barbadás- Club Xuventude Sanxenxo.Rexional Preferente - Os Carrís - 26 de agosto - Antela CF - SD Juvenil de Ponteareas.Rexional Preferente - A Moreira - 9 de setembro - Circuito Correndo x Ourense “Carreira da Universidade” - 12 h. - Pista de atletismo no Campus de Ourense www.periodicobarrios.com

A Praza de Abastos nº 1

Autoridades no Pazo Museo Otero Pedrayo.

San Pedro de Rocas contará cun plan director

Inescusable protagonista da actualidade polo traslado dos seus moradores á Alameda do Concello e a tediosa reforma deste edificio clasicista con reminiscencias art decó que acada os 90 anos de existencia. Comezou a construirse en 1926 cun presuposto de 700.000 pesetas, iniciando a súa actividade en 1929. A

autoría do proxecto impútaselle, en exclusiva, ao arquiecto alaricense Manuel Conde Fidalgo pero, o 16 de xuño de 1926, xunto ao alicantino Cesar Cort Botí, quen tamén concursaba para o deseño da infraestrutura, presentan a solución conxunta que resulta vencedora.

A esencia do inmoble pensado para mercado

4 As actuacións de conservación e restauración terán un importe de 360.000 euros.

Redacción O presidente da Deputación, Manuel Baltar, e o conselleiro de Cultura, Román Rodríguez, asinaron un convenio de colaboración para o Mosteiro San Pedro de Rocas, en Esgos, que é o lugar máis visitado da Ribeira Sacra.

O convenio asinado entre a institución provincial e a autonómica permitirá que a Consellería teña a súa disposición os inmobles e terreos que atinxen a este ben para executar nel un investimento de preto de 360.000 euros.

Plan director O documento recollerá os estudos e propostas de perspectiva histórica,

4HUMOR

arqueolóxica, de conservación e restauración dos elementos artísticos, arquitectónica e espacial do monumento e contorno e, por outra banda, a perspectiva da súa conservación e xestión.

Deste xeito, describirá as características do monumento e as súas patoloxías construtivas e funcionais, definirá as condicións para o seu mantemento e restauración e analizará a súa potencialidade para o desenvolvemento dunha proposta de usos compatible cos seus valores culturais que permita a súa axeitada posta en valor ao tempo que o convertan nun referente social e económico na comarca e no conxunto da Ribeira Sacra.

Imaxe das obras da Praza de Abastos no ano 1929.

marcha en cada reforma entre os cascotes. Desvirtuada a idea orixinal, tal vez non se precise tanto un cambio na súa distribución senón unha variación no seu aproveitamento. Será no día en que a aptitude forme actitudes.

Fernando Valcárcel Membro do Arquivo Visual Ourensán

CLASIFICADOS / ARTIGOS

Barrios 23 de agosto 2018

23

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco Avelino Jácome.

Nº65 - Ano: XI - 23 de agosto de 2018 - Difusión: 10.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 988 04 53 52 / 685 969 546.

4ANUNCIOS CLASIFICADOS

4AS ANDRÓMENAS E OUTROS CONTOS

[Deixe os seus anuncios no 988 045 352 ou en info@periodicobarrios.com. Gratuítos para particulares]

Tempos de ouro negro e morte barata No Barrio da Madeira, onde locen as meretrices mellores, as damas do pracer e da fame, emigrantes de si mesmas que recollen entre os peitos esculpidos de marfil o pago do extraperlo e do sangue, dos enterrados na mina, dos afogados no Deza, billetes emporcallados pero abondosos, luxuria sen medida, salvaxe, case que animal, batallas entre corpos famentos nos leitos da derradeira esfollada do millo.

A derradeira para o de Brandomés, que morreu na mina, tamén para o Tucho, que o mataron os do tricornio e tirárono despois como un espantallo polo buraco da Mina.

Os que subiron aquela noite a Madeira emborracháronse como se fora rematar o mundo, festa macabra e sexo de pago adiantado, para non lembrar que calquera deles podía estar no fondo da mina enterrado coma o Tucho.

A vida dos homes non vale moito en Fontao, vale moito menos que un quilo de mineral, ao wolframio chámanlle o ouro negro, un meigallo que blinda as máquinas da guerra contra os tiros inimigos, tamén volve sementar mortos nas leiras, agora sae como un contaxio, unha peste nova que enche o

aire a refachos de cheiros de cadáver, o sangue pide máis sangue cando cae na terra, é unha semente que prende moi ben.

Non valen moito os presos, son vivos por accidente para os gañadores, unha caterva de miserentos que levan unha marca na fronte co sinal “ninguén” gravado a lume, pero valen moito para os donos da empresa, moitos eran mineiros antes da guerra e outros posúen coñecementos para manexar a nova tecnoloxía que vén de fóra; eso fainos menos desprezables.

Nas tabernas xúntanse todos: os gardas e os que rouban o mineral; os que o compran de preto, “Os de Martixe”, ou os que o compran para embarcalo dende Vilagarcía en Carril, “O Vieira” e “O Almalla”, sempre coa carpetiña cun bo feixe de billetes, agardando polas pedras negras.

Alí tamén están os obreiros que venden o que poden sacar escondido da empresa, no dobre fondo dos zocos ou no burato dun bastón, canto máis os cachean máis inventan: as mulleres nos peitos e nas bragas onde faga falla, para levar o po milagreiro.

Os homes, os que tiveron sorte onte na “boca de Senín” e atoparon unha veta, rin a gargalladas coas mellores candongas chegadas de todo o país, moitas

de Portugal. Taberna e prostíbulo, fonda e mesón, cortellos de madeira onde se baralla o veleno da deusa fortuna.

Vai polos mineiros, polos que deseñaron o poboado, polos que fixeron as escolas e os hospitais, polos taberneiros, e tamén, como non, polas vendedoras de praceres que chegaron de toda a xeografía ibérica.

Vai para todos os que viviron aquela miseria por mor dunha guerra inxusta, como todas as guerras.

Vai por aqueles aventureiros que chegaron a Fontao, no Concello de Vila de Cruces, en busca dos tesouros, ben da terra ou dos que escarvaron nela, máis de 6.000 almas que se xuntaron nun núcleo que só contaba cun par de centos, e o mudaron nun remuíño nunca visto.

Por esas mulleres e homes que loitaron a reo, por aquela xentiña que perdeu a vida, polos represaliados da guerra, tempos onde a vida dos homes non valía moito, e matar era barato.

Tamén quero que se oia un berro contra as novas aventuras mineiras que andan a argallar agora os que mandan, os pobos precisan lembrar os seus erros pasados para non repetilos no presente.

Avelino Jácome

TRABALLO Particular en Ourense imparte clases particulares a domicilio. Matemáticas e estatística, tamén materias curriculares de ESO e Bacharelato. Clases individuais e personalizadas. Amplia experiencia.

Económico. Whatsapp: 610.38.25.89 (enviar unha mensaxe), e-mail: clasesadomicilio2014@ hotmail.com.

Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173.

Busco mozo responsable de entre 25 a 45 anos para traballar como asistente persoal. Imprescindible tiulación relacionada coa actividade física. Tel.: 679 699 508. Chamar polas tardes.

Ofrécese señora seria responsable e de mediana idade para coidado de nenos, persoas maiores e tarefas de fogar en xeral, recados. de luns a venres, preferiblemente en zona A Ponte ou próxima. Posúo curso de axuda a domicilio. Tel. 685 37 41 91.

Profesora de lingua/literatura española/galega e latín. Clases de apoio para Primaria, ESO e Bacherelato. Tamén clases de apoio de Francés en

Primaria e ESO. En local ou a domicilio. Tel. 608 85 22 59.

Xubilado de 68 anos, en bo estado de saúde, quere traballar (pódeo facer legalmente) no ámbito do naturismo ou similar. Tel. 988 38 03 63.

Ofrécese auxiliar de clínica para o coidado de persoas maiores en residencia ou domicilio. Tel.: 686 688 610.

Ofrecese señora para coidar xente maior interna, con informes (Yolanda).

Tel 688 30 48 81.

INMOBILIARIA Vendo terreo edificable, 1.800 m2, preto do Polígono de San Cibrao das Viñas, a 10 km de Ourense.

Prezo: 35.000 euros. Tel. 610 82 64 94.

Alugo almacén pequeno en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24.

Vendo apartamento de dúas habitacións con baño, cociña americana, trasteiro, garaxe. A cinco minutos de praia América e a 10 de Vigo. Tel. 620 660 762.

Alugo apartamentos (fins de semana, pontes, etc.) de 1 e 2 habitacións en Montalvo -Sanxenxo-.

Equipados, xardín, bar-

bacoa, aparcamento. Tel. 607 271 916.

Alugo casa en San Vicente do Mar (fronte á praia) con xardín e aparcamento.

Tel. 630 665 912 Alugo casa de 160 m2 con finca, terraza e piscina en Verín. 190 eu. ao mes. Só xente responsable e con informes. Tel. 606 42 25 43.

Véndense tres terreos na provincia de Ourense, en Gustei, terreo de labradío (1.000-2.000 m2) e outro con carballos e piñeiros(500 m2). Nas Barxas, un de labradío (1.0001.500 m2). Prezos a tratar.

Tel.: 988 210 065 / 627 608 758 (Paz Milagros) Véndese unha casa para reformar pola estrada de Santiago e alúgase oficina exterior en rúa Progreso, económica, 50 m2. Tel 672 089 349.

VENDAS

Vendo tres armarios e dúas camas xemelgas. Ver sen compromiso. Tel. 988 24 60 96 - 669 434 330.

Véndese bicicleta, un sofá 3+2 e caldeira de calefacción. Tel 672 089 349.

CONTACTOS Ofrécese mozo de compañía xoven, para mulleres de entre 40 e 60 anos. Prezos económicos. Tel. 697 795 928. Contesto Whastapp.

24

Barrios 23 de agosto 2018