Barrios

Entrevista a Juan Andrés Hervella, autor de “Xardíns de Ourense” [Páx. 12]

OURENSE

Páx.2 XINZO

Continúan as obras do “Ourense Vertical”, cunha rampa e dous ascensores máis

Páx.11

Xinzo activa o saneamento do río Limia, unha senda peonil e un carril bici

CELANOVA

Páx.11 VERÍN

Alejandro Mínguez logra o certificado de profesionalidade en setas en La Rioja

Páx.11 DEPORTES

Verín organiza unha mostra con obras de Banksy e proponlle pintar na vila

Páx.13

Valencia e Barcelona logran as copas Iberdrola e Joma de atletismo

Comeza o Entroido!

[Páxs. 2-8] O Entroido botou a andar nas vilas da provincia. Cigarróns e Pantallas percorren Verín e Xinzo de Limia; e Ourense deu o pistoletazo á festa co Xoves de Compadres./R.T.

Número: 179 - Ano: XVI - 16 de febreiro de 2023 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 16 de febreiro 2023

TEMA DA SEMANA

Seguen as obras do "Ourense Vertical" 4 Unha rampla na Carballeira e dous ascensores, nas rúas Ervedelo e Progreso.

Redacción

O alcalde de Ouense, Gonzalo Jácome, co concelleiro de Seguridade, Telmo Ucha, nun dos buses urbanos que circularán en primavera./RAMSÉS.

Toma de contacto dos novos autobuses urbanos 4 Esta prevista a súa posta en marcha para primavera.

Redacción Para esta primavera está previsto que a flota de autobuses urbanos do Concello de Ourense conte con 25 novos vehículos (15 térmicos e 10 eléctricos). Ademais, a renovación total da flota completarase con outros 15 microbuses para completar un investimento total de 14 millóns de euros.

Ourense será a primeira cidade galega en incorporar autobuses eléctricos ao servizo de transporte urbano. No acto de presentación o alcalde do Concello de Ourense, Gonzalo Pérez Jácome, estivo acompañado por membros do grupo de goberno e por representantes da empresa ourensá UNVI (fabricante destes 25 autobuses).

O alcalde destacou que coa adquisición dos novos vehículos, Ourense contará coa “flota máis moderna de Galicia”, e será ademais “a primera cidade galega en ter autobuses eléctricos" Prestacións Os autobuses contan coa máxima tecnoloxía.

Entre as principais características técnicas están o sistemas de seguridade para pasaxeiros, condutores e viandantes, de última tecnoloxía, como o sistemas de axuda ao

condutor con cámaras para alertar de peóns, bicicletas e avisos de angulo morto; freada rexenerativa adaptativa de ate o 50% de recuperación ás baterías; ou motores en roda, sen transmisión, de máxima eficiencia.

As baterías terán unha autonomía de 16 horas cunha soa carga, e o sistema de climatización será 100% eléctrico por bomba de calor, con aproveitamento do calor ao refrixerar os equipos eléctricos como os motores e as baterías.

Liña 6A Pero antes de todo esto a novidade máis próxima que afecta ao transporte urbano será na liña 6A. Devandita liña cruzará o río pola ponte do Milenio -primeiro autobus que pasará nos 20 da súa construción- para dar mellor cobertura á cidade e dotar de servizos ao pavillón, os xulgados e zona norte do Couto. Con este cambio parcial na súa ruta converterá a 6A nunha “liña autenticamente troncal da cidade”, en palabras de Jácome.

Fará o seguinte percorrido: Estación antiga de autobuses - Estación intermodal - Parque da Ponte - Ponte do Milenio - Xulgados - Pavillón dos Remedios - Concepción Arenal - Parque de San Lázaro - Alameda – O Posío - Residencia – Barrocás.

Pérez Jácome lembraba que o Concello ten previsto acometer un cambio de liñas do servizo municipal de autobuses, que se realizará coa próxima empresa concesionaria (a través dun contrato que se licitará este mes de febreiro), e que remodelará o 90% das liñas actuais. Mentres non se acometa este cambio, o Goberno municipal quere reequilibrar e mellorar as prestacións do servizo, neste caso modificando o percorrido intermedio dunha das 30 liñas actuais, a 6A, para dar máis servizo e cobertura a Ourense cidade.

O cambio de roteiro manterá o inicio, o remate e os puntos principais de paso, así como a frecuencia actual, cada 30 minutos.

A liña 6A cruzará -desde o 1 de marzoo río pola ponte do Milenio para dar mellor cobertura á cidade e dotar de servizos ao pavillón, os xulgados e zona norte do Couto

O Concello de Ourense anunciou nestes días novas que afectarán á mobilidade dos ourensáns. En canto ao "Ourense Vertical", son en concreto tres actuacións -anunciadas nas últimas dúas semanas- as que se levarán a cabo na rúa Progreso, en Ervedelo e na Carballeira.

A do barrio da Carballeira será unha intervención na rúa Nicomedes Pastor Díaz, que unirá, cunha rampla mecánica, a avenida de Portugal coa praza do Sagrado Corazón. O proxecto conta cun orzamento de licitación de 1,6 millóns de euros e ten como obxectivo mellorar a accesibilidade ao barrio da Carballeira.

A rampla terá dous tramos de 23 e 37 metros de lonxitude cada un, cuberta cunha estrutura metálica para protexer da intemperie. O Concello tamén aproveitará esta actuación para aumentar o espazo peonil e renovar todos os servizos existentes na rúa.

O alcalde de Ourense, Gonzalo Jácome subliñou que esta obra se suma a un paquete de investimentos que o Concello executa durante este mandato no barrio, entre as que están,

As obras na alameda do Cruceiro terán unha duración de seis meses./RAMSÉS. detallou, a reforma da praza da Lexión, cun proxecto inicialmente orzamentado en medio millón de euros e que se licitará de novo proximamente, a reforma da rúa Vázquez Núñez (490.000 euros), a do polideportivo da Carballeira (490.000 euros), as zonas infantís na praza do Sagrado Corazón (49.000 euros) e Vázquez Núñez (49.000 euros), e obras varias (180.000 euros). Xuntas suman 3,3 millóns de euros neste mandato na Carballeira, segundo destacou o rexedor.

Ascensores Días despois, Jácome desprazouse ata a rúa Avilés de Taramanco para anunciar o inicio das obras dun ascensor (540.000 eu-

A do barrio da Carballeira será unha intervención na rúa Nicomedes Pastor Díaz que unirá, cunha rampla mecánica, a avenida de Portugal coa praza do Sagrado Corazón

ros de orzamento) que facilitará a mobilidade entre dita rúa e Ervedelo.

O rexedor indicou que esta obra seá o inicio do “eixe vertical único en España” de máis dun quilómetro de lonxitude, e que comunicará con elementos mecánicos a cota máis baixa da cidade, o río Barbaña, coa máis alta, o complexo de San Francisco.

E o terceriro dos anuncios foi o arranque das obras de instalación dun ascensor que conectará a rúa do Progreso coa Alameda do Cruceiro (cun orzamento de licitación de 427.000 euros). Con esta actuación mellorarase a accesibilidade ao parque Infantil, o PAC da rúa Concello e o Parque de San Lázaro. O ascensor terá dúas paradas, a primeira á altura dos locais municipais que se atopan a media altura das escaleiras, e unha segunda á altura da propia Alameda do Cruceiro. Prevese o remate da obra para este verán.

O alcalde visitou, xunto ao seu equipo, o inicio das obras da rampla mecánica no barrio da Carballeira./RAMSÉS.

ENTROIDO especial

Forte aposta polo entroido en Celanova, Bande e Allariz 4 Pretenden organizar un entroido especial lonxe das restricións pola pandemia.

Redacción

coa charanga El Tattoo dende a Barreira.

O martes a mediodía, o pasarrúas correrá a cargo de Los Fugitivos; e ás 18h dará comezo o Baile de Entroido e o Concurso de Comparsas; a Space Discomóvil será a encargada de amenizar a tarde festiva en Allariz.

Días festivos para toda a provincia, como é o caso de Celanova, Bande e Allariz, que estan inmersos no entroido 2023; un entroido especial no que xa deixaron atrás as restricións da pandemia, provocada pola Covid19, dos últimos anos.

Celanova Celanova arrincou o seu Entroido coa cea de Comadres na que preto de 200 mulleres reuníronse para festexar a cea - baile. A festa tivo lugar no salón de actos do Claustro o pasado sábado 11 de febreiro.

A seguinte actividade do entroido deste ano terá lugar este mesmo venres, 17 de febreiro, co desfile dos colexios pola vila; dará comezo ás 11 horas.

O sábado, 18 de febreiro, a partir das 20 horas, a vila de San Rosendo ten preparada unha festa dos 80. O grupo Somoza, na praza Maior, e o grupo Menéndez, na praza Rubí, farán as delicias dos que se acheguen disfrazados.

Piñata Este ano o concello prepara unha piñata das que quedan para o recordo.

Xa o venres, 24 de febreiro, celebrarase o venres Pre-Piñata, con pasarrúas dos Festicultores (desde as 21 horas) e a actuación dun Dj na praza Rubí.

E o sábado, 25 de feb-

O Sábado de Piñata será o día forte en Celanova. reiro, chega o día grande do Entroido de Celanova.

O desfile do Sábado de Piñata percorrerá as rúas da vila coas comparsas e carrozas máis divertidas e atrevidas. O desfile iniciará o seu percorrido ás cinco da tarde e contará coas charangas Os Roquiños e Os Zapateiros para amenizar.

Para continuar coa festa, a Orquestra Marbella actuará ás 21 horas e ata a unha da madrugada; coa entrega de premios do desfile a medianoite. Rematarán a festa as charangas Os Caliqueños e a BCB desde a unha ata as tres da madrugada.

Allariz Allariz celebra o Entroido, do 16 ao 22 de febreiro, con actividades para todos os públicos. Comezará o xoves 16, coas comadres. A Charanga Achicoria amenizará as rúas de Allariz dende as 20:30h.

Ao día seguinte, venres 17, de 23:30h ás 01:30h será a Noite de Entroido na praza Maior cos Djs Marcox e Paulo. O domingo 19, ao mediodía, a charanga Cubalibre actuará polas rúas da vila ata as 14 horas.

Volve a cachuchada O luns 20 haberá actividades para todos os públicos. A praza Maior acollerá a Festa Infantil dende as 17:30 h cos Djs Marcox e Paulo; e ás 21:30 horas voltará a cachuchada no Campo da Barreira (á venda os tiques para asistir a esta xuntanza popular). Ao rematar haberá pasarrúas

O Desfile de Piñata de Celanova terá lugar o sábado, 25 de febreiro, a partir das 17 h

Pranto de Entroido Para despedir o Entroido, o mércores 22 de febreiro terá lugar o Pranto de Entroido con Silvadeira Teatro. A súa saída será ás 20 horas dende a praza Maior e a queima do meco realizarase no Campo dos Brancos.

Concurso Comparsas Ata o día 17 de febreiro -ás 14 horas- está aberto o prazo de inscrición das comparsas que queiran participar no concurso. A orixinalidade, a elaboración e a escenificación do disfrace son os aspectos

Barrios 16 de febreiro 2023

que o xurado valorará nas inscritas. As comparsas (a partir de 10 compoñentes) participantes poderán optar a tres premios, sendo o primeiro de 250 euros, e de 200 e 150, para segundo e terceiro, respectivamente.

Información e inscrición: Casa da Cultura 988 440 859; cultura@allariz.gal.

Bande En Bande, despois da ruta dos Troteiros polas aldeas do pasado 11 de febreiro, este sábado 18 de febreiro será o día da Xuventude (de 12 a 30 anos) que terá lugar no pavillón de deportes de 16 a 21 horas. Haberá Dj; showcooking; fútbol burbulla; inchable futbolín humano; tiro con arco; slack-line; talleres de graffiti; sensibilización ambiental, igualdade de xénero e habilidades para empregabilidade.

Un día despois, o domingo 19 de febreiro, será un dos días fortes do entroido. Ás 11 horas, os Troteiros percorrerán as rúas de Bande acompañados polos gaiteiros de Cadós. Ás 14 horas, no albergue, xantar popular de cocido troiteiro (20 euros adultos, 11 euros o menú infantil). Para as 17 horas está previsto o desfile de

Os Troteiros serán os protagonistas en Bande.

3

carrozas e comparsas. E ás 18 horas, actuación do trío 3.com.

O Luns Feo -20 de febreiro- un obradoiro de máscaras terá lugar na biblioteca de 10 a 14 horas; e ás 16.30h saída dos Feos ou Farrapeiros por corvelle e vista a Calvos.

O martes, 21 de febreiro, os Troteiros volven ás rúas de Bande a partir das 11 horas co acompañamento da charanga Os Bandiños.

O baile de máscaras comezará ás 17.30 horas na praza da Constitución, con filloada gratuíta.

E rematarán os actos do entroido en Bande, o mércores, 22 de febreiro, con dous eventos: un obradoiro de capuchóns que realizarase na biblioteca (de 10 a 14 horas), e o enterro da Sardiña a partir das 20 horas (con sardiñada).

Desfile O desfile de comparsas e carrozas traen premio por participar. As carrozas con 10 ou máis participantes levarán 300 euros e as comparsas con 10 ou maís participantes levarán 200 euros.

En cantos as premios especiais á mellor carroza levarase 500 euros e a mellor comparsa 300. En ámbalas dúas categorías serán os propios participantes os que elixan o gañador.

A Allariz regresa a cachuchada o luns 20 (ás 21.30 h) no Campo da Barreira. E o domingo 19 os Troteiros percorrerán (11 horas) as rúas de Bande

4

Barrios 16 de febreiro 2023

especial ENTROIDO

de interese (como restaurantes, hoteis ou zonas de aparcamento libre, etc.), poderase coñecer en tempo real a localización de todas as charangas e desfiles a través dun sistema de localización por gps.

Os Cigarróns durante o Domingo Corredoiro. /F.CASANOVA.

Música, Cigarróns e desfile, no Entroido de Verín 4 Unha app dará a coñecer a ubicación de charangas e desfiles en tempo real.

Redacción Este ano o Entroido de Verín recupera todo o seu esplendor con máis de 100 horas de música en directo e unha programación para todos os públicos.

Un total de 16 actuacións de música itinerante, 11 orquestras e cinco disco móbiles marcarán o ritmo do entroido de Verín, que comezou o día 9

co Xoves de Compadres e rematará o 21 de febreiro co Martes de Entroido.

Nesta edición poténciase a programación infantil axendada para o luns de entroido (con obradoiros temáticos de Entroido, multitude de xogos populares e un gran concerto familiar da man de agrupación “Uxía Lambona e a Banda Molona”). Todas estas actividades estarán situadas na praza da Mercé.

Nova App oficial O Concello de Verín anunciou o lanzamento dunha nova app, coa que veciños e visitantes poderán acceder a toda a información deste entroido.

Na mesma, ademais de atopar todo tipo de información de interese como a programación, historia, unha exposición virtual de carteis, galerías fotográficas ou un completo mapa con todo tipo de puntos

Programación Despois da celebración do xoves de Compadres, e o Domingo Corredoiro, este mesmo xoves, 16 de febreiro, terá lugar o Xoves de Comadres, un do pratos fortes de cada ano.

O desfile infantil terá lugar a partir das 11.45 horas no que participan todos os centros de ensinanza da comarca. O percorrido levaraos desde o entroncamento de Canella Cega coa rúa Cabreiroá, rúas Deputación, Luís Espada e Lisa, para rematar na praza García Barbón. Durante o día haberá amenización musical con charanga (de 11.30 a 13.30 horas, e de 21 a 1 horas).

Ademais, a medianoite, realizarase o descenso da comitiva polo camiño real, encabezada por Don Carnal para que ás 00.30 horas a Raíña reciba á comitiva e dirixiranse á praza García Barbón para dar a benvida ás longas noites de festa no Entroido de Verín. Despois haberá a actuación da Orquestra Marbella.

No Venres de Compadreo, os entroideiros degustarán viño e o tradicional porco ao espeto; sairán dous carros do compadreo desde o barrio de San Lázaro ata a rúa Irmáns Moreno. A cha-

ranga Big Band actuará ás 11.30h. e a Europa, de 19 a 22 horas. Tamén haberá o Disco Móbil Space noa na rúa Irmáns Moreno ás 20 horas e o grupo Claxxon actuará na praza García Barbón a partir das 00.30 hora.

O Sábado de Entroido -18 de febreiro- arrincará con música de charangas ás 11.30h. Xa pola, a partir das 17 horas na praza da Mercé, a investidura dos novos cigarróns no "Bautizo do Cigarrón", para xusto despois, dar comezo o baile de Capuchóns e Mascaritas. O circuíto de charangas percorrerán as rúas de Verín de 17 a 22 horas. A música non faltará na praza García Barbón con Fania Blanco Show e La Oca, que actuarán pola tarde, a noite e ben entrada a madrugada.

Traca final O Domingo de Entroido, 19 de febreiro, o Gran desfile matinal será a partir das 12 horas. Neste día tampouco faltará a música todo o día cos grupos Miramar (19 e 00:30 horas) e Finisterre (20:30 e 2 horas) e as charangas que estarán presentes no desfila e durante a tarde pola vila.

O Luns de Entroido (20 de febreiro) é un día adicado para maiores e cativos.

O Entroido Infantil acollerá obradoiros de entroido e xogos tradicionais e a actuación de Uxía Lambona e a banda molona, na praza da Mercé das cinco da tarde en adiante. Tam-

pouco faltará o baile de Entroido no Centro da Terceira Idade da Alameda. A música nesta ocasión a porán as charangas Noroeste e Jalácticos (ás 11.30 e ás 17 horas); e na praza García Barbón o Disco Móbil Mono (de 17 a 20:30 h) e JB Son (de 20:30 a 22 e de 00:30 a 02:30 h) E Verín despedirase do Entroido 2023 o martes 21 de febreiro con música, charangas e o defile central -a partir das 16.30 horas-.

As charangas, ademais de acompañar no desfile percorrerán as rúas pola mañá. E para este último día, a música correrá a cargo dos grupos Salsarena e Players que terán dobre sesión, cada un deles, na praza García Barbón a partir das 19 horas.

Tenda oficial Xa está aberta a tenda oficial do Entroido de Verín. Situada na praza García Barbón o seu horario é de 12 a 14 e de 17 a 21 horas. Estarán dispoñibles sudadeiras, camisetas, bolsas, panos, bragas, cuncas, imáns, pins e chapas; todos eles, co emblema identificativo do Entroido de Verín 2023.

O domingo 19 celébrase o gran desfile matinal ás 12 horas e o martes 21 o desfile central dará comezo ás 16.30 horas

PUBLICIDADE

Barrios 16 de febreiro 2023

5

6

Barrios 16 de febreiro 2023

especial ENTROIDO

da Xironda; Pantallas de Xinzo; os Labardeiros de Mugares -Toén-; o Folión de Fradelo; os Arrieiros de Petín -co Minotauro-; etc.

A animación nas rúas non faltará tampouco este día desde a tarde ata entrada a noite.

Celebración do Xoves de Compadres na praza Maior de Ourense coa participación de escolares de varios centros da cidade./RAMSÉS.

Ourense ten todo listo para o seu entroido 4 O Concello fará unha degustación gratuíta de máis de 10.000 orellas de carnaval.

Redacción A capital da provincia prepárase para vivir uns días de entroido inesquecibles. O alcalde, Gonzalo Pérez Jácome, presaxiaba celebrar “o mellor Entroido da historia”, cunha decidida aposta por consolidarse como “a capital da festa no Norte de España”.

Serán sete días dunha festa “forte, potente e homoxénea durante os 7 días”, que contará con actividades para todos os públicos, grupos, orquestras e DJ´s top, dentro dunha aposta do Concello por “potenciar os catro entroidos de forma moi forte, tanto na cidade como nos barrios”.

Programación Así, Jácome avanzou, que o Concello fixo unha aposta decidida para este Xoves de Comadres, 16 de febreiro, cunha “noite

rompedora no casco antigo”, na que “as universitarias van tomar o mando da noite ourensá". Durante esa noite haberá animación na rúa con Trópico de grelos e BCB (a partir das 20.30 horas) e Latexo percusión, BrassicaRapa e Somdolilá (a partir de medianoite). Tamén chegarán as actuacións do grupo Claxxon (23.30h) e dun dos mellores Dj´s do momento -Alvama Iceque actuará desde a unha da madrugada na praza Maior.

Durante a xornada do venres, 17 de febreiro, o máis destacado serán os desfiles escolares e dos entroidos da provincia. Os infantil serán un total de catro desfiles; ás 11 horas, o do centro fará un percorrido circular con saída e chegada desde a praza Maior pasando por Lamas Carvajal, Paseo, parque de San Lázaro, Santo Domin-

O domingo 19, o Desfile dará comezo ás 16.30 horas desde As Lagoas, e ás 21 horas actuará King África na rúa do Progreso

go, praza do Ferro, rúa da Paz e das Tendas. O das Lagoas -12 horas- irá pola praza do Mestre Vide, rúa Saenz Díez, Florentino López Cuevillas, Habana, Curros Enríquez e volta á Mestre Vide. E o da Ponte -saída ás 12.30 horas- sairá desde o CEIP A Ponte e discorrerá pola rúa Xesús Pousa, Euloxio Gómez Franqueira e baixada pola rúa San Paio, San Rosendo e volta ao CEIP A Ponte.

Xa pola tarde, ás 19.30 horas os entroidos tradicionais da provincia desfilarán pola praza Maior, Lamas Carvajal, Paseo, parque de San Lázaro, praza do Ferro, rúa da Paz, Tendas e praza Maior.

Participarán: Parada de Amoeiro -onde percorrían as aldeas con carros decorados-; Felos de Maside (a cabalo); as Pitas das Eiroás; Frei Canedo da Ponte; Paquita e Nicanor de Seixalbo; Folión de Buxán -coa Máscara tradicional e o Oso-; Felos de Esgos; Felos de Maceda; Madamas e Xigantes de Entrimo; as Follateiras de Lobios; o Folión de Trives -co Boteiro-; as Máscaras

Sábado e Domingo de Entroido Para o Sábado de Entroido, 18 de febreiro, o alcalde anunciou “catro puntos quentes” que serán a Alameda, praza Maior, Santa Eufemia e a praza do Correxidor, nos que se agarda a presenza de 20.000 persoas”. Durante todo o días as rúas terán animación con charangas e cabezudos e xigantes.

Ademais, unha festa infantil con xogos, animación, maquillaxe e o concerto da Gramola Gominola terá lugar na praza Maior desde as 17 horas. A música a porá a orquestra Olympus (23.30 h rúa Progreso); e sesións de Dj´s na praza de Santa Eufemia (23.30 h), praza do Correxidor (00.30 h) e Dj Michenlo á unha da noite na praza Maior.

E o domingo, 19 de febreiro, será outro día con gran actividade. O desfile

dará comezo ás 16.30 horas e partirá desde As Lagoas pasando por Curros Enríquez, Xoán XXIII e Progreso; ás 20.30 horas terá lugar a entrega de premios das mellores comparsas e carrozas. Tamén a rúa do Progreso acollerá música: ás 18.30 e 21.30 horas actuación do grupo Assia e ás 21 horas actuará o coñecidísimo King África.

Recta final Nos tres últimas días, as actividades non decaerán e prevese unha recta final de entroido do máis animada.

Así, o Luns de Entroido haberá animación na rúa desde a mañá ata a noite. A praza Maior acollerá unha festa infantil desde as 17 horas. E a música volverá estar presente co grupo América (23.30 h, rúa do Progreso) e Dj´s na praza da Santa Eufemia (23.30 h) e praza do Correxidor (00.30 h); na praza Maior A Gramola (23.59 h) e

Groove amigos (01:00 h).

O día 21, Martes de Entroido, haberá novas propostas para todos os públicos con animación na rúa e a festa infantil que se celebra na praza Maior desde as 17 horas. Ademais, unha das novidades máis "sabrosas" será a degustación gratuíta de 10.000 orellas de Entroido para as persoas que vaian disfrazadas, antes da actuación de París de Noia que terá lugar na rúa do Progreso ás 19 horas.

E o mércores, 22 de febreiro, Ourense despídese do entroido co Enterro da Sardiña. A praza Maior acollerá a actuación de Queiman e Pousa ás 19 horas, e posteriormente (20 h) procederase á procesión do Enterro da Sardiña. Esta sairá desde a praza Maior ata o parque de San Lázaro (fronte á Subdelegación do Goberno) onde terá lugar a queima do meco.

O Enterro da Sardiña sairá, o mércores 22 (ás 20 h) desde a praza Maior ata o parque de San Lázaro (fronte á Subdelegación do Goberno) onde terá lugar a queima do meco

4 Eiroás, Seixalbo e Frei Canedo Na programación do entroido da capital, hai tres zonas que teñen o seu propio entroido; estes son os de Eiroás, Seixalbo e Frei Canedo.

O máis madrugador de todos foi o de Eiroás que comezou o 4 de febreiro coa Colga do Meco e o día 5, co Domingo Fareleiro. Para o venres, 17 de febreiro, haberá un desfile polas rúas do barrios co alumnado do CEIP Virxe de Covadonga ás 12 horas. O sábado 18, terá lugar o Folión do Entroido. E o martes 21 o máis destacable será a Voda da Pita (12.30h), o xantar popular (14 h), o concurso de disfraces (18.30h) e a queima do meco (ás 21 horas).

En Seixalbo, Paquita e Nicanor serán os auténticos protagonistas.

O venres, 17 de febreiro, chegará o tradicional desfile infantil polas rúas

da vila. O domingo, 19 de febreiro, tralo xantar (14.15h) haberá un baile de máscaras e unha festa rachada. O martes, 21 de febreiro, a partir das 17 horas, o desfile de entroido dará paso á degustación gratuíta de callos para, xusto despois, será o turno da queima do meco.

Rematarán os actos en Seixalbo o mércores, 22 de febreiro, coa procesión do Enterro da Sardiña.

E no barrio da Ponte, Frei Canedo organiza un entroido que comeza este mesmo xoves, 16 de febreiro, co Xoves de Comadres, cunha cea - baile na sede da confraría para todas as comadres da Ponte e acompañantes. O venres 17 e sábado 18, o baile non faltará na carpa instalada a carón da Ponte.

O Domingo de Entroido, 19 de febreiro, durante todo o día haberá xogos populares e animación para

crianzas (11h); sesión vermú (12h), gran papatoria (13h), un espectáculo infantil (19h) e o concerto de “En mala hora” ás 21 horas. O Luns de Entroido, 20 de febreiro, será o día grande de Frei Canedo, que comezará a mediodía con animación na rúa. Ás 19.30 horas dará comezo os solemnes actos no que se purificará o lugar co "Potefumeiro", o sermón de cofrades no Furancho e bendición de novos confrades. A procesión da solemne procesión polas rúas da Ponte será ás 20.15 horas. A cea para confrades, acompañantes e amizades está previsto para as 22 horas.

O “Trío Somoza” amenizará a noite coa súa música a partir das 23.30 horas e rematarán os actos ás 24 horas fo folión de fogos de artificio e lanzamento de globos por parellas desde a Ponte Romana.

ENTROIDO especial

Barbadás, Pobra de Trives e Amoeiro, non faltan á cita 4 O Centro Comercial Ponte Vella tamén ten previsto eventos entroideiros.

Redacción Outros puntos da xeografía ourensá onde se festexará o entroiro é en Barbadás, Trives e Amoeiro cunha aposta decidida por esta ancestral celebración.

Amoeiro O Entroido de Amoeiro ten o seu epicentro en Parada. Alí, o domingo, 19 de febreiro, realizarase un percorrido polos pobos do concello acompañado pola charanga Os Bandiños, desde as 9.30 horas.

A partir das 18.30 horas celébrase o desfile, para, xuso despois actuacións a cargo das orquestras Olympus e Paris de Noia.

O luns, 20 de febreiro, ás 9.30 horas á saída da igrexa de Parada farase un percorrido polos pobos do concello e Cea e Maside xunto coa charanga Os Bandiños. Este día tamén haberá festa e verbena coa

O desfile de Amoeiro terá lugar en Parada o domingo 19 ás 18.30h e despois actuarán Olympus e París de Noia

orquestra Capitol máis un Dj. O martes, 21 de febreiro, o percorrido farse por Amoeiro e Vilamarín acompañador pola charanga CLK. Á volta de Vilamarín, terá lugar o xantar popular no Campo da Festa; o menú estará conformado por carne ao caldeiro con cachelos. O prezo é de tres euros. Pola tarde, será o momento do gran desfile polo pobo de Parada co acompañamento da charanga "Castro Bello". A continuación seguirá a música coa orquestra "Fania Blanco Show", e realizarase a entrega de premios do desfile.

Xa para rematar, o mércores 22, despedida do entroido co Enterro da Sardiña e a queima dos mecos.

Trives Despois do desfile de Folións e Boteiros do Entroido de Pobra de Trives, que tivo lugar o pasado domingo 12, este sábado, 18 de febreiro, está previsto o concerto do grupo Malenne ás 22 horas. Ao remate da actuación ofrecerase a Discomóbil Cholate, na praza do Reloxo.

Para os nenos e nenas haberá o Entroido infantil o luns, 20 de febreiro, a partir das 16.30 horas.

Haberá unha chocolata-

da e discomóbil infantil, ademais de animación con pompas na praza do Reloxo.

O martes, 21 de febreiro, terá lugar unha batucada, a partir das 16.15 horas, co grupo Tabaleiros da Istoria polas rúas de Pobra de Trives. O desfile de Entroido comezará unha hora máis tarde, ás 17.15 horas, con comparsas, carrozas e folións. Haberá unha entrega de premios.

Ponte Vella O Centro Comercial Ponte Vella como cada ano non se esquece do edntroido. Para este ano ten preparado unha serie de actividades centradas nos máis cativos.

Este venres, 17 de febreiro, ás 19.30 horas, o mago David Méndez ofrecerá un espectáculo de maxia.

O sábado, 18 de febreiro, chega a actuación dos Peter Punk e o monólogo de Nano Rivas (ás 17.30 e 19 horas). Ademais, de 16 a 19 horas, realizarase un obradoiro de maquillaxe; igual que o luns, 20 de febreiro (co mesmo horario).

Seguindo co luns, 20 de febreiro, de 18 a 19 horas celebrarase o concurso de disfraces e xusto despois (19.30 horas) chegará Dani Polo co seu show de maxia.

A París de Noia será unha das atraccións do Entroido de Parada de Amoeiro.

Tamén se poderá visitar as zonas de exposición de entroidos nas que estarán presentes o de Frei Canedo, da Ponte; Paquita e Nicanor, de Seixalbo; e As Pitas, de Eiroás.

Barbadás En Barbadás, este venres de Entroido, 17 de febreiro, todo o alumnado de Barbadás participarán no desfile infantil ás 12 horas.

Tamén o venres darase por inaugurado oficialmente o Entroido, co pregón -ás 20 horas- de Pepo Suevos, actor e monologuista. E xa pola noite, celebrarase a tradicional Cea/baile de Comadres, amenizada por un Dj no local Fonval a partir das

Barrios 16 de febreiro 2023

21.30 horas. O sábado, día 18, e o domingo 19, a música será a protagonista con varias charangas actuando en A Valenzá e polas parroquias do concello.

Xa o Luns de Entroido, 20 de febreiro, as actividades estarán enfocadas principalmente aos nenos e nenas cunha festa e un concurso infantil de disfraces (a partir das 16 horas no parque da Solaina); e sobre ás 20.30 horas, as actividades irán máis enfocadas á mocidade cunha gramola disco e a actuación de Dj Melo.

O martes será o día do gran desfile que dará comezo ás 17 horas e percorrerá toda a avenida de Celanova.

O desfile de Barbadás está previsto para o martes 22 ás 17 horas percorrendo toda a avenida de Celanova.

7

E para rematar, o mércores, 22 de febreiro, terá lugar o Enterro da Sardiña (20.30h) que fará un percorrido desde o inicio da avenida de Celanova ata a praza Vella da Valenzá.

A comitiva fúnebre estará formada coas viúvas, cos bispos, cos curas, e todos os que queiran acompañar.

Despois, haberá un espectáculo de lume (21.30h) para despedir o entroido ata o ano que vén.

O Centro Comercial Ponte Vella organiza sesións de maxia e obradoiros durante o Entroido O Enterro da Sardiña en Barbadás (mércores de cinza) fará un percorrido pola avenida de Celanova ata a praza Vella

8

Barrios 16 de febreiro 2023

especial ENTROIDO

Xinzo de Limia vive o entroido coma sempre 4 A capital limiá festexa que volva a ser "o de toda a vida".

Redacción Neste 2023 o Entroido de Xinzo de Limia volverá a ser “o de toda a vida”. Despois de anos de restricións pola pandemia, os festexos, declarados de interese turístico internacional, recuperan a programación máis tradicional.

De cheo E Xinzo xa está de cheo no entroido. Atrás xa quedou o Petardazo co que deu comezo de forma oficial o Entroido 2023. Ademais, tamén se celebrou o Domingo Fareleiro, a colga do Meco, o Domingo Oleiro,

O desfile do Martes de Entroido trasládase a horario de maña (12.30 horas)

e a Noite de Correidoiro e Domingo Corredoiro (primeiro día na que as Pantallas saen á rúa).

Moita música O venres 17 de febreiro, ás 11.30 horas, terá lugar o desfile infantil e contarase coa participación de todos os centros educativos do concello e doutros convidados de toda a comarca; o desfile estará amenizado por charangas. Pola tarde (ás 18 horas) a animación infantil traerá o espectáculo "Desembarco Pirata".

Ese días as charangas e Dj´s animarán as rúas de Xinzo desde as 18 horas ata pasda a medianoite.

O sábado 18 de febreiro a música será protagonista durante toda a xornada con charangas e grupos musicais que tocarán durante a mañá, a tarde e a noite.

Para o domingo 19 de febreiro está prevista unha alborada e cabezudos,

11.30 horas, coa agrupación musical da Limia. Durante todo o día a música volverá a encher as rúas ata altas horas da madrugada coa actuación estelar de "La Oca Band" ás 19 horas na media lúa do Toural.

Desfile e máis O martes de Entroido (21 de febreiro) trasladarase o tradicional desfile ao horario de mañá (12.30 horas), co fin de que poidan participar o maior número de veciños, veciñas e visitantes; no mesmo repartiranse 4.000 euros en premios individuais e de comparsas.

Xa pola tarde, máis música a partir das 18 horas.

O Enterro da Sardiña chegará fiel á cita o mércores de cinza. Ás 20 horas dará comezo a procesión coa Sardiña para, ás 21 horas na praza Maior, dar lectura do testamento que deixou tan nobre protagonista.

As Pantallas xa invadiron Xinzo para festexar o Entroido 2023. /F.CASANOVA.

E para rematar, o domingo 26, a Piñata, con música desde as doce da mañá e actividades infantís (obradoiros e inchables) a parrid das 17.30 horas.

Durante case un mes, o Entroido sentirase en cada recuncho da vila.

Precisamente ao sentimento apelouse na rolda de prensa para fomentar a implicación da cidadanía.

Adriana Jiménez, presidenta da Comisión, dixo que este sentimento cobra forza este ano “porque recuperamos os festexos tradicionais”.

Cartel O cartel da deseñadora Marta Rodríguez reflexa a esencia do programa, no que a música cobra un gran protagonismo e os desfiles volven con toda a súa espectacularidade.

Plan de seguridade o Concello de Xinzo de Limia conta cun Plan de Autoprotección que ten como obxectivo previr as causas das posibles emerxencias, detectándoas e evitándoas. Así, nas proximidades da praza Maior instalarase un vehículo da Axencia de Emerxencias de Galicia (AXEGA), no que se establecerá un Posto de Mando Avanzado. Este dispositivo estará operativo dende as 21 horas ata as 6 horas dda noite do Sábado de Entroido.

Ademais de bombeiros, Policía Local, Garda Civil, Garda Civil de Tráfico e Protección Civil, tamén estará operativo un posto médico de auxilios, así como efectivos de Cruz Vermella e do CIM para dar resposta coordinada ante calquera incidente coa maior celeridade.

A Deputación edita o programa do entroido de 39 concellos 4 Recompílanse os 375 actos previstos en 65 localidades ourensás.

Redacción A Deputación reforza a promoción do Entroido ourensán coa edición dun programa co Entroido de 39 concello e un xogo dos Bolechas para os escolares da provincia.

En concreto, o ente provincial editou 20.000 exemplares do Programa provincial do Entroido 2023, no que se recompilan os 375 actos previstos en 65 localidades de 39 concellos, a celebrar entre hoxe xoves, Día de Compadres, e o domingo 26, Día de Piñata. A publicación estase a distribuír en establecementos hostaleiros e oficinas de turismo de toda a provincia, así como nas principais cidades galegas, dentro dunha promoción completada cun spot sobre esta festa.

Os Bolechas Ademais, a promo-

ción complétase con 2.000 exemplares do xogo de “Trivial” Os Bolechas-Entroidos de Ourense, que se repartirán en todos os colexios da provincia para que os escolares, mediante un xogo, os escolares terán que completar un percorrido contestando a preguntas que xiran en torno a tres eixos temáticos: xeografía e historia, costumes e cultura e traxes e máscaras.

Os Bolechas-Entroidos de Ourense inclúe máis de 30 festas de toda a provincia, desde as máis famosas -caso dos entroidos de Xinzo de Limia, Verín e Laza-, ata outros menos coñecidos pero tamén interesantes ao mesturar a tradición histórica coa singularidade propia. O obxectivo é dar a coñecer a enorme riqueza cultural en torno ao entroido na provincia, mantendo vivo o espírito desta celebración.

Presentación do programa de entroidos de 39 concellos ourensáns.

PUBLICIDADE

Barrios 16 de febreiro 2023

9

10 Barrios

16 de febreiro 2023

PUBLICIDADE

PROVINCIA

Xinzo activa o saneamento do Limia, unha senda e un carril bici 4 Cunha inversión de 1,4 millóns de euros.

Redacción O de febreiro foi en Xinzo de Limia un pleno marcado polo bo ambiente do Entroido e pola unanimidade, xa que todos os grupos políticos apoiaron o recoñecemento á doutora Cristina Margusino coa Medalla do Concello e a aprobación do convenio entre a administración local e a Confederación Hidrográfica Miño-Sil para o financiamento e execución das obras de eliminación de vertidos ao río Limia e a humanización do seu entorno.

En relación á homenaxe a Margusino, a alcaldesa, Elvira Lama, sinalou que a data na que se celebrará será concretada nos próximos días e que será posterior ao 18 de marzo, cando está previsto o acto institucional para nomear fillo predilecto da vila a título póstumo a Ramón de la Fuente Galván.

A rexedora asegurou que o recoñecemento a Cristina Margusino “porá en valor a súa traxectoria e o seu traballo, xunto co seu equipo de profesionais do centro de saúde”.

En canto a aprobación do convenio para a execución do proxecto que eliminará os vertidos ao río Limia e humanizará o entorno, cómpre destacar que a

actuación suporá unha inversión de 1.420.000 euros. A CHMS aportará o 80% do presuposto total e a administración local o 20%. Coa execución dos traballos permitirase a recollida dos vertidos sen depurar ao río e a súa canalización a un pozo existente da rede municipal, no Toural, que os levaría á EDAR. Paralelamente, estableceranse actuacións para mellorar a mobilidade na zona, a través de senda peonil e carril bici, en ambas beiras do río.

Electricidade Tamén saíu adiante por unanimidade a prórroga do contrato do subministro de electricidade en alta e baixa tensión a través da Central de Contratación da FEMP, o que suporá un aforro considerable.

Na rebaixa da factura tamén terá moito que ver o proxecto para mellorar a iluminación de Xinzo e co que se conseguirá a eficiencia enerxética trala substitución de 4.610 vellas luminarias por tecnoloxía LED.

A alcaldesa anunciou que homenaxe a Margusino será posterior ao 18 de marzo

Barrios 11 16 de febreiro 2023

Alejandro Mínguez logra o certificado de profesionalidade en setas 4 O ourensán obtívoo en La Rioja.

A.M. O divulgador micolóxico ourensán Alejandro Mínguez, autor dunha ducia de libros de cogomelos, membro do Grupo Micolóxico Galego e protagonista de máis de 200 conferencias sobre fungos, conseguiu en La Rioja o certificado de profesionalidade sobre xestión da produción e recolección de cogomelos e trufas. Trátase dunha titulación con cinco unidades de competencia, equivalente a un ciclo superior de FP da que tivo que examinarse presencialmente no instituto Gonzalo de Berceo de Alfaro

Alejandro Mínguez, co certificado. en 2022, despois dun proceso de avaliación e acreditación de competencias profesionais que iniciou en 2021. Mínguez tratou de obter esta titulación en Galicia, pero foi imposible. Acudiu ao SEPE e á

Consellería de Educación da Xunta sen resultado.

O ourensán quería ter un aval académico a toda unha vida adicada dalgunha forma aos cogomelos. E logrouno finalmente en La Rioja.

Presentación da mostra na que estivo presente o alcalde de Verín, entre outros.

“Verín, territorio Banksy” Verín quere ingresar na lista das cidades que, coma Londres, Nova Orleans ou Venecia, contan cunha obra orixinal de Banksy. O concello homenaxea ao artista e activista social cunha exposición ao aire libre de 25 das súas obras, “Verín, territorio Banksy”, que conforman un percorrido dunha hora pola vila, e cursáronlle ao mesmo unha invitación para que acuda a pintar á vila do Támega.

EN BREVE 4 Firme no rural O Concello de Xinzo vén de activar un plan para reparar o firme dos núcleos do rural, que conta cun orzamento de 37.296 euros. As obras comezarán nos próximos días en Pena e Baronzás, onde o pavimento rexistra graves deficiencias.

O edil de Medio Rural, Amador Díaz, explicou que se trata de mellorar os accesos aos pobos e cumprir así cunha demanda que vén de tempo atrás.

Pola súa banda, o de Urbanismo, Ramón Gómez, sinalou que as obras consistirán na limpeza de cunetas e a reparación de fochancas con dobre rego asfáltico no interior dos núcleos. Nalgúns puntos como no acceso a Baronzás dende á estrada N-525 repararanse as deficiencias con triple rego asfáltico.

4 DO Monterrei A DO Monterrei acadou cifras récord no 2022. Por unha banda, respecto dos litros verificados (4.707.350), cun crecemento do 79% nos últimos cinco anos. E, por outra, na superficie inscrita, que no 2022 acadou as 691 hectáreas; e nas adegas, chegando ás 28 actuais e aumentando en máis dun 10% nun lustro, o maior crecemento de tecido empresarial na Galicia vitivinícola.

Cabe destacar que máis do 90% dos litros embotellados baixo o amparo da DO Monterrei véndense no mercado nacional, fundamentalmente en Galicia, zona noroeste (Asturias, Cantabria, País Vasco), Madrid, Cataluña e Valencia.

12 Barrios

16 de febreiro 2023

ENTREVISTA

ENTREVISTA A JUAN ANDRÉS HERVELLA, AUTOR DO LIBRO “XARDÍNS DE OURENSE”

"Son -os xardíns- a mellor presentación tanto de vilas como cidades, amosando o seu estado de conservación, a idiosincrasia dos seus moradores" 4 O libro fai un percorrido polas zonas verdes da capital ourensá.

R. Torres “As cidades e vilas son o marco habitual onde desenrólase a vida cotiá da grande maioría das persoas. Os espazos verde constitúen verdadeiros pulmóns das cidades e vilas; desta circunstancia xorde a necesidade da creación, conservación e coidado dos mesmos”. Esta é a carta presentación de Juan Andrés Hervella do libro que acaba de publicar, “Xardíns de Ourense”.

Que se vai atopar o lector cando lexa “Xardíns de Ourense”?

Juan Andrés Hervella: “Con curiosidades case descoñecidas, relacionadas cos nosos xardíns ademais de dar a coñecer datos históricos relacionados cos mesmos: especies existentes, situación dos mesmos, finalidade, etc.”.

Juan Andrés Hervella. /M.REJO. Cando decidiches escribilo?

J.H.: “A publicación forma parte dunha serie de artigos xornalísticos mensuais publicados no xornal La Región, comprendidos entre 2013 e 2016 e recompilados para esta ocasión".

“O lector atoparase no libro con curiosidades case descoñecidas, relacionadas cos nosos xardíns, ademais de dar a coñecer datos históricos relacionados cos mesmos”

Na presentación desta obra dixeches que “a calidade dunha cidade está nos seus xardíns”. En que lugar queda Ourense con esta afirmación?

J.H.: “Desgraciadamente os nosos xardíns ao longo do tempo sufriron innumerables agresións de topo tipo: merma da súa superficie, utilización como espazos lúdicos-festivos, arranxos, inapropiado mantemento deficiente dos mesmos, ata chegar ao lamentable estado actual”.

Outra das frases foi que “os xardíns hay que coidalos porque son o futuro das ciudades”. Tan importantes son para unha cidade?

J.H.: “Son a mellor presentación tanto de vilas como cidades, amosando o seu estado de conservación, a idiosincrasia dos seus moradores. A importancia dos espazos verde constitúe unha verdadeira necesidade para a conservación tanto da saúde como do ocio dos seus usuarios”.

por parte dos seus usuarios máis novos, pouco respetuosos cos nosos espazos verdes, e que son tan necesarios para a saúde diaria dos seus moradores”.

Dous dos referentes na cidade de Ourense son o xardín do Posío e o parque de San Lázaro, porén de verde quédalles pouco.

Que opinas deses enclaves?

J.H.: “O Posío constituíu, no seu día, un dos mellores enclaves do xardinismo da cidade das Burgas pero, as malas actuacións sobre o mesmo ao igual co parque de San Lázaro, aumentaron a súa degradación. A todas luces, tanto polo abandono dos seus coidadores como pola incuria e pouco respecto

Que cres que necesita a cidade para ser unha auténtica cidade verde?

J.H.: “Mentalizar á pobación ourensán da impor-

En que nivel consideras que a cidade está a coidar as súas zonas verdes?

J.H.: “Desgraciadamente parece que a nosa cidade non ten en conta, para nada, a importancia destes verdadeiros pulmóns naturais tan importantes para a renovación do aire que nos rodea”.

tancia destes espazos tan necesarios para o desenrolo san da vida cotiá dotándoos dos imprescindibles medios de conservación así como das necesarias melloras dos mesmos, sen esquecer a presenza cada vez máis nula das especies arbóreas”.

Para rematar, onde se pode mercar o libro?

J.H.: "No correo juanhervellarego@gmail.com informarase do precio e como adquirilo.

Espero que a lectura desta miña terceira publicación sirva para adquirir coñecementos, historia, naturaleza, arte, que permitirá á súa difusión ademais da defensa".

Debuxo, do propio Hervella, do xardín do Posío.

DEPORTES

O Artai compite a bo nivel en Atenas 4 Faise con oito medallas.

Redacción Doce competidores dos clubes Escolas Deportivas Artai e Wushu Kungfu Club Ourense participaron en Atenas (Grecias) no International Atenas Wushu/Kungfu Open Tournament.

O evento emulou as antigas épicas deportivas gregas con máis de 900 competidores nas distintas modalidades e categorías que alí se citaron, sendo o equipo de competición de Hong Kong o centro de todas as miradas, debido a que estaba integrado maioritariamente con medallistas mundiais.

Medallas A expedición dividiuse en dous grupos, grupo de Sanda (Combate chinés) e grupo de Taolu (Coreografías de Kungfu).

Na modalidade de Sanda Lixeiro, Yolanda González Diéguez logrou a medalla de prata. Pola súa banda, en Sanda, Dereck González Chamborro ocupou un meritorio cuarto lugar.

En Formas, Javier Rodríguez Meigide, conquistou dúas medallas de ouro; Javier Armesto Gálvez, dúas medallas de prata; e Lucía Ucha González, dúas preseas de bronce.

O Artai co equipo de Hong Kong.

Barrios 13 16 de febreiro 2023

Valencia e Barcelona conquistaron Ourense 4 Lograron a Copa Iberdrola e Joma, respectivamente.

Redacción Expourense volveu acoller unha das mellores probas atléticas en pista cuberta a nivel nacional. A Copa Iberdrola e Copa Joma encumbraban aos mellores clubs masculinos e femininos do panorama nacional.

Foi unha xornada intensa a vivida na pista cuberta de Expourense, e esta non defraudou. Preto de 300 atletas participaron neste evento que encumbrou ao Valencia, na categoría feminina, e ao FC Barcelona, na masculina.

O Valencia Club Atletismo logrou o seu título 27º logrando 87 puntos.

Por detrás das levantinas quedaron, nun marxe moi apretado, as atletas do Playas de Castellón (con só dous puntos menos) e o Barcelona con 79 puntos copou o podio desta Copa Iberdrola.

Máis holgada foi a vitoria do FC Barcelona na Copa Joma. Os atletas do

A Copa rematou co 4x400 masculino. /RAMSÉS. equipo da cidade condal foronse ata os 90 puntos logrando aventaxar en 11 ao segundo clasificado, o Playas de Castellón. O Fent Camí Mislata logrou a terceira posición.

Jordan Díaz O nome propio desta copa foi o de Jordan Díaz.

O atleta nacionalizado español lograba o record de España en triple salto, ao

saltar 17,49 metros. Díaz era a segunda vez que chegaba a Ourense; a primeira foi no Campionato de España do ano pasado, pero unha inoportuna lesión impediulle estrear a pista de Expourense.

Na súa segunda visita si que competiu logrando este éxito, presaxiando o que será o primeiro de moitas ledicias para o atletismo nacional.

Fútbol Redacción O Arenteiro segue asombrando na 2ª Federación e continúa líder.

Son sete puntos os que separan aos do Carballiño do segundo clasificado, o Compostela.

O Ourense CF tamén está logrando moi bos resultados nas últimas xornadas, o que fixeron que os capitalinos marchen novenos pero a catro puntos da promoción.

Esta fin de semana o Ourense CF recibe ao Oviedo Vetusta (domingo, 12 horas) mentres que o Arenteiro visita ao Real Avilés.

3ª RFEF Na 3ª RFEF, a UD Ourense logrou parar a racha negativa e suma dúas vitorias consecutivas. Isto fai que volva a postos de promoción (quinto).

O Barco, pola súa banda, logrou un empate contra o Viveiro, o que fai que ocupe a décimo segunda posición a oito puntos da promoción pero tan só un por enriba do descenso.

Esta fin de semana o Barco recibe ao Gran Peña, e a UD Ourense fai o propio co Choco (sábado ás 16.30 h).

14 Barrios

OCIO E CULTURA

4AXENDA

4AS ANDRÓMENAS E OUTROS CONTOS

16 de febreiro 2023

Teatro - Domingo 26 de febreiro - 19h - Adictos Teatro Principal.

- Domingo 12 de marzo - 19 horas - Todas las canciones de amor - Teatro Principal.

Musica - Venres 24 de febreiro - 20.30h - Tributo a Pucho Boedo con José Antonio Alvar e Burgas Big Band - Teatro Principal.

- Venres 10 de marzo - 20 h - “Christiane, Bio: Musical científico” - Teatro Principal de Ourense.

Cinema - Luns 30 de xaneiro - 20.30 h - Os fillos da Yihad - Cineclube Padre Feijoo.

- Mércores 1 de febreiro - 18 e 21 h - “Decision to leave” - Teatro Principal.

- Luns 8 de febreiro 20.30 h - O Cabalo de Turín - Cineclube Padre Feijoo.

- Mércores 8 de febreiro - 18 e 21 h - “Close” - Teatro Principal.

Deportes - Domingo 19 de febreiro - 12 h - Fútbol: Ourense CF - Real Oviedo Vetusta - O Couto.

- Sábado 18 e domingo 19 de febreiro - Campionato Xunta de Galicia atletismo sub20 pista cuberta - Expourense.

- Sábado 18 e domingo 19 de febreiro - Campionato de España de remo de longa distancia - Castrelo de Miño.

- Domingo 5 de marzo - Copa Deputación de Ourense hípica 2023 - Hipódromo de Sandiás.

Exposicións - Ata o 26 de febreiro - Entroido, mobiliario vestido - CC Marcos Valcárcel.

- Ata o 12 de marzo Medindo o xesto, trazando o tempo - CC Marcos Valcárcel.

- Ata o 12 de marzo O bosque anguriado - CC Marcos Valcárcel.

Outros - Sábado 4 de marzo 20 h - Ópera: El barbero de Sevilla - Teatro Principal. www.periodicobarrios.com

Nós, a xente do redor Redacción

Aos seus pés “Mestre Pachi” Unha mañá fría en Ribas do Asneiro os carambelos penduran dos tellados, cargados de luciñas de cores, secouse a lama e as pedras ceibes outrora. Agora son escravas do chan e das rodeiras dos carros, as fochancas das pegadas das vacas cubertas de lazo semellan estrelas cando a raiadiña do sol do inverno pousa nelas. Imos á feira de Lalín cunha grea de vacas.

O pai afalándolle e eu a cabalo do Moro, o noso cabaliño chosco, que tamen carrexa os cestos de codesos para vender na feira.

Ao chegar agárdanos un rebumbio de porcos, cuxos, vacas e galiñas que enchen de balbordo o amencer xeado no Deza, tratantes e xente do común. Os primeiros son “señores do gando” deles depende o que custa unha vaca ou un cuxo, e os outros son os que saben de verdade o que vale, cada cuxo, cada marrauciño, cada galiña e cada año.

Saben das noites sen durmir, de estrarlle a corte, de aloumiñar e criar, e das perdas e da loita, os do común rezan para que empreñen e nazan con ben, e coidan das paridas, amántanas para que non se arrefríen, e fanlle caldeiradas de nabos e fariña de millo para que dean o mellor leite e choran cando morre algunha.

“As vacas aínda que non teñan alma son a outra familia da casa”, decía meu avó Amador.

Pouco a pouco cada un atopa o seu espazo na feira, enriba preto das tabernas as polbeiras, enfronte as vacas; e a dereita, os porcos e os años.

O pai dame cinco pesos (é o que ten ser fillo dun tratante penso eu todo orgulloso) para mercar os doces na praza de Abastos, vou correndo, é o almorzo dos días de feira, devezo por eles, biscoitos recheos por dentro e pintados con mel, cadradiños e lenes coma “os bocadiños dos anxos” dixo a

avoa, mastigando devagariño tiro cara o cine de Balado, vendo os postos de paso, o cine gustame tanto!

Na esquina un mozo limpa nos zapatos cunha caixa na acera e o sorriso na faciana. É un amigo do Suso, presentoumo o día que viñemos a ver a de vaqueros, “é amigo meu -dixóme- e ademais eche un artista”.

Delgadiño e cun paso raro, noto nel algo especial, caeme ben, sempre me caerá ben. Ese día coñecín a Carlos, Pachi, despois, e máis, este recordo vén a min dende un pasado lonxano, xa non sei nin se te chamas así querido artista, ou é o maxín dun neno pequeno, que te descubreu aquel día e se inventou un nome.

Poida que sexa porque te me asemellaches a Roberto Carlos, non importa o teu nome, é Pachi, o noso Pachi!

Onte vin como Lalín se rendía a ti, vinte no alto do escenario abrazando a todos co teu aceno agarimoso, feliz, co sorriso de neno grande que nunca perdiches, o público cos faroliños acesos, xa sei cos mobiles, pero a min pareceume que tiñan avelaiñas nas mans para rendirche homenaxe, non puden erguer a miña, as bágoas encheronme os ollos coa emoción, coa ledicia, as avelaiñas dos camiños de Ribas do Asneiro tamen encheron as miñas meniñas. Vinte enriba do palco do Cruceiro en Vilanova, en Soutolongo, en Cristimil, en Lebozán, ou en Castro, en Gresande ou en Bermés, coma un deus en todas as verbenas, en todas as festas compartindo un abrazo, unha conversa ou unha cervexa.

Cantos namoramos ou fixemos as beiras coas túas cancions, si, túas, fixeches teus os éxitos de cada verán, “o bimbó” e “o chiringuito”, a barbacoa e as outras, e despois Dyango, ti sempre cantaches mellor que el alomenos para min, “porqué es mejor querer y después perder...”. Ti tamen sabes de perdas e perdedores, tamen tes no mirar

algo do home do piano e moito dos divos de Elvis ou de Andrés Dobarro, e onte o mundo agarimoute no Cocido de Lalín, Non pode haber mellor homenaxe que tres xeracions cantando contigo “Venecia sen ti”. Estamos ben fachendosos Pachi, estamos namorados de ti, Venecia estará sen ti pero Lalín sempre vivirá en ti!

Inmenso! nun escenario grande que che se fixo pequeno, chaqueta vermella; e paixón na voz, humildade no xesto e xenerosidade na entrega, no máis alto, no Olimpo dos nosos. Fixechesnos tremer a todos co corazón encollido, coa tristeza de Venecia sen tí, nin Aznavour, o outro Carlos, o faría mellor.

Lembreime de fai uns anos, xusto antes da peste, cando nos acompañaches na primeira festa da escola de Vilanova, como bailamos contigo o amigo Jhoni, María, Lola, Celsiña, Alvaro, Pepe Varela, Manolo o da Casa do Patrón, a Bertiña e eu, ata Rogelio lle botou unha baila. Na segunda veu o noso amigo Maxi (Maximino Míguez) grande tamén onde os haxa.

Hoxe, mentres escribo esto falamos por teléfono e díxome que as autoridades deberían nomearte Lalinense de honra e eu digo que ben o merecedes os dous.

Si, papá, pensabas que íame esquecer daquel ano. Luns da festa de Vilanova cando Pachi veu xantar aos Muíños, (tras tocar na sesión vermú) como me ía esquecer.

Aínda vos vexo cantando a Rianxeira e mollando o “manguito” na cunca do viño. Dixechesme cando marchou, “na festa gozamos todos pero os artistas traballan para divertirnos por iso temos que respetalos”. Direiche que aprendín a respetalos a todos e aos loitadores coma Pachi a respetalos, a querelos e a admiralos.

Avelino Jácome

Presentouse un novo numero, o nove, da revista cultural Nós a Xente do Redor. No Salón Noble do Liceo de Ourense, ateigado coa presenza de numeroso público, máis de 150 persoas que arrouparon aos autores, pintores, ilustradores, músicos e artistas de diferentes sensibilidades.

O acto foi presentado por Marina Sánchez, autora e patrocinadora do evento co seu canal en youtube, “Marina Sánchez Canal Cultura”; contou coa axuda de dúas alumnas do Colexio Cardenal Cisneros, baixo a dirección de Marila Abad. Ademais, o acto contou coa presenza de distintas autoridades: Gabriel Alén Castro, delegado territorial da Xunta de Galicia en Ourense; Rosendo Luis Fernández, presidente do Inorde e vicepresidente da Deputación de Ourense; Juan Manuel Casares, presidente da C.R.D.O Ribeiro e da Ruta do Viño do Ribeiro; e Avelino Pazos, alcalde de Castrelo de Miño.

O autor da portada nesta ocasión é o pintor

colombiano, afincado en Lalín, Carlos Santos, que estivo acompañado por un numeroso grupo de lalinenses, entre eles Manuel Blanco Villar, director do Museo Casa do Patrón en Codeseda; Amparo Blanco; a poeta Charo Goldar; membros do grupo “Os Trasnos de Doade”, así como María Dobarro e os acordeóns de Lalín.

A música correu a cargo de Antonio Barros e Maximino Míguez, de Lume na Lareira e Acordeóns de Lalín.

Entre o público asistente, artistas ourensáns de primeiro nivel como María do Ceo, Emilio Rúa e a recanteira Paula Ferrer, entre outros.

O evento contou tamén co apoio de asociacións ourensáns, entre elas a Asociación Diabética Auria, colaboradores da revista; a Asociación Cultural Queixumes dos Pinos, coa presencia da súa directora María Rita Mira Doallo; e Manuel Cenlle, presidente da Asociación de Veciños Loureiro do Couto.

Unha velada inesquecible no incomparable marco do Liceo Ourensán, coa profesionalidade do seu xerente, José Luis Troitiña e o marabilloso equipo deste Templo Ourensán da Cultura.

Presentación do número 9 da revista.

4HUMOR

OCIO E CULTURA / CLASIFICADOS

Barrios 15 16 de febreiro 2023

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Arcediagos,11, 1º - 32005 Ourense. Tel: 685 969 546. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Jorge E. Bóveda, C. Domarco, Avelino Jácome. Yedra Seara, Manuel Blanco Nº178 - Ano: XVI - 26 de xaneiro de 2023 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 685 800 190.

4ANUNCIOS CLASIFICADOS

4DESDE O OUTRO LADO DA RAIA

[Deixe o seu anuncio no 685 96 95 46 ou en info@periodicobarrios.com. Gratuítos para particulares]

A verdade acerca de fumar Fumar é unha das peores cousas que pode facer para a saúde. Para un fumador habitual cada cigarro elimina preto de 15 minutos ao tempo de vida.

O risco de cancro de pulmón, aumenta linealmente canto máis se fuma. As partículas finais presentes no fume danan o revestimento dos pulmóns, cuxos efectos acumulativos poden provocar trastornos respiratorios graves. O maior risco inmediato é a enfermidade cardiovascular e o infarto, así como a enfermidade respiratoria.

Deixar de fumar por completo anulará certo risco relativo de dano.

Despois dun ano, o risco reducirase á metade.

Deixar de fumar tamén pode rescatar algúns anos

de vida perdidos.

Pero deixar de fumar soe ser máis fácil dicilo que facelo, e ser un fumador ocasional non o fai moito máis sinxelo.

Segundo a axencia de saúde inglesa, a forma máis efectiva de deixar de fumar é utilizar o servizo local para deixar de fumar, que proporciona de inmediato unha rede de apoio de persoas que están deixando de fumar e profesionais da saude que ofrecen terapia condutual e medicamentos.

Hai fumadores que sofren dores de cabeza e se privan de comer diversos alimentos, como o chocolate, pero non prescinden da solución máis eficaz, que é deixar o tabaco.

Sorprendentemente, al-

Hai fumadores que sofren dores de cabeza e se privan de comer diversos alimentos, como o chocolate, pero non prescinden da solución máis eficaz, que é deixar o tabaco

gúns alimentos, especialmente a carne, fan que de un cigarrillo despois das comidas sexa máis placentero. Outros, incluído o queixo, as verduras e as froitas, fan que os cigarrillos teñan un sabor horrible. E se tes unha recaída, non te castigues. Ter unha mentalidade positiva pode ser a diferenza entre o éxito e o fracaso.

Na maioría dos países, o número de fumandores foi diminuíndo, mais en Portugal incluso aumentou (especialmente entre as mulleres máis novas) e España sitúase na novena posición de países europeos que máis fuman. O tabaco é responsable de cinco millóns de mortes prevenibles.

Deixe de fumar, compre “noirette” (chicles medicados). “Querer é poder” e por iso deixa de fumar e así, te deixarán os horribles males.

João Damião

INMOBILIARIA Véndese piso en Beluso, Bueu (Pontevedra). 100 m2, 3 habitacións, salón, cociña, baño, despensa e 3 trasteiros amplios. Soleado todo o día, situado preto de servizos básicos e a menos de 2 km das mellores praias da zona.

Prezo: 85.000 euros.

Tfno.: 679 588 349 (envío fotos, escoito ofertas).

Alugo local económico no centro. Ideal para oficina, almacén ou trasteiro. 17m2. Dispón de baños comunitarios. 120 euros/mes máis 7 euros de comunidad. C.E.: C. Teléfono 627 203 131 Véndese casa céntrica en Xinzo de Limia.

Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza.

133.000 euros. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros.

Tel: 653 208 506 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029.

Vendo casa na estrada de Santiago, con finca. Para restaurar. Tel.:672 089

349.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62.

TRABALLO Ofrécese señora para traballar por horas en Xinzo coidando maiores. Tel. 641 440 921.

Ofrécese señora para traballar por horas en Xinzo limpando. Tel. 641 440 921.

Ofrécese señora para traballar con xente maior ou nenos. De toda confianza, con informes. Disponibilidade de coche e fins de semana Tel.: 606 422 543.

Ofrécese señora para limpeza por horas Tel.: 674 500 513.

Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes. Tel.: 606 422 543 Ofrécese auxiliar de enfermaría, con titulación, para o coidado de maiores.

Como interna ou por horas.

En Ourense ou arredores.

Telf.: 663 043 561 Danse clases de francés a domicilio. Todos os niveis.

Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital.

Todos os niveis. Tamen materias curriculares de ESO e Bacharelato. As clases son individuais e personalizadas. Ampla experiencia. Excelentes resultados.

Económico. Interesados enviar WhatsApp ao 610 38 25 89.

Busco traballo en desbroces con tractor ou condutor de camión e carretillas.

Ampla experiencia. Tel: 637 282 405.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario.

Tel: 686 005 358.

VENDAS Vendo colección de revistas “Muy interesante”, do nº1 ao 163, e “Natura”, do 1 ao 132 (as dúas encadernadas). Tlf: 636286434.

Vendo accesorios para cans: arnes de tiro, correas, collares e fournitures. Tlf: 636286434.

Vendo unha xanela de dúas follas en aluminio sapelly de 1,40 x 0,94 m con cristais. Tlf: 636286434.

Vendo dúas cadeiras infantís de coche (Jane) de 15-36 kg con isofix, unha negra e outra vermella.

Tlf: 636286434.

Vendo rizador de pelo con accesorios para alisar e rizar. Tel.: 666 303 635 Vendo cama hospitalaria articulada en bo estado, con colchón anti-escaras.

Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Véndese mampara nova.

Tel: 672 089 349.

Véndense traxes de cabaleiro moi antigos en bo estado, ideal para Entroido. Prezo 10€. Tel: 610 979 897.

Compro moble de cociña completo. Tel: 988 247 824.

Vendo escritorio. Como novo, bo prezo. Tel: 672 089 349.

Vendo estufa de frío e calor. Tel: 672 089 349.

Barrios 16 de febreiro 2023