Barrios

Roberto Verino ingresa na Real Academia Galega de Belas Artes [Páx. 7]

OURENSE

Páx.5 VERÍN

Avances na accesibilidade vertical na Cruz Alta e en Avilés de Taramanco

Páx.6 XINZO

A nova campaña de Aever, “Eu merco en Verín”, traerá inchables o 1 de xullo

Páx.10 DEPORTES

O deporte invade Xinzo este verán con máis dunha decena de actividades

Páx.12 DEPORTES

O “Correndo por Ourense” chega ao seu ecuador e voltará en setembro

Páx.12

Os mellores deportistas de kungfu moderno déronse cita no pavillón dos Remedios

55º Rallye de Ourense

[Páx. 2]

Ourense en festas

Modernización nos regadíos da Limia

[Páx. 3]

[Páx. 11]

Ourense acolle 200 actividades do 22 ao 26 de xuño. // Efrén Llanera e Sara Fernández vencero no Rallye de Ourense. // A Xunta construirá 42 novos pozos de sondaxe na Limia.

Número: 167 - Ano: XV - 23 de xuño de 2022 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 23 de xuño 2022

TEMA DA SEMANA

LLarena e Fernández no último tramo do Rally de Ourense./RAMSÉS.

Efrén Llarena e Sara Fernández logran a vitoria no Rallye de Ourense 4 Gañaron a 55ª edición dunha cita que congregou a milleiros de afeccionados.

R.T. O Skoda Fabia Rally2 Evo de Efrén Llarena e Sara Fernández venceu na 55ª edición do Rally de Ourense Recalvi. Unha edición con moitas novidades que non defradou aos milleiros de afeccionados que non se quixeron perder o espectáculo das catro rodas.

Na primeira xornada xa se viu unha quinta proba do Supercampionato de España moi disputada. As dúas pasadas por Amoeiro e O Irixo-Boborás deron paso a un tramo urbano

que fixo as delicias dos presentes. Entrada a noite a clasificación deixaba a Iván Ares (Hyundai i20N Rally2) como primeiro, seguido de Pepe López (Hyundai i20N Rally2) como segundo, e Efrén Llarena (Skoda Fabia Rally2 Evo) como terceiro.

Xornada definitiva Despois do dominio dos Hyundai durante os tramos da primeira xornada, todo cambiou na xornada definitiva. No primeiro tramo do sábado (Barbadás), Pepe López (con Borja Hernández de

Iván Ares no tramo urbano nocturno de Ourense. /RAMSÉS.

copiloto) viuse obrigado a abandonar por culpa dunha avaría ao sairse da estrada. No primeiro paso por Toén, Iván Arés tamén sufriu unha avaría que obrigouno a abandonar cando marchaba como líder. Con este panorama quedaba todo despexado para os Skoda nunha loita fraticida entre Efrén Llarena e "Cohete" Suárez; este último viña remontando posicións despois dunha primeira xornada pouco fructífera.

Podio Así, despois dos 145 quilómetros cronometrados, Llarena levouse a vitoria por primeira vez en Ourense marcando un tempo dunha hora, 25:52.8 minutos. Suárez tardaría 4,1 segundos máis polo que subiría ao segundo caixón do podio.

En terceiro lugar remataría Alejandro Cachón e

Tras Llarena quedou na segunda posición “Cohete” Suárez, e terceiro, Alejandro Cachón

Ángel Vela (Citroen C3 Rally2) a máis de dous minutos e medio do vencedor.

Surhayén Pernía - Alba Sánchez (Hyundai) e Óscar Palomo - Javier Moreno (Peugeot 208 Rally4) foron cuartos e quintos, respectivamente.

Outros trofeos O propio Óscar Palomo gañou a Peugeot Ibérica.

O Trofeo José Luis Ou-

teiriño recalou en Pablo Blanco e Ian Quintana (Citroën C3 N5); os primeiros da Copa Suzuki Swift foron David Cortés e Rubén Soto; Roberto Blach, xunto con Mauro Barreiro, venceron a RTS. Os trofeos máis entrañables son o Escudería Ourense e o Estanislao Reverter. O primeiro logrouno con solvencia Jorge Coca e Diego Vázquez, co Subaru Impreza;

Silva e González no tramo A Merca - Celanova. /RAMSÉS.

e o segundo foi para Juan Manuel Carballo con Ismael Iglesias, no Fiat 131.

O Trofeo Escudería Ourense foi para Jorge Coca, e o Estanislao Reverteo levouno Juan Manuel Carballo

TEMA DA SEMANA

Barrios 23 de xuño 2022

3

As Festas de Ourense contarán con máis de 200 actividades ao longo de cinco días 4 Os concertos máis destacados teñen lugar na avenida Pardo de Cela.

R. Torres As Festas de Ourense que este ano están comprimidas en cinco días, do 22 ao 26 de xuño, contan con máis de 200 actividades. Ademais do concerto de Morad -celebrado este mércores día 22-, e os de Taburete e Rulo y la contrabanda, tamén actuarán algunhas das orquestras principais do panorama actual.

Na presentación, o alcalde, Gonzalo Pérez Jácome, avisou que regresan unhan festas "por todo o alto" e, aínda que “as festas maiores da cidade son o Entroido, e xuño é un mes con moitas actividades”, este ano o Concello apostou por “concentrar unha oferta potente en cinco días”.

Durante cinco días, a cidade acolle “máis de 200 eventos distintos o que representan un dos festexos con maior número de actividades da historia”. Como citas destacadas, xunto ao concerto de Morad, teñen lugar os concertos de Taburete – o 24 de xuño ás 23 horas -, e o concerto de Rulo y la contrabanda – ás 23 horas,

O alcalde, Gonzalo Pérez Jácome, na presentación das Festas de Ourense 2022. /RAMSÉS. o 25 de xuño -. Estas actuacións serán na avenida de Pardo de Cela, que é a zona urbana con maior superficie da cidade, para así acoller a máis xente.

Ademais, a rúa do Progreso, á altura de Bispo Cesáreo acollerá as actuacións das orquestras.

Agrupacións destacadas coma o Combo Dominicano (xoves 23 ás 23 horas), Capitol (venres 24 ás 20

horas), Olympus sábado 25 con dous pases ás 20.30 e ás 01.00 horas) ou Fórmula (domingo 25 ás 20 horas) pasarán eses días pola cidade.

Todas as actividades serán de balde agás o concerto do grupo Taburete que terá unha zona de pago “zona fan” de 3.000 entradas, que serán a 5 euros a través de ataquilla. com, e o resto serán gratuítas (con espazo para uns 6.000 asistentes).

doiros de oficio, teatro de rúa, música en vivo, espectáculos e un recuncho infantil.

Outro dos eventos tradicionais das últimas festas do Corpus é a Feira da Cervexa artesá, que este ano chega á súa décima edición. Do 23 o 26 na praza Padre Feijoo, instalaranse un total de 16 stands de cervexa artesá e sete foodtruks de comida, con horario de apertura de 12 a 01 hora. Completan a programación xogos populares e obradoiros infantís. O parque de Auga estará ubicado no xardín do Posío entre o 23 e o 25 de xuño cun horario de apertura de 11 a 13 e de 17 a 20 horas.

Como broche á estas festas, regresa este ano a tirada de fogos artificiais.

Será o domingo, ás 23.55 horas, desde as beiras do río Miño a cargo da pirotécnica ourensá Josman.

Novidades Entre as novidades haberá actividades de maxia coa celebración da 1ª Feira da Maxia de Ourense.

As actuacións no parque

das Mercedes serán os días 23 (de 19 a 21 horas) e 24 (de 17 a 20 horas).

Ese mesmo día 24, o parque de Barbaña acolle a partir das 21 horas o espectáculo de maxia Cirkalgia.

O Auditorio Municipal acollerá unha actividade gaming o sábado 25 e domingo 26. As competicións que se celebrarán son as de FIFA 22, Brawl Stars, Pokémon, Clash Royale, Super Smash Bros. Tamén haberá realidade virtual, Scape Room, Influencers, Ponencias Esports e Gaming, Zona de xogos libre, Batalla de Galos e xogos arcade.

Deportes No tocante ao deportes, o Consello Municipal de Deportes (CMD) trae unha extensa programación para as Festas do Corpus de Ourense.

As actividades darán comezo o mércores 22 co Torneo Festas de Ourense Natación Artística (na piscina Rosario Dueñas de 18 a 21 horas). Co mesmo horario haberá unha exhibición de Xim-

Máis actividades Outra das actividades importantes destas festas, é a Feira Medieval, que se recupera (do 22 ao 26 de xuño) nas prazas da zona histórica da cidade, e que inclúe moitas actividades paralelas, ademais dunha sardiñada o día de San Xoán. Abrirá as súas portas ás 11 e ás 17 horas.

Entre as actividades que se desenvolverán están obra-

O Mercado Medieval que estará aberto ata o domingo 26 -con apertura ás 11 e ás 17 h.- é unha das actividades con máis tirón. /RAMSÉS.

O deportesestará presente con natación, ximnasia, volei praia, fútbol sala, entre outros

O día 25 actuarán a orquestra Olympus 21 e 00.30 horas e Rulo y la contrabanda ás 23 horas.

nasia Rítmica nos exteriores dos Remedios.

O xoves 23, o polideportivo da Carballeira acolle -de 9 a 21 h- o Torneo Secundino Basalo de fútbol sala alevín.

O pista de volei praia de Oira celebra, o venres 24, a xornada “Descubre o Volei Praia” enfocada a nenos de entre 8 e 12 anos de 10 a 13 horas.

O sábado 25, na Batundeira-Velle (16:30 a 18:30h) primeira xornada de portas abertas de piagüismo para nenos de 7 a 14 anos; e a segunda xornada terá lugar de 18:30 a 20:30 horas.

No polideportivo da Carballeira celébranse as finais autonómicas de hoquei en liña. (de 9 a 21 horas) o sábado 25 e domingo 26. E nas pistas exteriores do pavillón dos Remedios, o domingo 26, estará instalado de 19 a 21 horas, un circuíto de educación viaria que contará con obradoiros de bicis e xincana.

O Mercado Medieval estará ubicado na zona histórica da cidade e a Feira da Cervexa na praza Fonte do Rei, ámbalas dúas ata o día 26 O Auditorio Municipal acollerá unha actividade gaming o sábado 25 e domingo 26.

As competicións que se celebrarán son as de FIFA 22, Brawl Stars, Pokémon, Clash Royale e Super Smash Bros

4

Barrios 23 de xuño 2022

EN BREVE 4 Estorniños O Concello iniciará a semana próxima a campaña anual de control da poboación de estorniños na cidade. A Aguia Harris volverá a cidade para disuadir a presenza destes animais e reducir molestias á cidadanía.

4 Campaña libros Xa está en marcha a campaña anual de fomento da lectura, coa que agasallará aos nenos e as nenas da cidade cun libro á súa escolla, que poderán retirar nas librarías da cidadeo. O Concello dalle continuidade por terceiro ano consecutivo a esta iniciativa, coa que persigue fomentar a lectura entre a rapazada coincidindo co inicio das vacacións de verán, premiala polo seu esforzo durante o curso escolar e apoiar o comercio local. A campaña -que estará vixente ata o 7 de setembro- esta dirixida a escolares que nacesen desde o ano 2004 en adiante e que figuren no padrón do Concello.

CIDADE

Avances na accesibilidade vertical da cidade 4 Na Cruz Alta e en Avilés de Taramanco.

Redacción O Concello da pasos cara adiante en canto á accesibilidade vertical na Cruz Alta e en Avilés de Taramanco.

A xunta de goberno local aprobou o expediente para contratar as obras de instalación dun elevador na rúa Avilés de Taramancos. O proxecto ten

A rúa Avilés de Taramanco.

un orzamento de 540.000 euros, IVE engadido. Ademais, sacou a concurso a execución das obras dos proxectos de mellora da mobilidade vertical no barrio da Cruz Alta. O alcalde, Gonzalo Pérez Jácome, destacou a relevancia especial da intervención no barrio da Cruz Alta dado que, lembra, “foi a primeira promesa que se fixo en

Ourense cidade dun enclave que necesitaba claramente dun sistema de elevación vertical. Agora vemos que comeza a facerse realidade”.

Matadoiro O Goberno municipal, tamén sacou a concurso a demolición do matadoiro para construír o parque acuático termal.

O rexedor destacou a importancia do proxecto de demolición do matadoiro, emprazado nas proximidades da zona termal.

Un espazo onde, explica Jácome, “en vez de poñer a primeira pedra, quítase”, xa que o obxectivo final desta intervención é eliminar a actual construción para que os terreos nos que se empraza acollan o futuro parque acuático termal da cidade.

“Son dúas noticias impresionantes”, concluiu.

A intención é que estas actuacións -tanto a do matadoiro como a da accesibilidade na Cruz Alta, se poidan adxudicar no prazo de 2 ou 3 meses e comezar a executarse antes de final de ano.

50 millóns para investir en Ourense 4 O pleno aproba 17 modificacións de crédito.

Redacción O Concello de Ourense disporá de 50 millóns de euros despois de aprobar nun pleno extraordinario 17 modificacións de crédito (das 18 presentadas).

Esa cifra supón, ao redor da metade do orzamento ordinario do Concello, polo que estamos a falar dunha das manobras máis importantes da cidade.

O montante da operación irá destinado para executar principalmente investimentos na cidade e reforzar partidas de diferentes áreas municipais (máis do 50% será para infraestruturas).

Apoio O Grupo de goberno, sen ser maioría, logrou o apoio necesario para a sacar adiante case todas

as modificacións. PP e DO que suman, que suman entre os dous 11 concelleiros, sabían que o voto do non adscrito Laureano Bermejo maís do do concelleiro de Cidadáns, Pepe Araújo, non serían suficientes para sacar adiante todas as modificacións. O feito de que as modificacións se presentaran por lotes en vez de nun só, fixo que fora posible sacar a maioría delas.

O Bloque Nacionalista Galego foi o grupo que co seu voto fixo que sairan adiante a maioría das 18 modificación (votaron a favor de 13 delas). Isto non sentou nada ben nas filas socialistas que lles acusaron de "branquear" ao goberno de Jácome.

A única modificación que non saiu adiante foi a da compra do Bamio por 700.000 euros.

Barrios 23 de xuño 2022

SOCIEDADE

5

Tarxeta Xente Nova: 112.000 usuarios menores de 21 anos viaxan de balde por toda Galicia

4 Esta medida cumpre un ano desde a súa posta en funcionamento en toda Galicia Redacción A Tarxeta Xente Nova permitiu xa viaxar gratis en autobuses interurbanos a 112.000 mozos menores de 21 anos. Desde a súa posta en marcha as familias dos mozos beneficiarios levan aforrado máis de 14 millóns de euros. En 2016 creouse, primeiro, beneficiando a menores das áreas de transporte metropolitano. Xa en xaneiro de 2020 ampliouse aos menores de 21 anos.

Posteriormente, en xuño

dese mesmo ano, ampliouse á provincia de Ourense e a 13 concellos da área de Pontevedra. E xa, en maio do ano pasado, 2021, chegou a toda Galicia sendo a única Comunidade que ofrece esta posibilidade.

Ademais, a tarxeta tamén é válida en Vigo no transporte da ría e no tren de vía estreita da comarca de Ferrol. É tal o éxito desta iniciativa que as familias dos mozos beneficiarios levan aforrado desde a súa posta en marcha máis de 14

O número de mozos menores de 21 anos que quixeron facerse co seu dispositivo de transporte gratuíto superou ás 32.000 expedicións

millóns de euros, como exemplo, un rapaz de Noia que viaxe todos os días en bus á Universidade de Santiago durante o curso, aforrará arredor de 1.200 euros. Por iso, a Administración autonómica, destinará este ano 7 millóns de euros para dar este servizo.

Plataforma móbil Desde a Xunta traballan para que no vindeiro curso académico estea posta en marcha a plataforma móbil para facilitar o uso da Xente Nova, sen necesidade de activar a tarxeta moedeiro nin de adiantar os cartos. O compromiso pola mobilidade sostible é un compromiso do Goberno galego de cara a un

As familias dos mozos beneficiarios da Xente Nova levan aforrado desde a súa posta en marcha máis de 14 millóns de euros futuro con menos emisións, favorecendo o uso do transporte público para ter, cada vez máis, unhas cidades e vilas con menos tráfico, ruído e atascos.

Renovación A aposta da Xunta polo transporte público é clara e está reflectida na renovación das 3.400 liñas de autobús, multiplicando rutas, paradas e horarios, e incorporando servizos a demanda e buses escolares compartidos destinando un orzamento anual de 80 millóns de euros, tamén se reflicte nos máis de 200 quilómetros de sendas peonís, nas que se levan investidos 50 millóns.

Desde maio de 2021 a tarxeta Xente Nova pódese usar en toda Galicia

Desde a Xunta traballan para que no vindeiro curso académico estea posta en marcha a plataforma móbil para facilitar o seu uso, sen necesidade de activar a tarxeta moedeiro nin de adiantar os cartos

4 Xente Nova Trátase dunha iniciativa social no que a Xunta fomenta o transporte público e que se puxo en marcha no ano 2016 nas áreas de transporte metropolitano da Coruña, Lugo, Ferrol, Santiago e Vigo para permitir a gratuidade no transporte público aos menores de 19 anos. No mes de xaneiro de 2020, ampliouse a cobertura ata os menores de 21 anos e, desde o 15 de xuño dese mesmo ano, a Xunta activouna nos 92 concello da provincia de Ourense, ademais de en 13 municipios da área de Pontevedra (A Lama, Barro, Bueu, Campo Lameiro, Cerdedo-Cotobade, Marín, Moraña, Poio, Ponte Caldelas, Pontevedra, Sanxenxo, Soutomaior, Vilaboa). Dende o 21 de maio do ano 2021, este sistema de bonificacións estendeuse aos transportes interurbanos de toda Galicia, sendo a resposta moi positiva por parte dos beneficiarios.

No mes de maio de 2022 cumpriuse un ano da posta en servizo deste proxecto en toda a co-

munidade galega, coa vista posta nas melloras que se potenciarán a partires do vindeiro curso escolar posto que a Xunta traballa nun novo sistema de funcionamento da tarxeta Xente Nova co obxectivo de habilitar unha plataforma móbil que permita aos mozos e mozas galegos un uso directo da tarxeta dende os seus propios terminais móbiles sen necesidade de recargas nin adiantos.

A tarxeta Xente Nova pódese solicitar en 213 oficinas de Abanca habilitadas nas 4 provincias.

Dende o comezo da vixencia no ano 2016, máis de 112.000 mozos galegos téñense beneficiado de bonificacións coa tarxeta Xente Nova.

Desde a extensión da tarxeta Xente Nova a todo o territorio galego, o número de mozos menores de 21 anos que quixeron facerse co seu dispositivo de transporte gratuíto superou ás 32.000 expedicións, o que supón un incremento do 40% neste último ano.

6

Barrios 23 de xuño 2022

EN BREVE 4 Camiñantes e cantantes 2022 O musical “Camiñantes e Cantantes 2022” inicia a súa xira en Verín o vindeiro domingo 26 de xuño; será na Praza García Barbón, a partir das 21.30 horas. Ademais, as imaxes do Camiño de Santiago da zona, que serán gravadas con drone e outras técnicas de ultima xeración, formarán parte dos visuais que aparecen nas pantallas multimedia do espectáculo.

4 Acordo deportivo O Verín CF e o Concello de Verín firman un acordo que converte ás escolas municipais nunha entidade filial do equipo deportivo. O convenio firmárono, por parte do concello o seu alcalde, Gerardo Seoane; por parte do club de fútbol, Juan Carlos Francisco; e polas escolas deportivas municipais, o seu presidente, José Ángel Rodicio. Desta forma, o club deportivo recupera as súas categorías de base.

4 Eurocidade Profesionais especializados en políticas e programas comunitarios de Galicia e do Norte de Portugal, xestores e promotores, e tamén máis de 50 mozos e mozas, emprendedores e empresarios da comarca, así como representantes de entidades relacionadas coa xuventude e a Unión Europa, participaron na xornada Ano Europeo da Xuventude, organizada pola Fundación Galicia Europa na sede da Eurocidade Chaves-Verín.

VERÍN

"Eu merco en Verín", a nova campaña de Aever 4 Haberá inchables e xogos interactivos para os máis cativos.

Redacción A Asociación de Empresarios de Verín (Aever) vén de presentar a campaña da súa festa "Eu merco en Verín", que levará a encher de inchables a vila do Támega o vindeiro 1 de xullo (venres).

Na presentación estiveron presentes Manuel Lorenzo, concelleiro de Feiras e Transporte; Alejandra Vega, traballadora en prácticas; e Santos Álvarez e José Ángel Rodicio, presidente e xerente de Aever.

Co fin de impulsar o comercio local incrementando o poder de atracción da zona e incentivar as vendas, esta campaña contará con inchables para os máis pequenos e pasarrúas.

Así, os inchables -e xogos interactivos- es-

tarán en 11 estacións por todo Verín. Para participar nestas actividades teñense que conseguir os tiquets realizando compras nos establecementos asociados.

Devanditos tiquets canxearanse na carpa de Aever situada na praza do Concello. A ubicación dos inchables son a praza Maior, praza da Merced, praza do Concello, cruce Principal (rúa Lisa con Luis Espada), estrada de Castela, Rúa Deputación, pavillón dos Deportes e rúa Maior.

Quendas Haberá dúas quendas (de mañá de 11 a 13.30 horas e de tarde de 17.30 a 20.30 horas) e en cada unha delas deberanse entregar tres tiquets e 5 euros para realizar a canxe. Esta farase na carpa que Aever terá na praza do Concello.

Para a quenda da mañá canxearase por unha pul-

seira de cor azul e para a da tarde unha pulseira verde.

Tamén hai a posiblidade de acceder aos inchables todo o día, para elo, canxearase tamén na carpa de Aever (praza do Concello) tres tiquets de compra máis sete euros e cambiarase por unha pulseira vermella.

A carpa estará aberta unha hora antes do inicio das actividades. E na páxina web da asociación disporán dunha aplicación para facer a reserva e compra das entradas.

Os inchables estarán en oito puntos de Verín, o 1 de xullo, de 11 a 13.30 e de 17.30 a 20.30 horas

Presentación da campaña que levará os inchables a Verín o próximo 1 de xullo.

Verino con parte da corporación do Concello de Verín.

Roberto Verino, membro da RAGBA 4 Ingresou durante un acto multitudinario no Auditorio.

Redacción O deseñador Roberto Verino ingresou na Real Academia Galega de Belas Artes nun acto celebrado no Auditorio de Verín e qe ninguén se quixo perder.

O deseñador verinés, visiblemente emocionado, pronunciou o seu discurso de ingreso como académico numerario da Sección de Artes da Imaxe; “Aportación da moda galega ao orgullo de país” foi o título do seu discurso. A réplica correu a cargo do fotógrafo Xurxo Lobato co discurso «Un dos sinais de identidade vai ser manter as raíces na súa terra, Verín, Ourense, e internacionalizar as súas creacións, facendo a Galicia universal».

Tras varios anos de dura aprendizaxe e traballo, Roberto Verino regresou a Galicia en 1967 cunha idea clara na cabeza, producir desde a súa terra a colección da marca Billy Bonny de Lamsberg. Con esta licenza na man, o dese-

ñador recorreu de novo á colaboración inestimable da súa familia para poder a crear a empresa, creando xa na década dos 80 unha industria da moda nun lugar sen tradición téxtil como era Verín. «En 1982, hai exactamente 40 anos, fun capaz de crear a miña primeira colección, a dos liños, con Roberto Verino como marca» –sinalou–.

Ao ano seguinte abriu a súa primeira tenda en París, sendo o primeiro español en conseguilo.

Inmensa honra Para Reberto Verino, entrar na Real Academia supón unha "inmensa honra" ademais de facelo "arroupado pola miña xente". Esta distinción fai que "continúe coa mesma ilusión" ademais de ser "unha esixencia máis", xa que os recoñecementos "fanche entender que tes que seguir dando a talla".

Voltando a vista atrás, o deseñador recoñeceu que non pode máis que recordar "as cousas boas" e asegura que se "tivera que comezar de novo, de seguro, faría o mesmo".

VERÍN

A novela negra interesa en Verín

Un total de 1190 persoas (100 na actividade enfocada aos centros educativos, 330 nas conferencias e 760 nas actividades do último día) participaron nos eventos programados na 4ª edición Xornadas de Novela Negra de Verín. Desde a organización do evento cualifican este resultado como un “rotundo éxito”, ademais de ser un claro indicativo de que este evento está xa totalmente consolidado na axenda cultural da vila do Támega.

Gerardo Seoane, alcalde de Verín, salientou os "excelentes resultados de asistencia" obtidos en todas e cada unha das actividades programadas non marco destas xornadas que "sen dúbida algunha, xa son un dos máximos referentes da completa axenda cultural verinesa".

Baixo o título “Personaxes de novela”, o principal obxectivo deste encontro organizado pola

Biblioteca Municipal de Verín foi realizar un achegamento ao público aspectos moito menos coñecidos da novela negras no que se combina o mundo de ficción e o real con personaxes verdadeiros que normalmente aparecen nas narracións deste xénero literario.

Nesta edición -que estiveron coordinadas polo xuíz e escritor Xosé Antón Vázquez Taín e presentadas polos voluntarios da Biblioteca, Lorena Carnero e Daniel Carnero - contaron coa presenza de seis relatores de primeira fila dentro deste xénero (Enrique León Calviño, Víctor Souto, Iria del Río Tajes, Arantza Portabales, Alejandro Corral e Xoaquín Fernández Leiceaga) que compartiron cos asistentes a súa paixón, inquedanzas, segredos e coñecementos, convertendo a vila de Verín non epicentro cultural da novela negra.

Unha das ponencias das xornadas de Novela Negra.

Escola de Verán 2022 Redacción A Escola de Verán “Convive en Igualdade” (para nenos e nenas nados entre o 2008 e o 2018) ten aberto prazo de inscrición. Conta cun horario de 8 ata as 14.30 horas de luns a ven-

res, e a duración da actividade esténdese dende o 27 de xuño ata o 7 de setembro.

A inscrición realízase presencialmente nas instalacións do pavillón Municipal de Deportes (Irmáns Moreno, 13), no teléfono 988 411 140 (de 9 a 14 horas), ou no correo electrónico a smdverin@hotmail.com.

7

Fondos Next Generation Redacción

4 As xornadas reuniron máis dun milleiro de persoas.

Redacción

Barrios 23 de xuño 2022

Participantes das Xornadas de Portas Abertas da DO Monterrei.

200 persoas coñeceron os viños de Monterrei 4 Nas Xornadas de Portas Abertas da Ruta do Viño de Monterrei.

Redacción Gran éxito de público nas 11ª Xornadas de Portas Abertas da Ruta do Viño de Monterrei.

Máis de 200 persoas participaron no amplo programa, apto para todos os públicos, que incluíu iniciativas como Cata "Aromas e sabores. Harmonía de froitas e viños", "Harmonía de viños de Monterrei e Cociñas do Mundo", Cata de Estrelas ou "Viños DO Monterrei - Variedades e Elaboracións".

Nas mesmas mostráronse cuestións como identificación dos aromas froiteiros existentes nos brancos e tintos de Monterrei, maridaxe dos mesmos con recoñecidos pratos de cociñas internacionais (como sushi, cebiche, foie, hummus, pizza, guacamole ou pito tandoori). Sen esquecer, a oportunidade de participar nunha observación astronómica guiada, ou a posibilidade de catar distintas variedades e elaboracións de viños da denominación.

Bus do Viño Nestas xornadas ampliouse o servizo do Bus do Viño en días liñas máis, permitindo que se achegaran visitantes das catro provincias galegas.

Ademais de coñecer as adegas participantes coñeceron diferentes recursos naturais e patrimoniais da zona como son

o Castelo de Monterrei, o casco histórico de Verín, Museo Claustro Mercedario, a igrexa prerrománica de Mixós ou a fervenza da Cidadella, entre outros.

Tamén houbo outras actividades como foron a ruta dos Lagares Rupestres e Adega, a Sala Expositiva Hospital da Trinidade e Descobre o Tesouro en Monterrei.

A presidenta da Asociación Ruta do Viño Monterrei, Lara Da Silva, manifestaba o éxito dunhas xornadas que "non só asentan o número de visitantes que o territorio acolleu" senón tamén "no feedback que recibimos de moitos dos asistentes".

Expourense A DO ratificou, novamente, a súa condición de colaborador de Expourense, o que lle permitirá estar presente en todas as accións promocionais, feiras e eventos organizados polo recinto para este ano. A firma deste convenio correu a cargo da presidenta do Consello Regulador, Lara dá Silva, e o director xerente da Fundación Expourense, Rogelio Martínez.

Esta colaboración especial para o 2022 inclúe ademais a participación directa como expositor en Xantar, Salón Internacional de Turismo Gastronómico, que terá lugar entre o 9 e o 13 de novembro.

Cartel A DO Monterrei convoca o concurso para selecionar o cartel da 15ª Feira do Viño de Monterrei que se celebrará do 12 ao 14 de agosto.

As obras enviaranse en soporte informático (jpg ou png) a infocrdomonterrei@gmail.com ou na propia sede da DO (rúa Castelao, 10 Baixo. Verín). O prazo remata ás 14 horas do 6 de xullo.

Nestas xornadas ampliouse o servizo do Bus do Viño en dúas liñas máis, permitindo que se achegaran visitantes das catro provincias galegas

Rogelio Martínez e Lara da Silva firman a colaboración entre Expourense e a DO Monterrei para este 2022.

O Concello de Verín presenta aos fondos Next Generation o seu proxecto de rehabilitación do Balneario de Caldeliñas. O mesmo ten un investimento de algo máis dun millón euros; sendo a porcentaxe subvencionable polo programa entre o 80 e o 90 por cento.

Segundo explicou o alcalde de Verín, Gerardo Seoane, a rehabilitación do balneario histórico consiste na adecuación e reforma das instalacións para viabilizar a súa apertura ao público de maneira permanente. “O que queremos e conseguir, ao igual que en Fontenova, é un aproveitamento real das nosas augas mineromedicinais, recurso tan extraordinarios como desaproveitado nas últimas décadas”. Ademais, neste caso, o grupo de goberno quere recuperar e protexer o patrimonio cultural vinculado ao balneario de Caldeliñas.

A rehabilitación que se expón para os dous edificios que conforman o balneario histórico consiste na mellora das súas infraestruturas coa finalidade de posibilitar a súa apertura ao público de maneira permanente como museo e sala de exposicións.

Estrutura Conservarase a estrutura orixinal do edificio restaurando nos puntos onde sexa preciso. Na zona sen bañeiras colocarase un novo pavimento, mentres que na zona de baños encargarase a fábrica un azulexo igual ao existente coa finalidade de reconstruír esta zona coa súa imaxe orixinal.

Balneario de Caldeliñas.

8

Barrios 23 de xuño 2022

PROVINCIA

EN BREVE

Última tecnoloxía contra os lumes

4 Monterrei A Secretaría Xeral para o Deporte vén de informar que nas vindeiras datas resolverá o contrato adxudicado a Proyecon Galicia S.A. para a construción do parque acuático do Complexo Lúdico Deportivo de Monterrei.

4 CHMS A Confederación Hidrográfica Miño Sil inviste máis de 40.000 euros na limpeza do río Barbaña ao seu paso por Noalla (San Cibrao das Viñas).

Traballarán cinco operario durante mes e medio en máis de 3,1 km.

4 A Xunta acondiciona o centro de coordinación provincial e de distrito.

O delegado da Xunta presidiu a comisión de coordinación contra os lumes.

Loita contra os incendios A Xunta e o Goberno central deseñan as actuacións conxuntas para previr os incendios forestais e loitar contra as actividades delituosa incendiaria.

Para elo, constituiuse a Comisión Provincial de Coordinación Policial de Loita contra os Incendios Forestais para a campaña deste ano 2022, que estará operativa desde o 1 de xullo ata o próximo 30 de setembro, período establecido como época de alto risco de incendios forestais.

4 Sendas A Xunta fará o levantamento de actas, para executar a nova senda na OU-536, os días 29 e 30 de xuño no Auditorio do centro de día Os Gozos do Pereiro de Aguiar e o 1 de xullo na Casa do Concello de Esgos. A formalización realizarase o 23 e o 24 de agosto no Pereiro Next Generation.

Descobremento da placa do parque Elisa e Marcela.

4 Laboratorio CHUO

Parque Elisa e Marcela en Xunqueira de Espadañedo

O novo laboratorio central procesou no seu primeiro ano 8 millóns de mostras; o 75% programadas, 6 millóns, e o 25% urxentes.

Xunqueira de Espadañedo inaugurou o parque infantil Elisa e Marcela, en homenaxe ás dúas escritoras galegas que protagonizaron un dos primeiros matrimonios entre persoas do mesmo sexo en España, un 8 de xuño de 1901. O delegado territorial, Gabriel Alén, explicou que este parque construíuse grazas a unha axuda da Orde de Infraestruturas de uso público da Vicepresidencia segunda e Consellería de Presidencia, Xustiza e Deportes que ascendeu a preto de 34.000 euros.

Redacción A Xunta destinou máis de 100.000 euros en acondicionar e mellorar o novo centro de coordinación provincial (CCP) e de distrito (CCD) no Servizo de Prevención de Incendios Forestais de Ourense. Este investimento permitiu introducir diferentes melloras tecnolóxicas, grazas ás que o centro dispón agora dunha zona específica para o despregue do Centro de Coordinación Operativa ante calquera situación de emerxencia. Ademais, a actuación permite despregar de xeito óptimo as novas fontes de información provenientes das cá-

maras da Rede de Vixilancia de Espazos Forestais e do vídeo en tempo real das aeronaves e bases aéreas, así como a ampliación e mellora de información de observación e predición meteorolóxica, entre outras utilidades.

Pantallas Todo isto, a través de 10 pantallas profesionais de 65 polgadas cada unha, situadas na sala de control. Este sistema emprega a última tecnoloxía de visionado, con presentación de alta calidade e permite capturar a imaxe de calquera dos ordenadores do centro de coordinación, ou de calquera outro accesible dende a rede de datos.

O conselleiro do Medio Rural visitou o centro. /R.T.

SOCIEDADE

Barrios 23 de xuño 2022

9

Comeza a nova tempada dos trens turísticos de Galicia 2022

4 Con dous novos percorridos, “Ruta dos Queixos de Galicia” e a “Ruta das Mariñas”, chegan ata un total de 13 itinerarios.

Redacción En 2013, Xunta, Renfe e o Instituto Ourensán de Desenvolvemento Económico (INORDE) puxeron en marcha os Trens Turísticos de Galicia. Agora, en 2022 presentaron una nova edición -a novena- que conta con dous itinerarios máis (a “Ruta dos queixos de Galicia” e a “Ruta das Mariñas”) chegando ata as 13 rutas.

Isto foi posible grazas aos datos obtidos na pasada edición, que se pechou cunha ocupación do 97,5% das prazas. Por iso, este ano increméntanse o número de saídas, pasando das 22 saídas en 2021 a 37 este ano; o que supón un incremento do 59%; así como o número de prazas, que crece un 76%, deixándoas en 2.696 asentos, sendo 1.532 as do ano pasado.

Prezos sen variación Os prezos para estes trens mantéñense desde 2019 (45 euros adulto e 20 euros neno por ruta). Ademais, os usuarios destes trens, que levan funcionando desde 2013 (tan só se interromperon en 2020 pola crise sanitaria) poden beneficiarse do “Galicia Rail Pass”, un abono para percorrer a comunidade durante tres días consecutivos.

A información e compra dos billetes para os Trens Turísticos de Galicia pode consultarse nas páxinas web turismo.gal , así como

Un dos trens turísticos, entre Vigo e Pontevedra. a compra en axencias de viaxe concertadas con Renfe en, www.renfe.es ou no teléfono 912 555 912.

Rutas por Galicia Os 13 itinerarios que discorren polas catro provincias da comunidade son: 1.Ruta dos queixos de Galicia: percórrense tres das catro denominacións de orixe dos queixos de Galicia. En primeiro lugar, en Sobrado dos Monxes, visitarase a Casa do Queixo, con degustación dos queixos de tetilla e Arzúa-Ulloa. A seguinte parada será a quesería Don Crisanto, en Vilalba, co seu queixo San Simón dá Costa. Tras o xantar (libre) en Lugo coñecerase o proxecto de ecoagroturismo de Arqueixal, en Albá (Palas de Rei), co queixo Arzúa-Ulloa como produto estrela.

2. Ruta das Mariñas: o tren levaranos desde A Coruña ata Ferrol polas

Mariñas e Terras do Mandeo, reserva da Biosfera.

A primeira parada será Betanzos, unha das capitais do antigo Reino de Galicia, visitando o seu centro histórico. A continuación, en Paderne visitaranse as instalacións de Orballo, que conta coa única plantación de té da Europa continental. O tren pasará por Pontedeume, co seu torreón e ponte medieval, símbolos da vila. A xornada finalizará en Ferrol, cun paseo en barco pola súa ría, defendida polos castelos da Palma e San Felipe, e un paseo polo barrio da Madalena, do período da Ilustración.

3. Ruta dos faros: viáxase ao momento máis setentrional da Península Ibérica, visitando lugares como Cabo Ortegal, o miradoiro de Vixía Herbeira, o santuario de Santo André de Teixido e o cabo de Estaca de Bares. Tamén se visitará o centro histórico

A ruta do viño da Ribeira Sacra (río Sil ou río Miño) é dunha beleza indescriptible.

da vila de Viveiro e de regreso os famosos cantís de Loiba.

4.Ruta dos pazos e os xardíns históricos: Con este roteiro chégase aos xardíns do pazo de Rubiáns, cuxo parque botánico foi recoñecido como “Xardín de Excelencia Internacional de Camelias”, galardón que igualmente ostenta o xardín do castelo de Soutomaior, que tamén se visitará. Por último, viáxase aos xardíns do Pazo Quinteiro dá Cruz, que, como os anteriores tamén se atopan no Roteiro da Camelia de Galicia.

5. Ruta do Viño da Ribeira Sacra (río Sil): unha xornada entre viñedos onde a bordo do tren motorizado Aba Sacra, o viaxeiro desprazarase ata a adega Regina Viarum.

En Monforte de Lemos visítase o Centro de Interpretación do Viño para posteriormente subirse a un catamarán e percorrer o río Sil. A xornada finalizará cunha visita ao mosteiro de San Pedro de Rocas.

6. Ruta do Viño da Ribeira Sacra (río Miño): comeza cunha visita ao convento das Bernardas, onde se pode adquirir a repostería artesanal para logo achegarse ao Ecomuseo de Arxeriz , Pola tarde, visítase o “Cabo do mundo” (Fin do mundo) a bordo dun catamarán polo río Miño. A xornada finaliza na adega Vía Romana.

7. Ruta dos viños da Ribeira Sacra e de Valdeorras: este tren convídache a aproximarche ás paraxes das Denominacións de Orixe Ribeira Sacra e Valdeorras. No río Sil, percorrido en catamarán ata a contorna do mosteiro de Santo Estevo. Continúase viaxe ata o santuario das Ermidas. Péchase a xornada cunha degustación de viño na adega A Coroa.

Tamén se visita a estación de ferrocarril dos Peares.

8. Ruta do viño Rías Baixas: Visítase a adega do Pazo Baión e a vila de Cambados, a “capital do albariño” co seu conxunto monumental de Fefiñáns.

Xa pola tarde, paseo en barco pola ría de Vigo e posterior desembarco na illa de San Simón.

9. Ruta dos viños do Ribeiro-Rías Baixas: Ao longo do traxecto pódese degustar un viño na adega Señorío de Rubiós. Pola tarde visítase o Museo do Viño de Galicia. Despois chégase ata o castro de San Cibrao de Las. A xornada finaliza na estación ferroviaria de Santa Cruz de Arrabaldo.

10. Ruta do viño de Monterrei: Visítase a adega Gargalo e Verín, onde se pode visitar o seu barrio antigo. Pola tarde, paseo pola vila de Allariz e o seu Festival Internacional de Xardíns, un espazo recuperado para uso público na marxe dereita do río Arnoia. Remata a viaxe coa visita á estación de ferrocarril de Baños de Molgas.

11. Ruta da lamprea: Desde Pontevedra o viaxeiro chega ata Salvaterra de Miño, onde se visita o Museo dá Ciencia do Viño.

Máis tarde, paseo por Tui. Pola tarde, chéganse ás pesqueiras de Arbo, singulares construcións centenarias que serven para capturar a lamprea no río Miño.

Visítase o centro de interpretación do viño e da lamprea “Arabo”. Finalmente,

chégase ata o Cooperativa Condado-Paradanta nas Neves, onde se degusta requeixo, mel e viños da D.O. Rías Baixas.

12. Ruta dos mosteiros: esta ruta supón achegarse a coñecer o Versalles galego, o barroco pazo de Oca. Posteriormente, visita ao mosteiro benedictino de Carboeiro e no Carballiño, o Templo da Veracruz, símbolo da localidade, ou achegarse ata o Gran Balneario e dar un paseo seguindo o curso do río Arenteiro. Despois de comer chégase a Oseira, o primeiro mosteiro cisterciense de Galicia.

13. Ruta polos Camiños de Santiago: Este tren sae da Coruña, un dos puntos de partida da ruta marítima coñecida como o Camiño Inglés. Posteriormente chégase a Sobrado dos Monxes para visitar o mosteiro cisterciense de Santa María, situado no percorrido do Camiño do Norte; pódese facer un tramo a pé deste itinerario xacobeo pasando á beira da capela de Santo Alberte. Pola tarde, coñecerase a variante do Camiño Francés e o mosteiro benedictino de San Xulián de Samos. A última visita deste roteiro será a cidade de Lugo. Finalmente, o tren trasladarache de novo á cidade herculina para finalizar a viaxe.

A anterior edición pechouse cun 97,5% das prazas ocupadas Este ano pásase das 22 saídas en 2021 a 37 (59% máis); así como o número de prazas, que crece un 76%, deixándoas en 2.696

10

Barrios 23 de xuño 2022

EN BREVE 4 Desfibriladores O pavillón deportivo de Xinzo e o campo de fútbol José Antonio Carrera xa contan con desfibriladores para a reanimación cardiopulmonar, que se unen ao xa existente na piscina climatizada.

4 CDR O Viso A pasada semana tivo lugar no Centro de Desenvolvemento Rural de O Viso, en Sarreaus, o encontro anual educativo e festivo coas familias que participan ao longo do curso no programa de educación infantil familiar na comarca da Limia.

Nesta ocasión participaron máis de 150 persoas.

XINZO

Eliminación der vertidos no Limia Redacción A Confederación Hidrográfica Miño Sil e o Concello de Xinzo de Limiar mellorarán a rede de saneamento en varias zonas do municipio, próximas ao parque Toural. Na visita á zona, José Antonio Quiroga, presidente da CHMS, explicou que se mellorará “a condución e tratamento dos vertidos da zona do antigo matadoiro, avenida de Portugal, estrada de Baltar, piscinas municipais e pavillón”. Ademais,

avanzou, que estas actuacións completaranse “cunha senda peonil e un carril bici” separado da zona de paseo peonil por ambas marxes do río, entre as pontes da estrada de Baltar e da rúa Sitibal.

A redación do proxecto conta cun importa de 45.000 euros e ten que estar rematado no prazo máximo de seis meses.

Prevese que as obras darían comezo no primeiro trimestre do vindeiro ano.

O deporte invade Xinzo este verán 4 Haberá actividades deportivas para todas as idades.

Redacción

Visita á zona onde se realizarán os traballos de saneamento do río Limia.

O Concello de Xinzo de Limia presenta unha programación de verán do máis deportiva. Será a máis completa da súa historia, con máis dunha decena de novas propostas, máis aló do fútbol e do baloncesto e nunha aposta decidida por fomentar entre os máis novos os valores do equipo e a convivencia.

Durante a presentación das actividades, a alcaldesa, Elvira Lama, asegurou que as actividades están pensadas para diferentes grupos de idade. “Queremos promover a actividade física nos cativos pero tamén para maiores, organizando propostas como o XinzoFit, que tan boa acollida tivo en pasadas edicións”, declaraba.

Deste xeito, recupéranse torneos que non se puideron celebrar o ano pasado, como o de Fútbol 7 (16 de 17 de xullo) e o de Pádel, tanto infantil (realizado a pasada semana) como de adultos (9 e 10 de xullo).

Ademais, xorden novas propostas como dúas rutas de sendeirismo (a primeira delas este 24 de xuño) e unha carreira de obstáculos (O.C.R. Xinzo de Limia en setembro).

Co fin de facilitar a conciliación das familias nos meses nos que non hai colexio, volveuse a organizar o Cam-

pus de Verán (do 4 ao 29 de xullo), para nenos dende os 3 anos e en horario de 10.30 a 13.30h. coa opción Madruga se é preciso. O prezo desta actividade será menor para os empadroados no municipio. As inscricións poderán facerse no pavillón de deportes ou na Casa da Cultura ata o 22 de xuño.

Pola gran acollida de pasadas edicións, recuperarase o XinzoFit na Alameda do Toural, os martes e xoves ás 20 horas, a partir do 28 de xuño.

Outras actividades Ademais das citadas, tamén haberá este verán o X Torneo Internacional de Minibásket, 25 de xuño; VIII Campus de Tecnificación Fútbol, do 27 de xuño ao 1 de xullo; Campus de Baloncesto A.B. Xinzo, do 27 de xuño ao 1 de xullo; Campus de Ximnasia, do 27 de xuño ao 1 de xullo; Torneo de Baloncesto 3x3, mes de xullo; Campus de Verán Fundación Celta, do 1 ao 5 de agosto; e Campus Salva Arco, do 30 de xullo ao 6 de agosto.

O Campus de Verán celébrase do 4 ao 29 de xullo, para nenos dende os 3 anos e en horario de 10.30 a 13.30h, coa opción Madruga se é preciso

Presentación de todas as actividades deportivas que terán lugar ao longo do verán en Xinzo de Limia.

XINZO

Aprendendo normas de tráfico Redacción Os alumnos -3 e 4 anosdo CEIP Carlos Casares coñeceron as normas de tráfico nun circuíto para bicicletas habilitado no patio do colexio. Os pequenos (ao redor de 60 alumnos) demostraron que son bos coñecedores das normas de circulación.

Así, da man Policía Local e de Protección Civil,

percorreron un circuíto de bicicletas con sinais horizontais e verticais e ata unha rotonda. Fixérono por quendas e grazas a unha xornada de mobilidade organizada pola Xefatura Provincial de Tráfico en colaboración co Concello de Xinzo de Limia. Os cativos e cativas estiveron acompañados polo concelleiro de Mobilidade, Ramón Gómez; a subxefa provincial de Tráfico, Andrea Conde e a coordinadora de Educación Vial, Sinda Aguiar.

Barrios 23 de xuño 2022

11

Reunión da Mesa do regadío do Limia. /RAMSÉS.

Comeza a modernización dos regadíos da Limia

4 Acometerase a realización dun estudo sobre os custos de produción dos cultivos da Limia.

Redacción

Alumnos do CEIP Carlos Casares no circuíto para bicicletas instalado no patio do colexio.

Peregrinos Redacción Seguindo cos alumnos do Carlos Casares, nesta ocasión de sexto de Infantil e quinto de Primaria, chegaron a Santiago de Compostela como auténticos peregrinos.

Dende o 28 de outubro, levan percorrendo as etapas para chegar a Compostela e este mes, ao fin, conseguiron o seu obxectivo.

Acompañados da alcaldesa, Elvira Lama, e dos do-

centes Sonia, Rosa, Manoli, Sandra, Chus, Rochi e Roberto, realizaron os últimos quilómetros. A ilusión percibíase nos seus ollos e acapararon as miradas de todos aqueles veciños e visitantes da capital galega que se cruzaron con eles. Durante todo o curso preparáronse para unha aventura que recordarán toda a vida, aproximándose á cultura do Camiño e recuperando ao fin as excursións que tamén impediu a pandemia.

Inicianse os traballos para a mellora e modernización do regadío da Limia. Estes labores consisten na construción de 42 novos pozos de sondaxe de auga na comarca. Así o confirmou o conselleiro do Medio Rural, José González, acompañado do delegado territorial da Xunta en Ourense, Gabriel Alén, na reunión da Mesa do regadío da Limia, na que participaron responsables das administracións autonómica e central, así como diferentes técnicos encargados de supervisar os traballos.

Desta forma, avánzase na xestión sustentable da actividade agrogandeira nesta bisbarra e que permitirá contar con 4.000 novas hectáreas de regadío. Ademais, o

Construiranse 42 novos pozos de sondaxe de auga na comarca

Alumnos peregrinos do Carlos Casares na praza do Obradoiro de Santiago de Compostela.

conselleiro anunciou que a Xunta constituirá unha oficina de regantes para ter permanentemente informados de todos os pasos do proceso aos propietarios das parcelas e ás comunidades.

Os labores iniciáronse co acopio do material necesario e a disposición da maquinaria para a perforación, unha vez recibida, por parte da Confederación Hidrográfica Miño-Sil, a correspondente concesión para a comunidade de regantes Lamas Ganade, que xunto coas de San Salvador de Sabucedo, Corno do Monte e Alta Limia serán as beneficiarias desta actuación.

Ademais avanzouse, nos trámites para agrupar estas catro entidades, tal e como solicita a Confederación Hidrográfica, para contar cun único interlocutor á hora de desenvolver as diferentes actuacións.

Destas achegas, preto de 16 millóns servirán para modernizar o regadío, outros case catro millóns serán para a construción dos devanditos 42 pozos e os

Conselleiro do Medio Rural dando explicacións. /RAMSÉS.

16 restantes foron xestionados pola Consellería do Medio Rural perante o Es-

tado, de forma adicional, para a limpeza das canles e dos camiños paralelos.

4 Reunión cos agrogandeiros O conselleiro de Medio Rural reuniuse tamén en Ourense con representantes do sector agrogandeiro da Limia, para coñecer as súas demandas en relación co rural. Así, González mantivo un encontro con José Manuel Nieto Rodríguez, da Federación Rural Galega (Fruga); Amador Diaz Penín, da Asociación de produtores de pataca da Limia; José Ramón González Rodríguez, de Unións Agrarias; María Teresa Joga, de Adegal e Sonia Vidal Lamas, do Sindicato Labrego Galego.

Nesta xuntanza, o conselleiro trasladou as diferentes iniciativas para apoiar este eido produtivo e anunciou que por parte da Consellería acometerase a realización dun estudo sobre os custos de produción dos cultivos da Limia, no marco do seu Plan estratéxico.

Así, lembrou que o Goberno galego reclamou -e segue reclamando- ao Ministerio de Agricultura que faga cumprir a lei da cadea alimentaria para evitar a venda a perdas.

Ademais, puxo en valor

medidas que camiñan nesta mesma dirección, como a posta en marcha do Observatorio da cadea ou a nova unidade que asume as funcións da Axencia de Control Alimentario en Galicia.

Estes instrumentos, salientou o conselleiro, facilitarán -no caso do Observatorio- a emisión de informes sobre a situación económica do sector primario galego, como base para a adopción de decisións sobre custos e prezos. No que atinxe á unidade de control, como o seu propio nome indica, o seu labor é o de supervisar na nosa comunidade o cumprimento da normativa e contribuír a un adecuado funcionamento, transparente e equilibrado, da cadea de valor. Así mesmo, José González tamén sinalou que o seu departamento está a impulsar diferentes estratexias para sectores claves do rural, como son o lácteo, o vitivinícola ou o da carne. Así, as dúas primeiras xa están aprobadas e aplicándose, mentres que a do sector cárnico estase implementando nestes intres.

12

Barrios 23 de xuño 2022

EN BREVE 4 Salvour O Club Salvour pechou a tempada infantil na praia de Gandarío co campionato de Galicia de augas abertas de salvamento e socorrismo. O conxunto ourensán acudía á cita con sete representantes con Sofía Rodríguez meténdose na final de bandeiras sendo sétima.

4 COB Pasan as semanas desde que o COB ascendera na cancha á LEB Ouro e nos despachos as cousas móvense máis ben pouco. Desde a reunión a tres bandas entre os máximos accionistas (Hereda, Concello e Deputación) apenas saen noticias do club.

Así a todo hai dúas datas marcadas a fogo. Este luns, 27 de xuño, terá lugar a asamblea de accionistas (onde se debe dilucidar o futuro do COB); e o 1 de xullo (ata as 13 horas) ten de marxe para depositar o aval e inscribirse na LEB Ouro.

4 Cidade das Burgas O Cidade das Burgas non ascende ao perder contra o Alcantarilla na segunda rolda do ascenso.

DEPORTES

O "Correndo por Ourense" chega ao seu ecuador

Kungfu moderno

4 Agora haberá un parón ata setembro.

O pavillón dos Remedios acolleu o Campionato de Galicia de kungfu moderno no que participaron máis de 150 deportistas de 4 a 40 anos nas modalidades de formas sincronizadas e ombates coreografiados (por equipos); en individual de formas (por categorías de idade) todas as modalidades internacionais en categorías “B” e “Elite”; ademais de sanda, qingda e shuaijiao en individual combates (por categorías de idade e peso). Tamén se fixo unha exhibición de shuaijiao infantil con mais de 100 nenos e nenas de toda a comunidade

R.T. Tres das seis citas do "Correndo por Ourense" xa tiveron lugar. Agora haberá un parón, polo verán, ata o mes de setembro cando regrese con dúas novas citas: a da Universidade e a da Ponte.

Pero antes dese parón os atletas tiveron a oportunidade de participar na terceira carreira do circuíto que os levou a percorrer as rúas máis céntricas da cidade.

Despois das categorías inferiores, que tiveron unha grande participación, tocoulle o turno á proba absoluta, na que a lider da categoría feminina, Begoña Domínguez, non sería da partida, polo que habería unha gañadora distinta á das dúas carreiras anteriores.

Pero as sorpresas non remataron ai. Logo de formarse un grupo de tres atletas (Enrique Blanco, Rubén Diz e Héctor Rodríguez) na

Participantes nunha das carreiras do Centro. /RAMSÉS. cabeza de carreira noa primeiros metros, este trío converteuse nun dúo logo de ceder varios metros Rodríguez. Cando parecía que a vitoria a loitarían entre dous nos metros finais, Enrique Blanco apretou o ritmo e descolgou a un Rubén Diz que se tivo que conformar coa segunda posición despois de gañar nas dúas carreira anteriores do circuíto.

Blanco aventaxou en oito segundos a Diz na liña de meta. Terceiro foi Héctor

a 44 segundos do vencedor.

Losada Coa ausencia de Begoña Domínguez, o dominio foi absoluto de Vicky Losada, sendo a primeira das mulleres en chegar a meta.

Tras ela, Antía Rodríguez foi segundo a un minuto xusto da vencedora. Ana Soutullo foi terceira cun minuto e 11 segundos máis na meta ca primeira.

Redacción

autónoma En palabras do organizador do evento e directo do Club Artai, Aarón Blanco, o campionato foi un “espectáculo deportivo de primeiro nivel e tamén unha festa de fin de curso para o kungfu moderno de Galicia”. Houbo preto de 350 participacións nas distintas modalidades “cun gran nivel deportivo”, asegurou Blanco.

Os ourensáns Os deportistas locais máis destacado foron Manuel Gayoso (prebenxamín), Adrián González (infantil B), Javier Armesto e Javier Rodríguez (cadetes), Gabriel Vázquez e Andrea Álvarez Fernández (absoluta) en formas individuais; e Yolanda González e Miguel Crecente, en combate.

Máis de 150 deportistas participaron no Campionato./R.T.

PUBLICIDADE

Barrios 23 de xuño 2022

13

14

Barrios 23 de xuño 2022

4AXENDA Teatro - Sábado 9 de xullo 20h - Malo será - Auditorio de Ourense.

Música - Mércores 22 de xuño - 20h - Concerto de Burgas Vandal - r. Pardo de Cela (Ourense).

- Mércores 22 de xuño - 21h - Concerto de Morad - r. Pardo de Cela (Ourense).

- Venres 24 de xuño - 23h - Concerto de Taburete - r. Pardo de Cela (Ourense).

- Sábado 25 de xuño - 23 h - Concerto de Loquillo - r. Pardo de Cela (Ourense).

Exposicións - Ata o 31 de xullo - A orixe das Deputacións provinciais no século XIX: 200 anos fomentando a prosperidade.

Cinema - Martes 7 de xuño - Semente de berrar 20.30h - Café Cultural Auriense.

Deportes - Mércores 22 de xuño - 18h - Trofeo Festas Ourense natación sincronizada - Pavillón dos Remedios (Ourense).

- Mércores 22 de xuño - 18h - exhibición de ximnasia rítmica - Pavillón dos Remedios (Ourense).

- Xoves 23 de xuño 9.00h - Trofeo Secundino Basalo de fútbol sala alevín - polideportivo A Carballeira (Ourense).

- Domingo 3 de xullo - 10h - 38ª Carreira popular de Leiro - Leiro.

Outros - Do 22 ao 26 de xuño Festas de Ourense.

- Días 21, 22 e 23 de xuño - 20 h - 32ª Xornadas de danza “Terra Máxica”.

- Xoves 23 de xuño 11h - - apertura xogos de auga - xardín do Posío.

- Domingo 26 de xuño - 23.55h - Gran tirada de fogos. Beira do Miño Ourense.

- Domingo 26 de xuño - 17h - Torneo FIFA - Auditorio de Ourense.

- Domingo 26 de xuño - 17h - Escape room Auditorio de Ourense. www.periodicobarrios.com

OCIO E CULTURA

4AS ANDRÓMENAS E OUTROS CONTOS

O Rapaz do Asneiro quer casar!

Cando esperabas coa comida morna entre as brasas da Lareira, durmindo cun ollo aberto nas noites de esmorga daquela adiantada xuventude, onde eu quería comelo mundo e toleaba coma o galo da festa cando, coa machada, a avoa cortáballe o pescozo e desfacíase correndo sen cabeza cara a fonte de abaixo.

Como te erguías tan contento ás tantas da mañá! E conversabas comigo, a min parecíanme un dereito todos aqueles agasallos, non reparaba na dozura dos teus ollos de mel, nin naquelas esvaradías bágoas que fuxían entre risos moitas veces, coma as néboas do Asneiro no verán.

Aquela noite boteille un cubata ou dous, poida que tres, non levei moito a conta, para contarche aquela nova que teríamos que enfrontar precisaba estar entoado, ou polo menos, iso pensaba eu.

Sentiches a miña chegada e fixeches que ías mexar ao fondo do corredor para disimular a túa espera, para que non me pesara a túa vixilancia, miráchesme ós ollos e servícheste da botella de tinto un vaso de viño, pedíchesme un pitillo, só para romper o xeo, dinme conta porque a tí o "rubio" non che gustaba, achegaches unhas achas ao lume e uns carolos de millo, coma sempre de vagar, coa tranquilidade de quen sabe agardar. "Sen tempo non maduran as cereixas" penseí que era o que me ías dicir cando che contara o que acontecía.

- "Ves moi calado hoxe,

botáronte da discoteca?”, dixéchesme sorrindo, “ou non había ambiente?"

- "Non, había, había, pero teño que contarche algo... algo moi grave, esta vez sí que a lieí de verdade".

Miroume outra vez, e axustou a pucha, rañou de paso a calva naquel xesto tan seu, coma invitándome a a continuar e agardou un pouco. Ao ver que non arrincaba faloume coa súa voz de amendoas e amorodos: - "non te preocupes Chiquito que sexa o que sexa eu estou contigo e se fixeches algo malo, por ti responde teu paí e teu pai inda está aquí", dixo tocándose o peito nun xesto de valor e confianza.

- "Non papá, non fixen nada malo; ou si”, e espeiteille de súpeto: "deixei preñada á moza". Vin como a mirada tristeira mudou.

- “Iso non é nada malo, son cousas que pasan, se a cabra dorme co castrón", e botoume un brazo por riba, "eu pensei que fora algo grave, que lle roubaras algo alguén, ou que te pelexaras por aí, esto non é grave, ti xa sabes co preñazo arránxase ao parir" e volveuse rir sacándolle importancia.

- “Papá, non te rías, isto non é de risa, agora téñome que casar, non vou a deixar a moza preñada coma se nada, ti sempre dixeches que mirara o que facía e que andase con coidado”.

Agachácheste e colliches un tizón do lume, achegáchelo ás lapas ata que prendeu lume nel, cando estaba ardendo preto da man tiráchelo as lapas de novo para que seguira ardendo, -"o que xoga co lume pó-

dese queimar, pero iso que dis non é ningunha razón para casarse, un erro non arranxa outro".

- “E logo que queres que faga, que a deixe e que non mire polo fillo?”.

- “Non, home, non, ti podes non casar mais coidar do meniño e axudarlle á naí a crialo, pero non precisas casorios para iso, eu tamén che axudarei a facelo, que se é teu fillo será meu neto, non si?”.

- “É que ademaís ela inda é menor de idade, que queres, que me leven a cadea?”.

- “Pois non, pero se tes que ir irás, levareiche tabaco, pero sígoche dicindo que iso non é ningunha razón para casar”.

Ficamos calados un bo anaco, o Pachi, o noso can rabelo, tamén se foi achegando ao lume, nas noites de xaneiro, en Ribas do Asneiro, non convén estar ao resío a humidade volvese xeada. Xeado estaba quedándome eu tamén coas contestacións do paí.

- "Oe!", chamou a miña atención, miroume aos ollos e preguntoume: - “e ti, quérela?”. - “Home claro, papá!”.

- “Pero, quérela de verdade ou quérela porque dormes con ela?”.

- “Non, eu quéroa de verdade! a ti tamén che vai gustar, é moi guapa, a máis guapa, e é tan simpática, tan alegre, que cando rí, rise o mundo, e é tan lista e tan conversadora, ás veces non imos a ningún sitio, compramos uns bocadillos de tortilla na do Heladero e estamos falando ata que se ten que ir, vive coa avoa e tense que ir máis cedo ca min. E ten familia en San-

tomé é parente de Benito e de María e de Victorina”.

- “Ha de ser filla de Ernesto, entón, xa me dixeron que andabas cunha neta de Evangelina e de Faílde de Vilanova; vaia, tanto dicir que as da parroquia non che valían e agora parece que xa che van valendo? mais iso é o de menos, ti estás seguro de que a queres?”.

- “Xa cho dixen, queres que cho repita outra vez, sí, a quero!”.

- “Quérela tanto que che parece que non poderías vivir sen ela?”.

Quedei calado pensando isto último que preguntara, e sentín unha fonda dor no corazón de tan so pensar a posibilidade de perdela, viñéronseme as bágoas aos ollos. - “Sí papá, creo que non podería vivir sen ela”, díxenlle case chorando.

- “Iso sí que é razón para casar! Se empezaras por aí, acababamos antes!”.

Colleume por debaixo dos ombreiros e ergueume coma se fora un meniño e abrazoume, despois serviu outro vaso de viño para él e colleu outro da espiteira para min, mediouno de viño e meteumo na man dicindo: - “pois entón haberá que brindar polo casamento”.

- “Teremos que facer unha boa boda!”.

- “Papá e como imos facer boa boda senón temos un can?”.

- “Pois agora, beberemos o viño e deitareimonos a descansar, mañá teño que madrugar e ir onde Pepe de Felisa para que nolos preste, e hai que ir a Trascastro, onde Adolfo, o xastre, para que nos faga uns bos traxes, non se vai casar

un fillo meu de calquera maneira, e acórdate que é máis importante ter creto que cartos, os cartos, xa cho teño dito, son coma as follas dos castiñeiros van e veñen, pero o creto fala da persoa que es, que cumpre co que se compromete”.

Saquei unha foto da Bertiña da carteira e ensineilla, mirouna con atencion e díxome: - “tes razón, é moito mais guapa ca ti, está algo delgada pero eche boa moza... á túa naí tamén lle había de gustar”; vin como as bágoas amencíanlle nos ollos, pasáballe sempre ao lembrar a mamá, para cortalas mandoulle outro grolo de viño e acariñoume a cabeza coma cando era pequeno e díxome: - “alegra esa cara home e deixate de Andromenas que mañá cando volva da de Pepe hai que sacar o esterco da corte da Figueira, ven Elixio de Santomé co tractor e de paso xa lle pregunto pola túa moza”.

Avelino Jácome

- “Ves moi calado hoxe, botáronte da discoteca?”, dixéchesme sorrindo, “ou non había ambiente?”

- “Non, había, había, pero teño que contarche algo... algo moi grave, esta vez sí que a lieí de verdade”.

OCIO E CULTURA / CLASIFICADOS

Barrios 23 de xuño 2022

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Arcediagos,11, 1º - 32005 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara, Fernando Casanova, Borys Martínez Nº167 - Ano: XV - 23 de xuño de 2022 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 685 969 546.

Recanteiros Redacción Ivan Pérez, un artista ourensan en alza, cunha potente voz e unha interpretación mesurada e clásica, lembrando a aqueles grandes da balada (anos 60 e 70), fíxose cun oco no corazón do público.

Aos poucos foi superando fases dentro do concurso Luar da TVG, alcancando a quinta fase.

Así, o venres 24 de xuño, actuará en terceira rolda para meterse nas semifinais.

En palabras do artista “necesito máis que nunca o apoio da miña xente, será ultíma vez que se pode votar, despois en semifinais a decisión xa é dos xuíces, pero eu, sentiríame ganadar alcanzando as semifinais” sempre con humildade e malgastando elegancia, comentábanos en Orixe Publicidade que é a axencia encargada de difundir a imaxe do cantante.

A verbena xa puxo a súa mirada neste mozo que persegue os seus soños con afán. Na actualidade forma parte do grupo Kamelot e xa estará presente en moitas das festas de Galicia e mesmo de Asturias e Cantabria.

Os ourensáns votarán en masa o venres, 24 de xuño, para apoialo. Ademais forma parte do colectivo Cultural de “Nós, a Xente do Redor” cos que participou de forma altruísta no macro concerto, Gala SOS Ucraína, que recadou fondos para as vítimas da guerra.

4DESDE O OUTRO LADO DA RAIA

A verdade acerca do sal O sal forma parte da rutina nas maioría das dietas. Engádense incluso en alimentos que xa están cargados desta substancia e é por elo que a OMS di que "o mundo está creando unha crise de enfermidades non infecciosas". É un dos principais culpables de xerar enfermidades cardiovasculais e só hai unha substancia que lles causa maior preocupación: o tabaco.

O noso corpo precisa sal para que as células nerviosas a utilicen para crear impulsos eléctricos. Tamén é certo que a maioría das persoas comen máis do que precisan. Os médicos recomendan, continuamente, un baixo consumo de sal.

Acumulamos exceso de sodio, que os riles non poden excretar, e como resultado transportamos demasiado deste fluído que causa unha serie de problemas de saúde. O aumento da presión arterial é unha consecuencia inevitable deste exceso de fluído que circula polo organismo. Algunhas persoas son máis sensibles que outras e é por iso que necesitan doses máis altas de pirulas para combater

4HUMOR

a presión arterial. Cabe sinalar que tamén sucede, os comprimidos chegan a non xurdir o efecto desexado e serían precisas outras axudas.

Os gobernos implementan programas de redución de sal e ten dado algún resultado, máis o mellor e que fagamos o hábito, de facer o experimento de, por exemplo, consumir todo coa metade de sal.

Unha forma de reducir o sal é usar especies no seu lugar; engadilos á comida fai que sexa máis sinxelo reducir o consumo de sal. As especias tamén poden traer os seus propios beneficios para a saúde. Por suposto, aínda queda moito por facer para probar os beneficios que a vecese se din, mais todas as especias son boas, con resultados, a veces, sorprendentes.

O sal das nosas cociñas non é sal, senón cloruro de sodio e é esta sal a que debería ser substituída pola flor do sal e o sal vermello do Himalaia, polo seu contido en varios minerais e por ser máis puro.

Pero demasiado exceso tamén é perxudicial.

João Damião

4ANUNCIOS CLASIFICADOS [Deixe o seu anuncio no 685 96 95 46 ou en info@periodicobarrios.com. Gratuítos para particulares]

INMOBILIARIA Véndese piso en Beluso, Bueu (Pontevedra). 100 m2, 3 habitacións, salón, cociña, baño, despensa e 3 trasteiros amplios. Soleado todo o día, situado preto de servizos básicos e a menos de 2 km das mellores praias da zona.

Prezo: 85.000 euros.

Tfno.: 679 588 349 (envío fotos, escoito ofertas).

Alugo local económico no centro. Ideal para oficina, almacén ou trasteiro. 17m2. Dispón de baños comunitarios. 120 euros/mes máis 7 euros de comunidad. C.E.: C. Teléfono 627 203 131 Véndese casa céntrica en Xinzo de Limia.

Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza.

133.000 euros. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros.

Tel: 653 208 506 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113.

Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029.

Vendo casa na estrada de Santiago, con finca. Para restaurar. Tel.:672 089 349.

Alugo apartamento en Sanxenxo a 5 minutos da praia. Piscina comunita-

ria Tel.: 650 64 15 19.

Véndese apartamento de 2 habitacións, cociña americana, baño, trasteiro e garaxe. A 5 min. de praia América. Bo prezo. Tel. 620 66 07 62.

TRABALLO Particular en Ourense capital imparte Clases a domicilio individuais personalizadas de Matemáticas. Todas as Etapas.

Tamén materias curriculares de ESO e Bacharelato.

Amplia experiencia, económico. Forma de contacto: Enviar mensaje por WhatsApp: 610 38 25 89.

Coidador sociosanitario con titulación ofrécese para acompañamentos, asistencia persoal, axuda a domicilio e coidado persoal. Tel.: 644482870 Ofrécese señora para traballar con xente maior ou nenos. De toda confianza, con informes. Disponibilidade de coche e fins de semana Tel.: 606 422 543.

Ofrécese señora para limpeza por horas Tel.: 674 500 513.

Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes.

Tel.: 606 422 543 Ofrécese auxiliar de enfermaría, con titulación, para o coidado de maiores. Como interna ou por horas. En Ourense ou arredores. Telf.: 663 043 561 Danse clases de francés a domicilio. Todos os niveis. Titulación en España e Francia. Tlf.: 625 745 611 Busco traballo en desbroces con tractor ou condutor de camión e carretillas.

Ampla experiencia. Tel: 637 282 405.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358. Ófrecese señora seria e responsable para tarefas do fogar e coidado de nenos e maiores. Con informes.

Preferencia zona Ponte.

Tlf: 685 374 191.

VENDAS Véndense corte de carballos entre 1,20 e 1,5 m de circunferencia. Tel: 659 494 272.

Vendo candelabros con reloxo a xogo, antigos para entrada. Tel: 610 97 98 97.

Vendo colección de revistas “Muy interesante”, do nº1 ao 163, e “Natura”, do 1 ao 132 (as dúas encadernadas). Tlf: 636286434.

Vendo accesorios para cans: arnes de tiro, correas, collares e fournitures. Tlf: 636286434.

Vendo unha xanela de dúas follas en aluminio sapelly de 1,40 x 0,94 m con cristais. Tlf: 636286434.

Vendo dúas cadeiras infantís de coche (Jane) de 15-36 kg con isofix, unha negra e outra vermella.

Tlf: 636286434.

Vendo rizador de pelo con accesorios para alisar e rizar. Tel.: 666 303 635 Vendo cama hospitalaria articulada en bo estado, con colchón anti-escaras.

Tlf.: 606 133 522 Vendo prensa de viño mediana/grande, ideal para decoración en xardíns.

Tlf.: 606 133 522 Véndese mampara nova.

Tel: 672 089 349.

Vendo escritorio. Como novo, bo prezo. Tel: 672 089 349.

Vendo estufa de frío e calor. Tel: 672 089 349.

Barrios 23 de xuño 2022