Page 1

Jácome retira os mupis de toda a cidade [Páx. 2]

OURENSE

Páx.4 VERÍN

Un pleno extraordinario tratará a rebaixa do imposto de circulación

Páx.6 VERÍN

O Festival de Curtas Vía XIV convida ao Tempo Documentary Festival de Suecia

Páx.6 BARBADÁS Páx.12 PROVINCIA

A Biblioteca de Verín acada o premio “María Moliner” de animación á lectura

Núñez Feijóo e Valcárcel reúnense para tratar temas municipais

Retroceso na desescalada

Páx.13

A Xunta axuda ás mulleres emprendedoras co programa Emega

Intermodal rematada

[Páx. 2]

Limpeza e desbroce no río Támega

[Páx. 3]

[Páx. 10]

Volven as restricións a cinco concello da provincia. // Feijóo visitou a estación Intermodal. // O Concello de Verín remata a primeira fase de actuación sobre o río Támega.

Número: 149 - Ano: XIV - 23 de xullo de 2021 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190


2

Barrios 23 de xullo 2021

TEMA DA SEMANA

Rematan as obras da estación Intermodal 4 Feijóo reclama ao Goberno central as obras da estación de tren. Redacción

Jácome, na retirada do mupi colocado na entrada do parque de San Lázaro. /I.O.

O alcalde libera de mupis a cidade 4 Tamén retirará os soportes para bicicletas, unha cabina telefónica e os repetidores wifi. Redacción Esta semana remata a retirada de mupis da cidade. Un desexo do alcalde, Gonzalo Pérez Jácome, que se fai realidade quitando o que denomina “mobiliario basura”. Para o rexedor, era un “sinsentido” manter estas “barreiras arquitectónicas” cando o Concello soamente sacaba “200 euros ao mes” por elas, asegurando que compensaría se se recibira unha compensación económica “desorbitada”. Pero, ademais do arredor dos 150 mupis e pantallas dixitais (deixa sen quitar os termómentros por tradición e porque dan información ao cidadán), o Concello vén de elimi-

nar unha cabina telefónica (na rúa Padre Feijoo) que serán máis proximamente, e tamén se desfará do fotomatón que hai ao carón da Policía Nacional, do que di “leva anos sen pagar cota algunha”. Asimesmo, están sacando os repetidores wifi que non funcionan e que se instalaron cando gobernaba o PSOE. Soportes de bicicletas Outro mobiliario que ten os días contados son os soportes para bicicletas. Jácome explicou que “a lei prohíbe o uso da bicicleta en zonas peonís”, precisamente as zonas nas que se atopan ditos soportes. O alcalde avanzou tamén que están a punto de sacar a concesión dunhas 300

bicicletas eléctricas que terán o aparcadoiro “en zonas de vehículos”. Fonte Gonzalo Jácome aproveitou a supervisión da retirada do mupi na entrada do parque de San Lázaro para avanzar que está a piques de licitarse a creación dunha praza, xunto á Subdelegación do Goberno, que contará cunha fonte que será, aseguraba o alcalde, “das mellores de España” e que ofrecerá “unha hora ao día de espectáculo de luz e de auga”. Este proxecto (que se financiará con cargo aos 62 millóns de euros da modificación de crédito) aínda terá que pasar a exposición pública. Agarda que en setembro haxa luz verde para a operación financieira.

A fonte fronte a Subdelegación ofrecerá un espectáculo diario de luz e auga

O presidente da Xunta, Alberto Núñez Feijóo visitou, acompañado do alcalde de Ourense, Gonzalo Pérez Jácome, da conselleira de Infraestruturas, Ethel Vázquez, e diversas autoridades, a nova estación de autobuses Intermodal de Ourense. O responsable do Goberno galego, destacou a achega da Xunta á intermodal de Ourense e instou ao Goberno central a acometer a reforma da estación de tren para completar a que será a "porta de entrada do AVE a Galicia". “Só pedimos que se cumpra o compromiso da administración central e a estación do AVE está comprometida des-

de 2016", matizou Feijóo. Cun investimento da Xunta de nove millóns de euros, Feijóo subliñou que a Administración autonómica pon fin á primeira fase da Intermodal de Ourense, composta pola terminal de autobuses (financiada con fondos Feder 2014-2020), a praza e o aparcadoiro con 300 prazas. “Estamos a falar dunha gran estación de autobuses, céntrica, accesible e moderna; con máis de 7.300 m2 e coa previsión de albergar case 70.000 expedicións e a 265.000 viaxeiros”, engadiu, referíndose tamén á humanización da contorna, á ordenación do tráfico e ao reforzo da independencia do centro de saúde contiguo.

Autoridades na nova estación Intermodal de Ourense.

Jácome Pola súa banda, o alcalde de Ourense, Gonzalo Pérez Jácome, asegurou que a cidade leva agardando "décadas" por esta infraestrutura. Porén, advertiu que estas infraestruturas "non poden colmarnos, nin matar a nosa ambición, nin perder a perspectiva”. “De momento, Ourense é unha cidade Cincenta" recordando que "mentres a nova estación de Santiago está licitada, nós levamos 11 anos esperando".

Jácome asegurou que a cidade leva agardando “décadas” por esta infraestrutura


TEMA DA SEMANA

Barrios 23 de xullo 2021

3

Novas restricións nunha quinta onda na que medran os casos activos 4 A cidade supera o máximo histórico de contaxiados. R.T. Malos datos en canto aos casos activos na provincia de Ourense. Desde que comezou o mes de xullo os positivos non fixeron máis que medrar, polo que temos enriba a quinta onda desta pandemia provocada pola Covid-19. A pesar de que nos primeiros días de aumento dos casos apenas había hospitalizados, o certo é que nas últimas xornadas comezaron a aumentar o número de persoas que tiveron que ser ingresadas. Así, son 38 hospitalizados en planta, máis un en coidados intensivos (ben é certo que na xornada anterior eras 44 as persoas hospitalizadas). Só o CHUO acollena 35 e un nos hospitais de Valdeorras, Verín e a Clínica Santa Teresa da capital; o ingresado en UCI está no CHUO. A cidade das Burgas volve acumular un máximo histórico con 1.244 casos, se ben é certo que comeza a diminuir a subida diaria de casos detectados. No tocante á comarca de Monterrei, Verín dispara os seus casos ata os 33, sumando 12 en Monterrei, cinco en Riós, catro en Vilardevós, tres en Castrelo do Val, e sen casos en Cualedro, Laza e Oímbra. Medidas Este alto número de contaxios facía indicar que desde a Xunta tomarían novas medidas restritivas.

50% de ocupación tanto dentro como fóra do establecemento (pedirase o certificado en interior). Os concello con nivel baixo contarán cun 50% do aforo en interior e sen limitación no exterior.

As terrazas do Barco, Ourense, Barbadás, Avión e Carballiño terán un aforo do 50% a partir deste sábado. /M.REJO. O Barco é o único concello da provincia que se sitúa en nivel máximo de restricións. Pola súa banda, son catro os que están en nivel alto: Ourense, Avión, Barbadas e Carballiño. No nivel medio son oito: Beariz, Entrimo, Boborás, Maceda, O Pereiro de Aguiar, San Cibrao, Ribadavia e Vilamartin de Valdeorras. Nesta ocasión, ningún concello -estea no nivel que estea- terá peche perimetral. Tanto en nivel máximo coma no alto, pecha o ocio nocturno, ademais de quedar prohibidas as reunións entre non convivintes entre a 1 e as 6 horas (no resto de concellos esta medida é de 3 a 6 h). Ademais, pohíbese as reunións de non convivintes de máis de seis persoas en interior e de 10

Prohíbense -agardando que o Tribunal Superior de Xustiza de Galicia o acepte- as reunións de non convivintes entre á 1 e as 6 horas en concellos con nivel máximo e alto en exterior. Feijóo espera que estas medidas sexan refrendadas polo Tribunal Superior de Xustiza de Galicia. Os concertos seguen permitidos comprindo o protocolo (aire libre, límite de aforos e uso da máscara). Certificado sanitario Unha das medidas que cambia sendo menos restritiva é a de servir no interior da hostalaría; iso si, con condicións. Ata o de agora, Ourense, Barbadás e O Barco non podían servir en

interior, pero a partir deste sábado si, sempre e cando exisan aos seus clientes -maiores de 12 anos- un certificado que acredite a pauta completa da vacuna, unha PCR negativa -nas últimas 72 horas- ou ter pasado a enfermidade. O Barco, con nivel máximo, poderá ter un 30% ocupado no interior e un 50% en terraza (o certificado de vacinación deberá ser presentado polos clientes tanto se están no interior coma no exterior); no nivel medio haberá o

Vacinas Queda claro que a vacina é elemento diferenciador para frear o coronavirus. Feijóo, na rolda de prensa celebrada esta semana despois da reunión do Comité Clínico, indicou que o 65% dos galegos xa contan coa dobre pauta. Para a semana que vén está previsto que rematen coa segunda dosis os maiores de 40 anos e que se comece a vacinar aos menores de 29. En canto aos cribrados que tiveron lugar en varios puntos da provincia, desde a Xunta lamentan a baixa asistencia, converténdose nun problema debido á elevada transmisibilidade do virus. Este sábado, 24 de xullo, haberá un novo cribado en Maceda. De 9 a 13.30 horas están citados 427 veciños. Autocita Esta semana, e por sorpresa, habilitouse a apertura da autocita de vacinación para os adolescentes de entre 16 e 19 anos. O mércores foron 6.000 prazas, mentres que este mesmo venres son outras 11.000 máis; comezarán a vacinarse a primeiros de agosto. Este colectivo pre-

senta unha incidencia acumulada de 1.200 casos por cada 100.000 habitantes nos últimos 14 días, mentres que a media en Galicia está nos 500. O conselleiro de Sanidade, Julio García Comesaña, adiantou que a autocita poderíase “abrir a outros colectivos”. Os adolescentes da área de Santiago-Barbanza xa comezaron a súa inoculación con 1.000 doses de Moderna que tiñan reservadas. A grande interacción do grupo de idade de 15 a 30 anos durante o principio de verán derivou nesta “explosión” de casos positivos tan alarmante. Na última semana o 80% dos contaxios eran xente menor de 40 anos. Test As famacias xa poden vender test de autodiagnose da Covid-19. Desde o Colexio Oficial de Farmacéuticos de Ourense ven con bos ollos esta medida. Mediante estes tests sábese en 15 minutos se se está contaxiado ou non. Unha boa maneira de tentar controlar o virus.

O ocio nocturno pecha en concellos en nivel máximo (O Barco) e con nivel alto (Ourense, Avión, Barbadás e Carballiño)


4

Barrios 23 de xullo 2021

OURENSE

EN BREVE

Deporte Galego beneficia a 15 clubs ourensáns

4 Imposto de circulación O goberno municipal entregoulles aos grupos políticos municipais os datos sobre o Imposto de Vehículos de Tracción Mecánica (IVTM) para o debate sobre a rebaixa fiscal que terá lugar o vindeiro 29 de xullo en sesión plenaria extraordinaria. Coa proposta de redución do 40% que impulsa o goberno municipal cada propietario de vehículo aforrará unha media de 60 euros no recibo anual.

4 Botellón A comisión de Traballo para elaborar a coñecida ordenanza do botellón reuniuse esta semana, por segunda vez, para traballar sobre as emendas presentadas polos diferentes partidos políticos e sácala adiante o antes posible. Os grupos coincidiron na idoneidade de contar cunha normativa municipal, a maiores da autonómica, e na necesidade de presentar plans alternativos de lecer para a mocidade. A Comisión volverá reunirse a segunda semana de setembro.

4 AAVV A concelleira de Participación Cidadá, Flora Moure, ven de asinar a providencia para activar a sinatura dos convenios coas entidades veciñais.

Andrés Mazaira e Gonzalo Jácome na presentación do estudo.

Un estudo analiza a situación do emprego 4 Entre as alarmas que identifica este análise está a do emprego feminino. Redacción O alcalde de Ourense, Gonzalo Pérez Jácome, e o profesor Andrés Mazaira, presentaron o informe socioeconómico para o deseño de estratexias paro a creación de emprego no Concello de Ourense. Un traballo que analiza todos os indicadores posibles para que axuden a apuntar cara a un modelo de cidade que estea preparado para afrontar os retos máis inmediatos: a organización social logo da Covid19, a crecente e imparable dixitalización, o I+D+i, a revolución verde, entre outras. O estudo recompila e confronta os datos de Ourense co resto da realidade urbana de Galicia, unha confrontación que presenta datos moi semellantes en todo o terri-

torio agás en Santiago de Compostela, a cidade que máis sobresae en todos os apartados. Así, Ourense conta coa segunda taxa máis alta de Galicia de poboación entre os 15 e os 39 anos, un dato que garante unha continuidade xeracional moi forte, e unha taxa de autoemprego do 17% do total, só por debaixo de Pontevedra e Santiago, o que reforza a idea de que as axudas municipais aos traballadores autónomos foron de vital importancia. Porén, o estudo desvela que só o 0,5% das empresas locais teñen 50 ou máis traballadores -o 96% do tecido empresarial correspóndelle ás microempresas-, que o desemprego se concentra na construción, na hostalaría e no comercio, e concénctrase a economía en actividades

de baixo valor engadido. Isto tradúcese en menores ingresos e menores rendas familiares, se as comparamos con outras cidades de Galicia. Entre as alarmas que identifica o estudo está a do emprego feminino. As mulleres novas, máis preparadas que nunca, saen da cidade para atopar emprego pero non retornan. O estudo socioeconómico é pormenorizado até o punto de facer análises por cuadrículas de quilómetro cadrado na cidade, o que permite identificar onde, como, e a quen dirixir os esforzos das políticas municipais. Neste sentido, identifícase o Servizo de Emprego do Concello de Ourense coma unha ferramenta vital para deseñar o futuro da cidade.

4 En setembro aprobarase o plan para a 2020-21. Redacción O secretario xeral para o Deporte, José Ramón Lete Lasa, acompañado polo delegado da Xunta en Ourense, Gabriel Alén Castro, asinou os contratos de patrocinio cos 15 equipos da provincia de Ourense participantes no Plan de Patrocinio Publicitario dos Equipos de Alta Competición de Galicia da Fundación Deporte Galego. O secretario xeral destacou a importancia destes 15 equipos ourensáns que amosan unha gran igualdade con 7 equipos masculinos, outros 7 femininos e un mixto. En total, o Plan de Patrocinio deixa en Ourense máis de 230.000 euros (231.912,83 euros). No acto estivo presente

asemade o coordinador de Negocio Institucional en Ourense de ABANCA, Mateo Alonso San Román. O secretario xeral anunciou tamén que por primeira vez desde a xénese do plan realizarase un cambio nos prazos para adecuar o devandito plan ao calendario de competición dos equipos galegos. Deste xeito, en setembro de 2021, aprobarase o Plan de Patrocinio correspondente á tempada 2021-2022 que será a edición que contará cun maior orzamento ata chegar aos 3,9 millóns de euros.

Dos 15 clubs, sete son masculinos, sete femininos e un mixto

Representantes de clubs co secretario xeral para o Deporte, Lete Lasa. /RAMSÉS.


ECONOMÍA

Barrios 23 de xullo 2021

5

Medio Ambiente, Territorio e Vivenda ofrece axudas en materia de rehabilitación residencial 4 ARI´s, Fondo de cooperación, rehabilitación enerxética, son algunhas das axudas dispoñibles desde esta consellería. Redacción A Consellería de Medio Ambiente, Territorio e Vivenda ofrece axudas en materia de rehabilitación residencial dirixidas a particulares, comunidades de veciños e concellos. En marzo publicabase no Diario Oficial de Galicia (DOG) a Resolución pola que se convocaban cinco axudas distintas para promover a conservación e a rehabilitación dos inmobles, por un importe global de preto de 5 millóns de euros de fondos propios da Xunta de Galicia. O obxectivo dos distintos programas dirixidos a particulares, comunidades de veciños e administracións locais é mellorar o patrimonio edificatorio da Comunidade galega. Así, abríase o período para solicitar axudas ao abeiro do programa de fomento de conservación e mellora de accesibilidade das vivendas, fomento e rexeneración urbana nas áreas de rehabilitación integral dos Camiños de Santiago, do Parque Nacional das Illas Atlánticas e da Ribeira Sacra, para rehabilitar inmobles e vivendas de titularidade municipal para destinalas ao alugueiro social e o programa de infravivenda. Xa no mes de xuño, a Xunta convocou o programa Fondo de Cooperación cos concellos, dotado con más de 4 millóns de euros. ARI municipais As axudas ás áreas de rehabilitación integral (ARI), tamén convocadas en xuño, prevén este ano un orzamento de ata 10,2 millóns de euros. En primeira instancia a contía

e de 5,4 millóns de euros, un orzamento que poderá ampliarse en 4,8 millóns de euros máis, se se rexistran solicitudes por parte dos concellos que superen o crédito inicial. Ademais, trátase de axudas compatibles coas do programa de axudas para actuacións de rehabilitación enerxética en edificios existentes convocadas polo IGVS (instituto Galego de Vivenda e Solo). Son un total de 44 concellos que teñen unha área declarada a participar e presentar proxectos para a rehabilitación de inmobles nas 75 ARI municipais que acumula Galicia. O importe máximo da axuda que poden percibir os propietarios é de 24.000 euros por vivenda, sen que poida superar o 50% do orzamento, aínda que poderá chegar ao 85% no caso de persoas con ingresos inferiores a tres veces o IPREM e tamén cando se acometan actuacións para a mellora da accesibilidade e se acredite que na unidade de convivencia existen persoas con discapacidade ou maiores de 65 años. Ademais, os concellos poderán recibir tamén subvencións para actuacións de urbanización e reurbanización de espazos públicos no ámbito da ARI, sempre supeditadas á rehabilitación dos inmobles e cun importe de ata 2.000 euros por cada un recuperado. E a isto hai que sumar que a Administración local recibirá financiamento para a oficina municipal de rehabilitación —1.500 euros por vivenda—. En palabras da conselleira de Medio Ambiente, Territorio e Vivenda, Ángeles Vázquez indicou que o

Os concellos interesados en participar do Fondo de cooperación dispoñen ata o 1 de outubro para presentar as súas solicitudes

Vivenda rehabilitada en Lugo. obxectivo da Xunta é “executar o 100% do orzamento que prevé a nova convocatoria”, polo que invitou aos concellos “a divulgar este programa entre os posibles beneficiarios, os veciños das ARI”. Esta convocatoria remata o 16 de xullo. Rehabilitación nas tres ARI supramunicipais O Instituto Galego da Vivenda e Solo xestiona directamente as tres áreas de rehabilitación integral de carácter supramunicipal que están declaradas hoxe na Comunidade galega, son a ARI do Camiño de Santiago (na que se integran 126 concellos), a do Parque Nacional Illas Atlánticas de Galicia (4 entidades locais) e a da Ribeira Sacra (25 municipios). Neste caso, o prazo de solicitude de axudas estará aberto ata o vindeiro 30 de setembro. Os solicitantes poderán recibir ata 4.000

euros por cada vivenda obxecto de rehabilitación e sumar outros 1.000 euros sempre e cando se adapten á Guía de cores e materiais. Asemade, cando o beneficiario sexa menor de 35 anos e resida nun concello de menos de 5.000 habitantes, o importe da axuda incrementarase nun 25%. As actuacións que se poderán levar a cabo son obras e traballos de mantemento nas vivendas unifamiliares e nos edificios, mesmo no interior, a fin de adecualos, e obras de demolición de edificios e vivendas e obras de nova construción. Conservación e mellora da accesibilidade O programa de fomento da conservación, da mellora da seguridade de utilización e da accesibilidade en vivendas do Plan Estatal de Vivenda 2018-2021 está dirixido a financiar actua-

cións de rehabilitación de edificios ou vivendas, como as relativas ao estado de conservación da cimentación, da estrutura e das instalacións, das cubertas, azoteas, fachadas e medianeiras. No caso das actuación de accesibilidade, destacan a instalación de ascensores, salvaescaleiras, ramplas ou outros dispositivos de accesibilidade, incluíndo os adaptados ás necesidades de persoas con discapacidade sensorial ou intelectual, así como calquera intervención que facilite a accesibilidade universal, como elementos de información ou de aviso ou dispositivos electrónicos de comunicación. As axudas podían solicitarse ata o 22 de abril e os beneficiarios foron este ano máis de 1.600 persoas propietarias de vivendas unifamiliares, de edificios de tipoloxía residencial colectiva e das vivendas situadas nestes edificios, as comunidades de propietarios, así como agrupacións de propietarios. Fondo de cooperación Outra liña de axudas aberta son as do Fondo de

cooperación para a rehabilitación de inmobles en concellos con menos de 50.000 habitantes. Trátase dun programa creado en 2017 polo Instituto Galego de Vivenda e Solo e que na actual convocatoria –a de 2021- reserva case 4,5 millóns de euros. Os concellos interesados en participar no mesmo dispoñen ata o 1 de outubro para presentar as súas solicitudes. Os concellos que presenten os seus proxectos e se beneficien deste crédito, terán un prazo de oito anos -sen xuros- para devolvelo. Estes incentivos serven para levar a cabo actuacións de rehabilitación, así como para adquirir inmobles para a súa posterior recuperación. Grazas aos mesmos xa se impulsaron 36 axudas por un importe de máis de 7 millóns de euros.

Un total de 44 concellos poden presentar proxectos de rehabilitación nunha das 75 ARI municipais que acumulan

Estado final da reforma dun edificio en Betanzos.


6

Barrios 23 de xullo 2021

Parasoles Redacción O Concello de Verín segue co apoio ao sector hostaleiro. Nesta ocasión instala os parasoles doados a bares e restaurantes. En total son 120 sombrillas que se foron colocando en diferentes puntos da vila. Para a localización do mobiliario urbano, os técnicos municipais deseñaron e marcaron sobre a vía pública o espazo de ocupación de cada establecemento que será delimitado por valos de madeira, así como con macetas ornamentais. Así mesmo, as sombrillas terán a súa base ancorada ao chan o que facilitará aos traballadores retiralas facilmente á hora do peche. Con esta medida preténdese, ademais de adecuar definitivamente o espazo correspondente en cada unha das licenzas dos hostaleiros, «apoiar a un dos sectores máis castigados pola pandemia e facilitar o control que as autoridades sanitarias esixen. Non soamente os axudamos con mobiliario, senón que tamén creamos unha imaxe de uniformidade en toda a vila, contribuíndo a reordenación e humanización da nosa vila», explicou o alcalde.

Parasoles instalados na hostalaría de Verín.

VERÍN E COMARCA

O FIC convida ao Tempo Documentary Festival 4 Tamén acollerá a presentación da obra “Sonido para audiovisuales”. Redacción O Tempo Documentary Festival de Suecia, un dos máis arraigados festivais audiovisuais do país escandinavo que este ano acadou a súa 22ª edición, será o festival convidado pola organización do Festival Internacional de Curtas Vía XIV de Verín na súa vindeira edición, que se celebrará entre o 4 o 12 de setembro. Este festival celebrou a súa última edición en marzo deste ano e fíxoo de xeito dixital, case completamente. Incluso a entrega de trofeos celebrouse en modo dixital. O Tempo Documentary, o máis grande de documentais de toda Suecia, fundouse no ano 1998 “e ao longo do tempo estableceuse como un foro único para a presentación de traballos documentais internacionais máis aló das froteiras tradicionais”, argumenta Carlos Montero, director do FIC. Deste xeito, o certame adoita acoller na sua axenda formas de expresión máis experimentais xunto a cinema, radio, fotografía ou realidade virtual. Aqueles que acodan a esta actividade paralela do FIC Vía XIV 2021 de Verín poderán visionar algunhas das curtas seleccionadas a concurso polo Tempo Documentary

A banda das apertas Redacción O vindeiro domingo 25 de xullo, ás 20 horas (entrada libre ata completar aforo), a praza da Mercé de Verín acollerá o espectáculo infantil “A banda das apertas”. Nesta nova produción as músicas do creador Magín Blanco conviven con outras coñecidas cancións que o público familiar recoñece e valora da historia da música contemporáneas, e que permitirán gozar en

Premio para a biblioteca Redacción

“Sonido para audiovisuales” será presentado no marco do FIC Vía XIV de Verín. Festival en anos anteriores. “Sonido para audiovisuales” Outra das actividades paralelas do festival verinés será a presentación da obra “Sonido para Audiovisuales”, cuxos coautores son Marco García Torres e Rafael Godás Ibáñez, profesores na área da imaxe e do son. A publicación traslada aos lectores técnicas, trucos e exemplos de probada eficacia para que poidan empezar a crear bandas sonoras con resultados profesionais. “A ligazón entre son e cinema ten un amplo percorrido e no noso Festival adoitamos dedicar a esta cuestión algunha das nosas actividades paralelas.

Por iso, decidimos que esta obra se presente no marco do noso certame: como un xeito de seguir afondando na conexión entre ambos os eidos”, sinala Montero. Godás Ibáñez apunta sobre a obra que o primeiro “público obxectivo da obra é o dos estudantes” porque “nós, os autores, somos profesores”. “Con esta presentación, a primeira que realizamos da obra, pretendemos ampliar o público ao que se dirixe a publicación e levala tamén ata posibles creadores”, engade.

O FIC Vía X terá lugar do 4 ao 12 de setembro

A Biblioteca Municipal de Verín foi seleccionada entre os 10 mellores proxectos de animación á lectura de España dentro da 20ª Campaña ‘María Moliner’ para municipios de menos de 50.000 habitantes – que convocan o Ministerio de Cultura e Deporte e a Federación Española de Municipios e Provincias- pola súa iniciativa “Voluntariado cultural con rapaces/as para o fomento da lectura”.

familia dun concerto, no que o público é parte do elenco: coreando, acompañando e sobre todo desfrutando con eta actuación.

Cartel de “A banda das apertas”. Deste xeito, a Biblioteca verinesa recibirá 10.000 euros que serán destinados a compra de libros e/ou publicacións periódicas. O acto de entrega do premio foi en liña e consistiu na proxección dun vídeo con material gráfico e imaxes sobre os proxectos de animación á lectura realizados nas bibliotecas públicas premiadas. No caso de Verín contou coa presenza en liña da edil de Educación, Emilia Somoza; e dos responsables da biblioteca, Vicente Rodríguez e Aurora Prieto, ademais de voluntarios da biblioteca.

Entrega virtual do premio María Moliner.


SOCIEDADE

nos permitiron realizar as primeiras saídas a domicilios, tanto familiares como usuarios dicíannos que preferían quedar, que na residencia atopábanse seguros", lembra a directora.

O coidado do persoal sociosanitario sobre os usuarios das residencias foi impeclabe durante a pandemia.

O esforzo e a profesionalidade do persoal sociosanitario, claves para facer fronte á pandemia 4 Ao redor de 18.000 traballadores coidaron a usuarios de residencia física e emocionalmente durante a crise sanitaria. Redacción Aínda que agora pareza unha historia afastada, hai apenas uns meses as residencias de maiores e persoas con discapacidade encollían o corazón de todo un país. As persoas que alí residen preocupaban a toda a sociedade ante un virus que atacaba ao máis vulnerable. Unha situación que implicou centrar todos os esforzos na súa protección e que levou converter estas instalacións en auténticas fortalezas nas que ninguén podía entrar nin saír sen unha causa xustificada. Os protagonistas e verdadeiros heroes foron os propios residentes, que tras unha vida de esforzos non imaxinaban ter que vivir esta última batalla, pero tamén os seus coidadores, un persoal sociosanitario que puxo os seus días a disposición dos que máis necesitaban apoio e coidado. As Gándara A organización dun centro sociosanitario converteuse nun exercicio de precisión. "Quendas para comer, respectar os protocolos sanitarios, realizar probas constantes, coordinar a comunicación entre departamentos, cadrar os

horarios de visitas e todo, sen esquecer a parte máis humana e emocional dun momento coma este". Así relata Javier Vázquez a súa experiencia ao mando da residencia pública As Gándaras, en Lugo. Vázquez, hoxe xefe territorial da Consellería de Política Social, asumía a dirección do centro lucense en xullo de 2020. "Collín as rendas da residencia nun punto moi duro. Foron momentos de moita ansiedade, pero esa ansiedade che facía estar activo. O traballo en equipo e un alto nivel de implicación por parte dos profesionais permitiron que non tivésemos ningún caso entre os residentes", sinala. En Galicia existen máis de 18.000 traballadores sociosanitarios que coidan a 22.000 persoas maiores e a máis de 2.000 persoas con discapacidade. Eles son a parte oculta, pero tamén protagonista desta difícil situación. "Os residentes eran o que nos motivaba a traballar. Días antes do Nadal unha usuaria chegou a pedirnos saír para comprar os agasallos dos seus netos cando só permitíanse saídas xustificadas para ir ao médico e pouco máis. Eses momentos tan emotivos

empuxábannos a facer todo o posible para devolverlles a normalidade", relata Vázquez. Campolongo Mesma sensación compartían na residencia pública de Campolongo, en Pontevedra. A directora deste centro, Maite Caneda, conta que o momento máis alegre era cando trasladaban o resultado dos cribados que certificaban que non había contaxios. Uns minutos de felicidade que pronto se volvían a transformar en incerteza. "O ambiente era un tanto solemne, ninguén sabía como actuar, pero iso permitíanos tamén ser estritos e ter moito coidado co contacto e a hixiene". Asegura que tanto familiares como usuarios tiñan confianza cega nas medidas recomendadas e cumpríanas a machada. "O que peor levaban era non poder ter contacto cos compa-

Maite Caneda: “tiñamos que discorrer para buscar actividades que lles axudasen a ter a cabeza ocupada”

ñeiros que estaban noutros sectores. Iso e non saír á rúa. Tiñamos que discorrer para buscar actividades que lles axudasen a ter a cabeza ocupada", sinala, "e sempre soñando con irnos a tomar un mojito todos xuntos cando todo acabase!". Neste centro chegaron a inaugurar unha terraza onde os usuarios puideran tomar o café, aumentaron as merendas "que antes da covid apenas eran frecuentadas, pero convertéronse nos mellores momentos de conversación" e os profesionais elaboraban sobremesas caseiras para cambiar o menú e permitir que o aire fresco entrase de novo na residencia. "Cando

Experiencia persoal Afastados das súas familias e amigos, os usuarios pasaron longos meses sen contacto co exterior. "Para min un dos momentos máis emocionantes foron as videollamadas que faciamos coas súas familias. A información a eles e entre eles converteuse nun dos traballos máis fundamentais", asegura Néstor Pena. Este auxiliar de enfermaría no Cegadi, un dos centros integrados postos en marcha polo Goberno galego para illar aos usuarios positivos en covid-19, recuperou a súa vella profesión logo de que a pandemia deixase o seu traballo como cantante de verbenas sen eventos. "A covid permitiume recuperar unha vocación apagada que me serviu para vivir unha experiencia inesquecible", apunta. De feito, actualmente continúa dedicándose á enfermaría xa desde un hospital. Asegura que afrontou con valentía a oportunidade de traballar nunha residencia nun momento coma este. "Había que estar ao 200% e non pasaba un día no que non se che caesen bágoas de emoción, pero mereceu a pena. Unha das miñas ilusións é volver ver aos usuarios que pasaron polo Cegadi. Voumos a levar sempre no recordo", relata. Foi unha experiencia e un sentimento que compartiron os traballadores e usuarios de residencias do catro provincias de Gali-

Barrios 23 de xullo 2021

7

cia. Xurxo Fernández, director do centro de Castro Caldelas, lembra como durante moitas semanas eles, os médicos, enfermeiros, auxiliares, gerontólogos e o resto do persoal da residencia convertéronse no único contacto dos maiores co exterior. "Supoño que pasar por estes momentos de tensión e estrés, pero tamén de alegría e confianza, uniunos máis a todos", recoñece. Todas estas situacións forman xa parte do pasado. Convertéronse en historias que contar a netos e xeracións vindeiras e isto débese principalmente a dous axentes. Por unha banda os protocolos, os equipos de protección e a vacina, que permitiron converter os centros de maiores e persoas con discapacidade nos lugares máis protexidos de Galicia e pór a cero o contador de casos en residencias, e por outro, a todos os profesionais que día tras día deron o mellor deles mesmos para conseguir que os usuarios de residencia vivisen estes meses dunha forma segura, acompañada e tranquila. Ademais de ser capaces de ofrecerlles os coidados que a idade lles esixe, foron a calor humana dunha familia. Unha gran familia conformada por todas as residencias de Galicia.

“A covid permitiume recuperar unha vocación apagada que me serviu para vivir unha experiencia inesquecible”

Traballadores de residencias e usuarios conforman unha gran familia.


8

Barrios 23 de xullo 2021

VERÍN E COMARCA

Catalogan de "moi boa" a colleita de 2020 4 A DO Monterrei únese ao "ExportOU". Redacción A Cata de Calificación da Colleita 2020 que tivo lugar na sede do Consello Regulador da Denominación de Orixen de Monterrei catalogou devandita colleita como "moi boa". Nesta cata participaron representantes de asociacións profesionais e do panel oficial da denominación. O equipo de cata destacou que en brancos "se gaña complexidade con respecto aos últimos anos, cada colleita percibe unha maior representación da paisaxe e da identidade de Monterrei"; mentres que sobre os tintos describiron que "a froita segue sendo o perfil máis característico, cunha boca equilibrada e sedosa". ExportOU Por outra banda, a DO Monterrei únese ao programa ExportOU logo de integrarse na Confedera-

ción de Empresarios de Ourense (CEO). A iniciativa procura potenciar marca Ourense para a internacionalización das empresas. Devandito programa deseñou para o segundo semestre deste ano accións enfocadas a situar o viño ourensán no exterior, buscar novos mercados, e impulsar a súa consolidación no resto. Todo iso a través dunha plataforma de recursos, formación, información e asesoramento aberto agora ás adegas da Denominación. A presidenta del Consello Regulador, Lara Da Silva, animou a todos os socios a unirse a este proxecto "xa que a exportación constitúe unha oportunidade de negocio importante trala pandemia". Neste mes de xullo está xa prevista a selección das adegas e o traballo de campo para desenvolver dixitalmente a visita virtual mediante tecnoloxías

3D e 360º por esta zona vitivinícola e as instalacións, o que servirá como alicerce promocional no resto de accións que se implementen. Tralo verán realizaranse xornadas de formación centradas na captación en marketing dixital e internacional. En novembro haberá unha misión comercial con Reino Unido e Irlanda. Ademais, terán lugar outras actividades futuras como a celebración de obradoiros para potenciar o enoturismo.

Tralo verán realizaranse xornadas de formación centradas na captación en marketing dixital e internacional

Participantes no panel de cata da colleita 2020 da DO Monterrei.

IES García Barbón Redacción Nas ensinanzas de Bacharelato lembrar que o prazo extraordinario de matrícula é do 1 ao 10 de setembro. A convocatoria ordinaria de admisión nos ciclos de grao medio e de grao su-

perior de Formación Profesional (FP) para realizar a matrícula –unha vez admitido- hai prazo do 20 ao 26 de xullo ás 13:00 horas. A convocatoria extraordinaria para a presentación de solicitudes –só para ciclos medios- é do 1 ao 9 de setembro ás 13 horas. A matrícula da convocatoria extraordinaria hai que

facela do 21 ao 24 de setembro ás 13:00 horas. No caso dos estudos de Formación Profesional Básica (FPB) podemos facer a reserva do 1 ao 9 de setembro. Na Educación de Adultos (ESA) hai que realizar a reserva no mes de xullo. A matrícula faise do 1 ao 10 de setembro.

Seoane reivindica Mondariz como tractor económico 4 Das infraestruturas termais. Redacción Nunha xornada na que se debatía sobre a problemática patrimonial e de conservación que teñen moitos balnearios en Galicia, o alcalde de Verín, Gerardo Seoane, expuso o impulso da recuperación das infraestruturas termais de Verín. Asegurou que «hai que repetir o exemplo dos séculos XIX e XX, no que o establecemento dunhas instalacións balnearias supuxo a articulación de núcleos urbanos coma Verín ou Mondariz», ademais de

«instaurar elementos tractores da economía local», que potenciaron o desenvolvemento destas vilas. Gerardo Seoane destacou como en só catro anos Verín experimentou un reimpulso das súas infraestruturas termais de Fontenova e Caldeliñas, antes de 2016 en estado de total abandono e pechadas ao público, «mediante actuacións de emerxencia e o impulso da complexa maquinaria administrativa para a súa rehabilitación». O rexedor de Verín desgranou as actuacións que serviron, en pouco máis de

dous anos, para reabrir ao público ambas surxencias históricas, destacando que a «rehabilitación do entorno correu parella á solicitude das declaracións de utilidade pública e demais mecanismos legais de cara a continuar o complexo proceso de recondicionamento». «Agora», sinalou, gracias a aqueles primeiros esforzos «estamos emprendendo o axardinamento dunha gran lámina verde, un verdadeiro parque medioambiental e termal, que incremente o papel de gran pulmón verde que tiña Fontenova hai cen anos».

Gerardo Seoane.


SOCIEDADE

Barrios 23 de xullo 2021

9

Mellora do dispositivo humano e material na loita contra o lume en Galicia

4 Ademais, intensifícase a colaboración con outras administracións. Redacción Galicia conta este verán cunha trintena de medios aéreos na tempada de alto risco, que coincide co verán, número semellante ao dos últimos anos, contemplando tanto os medios da Xunta como os do Estado. Ademais, unha das novidades que contempla o Plan de prevención e defensa contra os incendios forestais de Galicia (Pladiga) 2021 é a incorporación de melloras tecnolóxicas relacionadas por exemplo coa implantación de novas funcionalidades para o cálculo dos custos de extinción, baseadas na aplicación de custos unitarios e tempo de traballo, o que facilitará despois a reclamación dos gastos en procesos xudiciais contra incendiarios. Ademais, nesta tempada de alto risco implantouse o acceso ao persoal que intervén no incendio a toda a información operativa do lume, en tempo real. Isto significa coñecer o punto de inicio e evolución, os recursos asignados, os puntos de auga próximos, a cartografía, os datos meteorolóxicos, as descargas dos medios aéreos, etc. Rede de cámaras Por outra banda, consolídase a rede de vixilancia no monte con cámaras de última xeración, coa instalación este ano de 22 novos dispositivos, o que permite dispoñer xa de 142 en toda Galicia, localizadas en 71 puntos estratéxicos, con especial atención ás Parroquias de Alta Actividade Incendiaria (PAAI) e ás zonas de Alto Risco de Incendios. Ata agora, as cámaras instaladas permitían cubrir o 60% do territorio galego e con estas incorporacións chegarase a abarcar unha porcentaxe aproximada do 70%. Ademais, o operativo está de novo integrado por

Axentes forestais realizando traballos de prevención de incendios. máis de 7.000 persoas en total, contabilizando tanto os profesionais propios da Xunta como os doutras administracións. Sobre os medios terrestres, cómpre indicar o incremento de 19 motobombas máis por parte dos concellos, que se suman ao dispositivo de loita contra incendios. Así, o número total de vehículos motobomba a disposición do operativo é de 378, sumando os da Xunta e os municipais. Nesta liña, renovarase tamén o parque móbil do Servizo autonómico, coa adquisición de 6 novas motobombas e a renovación doutros vehículos. Neste sentido, cómpre lembrar ademais que recentemente entregáronse 11 vehículos ao Servizo e que dende o ano 2013 o Goberno galego adquiriu un total de 88 novas motobombas, o que supón que se renovou máis da metade do total destes vehículos do dispositivo. O Pladiga 2021 incorpora, a maiores, un completo Plan de prevención,

que ten como principais magnitudes a actuación en máis de 58.000 hectáreas de superficie, a intervención en preto de 5.000 quilómetros de pistas forestais e outras vías de comunicación e a realización de labores de mantemento nos case 4.000 puntos de auga existentes na nosa comunidade; así como a construción doutros 222 novos. Todo isto, cun investimento de arredor de 30 millóns de euros. Instalacións Outra mellora na loita fronte os incendios será a creación do novo Centro integral para a loita contra o lume, que se situará na localidade ourensá de Toén e que funcionará como un verdadeiro “Campus Forestal” grazas ás achegas dos maiores especialistas no comportamento e análise dos incendios. Un complexo no que xa se empezou a traballar con labores silvícolas e de limpeza. Ademais, cómpre lembrar tamén a próxima creación, no sur de Ouren-

Está a disposición da cidadanía o número de teléfono gratuíto 085, ao que deben chamar en caso de detectar algún lume forestal

se, dunha moderna base de medios aéreos, que suporá un investimento de máis de 9 millóns de euros. Trátase dunhas instalacións enmarcadas no proxecto transfronteirizo Interlumes, que permitirán dotar a esta área -unha das máis afectadas pola actividade incendiaria- duns modernos servizos para a anticipación aos incendios, mellorando tempos de resposta e optimizando os recursos na loita contra o lume. Colaboración coa Fegamp Por outra banda, dentro da loita contra o lume,

cómpre salientar tamén o convenio de colaboración subscrito coa Federación Galega de Municipios e Provincias (Fegamp) en materia de prevención e defensa contra os incendios forestais. Neste contexto, xa son 270 os concellos adheridos. Esta colaboración interadministrativa garante a correcta xestión da biomasa en parcelas situadas dentro da rede de faixas secundarias de máis do 86% do territorio da Comunidade galega. Unha xestión que está sendo controlada por drons e por 15 supervisores de prevención que están traballando sobre o terreo co obxecto de comprobar o cumprimento da normativa da xestión da biomasa naquelas faixas secundarias de parroquias priorizadas. Ademais, outros 30 supervisores sumaranse proximamente a estes controis nas parroquias non priorizadas dos concellos adheridos ao convenio de protección das aldeas. A maiores, a través de dito convenio, a Xunta entregou 232 plans de prevención municipais aos correspondentes concellos, dos cales 129 xa están aprobados definitivamente e os outros 103 atópanse en tramitación.

Así, en tres anos pasouse de non haber case ningún plan a que o teñan hoxe en día en tramitación preto do 75% dos municipios galegos. Teléfonos de alerta Por último, cabe lembrar que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais pode ser consultada na conta aberta de twitter: @incendios085.

A rede de vixilancia no monte con cámaras de última xeración abarcará o 70% do territorio galego No sur de Ourense -Verín- crearase unha moderna base de medios aéreos

Os puntos de auga son importantísimos na loita contra os lumes.


10

Barrios 23 de xullo 2021

VERÍN E COMARCA

Piscinas descubertas

Tamaguelos Redacción Verín vén de rematar as obras de mellora de camiños municipais de acceso a parcelas agrícolas no núcleo rural de Tamaguelos, actuación acometidas grazas ao importe subvencionable previsto no “Plan de mellora de camiños municipais de acceso a parcelas agrícolas 20202021” da Axencia Galega de Desenvolvemento Rural (AGADER). A intervención contou cun orzamento total de 39.000 euros, percibindo o Verín unha axuda de 24.232,50 euros procedentes do Fondo Europeo Agrícola de Desenvolvemento Rural (FEADER), correspondente ao 75 por cento do investimento. Devandita actuación discorreu sobre a vía existente que se atopaba en rega asfáltica deteriorada, e consistiu nunha serie de accións enfocadas á ampliación, mellora e mantemento do firme existente e das súas marxes.

Tamaguelos.

Núcleos rurais Redacción O Concello de Verín ultima unha serie de obras de mellora da rede de abastecemento de auga potable -así como a instalación de novas infraestruturas- nos seus núcleos rurais (de Mourazos, Tamaguelos, Feces de Cima e A Rasela), coa finalidade de garatir o servizo a toda a veciñanza.

Obras de abastecemento.

Redacción

Panorámica do Támega onde se realizaron desbroces e limpeza.

Desde o 1 de xullo están abertas as piscinas municipais descubertas. Ao igual co ano pasado, a reapertura realizase coas pertinentes modificacións no seu uso, destinadas a garantir a seguridade dos seus usuarios e usuarias e atendendo ás indicacións sanitarias. Hai un corredor de entrada e saída diferenciados para a instalación, sendo obrigatorio

o uso de máscara na zona de recepción e vestiarios. Nestes últimos, as duchas non están dispoñibles. Así mesmo, reforzarase a limpeza e desinfección das instalacións para cumprir co esixido pola lexislación vixente en materia de Covid-19. O uso da máscara no exterior será obrigatorio cando non se poida cumprir a distancia mínima de seguridade entre non convivintes, tal e como reflexa a normativa actual en materia sanitaria. O hoario é, todos os días, de 12 da mañá a oito da tarde.

Nova cara para a ribeira do río Támega 4 Remata a primeira fase de limpeza e desbroce. Redacción O Concello de Verín remata a primeira fase do plan especial de limpeza e desbroce das marxes do río Támega, que abarcou os tramos comprendidos desde a ponte de Pazos ata nova ponte en construción situado en Queizás; e entre a área recreativa de Tintores e a ponte da N-525 ao seu paso por Verín. Acondicionáronse un total de 480.000 metros cadrados de espazo fluvial. Os traballos efectuados dentro deste plan buscan a mellora da vexetación de ribeira do Río Támega mediante a retirada de árbores mortas do seu leito, retirada de vexetación invasora e desbroce selectivo en ambas as marxes. Esta primeira fase, que contou cun investimento de 111.492 euros, estivo dividida en tres intervencións: unha primeira que abarcou desde a ponte de Pazos ata nova ponte en execución situado en Queizás, no paraxe de O Pracer; unha segunda na que se acondicionaron os terreos da marxe do río que abranguen desde o camiño de San Lázaro á Preguiza; e unha terceira, recén rematada, na

que se realizaron labores de limpeza e desbroce na nova zona verde de A Preguiza, na ribeira verinesa de vilela e en ambas marxes fluviais da área recreativa de Tintores. Segunda fase «A segunda fase, que será executada a partir setembro, limpará as ribeiras do Támega ata a fronteira con Portugal, dotando a vila de Verín dun extenso e fermoso corredor fluvial», explicou Gerardo Seoane Fidalgo, alcalde de Verín. Segundo Seoane, o obxectivo principal deste plan é acondicionar os espazos fluviais do ría Támega para o seu aproveitamento e goce da cidadanía, sempre preservando as súas funcións ambientais e cauce ecolóxico; «sempre, por suposto, respectando en perfecto estado a biodiversidade, tanto do propio río como da zona as súas ribeiras». Ademais, segundo confirmou o rexedor, o concello vén de adquirir na Preguiza, por 20.000 euros, unha superficie de 20.000 metros cadrados, que se suman aos 45.000 m2 xa existentes do novo parque da Preguiza. «Está proxectado que ao longo deste ano, sumemos os 25.000 m2 restantes do que será – xunto co de Fontenova- o

segundo pulmón verde da nosa vila, cunha extensión total de 90.000 m2. Proxecto Integral Este actuación forma parte do Plan Integral de Reestruturación e Saneamento de Verín deseñado polo Concello e que está destinado a completar o correcto funcionamento do ciclo da auga do río Támega ao seu paso por vila. O mesmo suporá un investimento total que roldará os 400.000 euros. Este proxecto divídese en tres grandes actuacións. A primeira, que xa se atopa en marcha, comprende accións de limpeza e desbroce das ribeiras do río Támega; a segunda, estará enfocada en mellorar saneamento hídrico ao seu paso pola zona urbana; e a terceira terá como obxectivo o saneamento nos pobos que conforman o municipio.

A segunda fase, que será executada a partir setembro, limpará as ribeiras do Támega ata a fronteira con Portugal

As piscinas descubertas de Verín están abertas desde o pasado 1 de xullo en horario de 12 a 20 horas.

Homenaxe a Jaime Noguerol Redacción Baixo o nome de 40+1 - Aniversario de Extraños en el escaparate de Jaime Noguerol, Verín rendeu homenaxe a esta gran obra, editada por Juan Luís Recio, A Banda de Moebius, e que logo daría paso ao famoso disco de Miguel Ríos. «Le quitaron al futuro su antifaz de cielo», así comeza a obra que ilustra o gran CEESEPE e onde Noguerol compón a literatura underground dos oitenta madrileños. O acto foi inaugurado pola concelleira de Educación, Cultura e Feste-

xos, Emilia Somoza e polos responsables da Biblioteca, Vicente Rodríguez e Aurora Prieto. A presentación do acto correu a cargo do escritor verinés Antonino Nieto e contou coa presencia, como non podería ser de outra maneira, do propio Jaime Noguerol. A homenaxe contou tamén coa participación online, a través de vídeo gravacións, de varias personalidades referentes da “Movida madriñeña”, como Julio Conde Estévez, interventor de Sos de Rey e veciño de Verín; Juan Luís Recio, editor do libro Estraños en el escaparate; Manuel “Patacho” Recio, de glutamato yeyé; e os músicos Miguel Ríos e Luz Casal.

Jaime Noguerol e Antonino Prieto na homenaxe.


PUBLICIDADE

Barrios 23 de xullo 2021

11


12

Barrios 23 de xullo 2021

EN BREVE 4 Axudas a emprendedores O Boletín Oficial da Provincia de Ourense publica a convocatoria do Programa de axudas municipais á creación de empresas do Concello de Barbadás do ano 2021. O prazo de presentación de solicitudes será ata o 30 de setembro de 2021 ou ata esgotamento do crédito dispoñible. Máis información no 988 360 413 e na web do concello.

4 “A túa vila do mañá” O Concello de Barbadás organiza a actividade “A túa vila do mañá”. Para nenos e nenas de 5 a 12 anos na que poderán participar 50 por quenda. O evento terá lugar na rúa do Ensino (A Valenzá) do 26 ao 30 de xullo. Haberá dúas quendas: de 10 a 14 horas, e de 16 a 20 horas. A inscrición farase no correo electrónico educación@barbadas.es.

4 Monitor tempo libre A Escola de Tempo Libre Universitaria de Ourense e Pontevedra organiza o curso de Monitor/a de Actividades de Tempo Libre que terá lugar en Barbadás do 2 ao 27 de agosto. Máis información e inscricións na Casa da Mocidade de Barbadás @mocidade_barbadas a partir do 19 de xullo. Teléfono 988000234.

4 Tangaraño Rock Os organizadores do Tangaraño Rock, Nely Perdiz Álvarez e Fernando Padrón Ferro, danlle volvas ao regreso do Tangaraño Rock, un festival que se celebra no mes de setembro, e que agarda con gañas a celebración da súa cuarta edición. O ano pasado non se celebrou pola pandemia provocada pola Covid19; a celebración desta cuarta edición este ano dependerá “da normativa que se aplique a este tipo de eventos”, comenta Fernando. Polo de agora, os dous organizadores estanlle dando voltas a un posible regreso en setembro.

BARBADÁS

Obras en Santa Uxía e en Bentraces 4 Mellórase a comunicación entre San Lourezo de Piñor e Santa Uxía. Redacción O Concello de Barbadás acomete obras de melloras na pista que comunica San Lourenzo de Piñor con Santa Uxía e na rúa Sal do Muíño (camiño do cemiterio), en Bentraces. As obras de mellora da pista a Santa Uxía incluiron a limpeza de cunetas e caños, a construcción de salvacunetas, o bacheo de zonas puntuais e laterais, a limpeza da superficie do pavimento existente mediante cepillado e a dotación de dobre rego asfáltico dunha superficie de 5.460 m2. O presuposto base de licitación ascende a 44.808 euros e o proxecto é financiado conxuntamente con fondos do Plan Marco e do propio Concello de Barbadás. O proxecto redáctouse ao amparo da financiación da Axencia Galega de Desenvolvemento Rural (AGADER) para a concesión directa de axudas correspondentes ao Plan de Mellora de Camiños Municipais de acceso a parcelas Agrícolas (Plan Marco). Bentraces A mellora do camiño Sal do Muíño inclúe a

demolición do pavimento asfáltico, a construcción dun muro de sostemento a base de mampostería de pedra granítica, o bacheo en zonas puntuais e laterais e o reforzo do firme existente mediante a execución de dobre rego asfáltico. O alcalde de Barbadás, Xosé Carlos Valcárcel, indica que “estas obras pretenden manter a liña que caracterizou a planificación do goberno de Barbadás nos últimos anos promovendo investimentos na mellora da rede viaria existente no medio rural, xeran cohesión social e territorial, facilitando a accesibilidade e a vertebración do territorio”. A concelleira de Urbanismo e Infraestruturas, Victoria Morenza, asegura que a execución da mellora de ambos os dous viais “aumentará a competitividade agraria e forestal ao facilitar o tránsito de maquinaria ás explotacións agrarias e unha reducción dos custos, que é o obxectivo das axudas enmarcadas no Plan Marco, financiado polo AGADER”. As obras no vial que comunica Santa Uxía con Piñor afectan a unha lonxitude de 1.748,50 metros, en tanto que en Bentraces a lonxitude afectada afec-

Operarios traballando nuna das obras de mellora.

ta a un tramo de 165,80 metros. Deterioro evidente Morenza explica que “ambos camiños atopábanse nun estado de deterioro evindente polo que era necesaria unha intervención urxente para mellorar a mobilidade e a accesibilidade, no caso de Santa Uxía por ser unha pista moi utilizada para acceder a parcelas agrícolas e forestais e para comunicar ambos núcleos. No caso de Bentraces trátase de un camiño que precisaba unha intervención para mellorar o firme e a anchura do mesmo, así como asegurar un muro de contención da rúa porque corría perigo de derrube”.

O presuposto base de licitación ascende a 44.808 euros e o proxecto é financiado conxuntamente con fondos do Plan Marco e do propio Concello de Barbadás

O presidente da Xunta, Núñez Feijóo, reunido co alcalde de Barbadás, José C. Valcárcel, e a tenente de alcalde, Victoria Morenza.

Núñez Feijóo recibe ao alcalde de Barbadás 4 Trataron sobre as axudas a autónomos e melloras das infraestruturas municipais. Redacción O presidente da Xunta de Galicia, Alberto Núñez Feijóo, abordou co alcalde de Barbadás, Xosé Carlos Valcárcel Doval, os principais proxectos para este concello ourensán, como a mellora de diversas infraestruturas locais. Na reunión, estivo tamén presente a tenente de alcalde, e concelleira de Urbanismo, Infraestruturas, Vías e Obras, Servizos, Vivenda e Mobilidade, Victoria Morenza. Núñez Feijóo transmitiulle ao alcalde que as axudas económicas para os autónomos, as microempresas e a hostalaría local dos Plans de Rescate I e II, estanse repartindo segundo o previsto. De feito, máis do 73% dos titulares recibiron xa as axudas do primeiro Plan de Rescate e realizáronse pagos por valor de 273.660 euros no segundo plan. Infraestruturas En canto os investimentos para a mellora das infraestruturas lo-

cais, acordaron avaliar o posible cofinanciamento do pavillón polideportivo e da habilitación dunha zona de xogos na piscina municipal, así como realizar un estudo para a implantación no municipio dun centro de día. Finalmente, durante a reunión, Feijóo destacou a concesión dunha axuda de 30.000 euros para a adquisición dun vehículo para a Policía Local con distintivo ambiental Cero emisións.

Na reunión acordaron avaliar o posible cofinanciamento do pavillón A Xunta concede ao concello unha axuda de 30.000 euros para a adquisición dun vehículo para a Policía Local con distintivo ambienta Cero emisións


PROVINCIA

EN BREVE

ten en conta o número de postos de traballo (de un a máis de catro) ocupados por mulleres nestas empresas. O delegado territorial animou a toda muller interesada en iniciar o seu propio negocio a informarse da nova convocatoria e a contactar coa Consellería de Emprego e Igualdade para o que precisen.

4 Reelección Baltar Manuel Baltar anunciou que se presentará á reelección como presidente do Partido Popular de Ourense no 18º Congreso Provincial que se celebrará na capital ourensá o domingo 26 de setembro.

4 Música Este luns, 26 de xullo ás 20.30h, o Teatro Principal de Ourense acolle o espectáculo musical “Ben Vennas Maio”, un concerto sobre as Cantigas de Afonso X que mestura jazz e música medieval. Este espectáculo porá sobre o escenario unha conxunción de instrumentos de música antiga e moderna como o salterio e a viola de gamba nas súas afinacións habituais co piano, o contrabaixo e a batería.

4 Curso viticultura A Axencia Galega da Calidade Alimentaria (Agacal) organiza un curso (de 35 horas) sobre técnicas de cultivo en viticultura. A formación, que se impartirá no concello de Leiro, conta cun total de 20 prazas e ten previsto comezar o vindeiro luns 26 de xullo. Todos os interesados poderán anotarse no curso ata 25 de xullo cubrindo a solicitude dispoñible na web da Consellería do Medio Rural. Esta deberá remitirse ao correo electrónico evega. medio-rural@xunta.gal. Para máis información, no enlace: https://evega. xunta.gal/gl/actualidade/ curso-de-viticultura-tecnicas-de-cultivo.

Gabriel Alén, na zapatería Word Mujer, xunto aos concelleiros Armando Ojea e Flora Moure e a dona do establecemento.

A Xunta axuda ás mulleres emprendedoras 4 Mediante o programa Emega. Redacción A Xunta de Galicia vén de publicar no Diario Oficial de Galicia (DOG) da nova convocatoria do programa Emega, dotada co seu máximo orzamento, 3,2 millóns de euros, un 54% máis que na convocatoria 2020. O delegado da Xunta en Ourense, Gabriel Alén, que visitou a ’Zapatería Word Mujer’ en Ourense, beneficiaria do programa de emprendemento feminino, animou a toda muller interesada en iniciar o seu propio negocio a participar deste programa que pretende incrementar e consolidar a presenza feminina no tecido empresarial galego. Liñas Catro liñas de actua-

ción integran o programa. A liña Emprende, destinada a posta en marcha de novas empresas por parte de mulleres desempregadas; a liña Activa, que busca a reactivación e consolidación de proxectos empresariais garantindo ou incrementando os postos de traballo da empresa; a liña ITEF, para a posta en marcha de novas iniciativas empresariais de carácter innovador no eido da investigación e da tecnoloxía; e a liña Concilia, complementaria das tres anteriores, que ten por obxecto favorecer a conciliación da vida laboral, persoal e familiar tanto das promotoras como das persoas traballadoras ao seu cargo. A contía dos apoios para todas estas liñas vai dos 8.000 euros aos 42.000 e

Incentivos Na actual convocatoria, Emega segue a adaptarse ao contexto de pandemia, para minimizar os efectos da covid-19 entre as novas emprendedoras e as beneficiarias. Por este motivo realizouse un incremento lineal de 2.000 euros en todos os incentivos, coa finalidade de chegar a maior número de empresarias e favorecer un emprendemento máis sólido e continuado no tempo. Para resultar beneficiarias do programa Emega, as mulleres emprendedoras deben cumprir, entre outros, o requisito de liderar unha microempresa ou pequena empresa validamente constituída; estar domiciliadas en Galicia; ter vinculación laboral co negocio e estar de alta na Seguridade Social ou en mutualidade de colexio profesional e presentar proxectos con viabilidade económica, técnica e financeira. As mulleres interesadas dispoñen ata o 16 de agosto de prazo para presentar as súas solicitudes.

O prazo para pedir estas axudas remata o 16 de agosto

Barrios 23 de xullo 2021

13

Convenio entre CEO e Adercou 4 Para dinamizar o emprendemento no rural. Redacción A Confederación de Empresarios de Ourense e Adercou (Asociación de Desenvolvemento Rural da Comarca de Ourense) firmaron un convenio de colaboración para dinamizar a creación de empresas no rural de cara á reactivación económica trala pandemia da Covid19. Marisol Nóvoa (CEO) e Manuel Seoane (Adercou) foron os encargados de rubricar o acordo. O documento subscrito pon a disposición da asociación comarcal os servizos dos distintos departamentos da Confederación para o asesoramento e óptimo desenvolvemento dos proxectos que Adercou tramita e supervisa nos concellos da súa área de influencia: Amoeiro, Barbadás, Cartelle, Co-

les, Esgos, Gomesende, A Merca, Nogueira de Ramuín, Ourense, Paderne de Allariz, Pereiro de Aguiar, A Peroxa, Ramirás, San Cibrao das Viñas, Toén, Villamarín e Xunqueira de Espadañedo. Igualmente, o texto recolle a colaboración noutros temas de interese, útiles ou necesarios, para a creación, ampliación ou asentamento de tecido empresarial no ámbito rural destes concellos. Pola súa banda, a CEO conta cos departamentos técnicos para colaborar na resolución de consultas e asesoramento durante a tramitación e asentamento de potenciais proxectos nesta comarca. Ademais, ambas as partes colaborarán na organización de actividades, xornadas, seminarios ou eventos similares, de interese para os fins que persegue este acordo.

Nóvoa e Seoane, asinando o convenio de colaboración entre CEO e Adercou.


14

Barrios 23 de xullo 2021

OCIO E CULTURA

4HUMOR

4DESDE A PONTE... A MONTERREI

A orquestra Monterrei Seguramente, a mocidade dos anos sesenta, non esquecerán xamais aqueles bailes amenizados pola entrañable orquestra Monterrey. Foi no café “Buenos Aires”, onde seis intrépidos rapaces facían as delicias, dunha xuventude apaixonada. Eles eran Xaime, Narés, Manolo, Perrallo, Nito e Totó. Os sábados e domingos de sete a dez, con ledicia, animaban as andanzas dos mozos e mozas da comarca. Moitos deles namoraron para sempre coas cancións interpretadas maxistralmente por Manolo o de Queirugás vocalista do grupo e líder indiscutible. Fun en busca del, e topeino na súa casa. Sentámonos no escano da cociña, e mil historias con mil preguntas saíron no faladoiro. Oitenta anos e unha memoria prodixiosa. Paseniño, comezou o seu relato. “O grupo inicial formouno Narés, Xaime, Benxamín, o profesor Casanova de Ourense, e Lauréano “rabisaco”, magnífico trompetista, que aínda o gardo nas miñas lembranzas. Eles fundaron a Monterrey. Eu, daquela era moi novo. Cando viñan a tocar o meu pobo polas festas, soñaba en ser coma eles. Porén, empecei as primeiras andanzas musicais, na orquestra “Verinense”. Eramos un grupiño de amigos, que buscabamos a vida. Foi unha tarde do 1959 en Lubián (Zamora), onde coincidimos a “Verinense” e a “Monterrey” mano a mano. Aquel día puxen todo o esmero e dedicación, os mestres non sacaban ollo da actuación. Despois de rematar a festa, Narés e Xaime viñeron na miña procura, e xa me levaron con eles para sempre. Foron anos marabillosos. A sala de festas do “Buenos aires” era a nosa casa. Alí tocabamos de inverno. Santos, o teu pai, era o que organizaba o tinglado. Cantos bos recordos teño del, era meu amigo e cómplice. Gastamos moitas horas, pasamos

moitas anécdotas, e cumprimos unha amizade extraordinaria. Faciamos os ensaios alí mesmo, na planta baixa, pola semana. O señor Juan “Ondas”, que tiña un comercio na rúa Lisa, proporcionaba en aluguer os altofalantes e un micrófono. Tíñamos mais dun cento de cancións no repertorio. Sempre tratei de aprender as letras con rigor. Lembro con nostalxia, o primeiro tema que interpretei ca Monterrey, “Maruzzella” unha fermosa canción italiana. Procurabamos estar ao día, coas cancións de moda, porque o público no lo agradecía sempre con agarimo e complicidade". Manolo fixo unha pausa. Sacou unhas cervexas para refrescar e aliviar as emocións. De súpeto soltoume. "Neno, e que saibas que non todo foi alegría, tamén houbo algún momento complicado. Cóntoche. Foi nun baile de Entroido, cando un alporizado tenente da Garda civil, entrou no local, desfacendo a festa con contundencia, alegando que as máscaras estaban prohibidas por ordenanza gobernativa. A forza da xuventude raiota fíxose notar e formouse unha revolta indescritible. Acudiron todos a porta do Casino onde bailaban os señoritos sen restrición algunha. Os berros de Viva

Rusia! fixeron “pupa” nas autoridades, e días despois, o local “Buenos aires” e os músicos da Monterrey recibimos dez pesos de multa, por incumprimento da normativa. Ai rapaz, que tempos!, espetoume cun suspiro emocionado. Logo pregunteille polo éxito que tiña entre as rapazas. "Sempre fun respectuoso coas mozas que viñan aos bailes, dicían que eu era resultón e claro, ao ser o cantante da orquestra resaltaba un pouco máis que os demais, pero si che conto a verdade os auténticos artistas eran eles. Unha tarde en Bembibre (León) coincidimos coas grandísimas orquestras Compostela e Bellas Farto do Ferrol. Nós eramos unha miniatura ao carón daquelas “bestas”. Todos arrimaban cara eles, pero non bailaba nin dios! foi entón cando Pepe “Perrallo” despregou o seu acordeón, e con raza verinense puxo a festa patas arriba. Narés e Xaime, fixeron o propio con “solos” de saxo impresionantes, quedando a xente abraiada. Toda a xuventude bailando sen parar ata o fin do turno. Eu fixen o que me tocaba, cantei e desfrutei coma nunca naquela inesquecible noite de verán. Daquela aprendín, que só compre corazón e sentimento, para tocar o ceo".

E así, fun pasando a tarde con Manoliño, aquel mozo guaperas, vocalista da Monterrey que namoraba coa mirada e cunha voz penetrante. Contoume emocionado moitas historias, anécdotas fermosas que apuntadas quedan no meu corazón. Cicais, algún día sacareinas á luz sen pudor, porque a nobreza daquel tempo, tiña unha chispa especial, onde o respecto e a amizade eran os valores máis prezados. Quixera adicar estas letras a todos aqueles que dalgún xeito desfrutaron con esta entrañable orquestra, e que hoxe, aínda poden contarlle aos netos, que daquela, a xuventude tamén era divina. Unha lembranza para os que xa non están, e un abrazo para os presentes e as súas familias de corazón. E como non, lembrarme tamén do meu pai, Santos, por contarme tantas e tantas historias fermosas desta orquestra e por ter o privilexio de vivila e desfrutala dende a verdadeira amizade. Gracias Manolo por agasallarme coas lembranzas da túa vida, e que viva por sempre a grandiosa orquestra Monterrey. Miguel A. Prieto “Chitin”

50 aniversario do Verín CF Redacción O Verín Club de Fútbol organiza, en colaboración co Concello de Verín, a exposición fotográfica “Verín C.F. un percorrido visual pola historia do club”. As persoas interesadas en

“Lírica Revuelta. Prosaía” Redacción

Manolo, o de Queirugás, vocalista da Monterrey.

O impulsor da Revista Nós, a xente do redor, Avelino Jácome, publica un novo libro que leva por título “Lírica Revuelta. Prosaía”. A presentación do mesmo terá lugar o mércores, 28 de xullo, ás 20.30 horas, no Liceo de Ourense. Na presentación, Jácome estará acompañad polo escritor e antropólogo Manuel Mandianes (autor do prólogo)

visitar devandita mostra, situada no propio Estadio Arjiz, poden facelo de maneira gratuíta, reservando praza nas seguintes franxas horarias: luns, mércores e venres (Grupos máximo 10 persoas): de 18 a 19 horas ou de 19 a 20 horas. Reserva de visita na Oficina de Turismo de Verin; ou no teléfono 988411614.

e do pintor Paco Ascón, ilustrador da obra e da . Revista Nós, a xente do redor. Precisamente, Paco Ascón expón na Casa de Galicia de Madrid, a exposición “As portas de Lugo”. A mostra podera visitarse ata o 30 deste mes.

Avelino Jácome.


OCIO E CULTURA / CLASIFICADOS

Barrios 23 de xullo 2021

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Arcediagos,11, 1º - 32005 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome, Yedra Seara, Óscar Blanco. Nº149 - Ano: XIV - 23 de xullo de 2021 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado. Se ten algún problema co reparto, pregámoslle que nolo comunique no teléfono 988 04 53 52 / 685 969 546.

4DECRECENDO

4ANUNCIOS CLASIFICADOS

Sobre a crise climática A crise da Covid-19 protagonizou miles de portadas desde que en marzo do 2020 entramos nun confinamento incrible e inesperado. Con todo, a maioría dos expertos está de acordo que aínda que a Covid-19 é un asunto serio, non ten nin unha décima parte da problemática que se nos bota enriba coa crise climática. O cambio climático, aínda que segue sendo negado por algúns, é un feito irrefutable. Agora o debate politicamente correcto está en dilucidar se é algo natural ou un fenómeno producido polo home. É coma se estivésemos dentro dun edificio en chamas e, en lugar de escapar ou apagalas, sentámonos a dilucidar se o lume empezou na cociña ou no salón. Xa non é o momento. Estamos diante dunha emerxencia planetaria que nos está devorando. Os exemplos son múltiples, aínda que soamente nos doa o que ocorre nas nosas contornas próximas ou en países desenvolvidos como o noso. Temos para escoller: temperaturas extremas de case 50

grados en Canadá; choivas torrenciais en Alemaña e Bélxica que, a pesar das súas flamantes infraestruturas e dispoñibilidade de recursos non poden evitar decenas de mortos; récords históricos en temperaturas en zonas impensables como Siberia, que provocan un manto de chamas; a redución a toda velocidade dos polos que inxectan millóns de litros de auga doce nos océanos alterando vida e correntes mariñas, etc. A ausencia de recursos e o cambio climático van da man como ingredientes dun bolo alimenticio que terán que tragarse os nosos fillos e netos cuxo futuro será irrespirable e invivible. A humanidade está nunha encrucillada, ou escollemos a cooperación, a repartición equitativa de recursos, a economía dos

[Deixe o seu anuncio no 988 045 352 ou en info@periodicobarrios.com. Gratuítos para particulares]

coidados e o respecto máximo ao medio ambiente ou acabaremos nun estado xeneralizado de barbarie. Agora estamos a avanzar cara a isto último, mentres que a nosa clase política atenazada por poderosísimos intereses empresariais e escrava da seu perverso funcionamento electoral, aplícanos cataplasmas formadas por mentiras e mensaxes ben intencionados, infantís, que tan só nos despistan do verdadeiro problema. Somos como aqueles aparvados “eloi”, da novela de H.G. Wells “A Máquina do Tempo” (1895) esperando a ser devorados polos “morloch” mentres gozamos de lecer, manxares e pracer. Óscar Blanco

Estamos diante dunha emerxencia planetaria que nos está devorando, (...) aínda que soamente nos doa o que ocorre nas nosas contornas próximas ou en países desenvolvidos como o noso

INMOBILIARIA Véndese piso en Beluso, Bueu (Pontevedra). 100 m2, 3 habitacións, salón, cociña, baño, despensa e 3 trasteiros amplios. Soleado todo o día, situado preto de servizos básicos e a menos de 2 km das mellores praias da zona. Prezo: 85.000 euros. Tfno.: 679 588 349 (envío fotos, escoito ofertas). Alugo local económico no centro. Ideal para oficina, almacén ou trasteiro. 17m2. Dispón de baños comunitarios. 120 euros/mes máis 7 euros de comunidad. C.E.: C. Teléfono 627 203 131 Véndese casa céntrica en Xinzo de Limia. Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza. 133.000 euros. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros. Tel: 653 208 506 Alúgase perruquería. Tel. 672 08 93 49 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113. Alugo apartamento en Sanxenxo a 5 minutos da praia. Piscina comunitaria Tel.: 650 64 15 19. Busco casa en alquiler na periferia de Ourense. Opción a compra ou dunha permuta dun piso

situado na Valenzá. Tlf.: 600 826 029. Vendo casa na estrada de Santiago, con finca. Para restaurar. Tel.:672 089 349. Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

TRABALLO Ofrécese señora para traballar con xente maior ou nenos. De toda confianza, con informes. Disponibilidade de coche e fins de semana Tel.: 606 422 543. Ofrécese señora para limpeza por horas Tel.: 674 500 513. Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes. Tel.: 606 422 543 Ofrécese auxiliar de enfermaría, con titulación, para o coidado de maiores. Como interna ou por horas. En Ourense ou arredores. Telf.: 663 043 561 Danse clases de francés a domicilio. Todos os niveis. Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital. Todos os niveis. Tamen materias curriculares de ESO e Bacharelato. As clases son individuais e personalizadas. Ampla experiencia. Excelentes resultados. Económico. Interesados enviar WhatsApp ao 610 38 25 89. Coido ou acompaño a maiores enfermos polas noites. Económico. Tel.: 616 361 548.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358. Fanse desbroces en tractor e a man. Tlf.: 63 521 448 Ófrecese señora seria e responsable para tarefas do fogar e coidado de nenos e maiores. Con informes. Preferencia zona Ponte. Tlf: 685 374 191. Busco traballo en desbroces con tractor ou condutor de camión e carretillas. Ampla experiencia. Tel: 637 282 405. Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173.

VENDAS Vendo rizador de pelo con accesorios para alisar e rizar. Tel.: 666 303 635 Véndense dous lavacabezas de perruquería. Tel.: 672 089 349 Vendo cama hospitalaria articulada en bo estado, con colchón anti-escaras. Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Véndese mampara nova. Tel: 672 089 349. Véndense traxes de cabaleiro moi antigos en bo estado, ideal para Entroido. Prezo 10€. Tel: 610 979 897. Compro moble de cociña completo. Tel: 988 247 824. Vendo escritorio. Como novo, bo prezo. Tel: 672 089 349. Vendo estufa de frío e calor. Tel: 672 089 349. Vendo hormigonera de 280 litros e maquinillo / grúa (a gasolina). Tel.: 988 23 47 91


Barrios 23 de xullo 2021

Profile for Periodico Barrios

Barrios 149  

Xa está na rúa o novo número de Barrios.

Barrios 149  

Xa está na rúa o novo número de Barrios.

Advertisement

Recommendations could not be loaded

Recommendations could not be loaded

Recommendations could not be loaded

Recommendations could not be loaded