Barrios 125

Entrevista ao doutor Mariano Arranz, de ArranzDental [Páx. 10]

TEMA

Páx.3

A provincia de Ourense baixa dos 100 casos activos pola COVID-19

XINZO

Páx.4 ALLARIZ

Mercaproximidade deu saída a máis de tres millóns de quilos de pataca da Limia

Páx.6 CELANOVA

Allariz presentou o seu Plan de reactivación económica “Allariz 2020”

Páx.6 VERÍN

Os traballos de mellora no CEIP Curros Enríquez serán no verán

Páx.11

O Concello de Verín suprime taxas a empresas e autónomos

Luz ao final do túnel A provincia de Ourense atópase na fase 2 da desescalada, no camiño cara a nova normalidade ocasionada pola COVID-19./ RAMSÉS.

Número: 125 - Ano: XIII - 29 de maio de 2020 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 29 de maio 2020

TEMA DA SEMANA

Reflexións que nos debería provocar o coronavirus 4 A pandemia debería facernos pensar cara onde imos.

O. Blanco O pasado 14 de marzo do 2020, España entraba oficialmente na pandemia mundial do coronavirus a través dun primeiro estado de alarma establecido polo Real Decreto 463/2020 que xa foi prorrogado en cinco ocasións.

As orixes deste virus tan devastador son confusas, falouse desde a infección por consumo alimentario de morcegos e pangolíns, ata a creación artificial do virus nun laboratorio.

Tamén as datas de entrada no noso país son incertas, con especial e intenso debate político sobre se xa era un problema serio de saúde antes ou despois do 8 de marzo.

No peche desta edición, a cantidade de casos de infectados en Galicia é de 9.113 persoas, cun triste número de 608 falecidos.

Os números totais en España son: 237.906 casos de infectados e 27.119 falecidos.

Non é o obxectivo deste artigo perder o tempo en debates pasados, así que mirando ao presente e cara adiante, quixeramos chamar a atención cunha pequena serie de reflexións que nos deixa esta pande-

mia e que agruparemos en diversas temáticas.

Sanidade pública A todas luces, unha sanidade pública potente é absolutamente necesaria nos tempos que estamos a vivir tanto pola alta idade da cidadanía como pola influencia deste virus que case asfixia ao sistema de saúde, pero tamén nun futuro onde á alta taxa de envellecemento da poboación sumarase a ausencia de recursos económicos.

Así como hoxe as pensións das nosas persoas maiores son o puntal económico de moitas familias en precario, os maiores do mañá non terán esa fortaleza económica que permita acudir a coidados alleos se estes non son de carácter público. Un pacto de estado pola saúde tería que ser unha obriga imperante.

Urbanismo para coches A Covid amosou tamén como o urbanismo das nosas cidades fíxose tendo ao coche como eixo central.

Atendendo ás súas necesidades de espazo e velocidade antes que ás necesidades dos peóns. A cidade tornou nun ermo intransitable a pé. Hai que rematar co urbanismo para coches.

Veciños paseando polas rúas de Ourense coa súa mascara. /IÑAKI OSORIO. Eliminar o 80% do espazo cedido aos vehículos e devolverllo ás persoas. Hai que humanizar as nosas rúas, reconsiderar o transporte público como servizo necesario, aumentando as frecuencias e traballando na súa gratuidade.

inquilinos a un estrés físico e psicolóxico de difícil medida. As vivendas deberían reconsiderarse como espazos de crecemento persoal e individual, con fiestras, luz natural e unha dignidade mínima que agora moitas non teñen.

Arquitectura aos pés dos intereses económicos Para moitas persoas o confinamento tivo unha especial dureza polas condicións do seu domicilio.

Apartamentos pequenos, sen luz natural, aproveitando cada recuncho de espazo para sacarlle un rédito económico foron verdadeiras gaiolas que someteron e seguen sometendo aos seus

Procesos industriais deslocalizados Por todos coñecida é a problemática de produción de máscaras, respiradores e outro tipo de material sanitario urxente para atallar esta pandemia.

Este material elaborábase alén das nosas fronteiras, o que facía que non fósemos propietarios de toda a cadea de fabricación dos

mesmos. Pero esa mesma problemática témola con milleiros de produtos de primeira ou quinta necesidade. Co galo de mellorar o rédito económico impórtanse bens de países cunha man de obra máis barata ou mellores condicións que adoitan estar de costas aos intereses dos seus traballadores. Deberiamos de taxar duramente as importacións de todo tipo e aprender a consumir o que se fai aquí. E se non hai porque non é a tempada ou non hai recursos propios, pois aprender a evitar ese consumo ou agardar a que o tempo sexa propicio.

Pola nosa banda, poderemos pagar o que custan realmente os bens e servizos se os producimos nós?

Poderemos asumir unha perda do noso poder adquisitivo?

Conciliación da vida familiar e persoal Digámolo claramente: deixar á cativada no colexio non é conciliar, deixar aos nenos nos campamentos urbanos non é conciliar. Conciliar é que un proxenitor poida gozar dos seus fillos ou maiores sen ter que metelos noutro sitio para o seu coidado.

Conciliar é poder construír unha familia sen ter que

conseguir dous ou tres traballos para pagar canguros ou residencias. O mundo laboral está pensado para afogar ao traballador que só é un mero número e recurso sen importarlle as súas obrigas familiares.

Volta á nova normalidade Non existe a “nova normalidade”. O que hai é un desexo exacerbado imposto polos poderes económicos de volta ás andadas. A maquinaria de propaganda, a mercadotecnia e os grandes medios de masas xa acenderon os motores para que o cidadán esqueza canto antes esta pandemia, que colla a súa máscara, a súa tarxeta de crédito e corra ao bar máis preto, á tenda de roupa de moda ou ao hotel máis senlleiro. A nova normalidade ten que vir do carón da cidadanía, non dos poderes tradicionais pre-pandemia sen ningunha intención de cambiar.

Rematamos, aínda que queda moito no tinteiro, indicando que non é este un listado exhaustivo de reflexións, pero afrontalas de forma honesta mellorará o noso futuro, o cal non terá un marcado carácter construtivo e solidario sen o esforzo de todos nós.

Unha sanidade pública potente é absolutamente necesaria nos tempos que estamos a vivir tanto pola alta idade da cidadanía como pola influencia deste virus que case asfixia ao sistema actual

TEMA DA SEMANA

Menos de 100 casos activos por coronavirus en Ourense 4 En Galicia a cifra baixa dos 800.

R. Torres Os datos comezan a dar un respiro, sobre todo á inusual infantería -os sanitarios- que estiveron (perdón, están) ao fronte desta guerra diante dun inusual inimigo (o coronavirus).

Pero tamén á cidadanía, a que tivo que confinarse nas casas para que non se propagara a COVID-19, enfermidade da que nos queda moito por aprender.

Dous meses que puxeron a proba a nosa solidariedade e forza mental, unida a incertidume laboral que se presenta cando comezamos a saír da crise sanitaria.

Datos En canto aos últimos datos, Ourense rexistra 94 casos activos por coronavirus ao peche desta edición. En cifras totais foron 1.995 os casos detectados, dos cales 1.770 xa están dados de altas e, desgraza-

Sanitarios na entrada da zona nova do complexo do CHUO./I. OSORIO. damente, 131 faleceron.

A outra nova positiva foi que a UCI do CHUO quedouse baleira de pacientes pola covid, certo é que continúan cinco persoas graves polas secuelas pero que todos deron negativo nas probas. Pola UCI pasaron un total de 29 pacientes desde que o 18 de marzo -tan lonxano

e próximo á vez- ingresara o primeiro; de todos eles, tres non puideron superar a enfermidade.

Se miramos cara Galicia, a comunidade sitúase por debaixo dos 800 casos activos (799 para ser máis concretos); en total houbo 11.263 casos e 608 falecementos. Se botamos unha mirada a España a cifra

de contaxiados sobe aos 237.906 dos cales 27.119 remataron en morte; se damos unha polo planeta (ao fin e ao cabo isto é unha pandemia) a cifra global de diagnosticados achégase aos seis millóns (5.697.615) contando cun total de 355.703 mortes.

Voltando a Galicia, o número de PCR realizadas é de 138.993.

Recomendacións As recomendacións consensuadas entre as comunidades autónomas e o Ministerio de Sanidade lembran que, en liñas xerais, aconséllase adoptar as medidas de autoprotección e limitación da diseminación do virus común a calquera infección respiratoria, como a gripe. Así, extremarase a hixiene de

A máscara é obrigatoria sempre que non se poida gardar a distanca de seguridade./I.O.

mans, lavándoas frecuentemente, especialmente despois de tusir ou soarse, e cubrirase o nariz e a boca cun pano -preferentemente desbotable- ao tusir ou esbirrar, ou se non se dispón de pano, na cara interna do cóbado.

Ademais, evitarase tocar os ollos, o nariz e a boca coas mans.

A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus; ademais, neste último número pódense resolver todas as dúbidas da cidadanía ao respecto e tamén consultar sintomatoloxía leve. Sinalar, ademais, que o Sergas ten a disposición da cidadanía a páxina web https:// coronavirus.sergas.gal/ na que se pode consultar información dirixida á poboación, aos profesionais sanitarios e a outros colectivos.

Moitos ségueno avisando, e desde o periódico Barrios non imos ser menos. Aínda que diminúen os casos, o “bicho” está entre nós, polo que non debemos nin podemos baixar a garda. Todo o gañado non se pode perder por inconsciencia, os que estiveron velando por nós non nolo perdoarían. A falsa seguridade pode xogarnos unha mala pasada e o ir pasando de fases na desescalada (estamos na Fase 2) debemos continuar coa cautela empregada ata o de agora.

Aínda que diminúen os casos, o “bicho” está entre nós, polo que non debemos nin podemos baixar a garda

Barrios 29 de maio 2020

3

EN BREVE 4 Terrazas Un decreto da Alcaldía permitirá a ampliación dos espazos destinados a veladores -colocación de terrazas- para os establecementos de hostalaría que na actualidade contan coa correspondente licenza.

4 Axudas a autónomos

O alcalde de Ourense, Gonzalo Jácome, prometera que, para paliar a crise que se botaría enriba dos autónomos sacaría adiante unha axuda que chegarían aos 2.000 euros a cada un deles. A pesar de que dixo que sacaría a medida en tempo récord, o certo é que aínda non está pechada. O propio alcalde subliñou que a demora se debe á burocracia.

4 Programación cultural

A Concellería de Cultura do Concello de Ourense deseñou unha programación de actividades de verán adaptada á nova situación sanitaria, que pretende achegarlle ao público ourensán propostas de diferentes modalidades escénicas, sempre que a evolución da pandemia da COVID-19 e da desescalada prevista así o permitan.

4 Hostalaria

O alcalde de Ourense recibiu a asociación de hostaleiros Véxote nos Viños para escoitar as súas demandas. Jácome aseguroulles que o Concello quere axudalos con diversas medidas como poden ser as axudas a autónomos ou mesmo a través da dinamización da zona dos Viños.

4

Barrios 29 de maio 2020

XINZO DE LIMIA

Un convenio mellorará as augas do Mosterio de Bon Xesús 4 CHMS e Concello de Xinzo colaboran no proxecto.

Redacción Confederación Hidrográfica Miño Sil (CHMS) e Concello de Xinzo mellorarán as infraestruturas hidráulicas que dan servizo ao Mosterio de Bon Xesús de Transdeiras (a uns 5 km ao noreste da capital limiá). Isto será posible grazas ao convenio de colaboración asinado por José Antonio Quiroga, presidente de la Confederación Hidrográfica del Miño-Sil (CHMS), e a alcaldesa de Xinzo de Limia, Elvira Lama.

O obxecto das actuacións consiste en asegurar a protección das estruturas relacionadas coa auga -fontes, captacións, conducións e depósitos- na contorna do mosteiro garantindo a dispoñibilidade do recurso para as actividades monásticas. Para iso é necesario un estudo previo das ne-

cesidades que conteña a proposta de actuacións concretas a executar. A estimación total da inversión calcúlase nuns 350.000 euros. O descoido, descoñecemento do existente e o paso do tempo deterioraron moito a infraestrutura correndo un grave risco de ruina e, incluso, da súa desaparición.

Devandito conxunto, orixinario nas súas partes máis antigas do ano 1523, está incluido no Plan Básico Autonómico e no planeamento urbanístico municipal.

Outras intervencións Desde a CHMS aseguran que este é o inicio dunha colaboración que aboradará o saneamento e depuración de pequenos núcleos ou a continuación da senda peonal no casco urbano da localidade.

Elvira Lama e José A. Quiroga na firma do convenio.

EN BREVE

EN BREVE

4 Festas

4 Desbroces

O Concello de Xinzo decidiu, a causa do COVID-19, suspender as festas patronais de 2020 (Santa Mariña), que se deberían celebrar en xullo. Como alternativa trabállase nunha programación cultural na que se poidan cumprir as recomendacións sanitarias.

A Consellería do Medio Rural ampliou o prazo de limpeza de fincas próximas a vivendas.

Así, a data primeira do 31 de maio vese ampliada atao 16 de xullo debido ao estado de alarma decretado a causa da pandemia do coronavirus COVID-19.

Mercaproximidade para o excedente de pataca 4 A iniciativa deu saída a máis de tres millóns de quilos de pataca da Limia.

Redacción A canle Mercaproximidade da Xunta deu saída ao excedente de pataca da Limia que quedara almacenada pola emerxencia sanitaria. Así, esta fórmula de venda alternativa conseguiu mobilizar “máis de tres millóns de quilos de tubérculo

dos catro millóns depositados nos almacéns” ao inicio do estado de alarma.

Segundo explicou o conselleiro do Medio Rural, José González, nunha videoconferencia con membros da Asociación de Empresarios, Gandeiros e Agricultores da Limia (Adegal), a meirande parte dos máis de tres mi-

Videoconferencia de González cos membros de Adegal. llóns de quilos de pataca da Limia aos que deu saída Mercaproximidade "foron comercializados polas dez cadeas de distribución que se sumaron á rede", as principais que operan en Galicia. A maiores, efectuáronse compras "para abastecer hospitais, cociñas económicas, bancos de alimentos e entidades sociais do conxunto de España".

Doazón A Xunta, pola súa banda, doou case 133 toneladas de tubérculo para abastecer os menús dos centros sanitarios e das familias máis vulnerables nesta crise. Ás outras empresas que mercaron tamén pataca para entidades sociais hai que engadir a maiores as máis de 160 toneladas cedidas por un produtor de Adegal, de xeito desinteresado.

SOCIEDADE

Barrios 29 de maio 2020

5

A importancia da auga nestes tempos

4 A Xunta reforzou a coordinación coas principais empresas públicas e privadas operadoras do sector en Galicia para garantir o abastecemento e a calidade da auga nestes tempos de COVID-19.

Redacción Aínda que a auga é un ben imprescindible, nesta época de crise sanitaria que estamos a afrontar como consecuencia da pandemia da COVID-19 damos conta da súa importancia para a nosa vida e para o noso benestar.

Durante todo este tempo, pese a extrema preocupación pola saúde e o risco de contaxios, os galegos puideron seguir consumindo a auga corrente en cantidade e con absoluta tranquilidade sobre a súa calidade grazas ao traballo dos profesionais da auga.

Cabe recordar que os rigurosos tratamentos e a controis sanitarios aos que son sometidas fan que a auga da billa sexa segura e garanta as súas boas condicións. Mentres todos ficabamos na casa, os profesionais especializados e as infraestruturas continuaron a traballar para coidar da calidade das nosas augas.

Tamén continuaron activos os procedementos destinados a coidar as rías e os ríos aos que se verten as augas domésticas e industriais de Galicia, preservando dese xeito o medio ambiente, o turismo, a pesca, o marisqueo e a acuicultura.

A EDAR de Ourense, na ribeira do Miño, abastace a máis de 300.000 habitantes.

As empresas da auga dotáronse dos protocolos e medidas necesarias para poder seguir desenvolvendo o seu traballo de asegurar o abastecemento de auga á poboación e, ao tempo, velar polo bo estado das rías e dos ríos, pese á situación de emerxencia sanitaria. Os profesionais da auga dotáronse de plans de continxencia, con gardas de persoal técnico especializado e remanente de reactivos suficiente para garantir o correcto funcionamento das estacións de tratamento de auga.

Por parte da Xunta de

Galicia, e co obxectivo de blindar os servizos de abastecemento e saneamento durante esta emerxencia sanitaria, reforzouse a coordinación coas principais empresas públicas e privadas operadoras do sector na nosa comunidade. Deste xeito, a través dos técnicos de Augas de Galicia e das empresas colaboradoras, non só está a intensificar as accións para subministrar auga en cantidade, senón que tamén vela pola súa calidade, co control e tratamento oportunos.

En canto aos profesio-

A auga que sae da billa das vivendas conta con todas as garantías sanitarias.

nais, estes traballan arreo adoptando medidas de protección sanitaria, para que non falte a auga nos fogares dos galegos e naquelas actividades económicas que a precisan. A frecuente toma de mostras e a realización de analíticas permite coñecer a evolución do estado das masas de auga coa fin de mellorar a súa calidade e avanzar tamén no saneamento integral das nosas rías.

Responsabilidade Tamén os cidadáns debemos actuar con responsabilidade, protexendo a nosa saúde e a dos que nos rodean. Debemos lavar as mans con maior frecuencia, pero cómpre facelo evitando gastar máis auga da que precisamos. Como ben limitado a auga precisa dun uso racional para blindar este recurso mantendo hábitos responsables. Accións diarias, moi sinxelas, van encamiñadas neste

Debemos lavar as mans con maior frecuencia, pero cómpre facelo evitando gastar máis auga da que precisamos

senso: ducharse en lugar de bañarse, non deixar a billa aberta ao cepillar os dentes ou fregar a louza, instalar dispositivos de aforro ou reutilizar a auga son exemplos de hábitos doados para conservar este recurso imprescindible. Estamos na obriga de entender a auga como un préstamo da natureza que debemos devolverlle en boas condicións.

Apoio ás infraestruturas As infraestruturas hidráulicas como as estacións depuradoras e potabilizadoras son piares cruciais para garantir a idónea prestación dos servizos de saneamento e abastecemento. Por iso, o Goberno galego continúa achegando o seu apoio técnico e financiero aos concellos para dotalos das instalacións necesarias para proporcionarlles aos cidadáns os servizos relacionados coa auga dun xeito eficiente.

Porén, non só se trata de construir infraestruturas senón tamén de mantelas e conservalas para asegurar o seu funcionamento eficaz.

Destas tarefas encárganse profesionais especializados, xa sexan dependentes das Administracións ou das correspondentes concesionarias.

Pero os cidadáns tamén

podemos aportar o noso gran de area para facilitar o procedemento óptimo destas infraestruturas hidráulicas. Debemos evitar verter polo desaugadoiro substancias contaminantes ou produtos de hixiene como os ‘bastonciños para os oídos’ e as ‘toalliñas’ ou incluso as mascarillas, de uso obrigatorio nestes tempos. Estes residuos, cando chegan a instalacións como as depuradoras, dificultan o seu funcionamento. Unha acción eficaz é tiralos ao lixo coa pertinente separación de residuos.

Ante isto, só cabe a sensatez. Depositemos estes elementos no lixo, coa axeitada separación de residuos, e non os guindemos polo inodoro.

A auga, como a saúde, é responsabilidade de todas e de todos.

Coidémola.

A Xunta de Galicia achega o seu apoio técnico e financiero aos concellos para dotalos das infraestruturas necesarias para a prestación dos servizos da auga

6

Barrios 29 de maio 2020

EN BREVE 4 Edificios municipais Os edificios municipais de Allariz retoman a atención ao público con novas medidas de seguridade.

Na Casa do Concello o horario será de 9 ás 14h, con ventá única, e a atención será preferentemente por vía telefónica no 988 440 001 ou no correo electrónico administración@allariz.com. Tamén se poden realizar os trámites dende a sede electrónica pinchando neste enlace https://allariz.sedelectronica.gal/info.0.

Na Piscina Municipal están abertas as salas de musculación e de cardio cun aforo limitado de 6 persoas por quenda e sala. As quendas serán de 45 minutos. Para poder facer uso deste servizo, deberás reservar cita no teléfono 988 442 083.

No Fogar dos maiores pódese concertar unha cita coa traballadora social no 988 554 059.

4 Taxas municipais

O BNG de Celanova demanda unha Oficina que oriente sobre as axudas e cancelar e aprazar taxas municipais. En canto ás cotas das escolas deportivas, propón que sexan voluntarias, xa que se deron por rematadas as mesmas. O Concello recorda que xa realizou unha rebaixa do 40% das mesmas.

PROVINCIA

Allariz traballa na reactivación económica 4 Presentou un plan par este fin.

Redacción O Concello de Allariz presentou o seu Plan de reactivación Allariz 2020, que marca como obxectivos reactivar Allariz desde o punto de vista económico e social.

A primeira acción que se está a acometer é unha humanización en espazos públicos, para acondicionar estes á actividade comercial e persoal da cidadanía, facilitando a circulación de persoas e garantindo que se poidan cumprir as medidas de distanciamento social.

Esta humanización localízase na rúa Alarico e no Campo da Barreira.

Na rúa Alarico, limitando a circulación nunha dirección cun único vial para o tráfico rodado.

No Campo da Barreira gañouse espazo para uso para as persoas e para a calzada.

Outro gran paso que se vai dar é a peonalización do Casco Histórico.

Na actualidade, o que se permite é a circulación no mesmo, non o aparcamento.

Vaise a proceder ao cambio da sinalización do Casco Histórico e eliminarse a circulación

Melloras no CEIP Curros Enríquez 4 O obxectivo é realizar os traballos durante o verán.

Redacción

Unha rúa de Allariz. de vehículos, soamente poderán acceder para carga e descarga, residentes ou vehículos autorizados.

Ademais, os comerciantes desa zona poderá sacar parte do seu produto á rúa e compatibilizar ese uso do espazo público co distanciamento social.

Outra novidade será a modificación do custe do chan do Parque Empresarial de Chorente, rebaixando as parcelas ata os 35€/m².

Allariz San Nace Allariz San, un selo que estará a disposición de todos os establecementos que se queiran acoller. Aplicaranse unhas normas e uns protocolos adaptados a cada sector, que garantirán que todos aqueles establecementos que se acollan a este selo cumpran estes protocolos

para manter o distintivo.

Outras novidades As feiras en Allariz voltarán a espallarse por toda a vila repartíndose en espazos coma a Barreira, Campo dos Brancos, Praza do Eiró, Alameda de San Bieito, Rúa Entrecercas, a zona de Santo Estevo e a Praza do Matadoiro.

Así mesmo, a feira alaricana que se celebraba os días 1 e 15 de cada mes pasa a celebrarse todos os sábados.

A feira de Allariz pasa de celebrarse os días 1 e 15 de cada mes a todos os sábados

A Consellería de Educación, Universidade e Formación Profesional vén de anunciar a adxudicación da obra de rehabilitación enerxética do CEIP Plurilingüe Curros Enríquez (Celanova), por un importe total de 494.035,55 euros. O prazo de execución dos traballos, que se prevé realizar durante o verán, é de dous meses. O obxectivo é telos rematados para o inicio do novo curso.

Con esta obra illarase a fachada polo exterior mediante sistema SATE e colocarase illamento térmico en baixo cuberta ou sobre falso teito, segundo zonas. Ademais, instalaranse novas fiestras de carpintería de aluminio con rotura

de ponte térmica e vidro dobre baixo emisivo e luminarias de alta eficiencia enerxética, con equipos de regulación e detectores de movemento.

Actuación completa As obras inclúen tamén a revisión, reparación e limpeza de cubertas; a instalación de falsos teitos nas zonas do colexio onde non están instalados, a cubrición de parte do patio norte; a cubrición e execución do cerramento exterior na parte do patio de infantil e a colocación dun pavimento continuo de formigón no patio norte e na parte do edificio de infantil na que se actúa.

Así mesmo repararase e pintaranse os paramentos e carpintería interiores e abrillantarase o pavimento de terrazo.

CEIP Curros Enríquez de Celanova. /RAMSÉS.

ECONOMÍA

Barrios 29 de maio 2020

7

Protección para os produtos feitos de xeito tradicional

4 Un decreto de artesanía alimentaria pon en valor os produtos do agro e do mar.

Redacción Para protexer os produtos feitos de xeito tradicional a Xunta de Galicia, a través do Diario Oficial de Galicia (DOG), publicou o Decreto polo que se regula a artesanía alimentaria, que elaboraron as Consellerías do Medio Rural e do Mar para poñer en valor os produtos agrarios e pesqueiros que se elaboran dunha maneira tradicional. Así como para protexer aos seus produtores.

Esta novidosa norma (que entrará en vigor dentro de seis meses -para o 10 de agosto-) especifica o que é unha produción artesanal, buscando evitar que se empregue de maneira impropia este termo ou outros similares como “caseiro” ou “feito na casa”.

Tamén regula o rexistro da artesanía alimentaria,

Os viños e os produtos de panadería entrarán dentro desta norma. no que deberán estar inscritas todas as empresas implicadas. O rexistro dependerá da Axencia Galega da Calidade Alimen-

Esta novidosa norma (que entrará en vigor dentro de seis meses -para o 10 de agosto-) especifica o que é unha produción artesanal

taria (Agacal) e permitirá coñecer con exactitude a dimensión deste recurso social, así como xestionalo e calcular o alcance da acción administrativa, de xeito que o esforzo da Administración beneficie aos profesionais do sector.

Condicións técnicas O novo decreto regula

Os produtos cárnicos e os do mar estarán tamén regulados mediante este decreto.

as condicións técnicas específicas necesarias para que unha produción alimentaria sexa artesanal.

Así, establece que os procesos de elaboración deben ser tradicionais, que a presentación dos produtos debe ser senlleira para mostrar a súa calidade diferenciada e que

se ha de respectar en todo momento a norma técnica aprobada para cada tipo de produción.

Son 16 os grupos de produtos, entre outros: os lácteos, os cárnicos, os produtos da pesca e da acuicultura, viños, licores, sidra, cervexa e produtos de panadería e confeitaría.

A Consellería do Medio Rural traballa, xunto aos interesados, na elaboración das normas técnicas específicas. A intención e ir aprobándoas por orde, sendo primeiras as que teñan maior repercusión en Galicia, polo seu número de profesionais implicados e polo volume de produción.

Requisitos Os produtos artesáns deben estar elaborados (segundo as normas técnicas) con materias primas seleccionadas e que non se poderán utilizar potenciadores de sabor, colorantes ou saborizantes artificiais quedando o uso doutros aditivos suxeito a importantes restricións. Tampouco se poderán empregar graxas trans (hidroxenadas artificialmente) ou graxas procedentes da palma ou do coco.

En canto á utilización como materia prima de produtos semielaborados queda limitada a casos excepcionais xustificados na norma técnica correspondente. Por outra banda, admitirase o uso de medios mecánicos para determinadas fases do proceso de elaboración, respectando o indicado en devandita norma.

Tampouco se admitirán, co fin de garantir a intervención persoal do

Lácteos, cárnicos, viños, licores, sidra e cervexa son algúns dos produtos que se pretende protexer artesán no proceso, reetiquetaxes nin razóns sociais de intervenientes no circuíto comercial que non sexan as da empresa artesanal responsable do produto, nin se admitirá tampouco a utilización de marcas que non lle pertenzan.

Identificacións Ademais da denominación xenérica “Artesanía Alimentaria”, o decreto establece outras dúas identificacións que distinguirán dous tipos de produtos artesanais específicos: unha para os produtos caseiros ou da casa e outra para os que se elaboran na montaña.

Os primeiros serán os que utilicen como base fundamental as materias primas procedentes dunha explotación agraria ligada á empresa artesanal responsable do produto.

Pola súa banda, os produtos artesáns de montaña serán os elaborados por empresas artesanais alimentarias radicadas en zonas cualificadas como “de montaña”, de acordo co que establece a normativa da Unión Europea. Mediante unha orde da Consellería do Medio Rural de próxima publicación aprobaranse os logotipos que identificarán tanto os “Produtos artesáns” en xeral como os “Produtos artesáns caseiros” e os “Produtos artesáns de montaña”.

O novo decreto persegue o emprego de maneira impropia de termos como “caseiro” ou “feito na casa”

8

Barrios 29 de maio 2020

SOCIEDADE

Dous ciclistas por unha estrada galega.

Por unha "desescalada" sen accidentes de tráfico

4 No regreso ás estradas é imprescindible respectar as normas de seguridade viaria.

Redacción Chega o ansiado desconfinamento e con el a volta ás estradas para moitos galegos. Esa é a cara dunha realidade que

ten no seu anverso a reactivación tamén dos accidentes de tráfico. Se importante na rúa é adoptar as medidas de prevención fronte ao coronavirus, co mantemento da distancia

social ou o uso de máscaras, non menos importante é respectar as normas de seguridade viaria para protexer a nosa vida e a dos demais. A volta á normalidade no uso do

Un corredor con material reflectante para ser visto mellor polos vehículos.

vehículo supón, ademais, a reactivación tamén dos accidentes de tráfico. Porén, o que está claro é que a maioría poden evitarse se todos poñemos empeño en facelo.

Normas Despois de tanto tempo na casa non está de máis recordar normas básicas que todos debemos coñecer. Nin que dicir ten que deben respectarse os límites de velocidade, que se debe levar posto o cinto de seguridade e, por suposto, cumprir as demais normas de circulación.

Segundo estudos anuais, unha alta porcentaxe de accidentes de circulación teñen lugar por mor de descoidos relacionados co uso do teléfono móbil ou da radio.

Por iso, de nós depente evitar este tipo de distrac-

cións que afastan a nosa vista da estrada, diminúen a nosa atención e tamén a capacidade de reacción, aumentando a posibilidade de sufrir un accidente.

Polo tanto, todos temos na nosa man previr estas situacións e debemos recordar que as rúas e as estradas son de todos.

Máis que vehículos Hai que ter sempre presente que nas estradas, ademais de vehículos e os condutores tamén hai outra serie de elementos, coma son os ciclistas e os peóns. A perfecta convivencia entre todos eles é

vital para evitar calquera tipo de sustos ou mesmo desgrazas. É moi importante recordar sempre a distancia de separación ao adiantar a un ciclista: un metro e medio. Todas elas son regras básicas que todos coñecemos e ó respectalas estase a contribuir á redución do risco de sinistros. Porque por moi importantes que sexan os esforzos económicos e técnicos das Administracións públicas para construír infraestruturas viarias e mantelas en axeitadas condicións, non serán abondo se non existe concienciación social.

Segundo estudos anuais, unha alta porcentaxe de accidentes de circulación teñen lugar por mor de descoidos relacionados co uso do teléfono móbil ou da radio

SOCIEDADE

Depois destos meses confinados nas casas e coa época estival á volta da esquina, a recuperación da normalidade fará que moitos cidadáns incrementen os seus hábitos saudables de camiñar, correr ou practicar ciclismo.

Por todo isto, cómpre sumar as sinerxías de todos os que empregamos as estradas, polo noso ben e polo dos demais, xa que non hai nada máis importante que blindar a vida das persoas.

Medidas de protección Para realizar estas actividades deportivas, debemos tomar as medidas de protección sanitaria precisas para evitar contaxios. Pero a estes preceptos debemos sumarlle pautas de seguridade viaria, que normalmente son pequenas accións que non supoñen moito esforzo e, porén, poden axudar a salvar vidas.

Cabe recordar que cando se saia a correr ou andar en bicicleta hai que asegurarse de facelo nun marco de seguridade, desprazándote polo espazo axeitado.

Moitas estradas autonómicas dispoñen de

Barrios 29 de maio 2020

9

É moi importante recordar sempre a distancia de separación ao adiantar a un ciclista: un metro e medio sendas peonís e ciclistas que executou a Xunta co obxectivo de facilitar a mobilidade dos cidadáns en condicións máis cómodas e seguras.

Tamén é fundamental ‘facerse ver’, tanto se vas camiñando como en bicicleta, especialmente nas horas do día que contan con menos luz. Se aumentamos a nosa visibilidade ante os coches, estamos minimizando a posibilidade dun sinistro e protexéndonos como usuarios vulnerables das vías.

Prendas refrectoras A importancia de incrementar a percepción da presenza de peóns ou ciclistas nas proximidades das estradas por parte dos condutores fixo que desde a Xunta de Galicia reforzara nos últimos anos a distribución de chalecos e cortaventos reflectores

Un coche pasando ao carón dun ciclista que circula por unha senda ciclista. entre as asociacións veciñais ou os clubes ciclistas para fomentar a cultura da seguridade viaria, dun

modo especial entre aqueles colectivos que máis percorren as contornas das estradas. Cabe recor-

dar que estas prendas son moi eficaces de cara a evitar accidentes.

A concienciación cidadá resulta chave para reducir progresivamente as cifras de sinistralidade viaria. Neste sentido, a seguridade é cousa de todos, das Administracións públicas e dos cidadáns, dende os máis cativos aos maiores.

Educación As campañas de divulgación nos colexios galegos seguen a dar froitos e cada vez os cativos son máis conscientes da relevancia dun comportamento responsable nas vías.

Camiñar pola marxe esquerda, empregar itinerarios deseñados para ese fin ou cruzar con cautela nos pasos de peóns son hábitos que os nenos aprenden nas aulas e despois lle recordan frecuentemente aos seus maiores nas casas.

Un ciclista ocupando unha senda para bicicletas creada pola Xunta en Seixalbo (Ourense) recentemente.

Camiñar pola marxe esquerda, empregar itinerarios deseñados para ese fin ou cruzar con cautela nos pasos de peóns son hábitos que os nenos aprenden nas aulas Son xestos mínimos que se todos incorporamos ao noso día a día multiplicarán a nosa protección e seguridade nas vías.

Cando fagamos uso das estradas, como condutores, peóns ou ciclistas, sexamos responsables, cada un na parte que lle corresponde. Porque estaremos coidando de nós mesmos e ao mesmo tempo dos demais.

Cando se saia a correr ou andar en bicicleta hai que asegurarse de facelo nun marco de seguridade, desprazándote polo espazo axeitado

10

Barrios 29 de maio 2020

ENTREVISTA

ENTREVISTA AO DOUTOR MARIANO ARRANZ, DE ARRANZDENTAL

“O sentido común mándame protexer aos meus pacientes e persoal antes que calquera cousa” 4 Con clínicas en Xinzo, Allariz, Ourense e Chaves, o doutor Mariano Arranz fálanos de como afronta a reapertura e as medidas tomadas fronte a COVID-19.

Redacción O doutor Mariano Arranz leva dedicado ao mundo da odontoloxía e a rehabilitación oral desde o ano 1993, Impartiu clases de cirurxía na universidade Fernando Pessoa, ortodoncia no Colexio Froxán de Coruña, prótese e ortodoncia no colexio San Marcos de Ourense, así como diversos cursos de oclusión, articulación, e sistemas cd/ cam tanto en Galicia como en Portugal.

Actualmente desempeña o seu labor como cirurxián oral en Xinzo, Allariz, Ourense e Chaves (Portugal).

Vostede ten dito que estamos na idade dourada da odontoloxía. A que se refire concretamente?

Dr. Arranz: "Pois por pór un exemplo, á capacidade de realizar cirurxías case coma se fose unha laparoscopia, ou ás impresións dixitais sen recorrer

Dr. Mariano Arranz, Implantoloxía Avanzada e Cirurxía Bucal. aos alginatos e siliconas de toda a vida para realizalas, todo iso asistido por computador".

E neste punto da actualidade, como ve o futuro da súa profesión?

Dr.A. "Ben. Lixeiramente complicado, pero non por non estar en bo momento tecnolóxico e de reconciliación cos nosos

“Modificamos os protocolos de actuación e investimos en purificadores de aire, así como en filtros para os aspiradores de saliva e compresores”

Cirurxián Oral de Osteointegración de Dentsply Sirona, asistindo ao Dr. Arranz nunha das súas intervencións anteriores á pandemia.

pacientes, xa que grazas aos avances en anestesias o trato é moito máis humano ao conseguir prescindir da dor totalmente, senón pola lentitude e protocolos que se nos impoñen no momento actual que vivimos e por suposto impómonos para evitar infeccións cruzadas. Con iso protexemos tanto a saúde dos nosos pacientes como a nosa propia, evitando así ser vectores desta enfermidade".

Entón, podería explicar como é o día a día nas súas clínicas?

Dr.A. "Estamos a pedir a todos os nosos pacientes que teñan un pouco de paciencia, pois temos urxencias acumuladas tras este parón obrigatorio destes dous meses: como roturas de dentes e próteses, infeccións, inflamacións, dores, que non podemos atrasar máis, e son precisamente para eles, como non podería ser doutro xeito, as nosas primeiras actuacións.

No entanto, afrontámolo con ilusión, posto que sabemos positivamente que isto ha de pasar máis pronto que tarde".

Con respecto á enfermidade, que barreiras ou

métodos están a adoptar para evitar ser vectores de contaxio para a poboación?

Dr.A. "Sabemos que esta enfermidade ten un período de incubación de entre dez e catorce días, por iso todo o persoal que traballa nas clínicas Arranz faise test asiduamente, cada 10 días. Desta maneira podemos inspirar confianza e seguridade aos nosos pacientes de ser unha clínica libre de Covid-19. Iso é algo que consideramos primordial.

A parte diso, modificamos os protocolos de actuación e investimos en purificadores de aire, así como en filtros para os aspiradores de saliva e compresores; tamén en persoal externo para a desinfección con produtos viricidas homologados pola CE en todas as nosas instalacións. Moito traballo e planificación, asegúrollo".

Iso significa que os pacientes teremos que esperar máis pola consulta?

Dr.A. "Nestes momentos e ata que a normalidade absoluta chegue ás nosas vidas estamos suxeitos a unha orde lóxica de atención baixo cita telefónica, planificando as citas de hora en hora para conseguir que as salas de espera non se sobreocupen. Ademais está o tempo de desinfección de superficies e aire entre cada cita, que se suma ao xa tradicional de equipos e utensilios. Isto o paciente non o ve e nalgunha ocasión pódelle parecer que tardamos demasiado e hai que explicarlle a espera, aínda que en xeral a inmensa maioría dos nosos pacientes é completamente consciente da existencia e importancia destes procedementos”.

A inversión realizada fará que os tratamentos sexan máis costosos?

Dr.A. "Por suposto que non, o investimento nestas máquinas realiceina por decisión propia. Ninguén me obrigou a iso, ningún organismo, aínda que opino que non estivese de máis lexislar respecto diso, e fíxeno coa idea clara de que non debe repercutir no paciente. O sentido común mándame protexer aos meus pacientes e persoal antes que calquera cousa, levo máis de vinte anos exercendo en Xinzo, Allariz, Ourense e Chaves e aínda que estea mal que sexa eu o que o diga, hoxe en día creo que a relación que temos cos nosos pacientes non é só de eficiencia e do amor ao traballo ben feito, senón de confianza mutua. Son moitos anos e vas coñecendo á xente e tomándolle aprecio. Non vou facer copartícipe destes gastos a ninguén, considéroos ferramentas de traballo que achegan seguridade e fan que o día sexa menos estresante. Ademais, profesionalmente, esa seguridade permite que se afronten as intervencións sen medo

e ao final iso tradúcese nunha mellor e máis rápida atención aos meus pacientes.

Teño que dicir, aínda que soe pouco modesto, que creo que tiven visión, e algúns din que sorte -o Dr.Arranz esboza un sorriso-. Cando comezaba todo isto, observei o comportamento en Italia e por mor diso, antes do confinamento comprei material dabondo para ter na reapertura, o que me permite non necesitar facer pedidos e por tanto non estar suxeito ao afán especulativo das empresas coa lei da oferta e a demanda. Iso en parte axúdame a manter os custos e non subir os prezos.

O único do que non dispuxen en exceso nalgúns momentos foi de luvas e mascaras porque os doei cando foi necesario para o uso doutros profesionais doutros sectores sanitarios que nese momento carecían delas e necesitábanas dunha forma dramática".

E por último. Como se ve de aquí a un ano?

Dr.A. “Coa man no corazón direille que máis vello.

Pero tamén coa ilusión de poder achegar á sociedade todo o que ela me dá. Só se se me permite pediría a Deus que manteña os meus ollos e as miñas mans fieis para poder seguir facendo o que mellor fago e máis me gusta facer".

ArranzDental Allariz - Xinzo Ourense - Chaves Tel. 988 46 17 18 - 988 44 08 43

En ArranzDental, o máis importante é contar cun entorno libre de contaxio. Algunhas intervencións, aínda que sinxelas, precisan o uso de EPIS.

VERÍN E COMARCA

Cumpreanos Redacción

O IES García Barbón implícase coa comarca doando material

Desde que se decretou o estado de alarma provocado pola COVID-19, os operarios do Grupo Municipal de Intervención Rápida (Grumir) e os voluntarios da Agrupación de Protección Civil do Concello de Verín visitaron a máis de medio cento de nenos e nenas para felicitalos polos seus cumpreanos.

A iniciativa púxose en marcha para facer máis levadeiro o illamento dos máis pequenos da casa (dos 3 aos 10 anos) durante a fase máis dura do confinamento, e finalizou co inicio da fase 1 da desescalada, que xa permite a saída dos menores.

O alcalde de Verín, Gerardo Seoane, quixo agradecer publicamente o gran traballo que están a realizar durante o estado de alarma estes voluntarios e traballadores municipais.

O IES García Barbón estivo atento ás necesidades derivadas da Covid-19 e realizou distintas doazóns de material sanitario ao Hospital de Verín (luvas e máscaras protectoras), un total de 10 máscaras especiais FFP2 para o Servizo de Protección Civil do Concello de Verín e fixo cesión temporal da súa Impresora 3D e outros complementos para a creación de pantallas de protección para distintos colectivos do ámbito sanitario da comarca de Verín. O profesor Brais Afonso Rolán –Director do CEIP de Vilariño de Conso- é o encargado de levar adiante a tarefa (fixéronse más de 200 pantallas protectoras coa antedita impresora 3D).

Tamén se realizaron outras 40 pantallas para o

profesorado do IES García Barbón, todo iso froito do traballo de Brais Afonso Rolán e da colaboración da Librería Pica-Pica que cedeu o plástico.

Biblioteca

Nova adega na DO Monterrei

xa son 27 as adegas inscritas e certificadas pola Denominación de Orixe Monterrei, que aglutina os municipios de Castrelo do Val, Monterrei, Oímbra, Riós, Verín e Vilardevós.

Os viñedos de Monterrei ocupan 581 hectáreas de territorio, nas que traballan

Redacción Novamente, a Biblioteca de Verín, co seu proxecto “Voluntariado Cultural para o fomento á lectura”, é recoñecida poñéndoa no máis alto das prácticas bibliotecarias. Desta banda, foi a American Library Association, a máis antiga e importante do mundo, que este ano 2020 buscaba destacar o valor das bibliotecas na promoción da xustiza social e a inclusión, seleccionou 36 proxectos de todo o mundo.

Redacción O Comité de Certificación da Denominación de Orixe Monterrei constatou que a adega Manuel Vázquez Losada (situada en Castrelo do Val) superou todos os requisitos necesarios, polo que pasa a certificar os seus viños baixo a tipoloxía: branco Monterrei. Esta certificación posibilita que a adega utilice na etiquetaxe das súas botellas as tirillas distintivas do DO. Con esta incorporación

Outras novas O IES García Barbón agradece a colaboración de distintas entidades para a realización da Formación en Centros de Traballo (FCT) do seu alumnado.

Nesta difícil situación, podemos dicir que todo os estudantes están a realizar a súa formación práctica para completar os seus estudos a tempo e poder continuar a súa formación.

Para o alumnado de 2º de Bacharelato, lembrar que as probas da ABAU 2020 son os días 7, 8 e 9 de xullo de 2020.

Tamén informamos que as probas de acceso a ciclos

Logo da DO Monterrei.

Barrios 29 de maio 2020

11

Verín suprime as taxas a empresas e autónomos 4 A exención suprime o pago durante este ano.

Redacción

Luvas doadas polo IES García Barbón. de grao medio van a ter lugar o día 10 de xuño de 2020 e as probas de acceso a ciclos formativos de grao superior para o día 11 de xuño de 2020.

A matrícula ordinaria para o curso 2020-2021 nos estudos de Bacharelato vai ser do 1 ao 10 de xullo de 2020. Na convocatoria extraordinaria temos do 1 ao 10 de setembro para formalizar a matrícula.

389 viticultores.

“Só podemos darlle a benvida á familia Monterrei. É gratificante que novas xeracións confíen no noso proxecto e apoien a sustentabilidade do rural galegoo”, manifesta a presidenta do C.R.D.O. Monterrei, Lara Da Silva.

O pleno do Concello de Verín aprobou, por unanimidade, un primeiro paquete de medidas fiscais destinado a paliar os efectos económicos da pandemia sobre empresas e autónomos. Coa medida veranse exentos de pago durante o exercicio do ano 2020 das taxas de terrazas (suspensión do cobro durante o exercicio 2020 da taxa e a devolución da taxa a quen xa a pagou no presente exercicio); e rótulos e toldos (polo aproveitamento do vuelo mediante toldos, da ocupación de vía pública mediante portadas, escaparates e vitrinas e da ocupación de vía pública mediante rótulos e letreiros). En canto á recollida de lixo, desta suspenderase o cobro do segundo trimestre do exercicio 2020 da taxa pola prestación deste servizo nos establecementos de restauración, autónomos e empresas afectados pola imposibilidade de apertura ó público durante o estado de alarma declarado polo goberno español.

Segundo explicou o tenente de alcalde e concelleiro de Facenda, Diego Lourenzo Moura, «o Concello de Verín suspende o pago destas taxas coa finalidade de

Alcalde e tenente de alcalde de Verín con máscara. mitigar, na medida do posible, as dificultades económicas provocadas pola crise sanitaria e favorecer a reactivación económica da vila. Estas medidas, finalizou Lourenzo, «supoñeranlle un aforro total anual de 77.200,98 euros ao sector empresarial local».

Sesión Dentro da orde do día da sesión plenaria tamén foi aprobada (cos votos a favor de PSOE e BNG e en contra dos do PP) a creación da dedicación parcial (75% da xornada) do alcalde de Verín cunha retribución bruta anual de 40.694,22 euros, distribuída en doce pagas mensuais e dúas extraordinarias.

Por último, aprobouse tamén cos votos a favor do goberno e os votos en contra do PP, unha operación de crédito a curto prazo para financiar o plan de investimento municipal de 2020; así como a adxudicación da operación de tesourería 1/2020.

12

Barrios 29 de maio 2020

PROVINCIA

“María Solinha”, estrea universal no autocine de Verín 4 Terá lugar en xuño no aparcadoiro central.

Redacción

Os primeiros clientes non se fixeron esperar na reapertura do Centro Comercial Ponte Vella. /CCPV.

Reapertura exemplar do CC Ponte Vella 4 Abriu as súas portas blindado contra a Covid-19.

Redacción Dous meses son moitos se temos en conta a importancia do Centro Comercial Ponte Vella na sociedade ourensá. Ese tempo foi o que estivo obrigado o centro a estar pechado por culpa da crise da Covid-19.

Pero ese tempo xa pasou e co paso á fase 2 en Ourense do estado de alarma, a reapertura é unha realidade. E fíxoo este luns, 25 de maio, con todas as medidas de seguridade e protocolos implantados aos que destinaron máis dun mes de intenso traballo e 90.000 euros de inversión. Deste xeito ofrece niveis de seguridade moi superiores aos esixidos pola administración sanitaria co obxectivo de gañar se a máxima confianza dos clientes. Para o xerente do Centro Comercial, Marcos Vila, «para a recuperación da actividade económica e social, a chave está en xerar confianza e ise é o reto co que nos

comprometemos e no que seguiremos traballando».

Medidas Circuítos sinalizados impiden aglomeracións e facilitan o desprazamento de clientes respectando a distancia de seguridade.

Todos os establecementos acondicionaron os seus espazos ademais de dispoñer dun protocolo de medidas de prevención.

En cada xornada realizaranse, regularmente, tarefas de desinfección e limpeza das principais áreas de contacto. Ademais, en todas as entradas instaláronse alfombras desinfectantes, puntos de entrega de máscaras e dispensadores de gel hidroalcohólico, también dispoñibles en zonas comúns e punto de información.

En canto aos traballadores do centro, todos son sometidos a control de temperatura ao comezo de cada xornada e foron dotados de máscaras, luvas, xeles e pantallas faciais.

Haberá ademais puntos

de toma de temperatura voluntarios.

O aforo está limitado, polo momento, ao 30%.

O control realizarase automáticamente mediante dispositivos colocados nas entradas e saídas.

Valoración Trala reapertura, desde a dirección de Ponte Vella mostrabanse satisfeitos de como foi e do comportamento "exemplar" dos clientes, e polo "esforzo e entusiasmo" de comerciantes e traballadores.

Trala reapertura, desde a dirección de Ponte Vella loaban o comportamento “exemplar” dos clientes e “o esforzo” dos traballadores

A estrea universal de “María Solinha”, última obra do director galego Ignacio Vilar, será en Verín o vindeiro 21 de xuño.

A gran novidade é que se proxectará nun autocine, e para elo o Concello de Verín habilitará o parking central. A proxección -22 horas- contará, ademais, coa presenza do directores e actores. O parking libre central de Verín cota cunha capacidade de ata 300 vehículos, e as prazas serán delimitadas para a ocasión. A proxección

poderase seguir dende os vehículos e contará con frecuencia FM para escoitar a banda sonora.

“O compromiso de Verín co cinema”, sinalou o director do filme, Ignacio Vilar, “mantendo unha sala de exhibicións pública e os seus enormes espazos de aparcamento no centro nos fixeron pensar nesta vila como lugar óptimo par esta nova tendencia na exhibición cinematográfica: o autocine é o futuro”.

Igualmente, o alcalde da vila, Gerardo Seoane, afirmou que “xa que temos os espazos, estratexicamente

situados, imos facer un experimento para ver se podemos atraer público para unha actividade permitida polos protocolos sanitarios”.

Menús Tamén se contará cos hostaleiros da localidade para que "exploren a posibilidade de servir un `menú autocine´ que se poda consumir nos coches, ou de montar algún tipo de apoio ao evento”, anunciou a concelleira de Cultura, Emilia Somoza.

Cartel de María Solinha.

DEPORTES

Finais distintos nas competicións deportivas 4 Distintas medidas tomadas nas federacións deportivas para rematar o curso.

Redacción O deporte non foi alleo á crise que trouxo a pandemia pola COVID-19.

Desde primeiros de marzo tiveron que parar todas as competicións coa incertidume de que pasaría nesta tempada 2019-2020.

Logo de varias semanas buscando unha solución a este desastre moitas delas xa decidiron que facer. En canto aos equipos ourensáns que están integrados en ligas con xornadas ao longo das semanas os máis representativos son o baloncesto e o fútbol.

Na LEB Ouro está o Club Ourense Baloncesto e a tempada deuse por concluída. Desde a Federación determinaron que os dous equipos que estaban nas dúas primeiras posicións (Guipuzkoa e Valladolid) antes do parón serán os que ascendan á ACB. Ademais, non se contemplan descensos.

Pola súa banda, ascenderán de LEB Prata: Real Murcia Baloncesto, Basquet Girona e UBU Tizona.

Fútbol Se miramos cara o balompé, a Terceira división é a primeira categoría na que se atopan conxuntos ourensáns; catro en concreto: Ourense CF, Barco, UD Ourense e Arenteiro. Nesta categoría tamén rematou a liga regular, porén haberá un playoff entre os catro equipos que marchaban nas catro primeiras posicións. Entre eles estaban Ourense CF e Barco, polo que aínda terán que xogar unha promoción de ascenso a Segunda división B en campo neutral e nunha fin de semana.

Por suposto, os encontros estarán exentos de seareiros nas bancadas. Os seus rivais son o Compostela e Arousa.

O Ourense CF disputará o playoff de ascenso a Segunda B xunto a Barco, Compos e Arousa.

Ximnasio Artai Redacción O ximnasio Artai volve abrir tras este período no que tivo que pechar as súas portas -ao igual ca todos- por causa da pandemia mundial da COVID-19. A pesar de todo, desde ximnasio Artai non pararon e durante o confinamento deron nas redes sociais as pautas para realizar na casa uns adestramentos de cara a non perder a forma.

Agora, coa fase 2 da desescalada, ximnasio Artai abriu as súas portas no local situado na rúa Río Arenteiro 7 (barrio do Vinteún). Iso si, por seguridade, débese reservar os adestramentos que se queiran realizar nas

instalacións do ximnasio.

A reserva pódese facer a través do mail artaigimnasio@gmail.com ou no teléfono 988 619 766.

Desde a instauración da

Cartel de Artai ximnasio con información sobre a forma de proceder na fase 2 nas súas instalacións.

O CMD traballa na reapertura das instalacións 4 Adaptándose á nova normativa Covid-19.

Redacción O Consello Municipal de Deportes adáptase á nova normativa COVID-19 para encarar a reapertura das instalacións deportivas.

No caso do pavillón dos Remedios, por mor das obras, estará pechado ata novo aviso. As obras agora están avanzando de xeito paralelo en varios sectores, o que permitirá o cumprimento de prazos. Este feito

fase 2 o aforo é dun tercio da súa capacidade.

Ademais, realizan unha continua desinfección tanto das salas coma do material.

leva a aconsellar a apertura das instalacións para os abonados cando se poida prestar un servizo o máis completo posible. O procedemento de compensación dos abonamentos comezarase a efectuar tras a consulta previa do procedemento no departamento de Administración. Tamén se expuxo que desde o día 1 de xuño abrirase a atención administrativa e o rexistro presencial, tras solicitude previa de cita, nos teléfonos habituais do

CMD. Nas piscinas de Oira, estase a traballar para a súa apertura e adecuación ás novas esixencias hixienico-sanitarias. Será necesario a cita previa, o control dos aforos e os accesos.

Clubs En relación aos clubs e ás entidades deportivas, deberán solicitar o uso achegando un calendario competitivo, o número de usuarios e protocolos de medidas de seguidade que aplicarán segundo a disciplina. Terán que dirixirse aos técnicos do Consello Municipal de Deportes para seu estudo e concesión, de ser o caso.

O Consello Reitor reunirase cada 15 días para ir avanzando nestes asuntos.

Barrios 29 de maio 2020

13

Fútbol sala Redacción Coas ligas regulares finiquitadas, agora toca agardar a que as autoridades sanitarias permitan disputar os chamados “playoff express” no fútbol sala.

En canto á Primeira división feminina; mentres o Cidade das Burgas remata a tempada salvando a categoría (decidiuse que non haberá descensos, algo que as beneficia xa que estaban en postos de descenso cando se parou a competición), o Ourense Envialia disputará devandito playoff. Será sen público e con data e sede por determinar. Xunto ás ourensás estarán na loita polo título Futsi, Burela e Alcorcón.

Fichaxes Nas últimas datas saltaron no fútbol sala ourensán dúas noticias de gran impacto. Dous nomes moi recoñecidos nas filas do Cidade As Burgas, Iria Saeta e María Arias, firmaron polo Ourense Envialia para a vindeira tempada.

Sala Ourense Pola súa banda, o Sala Ourense tamén deu por rematada a tempada toda vez que non rematou entre os catro primeiros clasificados da Terceira división. Porén, as boas novas chegan coa quinta posición coa que rematou o curso, o que lle da dereito a disputar a vindeira Copa do Rei. Toca planificar a tempada 2020-21, que está chea de incertidumes, pero na que o Sala Ourense xa está pensando.

14

Barrios 29 de maio 2020

EN BREVE 4 Feira en Xinzo

O pasado mércores 27 de maio Xinzo acolleu a segunda feira desde a entrada en vigor do Estado de Alarma. E con relación á anterior, que tivo lugar o 14 de maio, triplicáronse o número de postos, pasando de 20 a 62, o que representa algo menos dun terzo dos autorizados, que son os que establece a normativa sanitaria como máximo para evitar aglomeracións.

Entre os novos postos estiveron os de comida, entre os que se inclúen ás pulpeiras. Houbo 13, das cales 5 estiveron no campo da feira e resto repartidas pola vila. Pola contra, aínda non puideron instalares os de venta de téxtil, calzado e complementos.

4 FETEGA O Festival de Teatro Galego “Celso Parada” contará desde a vindeira edición cun novo director. O carballiñés Carlos Ledo substitúe á actriz Josi Lage, que se despediu no pasado 30º aniversario e continúa como programadora artística.

4 Lethes A Deputación de Ourense firma un acordo coa Asociación do Museo Etnolóxico da Limia e co Centro de Cultura Popular do Limia para a publicación da revista Lethes.

Segundo o convenio, a institución provincial asume a impresión de 300 exemplares desta publicación anual e doutros 300 exemplares dunha publicación anual monográfica relacionada coa Limia, así como o deseño e programación dun catálogo dixital sobre os autores da comarca da Limia, integrada na web do Museo da Limia.

4 Ourense O Concello de Ourense cancela todas as actividades culturais e eventos deportivos dirixidos a un público masivo. O alcalde avanzou que as esperanzas do Concello céntranse no mes de novembro, cando se celebra a festividade de San Martiño, patrón da cidade.

OCIO E CULTURA / ARTIGOS

4DIARIO DUNHA EMIGRANTE

4TRIBUNA ABERTA

A Covid-19, unha criseoportunidade

Cando mudou a normalidade Facendo un flashback ao 12 de Marzo do 2020, o que lembro con máis intensidade, e mesmo morriña dese día, é a ausencia total de preocupación.

Acababa de chegar a Copenhague dunha curta visita a Madrid, onde a rúa cheiraba a primavera, o sol brillaba, e madrileños e turistas paseaban libremente polas rúas da capital, completamente alleos ao que nos esperaba ao virar a esquina. Apenas cinco días despois da miña chegada de España, Mette Frederiksen, Primeira Ministra Danesa, comunicaba o peche das fronteiras estatais como medida primordial para frear a expansión da Covid-19.

Aínda que desde un primeiro momento Dinamarca tomou estritas medidas de control de fronteiras e peche de negocios (salvo farmacias e supermercados, a maioría de daneses implementaron o tele traballo), o confinamento nunca foi total; permitíusenos saír á rúa de forma responsable e evitando as multitudes.

E, como case sempre, os daneses acataron as recomendacións sen grandes alborotos. Ademais, aquí o “social distancing” é unha práctica social bastante estendida, as autoridades tampouco se tiveron que volver tolas impoñendo sancións, nin os veciños tiveron que saír ao balcón a sermonar aos veciños que saía estirar as pernas.

O 21 de Maio do 2020, Dinamarca rexistra 11.315 casos de contaxio e 561 falecidos a causa do virus. Como dato anecdótico, seguindo coa actual tendencia de explicar a realidade en cifras constantes e soantes, no 2018, no pequeno reino danés faleceron máis de 2.000 cidadáns de gripe e pneumonía, mentres que máis de 500 persoas quitáronse a vida. Con todo, a Covid-19 tivo un maior calado na sociedade. Esta, nun espazo récord de tem-

po, viuse obrigada a frear a súa economía e transformar os seus hábitos sociais, sufrindo o consecuente pau económico derivado desta crise biolóxica.

Sen ser dos países máis afectados, teremos que esperar para avaliar o impacto da Covid-19 na economía danesa. Aínda que as medidas sociais despregadas para apoiar a industria ante esta crise foron máis xenerosas que noutros países, o Estado de benestar tampouco é ilimitado. Non todos os negocios poderán saír desta fochanca. Só en Copenhague, calcúlase que máis de 50.000 persoas perderon os seus empregos. Economistas de renome non falan dunha crise económica post Covid-19, senón dunha depresión a nivel mundial. Ante este panorama, preguntarnos cando volverá a normalidade xa non ten demasiado sentido. Máis ben teriámonos que preguntar que normalidade queremos que volva. É dicir, sobrevivir para que.

A Covid-19 resaltou o feito de que a comunidade, hoxe máis que nunca, é un concepto global. As crises deste tipo afectarán a todos os habitantes da terra e por tanto, resolvelas, precisará que pensemos e actuemos conxuntamente.

A Covid-19 conseguiu que se abran novos escenarios nos que xa non nos servirá mirar cara a outro lado para facer fronte á crise climática, para aferrarnos á identidade exclusivista fronte á presión dos fluxos migratorios, para defender custe o que custe a privatización dos dereitos universais na infrutuosa misión por crecer custe o que custe. A nosa será unha xeración marcada pola alimentada obsesión pola seguridade

Copenhague.

e a neurose causada por medos a perigos invisibles. Neste universo de ameazas pantasmas e inminentes, todos son presuntos culpables. Como nos defendemos deste medo? Mantendo distancias? Penetrando en nós mesmos? Escondendo a cabeza na area? Ou …

Cando a Covid remita, o mundo non debería ser o mesmo. Deberiamos abrir máis espazos, analóxicos ou virtuais, para canalizar as actuais prácticas de interacción cos nosos semellantes e as de consumo, tan nocivas cara ao noso planeta. Sería interesante repensar o noso papel e as nosas decisións como votantes.

Non deberiamos facer oídos xordos ás reivindicacións de igualdade, nin pospor por máis tempo as tan necesarias medidas que poñan freo a polución do aire que ao ano mata a 7 millóns de persoas en todo o mundo.

Se algo nos concedeu este virus, é a incerteza -de elevadas proporcións históricas- de non saber que sairá de todo isto.

Quizais agora, en lugar de negar, podamos empezar a facer fronte a realidades coas que conviviamos ao límite, facendo oídos xordos aos chamamentos de S.O.S. que desde hai décadas víñannos advertindo das consecuencias do noso alleamento e estilo de vida tan prexudicial para o noso planeta e a nosa supervivencia no mesmo.

Espero que aprendamos a lección.

Raquel Sertaje

A Covid-19 conseguiu que se abran novos escenarios nos que xa non nos servirá mirar cara a outro lado para facer fronte á crise climática

Aproveitemos a situación que nos ofrece a Covid. É unha oportunidade de cambiar a nosa forma de sociedade, a nosa forma de entender as relacións laborais, a economía, a relación coas outras persoas e coa contorna. É unha oportunidade de cambiar, evolucionar, mellorar, e evitar os erros cometidos ata hoxe.

Pero tamén é esta unha etapa previa ao “colapso” que está por chegar.

Ese colapso é un acontecemento que non será explosivo e puntual, senón unha degradación da sociedade que xa se está producindo, pero aos poucos, similar a ese óxido que empeza sendo unha pequena mancha que se rasca ou se pinta por riba e acaba derrubando grandes e fachendosas infraestruturas. A Covid-19 saíu da nada e colouse no programa da humanidade, pero non había que ser moi intelixente para saber que o noso estilo de vida enfrontaríanos a pandemias, virus e outros desafíos complexos. O virus é só unha etapa, non permitamos que a árbore nos impida ver o bosque, despois do virus haberá outras calamidades que debamos soportar: novas burbullas financeiras, inmobiliarias, etc., propias dun sistema que morre: o capitalismo.

Persoalmente, desexaría que a nova sociedade que xurda deste intre fose unha sociedade consecuente co que viviu e co que sabe perfectamente que vai vivir. Unha socie-

4HUMOR

dade social, se me permiten a redundancia, que poña ao individuo no lugar que lle corresponde. Destaco que non me refiro a que o antepoña ante todo, senón que saiba ocupar o seu lugar coa humildade da engrenaxe que pertence a unha maquinaria máis grande.

Se un virus pode poñernos contra as cordas, debemos revisar o noso pedestal e adaptar a nosa consideración case-divina sobre nós mesmos.

Por outra banda, vexo que somos testáns e non escarmentamos. Tras a crise do 2008 (nunca rematada) lanzámonos sen protección de novo á orxía do crédito, dos bancos, do consumo, as viaxes, o turismo desenfreado, as compras online, etc. Faremos o mesmo agora. Estamos a desexar que abran os bares para beber e socializar, faremos esa viaxe en avión tanto tempo postergada. Como me dicía alguén: non vou facer o que facía antes. Vou facer máis por se me volven a confinar. Somos como “yonkis”, consumíndonos, consumindo.

Aproveitemos a situación que nos ofrece a Covid orientando o cambio que vén, que xa chegou, cara esa versión construtiva e positiva de nós mesmos. Óscar Blanco (Fragmento extraído da entrevista feita no blog “Talking About” de Raquel Sertaje. Fonte: https://raquelsertaje.wordpress.com/2020/04/19/ apocalypse-yesterday/)

OCIO E CULTURA / CLASIFICADOS

Barrios 29 de maio 2020

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara Nº125 - Ano: XIII - 29 de maio de 2020 - Difusión: 7.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 988 04 53 52 / 685 969 546.

4DECRECENDO

4ANUNCIOS CLASIFICADOS [Deixe o seu anuncio no 988 045 352 ou en info@periodicobarrios.com. Gratuítos para particulares]

Decrezan con nós!

Como un meniño con zapatos novos. Así me sinto agora mesmo pola oportunidade que me da a boa xente do periódico Barrios de comezar esta humilde sección adicada ao Decrecemento. Ante todo, dicir que non son un experto internacional, nunca enchín paraninfos ou estadios falando destas cousas. Só son unha persoa que consume moito decrecemento (que incongruencia! Consumir Decrecemento!) e que desexo aportar o meu gran de área para que outras persoas poidan interesarse por esta... que?

Filosofía? Teoría económica? Movemento político? O Decrecemento é una corrente de pensamento con aspectos sociais, económicos, tecnolóxicos, etc. moi diversos e que chocan frontalmente co estilo de vida actual que levamos nos países desenvolvidos.

Pero comigo non vai nada diso...

“Boeno”, non cuspa para arriba. Pode que vostede xa sexa unha persoa decrecentista e aínda non o saiba. Fagamos un

O Decrecemento sostén que non se pode crecer ilimitadamente nun planeta finito

exercicio mental e conteste ás seguintes cuestións: - Coida que os recursos materiais do planeta Terra son ilimitados?

- Coida que como sociedade podemos crecer ilimitadamente?

Se respostou “non” a ámbalas dúas cuestións, xa está no allo! Xa hai un fío de Decrecemento no seu interior, so ten que desenrolalo (si, aquí está ben escrito) e tal vez o gañemos para a causa. Benvido/a!

E que raio é iso do Decrecemento?!

O Decrecemento O Decrecemento sostén que non se pode crecer ilimitadamente nun planeta finito, que o desenvolvemento económico é por definición insostible e que se pode vivir mellor con menos, reducindo o noso impacto en todas as áreas da vida: traballando, producindo, gastando e consumindo menos, moito menos.

Non é un movemento novo, xa se empezou a falar deste asunto en 1971 pero é certo que nestes anos, desde que ás crises económicas se lle engadiron as pandemias sanitarias, esta corrente xunto con outros movementos ecoloxistas gañaron pulo.

O noso planeta teima en que non da mais, os recursos esgótanse (especialmente os combustibles fósiles) e temos que abrir os ollos ao feito de que toda a nosa sociedade está construída sobre uns alicerces que non nos aturan máis.

Na nosa man está que o paso á nova situación que se achega (algún chámalle “nova normalidade”) sexa coordinado, solidario, construtivo ou, pola contra, sexa bárbaro, cruel e cheo de pesares. Esa é a nosa elección. Case todos seremos decrecentistas queiramos ou non, pero si nos organizamos, poderemos facer que ese futuro decrecentista estea cheo de oportunidades.

A imaxe Vou procurar deixar unha imaxe en cada artigo desta nova sección. Hoxe comezamos coa imaxe do caracol, unha icona decrecentista polo seguinte motivo: O caracol constrúe a súa cuncha engadindo unha tras outra espiras cada vez mais amplas; despois cesa e comeza a enroscarse esta vez en decrecemento, xa que unha soa espira máis daría á cuncha unha dimensión 16 veces máis grande, o que en lugar de contribuír ao benestar do animal, o sobrecargaría. Nesa situación de sobrecrecemento, calquera esforzo do caracol só servirá para paliar as dificultades creadas pola ampliación esaxerada da súa cuncha, fóra dos límites fixados pola súa finalidade. (Ivan Illich dixit).

Decrezan con nós. Óscar Blanco

INMOBILIARIA Alugo baixo na zona do Couto totalmente acondicionado. Con luz, auga, 70 m2. Prezo 300 euros.

Tel: 653 208 506 Alúgase perruquería.

Tel. 672 08 93 49 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029.

Vendo casa pola estrada de Santiago, con finca.

Para restaurar. Tel.: 672 089 349.

Alugo oficina na rúa Progreso. Exterior. Prezo económico Tel.: 672 089 349.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Vendo casa na zona de Rante (a 8 km de Ourense). 3 dormitorios, terreo, pozo de auga e garaxe.

Prezo 49.800€. Tel: 606 422 543 Alugo casa de campo na provincia de Ourense con finca e pozo. En boas condicións. Tlf: 657 945 665 Véndese o alúgase un piso na estrada de Vigo.

Preto do Lidl. Amoblados. Bo prezo. Tel.: 988 234 342.

Alugo almacén pequeno

en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24.

Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62.

Alugo oficina económica de 15 metros cadrados, amoblada, con baños comunitarios por 100 € máis 7 de comunidade. C.E:C. Tel.: 627 203 131

TRABALLO Ofrécese auxiliar de enfermaría, con titulación, para o coidado de maiores.

Como interna ou por horas.

En Ourense ou arredores.

Telf.: 663 043 561 Danse clases de francés a domicilio. Todos os niveis.

Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital.

Todos os niveis. Tamen materias curriculares de ESO e Bacharelato. As clases son individuais e personalizadas. Ampla experiencia. Excelentes resultados.

Económico. Interesados enviar WhatsApp ao 610 38 25 89.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario.

Tel: 686 005 358.

Fanse desbroces en tractor e a man. Tlf.: 63 521 448 Ófrecese señora seria e responsable para tarefas do fogar e coidado de nenos e maiores. Con informes.

Preferencia zona Ponte.

Tlf: 685 374 191.

Busco traballo en desbroces con tractor ou condutor de camión e carretillas.

Ampla experiencia. Tel:

637 282 405.

Busco mozo como asistente persoal con certificado de atención a persoas en situación de dependencia ou con auxiliar de enfermería.

Boas condicións laboraia Tel.: 679 699 508.

Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173.

Coido ou acompaño a maiores enfermos polas noites. Económico. Tel.: 616 361 548.

VENDAS Vendo mesa escritorio.

15€. Tel: 666 303 635.

Véndense dous lavacabezas de perruquería. Tel.: 672 089 349 Vendo cama hospitalaria articulada en bo estado, con colchón anti-escaras.

Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Vendo cubas de viño grandes, ideais para decoración ou facer portas locais. Tlf.: 606 133 522 Véndese mampara nova.

Tel: 672 089 349.

Véndense traxes de cabaleiro moi antigos en bo estado, ideal para Entroido.

Prezo 10€. Tel: 610 979 897.

Compro moble de cociña completo. Tel: 988 247 824.

Vendo escritorio. Como novo, bo prezo. Tel: 672 089 349.

Vendo estufa de frío e calor. Tel: 672 089 349.

Vendo caldeira de gasoil Tel: 672 089 349.

Vendo hormigonera de 280 litros e maquinillo / grúa (a gasolina). Tel.: 988 23 47 91 Vendo maquina de coser industrial (dobre arrastre).

Tel.: 630 587 527

Barrios 29 de maio 2020