Barrios 12 de abril 2018
TEMA DA SEMANA
A Xunta quere vivendas para alugueiro social no casco vello 4 Os propietarios interesados en vender os seus inmobles teñen de prazo ata o día 22 de abril. Redacción Reunión entre representantes da Mancomunidade de Municipios da Comarca de Ourense e da Xunta de Galicia./M. REJO.
A Mancomunidade de Municipios da Comarca de Ourense pide crear un CIM 4 A Xunta veo positivo. Redacción A Mancomunidade de Municipios da Comarca de Ourense reuniuse -na casa do Concello de Paderne de Allariz, sede desta entidade- coa secretaria xeral de Igualdade, Susana López Abella, e a delegada territorial da Xunta en Ourense, Marisol Díaz Mouteira, para abordar a posta en marcha dun Centro de Información á Muller. Á reunión asistiron representantes dos Concellos que conforman a mancomunidade que son: Paderne de Allariz, Baños de Molgas, Esgos, Maceda, Nogueira de Ramuín, Parada do Sil, Pereiro de Aguiar, San Cibrao das Viñas, Xunqueira de Ambía e Xunqueira de Espadañedo. Na reunión, tamén participaron o persoal técnico da Mancomunidade e a subdirectora de Xestión Económica da Secretaría Xeral de Igualdade. A decisión de crear este centro pon en valor a importancia dos mesmos e o seu papel como porta de entrada e apoio ás mulleres en situación de vulnerabilidade. Esta iniciativa parte dos propios concellos, o que
evidencia a necesidade da concienciación dos municipios na implantación deste tipo de centros. Na actualidade, a provincia de Ourense conta con 14 centros de información á muller. Amigos de Galicia A visita da secretaria xeral da Igualdade serviu, ademais, para visitar as instalación da Fundación Amigos de Galicia. A Xunta vén colaborando nos últimos anos coa entidade para desenvolver un programa de asesoramento integral dirixido a mulleres en situación de especial vulnerabilidade, no que se inclúe asesoramento psicolóxico, xurídico, apoio social e orientación laboral, entre outros servizos. Desde 2009, a Administración autonómica ten destinado preto de 260.000 euros a financiar os programas dirixidos a mulleres vulnerables que se promoven desde Amigos de Galicia.
A necesidade da creación dun CIM parte dos propios concellos
A Xunta de Galicia pretende mercar vivendas no casco vello de Ourense para rehabilitalos e destinalos a alugueiro social. Esta actuación enmárcase no programa Rexurbe, co que a Xunta de Galicia traballa na recuperación de cascos históricos de diferentes vilas e cidades galegas. A delegada territorial da Xunta en Ourense, Marisol Díaz Mouteira, acompañada da xefa territorial da Consellería de Infraestruturas e Vivenda, Alicia López Míguez, e doutros técnicos do IGVS mantiveron unha xuntanza con membros das asociacións veciñais “Casco Vello” e “As Burgas” para explicarlles os requisitos e resolverlles as dúbidas sobre o proceso. Trátase dun concurso público no que os propietarios interesados poderán ofrecerlle os inmobles da súa propiedade para que sexan adquiridos pola Administración au-
Reunión no Centro Cívico de Colón onde se explicou os requisitos da adquisiciòn pública de edificios. /M. REJO. tonómica. Os interesados teñen ata o día 22 de abril de prazo para presentar as súas ofertas ao Instituto Galego da Vivenda e Solo. O obxectivo é acadar arredor de 13 novas vivendas, destinando 800.000 euros en 2018 á adquisición de ditos inmobles. Requisitos Os inmobles deberán es-
O alcalde de Ourense, Jesús Vázquez, a delegada territorial da Xunta en Ourense, Marisol Díaz Mouteira, e a xefa territorial da Consellería de Infraestruturas e Vivenda, Alicia López Míguez, diante dunha vivenda que a Xunta está a rehabilitar./M. REJO.
tar situados no casco vello de Ourense, nas rúas Vilar, Cervantes, Xerónimo Feijoo, Colón, Libertade, Xulio Prieto Nespereira, Hernán Cortés, García Mosquera, Lugo, Pelaio, 2 de Maio, Manuel Sueiro, Padilla, Triunfo, do Perigo, Moratín, Primavera e Bailén e nas prazas da Victoria, do Sal, Imprenta, da Trinidade, Saco e Arce, Pena Vixía, San Marcial, de San Cosme e da Ferreira, así como en Camiño Canella Cega. Ademais, deberán atoparse en estado de abandono ou semiabandono, pero que permitan reunir condicións óptimas de confort e habitabilidade, non estar afectadas por servidumes ou cargas que poidan facer inviable a actuación e que estean inscritas no Rexistro da Propiedade. Tamén se esixirá que o custe de adquisición non supere o valor de mercado do inmoble nin un valor máximo que se calculará coas fórmulas e parámetros incluídos na resolución para cada rúa ou zona. O Executivo autonómico seleccionará os inmobles a
adquirir segundo teñan un valor arquitectónico especial, que a recuperación poida contribuír de xeito especial á rexeneración ambiental e que contemplen a recuperación dunha mazá completa. Outras actuacións Actualmente, a Xunta ten en marcha actuacións en 4 inmobles da zona antiga da capital ourensá (en Vilar 1, Vilar 3 e 5, e Cervantes 14) por un importe de case 1,6 millóns de euros e que permitirán poñer a disposición dos veciños de Ourense 8 novas vivendas. Estes inmobles viranse a sumar aos 10 que nestes momentos xa están rehabilitados e dos que se obtiveron un total de 22 vivendas e 10 locais comerciais.
O obxectivo é acadar arredor de 13 novas vivendas, destinando 800.000 euros en 2018 á adquisición de ditos inmobles