Barrios 128

As vítimas da Covid-19, homenaxeadas polo “Gaiteiro da Catedral” [Páx. 6]

TEMA

Páx.2

Apoio do Concello ao comercio local coa campaña “Móllate por Ourense”

TEMA

Páx.3

Galicia elixe este domingo 12 de xullo quen a goberna os próximos catro anos

DEPORTES

Páx.10 XINZO

O Club Ourense Baloncesto xa vai coñecendo como será a LEB Ouro 2020-21

Páx.12 XINZO

Contratadas dez persoas en risco de exclusión para apoiar ás brigadas

Páx.13

Xinzo de Limia programa máis de 60 actividades nas fins de semana deste verán

Proxectos para unha mellor mobilidade

[Páx. 2]

Ocio con responsabilidade

Nova circunvalación en Xinzo de Limia

[Páx. 3] [Páx. 13] Usuarios das piscinas de Oira na nova normalidade. / O plan de mobilidade inclúe varias escaleiras mecánicas. / O acordo de 40 propietarios permite a circunvalación de Xinzo./R.T.

Número: 128 - Ano: XIII - 10 de xullo de 2020 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 10 de xullo 2020

TEMA DA SEMANA

O Ourense que vén

4 Varios son os proxectos que apuntan a unha mellor mobilidade na cidade das Burgas.

R.Torres

A rúa Lamas Carvajal acolle numerosas tendas./ANXO

Apoio ao comercio local co “Móllate por Ourense” 4 A Mesa Local do Comercio abordou a situación actual postCovid-19.

Redacción A campaña “Móllate por Ourense” convértese nunha das primeiras accións para apoiar ao comercio local que organiza o Concello de Ourense. A concelleira de Comercio e Seguridade, María Fernández Dibuja, abordou xunto a representantes das diferentes asociacións do sector e da Federación de Comercio, nunha reunión da Mesa Local do Comercio de Ourense celebrada no concello, a situación actual postCovid-19 e as consecuencias que tivo para o sector.

Para a edil, o apoio ao comercio local é "unha das actuacións que forman parte da folla de ruta do goberno municipal", e por iso unha das primeiras accións será a posta en marcha dunha campaña baixo o lema “Móllate por Ourense”.

Accións Na reunión tamén se analizaron as accións que

Na reunión analizáronse accións que se levarán a cabo a curto e medio prazo

se levarán a cabo a curto e medio prazo. Neste senso, a concelleira incidiu na necesidade de concretar outra serie de iniciativas que redunden en recuperar “tanto a normalidade do consumo como a estabilidade do comercio, evitando os efectos que provocaron a pandemia e o confinamento”. Dese xeito, tamen se valora a opción de poñer en marcha outra campaña para fortalecer o comercio local no mes de setembro, que se estruturaría entre o Concello e os representantes do sector que forman parte da Mesa Local do Comercio.

Para María Dibuja unha das cuestións que lle preocupan ao sector nestes momentos “é a situación de incerteza, ante a posibilidade de que se poida producir un rebrote”, que xunto coas perdas que se rexistraron durante o tempo no que os negocios estiveron pechados, poderían ocasionarlle un maior dano ao comercio de proximidade. De aí que “debemos avanzar en accións que teñan como horizonte fortalecer o noso comercio, polo que aposta este goberno”, engadiu.

Ourense ten moitos proxectos a futuro para que, nos próximos anos, cambie notoriamente.

Cos orzamentos aprobados e o PXOM posiblemente en camiño a aposta de futuro é máis viable.

A cidade das Burgas que vén buscará unha mellor mobilidade para os seus cidadáns e visitantes.

Elementos mecánincos na cidade e un paseo pola ribeira do Miño son dúas das propostas máis atractivas.

Elementos mecánicos O Concello ultima a redacción dos proxectos técnicos para escaleiras, ramplas mecánicas e ascensores na vía pública, que axudarán a mobilidade na difícil orografía da cidade. Esos proxectos están sendo deseñados por diversos estudios de arquitectura.

O alcalde da cidade, Gonzalo Jácome, agarda que ditos estudos se poidan entregar durante este mes. Ademais, levarase a Xunta de Goberno a aprobación da modifica-

Un concurso de ideas buscará poñer en valor as marxes do río Miño ao seu paso pola cidade

Alcalde, Gonzalo Pérez Jácome, e a decana do Colexio de Arquitectos de Galicia (COAG), Elena Ampudia, asinando o convenio para a posta en valor das marxes do Miño. ción de crédito para facer fronte ao custe económico dos proxectos. O rexedor calcula que para setembro se concretaría o proceso de licitación das obras e para decembro a adxudicación das mesmas. Se estas datas non se retrasan poderíase falar de que o comezo das obras chegaría na primavera de 2021, e rematadas para o outono do mesmo ano. Para Jácome, a posta en funcionamento de todos estes mecanismo “marcarán un antes e un despois no que fai referencia a mobilidade na cidade, que se converte en unha das prioridades que nos marcamos o inicio do mandato e que queremos cumprir”, indicou.

En canto as obras serán, entre outras, na zona da Cruz Alta, rúa Concordia, a subida a San Francisco des-

de o centro da cidade, así coma a subida a rúa Peña Trevinca dende a praza de San Cosme. Ademais, contémplanse actuacións que afectan á subida na Ponte, en concreto a que afectan a zona da pasarela, no parque Infantil, na avenida de Buenos Aires dende a avenida Otero Pedrayo, a Ervedelo desde Avilés de Taramancos, entre outras.

Polo que se refire a inversión, o alcalde fala duns 18 millóns de euros.

Río Miño Por outra banda, o propio Jácome e a decana do Colexio de Arquitectos de Galicia (COAG), Elena Ampudia, asinaron un convenio para a apertura dun concurso de ideas para a posta en valor das marxes do río Miño ao seu paso pola cidade.

Para o rexedor esté concurso servirá para “embelecer, adecentar e unificar todo o circuíto do río Miño”. Son preto de 12,3 quilómetros (desde a pasarela peonil de Oira ata a de Outariz, por ámbalas dúas marxes do Miño) que contarán cun orzamento estimado nuns 15 millóns de euros.

A decana do COAG, Elena Ampudia, asegura que “este concurso de ideas, redactado polo COAG, deberalle garantir unha accesibilidade cómoda á cidadanía”.

A finais de 2021 poderían estar rematados os elemento mecánicos para facilitar a mobilidade

Esquerda: as escaleiras que van da praza San Cosme a Pena Trevinca terán elementos mecánicos. Dereita: zona da ribeira do Miño onde está ubicada a pasarela de Oira e onde se adecentará unha vez aprobado o proxecto. /RAMSÉS.

TEMA DA SEMANA

Barrios 10 de xullo 2020

3

Ourense ao borde dos cero casos de Covid-19 4 Dous positivos conta a provincia.

Redacción A provincia de Ourense está a piques de non ter casos positivos pola Covid-19. Ao peche desta edición contábanse dous casos activos (un en seguimento domiciliario e outro ingresado nas últimas horas no CHUO).

Este último caso trátase dunha moza que chegou recentemene dende México e que acudiu ao hospital por outra patoloxía, da que evoluciona favorablemente. Tras dar positivo en coronavirus mediante PCR, sen presentar síntomas, aplicóuselle o proto-

Unha muller deu positivo por COVID-19 -sen síntomas compatibesdespois de ingresar no CHUO por outra patoloxía

colo COVID de rastrexo.

Este caso non ten relación cos brotes detectados ao longo do país.

Ourense suma dende o inicio da crise sanitaria 132 falecementos por esta enfermidade. O 20 de marzo faleceu a primeira ourensá (unha muller de 93 anos con diversas patoloxías previas); o número de positivos na provincia supera xa os 2.000.

Galicia Na última actualización realizada polo Sergas, o número de casos activos en Galicia é de 256 (11 máis que os do día anterior). A cifra é preocupante sobre todo na zona da Mariña lucense, onde un brote fai que aumente en 24 os casos na área de Lugo nas últimas 24 horas.

Deste xeito, 22 casos son da área da Coruña; 190 da de Lugo; 1 (dous se temos en conta o caso da muller ingresada) na de Ourense; 3 da de Pontevedra; 24

Galicia elixe quen a goberna os próximos catro anos 4 Feijoo parte como favorito.

Redacción O 12 de xullo, Galicia vai elexir ao que será o seu presidente para os vindeiros catro anos.

En todas as enquisas dan vencedor ao actual presidente, Alberto Núñez Feijoo. O popular parece que vai revalidar a maioría absoluta coa que xa conta.

Estas enquisas din que o PP mantería os 41 escanos; o PSOE, 16; BNG, 12; e Galicia en Común, 6.

En caso de envorco das enquisas, a alernativa sería un goberno de esquerdas no que terían que pactar

PSOE, BNG, Galicia en Común e Marea Galeguista (en caso de que esta entrara no Parlamento). Nin Ciudadanos nin VOX parecen que calen entre os galegos que votarán este domingo e non aparecen con representación nos sondeos.

Despois de dúas semanas de atípica campaña electoral debido á Covid-19 saberemos se os populares gobernarán na próxima lexislatura ou se o fará a esquerda con Gonzalo Caballero (PSOE) ou Ana Pontón (BNG) ao fronte.

da área de Vigo; 14 da de Santiago; e 2 da de Ferrol.

De todos os pacientes, nove están hospitalizados -o Sergas contabiliza sete porque aínda non tiña incluidos nos seus datos o ingreso de Ourense e outro en Vigo (este na UCI)- e 249 no seu domicilio. Polo de agora, en Galicia hai un total de 10.880 persoas curadas e rexistrándose 619 falecementos. O número de PCR realizadas é de 207.535.

Recomendacións De sobras coñecidas, non está de máis recordar as normas hixiénico sanitarias para ter o virus o máis lonxe posible de nós.

Debemos extremar o lavado de mans (lavándoas con frecuencia); hai que usar máscara -sobre todo cando non gardemos a distancia social (2 metros); e evitar aglomeracións.

Piscina Precisamente para evi-

Un operario explicando o uso do código QR para poder acceder á piscina de Oira. /R.T. tar esas aglomeracións nestes días no que a calor apreta e a piscina convértese nunha aliada imprescindible, o Concello de Ourense habilitou a web www.piscinasmunicipaisourense.com para solicitar cita previa para as piscinas de Oira, cuxo aforo está reducido ao 75%. Pódese seleccionar acudir na quenda da mañá (de 11 a 15:30 h) ou na de tarde (16:30 a 21 horas).

Para finalizar a reserva, debe aceptarse a normativa de uso da Covid-19. As

persoas maiores 70 anos terán acceso prioritario na quenda de mañá.

Poderá facerse reserva para un máximo de dous adultos e tres nenos (menores de 14 anos); non se pode reservar días seguidos; o prazo de reserva é, como moito, para os sete días seguintes á data da reserva.

As persoas que non teñan acceso a dispositivos móbiles poderán retirar o ticket nas instalacións do pavillón dos Remedios no horario de atención ao público.

Efectúase unha limpeza á maña, con valdeo de paredes, e outra ao mediodía, entre as 15:30 e as 16:30 horas.

O Concello habilita a web piscinasmunicipaisourense.com para solicitar cita previa para as piscinas municipais de Oira

4

Barrios 10 de xullo 2020

TURISMO

Onde mellor que en Galicia?

4 A comunidade está a traballar para posicionarse entre os destinos que dean máis confianza.

Redacción Galicia traballa para que este ano, tan complexo, como o que estamos a vivir siga posicionándose entre os mellores destinos e con máis garantías para os meses de verán. Un destino completo e seguro e, sobre todo, a complemetariedade dos nosos recursos turísticos é o que aprecian tradicionalmente os viaxeiros que nos visitan e mesmo os propios galegos que visitan outras zonas da comunidade.

A pandemia provocada pola COVID19 fixo que nas últimas semanas, adicándolle esforzo e compromiso por parte do sector, e de maneira especial traballárase na segurida de Galicia como destino.

Neste sentido, a Xunta

de Galicia acompaña con distintas medidas.

Plan de Reactivación Co obxectivo de ofrecer solucións para xenerar liquidez no tecido empresarial e incetivar a actividade turística contouse co Plan de Reactivación do sector cultural e turístico desde o principio desta crise sanitaria e a instancias da Xunta e do sector.

O orzamento deste plan ascende aos 58 millones de euros.

Galicia destino seguro é o nome do programa do Goberno autónomico que, cun investimento de 6 millóns, ofrece axudas para que os negocios turísticos adopten medidas de seguridade hixiénico-sanitarias. E tamén se destinan case 2 millóns de euros

Preto do lugar de Moreda - Folgoso do Courel.

para deseñar novos produtos e experiencias, adaptar formatos, dar formación e dinamizar o sector, nun momento de enorme dificultade como no que nos atopamos. Todo isto, o que pretende é unha Galicia segura (para os viaxeiros que a elixan como destino) e que permita, á vez, ofrecer confianza para os propios galegos e traballadores do sector.

Vaise a impulsar, en accións concretas, a dixitalización, por exemplo, do turismo rural, cunha nova plataforma de comercialización para facilitar as reservas online que incentivarán as longas estancias neste tipo de establecementos regalando experiencias turísticas complementarias en xeodestinos ou cidades ga-

legas. Tamén se vai a reforzar este ano o papel do turismo enogastronómico, en colaboración coas Asociacións das Rutas dos Viños de Galicia, así como o turismo MICE, incluíndo a creación dun estudio virtual que permitirá a realización de congresos de maneira mixta entre presencial e online.

Turismo familiar e tranquilo Outra medida é a creación de produtos turísticos comercializables de entre 400 e 2.000 euros.

Irán dirixidos ás familias que terán a vantaxe de poder pagar de maneira fraccionada e nun prazo de seis a 12 meses e sen coste adicional algún. O Xacobeo 2021 conta cunha gran importancia e por iso

crearanse novos paquetes turísticos con motivo do ano santo. Foméntanse, deste xeito, as escapadas e experiencias centradas na enogastronomía, o termalismo, a naturaleza ou mesmo o patrimonio.

Sempre apostando por enclaves estratéxicos como poden ser a Ribeira Sacra, a Mariña lucense, a Costa da Morte ou os diferentes

camiños. Todo elo para favorecer a recuperación do turismo e a diversificación de fluxos.

Tamén se incentivará a actividade dos guías profesionais de turismo dinamizando as visitas de escolares ou colectivos, fomentando a creación de produtos que ofrezan percorridos e visitas virtuais á vez que se mellora a for-

Vaise impulsar, en accións concretas, a dixitalización, por exemplo, do turismo rural, cunha nova plataforma de comercialización para facilitar as reservas online que incentivarán as longas estancias neste tipo de establecementos regalando experiencias turísticas complementarias en xeodestinos ou cidades galegas

TURISMO

Barrios 10 de xullo 2020

5

Faro de Estaca de Bares, tan espectacular coma sempre. mación e adaptación dos profesionais con iniciativas como o novo programa "A historia a pé de rúa" ou "Volver respirar en Galicia".

Galicia, unha vez máis, abre as súas portas, con todas estas ferramentas, ao turismo, coma sempre, con moitas ganas e totalmente preparada sen esquecerse e tendo moi presente a tradicional fidelidade dos viaxeiros que elixen Galicia. Non é casualidade que o 99,4% afirme que repetiría a súa visita e unha porcentaxe

Algúns produtos turísticos irán dirixidos ás familias, que terán a vantaxe de poder pagar de maneira fraccionada e nun prazo de seis a 12 meses e sen coste adicional

moi similar recomenda a outras persoas que coñecan a nosa comunidade.

Conta cunha ampla oferta de lecer e capacidade de aloxamento como os seus máis de 5.600 restaurantes, preto de 150.000 camas en establecementos regulados con máis de 900 hoteis e máis de 500 casas de turismo rural que se caracterizan polo seu afán de mellora. De feito, máis da metade dos aloxamentos rurais existentes en España que contan coa Q de Calidade están en Galicia.

Os seus máis de 90 museos, 742 Bens de Interese Cultural, os seus máis de 3.100 castros catalogados ou mesmo máis de 9.100 hórreos catalogados e preto de 5.000 cruceiros e máis de 1.100 pazos son outros dos numerosos recursos patrimoniais por descubrir este ano.

En definitiva, Galicia agarda a todos os que a queiran descubrir cos brazos abertos e as medidas hixiénico sanitarias máis

esixentes para sentirse seguro, como na casa.

Camiño Seguro Non podemos esquecernos do Camiño de Santiago cuxos elementos son moi importantes para o noso turismo.

O Camiño regresa coa intención de ofrecer a máxima seguridade aos peregrinos. Da man do programa Camiño Seguro, promóvese unha peregrinación adaptada á actual situación sanitaria a través dun protocolo integral nos itinerarios xacobeos e inclúe medidas como limitacións de aforamento de entre o 50 e o 75% nos albergues, elaboración de guías e manuais de apoio,

Da man do programa Camiño Seguro, promóvese unha peregrinación adaptada á actual situación sanitaria

formación para máis de 300 albergueros, axudas para a adaptación dos establecementos ás medidas hixiénico-sanitarias, un servizo de asesoramento aos negocios ou un novo sistema de reservas online.

Galicia e o Camiño de Santiago volven cos valores que sempre nos fixeron grandes e que agora son máis importantes que nunca. Tentando mellorar a calidade de vida dos galegos, creando emprego,

diversificando a economía e, sobre todo, ofrecendo a posibilidade de seguir gozando dun turismo tranquilo e hospitalario, dun turismo que busca o contacto co territorio, tan necesario nestes días.

Peregrinos ao seu paso pola Devesa De Rogueira, O Courel (Lugo).

6

Barrios 10 de xullo 2020

CIDADE

EN BREVE

Adxudicadas as obras da rúa Marcelo Macías

4 Terrazas O Concello fixa os horarios de peche das terrazas nos espazos públicos. Así, as terrazas dos locais de hostalaría en espazos públicos poderán abrir, como máximo, até a 1 da mañá os días de semana e até as 2 os venres, sábados e vésperas de festivos.

O alcalde de Ourense, Gonzalo Pérez Jácome, tomou esta medida para rematar coas concentracións de persoas co risco que supón no escenario posterior ao estado de alarma pola Covid-19.

4 Melloras

O Concello de Ourense mobiliza 22 millóns de euros para avanzar na mellora de infraestruturas, zonas verdes e limpeza do perímetro rural.

Foi a xunta de goberno local a que aprobou catro expedientes de modificación de créditos que suman algo máis de 22 millóns de euros. Estas partidas serán executables a finais de agosto.

O primeiro dos expediente sé para o plan +Rural; o segundo para o Plan de obras da Concellería de Infraestruturas; o terceiro para para unha débeda contraida por sentenza xudicial para contrato de recollida de lixo e limpeza viaria; e o cuarto para xilizar estudos e traballos técnicos en Infraestruturas.

4 Mellorarase o firme e as beirarrúas.

Redacción

Bieto Romero, primeiro gaiteiro que participa na homenaxe ás vitimas da Covid-19.

Homenaxe ás vítimas da Covid-19 Ourense xa ten a súa homenaxe particular ás vítimas da Covid-19 (ademais de ao persoal esencial na crise sanitaria). Unha homenaxe que se fará de xeito permanente os 365 días do ano desde a torre da Catedral de Ourense. Cada día ás 11.30 horas un gaiteiro sairá á balconada do templo ourensán a interpretar o himno da provincia de Ourense. A iniciativa parte da Deputación Provincial de Ourense.

O músico Bieito Romero -líder e membro fundador de Luar na Lubre- foi o encargado de dar apertura a esta iniciativa.

A Xunta de Galicia, por mediación da Consellería de Infraestruturas e Mobilidade, vén de adxudicar, por un importe duns 1,4 millóns de euros, as obras de acondicionamento da rúa Marcelo Macías.

Esta actuación, adxudicada á empresa Petrolam Infraestructuras S.L., conta cun prazo de execución de 12 meses e a idea é poder iniciar as obras en agosto. Os traballos consistirán na renovación do firme e dos servizos, así como na mellora das beirarrúas ao longo de 1,3 km. A intervención aproveitarase para facer labores de mantemento no viaduto sobre o río

Barbaña, que se dotará de iluminación singular e traballarase na accesibilidade peonil. Tamén, no referente aos servizos, renovaranse as redes de abastecemento, saneamento e alumeado.

A actuación tamén inclúe o reforzo da seguridade viaria con pasos de peóns con iluminación específica.

Todas estas renovacións de servizos supoñen un incremento do custo de proxecto inicial, polo que se tivo que contar co cofinanciamento, do 30%, por parte do Concello de Ourense nesta actuación.

Conta cun prazo de execución de 12 meses

Membros da Fundación Cum Laude facendo entrega a Cárita da doazón.

Fundación Cum Laude A Fundación Cum Laude colabora con Cáritas nesta situación actual de emerxencia doando unha lavadora e un carro de bandexas para o forno do Comedor Social rexentado por esta entidade. Este servizo incrementou a súa demanda nesta pandemia chegando a dar 666 comidas diarias.

Desde Cum Laude quixeron, desta maneira, contribuír e recoñecer o gran traballo realizado (e que realiza) por esta institución, que ofrece un apoio social fundamental ás clases máis desfavorecidas desta cidade.

Rúa Marcelo Macías. /RAMSÉS.

SOCIEDADE

Barrios 10 de xullo 2020

7

A Xunta reforza a loita contra os incendios e adopta medidas sanitarias

4 O Pladiga ten entre as súas novidades a dotación de maior capacidade de transporte de auga e a incorporación dun total de 12 drons.

Redacción A Xunta reforza este ano a prevención na loita contra os incendios forestais e adapta o operativo ás esixencias da emerxencia sanitaria. O Plan de prevención e defensa contra os incendios forestais de Galicia (Pladiga) 2020 ten como obxectivo xeral o de reducir ao máximo posible, tendo en consideración os recursos dispoñibles, as consecuencias ecolóxicas, económicas e sociais producidas polos incendios forestais na nosa comunidade. Por iso, mantén todos os esforzos na loita contra o lume incorporando algunha novidade. Entre elas, está a adaptación ás condicións establecidas pola emerxencia sanitaria a causa da covid-19 e, especialmente, a implementación dun completo e detallado plan de prevención. O dispositivo humano, semellante ao de anos anteriores, conta con máis presenza temporal, xa que permancerán despregados un mes máis do habitual, pasando de cinco a seis meses.

En total son máis de 7.000 persoas, contabilizando tanto os profesionais propios da Xunta como os adscritos a outras administracións, que teñen á súa disposición 360 motobombas, entre outros medios terrestres. Con respecto aos medios aéreos, o Pladiga 2020 ten entre as súas novidades a dotación de maior capacidade de transporte de auga e a incorporación

En canto ás melloras tecnolóxicas, están as aplicacións informáticas coas que conta o persoal do servizo para a loita contra o lume

dun total de 12 drons, tanto para vixilancia e disuasión como para prestar apoio á extinción.

No que respecta á adaptación do Pladiga á emerxencia sanitaria, o documento ten en conta os protocolos necesarios para permitir o traballo do persoal en condicións óptimas de seguridade e hixiene.

Así, establecese máis dunha ducia de instrucións e protocolos para os profesionais do Servizo, con esa finalidade.

Nesta liña, cómpre destacar tamén o esforzo realizado polos axentes ambientais e bombeiros forestais do Servizo durante a emerxencia sanitaria, levando a cabo máis de 7.000 desinfeccións nos exteriores dos centros de saúde, residencias de maiores e discapacitados e outro tipo de instalacións, como parte da súa colaboración voluntaria para previr o contaxio do coronavirus.

As desinfeccións leváronse a cabo de forma recorrente en ata 200 municipios galegos con menos de 5.000 habitantes.

Prevención A prevención é un dos piares do Pladiga 2020 contando cun investimento de 30,5 millóns de euros para traballos preventivos en preto de 46.000 hectáreas e en case 5.800 quilómetros de pistas e estradas.

Ademais, prevé a construción de 121 novos puntos de auga e o mantemento dos 3.207 xa existentes, entre outras medidas.

As actuacións realízanse en montes e terreos forestais e nas faixas secundarias de xestión de biomasa, as dos 50 metros de terreo rústico máis próximas ás vivendas. Todo isto, de acordo coas obrigas establecidas na Lei de prevención e defensa contra os incendios forestais.

Trabállase con 263 con-

Operarios traballando na limpeza do monte para a prevención de incendios. cellos e 5 mancomunidades cos que se ten convenios nos que se colabora coa actuación de vehículos motobomba, tratamentos preventivos de xeito mecanizado e a contratación durante tres meses de brigadas para o desenvolvemento de labores de vixilancia e defensa, e fanse traballos de prevención mediante o control do combustible de xeito manual.

Dentro deste plan activáronse 251 brigadas municipais, cunha superficie de actuación total de preto de 19.500 hectáreas, sumando os traballos manuais e os mecanizados. A elas cómpre engadir as case 600 hectáreas de actuación preventiva dos Grupos de Emerxencia Supramunicipais (GES).

A maiores, no plan inclúense os traballos propios das actuacións preventivas no marco do convenio de colaboración subscrito entre a Xunta, a Fegamp e Seaga. Neste sentido, poderían levarse a cabo execucións subsidiarias en case 2.600 hectáreas e actuacións de xestión de biomasa en vías de titularidade municipal ata nun

total de 2.590 km en toda Galicia. Así mesmo, nas parroquias priorizadas dentro deste convenio prevese actuar noutras 5.300 hectáreas ao longo deste ano.

Actuacións complementarias Entre outras intervencións para prevencións de lumes están a dotación de material e vehículos, o plan de pastos, a silvicultura preventiva, as aldeas modelo ou os polígonos agroforestais e que no seu conxunto supoñen un investimento de máis de 33 millóns de euros. En canto ao material, a Xunta segue coa adquisición e mantemento de motobombas, a construción e arranxos nas emisoras e bases aéreas, o aluguer de vehículos para brigadas e axentes e diferentes equipamentos e ferramentas.

A Xunta puxo en marcha, de xeito paralelo, o Plan de pastoreo de Galicia, para poñer en valor os pastos da comunidade e mellorar no aproveitamento dos recursos naturais, ao tempo que se traballa na anticipación aos incendios forestais. A iniciativa con-

templa ata 2.250 hectáreas que se recuperarán, co fin de dotar ás explotacións de máis base territorial e contribuír a facer rendible a actividade agrogandeira, co conseguinte apoio á remuda xeracional no agro e ao mantemento da poboación no rural. As aldeas modelos e os polígonos agroforestais son inicitivas destacables nas que na primeira execútase a limpeza das franxas arredor das vivendas, eliminando maleza, piñeiro, eucalipto e acacia e establécese nesa franxa actividade agrogandeira, co obxecto de que constitúa unha devasa natural fronte o lume. A previsión é de aprobar unhas 25 aldeas modelo en toda Galicia ao longo deste ano.

Actividade incendiaria Dentro do Pladiga 2020 actualízase tamén a información relativa ás Parro-

quias de Alta Actividade Incendiaria (PAAI). Neste caso, o número delas redúcese este ano en máis do 60%, ao pasar das 71 existentes no 2019 a 28 este ano. Esta cifra axústase cada ano en función de criterios técnicos, relacionados ou ben co número de lumes rexistrados nestas parroquias ou ben coa súa virulencia.

En canto ás melloras tecnolóxicas, o Pladiga 2020 potencia as aplicacións informáticas coas que conta o persoal do servizo para a loita contra o lume. Así, intégranse novas funcionalidades, como a visualización actualizada de imaxes vía satélite, a compartición de pantalla entre varios usuarios ou a implementación de shapes (formas, siluetas) provisionais de evolución do lume.

Ademais, tamén se contará con información en tempo real, para a xestión dun incendio sobre o territorio, nas propias tablets das que dispoñen actualmente os axentes e técnicos. Inclúense datos cartográficos actualizados como puntos de auga, límites administrativos ou espazos protexidos, así como busca de topónimos e puntos quilométricos, localización GPS dos recursos asignados, rutas de acceso seguidas polos primeiros recursos en chegar, información da evolución do lume e fotografía xeorreferenciada ou capacidades de edición para indicar puntos de encontro, devasas, perímetros provisionais do lume, entre outros.

A Xunta puxo en marcha, de xeito paralelo, o Plan de pastoreo de Galicia, para poñer en valor os pastos da comunidade e mellorar no aproveitamento dos recursos naturais

8

Barrios 10 de xullo 2020

PUBLICIDADE

O Centro Residencial Docente sito na Avenida da Universidade, nº 18 en Ourense.

CRD Ourense, oportunidade para estudar o que queres 4 A residencia de alumnos non universitarios de Ourense oferta preto de 200 prazas.

Redacción O Centro Residencial Doente (CRD) de Ourense (sito na Avenida da Universidade, nº 18), dependente da Consellería de Educación, Universidade e Formación Profesional, ten como destinatario ao alumnado do ensino non universitario postobrigatorio e que non dispoña na súa localidade de centros educativos para continuar determinadas ensinanzas (Bacharelato, Ciclos Formativos de Formación Profesional e ensinanzas artísticas) e na convocatoria extraordinaria de alumnado universitario.

O acceso as prazas coma alumno/a do CRD regúlase por unha convocatoria anual, para este ano ORDE do 29 de maio de 2020 pola que se convocan prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2020/21, en período ordinario. As prazas poden ser con beca completa, no caso de cumprir cos requisitos fixados na convocatoria. Así mesmo, a mediados de setembro, ábrese un novo prazo para solicitar prazas na residencia, se feita a adxudicación de prazas en período ordinario, seguen existindo algunhas prazas vacantes.

O centro está dividido en dous colexios residenciais,

que teñen cada un tres plantas con 11 habitacións e capacidade para tres persoas por habitación e 1 habitación dobre con capacidade para dúas persoas. A capacidade total do centro na actualidade sería de 198 alumnos/as residentes máis 6 bolseiros/colaboradores, é dicir 204 persoas.

Existen 6 prazas reservadas para colaboradores/ bolseiros. O acceso a estas prazas regúlase por unha convocatoria para este ano ORDE do 5 de xuño de 2020 pola que se convocan

prazas de residencia para persoas colaboradoras bolseiras nos centros residenciais docentes da Coruña, Ourense e Vigo para o curso académico 2020/21.

As persoas adxudicatarias de prazas de colaborador/bolseiro utilizarán os servizos da residencia de forma gratuíta.

Os requisitos para poder optar as prazas de colaborador/bolseiro, son. a) 18 anos cumpridos ou acadar esta idade dentro deste ano natural. b) Posuír a capacidade

funcional para o desempeño do labor de apoio no desenvolvemento da actividade diaria da residencia. c) A persoa solicitante deberá estar inscrita ou matriculada en ensinanzas universitarias de grao, máster oficial, primeiro, segundo ou terceiro ciclo nunha facultade, escola superior, escola universitaria ou colexio universitario no curso 2020/21.

O alumnado do CRD de Ourense dispón de diferentes servizos no centro: biblioteca con aula de informática con equipos de derradeira xeración e conexión gratuíta a internet, salas de estudos, comedor escolar, pavillón polideportivo e pistas exteriores de fútbol, tenis e baloncesto, ximnasio, salas de uso múltiple, salas de TV colectivas, sala de cine e conferencias, cafetería/bar, enfermaría e servizo médico no propio centro, zonas de lecer exteriores e xardíns, aparcamento privado e vixiado, ademais, dunha atención educativa e apoio ás necesidades psicolóxicas, sociais e de desenvolvemento integral, mediante a intervención do equipo directivo e educativo.

Prazo de presentación As prazas de residencia (198 en total) regúlanse

pola Orde do 29 de maio de 2020 (DOG do 9 de xuño de 2020) sendo gratuítas no caso de cumprir cos requisitos fixados (non superar o limiar 2 de renda).

O prazo de presentación de solicitudes en período ordinario é: a) Para o alumnado matriculado en bacharelato, entre o día seguinte ao da publicación desta convocatoria e o 10 de xullo de 2020 (este incluído). b) Para o alumnado matriculado en ciclos formativos, entre o día seguinte ao da publicación desta convocatoria e o 3 de agosto de 2020 (este incluído).

O prazo de presentación de solicitudes en período extraordinario, entre o 15 e o 22 de setembro de 2020, ambos incluídos.

Espazo controlado covid 19 O CRD de Ourense acreditouse por un Servizo de Prevención de riscos externo, CUALTIS, conforme desenvolveu todos os procedementos adecuados e articulou todos os mecanismos necesarios para minimizar a posible exposición do novo COVID 19, acorde coas directrices establecidas polo Ministerio de Sanidade e o resto de autoridades competentes.

O proceso de certifica-

Selo de espazo controlado COVID-19 no CRD. ción consistiu na superación dunha auditoría dos procedementos e medidas de prevención adoptadas pola entidade para actuar contra a pandemia derivada do SARS- COV-19. Os aspectos fundamentais que foron obxecto da auditoría, foron: procedementos para o control da transmisión e identificación de persoal sintomático; xestión de traballadores especialmente sensibles; procedementos de actuación se se detecta persoal sintomático; medidas organizativas implantadas (xestión e aforos, distancias de seguridade, elementos de protección, etc.); avaliacións de risco dos riscos, plans de continxencia ou plans de retorno relativos ao SARS- COV-2; equipos de protección individual; formación e información de traballadores; limpeza e desinfección das instalacións e sinalización do centro.

SOCIEDADE

Barrios 10 de xullo 2020

9

Retorno do transporte público coas máximas medidas de seguridade 4 Paulatinamente regresan os viaxeiros ao autobús, o ferrocarril e o taxi.

Redacción Coa paulatina recuperación da normalidade, tras meses de confinamento, o transporte público entra de novo nas nosas vidas para facilitar os desprazamentos cotiás.

Son moitos os cidadáns que cada día volven empregar o autobús, o ferrocarril ou o taxi para achegarse aos postos de traballo, a centros administrativos, aos equipamentos sanitarios ou aos espazos comerciais.

Desde comezos de maio estase a observar unha tendencia de crecemento na utilización do transporte público, ao terse duplicado xa o número de viaxeiros con respecto ao período de confinamento.

Nunha comunidade como Galicia, caracterizada pola súa dispersión xeográfica e polo envellecemento da poboación, cobra aínda máis relevancia a eficacia do sistema de transporte público.

Debemos e podemos viaxar no transporte co-

Coa tarxeta ‘Xente Nova’ os menores de 21 anos viaxan gratis nos autobuses interurbanos

tanto aos taxistas como aos usuarios, ao minimizar o contacto entre ambos.

Para colaborar no financiamento destes elementos de protección, a Xunta ten aberta unha orde de subvencións dotada de 300.000 euros co fin de instalar ata 4.000 pantallas.

O sector do transporte de viaxeiros é unha actividade económica punteira que xera emprego e riqueza na comunidade.

Pero tamén supón a vertebración dos territorios, a cohesión social e a mellora da calidade de vida das persoas.

A tarxeta TMG ofrece descontos nas viaxes das áreas do Plan de Transporte Metropolitano. lectivo con confianza.

Para isto, os profesionais do sector e a Administración veñen traballando da man na implantación de medidas de protección fronte ao coronavirus.

Estas iniciativas adoptadas teñen como obxectivo garantir unha mobilidade segura, tanto para os profesionais deste ámbito como para os viaxeiros.

Porque nestes tempos excepcionais, empregar os medios de transporte, do mesmo xeito que outras accións rutineiras, implica facelo de modo preventivo e aí os viaxeiros tamén deben cumprir co seu cometido.

A distancia física, o

uso de máscaras e o incremento das medidas de hixiene son regras que xa estamos a incorporar ao noso día a día. Estes hábitos na rúa ou no supermercado tamén teñen que estar presentes no uso do transporte.

Para evitar no posible os contactos e blindar a seguridade, é recomendable engadir a estas costumes o pago das viaxes con tarxetas ou dispositivos electrónicos.

Os galegos xa veñen empregando no autobús tarxetas como a TMG ou a ‘Xente Nova’, coas que a Xunta fomenta o uso do transporte público, contribúe á economía das fami-

Autobús de transporte metropolitano entre os concellos de Barbadás e Ourense.

lias e impulsa unha mobilidade máis sustentable.

Tarxetas A TMG vén permitindo nos últimos anos descontos nas tarifas das viaxes dentro das áreas do Plan de Transporte Metropolitano. Estes incentivos chegarán nos vindeiros meses a toda a comunidade, grazas á implantación do Plan de Transporte Público de Galicia na súa totalidade.

Coa tarxeta ‘Xente Nova’ os menores de 21 anos viaxan gratis nos autobuses interurbanos.

Ata agora só era posible nas áreas do Transporte Metropolitano (A Coruña,

Vigo, Santiago, Lugo e Ferrol), pero está a estenderse progresivamente ao conxunto da autonomía.

No marco desta expansión, dende o 15 de xuño este dispositivo xa pode empregarse en toda a provincia de Ourense e na área de Pontevedra. Ao final de ano estará funcionando en toda Galicia.

Estas tarxetas, ademais de achegarlle á cidadanía vantaxes económicas e sociais, están a constituír actualmente un método de pago máis seguro para evitar posibles contaxios.

Medidas O nivel de ocupación do transporte público tamén foi evolucionando de xeito paralelo á progresión da pandemia. A día de hoxe, os usuarios dos autobuses poden facer uso da totalidade dos asentos, pero sen esquecer a máscara.

Tamén os taxis ou os vehículos de turismo con condutor van voltando á normalidade, pois os viaxeiros xa poden ocupar todos os asentos traseiros, pero deixando libre o do copiloto.

Nestes vehículos, ás medidas de hixiene e prevención establecidas súmase a disposición de pantallas protectoras, que proporcionan maior seguridade

Necesidades O transporte público, precisamente, está a desempeñar un papel esencial na volta da sociedade á normalidade, facilitando estes días os reencontros co traballo, a familia ou os distintos servizos.

Para isto, cómpre dispoñer dunha rede de transporte público que responda ás necesidades dos cidadáns, pero ademais neste período que estamos a vivir, debe primar a mobilidade segura.

As Administracións veñen reforzando o diálogo co sector, a implantación de medidas de protección e as campañas de concienciación para garantir os desprazamentos seguros, pero isto non é suficiente. É preciso sumar os esforzos do conxunto da sociedade, polo que está nas mans dos cidadáns tomar as precaucións necesarias.

Debemos actuar con responsabilidade, por nós e polos demais.

Os usuarios dos autobuses poden facer uso da totalidade dos asentos, pero sen esquecer a máscara

10

Barrios 10 de xullo 2020

DEPORTES

EN BREVE

Allariz presenta dous campus deportivos de verán

4 Terceira Unha semana falta para que Ourense CF e Barco xoguen o playoff exprés (que se disputa en Balaídos) para o ascenso a Segunda división B. Os de Valdeorras xogarán ante o Compos o sábado 18 e os capitalinos contra o Arousa ao día seguinte. Ámbolos dous encontros comezan ás 19.30 horas.

4 Fútbol sala

O Ourense Envialia leva catro incorporacións polo momento: Iria Saeta, María Arias, Jenny Lores e Andrea Feijoo.

Pola súa banda, o Cidade vén de anunciar a renovación de tres xogadoras.

4 Serán no mes de agosto.

Foto de familia dos premiados do Sala Ourense. /C.DOMARCO.

Sala Ourense No Centro Médico El Carmen celebrouse a última entrega de trofeos aos mellores xogadores do Sala Ourense. Foron os mellores do mes de febreiro, último mes no que se disputou as ligas de fútbol sala debido á pandemia provocada pola COVID19.

Os galardóns recaeron en Óscar Alcantarilla “Aceites Abril Gran Selección” e Gustavo Saiba “Gadeca”. Ademais, o club quixo recoñecer a gran tempada do equipo filial EDO Sala Ourense do Preferente Sur, entregando un trofeo ao seu capitán, Fernando Xusto, e adestrador, Luís Pampín. Fixo o propio co primeiro equipo, polo seu brillante quinto posto que dá dereito a xogar a Copa do Rei, coa entrega doutro trofeo para Rubén Pérez e Kike García.

Aproveitouse a ocasión para homenaxear aos sanitarios coa entrega de dous trofeos á Doutora Angélica Amaya e á enfermeira Uxía Alonso.

Pautas da próxima LEB Ouro 4 A FEB aproba as bases da tempada 2020-21.

R. Torres O Club Ourense Baloncesto vai coñecendo como será a vindeira tempada da LEB Ouro.

A novidade máis destaca é o sistema de competición. A LEB Ouro contará con 19 equipos (se non se fan efectivos os ascendos á Liga Endesa de Valladolid e Gipuzkoa serán finalmente 21) os cales

dividiranse en dous grupos de 10 e 9 equipos, respectivamente. Os cinco mellores de cada grupo xogarán polo ascenso (denominado grupo de Clasificación).

Ao remate desta fase (Liga Regular) o primeiro clasificado ascenderá á Liga Endesa. O outro ascenso dilucidarase tras xogarse, primeiro, unha rolda de cuartos e, posteriormente, unha Final Four. O vence-

dor desta final a catro será o segundo equipo en subir de categoría.

Pola contra os cinco peores clasificados dun grupo e os catro doutro xogarán pola permanencia. Destes, os catro últimos descenderán á Liga LEB Prata.

Datas As datas máis relevantes do vindeiro curso son o inicio da competición, venres 16 de outubro; a Copa Princesa de Asturias, venres 22 de xaneiro; o final da primeira fase, venres 5 de marzo; o final da Liga Regural (venres 14 de maio); cuartos de final (do xoves 20 de maio ao venres 4 de xuño) e a

Final Four, os días 12 e 13 de xuño.

Fichaxes O COB comeza pronto no mercado e a primeira fichaxe será o escolta do Obradoiro, David Navarro. Pola contra, Txemi Urtasum a quen querían renovar vaise ao Alicante.

Partido do COB./CD.

Redacción Concello de Allariz, CD Allariz e Ociosaugal presentaron as actividades deportivas a celebrar en na vila alaricana durante o mes de agosto.

A programación contará con dous campus. O primeiro será o Campus Allariz de fútbol co método Coerver, do 3 ao 7 de agosto. A segunda actividade programada é Campus Multideporte e será do 10 ao 14 de agosto.

Será unha semana chea de actividades ao aire libre, nos diferentes espazos verdes que existen en Allariz, con variedade de xogos e dinámicas.

O horario dos dous campus serán das 9 ás 13 horas e o punto de encontro será a Cidade Deportiva do Seixo. As prazas son limitadas e contarán cun protocolo de medidas

establecidas para o mesmo aportando seguridade aos nenos e as nenas e as familias.

Durante a presentación, Helena Suárez, concelleira de Deportes, sinalaba a importancia destas actividades para as familias para poder conciliar. Por outra banda, as familias interesadas nesta actividade que teñan dificultades para asumila poderase valorar a través de Benestar Social do Concello de Allariz, unha axuda para a actividade.

Dende o CD Allariz vaise a sortear entre os inscritos a actividade que pertenzan as escolas deportivas do club, unha matrícula gratuíta para o campus.

Información Para máis información sobre as actividades consultar na web ociosaugal. es, no 600 826 238 ou no facebook de Ociosaugal.

Presentación dos campus deportivos de Allariz.

ECONOMÍA

Barrios 10 de xullo 2020

de excepcional.

Para afianzar este selo de calidade entre os consumidores, vense desenvolvendo unha intensa actividade de promoción. O pasado ano, Galega 100% estivo presente en diversos eventos relacionados coa gastronomía ou co deporte, caso do Forum Gastronómico da Coruña, a feira Xantar de Ourense ou Expordes. Así mesmo, fíxose promoción do seu consumo nas carreiras pedestres de Santiago, Porto do Son e Frades e en varios partidos de baloncesto na cidade das Burgas.

Como parte desta actividade, repartíronse máis de 60.000 unidades de bri-

11

ks de leite amparado coa marca de calidade Galega 100%, xunto con folletos nos que se facilita ao consumidor información sobre como identificar este leite nos diferentes puntos de venta e coñecer as garantías e o significado da marca.

En menos dun ano, Galega 100% consolidouse como a referencia indiscutible do leite de calidade producido e envasado en Galicia

Galega 100% ofrece un produto da máxima calidade.

Consolídase no mercado o selo lácteo “Galega 100%” 4 Este selo, impulsado pola Xunta, avala e identifica o leite galego de calidade diferenciada.

Redacción A Xunta impulsou Galega 100% o selo lácteo consolidado no mercado, que avala e identifica o leite galego de calidade diferenciada. Ademais, nútrese do leite producido nas ganderías incorporadas ao Rexistro galego de

explotacións de calidade diferenciada.

Este selo saía ao mercado o 7 de febreiro de 2011 como a única identificación que avala o leite galego de calidade diferenciada. Deste xeito, Galega 100% ofrece un produto da máxima calidade, suxeito aos controis dos ser-

vizos veterinarios oficiais da Xunta de Galicia, e garantido pola certificación de calidade do Laboratorio Interprofesional Galego de Análise do Leite (LIGAL).

A posta en marcha desta marca respondeu á aposta da Xunta pola valorización do leite galego, unha vella demanda do sector.

En menos dun ano, Galega 100% consolidouse como a referencia indiscutible do leite de calidade producido e envasado en Galicia. Arrancou con catro marcas comerciais (Leyma, Feiraco, Larsa e Deleite) ao que se foron sumando moitas outras, ao longo deste tempo.

Sector estratéxico Galicia é unha das primeiras rexións europeas produtoras de leite polo que é un claro sector estratéxico para Galicia.

Prodúcese case o 40%

Liña de supermercado con venda de leite galega.

do leite de España e localízase máis da metade do total nacional de explotacións lácteas. O pulo deste sector ponse de manifesto tamén porque os máis de 7.000 gandeiros galegos facturan anualmente uns 800 millóns de euros e a produción de leite no 2019 chegou preto dos 2,8 millóns de toneladas, consolidando a Galicia como líder indiscutible no ámbito nacional.

Deste xeito, o selo Galega 100% ofrece un produto da máxima calidade, que permite ao consumidor unha identificación fácil e sinxela, o que contribúe a poñer en valor este produto nos mercados. O consumidor que escolla un produto no que aparece este distintivo, ten a seguridade de estar consumindo un produto de Galicia, e dunha calida-

Galicia é unha das primeiras rexións europeas produtoras de leite: máis de 7.000 gandeiros galegos facturan anualmente uns 800 millóns de euros

En tendas de barrio tamén apostan polo produto galego.

4 Galicia Calidade O selo de Galicia Calidade englobará, identificará e potenciará os produtos galegos con denominación de orixe, indicación xeográfica protexida ou que cumpran requisitos de excelencia en produción ou transformación. Galicia Calidade amparará tamén os produtos derivados das razas gandeiras autóctonas galegas, dándolle así un valor engadido a estas producións, así como o selo Galega 100%, que recoñece e distingue o leite de calidade diferenciada producido nas explotacións leiteiras da nosa comunidade e o selo pescadeRías.

O obxectivo marcado para este ano 2020 é dar a coñecer este novo impulso, mediante un plan de acción estratéxico

dirixido a prescriptores nacionais e internacionais, cun calendario que se estrutura en tres chanzos -galego, nacional e internacional. Esta planificación culminará co “I Congreso Internacional de Galicia Calidade”, que permitirá aos expertos coñecer empresas galegas representativas do rural e afondar no concepto da Dieta Atlántica, que será a punta de lanza para transmitir e poñer en valor o carácter saudable da produción galega.

Ademais, cómpre resaltar que Galicia Calidade vai ser unha aposta transversal que se enmarca na Galicia Verde, a Galicia Innovadora (formación e investigación), a Galicia Moza e a Galicia Familiar.

12

Barrios 10 de xullo 2020

XINZO DE LIMIA

EN BREVE

Créase un observatorio local

4 SLG O Sindicato Labrego Galego, tras celebrar unha asemblea de produtores e produtoras de pataca en Xinzo de Limia, acordou reclamarlle á Xunta unha liña de axudas para compensar as perdas económicas provocadas polas restricións do estado de alarma para enfrontar a pandemia da Covid-19. A pesar de que Medio Rural tentará dar saída, ao excendente, coa iniciativa Mercaproximidade, desde o sindicato aseguran que moitas explotacións quedaron con millóns de quilos sen vender.

Por iso, dende o SLG, piden que a Consellaría de Medio Rural inclúa o sector da pataca entre os máis damnificados pola pandemia da Covid-19 e cree axudas para compensar as perdas sufridas e para garantir a continuidade das explotacións.

4 Ciclo O IES Cidade de Antioquía implantará durante o próximo curso un ciclo medio de formación profesional dual de produción agropecuaria, que compaxinará as prácticas remuneradas en empresas da comarca coa formación no centro educativo, case a partes iguais.

4 Pádel Unha demanda por parte dos veciños de Xinzo está cuberta coa estrea de dúas pistas de pádel situadas no complexo deportivo das piscinas municipais. Para facer uso delas é preciso reserva con 24 horas de antelación, pedindo cita por teléfono (988 550507) ou ben de forma presencial, na recepción das piscinas climatizadas.

4 Que fará seguemento das persoas máis vulnerables.

Redacción A alcaldesa de Xinzo, Elvira Lama, acompañada das persoas contratadas.

Contratadas 10 persoas para dar apoio ás brigadas municipais 4 Incorpóranse durante nove meses.

Redacción O Concello de Xinzo formalizou a contratación de 10 persoas en risco de exclusión social, todas elas perceptoras da Renda de Inclusión Social de Galicia (Risga), a través de tres subvencións da Xunta de Galicia que suman 100.772 euros.

Así, oito mulleres e dous homes incorporáronse o día 1 de xullo e realizarán, durante 9 meses, diferentes traballos dentro das brigadas municipais de medio ambiente e obras, reforzando así os equipos xa existentes e, sobre todo, facendo unha labor de colaboración social. Deste xeito, dende o goberno local contribúese a paliar os efectos da crise económica que se aveciña, especialmente entre as familias con maiores necesidades.

Por unha banda búscase “mellorar a prestación dos servizos munici-

pais”, explican os responsables das áreas ás que se van incorporar, o concelleiro de obras Ramón Gómez e o de Infraestruturas Rafael Penabad, pero sobre todo queremos facilitar “a reinserción laboral dos beneficiarios e beneficiarias”.

Posta ao día A incorporación destas 10 persoas permitirá avanzar na posta ao día das tarefas de mantemento de espazos públicos da vila, atrasadas como consecuencia do parón pola crise sanitaria. “Esperamos cumprir cun dobre obxectivo; por un lado, prestar máis e mellores servizos á cidadanía e, por outro, aumentar a empregabilidade de quen máis o necesita”, subliña a alcaldesa, Elvira Lama.

As contratacións foron formalizadas, despois dun proceso de selección levado a cabo por un grupo mixto no que por primeira vez estivo presente unha traballadora social do Con-

cello. Todas as persoas que concorreron ao proceso eran demandantes de emprego e a convocatoria fíxose a través do Servizo Público de Emprego de Galicia, dependente da Consellería de Economía, Emprego e Industria.

A documentación para optar a esta axuda autonómica por parte de Concello de Xinzo presentouse no mes de febreiro, antes de que se desencadease a crise do coronavirus, e forma parte do impulso que os Servizos Sociais municipais e as concellerías implicadas lle queren dar á inclusión social no Concello de Xinzo.

A incorporación destas persoas permitirá avanzar na posta ao día das tarefas de mantemento de espazos público

O Goberno municipal de Xinzo de Limia crea un observatorio xunto a Cáritas, O Viso e Cruz Vermella, para detectar persoas con necesidades.

Deste xeite, o Concello limiá move ficha dando pulo aos servizos sociais agora que entramos nun período de incerteza económica e social e, posiblemente, nunha crise profunda como consecuencia da Covid-19.

Desde servizos sociais entregáronse, durante o período do estado de alarma, vales para a compra de produtos frescos, alimentos perecedoiros e se atenderon recibos de subministracións básicas aumentando as familias demandantes durante esta crise sanitaria (pasouse de atender a 90 familias a 100 e 322 persoas).

Agora, o que pretenden é adiantarse ás próximas necesidades da poboación máis vulnerable, facéndoo dun xeito coordinado para optimizar recursos e chegar á maior cantidade posible de xente. para elo, créase este obsevatorio co que se pretende facer un seguimento a persoas vulnerables e con necesidades e tratar de anticiparse ás necesidades.

Chamamento Con este obxectivo, a alcaldesa, Elvira Lama, e o concelleiro de Servizos

Sociais, Alberto Martínez, convocaron a todo o terceiro sector de Xinzo para deseñar unha estratexia conxunta de cooperación. Á reunión asistiron, ademais de persoal municipal, representantes de Cruz Vermella, Cáritas e o CDR O Viso. O primeiro acordo, en base precisamente a esa necesidade de coordinación, é o de manter unha reunión mensual.

Colaboración Os servizos de Cruz Vermella atenderon durante a pandemia, a través do programa “Responde”, a 46 unidades familiares.

Cáritas, que estaba a atender a unha media de 50 familias antes da pandemia, atende agora a 66. Desde o CDR O Viso están a atender a 120 familias de toda a comarca, das cales 38 son de Xinzo. Durante a pandemia ocupáronse de seis familias máis. As tres entidades adicáronse a entregar vales para comida, alimentos de primeira necesidade ou o pago de recibos de subministracións básicas, respectivamente.

A alcaldesa de Xinzo, Elvira Lama, invitou a sumarse á iniciatica a todas as entidades que queiran sumar e unir esforzos.

Na primeira reunión participaron Cruz Vermella, Cáritas e CDR O Viso

4 Expropiacións A Xunta de Galicia procede a aboar os xustiprezos do solo expropiado para a ampliación do parque empresarial de Xinzo. Supoñen un preto de 170.000 euros repartidos entre 12 fincas (116.619 m2).

Primeira reunión do Observatorio local de Servizos Sociais. /CdX.

XINZO DE LIMIA

Actividades para todos en verán 4 Están programadas máis de 60 nas fins de semana.

A alcaldesa e os concelleiros de Obras e Medio Rural, visitando as obras.

Circunvalación para Xinzo de Limia 4 Grazas a acordos con 40 propietarios.

Redacción O Concello de Xinzo transformará tres pistas (Cepetal, Sitibal e Travesía do Bouzo), cun ancho de 6 metros, nunha circunvalación cun ancho total de 16 metros, con beirarrúa e aparcamento.

Esta obra é posible grazas a acordos con 40 propietarios dunha intensa negociación.

A reformada estrada terá unha lonxitude de case 2 quilómetros e unirá a N-525, e polo tanto a autovía A-52, coa OU-301 (estrada de Lamas). Esta actuación inclúe a dotación de servizos básicos de saneamento, abastecemento, alumeado e beirarrúas no tramo das pistas Cepetal e Sitibal.

A obra, que xa está en marcha, foi adxudicada á empresa ASFAVAL Técnicas Viarias S.L. por importe de 646.863 euros,

Rega Redacción A alcaldesa de Xinzo, Elvira Lama, xunto aos concelleiros de Medio Rural e Obras, Amador Díaz e Ramón Gómez, e ao subdelegado do Goberno, Emilio González Afonso, mantiveron unha reunión con representantes dos produtores de pataca, principalmente da zona de Lamas e Ganade. O motivo foi o de buscar unha solución transitoria que lle permita seguir regando sen expoñerse

sobre unha base de licitación de 912.000 euros e cun prazo de execución de 8 meses.

O proxecto foi reformulado polo empeño do actual goberno local o que permite transformar o que ía ser unha pista asfaltada cunha senda peonil e sen ningún tipo de servizo nunha circunvalación importante para a comarca.

Melloras Esta obra forma parte do paquete de actuacións para mellorar a mobilidade en Xinzo e que incluía actuacións na Avenida de Madrid, na avenida de Celanova e nas pistas de conexión da N-525 coa OU-531. Todas estas están pendentes de ser entregadas e recibidas polo Concello, que é o promotor das obras, en base a un orzamento total de 2,1 millóns de euros. a sancións económicas e outra definitiva, xa a medio prazo, para un plan de regadío que resolva, dunha vez por todas, un problema histórico deste colectivo.

E para elo a alcaldesa, encomendoulle na mesma reunión a Amador Díaz, concelleiro e produtor, que se ocupe de explorar e atopar solucións definitivas para esta situación.

“Para este goberno será unha prioridade atopar unha solución definitiva a este problema”, remataba Lama.

Redacción Despois de ter que suspender as súas festas patronais, o Concello de Xinzo reinventouse para organizar (sempre con todas as medidas sanitarias e aforo reducido) unha ampla programación cultural e deportiva para os meses de xullo e agosto. Desde a pasada fin de semana, non haberá ningunha, nestes dous meses, que non conte con, alomenos, dous eventos, incluso haberá actividades algún venres.

Desde o Concello pre-

tende que despois de ter vivido os que “posiblemente” foran “os peores meses das nosas vidas”, agora toca que este sexa “o mellor verán” para os veciños e veciñas de Xinzo de todas as idades despois do “sacrificio realizado” apuntan desde o Goberno local.

Programa O programa vertébrase sobre catro piares.

O Verán Cultural traerá á vila alaricana música, monólogos, teatro, maxia, monicreques, humor O Xinzo Fit contará con

Barrios 10 de xullo 2020

clases gratuítas dirixidas a todas aquelas persoas que queiran facer deporte na Alameda do Toural.

Os martes e os xoves as 19:30 e as 20:30 e os domingos pola mañá.

Durante a Semana do Esquecemento(do 17 ao 23 de agosto) realizaranse actividades relacionadas coa festa histórica -que foi suspendida- como son obradoiros, exposicións, desfiles, espectáculos, xogos populares e un xantar limitado a 250 persoas.

E tres serán os campamentos que poderán gozar os máis pequenos como é o Infantil que haberá un por quincena en xullo e agosto; a da Fundación Celta de Vigo, do 13 ao 17 de xullo; e Campus de Baloncesto Salva Arco (na semana do 2 ao 9 de agosto).

Presentación das actividades de verán por parte da alcaldesa, Elvira Lama, e os concelleiros de Cultura, Ramiro Rodríguez, e Deporte, Rafa Penabad.

Flores para homenaxear aos sanitarios 4 Premiarase aos balcóns mellor decorados.

Redacción O Concello de Xinzo quere manter a homenaxe aos sanitarios, nesta ocasión substituíndo os aplausos por flores. Por iso, organiza un concurso que busca o embelecemento de balcóns e fiestras aproveintando o acondicionamento levado a cabo das zonas axardinadas, así como á instalación de novas xardineiras. A inscrición pode realizarse ata o 15 de agosto cubrindo un impreso que se pode des-

cargar na web www.xinzodelimia.gal ou solicitalo no primeiro andar da Casa Consistorial, en Información. A entrega pode realizarse presencialmente ou ben a través do correo electrónico concello@xinzodelimia-ayto.com. Ademais, a cada participante entregaráselle unha planta ata fin de existencias.

Esta iniciativa trae consigo continuar co agradecemento ao esforzo realizado polos sanitarios.

Premios Recibirán

premio

os

catro balcóns ou xanelas máis belos (os dous mellores da vila e outros dous dos pobos), debendo utilizarse sempre plantas vivas e visibles dende a rúa polo xurado. Os participantes terán liberdade para embelecer os seus balcóns e xanelas, pero sempre respectando a contorna e garantindo a seguridade.

O premio será, para os catro, un bono de 100 euros para gastar en comercios de Xinzo.

O xurado, que valorará a orixinalidade e creatividade da composición, a calidade ornamental, a harmonía e deseño do conxunto e a laboriosidade, visitará os balcóns e xanelas adornadas con flores e plantas durante o mes de xullo e agosto. O fallo e a entrega de premios terán lugar o 30 de agosto.

13

EN BREVE

4 Pleno No primeiro pleno celebrado tralo estado de alarma o Concello deu luz verde a inversións por 1,8 millóns de euros. Aprobouse para este ano un orzamento de 8 millóns de euros, condicionado “por un obrigado plan de axuste que o Concello levaba anos incumprindo”, explicaron desde o goberno local. A corporación respaldou por ampla maioría a demolición da presa de Gudín e a recuperación das infraestruturas hidráulicas do mosteiro de Trandeiras.

4 Desinfección Xinzo desinfecta instalacións e espazos públicos con dous vehículos, máquinas vaporizadoras e de ozono. Neste tempo incorporou ao seu parque móbil unha motobomba de Medio Rural, que adicará a extinción de incendios, tarefas de limpeza, baldeos e desinfección.

Ademais adquiriu dous vaporizadoras con líquido bactericida e viricida e dous xeradores de ozono para empregar nos centros e vehículos municipais.

O xurado do presente concurso estará integrado por un representante de cada grupo municipal e por tres veciños que queiran participar na deliberación.

Flores adornando a escultura da Pantalla.

14

Barrios 10 de xullo 2020

4AXENDA Exposicións - Ata setembro - VI edición de cromática Bienal de Pintura Joven - Museo Municipal - Exposición permanente de gaitas- Museo da Cornamusa (Campus Universitario) - Exposición permanente “Os nosos fondos” - Museo Municipal Teatro - 10 de xullo - Miteu: África en el corazón - 21 h - Teatro principal - 11 de xullo - Miteu: Pobre Janucá de fiesta y luz - 20 h - Teatro Principal - 11 de xullo - Miteu: Dolce salato - 21.30 h - Praza da Biblioteca Nova - 12 de xullo - Miteu: Mati e os superpoderes - 19 h - Mati e os superpoderes - 13 de xullo - Miteu: Morder-te o coração - 21 h - Teatro Principal - 14 de xullo - Miteu: Imperator - 21 h - Teatro Principal - 15 de xullo - Miteu: Mónica Sueiro (Quince minutos) - 21 h Teatro Principal - 15 de xullo - Miteu: Imperator - 21 h - Teatro Principal Outros - 11 de xullo - Miteu: Tomamos un café: charla con Gorsy Edu. Teatro africano - 18 h - Mur Marxinal - Os días 21, 23 e 28 de xullo - Masterclass: “Como mellorar a colaboración e a comunicación dos equipos” - 11h - La Molinera www.periodicobarrios.com

Dous campementos en Muíños Redacción O complexo turístico do Corgo (Muíños) acollerá este verán, novamente, os campamentos “Explora Ourense” e “Natur-Camp”, que ofrecerán actividades deportivas,

OCIO E CULTURA / ARTIGOS

4DECRECENDO

4HUMOR

Decrecemento e política O próximo 12 de xullo celébranse as eleccións á Xunta de Galicia. Os partidos máis representativos presentan as súas solucións que de vello xa se coñecen.

De súpeto, todos os problemas teñen arranxo, tanto polos partidos que levan lustros no goberno como aqueles que aspiran a gobernar. Todos teñen solucións aos problemas cos que levan convivindo anos e evitando dar resposta. Todo sexa pola cota de poder que se esta a ofertar.

O problema de case todos os nosos partidos políticos é que fan unha diagnose errada das difíciles condicións sociais e económicas que estamos a atravesar e pretenden utilizar ferramentas vellas que non poden dar solucións á esas situacións.

Nesta campaña electoral xurdiron frases como que Galicia está a perder músculo industrial a marchas forzadas, hai que aportar axudas a autónomos, pero tamén á automoción ou ás aeroliñas, non se pode deixar atrás aos pequenos e medianos empresarios, hai que fomentar a economía verde e azul, intervir Alcoa e deseñar alternativas sostibles que creen emprego.

Nin unha soa palabra sobre a ausencia brutal de recursos que está na base deses graves problemas industriais, nin unha soa palabra do esgotamento dos combustibles fósiles nin do futuro

encarecemento enerxético, nin unha soa palabra sobre o colapso social que se nos bota por riba, da fantasía do pago das pensións, do insostible da renda mínima universal, vital ou como queiran chamala. Teñen o punto de vista totalmente desenfocado, xogando coas regras mais clásicas do capitalismo agónico que estamos a sufrir.

En definitiva, nin unha soa mención ao proceso de Decrecemento que deberíamos asumir para que os cambios duros que se achegan non acaben coa esperanza dunha vida mellor. En prol da xustiza, o partido EQUO Os Verdes menciona o Decrecemento no seu programa electoral pero tamén arrastra influencias dos sistema de oferta e demanda que deixa algunhas manchas no seu ideario. Non vou negar o desexo de que as opcións verdes de Galicia e España vaian acadando mais forza nesta cita e en futuras citas electorais, do mesmo xeito que aconteceu en Francia, porén esas opcións políticas verdes deberían ser máis valentes, deixar atrás os discursos “boístas”, politicamente

culturais, musicais e de natureza aos ourensáns de entre 9 e 17 anos.

par poderán inscribirse ata o 16 de xullo. Para saber máis en: exploraourense.com.

“Natur-Camp” é un campamento que ofrecerá á mocidade de 12 a 17 anos que se desenvolverá do 25 ao 31 de xullo. Iniciación ao canto, á guitarra, ao baile moderno (para o que non é necesario ter coñecementos previos), ademais de sendeirismo, actividades

Campamentos “Explora Ourense” acollerá a 50 rapaces de entre 9 e 14 anos, en diferentes quendas. A sexta edición desenvolverase do 1 ao 6 de agosto para 25 rapaces de 12 a 14 anos; e do 7 ao 12 de agosto, para 25 rapaces de entre 9 e 11 anos.

Os interesados en partici-

correctos, desfacerse das correas do mercado e da publicidade e amosar a realidade e o seu futuro como veñen.

Cando vaian votar lembren que o partido seleccionado non será capaz de cumprir as súas promesas, sexa por escuros “comportamentos do mercado” en caso dos que xa están no goberno ou sexa pola “herdanza recibida” dos que acaban de chegar. A realidade é que non hai recursos e os poucos que poida haber serán arrincados das nosas mans, da nosa suor e do noso sangue.

Vaian a votar, se o desexan, pero non esquezan asumir o Decrecemento. Óscar Blanco

Nin unha soa palabra -en campaña- sobre a ausencia brutal de recursos que está na base deses graves problemas industriais

Fonte: Internet.

náuticas, escola de patinaxe, son algunhas das actividades. Os interesados en participar poderán inscribirse desde mañá ata o 15 de xullo.

Máis información na web de La Casa de la Música. Tamén se pode presentar a inscrición no rexistro da Deputación de Ourense.

Cada unha das actividades ten unha cota de 88 euros.

4DESDE O OUTRO LADO DA RAIA

Colesterol Cando ouvimos falar en colesterol, pensamos pronto en ovos e ataques cardíacos. Mais non é iso, forma parte si, do kit de reparación das arterias e está determinado a axudarnos nas lesións da parede arterial, sexa por causa da nicotina, das fatias de queixo de máis, do exceso da graxa (LDL), falta de exercicio ou até en casos raros, por razóns hereditárias.

O colesterol non é unha doenza, é unha condición física que nos pode ocorrer. Agora os valores recomendados son indicados con bastante esaxeración, pois aínda hai poucos anos, os valores de referencia eran moito máis altos.

Tense afirmado moi que a maior parte das persoas que sofren AVCs, non sempre ten o colesterol alto e que esta situación só é considerado un gran risco, cando supera moito os límites, ou asociado á hipertensión e as artérias deteriora-

das, ou sexa, obstruídas.

Razón pola cal, os nosos cardioloxistas se preocupan máis en recomendar o exame do estado das arterias, designado "cronografía por tomografía computorizada".

Ninguén ten dúbidas que os comprimidos para baixar o colesterol tornáronse nos medicamentos máis rentables do planeta.

Serán unha solución ou un estraexia? Hai profesionais de saúde credenciados que nos ofrecen en varias situacións, unha solución que nin sempre pasa por medicamentos, nin cirurxías.

Nestos, a gran maioría das persoas, pasa por alto os beneficios dunha alimentación correcta en detrimento da comodidade da toma do comprimido, deixando para segundo plano os graves efectos secundarios desta "bomba" silenciosa.

Teñamos sempre presente que o colesterol fai falta no noso organismo para que opere e funcione ben.

João Damião

ARTIGOS / CLASIFICADOS

Barrios 10 de xullo 2020

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara Nº128 - Ano: XIII - 10 de xullo de 2020 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 988 04 53 52 / 685 969 546.

Concertos de jazz en Ponte Vella 4 O Concello amplía a oferta cultural de verán.

Redacción O Concello amplía a oferta cultural de verán con catro concertos de Alfonso Medela Trío, acompañados por Diana Tarín, na terraza do Centro Comercial Ponte Vella. Serán os mércores 15 e 29 de xullo e12 e 26 de agosto, ás 20:30 horas e de balde, pero con todas

as medidas de seguridade garantidas. “Esta é unha cidade de jazz”, afirmaba o concelleiro de Cultura, Mario González, que non atopa espazo mellor para estes concertos que o elixido: “un espazo público, co río Miño e a Ponte Vella de fondo”.

Marcos Vila, xerente de Ponte Vella, pola súa ban-

Presentación dos concertos en Ponte Vella.

da, comentou que o centro comercial colaboraba nesta iniciativa en temas de seguridade.

Gonzalo Pérez, alcalde de Ourense, concorda con que tanto o emprazamento coma os horarios son todo un acerto.

Medela Alfonso Medela é un recoñecido pianista e compositor do Carballiño. Profesor superior de Piano, é especialista en Jazz e Música Moderna, así como creador de máis dun cento de temas propios. Nestes concertos estará arroupado pola súa formación habitual e acompañado pola voz de Diana Tarín.

Os concertos terán lugar os mércores 15 e 29 de xullo e 12 e 26 de agosto ás 20:30 horas

4EMIGRANTE EN ALEMANIA

“A vida é como unha caixa de bombóns...

Nunca sabes o que che pode tocar” Os primeiros momentos tras a chegada ao novo país son de euforia, de novas sensacións, pero pode chegar a converterse nun proceso de duelo, xa que perdiches algo, estás lonxe dos teus. E por último vén a nostalxia. Segundo os psicólogos existe a nostalxia do emigrante, e tamén pode causar trastornos psicolóxicos graves.

Esta enfermidade foi descrita por primeira vez por un médico suízo, Johann Höfer, no século XVII, que supervisara un grupo de soldados que, pensando todo o día na súa terra, manifestan signos de depresión e outros síntomas como insomnio, perda de

apetito, hiperventilación, ansiedade, e mesmo febre.

Axiña que como os soldados regresaban a casa os síntomas ían desaparecendo. Alí quedou a nosa árbore xenealóxica, a familia. Cando chega o Nadal e fin de ano, como zombis celebramos e rimos, pero a nosa risa é amarga pensando en engúrralas na pel da nosa nai e nas caras dos nosos irmáns e de máis familia.

Perdémonos a infancia dos nosos sobriños, o paso á terceira idade dos nosos pais.

Se temos bágoas tragámonola e sempre mostramos o mellor sorriso.

Dános felicidade falar con

eles, axudarlles. Facémonos responsables dos seus problemas e tamén dos nosos.

A nosa gran loita. Xa non somos españois , xa non somos de ningún sitio, aínda que teñamos a nacionalidade. Morren os nosos seres queridos e moitos non puidemos viaxar a dar o último adeus.

A todos nós que fomos guerreiros, fomos estoicos en aguantar os golpes, aguantar un frío que nos cala nos ósos, aguantar moitas veces racismo, e incomprensión, para todos nós, Unha Gran Homenaxe, un aplauso.

José Mateos Mariscal

4ANUNCIOS CLASIFICADOS [Deixe o seu anuncio no 988 045 352 ou en info@periodicobarrios.com. Gratuítos para particulares]

INMOBILIARIA Alugo baixo na zona do Couto totalmente acondicionado. Con luz, auga, 70 m2. Prezo 300 euros.

Tel: 653 208 506 Alúgase perruquería.

Tel. 672 08 93 49 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029.

Vendo casa pola estrada de Santiago, con finca.

Para restaurar. Tel.: 672 089 349.

Alugo oficina na rúa Progreso. Exterior. Prezo económico Tel.: 672 089 349.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Vendo casa na zona de Rante (a 8 km de Ourense). 3 dormitorios, terreo, pozo de auga e garaxe.

Prezo 49.800€. Tel: 606 422 543 Alugo casa de campo na provincia de Ourense con finca e pozo. En boas condicións. Tlf: 657 945 665 Alugo oficina económica de 15 metros cadrados, amoblada, con baños comunitarios por 100 € máis 7 de comunidade.

C.E:C. Tel.: 627 203 131

Véndese o alúgase un piso na estrada de Vigo. Preto do Lidl. Amoblados. Bo prezo. Tel.: 988 234 342.

Alugo almacén pequeno en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24.

Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62.

TRABALLO Ofrécese auxiliar de enfermaría, con titulación, para o coidado de maiores.

Como interna ou por horas.

En Ourense ou arredores.

Telf.: 663 043 561 Danse clases de francés a domicilio. Todos os niveis.

Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital.

Todos os niveis. Tamen materias curriculares de ESO e Bacharelato. As clases son individuais e personalizadas. Ampla experiencia. Excelentes resultados.

Económico. Interesados enviar WhatsApp ao 610 38 25 89.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario.

Tel: 686 005 358.

Fanse desbroces en tractor e a man. Tlf.: 63 521 448 Ófrecese señora seria e responsable para tarefas do fogar e coidado de nenos e maiores. Con informes.

Preferencia zona Ponte.

Tlf: 685 374 191.

Busco traballo en desbroces con tractor ou condutor de camión e carretillas.

Ampla experiencia. Tel: 637 282 405.

Busco mozo como asistente persoal con certificado de atención a persoas en situación de dependencia ou con auxiliar de enfermería.

Boas condicións laboraia Tel.: 679 699 508.

Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173.

Coido ou acompaño a maiores enfermos polas noites. Económico. Tel.: 616 361 548.

VENDAS Vendo mesa escritorio.

15€. Tel: 666 303 635.

Véndense dous lavacabezas de perruquería. Tel.: 672 089 349 Vendo cama hospitalaria articulada en bo estado, con colchón anti-escaras.

Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Vendo cubas de viño grandes, ideais para decoración ou facer portas locais. Tlf.: 606 133 522 Véndese mampara nova.

Tel: 672 089 349.

Véndense traxes de cabaleiro moi antigos en bo estado, ideal para Entroido.

Prezo 10€. Tel: 610 979 897.

Compro moble de cociña completo. Tel: 988 247 824.

Vendo escritorio. Como novo, bo prezo. Tel: 672 089 349.

Vendo estufa de frío e calor. Tel: 672 089 349.

Vendo caldeira de gasoil Tel: 672 089 349.

Vendo hormigonera de 280 litros e maquinillo / grúa (a gasolina). Tel.: 988 23 47 91 Vendo maquina de coser industrial (dobre arrastre).

Tel.: 630 587 527

Barrios 10 de xullo 2020