Agosto de 2016 - Ourense por Barrios

[Páx. 2-3]

Entrevista ao concelleiro de Deportes, Mario Guede BARRIOS

Páx.4

Outariz será sometida a unha posta a punto

BARRIOS

Páx.5

Identificados por verter lixo preto do Pazo de Ramirás

Últimos días de obras da rúa Concello

BARRIOS

Páx.7

A Xunta de Galicia iluminará a pasarela peonil de Oira

[Páx. 3]

A VALENZÁ

Páx. 8

Piden un ascensor e unha pasarela para o centro de saúde

DEPORTES Páx. 22 Os ourensáns engánchanse a La Vuelta a España

Abre o centro de saúde do Couto [Páx. 4]

O centro de saúde do Couto xa está listo para a súa apertura prevista para o luns 5 de setembro pese as discrepancias sobre a súa licenza.// Seis meses despois do comezo das obras, a piques de reabrir ao tráfico a rúa Concello./M. REJO E P. LODEIRO.

Número: 19- Ano: XV - Agosto 2016 - Depósito Legal: OU 15-2015 - Periódico mensual de distribución gratuíta www.periodicobarrios.com - OURENSE POR BARRIOS volve estar no seu buzón a finais de setembro. Se quere anunciarse consulte no 685 800 190

OURENSE POR Barrios Agosto de 2016

ENTREVISTA

ENTREVISTA AO CONCELLEIRO DE DEPORTES

“O deporte ten que estar xerado a través dos clubs, aos que tentamos axudar” 4 Máis que construír instalacións deportivas novas, a prioridade para Mario Guede neste mandato é conservar e mellorar as que xa existen.

Paula Lodeiro Ex entrenador de fútbol e mestre, Mario Guede (Ourense, 1952) xa exerceu a responsabilidade de concelleiro de Deportes (2003-2007). no último mandado de Manuel Cabezas. Tras fiscalizar a área na oposición no período 2007-2011, e ser xefe do Servizo Provincial de Deportes da Xunta de Galicia nos últimos anos, Guede regresou ao Concello de Ourense neste mandato para xestionar unha área que coñece ben: o deporte.

Cal é o traballo da Concellería de Deportes de Ourense e o Consello Municipal de Deportes?

Mario Guede: “O máis importante é a xestión do deporte nesta cidade e o funcionamento das propias instalacións deportivas, non só o complexo dos Remedios senón todo a área de Oira, unida a instalacións como ás da Feira, A Carballeira, o Otero Pedrayo, Mariñamansa, Palmés, Covadonga, Seixalbo, etc.

A nosa aposta é decidida por todo o tecido deportivo, especialmente externalizado nos clubs. Creo nos clubs, e creo que o deporte ten que estar xerado a través dos clubs deportivos, aos que tentamos axudar mellorando as instalacións deportivas, facilitándollas e creando novas se é factible.

Case o 25% do orzamento do Consello Municipal de Deportes vai destinado aos clubs deportivos, en dúas liñas que precisamente estamos agora resolvendo e nos próximos días faranse públicas. No capítulo para clubs deportivos repártese ao redor de 800.000 euros e hai outra partida para actividades propias que nós organizamos como o San Martiño, o Correndo por Ourense...”

Que clubs optan a estas axu-

das?

M.G: “As axudas son para os clubs que teñen actividade federada e para os que teñen deporte base. Despois hai outro capítulo de bolsas para deportistas individuais e unha liña que se pode solicitar todo o ano para organizar eventos deportivos”.

O COB entra nesa liña de axudas?

M.G.: “Tradicionalmente, os clubs de elite tiñan partidas nominativas, así ocorreu durante o goberno de Veiga Pombo, o de Cabezas e o de Francisco Rodríguez, a área levábaa o Bloque e Fernando Varela tamén deu nominativas. Na última lexislatura, o Bloque esixiu que non quería as nominativas, e entón ao meter ao COB no mesmo saco de axudas, a valoración que hai nas bases prexudícalle porque van máis cara ao deporte base”.

Hai convenio asinado co COB? M.G: “O convenio botáronnolo abaixo aquí no Consello Reitor do CMD os tres grupos políticos da oposición. Ao non haber orzamentos, tes que facer a proposta ao Consello Reitor para levalo a pleno. Se houbese orzamento, ao COB asígnaselle unha cantidade e asínase un convenio no que entra todo o que o Concello esíxelle: este ano tivo máis de 25 visitas a colexios, hospitais, estiveron en todas as campañas que se lles solicitou, o COB está a ser marca Ourense, leva as camisetas con “Ourense termal”, leva a imaxe de Ourense a todos os campos de LEB Ouro. Por iso hai que establecer un convenio porque as bases non son capaces de captar o que el lle devolve ao Concello.

Faise por todos: faino o alcalde de Vigo, fano as mareas, o de Pontevedra que é do Bloque, as propias alcaldesas de Madrid e a

Mario Guede, na cancha central dos Remedios./RAMSÉS

“Cando o COB teña estabilidade, será o momento de estudar desfacerse das accións, pero non agora, cando o barco está a piques de afundirse” de Barcelona tamén asinan convenios; é algo lexítimo e máis saudable, porque as bases poden ter trampa. Eu podo facer unhas bases ao meu criterio; con todo, o convenio vai sempre a pleno e vai haber debate.

Cando o alcalde Agustín Fernández meteu ao COB na partida de axudas competitivas quedou con 50.000 euros. Que fixo en-

tón o Concello? Quixo darlle ese diñeiro a través de levar a marca de “Ourense termal”, pero cando chegou a hora de cobrar non houbo maneira, porque o propio interventor aconsellaba que o COB recibise nominativa porque non podía cobrar por dúas áreas diferentes do Concello”.

Que vai pasar coas accións

do COB que ten o Concello?

M.G.: “Cando a lei obriga ao COB, que acababa de ascender a ACB, a transformarse en SAD, naquel momento Veiga Pombo e José Luís Baltar tiveron que apoialo porque se non perdía a categoría e entón estabas a lle facer un mal á xente e a xente estaba a demandarche que quería iso.

Naquel momento achegouse unha cantidade que supuña o 20,7%. O Concello como propietario ten a obriga de preocuparse por ese capital que ten aí. Eu non sei por que non se venderon as accións, ou por que non se plantexou. Por que non se valorou?

Porque as accións nunca tiveron valor, se cadra pódese optar a regalalas, pero vas ao asesor xurídico e económico e exposlle que queres darllas á xente do COB e non nolo permite. Eu expoño que cando o club teña estabilidade, cando pase estes momentos complicados, será o momento de estudar desfacerse das accións, pero non agora, cando o barco está a piques de afundirse, para botarlle máis leña pomos as accións á venda. Aínda por riba o capital do COB perdería máis estabilidade”.

O club leva tempo pedindo que haxa representantes do Concello na directiva.

M.G.: “Eu preguntei á asesoría xurídica se podía representar ao Concello e dixéronme que non podía ser; os que intervimos nas decisións, os políticos, non podemos. Pero estamos niso, xa se fixeron xestións e en Xunta de Goberno farase a formulación de nomear representantes como se fixo con Expourense ou outros organismos”.

Que investimentos hai previstos nas instalacións deportivas municipais?

M.G.: “No que vai de ano fixéronse dúas obras pequenas: o campo de fútbol 5, un espazo que estaba morto e que se aproveitou, e os vestiarios do módulo de atletismo. E vanse executar dous máis: a bancada do campo de Santa Cruz, que financia a Deputación, e a reforma do anexo dos Remedios.

Que pasa con esa obra, que estaba previsto executar este

ENTREVISTA / BARRIOS

verán?

M.G.: “Cando hai varias institucións o proceso é máis lento.

O proxecto leva seis meses aprobado, vai á Xunta, que o revisa, despois volve aquí, e aquí no Concello tamén ten a súa complexidade. Posiblemente licítese nos próximos días e esperemos que se poida executar nos dous últimos meses do ano”.

Entón a obra vai interferir coa actividade da tempada nesa cancha?

M.G: “Iso non é problema porque sempre hai solución”.

Que hai do investimento comprometido pola Xunta para construír a pista de atletismo cuberta en Expourense?

M.G.: “As obras todas levan complexidade, e agora máis aínda, todo leva informes. Neste caso, a Xunta sacou conxuntamente proxecto e obra para tentar acelerar o proceso, pero debeu haber algún erro nos pregos e iso fixo que as empresas non garantisen o que no seu día asinaran entre Expourense e a Xunta para respectar as diferentes feiras.

Como consecuencia houbo que sacar un novo negociado convidando a ‘x’ empresas e agora é cando xa se adxudicou a unha empresa, creo que é San José. O investimento non se perde que é o importante; o único que pode haber un atraso nas obras porque haberá que encaixalas coas respectivas actividades que poida ter Expourense”.

E en que quedou aquel proxecto de construír un pavillón de ximnasia en Mariñamansa?

M.G.: “Ao non haber Plan de urbanismo non hai posibilidade ningunha de habilitar a zona, aínda que non pecho a posibilidade no futuro. O pavillón de ximnasia ía daquelas a seis millóns de euros pero agora é impensable falar desas cantidades; se fas un investimento de seis millóns pero non lle dás a utilidade precisa é complicado, hoxe vaise máis a espazos polivalentes”.

Quedaría algunha instala-

ción pendente para a cidade?

M.G: “Neste período no que os orzamentos non están a crecer, preocúpanos máis seguir mellorando as instalacións. Temos infinidade de pistas polideportivas ao aire libre, tentamos dotalas de luz, de redes, pois cremos que o deporte na rúa é fundamental.

Hai un obxectivo que é cambiar a herba artificial do campo de Oira e do dos Remedios.

E está pendente a obra de renovación do ximnasio dos Remedios, queremos transformar o ximnasio central, traer o que estaba no soto para a planta de arriba e habilitar a zona de abaixo para vestiarios e sala de fitness, modernizalo”.

Non hai diñeiro?

M.G.: “Si, hai diñeiro, aprobouse xa nos orzamentos de 2014 pero non se puido executar en 2015 porque cando chegamos non había proxecto e hai que volver reiniciar o tema. Pero no remanente de tesouraría do Consello Municipal de Deportes hai fondos para poder executar esa obra”.

Hai queixas de clubs que din que non se lle dan canchas para adestrar.

M.G.: “Estamos a xestionar moitas instalacións deportivas que non son nosas a través de convenios: o Sexto Instituto, a Farixa, o instituto da Carballeira, o Paco Paz, a Anexa, o Campus.

Todo iso leva a que o noso tecido deportivo témolo cuberto pero pode ocorrer que os clubs teñan que compartir instalacións.

O ano pasado tivemos unha polémica moi grande co club de fútbol feminino, situóuselles no campo de fútbol 8 de Oira que é un campo que ten unhas boas condicións pero elas consideraban que necesitaban o campo enteiro.

Os clubs que hai no pavillón, campo enteiro nunca o teñen, porque ti imaxínate unha instalación de fútbol como a de Oira coas luces acesas e o mantemento que ten para que só 15 persoas dispoñan delas; é complicado.

Os clubs téñense que organizar e darlle rendabilidade ás instala-

cións”.

Vaise a facer algo especial para o 40º aniversario do San Martiño?

M.G.: “Estamos niso, estamos a ter reunións, vendo que actos podemos urdir pola relevancia do 40º aniversario, hai moitas ideas sobre a mesa, desde concursos fotográficos, a posibilidade de que veñan atletas importantes pero nestes momentos non che podo concretar”.

A carreira pode seguir crecendo en número de participantes?

M.G.: “Creo que a carreira de maiores non é o preocupante, o problema é que a de nenos creceu moito. En 2005 separamos as dúas carreiras, entón non chegaban a mil nenos, hoxe temos tantos coma maiores, preto de 5.000. Foi positivo? Si, pero tamén asumimos que temos que seguir mellorando cosas seguridade, as camisetas, coordinar ben toda a actividade, etc.”

Cal é a súa valoración do paso de La Vuelta ciclista por Ourense?

M.G.: “Cando mo expuxeron alá polo mes de outubro eu non dubidei en ningún momento que tiñamos que estar.

Non podía estar La Vuelta en Galicia e na nosa provincia e que a capital da provincia non estivese.

Creo que foi un acerto total.

Desde o Consello Municipal de Deportes tivemos a responsabilidade de xestionar con Unipublic a infraestrutura da montaxe do Parque Vuelta do venres e a saída do parque de San Lázaro;vivímolo moi de preto e penso que foi un éxito total de participación. Vin ao acabar a saída as caras de felicidade dos papás cos nenos que estiveron a ver alí as figuras, os patrocinadores foron moi xenerosos e a xente marchaba con moitísimos recordos. Chamáronme os dos hoteis, que estiveron cheos...

Creo que é un acontecemento positivo. Neste momento a marca Vuelta vende moitísimo”.

OURENSE POR Barrios Agosto de 2016

Últimos días de obras na rúa Concello 4 A apertura está prevista para o 16 de setembro.

Redacción Cumprindo o calendario previsto, as obras de mellora da rúa Concello chegan ao seu fin neste mes de setembro.

Nos últimos días de agosto comezaron as tarefas de refino e aglomerado da calzada deste céntrico vial, coa intención de que poida reabrirse ao tráfico a mediados de mes. O día 16 é a data que manexan no Concello de Ourense, pero esta pode adiantarse en función da execución dos traballos.

As obras de humanización da rúa Concello, longamente agardada polos veciños da zona, comezaron o pasado mes de marzo. Supuxeron unha renovación íntegra de todos os servizos, incluíndo saneamento, abastecemento e iluminación. A ubicación das luminarias actuais mantívose, aínda que se substituiron os elementos lumínicos e se soterraron as conducións.

A actuación implicou a demolición das beirarrúas e do pavimento de adoquíns da calzada, e a reordenación da sección transversal da rúa. O aparcadoiro pasou a ser en batería, sumando dúas prazas de estacionamento máis que as actuais, e facilitando maior fluidez do tráfico e unha maior comodidade para manobrar.

Asemade, a obra comprendeu a pavimentación nova da calzada con aslfato -traballos que se acometen estes días- e a reposición das beirarrúas, aumentando o ancho da beirarrúa esquerda de 1,95 metros a 3 metros. A beirarrúa dereita ampliouse a 3 metros no tramo final, entre o PAC e a rúa Xoán XXIII. No último tramo quedarán só dous carrís de 3 metros cada un, un para a dirección recta e outro para xirar á dereita e para parada de autobús.

Cofinanciamento Concello Deputación Estaba actuación estaba enmarcada no Plan Minicipal de Investimentos da cidade, e puido ser executada grazas á sinatura dun convenio entre Concello de Ourense e Deputación Provincial, que pasou a cofinanciar a obra. O custo da obra, que foi executada pola unión temporal de empresas formada por Proyecon Galicia SA, Movimientos de Áridos y Construcciones de Arosa SL, ascendeu a 506.850 euros.

A actuación supuxo unha renovación íntegra de todos os servizos, incluíndo saneamento, abastecemento e iluminación

“Creo que o paso de La Vuelta por Ourense foi un acerto total” “Os clubs téñenese que organizar e darlle rendabilidade ás instalacións”

Traballos de asfaltado esta semana na rúa Concello/P.LODEIRO.

OURENSE POR Barrios Agosto de 2016

BARRIOS

O centro de saúde do Couto abre o luns 4 O 95% dos seus usuarios proceden do Novoa Santos.

Redacción O luns 5 de setembro, abrirá súas portas o novo Centro de Saúde do Couto, que ese mesmo día atenderá seus primeiros pacientes.

Os usuarios previstos para o sexto centro de saúde da cidade, son os veciños das rúas máis próximas, Velázquez, Remedios, Greco, Jesús Soria, Salvador Dalí, Antonio Puga, Ervedelo e, en xeral, o conxunto de rúas incluídas nos barrios do Couto, Vistafermosa e Rabo de Galo. A estimación que fixo o Sergas é que o ambulatorio reciba uns 12.000 pacientes, aínda que estes teñen dereito a seguir sendo atendidos no seu centro actual (o Novoa Santos na maioría dos casos) ou co mesmo profesional que os viña atendendo, sen prexuizo de que máis adiante desexen facer efectivo este cambio.

A Xerencia adaptará a capacidade asistencial do novo centro de saúde á demanda, incrementando gradualmente o cadro de persoal en función da mesma.

Carteira de servizos avanzada Os usuarios estrearán un moderno centro de saúde, dotado coas últimas melloras en canto a accesibilidade e climatización, e abundante luz natural, construído nunha parcelade 4.664 metros cadrados, xunto ao edificio xudicial, nas rúas Castro Canseco e

A área termal de Outariz será sometida a unha posta a punto 4 Os traballos comezarán este mes de setembro.

Redacción

O centro de saúde está ubicado entre a rúa Velázquez e Castro canseco./M REJO. Velázquez con entrada por esta última.

O sexto centro de saúde permitirá poñer a disposición dos veciños do Couto unhas instalacións modernas e dotadas dunha carteira de servizos avanzada de atención primaria, polo que, ademais de consultas de medicina e enfermaría familiar e comunitaria, contarán coa totalidade de unidades de apoio: fisioterapia, pediatría, odontoloxía, hixiene dental, farmacia e traballo social, estando prevista este mismo ano o inicio da actividade docente no centro.

O novo ambulatorio conta cunha superficie de 1.500 metros cadrados, distribuídos en tres plantas. Haberá sete consultas de medicina xeral, sete de enfermaría, unha de matronas, unha de farmacia, traballador social, odontoloxía, sala de educación maternal, consulta de fisioterapia e ximnasio, dúas consultas, de pediatría e enfermaría pediátrica, sala

de técnicas polivalente, consulta de atención de urxencias e unha consulta do programa da muller.

Para a súa construción foi preciso un investimento de 3,5 millóns de euros, e outros 153.000 euros para o seu equipamento.

A voltas coa licenza No que respecta á licenza de ocupación do centro de saúde, a día de hoxe existen discrepancias entre os criterios técnicos da Xunta de Galicia e do Concello de Ourense. A Administración Autonómica entende que cando se asinou o convenio co Concello para a cesión dos terreos no que se contruiu esta infraestrutura sanitaria, a licenza estaba condicionada únicamente ao pago das taxas. Naquelas condicións xerais non constaba nin a máis mínima referencia á obriga de urbanizar.

Tendo en conta esta situación, o Goberno municipal continuará a pedir

4 O PSOE pide dous novos centros de saúde O grupo municipal socialista defenderá no pleno do 2 de setembro unha moción para instar á Xunta de Galicia a construír dous novos centros de saúde na cidade na vindeira lexislatura, concretamente nos barrios do Vinteún e de Mariñamansa.

informes ao respecto da concesión da licenza de ocupación do edificio, toda vez que o proceso de contratación da urbanización está en marcha e para que a adxudicación destas obras se produza no menor tempo posible.

Xunta e Concello discrepan sobre se o centro de saúde ten xa licenza de ocupación

No mes de setembro comezarán obras para acometer melloras nas instalacións termais da marxe dereita do Miño.

Estes traballos, que suporán un investimento de 82.000 euros, serán sufragados mediante un convenio entre a Axencia de Turismo de Galicia e o Concello de Ourense.

O departamento autonómico contribuirá con 70.000 euros, mentres que a administración local ourensá achegará 12.000 euros.

Na área termal de Outariz, a actuación centrarase no bar con terraza cuberta, aseos públicos, vestiarios con taquillas e punto de información turística. Estas obras están orzamentadas en 57.000 euros e comezarán no mes de setembro.

A segunda actuación contemplada no convenio está centrada na promoción turística, mediante a instalación e renovación de paneis informativos no paseo da ribeira do Miño, entre as áreas termais da Chavasqueira, Tinteiro, Muiño da Veiga, Outariz e Burga de Canedo. Está actuación suporá un investimento

Outariz./ARQUIVO. de 25.000 euros.

O alcalde de Ourense, Jesús Vázquez, salienta que logo das trabas e atrancos administrativos que sufriu esta área termal por mor dos problemas concursais da anterior empresa adxudicataria, e dos graves danos sufridos na área termal a causa das intensas choivas do inverno, “estamos a dar pasos moi importantes para restablecer a normalidade no espacio de lecer máis singular da nosa cidade, e para iso acadamos importantes acordos con outras administracións para poder acometer traballos froito da cooperación institucional”.

Renovaranse os paneis informativos do paseo da ribeira do Miño

OURENSE POR Barrios Agosto de 2016

BARRIOS

Un convenio coa Xunta permitirá rehabilitar a praza e a alameda de Covadonga 4 Por un importe de 260.000 euros.

Redacción O alcalde de Ourense, Jesús Vázquez, e a conselleira de Medio Ambiente e Ordenación do Territorio, Beatriz Mato, asinaron un convenio de colaboración entre as dúas administracións, cunha dotación de máis de 260.000 euros, para rehabilitar a praza e a alameda do barrio de Covadonga.

Grazas a este convenio, completarase a zona de xogos infantís con novas unidades na alameda de Covadonga, ademais de

crearse unha nova zona para elementos biosaudables.

No caso da praza, dotarase dunha nova instalación eléctrica, soterraranse as canalizacións aéreas das redes de distribución, colocarase un novo alumeado e melloraranse os viarios do perímetro da praza a través dun novo asfaltado.

O convenio inscríbese no Plan Hurbe, posto en marcha pola Xunta en 2010 para dar resposta á necesidade de humanización das vilas galegas.

Alameda de Covadonga./ARQUIVO.

Identificadas dúas persoas por verter lixo na contorna do Pazo de Ramirás 4 Abriránselle expedientes sancionadores na Concellería de Medio Ambiente.

Redacción A Policía Local identificou a dous responsables de desbotar lixo e enseres nun vertedoiro ilegal en Ourense, concretamente nas inmediacións do Pazo de Ramirás, preto da parada do autobús, no km 580 da estrada N120. Esta zona é utilizada ilegalmente como punto limpo e xa hai un ano os axentes da Policía Local identificaran nela outros infractores.

Un dos infractores, veciño da zona, retirou el mesmo os enseres que desbotara despois de ser identificado polos axentes. Este lixo procedía dunhas obras que estaba realizando nunha casa familiar, para as que non solicitara a correspondente licenza, tal e como lles manifestou logo de que os axentes lla solicitaran. Por este motivo, os axentes remitiron o expediente tanto a Urbanismo como a Medio Ambiente para a posible apertura de expedientes sancionadores.

O segundo dos infrac-

EN BREVE 4 Arranxo de camiños no rural O Concello de Ourense recibe 220.000 euros da Consellería do Medio Rural para o arranxo de catro camiños en mal estado Os arranxos consistirán na mellora da drenaxe superficial e sinalización vial, e na limpeza de malas herbas das gabias dos accesos á parroquia de Santa Cruz de Arrabaldo, o camiño da Burata a Vilariño, a rúa da Amizade -no polígono das Coiñás, e o camiño do Espeto, deteriorados pola acción do inverno.

4 13 sendas na comarca

Parte do lixo deste vertedoiro ilegal./CEDIDA. tores, tamén veciña da zona, foi identificada pola Policía Local e recoñeceu que tirara algunha bolsa de lixo no lugar indicado, pero que descoñecía que estaba cometendo unha infracción.

O expediente, igualmente, foi trasladado a Medio

Ambiente para a posible apertura dun expediente sancionador.

O Concello de Ourense lembra que desbotar enseres e lixo na vía pública está prohibido, e que existen dous puntos limpos na cidade, en Santa Mariña e As Eiroás.

A Xunta de Galicia investirá máis de 2,6 millóns de euros na execución de 13 novas sendas que facilitarán unha mobilidade segura e sustentable na comarca de Ourense.

As 13 sendas suman 16 quilómetros e chegarán a zonas como os parques empresariais, Ponte Sevilla, A Derrasa, Montealegre, A Medorra, Valdorregueiro, Reza, Paiseo, Rabaza, Perdigón, Santa Baia e As Vendas.

A Xunta xa ten o estudo rematado e agora encargarase a redacción dos proxectos que permitirán executar as obras nos distintos treitos de sendas cualificados como necesarios e prioritarios.

OURENSE POR Barrios Agosto de 2016

BARRIOS

PP, PSOE e OUeC apoian un modelo de xestión integral para a Praza da Ponte 4 Haberá un pleno extraordinario para debater outras alternativas propostas por DO. Redacción A apertura da Praza de Abastos nº2 da Ponte quedou desbloqueada a finais de agosto, ao apostar Partido Popular, Partido Socialista e Ourense en Común por un modelo de xestión integral para o edificio na reunión da comisión de seguimento desta infraestrutura. Democracia Ourensana desmarcouse deste acordo e sigue insistindo nas opcións de alugar individualmente cada un dos postos, ou ben reorientar o mercado cara á venda e promoción de produtos autóctonos.

Neste sentido, a formación de Gonzalo Pérez Jácome pediu a celebración dun pleno extraordinario no que se debata esta última alternativa. Pois na comisión de seguimento, a idea “foi desprezada ao instante e nin sequera debatida polos representantes dos demais grupos e rexeitada de plano por Ana Morenza (a concelleira de Comercio)”, apuntaban desde DO. A sesión terá lugar este venres 2 de setembro media hora antes do inicio do pleno ordinario.

Xestión integral Trala xuntanza da comisión de seguimento da Praza de Abastos da Ponte, o Goberno local emitiu un comunicado no que

Un dos oito postos cos que conta o mercado pontino./ARQUIVO.

explica que a xestión do mercado será adxudicada a unha empresa, sociedade ou UTE, sendo a adxudicataria quen busque os comerciantes que ocupen os oito postos e a cafetería do recinto. O canon anual que fixará o Concello á adxudicataria será de 45.000 euros.

Tal e como explica a edil de Comercio, Ana Morenza, o seguinte paso será enviar o prego técnico ao Servicio de Contratación, logo de realizar unha serie de axustes propostos na comisión de seguimento, para sacar a concurso a súa adxudicación na maior brevidade posible e poder desbloquear de xeito definitivo a posta en marcha do mercado pontino. O Goberno municipal organizará, asemade, unhas

xornadas de portas abertas neste recinto, tal e como solicitara o PSOE. Os socialistas reclámanlle tamén á concelleira Morenza que, en colaboración coa Área de Promoción Económica e Emprego, “facilite todas as ferramentas en canto a información; como ‘fai nas súas áreas para emprendedores’ para a posibilidade de conformar unha UTE se así o desexen os posibles interesados ou inversores”.

As propostas de DO Democracia Ourensana tamén remitiu un comunicado aos medios de comunicación aclarando que foi o único partido que apostou polo aluguer individual dos postos, “tal como fai calquera xestora

profesional nun centro comercial privado (neste caso a xestora sería o Concello)”. Nesta opción, o aluguer tería que ser a un prezo superior ao estipulado no prego pois “nunca pode estar por baixo do prezo de mercado real, xa que senón estariamos a fomentar competencia desleal”. O partido de Gonzalo Jácome entende que o prezo que se propón (3.750 euros ao mes, é dicir, 45.000 euros anuais de canon) está “ moi por baixo do prezo de mercado” polo que “estariamos mal explotando os activos do Concello”.

Para saír desta encrucillada, DO propuxo coma “solución creativa” que Inorde e Xunta exploten a praza pondo os postos a disposición de produtos autóctonos e o restaurante bar servindo exclusivamente produtos dos oito postos. “Así, a Praza de Abastos da Ponte sería un expositor permanente de produtos da nosa terra. Se a poboación de Melgaco en Portugal, pode ter un museo-venda dos produtos de esa terra, canto máis a provincia de Ourense con 20 veces a poboación. Deste xeito, a praza da Ponte sería ademais todo un reclamo turístico”, explicaban. O partido de Jácome opina que esta proposta “é a mellor solución”, corroborada -din- por “todos os expertos do gremio da alimentación consultados incluídos os dirixentes da Praza de Abastos da Alameda”.

A proposta fixa un canon anual de 45.000 euros

Licitada a ampliación da EOI 4Crearanse seis novas aulas.

Redacción A Consellería de Cultura, Educación e Ordenación Universitaria vén de licitar a ampliación da Escola Oficial de Idiomas (EOI) de Ourense por un importe superior aos 585.000 euros, atendendo así ao interese por estes estudos na cidade.

A actuación permitirá contar con seis novas aulas e un salón de actos. En concreto, incrementaranse dúas aulas na primeira planta, e

outras dúas na segunda.

O salón de actos situarase na planta baixa, reformando o actual espazo dedicado a tal uso co fin de convertelo en dúas aulas máis.

A maiores, na planta semisoto proxéctase a situación dun novo almacén, un vestíbulo, a sala de caldeiras e o depósito de combustible, así como un cuarto para o grupo de presión e o depósito de incendios. En total, a superficie útil ampliada é de 481,84 metros cadrados.

O saneamento do rural recibirá 600.000 euros 4 En tres anualidades.

Redacción O Concello de Ourense vén de asinar coa entidade pública de Augas de Galicia un convenio para a execución de actuacións de ampliación e mellora do saneamento no rural da capital ourensá. Para tal fin destinaranse 600.000 euros no período 2016-2018, un investimento da Xunta cofinanciado polo Fondo Europeo Agrícola de Desenvolvemento Rural (FEADER), no marco do programa de Desenvolvemento Rural Galicia

2016-2018.

A previsión é destinar 30.000 euros a actuacións neste ano 2016, 360.000 euros o vindeiro ano e 210.000 euros en 2018.

Segundo indicou o alcalde, Jesús Vázquez, trala sinatura do convenio coa conselleira de Medio Ambiente, Beatriz Mato, “trátase dunha inversión a longo prazo en calidade de vida, en mellorar as condicións nas que residen moitos veciños e veciñas do municipio”. As obras que se executen incorporaranse ao patrimonio público municipal.

OURENSE POR Barrios Agosto de 2016

BARRIOS

A actuación na ponte Romana respectará as colonias de animais Redacción A Consellería de Cultura, Educación e Ordenación Universitaria axustará as obras que está a executar na ponte Vella –en conxunto coa Consellería de Infraestruturas– co obxectivo de salvagardar as colonias de animais protexidos que poidan vivir ou aniñar na ponte, atendendo así as peticións de colectivos ecoloxistas. En concreto, constatouse a presenza dunha colonia de cirrios e, ademais, é posible que exista outra de morcegos.

Deste xeito, o que se busca é compaxinar a conservación medioambiental coa restauración e conservación da ponte, cuxos traballos seguen os prazos previstos.

A pasarela de Oira terá iluminación 4 A Xunta financiará a actuación con 60.000 euros.

O Concello elimina as fochancas de Xesús Pousa Redacción

Redacción A Xunta de Galicia dotará de iluminación á pasarela peonil de Oira.

A Xunta de Goberno local aprobou en agosto o convenio de colaboración entre o Concello de Ourense e a Axencia Galega de Infraestruturas que fará posible a execución destas obras, que suporán un investimento de 59.915 euros por parte da Administración autonómica.

A pasarela, que comunica as dúas marxes do río Miño e dá continuidade ao paseo peonil existente en ambas ribeiras, está en servizo desde xullo de 2011, e é transitada diariamente por multitude de persoas que usan os paseos fluviais e que a utilizan como vía de ac-

A conselleira de Infraestruturas achegouse ata a pasarela acompañada do alcalde. ceso ao complexo deportivo municipal de Oira.

Porén, a falta de iluminación impide que poida ser utilizada con seguridade fóra do horario diurno.

As obras consistirán basicamente na instalación de proxectores led ao lon-

go da pasarela, de xeito que permitan manter os niveis esixidos de iluminación nas normativas en materia de accesibilidade.

A iluminación do acceso á pasarela realizarase mediante balizas de aceiro cuxo deseño permite a mi-

metización coa contorna.

Unha vez realizadas as obras pola Axencia Galega de Infraestruturas, o Concello asumirá a titularidade das instalacións de alumeado e o seu mantemento e conservación.

O Concello de Ourense acomete desde o 31 de agosto obras de adecuación do pavimento na rúa Xesús Pousa, no tramo que conflúe coas rúas San Rosendo e Euloxio Gómez Franqueira, ao carón da antiga máquina do tren.

Estes traballos consisten na reparación, repintado e acondicionamento de arquetas e rexistros e eliminación das fochancas existentes. A Concellería de Infraestruturas dedicará a esta actuación preto de 18.000 euros.

Durante a duración dos traballos non se pechará completamente ao tráfico este cruce no barrio da Ponte, senón que se realizarán de xeito gradual para interferir o menos posible no tráfico.

OURENSE POR Barrios Agosto de 2016

A VALENZÁ

EN BREVE

A Protección Civil de Barbadás refórzase na loita contra o lume

4 Barbadás “a bocados” O Concello de Barbadás pon en marcha “Barbadás a bocados”, a primeira edición dun concurso de petiscos que terá lugar do 16 ao 18 de setembro, e no que participarán numerosos establecementos da zona.

Ademais das propostas gastronómicas de cada local, o Concello traballa en diferentes actividades que converterán ao municipio nunha auténtica festa gastronómica: showcookings, talleres, catas e degustacións.

Cada local presentará un único petisco, ao prezo de 1,5 euros, e optará aos premios ao mellor petisco popular (elixido polos clientes, que votarán ao que máis lles guste logo de probar un mínimo de catro) e ao mellor petisco profesional (elixido por un xurado).

Ademais, os clientes que participen na votación entrarán no sorteo de vales de compra de 50 euros, para gastar en establecementos locais.

4 Concurso de monólogos Barbadás organiza o I Concurso de monólogos “Linguareteando”.

Os interesados en participar poden inscribirse ata o 6 de outubro. “Queremos contar cunha ampla oferta de monólogos de toda Galicia”, explicou a edil Ánxela González, por iso se lle aboará 100 euros a todos os autores dos traballos preseleccionados, que deberán estar en lingua galega e non promover valores machistas, xenófobos, racistas, homófobos ou atentatorios contra ningún tipo de diversidade.

Establécense dúas categorías: unha dirixida a mozos de 16 a 30 anos e outra para adultos, a partir dos 30.

Os premios entregaranse nunha gala o 10 de decembro e consisten en 600 euros o primeiro e 300 o segundo da categoría de mozos, e 800 e 400 euros, respectivamente, na dos adultos.

4 Conta cunha nova motobomba forestal.

O xerente do Sergas, con Valcárcel, Fírvida e Mourenza, trala reunión.

Proposta de ascensor e pasarela para acceder ao novo centro de saúde 4 O goberno de Barbadás presentoulle esta alternativa ao xerente do Sergas.

Redacción O xerente do Sergas, Antonio Fernández-Campa, mantivo unha reunión co alcalde de Barbadás, Xosé Carlos Valcárcel, o tenente alcalde, Xosé Manoel Fírvida, e a concelleira de Urbanismo, Victoria Morenza; na que os responsables municipais lle plantexaron a necesidade de colocar un ascensor e unha pasarela para mellorar o acceso ao centro médico que se está construíndo na Valenzá.

O xerente do Sergas explicou que no departamento que dirixe non hai contempladas partidas

orzamentarias para este tipo de instalación. Con todo, anunciou a súa dispoñibilidade a apoiar esta iniciativa noutros departamentos da Xunta.

O rexedor trasladoulle a Fernández-Campa que “recorreremos a todas as as administracións para conseguir o financiamento necesario”; que ronda os 120.000 euros.

O ascensor sería acristalado, con capacidade para 6 persoas e tería unha primeira parada no parque infantil e unha segunda que comunicaría coa zona axardinada actual mediante unha pasarela liviá.

Pola súa banda, o Con-

Mellora do camiño entre O Fonsillón e A Valenzá

cello de Barbadás investirá 18.394 euros para mellorar o acceso ao centro de saúde, axardinar a zona, completar a comunicación entre o parque e a rúa das Burgas e construir beirarrúas no tramo que falta.

Plazos Así mesmo, Fírvida amosou interese polo cumprimento dos prazos e polo futuro do actual centro de saúde de Barbadás. Ao respecto, Fernández-Campa anticipou que a principios de 2017 podería estar rematado o novo e que o actual continuará en funcionamento.

deira ao longo do tramo que ten unha maior altura.

O orzamento das obras ascende a 52.500 euros e o prazo de execución das mesmas é de dous meses.

Redacción A agrupación de voluntario de Protección Civil de Barbadás vén de incrementar a súa flota coa adquisición dunha motobomba forestal, grazas á colaboración do Concello e a Deputación Provincial.

O vehículo, cun custo de 14.000 euros, conta “cun depósito de 4.500 litros de capacidade e bomba centrífuga que pode traballar en alta e en baixa presión”, explica o responsable de Protección Civil de Barbadás, Daniel Rey. A principal función do

mesmo é a loita contra o lume. Neste senso, o alcalde de Barbadás, Xosé Carlos Valcárcel, sinala que “a protección do medio ambiente, neste caso a loita contra o lume, é unha aposta fundamental para a administración local”.

Non obstante, este vehículo “ten tamén outra utilidade importante, a de abastecer de auga aos outros vehículos urbanos de Protección Civil en lugares onde non haxa bocas de incendio”, aclarou Daniel Rey. Xa que destaca pola accesibilildade a zonas de monte e unha maior capacidade no transporte de auga.

Esta motobomba ten 4.500 litros de capacidade.

O alcalde de Barbadás, Xosé Carlos Valcárcel, destaca que con esta actuación evidénciase a planificación do Concello de proxectos en base ao “ree-

quilibrio territorial porque é fundamental acometer proxectos en todos os núcleos utilizando como referencia factores poboacionais e necesidades reais”.

4 A actuación conta cun orzamento de 52.500 euros.

Redacción Comezaron os traballos de mellora e restauración do camiño que une a zona do parque Lucinda (O Fonsillón) coa Valenzá. O proxecto, proposto polo Concello de Barbadás á Deputación, inclúe

a construcción dun muro de contención nun tramo de 100 metros lineais, xa que a veciñanza levaba anos reclamando a restauración do mesmo polo perigo que supoña para a seguridade dos peóns.

Así mesmo, será instalada unha balaustrada de ma-

Obras de construción do muro de contención, que terá 100 metros de lonxitude.

ELECCIÓNS AUTONÓMICAS

OURENSE POR Barrios Agosto de 2016

14 escanos buscan dono o 25S

4 13 partidos preséntanse pola provincia de Ourense ás eleccións autonómicas do 25 de setembro.

P. L. Ata 13 partidos políticos concorrerán ás eleccións autonómicas do 25 de setembro pola provincia de Ourense. Son Partido Popular, Partido dos Socialistas de Galicia-PSOE, BNG, En Marea, Ciudadanos, Democracia Ourensana, Compromiso por Galicia, Vía Nova-Galicia, PACMA, Partido Comunista dos Pobos de España, Partido Anticorrupción y Justicia, Recortes CeroGrupo Verde, e Ganemos Galicia: Sí se Puede. Os 14 escanos que escolle a nosa provincia repartíranse en 2012 entre o PP (oito deputados), PSOE (catro) e o BNG e AGE (un cada un).

Destaca nestes comicios a presenza de mulleres encabezando as principais candidaturas. Así, a ex delegada da Xunta en Ourense Marisol Díaz Mouteira lidera a lista do PP; a deputada Noela Blanco é agora a número 1 da candidatura do PSOE; a que fora candidata ao congreso Noa Presas será a cabeza de cartel do BNG; e a directora de Sarabela Teatro Ánxeles Cuña ocupa o primeiro posto de En Marea.

O abano de opcións complétase con Compromiso por Galicia, que leva ao interventor da Deputación Xosé Mosquera de cabeza de lista; Democracia Ourensana, que presenta ao avogado Miguel Caride como número un; Vía Nova-Galicia, o novo partido do ex socialista e ex popular Eladio Fernández, que será o candidato por Ourense, e Ciudadanos, cuxa cúpula escolleu ao médico Carlos Vázquez como candidato.

Os 364.380 electores da provincia de Ourense – e os 98.932 ourensáns que residen no estranxeiro- tamén poderán decidir o seu voto entre outros cinco pequenos partidos máis.

Confección de listas DO foi o partido máis madrugador en presentar

Noela Blanco encabeza a lista socialista por Ourense./ A ex delegada da Xunta en Ourense, Marisol Díaz (quinta pola esquerda na primeira fila) encabeza a lista do Partido Popular aos comicios autonómicos./CEDIDA.

I.OSORIO.

Noa Presas (terceira pola dereita na primeira fila) é a cabeza do lista do BNG nestas eleccións autonómicas./ P.LODEIRO.

A dramaturga Ánxeles Cuña (terceira pola esquerda na primeira fila) encabeza a lista de En Marea na nosa provincia./P.LODEIRO. o seu candidato á Xunta, o avogado Miguel Caride, pero ata o último día do prazo non presentou a candidatura completa, na que vai de número 2 a concelleira en Ourense Laura Nóvoa.

O BNG tamén deixou resolta a confección da súa lista hai semanas, con Noa Presas de número 1, e co valdeorrés Suso Vilasánchez no segundo posto.

No PP tardaron ata o 19 de agosto en dar a coñecer que a delegada da Xunta en Ourense, Marisol Díaz, sería a número 1 por Ourense. Nos oito primeiros postos, o PP realizou

unha renovación do 50% con respecto á lista de fai catro anos, continuando como candidatos Miguel Santalices (nº 2), Antonio Rodríguez Miranda (nº 4), Cristina Romero (nº5) e Moisés Blanco (nº 8), subindo postos César Fernández (nº 7) e aparecendo novos nomes como José Luis González (nº3) e Marta Novo (nº6).

Non todas as formacións tiveron un camiño doado na elaboración das súas candidaturas. No PSOE, a decisión de Ferraz de alterar a orde dos candidatos que elixira a militancia, subindo a Carmen Rodrí-

guez Dacosta ao posto 3 en detrimento de María Quintas, causou o malestar do sector pachista. En En Marea, ata cinco candidaturas participaron nas primarias, sendo o máis votado o alcalde de Manzaneda, David Rodríguez, aínda que a corrección de xénero na elaboración final da lista aupou á directora de Sarabela, Ánxeles Cuña, ao primeiro posto.

Catro mulleres lideran as listas ourensás de PP, PSOE, BNG e En Marea

A edil por Ourense Laura Nóvoa e o avogado Miguel Caride, números 2 e 1 da lista de Democracia Ourensana./P.L.

Eladio Fernández con parte dos candidatos e o cartel de VíaNova Galicia./P.LODEIRO.

10

OURENSE POR Barrios Agosto de 2016

especial VOLTA AO COLE

Carrefour e a Cruz Vermella poñen en marcha a campaña “Volta ao Cole Solidaria” 4 Os días 2 e 3 de setembro.

Redacción Os próximos días 2 e 3 de setembro, Ourense participará na oitava edición da “Volta ao Cole Solidaria”, unha iniciativa

impulsada pola Fundación Solidariedade Carrefour en colaboración con Cruz Vermella.

O obxectivo desta iniciativa, que se celebrará en 172 hipermercados e

centros Carrefour de 43 provincias españolas, é reducir o impacto que supón a adquisición de material escolar para as familias que atravesan por dificultades económicas.

Carrefour arrinca esta acción coa doazón directa de material escolar para cubrir as necesidades de 6.000 nenos e nenas en situación de emerxencia social. A esta cantidade sumaranse as achegas que realicen os clientes durante a campaña a favor destas familias.

O hipermercado da provincia ourensá que participa neste programa é Carrefour Ourense, ubicado no Fonsillón. Nel instalarase unha mesa atendida por voluntariado de Cruz Vermella que recollerá o

material escolar (lapis, bolígrafos, cadernos, rotuladores, etc.) que doen os cidadáns.

Posteriormente, Cruz Vermella será a encargada de distribuír estes lotes entre os menores de cada unha das provincias participantes. Ademais, preto de 3.700 voluntarios de Cruz Vermella implicaranse nesta iniciativa e atenderán a aquelas persoas que se acheguen ás mesas instaladas nos Centros Carrefour para recoller o material escolar que os cidadáns doen.

Cobertura a máis de 20.000 nenos en 2015 Na pasada edición da “Volta ao Cole Solidaria”, a Fundación Solidariedade Carrefour entregou a Cruz Vermella material escolar por valor de 674.340 euros, co que deron cobertura a 20.728 menores en toda España.

Recollerán material escolar que doen os cidadáns, como lapis ou cadernos

Prepárate para o novo curso en La Tienda de Susi La Tienda de Susi é unha tenda familiar con máis de 25 anos de implantación na provincia de Ourense, primeiro en Xinzo, onde foi herdeira da xoguetería de referencia da vila; despois en Verín, Celanova, e, desde fai case un ano, en Ourense capital.

Na actualidade, conta con sete puntos de venda na provincia, nos que traballan 14 persoas.

O forte de La Tienda de Susi é ter un bo surtido de produtos para menores de todas as idades, tamén de puericultura; ofrecer unha boa atención ao cliente e dispoñer dos produtos exclusivos Toy Planet, con prezos moi baixos en produtos

clave (os denominados “chollo prezos”). Ademais, formar parte de Toy Planet permite aos clientes poder cambiar os xoguetes en calquera dos seus puntos de venda en España e optar a grandes descontos coa tarxeta Toy Planet.

De cara á volta ao cole, contan cun gran abano de mochilas para todas as idades, algunhas delas con “chollo prezos”.

Desde La Tienda de Susi recomendan a pais e nais que empreguen o cheque escolar para o material que van necesitar durante o curso os seus fillos e que merquen as súas mochilas e plumieres onde poidan escoller, comparando prezos para xestionar máis eficazmente os seus recursos.

La Tienda de Susi-Toy Planet en Curros Enríquez.

VOLTA AO COLE especial

Centro de formación CampusFrancisco prepara oposicións a Policía Local, Policía Nacional e Garda Civil Se estás interesado en preparar oposicións a Policía Local, Policía Nacional e Garda Civil, o centro de formación CampusFrancisco é o teu sitio. O centro creou un sistema propio de ensinanza para forzas e corpos de seguridade, baseado nun seguimento e formación total do alumno.

Así, preparan de forma pesencial o 100% das probas, cunha corrección individualizada da programación didáctica por parte do profesor, e con simulacros completos de exame. Os opositores tamén realizan probas de nivel coas que adestrar os temas e casos

Unha das aulas de Campus-Francisco. prácticos específicos, e reciben un seguimento continuado, físico e teórico.

Campus-Francisco informa ademais de datas, exames e prazas.

De xeito paralelo, os opositores poden preparar

os carnés de conducir de camión e trailer, que puntuan para as oposicións.

A matrícula é gratis.

Infórmate sen compromiso no 988 22 63 29 ou no centro, na rúa Camino Caneiro, 16.

OURENSE POR Barrios Agosto de 2016

11

O Centro de psicoloxía Rosa Mª Feijoo Rebollo dispón de departamento psicoeducativo Centro de Psicoloxía Rosa Mª Feijoo Rebollo é un gabinete de psicoloxía creado en 2009 e situado na rúa Vila Real número 1 do Couto.

No ámbito da psicoloxía educativa, tratan o trastorno de atención con ou sen hiperactividade, motivacion para o estudo, orientacion escolar, técnicas de estudo, avaliacion para nenos, necesidades educativas especiais, probas de cociente intelectual...

Asemade, o centro dispón dun departamento psicoeducativo que proporciona apoio escolar para nenos con necesidades educativas especiais.

Pode ser tanto a nivel individual como en grupos

A psicóloga Rosa Feijoo dirixe este centro de psicoloxía. reducidos. Sempre dando unha atención persoal e individualizada.

Se o rapaz non pode desprazarse ata o seu centro tamén prestan o servizo a domicilio.

Tamén che axudarán a desenvolver a intelixencia dos teus fillos por medio de xogos en grupos re-

ducidos para favorecer a atención, a concentración e a memoria, e a mellorar a súa capacidade matemática lóxica e de razoamento.

Ademais, realizan cursos e talleres durante todo o ano de temáticas como risoterapia, autoestima, habilidades sociais ou técnicas de estudo.

12

OURENSE POR Barrios Agosto de 2016

especial VOLTA AO COLE

BRITANNIA SCHOOL OF ENGLISH

CENTRO ÓPTICO COUTO

É o momento de tomar as decisións axeitadas

Especialistas en optometría pediátrica

Non esperes ao día antes do exame para recoñecer que a túa relación co inglés non é a ideal, reacciona agora que estás a tempo e matricúlate en Britannia School of English.

A case todos nos pasou algunha vez, sobre todo nos días previos a un exame, de calquera tipo ou convocatoria, especialmente cando non nos preparamos ben, pola razón que sexa, que nos encantaría volver a aquel noso eu despreocupado do mes de setembro, no que todo estaba por facer e todo era posible. Volver ao principio para dicirnos a nós mesmos, ponte as pilas desde xa, porque despois vai ser demasiado tarde.

Pois ben, boas noticias, estamos en setembro! Así que deberías aproveitar que aínda está todo por facer e empezar a tomar, desde o minuto uno, as decisións axeitadas.

Así que se o inglés non é o teu punto forte e prevés algún que outro cabezazo contra a parede tentando, sen éxito, entender iso dos verbos irregulares, adiántate e vai xa reservar a túa praza en Britannia School of English, en Manuel Pereira, 22, Ourense.

E o mesmo se estás pen-

dente de preparar ese exame oficial de Cambridge que sen dúbida poderá abrirche moitas portas, non deberías esperar a que cho pidan para facer o teu próximo máster ou na túa seguinte entrevista de traballo. Permite aos profesionais que che axuden e vai matricularte a Britannia School of English.

Só debes preocuparte diso, de anotarte, nin sequera do diñeiro, porque os prezos de Britannia School of English non serán escusa para darlle as costas ao inglés outro ano máis. Non terás que preocuparte por máis nada que por levar as túas ganas de pechar ou comezar dunha vez por todas, o teu capítulo co inglés, e alí, se cumpres a túa parte, un equipo novo pero moi preparado e con anos de experiencia obrará o milagre.

Unha oportunidade que os máis peques da casa, eles que aínda teñen ocasión de construír unha relación sólida e duradeira co inglés desde o principio, tampouco deberían deixar pasar por alto, e son benvidos en Britannia School of English desde os tres aniños.

Ver ben as letras máis pequenas non é sinónimo de ter unha boa visión.

Unha revisión optométrica permite detectar problemas visuais que en moitos casos pasan desapercibidos pero que xeran síntomas, incomodidade e ineficacia visual, explícannos desde Centro Óptico Couto, especialistas en optometría pediátrica.

“Só cunha avaliación

optométrica completa podemos saber como vemos”, puntualizan os profesionais deste centro, que nos recordan que a prevención “é a ferramenta máis eficaz para a nosa saúde”.

Podes revisar a vista dos teus fillos pedindo unha cita previa no teléfono 988 22 74 05 ou pasándote polo seu establecemento, na rúa Ervedelo, 46 A, de Ourense.

Centro Óptico Couto está ubicado na rúa Ervedelo, 46.

Eugenia Fernández Ramos, directora de Newcastle Studies.

NEWCASTLE STUDIES

“O éxito é a unión do esforzo da academia, do neno e dos pais” Preto de dúas décadas axudando aos estudantes ourensáns a sacar adiante os seus estudos é a bagaxe de Newcastle Studies, unha academia ubicada na praza Mil do barrio do Vinteún que ten como directora a Eugenia Fernández Ramos.

O centro imparte toda clase de materias desde Primaria ata Bacharelato e Universidade, así como idiomas (inglés e francés).

Nos 19 anos que leva aberta a academia, a súa directora recoñece que máis alá das materias novas que antes non ha-

bía, a intención dos que a ela acuden segue sendo a mesma: “pais e fillos queren aprender e sobre todo aprobar; o 90% vén polo reforzo de aquilo que non entenden, para ‘machacar’ o que o colexio lles dá”.

Agora que se vai iniciar un novo curso académico, Fernández Ramos recomenda aos proxenitores que se cren que os seus fillos precisan axuda fagan uso dunha academia. “O éxito é a unión dos esforzos da academia, do neno e dos pais”, apunta.

Se estás interesado, infórmate dos seus horarios no 988 372 670.

VOLTA AO COLE especial

OURENSE POR Barrios Agosto de 2016

13

14

OURENSE POR Barrios

Agosto de 2016

ENTREVISTA

ENTREVISTA A MANUEL MOSQUERA, PRESIDENTE DO CENTRO COMERCIAL ABERTO DO SUROESTE OURENSÁN

“Unirémonos por medio da tecnoloxía para así ser un gran centro comercial”

4 Manuel Mosquera preséntanos o proxecto Mercabarrio, o primeiro Centro Comercial Aberto Tecnolóxico da cidade.

Silvia Nieto Ourense está vendo nacer un novo Centro Comercial Aberto, o correspondente á zona suroeste.

Os comerciantes da Carballeira, Xardín do Posío, Mariñamansa, A Cuña e Seixalbo unen forzas para presentar aos consumidores unha oferta completa que compita coas grandes superficies. E fano non só coas súas propias tendas, senón sumando tamén todo o potencial das novas tecnoloxías. Falamos con Manuel Mosquera, presdiente deste colectivo.

Cando e como xurdiu esta asociación?

Manuel Mosquera: “Isto xurdiu primeiro como creación de asociación de empresarios. Primeiro íase facer na zona da Carballeira, pero ao ser pequena non tiña os negocios suficientes para ter unha consistencia e chegar a ser un Centro Comercial Aberto; xa que un centro ten que ofrecer de todo e agora estamos a ter carencias. A tenda de zapatos está a punto de pechar ao igual que a ferretería, polo que temos que revitalizar a zona. Para iso necesitamos coller a zona suroeste de Ourense (Mariñamansa, A Cuña, Seixalbo, Xardín do Posío…)”.

Pero isto non se fai en dous días. Hai que ir empresa por empresa. Comezamos hai tres

“A aplicación localiza o comercio máis próximo do servizo que ti precises”, explicounos

meses falando con empresarios da zona; agora iremos falar cos de Mariñamansa. Trataremos de apoiarnos entre todos para unir forzas nos distintos barrios da zona. Os pequenos negocios dos barrios morren; nós o que pretendemos é resucitalos.

Queremos complementarnos os dunha zona cos das outras.

Unirémonos por medio da tecnoloxía para así ser un gran centro comercial; e cunha aplicación e unha web achegarémonos aos particulares. Antes da APP teremos a páxina web (www.mercabarrio.gal) e códigos QR que haberá en todos os negocios, facilitando as súas ofertas e toda a información posible tanto do propio establecemento como do centro comercial enteiro. Así os clientes terán a posibilidade de consultar o prezo da mercadoría e as posibles ofertas, incluso haberá algunhas momentáneas, como pode ser 3x1 en barras de pan durante a última hora de apertura da panadería. E o cliente pode elexir que lle saia un aviso no móbil coas ofertas que fagan nos sectores do centro comercial que lle interesan para estar informado ao minuto.

Ademais, estamos en contacto cunha empresa para tratar o tema do reparto para dar un servizo máis”.

A aplicación será un punto determinante?

M.M.: “De momento comezaremos coa web pero a intención é que teñamos a APP e será o empresario o que anime aos seus clientes a descargala para que es-

parar e iso prexudica a todos os pequenos negocios da zona, porque o consumidor colle o coche e merca todo o que precisa nas grandes superficies da cidade.

Por iso, estamos negiociando co Concello para conseguir aparcamentos alternativos nunhas fincas que hai acá. Iso suporía que moita xente podería aparcar e mercar no barrio co pulo que isto lle daría”.

E a unión fai a forza.

M.M.: “Xusto. Se entre todos axudamos podemos dar alternativas ao cliente como o de levarlle a compra a casa; un só negocio non o podería facer, pero entre todos si que se pode dar ese servizo. E tamén se poden facer sorteos para buscar unha forma de incentivar a compra na zona”.

Manuel Mosquera é o impulsor de Mercabarrio./S.N. tean informados. Coa aplicación a xente enterarase das ofertas máis próximas. E os empresarios poderán crear ou borrar unha oferta cando o estimen convinte. Daremos todas as facilidades tanto a clientes como aos asociados”.

Como está sendo a resposta dos comerciantes?

M.M.: “A resposta está sendo moi postiva. Hai unha subvención que dan por ser Centro Comercial Aberto, polo que tentaremos selo.

Como somos todos autonómos necesitaremos a unha persoa que nos leve a dirección destas pequenas empresas para ser, entre todos, unha gran empresa. Coa subvención contrataremosunha persoa que nos leve o tema. Non

será soamente un xerente, será un informático que dea asesoramento e apoio a cada local, ademais daralle a opción de que se fagan unha páxina web a aqueles comercios que non a teñan. Queremos ter una web xenérica e que cada empresa teña a súa parcela con web propia; todo que sexa moi sinxelo de manexar, tanto para o empresario como para o consumidor”.

A idea nace polas dificultades actuais do pequeno comercio da zona.

M.M.: “Exacto. En Marcelo Macías (Mosquera rexenta unha funeraria nesta rúa) temos un gran problema pola falta de aparcadoiros, a xente pasa pero non pode

Cantos negocios se atopan na zona suroeste?

M.M.: “De momento nas zonas coas que queremos comezar hai máis de 150 negocios.

A pesar de non estar dentro dos centros comerciais abertos a hostalería nós queremos que estean no noso. Pensamos que pode ser beneficioso, xa que é un sector moi importante para nós e para o consumidor”.

Poderíase ampliar a área de cobertura?

M.M.: “O proxecto de mercabarrio é facelo na zona suroeste e se funciona pódese a ampliar a outras zonas. A aplicación localiza o comercio máis próximo do servizo que ti precises, e este pode estar en calquera zona que estea dentro do proxecto”.

PUBLICIDADE

OURENSE POR Barrios Agosto de 2016

15

16

OURENSE POR Barrios Agosto de 2016

EN BREVE

ECONOMÍA, EMPREGO E EMPRESAS / ARTIGOS

4NOTICIA DE EMPRESA

4 O Servizo de Emprego do Concello deu apoio a 177 proxectos O Concello de Ourense prestou asesoramento técnico a un total de 177 proxectos empresariais a través do seu servizo de emprego durante o primeiro semestre do ano. 207 emprendedores acudiron neste período ao Centro de Iniciativas para solicitar información para poñer en marcha e desenvolver as súas iniciativas.

Nestes meses, os técnicos de emprego do Concello apoiaron a 95 emprendedores que puxeron en marcha empresas ou iniciaron a súa actividade profesional como autónomos. Tralo asesoramento recibido, 82 persoas déronse de alta profesional coma autónomos, creáronse 8 sociedades civís, 3 limitadas e 2 cooperativas.

4 Axudas de Barbadás a novas empresas O Concello de Barbadás activa unha serie de axudas a novas empresas como estímulo para a creación de emprego no municipio. O programa conta cun orzamento de 20.000 euros, cun máximo de ata 2.000 euros por empresa. Terá que ser aprobado no pleno do 5 de setembro.

Poderán acollerse á subvención aqueles empresarios individuais e pemes de nova creación sexa cal sexa a forma xurídica que adopten. Entre os requisitos necesarios para optar ás prestacións, estipúlase que o negocio teña o seu domicilio fiscal e social en Barbadás, que os demandantes sexan propietarios cando menos do 33% do capital social do negocio, e que creen, polo menos, o seu propio posto de traballo.

4AS ANDRÓMENAS E OUTROS CONTOS

Isto non che é ningunha andrómena

A directora de Edades, Cristina Portela (esquerda) con dúas traballadoras diante do seu local na avenida de Marín.

Edades, a túa empresa de servizos sociais O crecemento da esperanza de vida na poboación e a entrada en vigor da Lei de Dependencia dispararon nos últimos anos a demanda de servizos para o coidado e atención de persoas maiores ou dependentes, e máis nunha provincia tan envellecida como a nosa. Unha alternativa é acudir na avenida de Marín, 33, a Edades, unha empresa de servizos sociais que ofrece todo tipo de prestacións a uns prezos moi alcanzables para a maioría da poboación.

A oferta de Edades contempla atención e coidado de maiores, dependentes ou nenos; a realización de trámites burocráticos ou de tarefas domésticas; asistentes persoais para discapacitados; unha tenda de axudas técnicas e venda e aluguer; ou servizos de profesionais (electricistas, fontaneiros, etc.) a domicilio.

Fachada do novo establecemento de Seguros Pelayo en Mariñamansa, na avenida de Zamora, 143.

Pelayo Seguros abre axencia en Mariñamansa A compañía Pelayo, da man de Andrade Seguros de Xinzo, abre axencia no barrio ourensán de Mariñamansa. Situada na avenida de Zamora, número 143, a axencia lanzou unha oferta aos seus futuros clientes para que unifiquen os seguros de vida, fogar ou coche e así poidan aforrar ata 400 euros ao ano.

Vanse indo as amoras, as verdes tamén, vanse sen que as bote o outono, as rechamantes flores dos toxos revólvense esnaquizadas e retortas como as serpes derretidas nos seus niños, nos buratos entre as pedras dos valados, namentres o raposo chora porque mañá o xílgaro non o espertará co seu cántico divino, non voarán as bolboretas marelas, mudáronse en negras cinzas fuxindo do paraíso.

Vanse indo coas lapas as xoaniñas levando nas ás os nosos soños, no chan arden as cañotas e as casiñas das fadas que saen do fondo da terra chamuscadas. As chemineas do outono, paraugas de pan de sapo onde xogan os trasnos á billarda nas noites do verán, vanse… sabe Deus se volverán!

Estou de loito, papá, e tiña que contarcho, estou de loito polos nosos paxaros e polos lobos, polos carballos e polos amieiros, polos castiñeiros e polas landras, polos paporrubios e polas merlas, polas pegas e as anduriñas… Estou de loito, negro de carraxe por mor dos desgraciados que especulan coas nosas vidas, que venden a terra nosa para facerse mais ricos, a eses dígolles como lle dirías ti: “Enchédevos a ver se podrecedes ou reventades de cheos”.

Dígolles: “Malditos!

Queimades a terra nosa, sodes a vergoña de todos os galegos de mirada clara, agochádevos onde non vos vexa ninguén,

“Malditos!

Queimades a terra nosa, sodes a vergoña de todos os galegos de mirada clara”

facédesnos tanto mal que as nosas bágoas baixarán polo Asneiro camiño da tosta de Mouriscade, apagando as muxicas da vosa sacrílega maldade, queimades Vilanova, A Xesta, Vilar e Navallo, queimádesme a min con elas, arde en cada tizón tamén a miña vida, a alma rachádesma con cada lume, choro por cada frouma, polas uces e as carqueixas, por cada póla, por cada folla…”

“Maldígovos para sempre, non teredes perdón nin descanso, convido as forzas do ar, do lume e da terra para que os laios que nos facedes dar, mañá sexan berros de Xustiza e que nas noites escuras, o estalar dos fentos non vos deixe durmir en paz nun eterno pesadelo en pago da vosa ruindade”.

Volvo mirar pola fiestra como cando era cativiño, e vexo o fume que cubre en Portobelle o meu río e escoito dicirlle a meu pai: -”Chiquito, non sei se te lembras daquela vez que apagamos o lume no Coto das Casas, escapáraselle a un de Nogueira que andaba coas vacas no monte e prendera unha fogueira para quentarse”.

- “Daquelas papá, ti estabas vivo, eu era un rapaz e ti aínda un mozo. Dende que non andas por aquí isto mudouche moito”.

Boteille outra ollada áfoto onde estamos os dous no prado da Alvela e pareceume que torcías o bigote e dicíasme: “Isto non che é ningunha Andrómena” Sirva isto como tributo a todos aqueles que loitan contra esta lacra, moitas veces sen medios e pouco pagados. En especial, o meu ben querido amigo Juan Vega Crespo, un deses valentes. Grazas.

Avelino Jácome

SOCIEDADE / ARTIGOS

4ARQUIVO VISUAL OURENSÁN

“Os oriúndos deste rincón, de única e singular referencia toponímica, exhiben con orgullo a súa filiación”

XXIX Campamento Urbano Infantil - XIX Campamento Urbano Xuvenil Cidade de Ourense

Camiño Real de Cudeiro, Pazo de Ribadeneira, no 1900. de Pepe “da Guardesa”.

Terra de hockei, pazos e rianxo. Fermosa paraxe de alcaldes, leiteiras, comisarios, ferreiros e deportistas de renome. De xentes de tenro recordo como Lisardo, Pedrito ou o Manoliño da “Cuenca”.

De subliñados vecinos: Raúl Rey, Enrique Novoa “Poly”, Elpidio Cardero, Luis Rivas Villanueva ou

17

4CARTA AO DIRECTOR

Cudeiro Barrio con corpo de aldea que prosperou da man do ferrocarril, onde un imberbe Xavier Prado “Lameiro” escoitaba, de prestado, os literarios coloquios nos que participaba o seu padriño David García González, ecónomo da parroquia do santo das chaves.

O Camiño Real que conduce a Compostela secciona un núcleo poboacional que, ata 1943, pertenceu ao extinto concello de Canedo. Baila o “balcón de Ourense” ao son dos “Pichís”, prolíficos e virtuosos músicos con praza de seu neste lugar de envexadas vistas, parada eventual

OURENSE POR Barrios Agosto de 2016

o Sr. Emiliano, aclamado compoñedor de ósos. Os oriúndos deste rincón, de única e singular referencia toponímica, exhiben con orgullo a súa filiación. Porque ser de Cudeiro non é calquera cousa.

Fernando Valcárcel, membro do Arquivo Visual Ourensán

Son xa vinte e nove edicións dos campamentos urbanos na nosa cidade de Ourense. Este verán participaron 1.029 nenos e nenas, adolescentes e xente moza desta oferta libre, aberta e gratuíta que se levou a cabo entre o 1 e o 11 de agosto.

O noso obxectivo é que co Campamento Urbano puidemos descubrir unha cidade chea de recursos para gozar do tempo libre, coñecer persoas e entidades que traballan nela para facer posible que o pasemos ben, coñecer espazos e actividades para aproveitar o tempo de lecer, facer novos amigos e amigas, xogar, cantar... e rexuvenecer a nosa querida Auria.

Desde a organización do XXIX Campamento Urbano queremos transmitir o noso agradece-

mento a quen fixo posible que este proxecto se puidera levar a cabo un verán máis: Grazas a todas as nenas e nenos, mozas e mozos que vivistes e gozastes desta aventura do Urbano.

Grazas ás familias que depositastes a vosa confianza en nós.

Grazas ós 142 voluntarios e voluntarias que dedicastes o voso tempo aos demais.

Grazas á Concellería de Xuventude do Concello de Ourense polo seu apoio.

Grazas á Obra Salesiana de Ourense polo seu apoio, paciencia e doazón desinteresada en todo momento.

Grazas ás persoas particulares, aos organismos públicos e privados e ás 136 entidades (algunhas delas dende o anonimato) que apostastes de diversas

maneiras por este soño de Amencer.

Grazas aos medios de comunicación social que anunciastes e informastes este campamento á cidadanía, en concreto a Ourense por Barrios.

Grazas, en definitiva, a todas as ourensás e ourensáns que soñastes connosco unha forma alternativa de gozar do verán na nosa cidade.

Sen a vosa colaboración, o milagre do Urbano non sería posible.

Tamén pedimos disculpas se polo desenvolvemento do Campamento Urbano creamos algunha situación non desexada á cidadanía nesta primeira quincena de agosto.

Ate o verán que vén!

Xulio César Iglesias, no nome do equipo coordinador do campamento urbano Amencer

Contacta con PROGAPE no 988 21 29 39 ou en Facebook

4ADÓPTANOS...

Recorda: é para sempre!

Macho mini, de 2 quilos. Ten moito medo ao comezo, pero é moi bo.

Non chega aos 2 anos.

Pastora femia de 3 meses e medio. Moi cariñosa e activa. Ideal para casa con finca.

Cachorro macho de 2 meses de raza pequena. A súa nai pesa 6 quilos. Ten unha irmá en adopción.

Femia de menos de 2 meses. A súa nai é de raza pequena, pesa sobre 7 quilos.

Bebés de mes e medio encontrados no lixo. Son moi bos e conviven con cans sen problema.

Macho de 2 meses e medio, cuna ulcera no ollo, pero fai vida normal. Gris, similar a azul ruso.

18

OURENSE POR Barrios Agosto de 2016

EN BREVE

SOCIEDADE

4IMAXES DO MES

4 Semana cultural en Eiroás Ata o venres 2 de setembro continúan as actividades da semana cultural das Eiroás. O esqueleto deste programa está formado por obradoiros infantís de manualidades e proxeccións nocturnas ao aire libre.

O xoves 1 a partir das 19:30 horas, Paco Boluda falará da Galiza céltica, achegando os seus deseños e as súas investigacións para mergullarnos na Idade do Bronce galego.

E o venres, a partir das 20 horas, Víctor M. Pérez Vázquez, do Observatorio El Mirón del Cielo ofrecerá unha conferencia sobre as maravillas do ceo, ademais de guiar aos asistentes nunha sesión de astronomía a partir das 22:30 horas.

4 O centro educativo disporá de aulas teórica e práctica para esta disciplina.

Redacción

Participantes no obradoiro de doces da asociación veciñal As Termas.

Obradoiro de doces na AVV As Termas

Neste mes de agosto tivo lugar no local social da Asociación Veciñal As Termas, situada nas vivendas sociais ao carón da estación de autobuses, un obradoiro de doces e decoración de cupcakes incluido no programa de “Verán Participativo” da Concellería de Participación Cidadá para fomentar a interrelación entre os veciños dos distintos barrios. Dende a asociación veciñal sinalan que “as veciñas e veciños do barrio acolleron moi ben a proposta de desenvolver este taller de verán, para moitas persoas é unha oportunidade para distraerse e pasar unha tarde distinta, en definitiva facer barrio convivindo e compartindo”. Pensando xa no que resta de ano, o colectivo prepara unha campaña para elaborar “unha proposta de orzamento participativo para o barrio”, explica o seu presidente, Ángel Gómez.

4 Novenas nos Milagres e nos Remedios Os santuarios dos Remedios na capital e dos Milagres en Baños de Molgas celebran estes días as súas novenas, que rematarán en ambos casos coa celebración da festividade o 8 de setembro.

No caso dos Milagres, os que o desexen poden asistir a misa todos os días en diferentes horarios de mañá e tarde. Os actos culmirán o xoves 8 cunha festa solemne, que incluirá misa ás 12 horas seguida de procesión coa imaxe da Virxe María.

No santuario ourensán dos Remedios haberá misa os días laborables en cinco horarios distintos, e o día grande tamén ás 12 e ás 18 horas.

O módulo para DJ’s revoluciona A Farixa

As obras mantiveron patas para arriba boa parte do Centro Integrado de Formación Profesional A Farixa. Este movemento veu impulsado, fundamentalmente, pola acomodación das instalacións ao novo ciclo de disc jockey que comezará a ser impartido o curso que se inicia dentro duns días e que entrou como un ciclón, xa que as 22 prazas de matrícula ofertadas foron cubertas nun dicir amén. A información específica previa da páxina web do centro sobre esta novidade formativa xa o aventuraba ao recibir máis de 1.000 visitas en tres días.

Os traballos consisten na construción dun novo salón de actos, en tanto que o actual será transformado para dotar espacial e tecnicamente as instalacións que requirirá o novo módulo para formación de disc jockey. O

que até agora fora salón de actos será dividido en dúas aulas, unha dedicada ao ensino teórico e outra para a realización de prácticas; esta última utilizará o actual escenario e simulará o espazo dunha sala de festas ou recintos nos que se pica música.

Ambas as modificacións suporán un investimento de case 122.000 euros achegados pola Consellería de Educación. A xefa territorial, Mercedes Galego, comprobou a evolución dos traballos dentro das 24 visitas que efectuou nos últimos días a outros tantos centros nos que o departamento que representa está a levar a cabo obras de reparación ou mellora de instalacións que roldan o millón de euros en investimentos por parte da Administración Autonómica.

O CIFP A Farixa aínda contará con outra novidade, xa que no novo curso entrará en funcionamento un novo niño no seu viveiro de empresas.

O camión dos bombeiros foi un dos atractivos do Día da Boa Xente do campamento./P.L..

Aprobado para o campamento urbano de Amencer

Máis de mil nenos e mozos, entre participantes e animadores, asistiron este agosto aos campamentos urbanos que organizou a Asociación Xuvenil de Amencer. Nesta 29ª edición participaron 684 rapaces de entre 8 e 16 anos no campamento infantil e outros 203 mozos de máis de 15 anos no campamento xuvenil, así como 142 monitores voluntarios. Para o 65 % dos participantes, o de Amencer constitúe a súa única experiencia de campamento de verán.

Todas as actividades programadas ao longo dos nove días leváronse a cabo tal como foron deseñadas e o ambiente xeral dos participantes entre si e cos animadores foi cualificado por eles como moi bo e moi positivo. Tamén foi valorado moi positivo o campamento polas familias, o 100% das cales agarda repetir o verán que vén.

Futuras instalacións para o módulo de DJ’s./CEDIDA.

SOCIEDADE

OURENSE POR Barrios Agosto de 2016

19

Só os enfermos de Crohn socios de ACCU poden acceder á tarxeta de estacionamento especial 4 OUeC pide que se estenda a todos os enfermos.

P. L. O Concello de Ourense anunciara en maio que permitiría que os enfermos de Crohn e colite ulcerosa da cidade puidesen estacionar libremente en zonas de carga e descarga e que os 600 afectados por esta enfermidade en Ourense poderían, para tal fin, solicitar unha tarxeta de aparcamento especial. Pero o certo é que só os enfermos asociados a ACCU (Asociación de Enfermos de Crohn e Colite Ulcerosa de Ourense) poden acceder a esta tarxeta, como xa naquel momento puntualizaba o Concello: “os enfermos que soliciten esta tarxeta deberán facelo a través da asociación, ente que certificará a necesidade

do permiso ao solicitante, que deberá estar asociado e asinar un cumprimento das normas da devandita tarxeta”.

O presidente de ACCU, Fernando Jiménez, explicou a este periódico que para conseguir a tarxeta que permite estacionar en zonas de carga e descarga da cidade entre 15 e 20 minutos co fin de acceder a un baño é “indispensable” estar asociado, porque é un servizo que presta o colectivo, que leva traballando neste proxecto desde 2014.

Jiménez xustifica este criterio de asignación de tarxetas no volume de traballo que supón a súa xestión, pois a asociación debe confirmar que a persoa está

diagnosticada da enfermidade inflamatoria intestinal, recabar a información necesaria, comprobar a documentación dos vehículos, e entregar despois os datos á Policía Local, que será a encargada de imprimir a correspondente tarxeta. Un traballo que debe repetirse cada ano porque as tarxetas caducan. Polo momento foron concedidas 29 tarxetas e hai outras dúas en trámite.

De todos os xeitos, o presidente de ACCU puntualiza que non todos os enfermos que padecen Crohn ou colite ulcerosa precisan a tarxeta, “xa que está contemplada para aqueles enfermos que sofren urxencia defecacional, que non son todos os casos”.

OUeC pide a tarxeta para todos os enfermos Non está de acordo con este xeito de tramitar as tarxetas Ourense en Común, que solicitou no pleno de agosto que se revocara o decreto municipal “para que o permiso para estacionar libremente en zonas de carga e descarga sexa ampliado a calquera afectado por esta enfermidade debidamente acreditado, e non só se emita para os 20 vehículos vencellados á ACCU”.

Coa mesma intención, OUeC presenta no pleno de setembro unha moción para que calquera persoa que acredite estas enfermidades poidan ter acceso ao permiso de estacionamento especial.

Os usuarios das tarxetas poderán aparcar en zonas de carga e descarga./M.REJO.

4 Enfermidade crónica e incapacitante Sobre a enfermidade de Crohn e a colite ulcerosa son enfermidades inflamatorias intestinais, crónicas e incapacitantes, que poden afectar a calquera porción do tubo dixestivo, desde a boca ata o ano, no caso do Crohn, e ao intestino groso, no caso da colite ulcerosa. Non existe cura para estas patoloxías, que teñen síntomas como

diarrea con moco e sangue, febre, dor de ventre, perda de peso, debilidade, e depresión.

O Concello considera que a tarxeta de estacionamento contribuirá a normalizar a situación destes enfermos, evitando riscos de accidente e multas inxustas por ter que deixar o coche ante unha urxencia física que non poden controlar.

20

OURENSE POR Barrios Agosto de 2016

OCIO E CULTURA

A programación infantil do Auditorio inclúe 24 espectáculos 4 Por segunda vez haberá actividades específicas para bebés.

P. Lodeiro Vén de presentarse a programación infantil do Auditorio Municipal de Ourense para o que resta de ano. Entre setembro e decembro, o recinto acollerá un mínimo de 24 espectáculos (haberá que sumar no Nadal a programación da MOTI), dos cales catro serán específicos para bebés.

Os máis cativos da casa terán un espectáculo axeitado para eles os primeiros venres de cada mes, ás 18 horas, na Sala Apego do Auditorio. A primeira cita é o 2 de setembro con música para bebés a cargo de As Maimiñas, que presentan “Unha viaxe polo

Ofértase un 20% de desconto por cinco entradas

mundo”.

Asemade continúan as citas dominicais a mediodía para o público infantil e familiar. Este domingo 4 de setembro a proposta é a música da banda Troula Animación, co espectáculo “Uxía Lambona e a banda molona”.

Nestes catro meses, haberá grupos de fóra, outros premiados, teatro de títeres, con música e tamén danza, especificaba o técnico municipal Manuel Freire, quen resaltaba que a programación do Auditorio é referente en Galicia.

“Se queremos ter unha cidade sensible coas artes debemos apostar nas primeiras idades”, xustificaba a concelleira de Cultura e Educación, Belén Iglesias, esta aposta polo ocio cultural dos máis cativos por parte do Concello de Ourense. De feito, a edil

Conta atrás para o Live for Madness Metal Fest 4 Será o 24 de setembro no Campo da Feira.

Redacción Tras cinco primeiras edicións de éxito absoluto, que o levou a ser finalista en dúas categorías dos Iberian Festival Awards, o festival de música metal por excelencia da provincia de Ourense volta este 24 de setembro, coas

actuacións de Legacy Of Brutality, Thirteen Bled Promises, Rise to Fall, Aphonnic, Strikeback e Ocean´s Garden.

A localización do Live for Madness 2016 será de novo o Campo da Feira, que ofrece aos asistentes un espazo cuberto, con aparcadoiro, área de des-

recoñecía que a programación infantil é unha das que

ten maior resposta por parte do público ourensán, algo ao que axuda o bono á carta, que permite obter un desconto do 20% do prezo mercando cinco entradas.

A programación para adultos do Auditorio presentarase en vindeiras datas e, por primeira vez, introducirase o bono á carta para obter descontos e así fidelizar público.

Belén Iglesias e Manuel Freire./P.LODEIRO.

canso, bar e venda de comida, venda con material oficial das bandas e do festival, e no que está permitido fumar.

Ademais, trátase dun emprazamento próximo ao Miño, ás termas, ás estacións de autobuses e tren

e a poucos minutos do centro da cidade.

Solidariedade Así mesmo, este evento mantén a súa vea solidaria, trala renovación da colaboración co Banco de Alimentos.

Iván Nieto, organizador do festival.

4TRIBUNA ABERTA

Un trooper español que dá a cara Que a un soldado imperial lle vexamos a cara non é cousa cotiá e na nosa cidade tivemos a magnífica oportunidade de asistir a tal acontecemento. David M. Santana é un canario afincado en Londres que participou no Espertar da Forza como trooper, soldado imperial facilmente recoñecible pola súa armadura branca. En concreto, encarnou a tres soldados distintos. “Para levar a armadura hai que ter físico”, cóntanos, “e antes da película pasamos por probas físicas e adestramento durante tres días. De aí fíxose unha selección e eu estiven designado no equipo A (risas), entre os dez denominados core stormtroopers. Sempre que había unha escena con troopers alí estabamos, saísemos logo na escena ou non”.

Son poucas nas que se lle recoñece e agora gustaríalle seguir participando na saga e chegar a dicir algunhas frases. Polo momento avisa que sairá na próxima historia de Star Wars, a que se estrea en decembro, Rogue One. “Estar no set de rodaxe permitiume coñecer a outros moitos actores, pero cos principais apenas tiven algunhas palabras”.

David adora a Harrison Ford e o seu papel de Han

Solo. Grazas a que adoitaba ir ver o resto de rodaxes chegou a charlar un intre co seu ídolo. “Un home serio que logo resultaba próximo. Lesionámonos con poucas horas de diferenza.

Do meu case nada se soubo e a partir do de Ford parouse a rodaxe”.

Unha anécdota das moitas que nos contou grazas a que o trouxo a Ourense Miguel Blanes, membro da Tropa Korriban, asociación sen ánimo de lucro referente para os fans galegos da saga galáctica.

Anecdótica é a forma en que chegou a ser actor trooper. Saben cando dicimos que un amigo coñece a un amigo que che pode axudar? Algo así lle pasou a David. E tan ben lle foi que contan con el para futuras películas. “A miña familia axudoume moito e agora ilusióname pensar que podería acabar levando á miña nai do brazo sobre unha alfombra vermella algún día”.

Garda un diario con anotacións dos seus 40 días de participación. “Non é para publicar”, matiza, “contén as miñas impresións e as firmas dos meus compañeiros”. Amigos cos que quizais pronto se reúna para novas aventuras nunha galaxia afastada... moi afastada.

Félix Álvarez, delouredo.blogspot. com.es

David M. Santana xunto a Miguel Blanes durante a súa visita a Ourense./CEDIDA.

DEPORTES

OURENSE POR Barrios Agosto de 2016

Recta final da pretempada de Envialia e Cidade 4 O vindeiro 10 de setembro está previsto que comece a Liga.

R. Torres Todo está preparado para unha nova tempada do Ourense Envialia e o Cidade As Burgas na Primeira División do fútbol sala feminino español. O 10 de setembro dará o pistoletazo a competición coa disputa da primeira xornada de Liga.

O Ourense Envialia xo-

Luci Gómez, fichaxe do Ourense Envialia.

gará este primeiro encontro na casa ante o Rioja. As de Chipi levan varias semanas de adestramentos e agardan estar nas mellores condicións para encarar esta primeira cita ligueira. Quintas o ano pasado, reciben a un Rioja que se salvou polos pelos (foi décimo terceiro con 25 puntos, a un do descenso) e que ten nas súas filas dúas incorporacións: María Tellez e Jennifer Navarro, procedentes do Almagro e Alovera, respectivamente.

Pola súa banda, o Envialia non conta nas súas filas con Ana Rivera, que marchou ao Alcorcón. Pero si estará a disposición de Chipi, Luci Gómez, a nova e única fichaxe chegada do

Orvina.

Antes do inicio da competición doméstica, as ourensás xogarán un dos partidos da fase de grupos da Copa Galicia. As albinegras están encadradas no grupo que comparten con Moaña e Bembrive. O primeiro partido será o primeiro martes ou mércores de setembro e farán de visitantes contra o conxunto moañés.

Cidade O Cidade As Burgas, que rematou a pasada campaña no sétimo posto, inicia a tempada 2016-2017 co primeiro derbi galego. As de Manolo Codeso visitarán ás actuais campioas, o Burela.

21

Curso de adestradores en Ourense Redaccción Plantilla do Cidade As Burgas.

Notables son as baixas das franxivermellas. Este ano non contarán nin con Vanessa Sotelo (Alcorcón) nin con Lucía Nespereira (deixa o fútbol sala) dous baluartes que foron chave nas mellores tempadas do equipo. Porén regresará ao conxunto ourensán Figo.

O Burela non contará este ano con xogadoras como Peque e Maite, pero si estarán nas súas filas as xogadoras brasileiras Cilene Pereira Paranhos, Rarine Cristina dos Santos e Judith Pedreira; ademais, está a facer a pretempada coas da Mariña a ucraína Julia Forsiuk. A xogadora deberá convencer a Lucas e Julio Delgado (adestradores) para finalmente formar parte do banco la-

ranxa.

Para debutar na Copa, o Cidade deberá esperar un pouco máis. Entre o 21 de setembro e o 5 de outubro -seguramente en mércores- disputará os dous encontros da fase de grupos. Leis e A Estrada son os rivais.

Antes, o 3 de setembro (sábado) disputará nos Remedios -a partir das 16:30h- o partido de presentación contra a UD Ourense.

Envialia - Rioja e Burela - Cidade, os partidos da primeira xornada

A Escola Nacional de Adestradores de fútbol (Escune) saca a partir de outubro os títulos oficiais e académicos de Técnico Deportivo en fútbol Nivel 1 e 2. Os cursos terán lugar no colexio Salesianos e son equivalentes a un FP de grao medio. Esta titulación será, pronto, obrigatoria para adestrar nas categorías base do fútbol galego.

O prezo do curso é de 950 euros, a pagar en catro prazos, tanto para o nivel 1 como para o nivel 2. As clases comezarán a mediados de outubro e rematarán en febreiro - marzo. As clases serán dous días á semana máis un sábado ao mes.

As prazas son limitadas e pódese consultar toda a información en www. escune.com.

22

OURENSE POR Barrios Agosto de 2016

DEPORTES

Regresa o “Correndo por Ourense”

Nova loita polo ascenso da UDO Redaccción

4 En setembro dispútanse dúas probas.

Redacción Despois do descanso estival o “Correndo por Ourense” regresa ás rúas da nosa cidade. No ecuador do circuíto (disputáronse xa as carreiras do Vinteún, Couto e Centro) xa se sabe que atletas loitarán polo triunfo absoluto.

En homes Rubén Diz é o primeiro clasificado. En segunda posición está Luis Iglesias e terceiro, José M. Corral. En mulleres, Iria Fernández e Sonia Teijeiro están empatadas a puntos; a terceira é Ana María Ocampo.

Este mes están previstas as carreiras da Universidade e da Ponte

A clasificación baséase na posición de cada carreira (primeiro posto, un punto; segundo posto, dous puntos...) e descartarase unha das seis probas.

Universidade A próxima cita do circuíto será nas Lagoas. O 4 de setembro ás 12 horas, as pistas de atletismo da Universidade serán o escenario desta carreira, xunto coas rúas colindantes.

En principio, o domingo 25 de setembro estaba previsto disputar a carreira da Ponte pero a coincidencia coas eleccións autonómicas pode facer variar a data.

Pechará o circuíto a carreira da Carballeira. Daquelas coñeceranse aos mellores atletas desta sex ta edición.

O COB inicia a pretempada 4 Xa foron presentados os bases Christian Díaz y Martín Rodríguez.

Redacción O Club Ourense Baloncesto 2016-2017 comezou a andar nesta pretempada.

Sesións dobres serán a tónica habitual para coller a forma o antes posible e encarar o inicio de Liga da mellor maneira posible.

Os bases Christian Díaz e Martín Rodríguez foron presentados aínda que catro compoñentes máis da primeira plantilla xa están ás ordes de Gonzalo García de Vitoria: Flis, Guerra, Wright e Kapelan.

Presidente A partir de agora Cami-

O equipo Giant na primeira etapa, a contrarreloxo por equipos. /RAMSÉS.

Os ourensáns engánchanse a La Vuelta a España 4 Centos de afeccionados vibraron cos seus ídolos nas etapas ourensás da ronda española.

P. Lodeiro As terras ourensás e galegas tiveron un forte protagonismo no comezo de La Vuelta Ciclista a España denominada este ano Ourense Termal-Madrid. Os afeccionados ourensáns ás dúas rodas encheron as saídas e metas das catro etapas que pasaron pola nosa provincia (Balneario de Laias-Castrelo de Miño, Ourense-Baiona, Monforte-Luintra e Maceda - Puebla de Sanabria).

Durante esta semana quedou patente en

Ourense o despregue de medios deste evento que trascende o deportivo, que move ao seu redor a 3.000 persoas e do que se estima un retorno económico de 300.000 euros ao día.

Etapas A primeira etapa desta 71ª edición foi a habitual contrarreloxo por equipos.

Un percorrido de 27,8 km que unía Laias con Castrelo de Miño; o equipo Ski foi o máis rápido nesta primeira etapa e Peter Kennaugh facíase co primeiro maillot vermello da ronda.

Ao día seguinte Ouren-

lo Álvarez exercerá as funcións de presidente despois da diemisión de Toño Gavilanes. A primeira misión de Álvarez será completar unha plantilla á que lle quedan catro pezas.

Calendario O 30 de setembro comeza a competición na LEB Ouro no Pazo Paco Paz diante do Oviedo.

Pero antes terán varias citas da Copa Galicia.

Cambados (día 9), Marín (12), Coruña (15) e Breogán (sen data) son os rivais do COB na Copa Galicia.

Simon Yates (Orica-BikeExchange) celebrando a vitoria de etapa en Luíntra./RAMSÉS.

se despedíase ata pronto de La Vuelta. Ourense Baiona era a saída e meta da segunda etapa. Gianni Meersman (Ettix Quickstep) facíase co triunfo e Michael Kwiatkowski (Team Sky) vestíase de líder.

Despois de tres etapas polas provincias de Pontevedra, A Coruña e Lugo regresaba a terras ourensás a serpe multicor. Concretamente a Luintra desde Monforte de Lemos; nesta ocasión o británico Simon Yates (Orica-BikeExchange) sería o vencedor e Darwin Atapuma (BMC) o líder provisional por terceiro día consecutivo. E finalmente a ronda despediríase de Ourense coa etapa entre Maceda e Puebla de Sanabria. Jonas Van Genechten (IAM Cycling) foi o vencedor manténdose líder Atapuma, que logo perdería o maillot vermello en terras asturiás, a favor de Nairo Quintana.

Nairo Quintana é o actual líder, con Froome e Valverde segundo e terceiro

A Unión Deportiva Ourense comeza un novo ano co mesmo obxectivo: o ascenso. Este ano militará na Primeira Rexional e a intención e repetir o éxito das dúas tempadas anteriores. O ascenso é o fin último da entidade que se reforzou para tal empresa.

Este domingo a UDO visita Outeiro Grande (18h) para medirse ao Maside no primeiro encontro de liga de Primeira Autonómica. Campo recordado polo afeccionados unionistas, pois foi alí onde lograron o primeiro ascenso da historia do club.

Copa Deputación O pasado domingo os capitalinos venceron no seu primeiro encontro oficial da tempada. O partido disputouse o pasado domingo no Couto ante o Atlético Arnoia.

O resultado foi de 2-0 para os de Antonio Dacosta (ambos os dous tantos levaron a firma de Rubén Durán).

Adestramentos A directiva mantivo unha reunión co alcalde da cidade para tratar o problema dos campos de adestramento. Trala reunión, os directivos declararon que saíron “coma entraron” e que non ven unha posible “solución” ao seu problema.

O presidente da entidade manifestaba que “os políticos botan as culpas aos técnicos” e estes “aos políticos”.

Partido da UDO ante o Atl. Arnoia na Copa Deputación./RAMSÉS.

AXENDA - CLASIFICADOS - INFORMACIÓN DE SERVIZO

OURENSE POR Barrios Agosto de 2016

23

Ourense por Barrios. Edita: Letras a la Carta S.L. CIF: B-32.323.925. Depósito Legal: OU 15-2015. Redacción: r/ Bedoya 7 1º Of. 6 - 32004 Ourense. Tel: 988 045 352 Correo-e: info@periodicobarrios.com. Distribúe: Lebre Mensaxeira Imprime: Publicaciones Tameiga.

Directora: Paula Lodeiro. Director comercial: Miguel Rejo. Redacción: Paula Lodeiro, Ramsés Torres. Fotografía: Ramsés Torres, Paula Lodeiro, Miguel Rejo. Colaboracións: Silvia Nieto, Raquel Sertaje, Fernando Valcárcel, Avelino Jácome, Pablo Feijoo Nº 19 - Ano: XV - Agosto de 2016 - Difusión: 30.000 exemplares. Impreso en papel 100% reciclado. A opinión do periódico exprésase só no editorial, os artigos e cartas ao director expoñen posturas persoais. Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Se ten algún problema co reparto, chame ao 988 045 352.

4AXENDA Música - 8 de setembro - Concerto de De Vacas. 21.00 h.

- Parque Solaina (A Valenzá).

- 8 de setembro - Concerto dos australianos Adam Eckersley Band. 21.30 h.

- Café Cultural Auriense.

- 8 de setembro - Verán Cultural. Concerto de Fado Violado. 22.00 h. Praza San Martiño.

- 9 de setembro- Espectáculo de boleros “Alma, corazón e vida” - 21.00 h. -Auditorio Municipal.

- 9 de setembro - Concerto de Sons Of Morpheus.

21.30 h. - Sala Berlín.

- 18 de setembro - Música infantil “Uxía Lambona e a banda molona”.12.00 h.- Auditorio Municipal.

Exposicións - Do 1 ao 30 de setembro - Exposición conxunta de ‘Romar e M. Lago’ - Espazo Xove Casa da Xuventude.

- Ata o 30 de setembro - Exposición “La imagen fantasma” de Tamara Feijóo - Galería Marisa Marimón (Ourense).

Teatro - 6 de setembro - Obra “Ensaio sobre a cegueira”. 22.30 h. - Auditorio Municipal.

- 25 de setembro - Teatro/monicreques “Lobo bobo”. 12.00 h. - Auditorio Municipal.

Feiras - Do 3 ao 18 de setembro - Feira do libro antigo e de ocasión. - Na Alameda.

Máis en: www.periodicobarrios.com

4TEL. DE INTERESE

4ANUNCIOS CLASIFICADOS [Deixe os seus anuncios no 988 045 352 ou en info@periodicobarrios.com. Gratuítos para particulares]

TRABALLO Ófrecese señor para traballar de pintor -con 40 anos de experiencia- . Dispoñibilidade inmediata. Tel. 647 640 620.

Ofrécese señora para traballar de luns a venres media xornada e tarefas do fogar, coidado de maiores, mascotas, recados, etc. ou ben as fins de semana para coidar persoas maiores ou o que necesiten. Tel. 645 770 510.

Clases de apoio a domicilio,. Matemáticas xerais e outras materias curriculares. Todos os niveis. Ampla experiencia. Económico. Con CAP. Información en clasesadomicilio2014@ hotmail.com e 610 382 589.

Ofrécese home de 40 anos con experiencia e titulación para coidado de persoas maiores ou depedentes.

Calquera horario. Seriedade. Tel. 685 564 681 Realízase limpeza de fincas, xardíns, desbroce e traballos de campo, ampla experiencia, presuposto sen compromiso. Tel. 602 864 666.

Danse clases particulares de todas as materias de primaria. A domicilio ou presenciais. Económico. Tel. 666 74 36 60.

Ofrecése señora para coidar a persoas maiores. Con informes. Tlf. 669 434 330 - 988 24 60 96.

Búscase traballo para manexar carretillas e/ou grúas.

Tlf. 673 764 277.

Fanse desbroces con tractor ou a man. Bo prezo. Tel. 630 521 448.

INMOBILIARIA Alugo oficina amoblada de 24 m2. Lista para empezar a traballar. 150 euros/mes (+4 euros da luz da escaleira).

Tel. 627 203 131.

Vendo casa para restaurar pola estrada de Santiago.

Tel. 637 00 59 10.

Alugo apartamento no casco antigo de Ourense. Económico. Tel. 637 00 59 10.

Alugo apartamento en Montalvo. 1 e 2 habitacións, preto da praia, equipado (xardín, tumbonas, aparcamento...). Fronte ao mar. Tel. 607 27 19 16.

Vendo apartamento en Praia América con dúas habitacións, cociña americana, trasteiro e garaxe. A cinco minutos da praia. Tel. 636 422 497.

Vendo piso en Praza España (Vigo). Tres habitacións, cociña, baño, salón, garaxe e trasteiro. Bo estado. Urxe venda. Tel: 639 81 62 09.

Ofrezo unha casiña pequena para restaurar moi próxima a Ourense a cambio de traballos de albanelería (restauración tellado, piso, encintar e dividir). Tel. 606 422 543.

Alugo perruquería en Progreso, 250 euros + comunidade. Tel. 637 00 59 10 Necesítase mozo ou señor responsable para compartir piso. Zona Couto. Tel. 637 00 59 10.

Alugo praza de garaxe fronte ao centro de saúde da rúa Valle Inclán. 50 euros.

Tel. 636 329 524.

Vendo finca en Loiro. 3.000 m2. Con luz e auga. Tel. 687 62 86 28.

Alúganse oficinas en Progreso, unha amoblada, todas exteriores. Bo prezo. Tel. 637 00 59 10.

Alúgase local de oficina no barrio da Ponte, acondicionado, 25 m2, económico.

Tel.634 950 659.

Vendo finca edificable con proxecto próxima a Ourense. Prezo de oferta: 13.800 euros. Tel. 606 422 543.

VENDAS Vendo sofá 3+2, caldeira de calefacción de gas cidade, de calefacción de corrente de calor e frío, e porta de alumunio oscuro. Tel. 637 00 59 10.

Véndese base terapéutica médica a estrear, marca Biofield, rexistrada polo Ministerio da Saúde, con 9 bandas magnéticas, para cama de 135 cm. Prezo negociable: 400 euros. Tel.988 249 781 Vendo colchas de ganchillo.

Tel. 988 23 06 69.

Vendo leña de carballo.

220 euros/tractor. Tel. 630 521 448.

Vendo Opel Zafira 1.9 CDTI 150CV (7 prazas) acabado COSMO (todos os extras). Máis info e fotos no tel.: 607 20 34 81 (atendo WhatsApp) Vendo máquinas recreativas (varios modelos vellos), máquinas de dardos (PRESAS), máquinas expendedoras de tabaco, etc. Máis info e fotos no tel.: 607 20 34 81 (atendo WhatsApp) Vendo Peugeot 207 1.4 HDI 70 cv., ano 2012, 80.000km., 5 prazas, AA, regulador velocidade. 7000 euros. Tel. 988 460 576

Traspásase cafetería en galerías parque de San Lázaro. Todo novo, recén reformado. Moi económico.

Tlf: 640 378 300.

Véndese Citroen Xsara varios extras, impecable, 2.000 euros. Tel. 636 452 147.

Vendo roupa de señora de moi boa calidade e de marca. En perfecto estado.

Tamén telas, cortinas e algunha mantelería. Tel. 690 79 53 79 (Carmen).

Vendo casa pequena de pedra totalmente restaurada en Ourense, fronte a parada de bus urbano, con terreo.

29.800 euros. Tel. 606 42 25 43.

Vendo finca edificable de 750 m2 con proxecto para casa. Ocasión: 12.900 euros.

Tel. 606 42 25 43.

Vendo casa en Cambeo.

Planta baixa, terreo, galpón e pozo. Tel: 649 673 492 988 216 755.

VARIOS Poñémosche a túa máquina de café gratis. Tel. 618 646 959 (Claudio) Regalo cadela pequena raza crestado chino, só habería que pagar as vacunas.

Tel. 606 42 25 43.

CONTACTOS Mozo novo, con grandes apuros económicos, ofrécese para compañía de mulleres de 40 a 63 anos. Prezo anticrise (1 hora / 20 euros).

Ademais danse masaxes eróticos a mulleres. Absterse de chamar homes. Tel. 697 79 59 28.

Concello Ourense 988 388 100 Concello Barbadás 988 360 000 Deputación 988 385 100 Xunta de Galicia 012 Pazo de Xustiza 988 370 728 Policía Local 092 / 988 388 138 P. Local Barbadás 988 221 050 Policía Nacional 988 391 771 Guardia Civil 988 235 353 Guardia C. Tráfico 988 222 881 ITV 902 309 000 Bombeiros 080 / 988 370 000 Incendios forestais 085 Prot. Civil 24 h.

988 510 254 Prot. Civil Barbadás988 391 479 Cruz Roja Ourense 988 222 484 SOS Galicia 112 Urxencias e ambulancias 061 Consultas sanitarias902 400 116 H. Sta. Mª Nai 988 385 499 Hospital Cristal 988 385 500 Atención Cidadán 988 392 909 Teletaxi 988 21 00 11 Taxis A Valenzá 988 251 471 Taxis Carrefour 988 231 657 RENFE 902 240 202 Estación autobuses 988 216 027 Correos 988 223 083 Fenosa 988 222 222 Aquagest 988 250 088 Atención menor 900 202 010 Asoc. Diabética Auria988 226 608 AECC 988 219 300 C. C. Antisida 988 233 000 Alcer 988 229 615 AFAOR 988 219 292 Alcoh. Anón.

646 645 119 24h. Alc. Anón.

988 269 540 Alcoh.An. 24h.

988 22 76 23 Narcóticos Anóm 671 58 28 38 Asoc.Crohn 630 136 447 Down Ourense 988 370 313 Atención Muller Maltratada 016

4AUTOBUSES liñas e horarios dos urbanos de Ourense en www.urbanosdeourense.es e liñas e horarios dos buses á Valenzá en www.anpian.com

OURENSE POR Barrios Agosto de 2016