Febreiro 2015 - Ourense por Barrios

Entrevista ao presidente da A.VV. Arranxar, Eladio Pérez TEMA DO MES Páx.3

BARRIOS

Páx.5

Iníciase a obra do centro de saúde do Couto

Adíase unha semana o desafiuzamento dunha veciña da Ponte

CIDADE

Páx.9

Dimite a edil de Democracia Ourensana Susana Gómez

OCIO

Páx.18-19

Especial o entroido en imaxes: Ourense, A Valenzá, Eiroás...

[Páx.8]

DEPORTES Páx. 20 O COB, en busca da vitoria en casa fronte ao Leyma Coruña

[páx. 2-3]

Inaugurado o edificio xudicial Fachada do novo edificio xudicial, á espera da licenza de ocupación para iniciar o traslado dos xulgados./P.LODEIRO

Número: 2- Ano: XIV - Febreiro 2015 - Depósito Legal: OU 15-2015 - Periódico mensual de distribución gratuíta www.periodicobarrios.com - OURENSE POR BARRIOS volve estar no seu buzón a finais de marzo. Se quere anunciarse consulte no 685 800 190

Ourense por BARRIOS Febreiro de 2015

TEMA DO MES

Inaugurado o novo edificio xudicial

4 Está previsto que o traslado dos xulgados ás novas dependencias comece a primeiros de marzo, unha vez se aprobe a licenza de ocupación. á concesión da licenza de ocupación, que o Concello de Ourense tiña previsto outorgar o último xoves de febreiro. O primeiro dos xulgados en estrear o novo espazo será o de Instancia nº1, e tras el, seguirán os demais segundo o calendario de traslados fixado.

Paula Lodeiro O presidente da Xunta, Alberto Núñez Feijoo, foi o encargado de inaugurar o novo edificio xudicial de Ourense, que solventará unha vez entre en funcionamento os problemas de espazo do actual Pazo de Xustiza. Acompañado do alcalde de Ourense, do vicepresidente da Xunta, da presidenta do Parlamento galego, do presidente da Deputación, do subdelegado do Goberno e de representantes das instancias xudiciais, Núñez Feijoo atendeu as explicacións dos arquitectos da infraestrutura e percorreu as instalacións, que cobrarán vida a partir do vindeiro mes de marzo, cando comece o traslado dos xulgados.

O fiscal superior de Galicia, Carlos Varela, iniciou a rolda de discursos. Varela destacou como “acerto” que o Xulgado e Fiscalía de menores queden no actual Pazo de Xustiza separados do resto de xulgados “porque son xustizas diferentes”, así como que os xulgados de familia e de violencia de xénero conten con espazos propios.

“A xustiza especializada demanda espazos especializados”, afirmou.

Pola súa banda, o presidente do Tribunal Superior de Xustiza de Galicia, Miguel Ángel Cadenas, resaltou que “investir en xustiza é necesario pero tamén é rendible social e economicamente”, recordando que “é unha esixencia constitucional investir na tutela

O presidente da Xunta e o alcalde de Ourense xunto aos arquitectos encargados da obra e responsables das disntintas instancias xudiciais visitando un dos espazos para xulgados da nova sede xudicial ourensá. /P.LODEIRO. xudicial efectiva”. Cadenas recordou que durante a etapa na que exerceu en Ourense “había un problema de espazo, e así ata o día de hoxe; (o novo edificio) garante o presente e o futuro en canto a sedes xudiciais” na cidade.

Tamén interviu o vocal territorial do Consello Superior do Poder Xudicial, Juan Manuel Fernández, quen dixo da nova sede xudicial ourensá que se trata dun edificio “amplo, cómodo e moderno, sobrio e sen luxos, pensado para as necesidades a longo prazo”.

Expropiación En canto ao alcalde da

cidade, Agustín Fernández, subliñou que a nova sede xudicial de Ourense “non sería posible sen un proceso de expropiación dos terreos” que durou cinco anos e gabou o traballo da ex edil Áurea Soto ao fronte do departamento de Urbanismo que a levou a cabo.

O rexedor aproveitou para demandar á Confederación Hidrográfica que constrúa neste contorno a súa sede, na parcela que para tal fin xa expropiou tamén o Concello.

Fernández augurou “dinamismo social e crecemento” ao barrio do Couto, que está chamado a ser, segundo o rexedor, “un dos

principais temóns desta cidade”.

Recordou tamén a necesidade de construir un párking na zona que dea servizo ao edificio xudicial e ao futuro centro de saúde do Couto e citou o proxecto de reurbanización da rúa Francisco Llorens que “está a piques de adxudicarse” e abrirá un novo acceso aos xulgados.

Investimentos en época de crise En canto á intervención do presidente da Xunta, Alberto Núñez Feijoo destacou que nos momentos máis aciagos da crise “fomos quen de tentar non renunciar á mellora

Características O novo edificio xudicial conta con 14.000 metros cadrados distribuídos en nove andares, e acollerá 24 xulgados, 16 salas de vista, e outros espazos para o Rexistro Civil, o Imelga, oficina de atención ao cidadán e á vítima, colexios profesionais ou o servizo de notificación de embagos, entre outros. Nel exercerán o seu traballo ao redor de 200 profesionais da xustiza e estímase que cada día pasen por estas dependencias máis de mil persoas.

Na construción do novo edificio xudicial de Ourense investíronse 18 millóns de euros.

dos servizos públicos”. De feito, apuntou que nos últimos cinco anos a Xunta de Galicia “leva investido en edificios xudiciais máis que nos últimos 13 anos”, 50 millóns fronte a 41 millóns de euros. Investimentos en melloras físicas e tecnolóxicas que continuarán co Plan Senda 2015-2020 co que se prevé implementar o expediente xudicial electrónico e a sede electrónica xudicial.

En 14.000 metros cadrados, distribuídos en nove andares, o edificio acollerá 24 xulgados e 16 salas de vistas

Traslado Segundo confirmaba o presidente da Audiencia Provincial, Antonio Piña, o traslado dos xulgados, previsto para comezar o 1 de marzo, está supeditado

“É unha esixencia constitucional investir na tutela xudicial efectiva”, dixo o presidente do TSXG

TEMA DO MES

4 Colaboración entre administracións Se hai algo que destacou nos discursos desta inauguración foi a chamada ao entendemento entre administracións.

Dunha banda, o titular do Executivo galego, Alberto Núñez Feijoo puxo o énfase na colaboración entre administracións que permitiu que o edificio xudicial sexa hoxe unha realidade. “Cando a Xunta e a Administración local traballan conxuntamente gañan, porque gañan as cidades e porque, sobre todo, gañan os cidadáns”, afirmou. Así, Núñez Feijoo salientou que a colaboración entre institucións está a permitir afrontar outras grandes infraestruturas, como a ampliación do Complexo Hospitalario Universitario de Ourense ou o novo centro de saúde do Couto.

Pola súa banda, o alcalde de Ourense, Agustín Fernández, pediulle ao presidente da Xunta que a colaboración entre institucións que tivo “un resultado excelente no caso do edificio xudicial se estenda ao inacabado Centro de Interpretación dos Parques Naturais “que dá unha malísima imaxe”. A Núñez Feijoo tamén lle demandou que “nos bote unha man” na solicitude do 1,5% Cultural para a Praza de Abastos.

Ourense por BARRIOS Febreiro de 2015

O Sergas inicia a construción do centro de saúde do Couto

4 A obra, que está previsto que se leve a cabo nun prazo de 14 meses, conta cun orzamento de 3,3 millón de euros.

Redacción O Sergas dá comezo ás obras para a construción do centro de saúde do Couto coa formalización da acta de comprobación de replanteo celebrada o 19 de febreiro e tras asinarse o contrato de obra entre o Servizo Galego de Saúde e a UTE Vías y Construcciones S.A. + Petrolam A Veiga S.L. o pasado 2 de febreiro.

O xerente do Servizo Galego de Saúde, Antonio Fernández-Campa, visitou ese mesmo día 19 os terreos onde se edificará

este centro de saúde, acompañado da xerente de Xestión Integrada de Ourense, Eloína Núñez, e da xefa territorial de Sanidade, María Villar.

O orzamento da adxudicación é de 3.278.067 euros para un superficie construída de máis de 2.700 metros cadrados. O centro está cofinanciado ao 80% polo programa operativo Feder 2007-2013 e enmárcase na Estratexia Sergas 2014 de modernizar as infraestruturas da rede de Atención Primaria para mellorar a asistencia prestada á cidadanía e o contorno de traballo dos

profesionais.

A obra, que está previsto se leve a cabo nun prazo de 14 meses, contará con 14 consultas na área de medicina xeral, enfermaría, matrona, farmacia, odontoloxía, fisioterapia, sala de técnicas, sala polivalente, consulta de urxencias, consulta da muller, dúas consultas na área de pediatría, traballador social, ademais de área de admisión e arquivos, entre outros.

A obra está financiada no 80% por fondos Feder

O xerente do Sergas, Antonio Fernández-Campa, visitou os terreos do novo centro de saúde do Couto acompañado da xerente de Xestión Integrada de Ourense, Verín e O Barco, Eloína Núñez, e a xefa territorial de Sanidade, María Villar./RAMSÉS

Infografía do novo centro, que terá deseño en forma de U, que facilita a iluminación e ventilación naturais.

4 Dará asistencia sanitaria básica a preto de 18.000 usuarios O futuro centro de saúde do Couto será o sexto da cidade, e sumarase aos de Valle Inclán, Novoa Santos, A Ponte, A Cuña e A Carballeira.

A posta en marcha desta nova instalación permitirá redistribuír a asistencia básica, gañando espazo para novos servizos no Novoa Santos.

Así, o centro de saúde do Couto terá unha capacidade asistencial para preto de 18.000 usuarios deste barrio, ademais dos correspondentes a Rabodegalo e Vistahermosa, que quedarían asignados ao mesmo.

Segundo o proxecto arquitectónico, de Vázquez

Muíño, o edificio, de tres plantas, situado entre a rúa Velazquez e a Castro Canseco, terá forma de U, o que facilitará a iluminación e ventilación naturais.

Horario continuado e fisioterapia Este centro permitirá crear un cuarto Servizo de Fisioterapia en Ourense. Ademais, terá horario continuado de mañá e tarde; e xunto a Medicina Familiar e Comunitaria e Enfermaría, contará con especialidade, como Pediatría, Área da Muller; Servizos Farmaceúticos, Traballo Social, e Odontoloxía.

Ourense por BARRIOS Febreiro de 2015

BARRIOS

PP e PSOE visitan as obras de asfaltado da rúa Vasco Díaz Tanco 4 Incluídas no Plan de Investimentos, dentro do cal se prevén 40 actuacións ata maio.

Redacción O alcalde de Ourense, os edís de Infraestruturas e Facenda, e dous concelleiros do PP visitaron este 18 de febreiro as obras de mellora do firme da rúa Vasco Díaz Tanco, que suporán un investimento de 60.000 euros e estará rematadas en dúas semanas.

Plan de Investimentos Esta intervención forma parte do Plan de Investimentos do Concello (que foi aprobado co acordo de PP e PSOE), o cal prevé a execución de melloras en medio cento de rúas e outros espazos públicos.

Outras actuacións Ata agora xa se iniciaron obras de adecuación do acceso ao campo de fútbol de Velle (por valor de 57.820 euros), da rúa Jose Gil (29.520 euros), Cantareliñas (59.996 euros) e Sánchez de Arteaga (54.100 euros). E de seguido comezarán na Carballeira, cun importe de 37.734 euros.

Das actuacións pendentes, están xa adxudicadas unha trintena, que suporán un investimento de 1,1 millóns de euros. E quedarían por adxudicar unhas 20 máis por valor de 356.340 euros.

O Concello agarda ter

rematado para maio ao redor de 40 destas actuacións.

Rúa Concello No que se refire á rehabilitación da rúa Concello, o alcalde dixo que o proxecto está a punto de ser presentado para aprobación en Xunta Goberno Local e que logo sairá a concurso, o que demorará entre tres e catro meses o inicio das obras.

O inicio das obras de mellora da rúa Concello demorarase entre tres e catro meses

Membros do goberno municipal e o PP visitando as obras./P.L.

O Concello de Ourense estrea punto limpo móbil 4 Realizará a diario unha ruta pola cidade para recoller pequenos residuos domésticos.

Paula Lodeiro Que o cidadán non se teña que desprazar aos puntos limpos de Santa Mariña ou Eiroás senón que sexa o punto limpo o que se achegue á cidade é o motivo da posta en marcha dun punto limpo móbil por parte do Concello de Ourense.

No mesmo poderán depositarse pequenos residuos xerados no fogar, como CD´s ou baterías de móbiles. Aparellos eléctricos e electrónicos, mobles e enseres voluminosos, radiografías, restos de pintura, tintas e disolventes, aerosois, lámpadas e tubos fluorescentes, vidro plano, aceite usado de automoción, madeiras, ou metais tamén se poderán deixar neste vehículo, ao igual que outros produtos que xa contan con contedores na rúa, como roupa e calzado, aceite usado vexetal, papel e cartón ou pilas.

Ruta O vehículo realiza de luns a sábado unha ruta pola cidade. Así, os primeiros e terceiros luns de mes visitará a rúa Río Mao, Santa Teresita, Río

O responsable de Ecourense, Javier Janeiro, e o edil de Limpeza, José Ángel Vázquez Barquero, diante do camión que actuará de punto limpo móbil./P.L. Bibei, Covadonga e a avenida de Marín; mentres que os segundos e cuartos luns, pasará por Cabeza de Vaca, Seixalbo, Curuxeiras, Santa Mariña, Ceboliño, Velle, Cudeiro, Vilar de Astrés, Reza, Quintela de Canedo, Untes, Santa Cruz de Arrabaldo, Castro de Beiro, Caveanca e Palmés.

Os martes os puntos de recollida estarán na rúa San Pedro de Mezonzo, Vicente Risco, Ribeiriño, praza Alfonso Alcaraz e Praza Sorolla. Os mércores, nas Camelias, praza da Lexión, rúa Dalí, Pura e Dora Váz-

quez e rúa Manuel Murguía. Os xoves visitará a a.vv. do Polvorín, a praza de Santo Cristo, a avenida da Universidade, Pena Trevinca e praza Mariñamansa. Os venres atenderá á poboación de Barrocás, rúa Inmaculada, estrada da Granxa, rúa Xunqueira de Espadanedo e rúa Xunqueira de Ambía.

Finalmente, os sábados pola mañá o vehículo fará paradas nas prazas do Ferro e da Imprenta, rúa Dr. Fléming, praza Eduardo Barreiros e rúa do Progreso.

BARRIOS

Adiase o desafiuzamento dunha veciña da Ponte 4 A Plataforma Stop Desafiuzamentos critica que o IGVS non lle ofrecera vivenda social na capital ourensá.

Paula Lodeiro Ata o 2 de marzo aprázase o desafiuzamento de María, unha veciña da Ponte con dous fillos ao cargo que ía ser despexada da súa vivenda en aluguer este luns 23 de febreiro, por un impago de 2.170 euros.

Tras negociar coa comisión xudicial que ía proceder ao despexo, María conseguiu que o desafiuzamento se adiara unha semana, “para darme a oportunidade de sacar as cosas

A familia só conta con 500 euros de axuda do RISGA

con tempo”, explicaba ela mesma aos medios de comunicación.

Con dous fillos, un de 18 anos e outro dun ano, ao cargo, María relatábanos o seu caso: trasladouse a esta vivenda no número 1 da avenida das Caldas fai un ano, ao nacer a súa filla pequena. Daquela, sen ingresos (era autónoma en paro) solicitou unha axuda de emerxencia, que lle foi denegada, pero que recurriu.

“Espero contestación desde xullo”, afirmou. A axuda do RISGA foille concedida en setembro, 500 euros cos que tiña que asumir os gastos de 310 euros mensuais de aluguer, subministros de

luz e auga e a alimentación da súa familia. Tras sete meses de impago do aluguer, a propietaria arrendadora da vivenda iniciou un procedemento de desafiuzamento exprés.

María contactou con Stop Desafiuzamentos en xaneiro e a través deste colectivo dirixiu senllos escritos aos Servizos Sociais do Concello de Ourense e á Delegación de Vivenda da Xunta en Ourense. O venres 20 de febreiro, a delegada de Vivenda ofrécelle a esta familia unha vivenda social ben en Castro Caldelas ben en Carballeda de Valdeorras, unha proposta que desde a Plataforma

“desarraigaría por completo a esta familia”, apuntaba o seu voceiro, Roberto Pereira. “Mándanme fóra de Ourense, onde non teño oportunidade de saír adiante”, opinaba María, quen engadía que o seu marido acababa de empezar a traballar (dez horas semanais fregando pratos), traballo que perdería se se tiñan que trasladar da cidade.

“A partir de hoxe quero buscar unha vivenda que eu poida pagar”, expresaba esta ourensá cales eran as súas intencións, ao tempo que agarda “unha resposta das administraciones ás axudas que estamos pedindo”.

Incumprimento da obriga constitucional Membros da Plataforma Stop Desafiuzamentos estiveron arroupando á María fronte ao piso no que residiu este último ano, no barrio da Ponte. Coa súa presenza querían “facer visible o incumprimento do obriga constitucional de

Ourense por BARRIOS Febreiro de 2015

María (no centro da imaxe) e os seus fillos deberán abandonar o piso no que están de aluguer o 2 de marzo./P.L. proporcionar vivenda digna os seus cidadáns”.

Pereira recordou que Ourense lidera a media estatal de vivendas baleiras cun 22,7% do total, isto é, 55.936 de 245.970, “ante a pasividade do presidente da Xunta que prometera 500 vivendas de alugueiro

social”.

A súa protesta trasladouse pouco despois ante o novo edificio xudicial que inauguraba este 23 de febreiro o presidente da Xunta, onde corearon lemas como “máis vivenda social e menos desahucio xudicial”.

BULATS chega a Ourense da man de Mundoclases

Pastelería Tu Recreo conta con obradoiro visible dente todo o establecemento./M.R.

Pastelería Tu Recreo estrea nova imaxe Pastelería Tu Recreo reabre as súas portas cunha imaxe máis moderna.

Fundada en 1990, nesta nova etapa oferta servizo de pastelería, bolos e panadería artesá, cun obradoiro totalmente visible para o cliente, para que vexa que “non hai nada conxelado, e comprobe de primeira man como sae o seu encargo recén feito”, explicou a xerente, Sandra.

Variedade de produtos Os que se acheguen a Pastelería Tu Recreo poderán levar para casa unha ampla variedade de pan (barras, centeo, millo bolas de mestura...), doces (pasteis, mousses, semifríos, tartas de mazá e queixo...) e bolos (cakes, croissant, napolitanas, palmeiras, bolos suizos, bica branca...).

Ou mercar as súas deliciosas magdalenas, muffins, galletas, ou os recoñecidos

bombóns “Uña” (que poderá mercar na súa clásica caixa ou a granel).

Ademais, ofrecen cada mes produtos típicos da época do ano.

Poden visitar Pastelería Tu Recreo de luns a domingo de 8.30 a 14.30 e de 16.30 a 20.30. Mércores e domingo pola tarde, pechado.

Encarga unha tarta ou pasteis no 988 24 42 08, ou visita Pastelería Tu Recreo na rúa Lugo, 3 (Posío)

Mundoclases educación integral oferta a partir do 9 de marzo cursos intensivos de inglés en Ourense, nos niveis B1 e B2, a través da certificación BULATS (Business Language Testing Service).

Mundoclases vén de converterse en centro asociado BULATS da Universidade de Salamanca, quen ofrece este prestixioso exame homologado pola Universidade de Cambridge, o Instituto Goethe e a Alliance Française. En concreto, Mundoclases convértese en Centro Examinador Oficial BULATS para todos aqueles candidatos que, por motivos persoais ou profesionais, decidan acreditar o seu dominio da lingua inglesa, alemana ou francesa dentro do Marco Común Europeo de Referencia das Linguas (MCER).

A formación dos cursos

Instalacións de Mundoclases, na rúa Teluro, 2. de inglés será impartida por profesorado propio do centro ourensán de maneira presencial e tamén a través dunha plataforma on line. Os docentes recibiron formación especializada previa pola Universidade de Salamanca.

Exames en xuño As clases, en diferentes horarios de mañá e tarde no centro que Mundoclases ten na rúa Teluro, 2, desenvolveranse entre

marzo e xuño, sendo na segunda semana deste mes cando se realicen os exames. Unha vez superado este, o certificado obtido está homologado para concursos de traslados, oposicións, másters ou retirada de títulos.

[Infórmate no 988 392 249]

Mundoclases convértese en Centro Examinador Oficial BULATS

Ourense por BARRIOS Febreiro de 2015

CIDADE

PLENO EXTRAORDINARIO

O Concello compromete unha achega plurianual para a reforma da Praza de Abastos 4 Por unanimidade a corporación ratifica o convenio de colaboración con Goberno central e Xunta para as áreas de rehabilitación do casco histórico e Polvorín, Camelias e Carballeira.

P. Lodeiro A corporación ourensá aprobou, por unanimidade e en sesión plenaria extraordinaria, dous asuntos: dunha banda, o convenio de colaboración co Ministerio de Fomento e co Instituto Galego de Vivenda e Solo (IGVS) para as áreas de rehabilitación do casco histórico e do Polvorín, As Camelias e A Carballeira; doutra banda, o compromiso de achega plurianual por parte do Concello para a reforma da Praza de Abastos nº1.

No que se refire ao proxecto de solicitude do 1,5% Cultural de Fomento para rehabilitar a Praza de Abastos nº 1 de Ourense, o que se aprobaba era o plan plurianual cos fondos que achegará a institución local para esta reforma: nada en 2015 e 1,9 millóns en 2016, do total de 5,6 millóns orzamentados.

O líder do PP, Rosendo Fernández, reprochoulle ao grupo de goberno que dous meses despois da presentación da solicitude non tivera aínda completado o expediente, mentres que o alcalde, pola súa parte, acusaba aos populares de tratar “de que non se conceda esta axuda”. A portavoz nacionalista Susana García afirmaba que “se a axuda non se conse-

gue porque está mal tramitada será competencia do PSOE” e ao mesmo tempo reclamaba o apoio a esta reforma dos deputados populares. Áreas de rehabilitación En canto ao convenio de colaboración entre o Concello, Fomento e o IGVS, o rexedor explicou que se trata de “recolocar o financiamento xa pactado” nas anualidades de 2015 e 2016. Os fondos deste convenio darán para financiar 18 rehabilitacións xa realizadas no casco histórico e outras oito na área do Polvorín, Camelias e Carballeira.

No casco histórico o orzamento deste programa ascende a 415.837 euros, dos que o Ministerio achega o 24,07%, a Xunta o 21,34%, o Concello o 29,28% e o restante 25,31% os particulares.

Na área de rexeneración e renovación urbana do Polvorín Camelias e Carballeira, as actuacións previstas teñen un custo de 455.375 euros. O Concello asume o 56,34% do total, a Xunta o 23,56%, Fomento o 13,17% e os particulares o 6,92%.

O Concello achegará 1,9 millóns en 2016

O socialista José María García Tejerina tomou posesión como edil no pleno de febreiro./P..LODEIRO.

As concelleiras populares Belén Iglesias, Beatriz Tejada e Marinel Fernández abandonando o salón de plenos, tras chamar Jácome “enchufada” a Tejada e respostarlle esta cos calificativos de “tolo” e “enfermo”. O PP permaneceu ausente durante o debate de todas as mocións de DO./P.LODEIRO.

4 O PP abandona o pleno tras un enfrontamento con DO Sete horas de debate, 13 mocións, a toma de posesión dun concelleiro novo (o socialista José María García Tejerina), e un enfrontamento entre PP e DO que se saldou co abandono do pleno por parte dos populares é o balance da sesión plenaria ordinaria de febreiro.

PP e BNG aprobaron crear un espazo de estacionamento para autocaravanas como propuñan os populares.

Aprobouse a moción do Bloque para instar á Xunta que dote os medios necesarios para evi-

tar colapsos en urxencias e demoras en atención primaria, cunha emenda socialista para apoiar os pacientes con hepatite C. Populares, nacionalistas e socialistas aprobaron outra moción do Bloque sobre o Plan de Emprego, aínda que a unanimidade non evitou os reproches cruzados sobre quen era responsable do retraso na súa posta en marcha.

O BNG voltou presentar unha moción sobre a Praza de Abastos da Ponte, pero o que se aprobou – só cos votos socialistas- foi a emenda destes para que os

técnicos decidan o modelo de xestión máis acaído.

Non prosperou ningunha das mocións de Democracia Ourensana: nin a suba de impostos locais aos non empadroados, nin a rebaixa dun 25% no imposto sobre vehículos, nin a proposta para unir o barrio da Cruz Alta cun ascensor ou escaleiras mecánicas; nin a devolución aos usuarios dos Remedios do que pagaron de máis antes da entrada en vigor das novas tarifas. Tampouco saíu adiante a moción do Bloque nin a emenda do PP sobre a nova concesión do

transporte urbano.

Co voto de calidade do alcalde, rexeitouse a proposta do PP para que o grupo de goberno pagase os intereses de demora da indemnización a Proavia á que obriga unha sentenza xudicial.

PP e PSOE aprobaron a moción dos primeiros para mellorar a accesibilidade das persoas discapacitadas e eliminar as barreiras arquitectónicas.

E os socialistas aprobaron unha moción sobre a regulación da venda directa de produtos primarios ao consumidor final.

PUBLICIDADE

Ourense por BARRIOS Febreiro de 2015

Ourense por BARRIOS Febreiro de 2015

BARRIOS

ENTREVISTA A ELADIO PÉREZ, PRESIDENTE DA AVV ARRANXAR

“Tiven varias ofertas para entrar en política, pero nunca me interesou” 4 Eladio Pérez achéganos á súa longa historia como representante veciñal e aos problemas aos que o barrio das Camelias fai fronte a diario.

Silvia Nieto Eladio Pérez é un dos representantes veciñais referentes na cidade de Ourense. Leva toda a vida loitando polos intereses comúns, tanto dende a asociación de veciños que preside, Arranxar (no barrio das Camelias), como durante os anos que formou parte da Federación Limiar. Estivo moi próximo á política, pero nunca sentiu interese por entrar nela e agora ten claro que fixo o correcto, “os partidos úsante, utilízante e despois tírante”, denuncia. Falamos con el e coñecemos da súa propia voz o complicado que resulta lidiar con autoridades e veciños.

Cando se fundou Arranxar?

Eladio Pérez: “Empezou en 1988. Un grupo estabamos na directiva da asociación de veciños do Castelo, saimos dela e fundamos esta. Os primeiros anos fixemos as actividades e as reunións no local de Aspanas na avenida de Portugal, pero despois estando Veiga Pombo de alcalde inaugurouse este local (ubicado na praza da Muiñeira). Pero como se nos quedaba pequeno collemos outro enfrente. Por aquel só se pagan 200 euros de aluguer, e por este 180, polo que os dous son asumibles”.

Nestes anos cambiaron os problemas do barrio?

E.P.: “Algúns fóronse solucionando pero queda moito por

solucionar. Un dos máis graves é o río Barbaña. Nós organizamos dous anos un campionato de pesca para demostrar que o río tiña vida, pero na terceira edición foi cando se atoparon os 17.000 peixes mortos. Posteriormente volveuse recuperar, pero volveu haber vertido tóxico. E así estamos continuamente. Hai moitas tubaxes que verten no río de mala maneira. Isto é un escándalo, un problema gordo. E aínda que sexa complicado deben arranxalo”.

Que outras reclamacións estades facendo actualmente?

E.P.: “A ponte que hai xunto á praza de Abastos está chea de fochancas e cando chove énchese de auga e cando pasan os coches salpican aos peóns. É vergonzoso que estea todo así neste século ao lado do centro.

Agora estamos pedindo tamén que melloren tamén un parque infantil bastante grande que está cheo de area, e entran os cans a facer as súas necesidades e logo os críos van xogar. Debe ser todo caucho.

Tamén pedimos que quiten unha especie de palmeiras que hai xunto a uns garaxes, porque as raíces son tan grandes e fortes que están danándolles as paredes.

A nivel de xardíns tamén estamos abandonados, porque hai algúns que non podaron, e pediuse que o fagan. E tamén hai deficiencias en limpeza.

Ademais, quero dicir que

“Os membros da directiva pagamos a cota como os demais veciños e loitamos polo barrio, e que logo che digan que non fas nada doe e desilusiona”, confesounos

apoio totalmente aos veciños do parque Barbaña, porque a pasarela está en moi mal estado; e o día de feira deixan todo suxo e tirado, con plásticos no río.

As peticións fanse insistentemente pero vai todo moi lento.

Os políticos van vir a partir de agora, porque lles interesa, pero o resto do tempo ignórante”.

E como ves o movemento veciñal?

E.P.: “Eu cúlpome a min mesmo, porque estando na Federación Limiar apoiei a un determinado partido, e os partidos úsante, utilízante e despois tírante. Agora doume conta. Gustaríame un movemento veciñal máis forte, reivindicativo, pero no momento en que as asociación estamos condicionadas por subvencións non hai maneira. Como che dan decides calar un pouco. E agora arrepíntome de ter calado. De todos os xeitos fun bastante crítico e díxenlles moitas cousas, pero non che fan caso”.

O movemento veciñal e a política están demasiado unidos?

E.P.: “Do movemento veciñal saíron moitos políticos. Pero vexo que moitos ao chegar á política do movemento veciñal esquécense. Eu nunca tiven ningunha aspiración política e iso que tiven as miñas ofertas fai 20 anos, entre outras cousas porque eu estaba no Partido Socialista.

E con Cabezas e Poli tamén tiven as miñas posibilidades, pero nunca me interesou.

Ademais, sempre dixen que se ía a metade do meu soldo ía para ONG´s da cidade, pero houbo quen se molestou porque o dixen publicamente, porque os deixaba quedar mal, pero é o que

Eladio Pérez é presidente da asociación de veciños Arranxar dende a súa fundación en 1988./S.N.

“Gustaríame un movemento veciñal máis forte, reivindicativo, pero no momento en que as asociacións estamos condicionadas a subvencións non hai maneira”, lamenta Eladio penso”.

Rexeitaches ofertas políticas de diversos bandos, para ti o movemento veciñal é algo vocacional?

E.P.: “Si, por suposto, sempre mirei polo ben común e non por intereses persoais. Eu tratei de aunar esforzos e de feito, por exemplo, recorrín toda a provincia indo por asociacións para informalas do tema do seguro de responsabilidade civil, porque a xente desconfiaba e estabamos en cueiros. E tamén loitei contra a supresión da tarifa eléctrica nocturna.

Pero eu sempre tiven intereses deste tipo. Cando tiña 18 anos en Barcelona presidía unha peña, non era unha asociación porque daquela non podían formarse.

E despois fun ao longo da vida meténdome no movemento veciñal”.

É complicado ser representante veciñal?

E.P.: “Si, primeiro polo tema das subvencións que che comentaba. Nós cobramos 12 euros ao ano por familia e con iso non che chega a nada. Ademais, non pagan todas as familias. Somos uns 9.000 habitantes na parroquia, sería mellor que houbese unha asociación soa? Seguro que si.

Carlasca naceu dunha escisión desta, Arturo estaba con nós, pero houbo diferencias e dimitiu.

E fundou unha Cultural Deportiva e logo pasouna a asociación de veciños. Agora ten asociación de veciños, deportiva, xuvenil… pero a lei permíteo, aínda que está claro que non é o mesmo”.

Lidiar coas autoridades, os intereses políticos e incluso a lei é complicado para os representantes veciñais... e concienciar aos veciños?

ECONOMÍA, EMPRESAS E EMPREGO

E.P.: “Iso tamén é moi difícil. Cando foi o tema da tarifa eléctrica nocturna movémonos moito, incluso recollemos máis de 2.000 sinaturas que presentamos na Subdelegación, pero cando chegou a hora de facer a manifestación non había nin 1.000 persoas e iso xa te decepciona. Tiñan que ter vido 4.000 ou 5.000 polo menos.

Acá no barrio conseguimos a remodelación dun parque infantil, loitamos moito polo tema, e escoitas dicir aos veciños que a asociación non fixo nada, que o Concello o ía facer igual, e iso doe. Ademais, nós non cobramos nada, como si fan noutras asociacións. Todos os membros da directiva pagamos a cota como os demais veciños, e pagamos as excursións como calquera, non nos quedamos con nada. A estas alturas nós todos pagamos a cota anual e aínda hai máis de 40 familias do barrio que non, e entón hai comentarios que che quitan as gañas e te desilusionan.

Ademais, xa lle teño dito a María Devesa que faga impor o regulamento de participación cidadá e poñer unha cota similar.

Porque non é normal que eu cobre 12 euros e acá ao lado cobren seis, non estou dacordo con iso.

Acá houbo algún membro da directiva que quixo abrir un bar dentro do local da asociación pero negueime, porque hai catro bares na zona, que non dan gañado para os gastos e non lles vou facer eu a competencia. Pero noutras aso-

ciacións si os hai, cobran como noutros bares e que me expliquen despois a onde vai ese diñeiro que gañan. Eu podo entender iso nun pobo pero non na cidade”.

Despois de tantos anos pensa na retirada?

E.P.: “Si, estou canso, pero de momento sigo porque hai xente da directiva que me di que se marcho eu marchan comigo, pero si o teño pensado, porque eu tamén teño a miña vida e as miñas circunstancias persoais”.

Ademais da xestión de queixas, que actividades organiza Arranxar para os veciños?

E.P.: “Os luns temos costura, os martes bolillos e pilates, e o xoves baile. E organizamos ceas no magosto, entroido, e excursións. Este foi o primeiro ano que non puidemos facer a de entroido por diversos problemas persoais de varios da directiva e só quedábamos dous e non dabamos feito”.

Envíalle unha mensaxe aos veciños.

E.P.: “Quero pedirlles que procuren participar máis nas actividades que organiza a asociación. Estou moi contento dos que veñen aos cursos, porque incluso veñen de zonas limítrofes e agradézollo.

E tamén lles pido que nos apoien máis porque loitamos pola zona e as cousas consíguense se hai forza e unión”.

“Pídolles aos veciños que nos apoien máis porque loitamos pola zona e as cousas conséguense con unión”, reclama

Ourense por BARRIOS Febreiro de 2015

O BNG denuncia que o Goberno municipal coloca a dedo e este négao 4 En cuestión a política de persoal no Concello.

P.L. O BNG considera que o balance dos oito anos que leva o PSOE a fronte da Concellaría de Persoal de Ourense “non pode ser peor” e acusa a esta formación de colocar a dedo, algo que estes negan.

Segundo o BNG, máis de 100 postos –o 12% do persoal municipal- están cubertos mediante comisións de servizo ou adscricións provisionais nas que non se ten en conta nin os méritos nin a capacidade en condicións de igual-

dade. “Este xeito de actuar xera desmotivación nas traballadoras que saben que os ascensos dependen só de decisións políticas e, por outra banda, as beneficiadas non exercen o seu labor con independencia dado que atenden, prioritariamente, a directrices políticas”, denunciou a concelleira Susana García.

Para o BNG a solución a estes problemas pasa pola elaboración dunha nova Relación de Postos de Traballo (RPT), sacar os postos vacantes a concurso e motivar ao persoal cunha

promoción interna.

Figura legal Non está de acordo con estas valoracións a directora xeral de Persoal, Carmen Rodríguez Dacosta, quen asegura que é “totalmente falso” que o PSOE coloque a persoal a dedo. Rodríguez lembrou que a RPT veuse elaborando ano a ano “coa coparticipación do BNG cando cogobernábamos”.

Subliña a directora xeral de Persoal que a comisión de servizo é unha figura ”totalmente legal” e que foi o Goberno socialista o que

O grupo de goberno, en contra da moción de DO para suprimir “privilexios” dos funcionarios 4 Debatirase no pleno de marzo.

P. Lodeiro O Goberno local anunciou, a través do seu voceiro José Ángel Vázquez Barquero, o seu voto en contra á moción que Democracia Ourensana presenta ao pleno de marzo para eliminar supostas “prebendas” do acordo regulador dos traballadores municipais.

A moción pretende suprimir as cláusulas do acordo regulador, que a

xuízo de DO son “privilexios”, e destinar o aforro aos cidadáns máis desfavorecidos.

En concreto, cita a moción de DO, anticipos de até 5.500 euros, a pagar nun máximo de 5 anos sen intereses; unha axuda de 1.000 euros por natalidade ou adopción; ou a entrega de 1.100 euros aos traballadores no momento da súa xubilación. O acordo regulador prevé tamén axudas do 80% da matrícula de

centros oficiais, para libros escolares, e 65 euros ao mes para gardería.

O Concello asume o 60% dos gastos de odontoloxía, oftalmoloxía, próteses ortopédicas e auditivas, cun tope de 370 euros ao ano por funcionario. E subscribe un seguro para os seus empregados en caso de morte ou invalidez. Ademais, traballadores e os seus fillos dispoñen dun 60% de desconto nas instalacións deportivas municipais.

Susana García./ARQUIVO. deu o paso de realizalas de maneira “transparante” e seguindo os principios de “igualdade, mérito e capacidade”, publicando a convocatoria no taboleiro de anuncios, realizando unhas bases de contratación, nomeando unha comisión de selección de tres funcionarios e seleccionando ao funcionario para o posto de que se trate “para un período máximo de dous anos”.

Para este ano, a directora xeral anuncia unha oferta de emprego con promoción interna.

“Rédito electoral” Os socialistas din non á proposta de DO “por coherencia” pois foran eles os que aprobaran o acordo regulador vixente, e “por estar en desacordo coa filosofía, porque no Concello de Ourense non existen nin prebendas nin privilexios”.

A xuízo do voceiro socialista, a moción do partido de Gonzalo P. Jácome é “extemporánea” e só ten un obxectivo: “someter aos traballadores a unha exposición pública que non ven a conta de nada máis que o posible rédito electoral de Democracia Ourensana”.

DO quere que se destine o aforro aos máis desfavorecidos

10

Ourense por BARRIOS Febreiro de 2015

CIDADE

Dous Vázquez para a mesma alcaldía

Primarias en Ourense en Común Redacción

4 O PP deu a coñecer o seu candidato e os socialistas presentaron xa a súa lista.

A edil Susana Gómez.

Dimite Susana Gómez, de DO Redacción Susana Gómez, concelleira de Democracia Ourensana, presentou este martes a súa renuncia como edil da corporación ourensá. Gómez Valencia deixa a política por non compartir o novo rumbo tomado pola formación que lidera Gonzalo Pérez Jácome. Nos últimos tempos trascenderan as diverxencias entre ambos os dous políticos.

A edil independente anunciou que regresa á súa actividade profesional como docente na Escola Municipal de Música.

Unha decisión que a Gonzalo Pérez Jácome lle producía “unha enorme tristeza persoal, xa que a miña valoración dela como amiga, política e traballadora, é de 10 sobre 10”.

O líder de Democracia Ourensana considera que o feito de regresar ao seu posto de traballo “hónraa e diferénciaa de tantos outros políticos que só buscan perpetuarse no cargo público”. Engade Jácome o seu desexo “da mejor das sortes” para Gómez Valencia e agarda que no futuro “os nosos camiños volvan converxer”.

P. L. O que era un secreto a voces confirmouse e será Jesús Vázquez quen aspire á alcaldía de Ourense polo Partido Popular.

Vázquez quere liderar un “proxecto de ilusión e que devolva a normalidade á cidade de Ourense”.

De momento xa aprobou o seu Comité de Campaña, do que forman parte tanto el como Rosendo Fernández, e outros 19 cargos do partido.

O candidato terá plena liberdade para elixir os nomes da súa lista, que non se coñecerá ata principios de abril. Segundo o ex conselleiro de Cultura e Educación, “será un grupo cercano, que escoite, que dea resposta, e que sexa honesto”.

Lista socialista O PSOE vai un pouco máis avanzado e xa decidiu a súa candidatura, que recibiu o 97% dos apoios da asemblea socialista (123 votos a favor e 4 en branco).

Segundo o cabeza de lista, José Ángel Vázquez Barquero, hai unha aposta pola “renovación” e pola “cohesión”. Xunto a Barquero, aparecen en postos de saída a directora xeral de Persoal e secretaria local da agrupación socialista de Ourense, Carmen Rodríguez Dacosta; José María García Tejerina, que entraba como edil a principios de mes; a concelleira de Comercio e Infraestruturas, Juana Ageitos; e o que fora candidato da “terceira vía” ás primarias, Javier Rey.

José Ángel Vázquez Barquero e Jesús Vázquez nun recente acto público en Ourense./P.LODEIRO.

Xosé Manuel Fírvida (BNG) e Xosé Carlos Valcárcel (PSOE) nun pleno en Barbadás./ARQUIVO.

Fírvida e Valcárcel repiten en Barbadás 4 Como candidatos do BNG e do PSOE. P.L. PSOE e BNG xa teñen os nomes dos que se enfrontarán á popular Consuelo Vispo pola alcaldía de Barbadás. Os actuais voceiros socialista, Xosé Carlos Valcárcel, e nacionalista, Xosé Manuel Fírvida, veñen de ser refrendados como candidatos polos seus respectivos partidos.

A Asemblea Local do BNG de Barbadás decidiu presentar ao voceiro municipal nos últimos oito anos, Xosé Manuel Fírvida, como candidato á alcaldía. Os edís Ánxela González e Serafín Núñez repitirán con el nos primeiros postos da candidatura que o BNG presentará ás municipais de maio.

A experiencia na política municipal, o coñecemento dos problemas do concello, e a necesidade

dun cambio de goberno foron os motivos valorados pola Asemblea Local para dar continuidade ao actual grupo municipal.

Valcárcel, elixido por aclamación Pola súa parte, a agrupación socialista de Barbadás elixiu por aclamación en asemblea a Xosé Carlos Valcárcel como candidato á alcaldía.

O actual voceiro do PSdeG neste municipio falou da importancia de manter a mesma liña de traballo baseada na proximidade á veciñanza e “na implicación real de concelleiros, militantes e simpatizantes no día a día do que acontece en Barbadás, sen perder de vista as inquedanzas da cidadanía e as necesidades máis apremiantes para un municipio que non acaba de despegar”.

Ourense en Común proclamará o 28 de febreiro os aspirantes que participan nas primarias para conformar a súa lista electoral ao Concello de Ourense. Son 31 persoas as que se presentaron a este proceso, dez delas (todos homes) como candidatos a alcalde e o resto para integrarse candidatura. A votación das primarias será o 14 e 15 de marzo.

Entre os aspirantes a cabeza de lista, o líder veciñal Miguel Doval; o que fora candidato de Iniciativa por Ourense hai catro anos, Marcos Guimarey; Carlos Miguélez, designado por Esquerda Unida; ou o que fora elixido candidato de Compromiso por Galicia á alcaldía, Xosé Mosquera.

Un total de oito formacións (Compromiso, Anova, Esquerda Unida, Iniciativa por Ourense, Equo, Espazo Ecosocialista, Demos + e Por Un Mundo + Xusto) deron xa o seu apoio a este movemento cidadá, que se constituirá en partido para presentarse ás municipais.

Podemos Ourense decidirá mediante votación telemática se apoiar ou non a Ourense en Común. “O luns 2 teremos os resultados”, apuntaba o seu responsable, Víctor Alfonso Ferreiro. Ante a posibilidade de que gañe o si, algúns membros de Podemos xa se inscribiron como candidatos nas primarias.

ECONOMÍA, EMPREGO E EMPRESAS

Ourense por BARRIOS Febreiro de 2015

11

A XUNTA OFERTA 2 MILLÓNS DE METROS CADRADOS DE SOLO INDUSTRIAL CON REBAIXAS DE ATA O 5O% NO SEU PREZO A primeira fase abriuse en xaneiro e inclúe 500.000 metros cadrados propiedade de Xestur, mentres que no mes de marzo activarase a segunda fase coa oferta das parcelas do IGVS A Xunta de Galicia puxo á venda medio millón de metros cadrados de solo industrial propiedade de Xestur con rebaixas de ata o 50 por cento. Esta é a primeira fase do programa que mobilizará ata 2 millóns de metros cadrados de solo industrial, incluído na Axenda da Competitividade Industrial Galega (Galicia-Industria 4.0) e que ten por obxecto incrementar ata o 20% o peso da industria galega no PIB e a creación de 50.000 empregos no sector nos próximos cinco anos.

O concurso convocouse en xaneiro cun prazo para presentar solicitudes que remata en febreiro. Unha vez resolto, as parcelas que non foron adxudicadas por falta de licitadores poderán ser adxudicadas polo mesmo prezo que rexeu no concurso a quen a solicite mediante adxudicación directa.

Este programa contempla rebaixas de ata o 50% para aqueles parques empresariais situados nas Zonas Impulsa, entre elas a de Ourense, así como para os concellos fronteirizos con Portugal. Ademais, establécese unha rebaixa do 30% no resto de parques, salvo os das áreas urbanas,

que contarán cun desconto do 15%.

A segunda fase deste programa de rebaixas nos prezos do solo industrial abrirase no mes de marzo, coa oferta de parcelas en parques empresariais propiedade do Instituto Galego de Vivenda e Solo (IGVS).

Descontos do 50% A Xunta estableceu unha rebaixa do 50% sobre o prezo actual do metro cadrado en todas os parques da súa propiedade na provincia de Ourense. En concreto, no parque empresarial de Xinzo de Limia, no de Pereiro de Aguiar, na central de transportes de San Cibrao das Viñas e no de Vilamarín.

Obxecto de licitación En principio, serán obxecto de licitación as parcelas de solo empresarial propiedade do ente instrumental da Xunta de Galicia Xestión do Solo de Galicia-Xestur, S.A., sobre as que non haxa ningún compromiso de venda ou opción de compra, ou outras cargas que impidan o seu alleamento, e que estean suficientemente definidas dende o punto de vista urbanístico e rexis-

Vista do polígono de San Cibrao das Viñas.

tral.

A venda das parcelas antes referidas, ten o carácter de venda con publicidade, aberta e incondicional, que se adxudicará ao mellor postor ou oferta máis vantaxosa, de conformidade co previsto nos criterios de preferencia incluídos nas bases do concurso. Poderá solicitarse a compra de parcelas tal como están configuradas no parcelario correspondente, ou ben parcelas cunha superficie e configuración diferente, que puideran resultar, no seu caso, da segregación das parcelas previstas.

O adquirente obrigase, entre outras cousas, a concluír a edificación proxectada na parcela adquirida e a obter a habilitación correspondente para a primeira actividade no prazo de tres anos, a contar dende a data de formalización da compravenda.

En Ourense, a oferta chega aos parques de Pereiro de Aguiar, Xinzo, Vilamarín e á central de transportes de San Cibrao das Viñas

4 Parcelas dispoñibles en Ourense

Mapa dos parques empresariais de Galicia nos que a Xunta oferta parcelas con descontos que chegan ata o 50%.

Axenda da Competitividade industrial de Galicia As rebaixas de prezo para o acceso ao solo industrial son unha das medidas contempladas en Galicia - Industria 4.0, a Axenda da Competitividade Industrial Galega, que establece as pautas para modernizar a industria co obxectivo de crear 50.000 novos empregos de calidade ata o ano 2020.

A Axenda, que está a ser consensuada cos axentes implicados, suma 60 medidas específicas que se desenvolverán a través de cinco eixos de actuación: factores territoriais de competitividade, persoas e organizacións, crecemento, innovación e mercados. Deste xeito, perséguese incrementar o peso da industria no PIB en 6,5 puntos ata acadar o 20% no ano 2020.

Co desenvolvemento da Axenda, a Xunta aspira a modernizar a industria galega a través da innovación, establecendo novas fórmulas de produ-

ción que melloren a súa competitividade, e impulsando a fabricación de produtos diferenciados e de calidade. Desta forma, fixarase tecido industrial con capacidade para recuperar o emprego e xerar novos postos de traballo.

Para acadar estes retos, a Axenda aposta polo equilibrio entre o reforzo dos sectores tradicionais e o impulso dos emerxentes así como pola diversificación de produtos. Facilitarase ademais a hibridación multisectorial, que supón a interconexión de sectores distintos na procura de aproveitar as sinerxías entre eles.

A axenda ten unha clara orientación sectorial co obxectivo tanto de reforzar sectores estratéxicos da economía galega –agroalimentario, automoción, naval, forestal ou téxtil-, como de impulsar outros emerxentes e de maior valor engadido, como o aeronáutico, o biotecnolóxico ou as TIC.

Na provincia de Ourense a oferta de solo empresarial chega a catro parques: o de Pereiro de Aguiar, o de Vilamarín, o de Xinzo de Limia e a central de transportes de San Cibrao das Viñas.

En Pereiro de Aguiar ofértanse 27 parcelas para uso comercialindustrial con prezos, unha vez bonificados ao 50%, de entre 31.560 euros e 122.280 euros.

Na central de transportes de San CIbrao das Viñas, a oferta é de sete parcelas propiedade de Xestur, de uso para carga fraccionada ou loxística. Oscilan entre os 1.494,80 metros cadrados e os 31.860, e o seu prezo de venda, unha vez rebaixado ao 50%, está entre 51.593 euros e 1.099.647 euros.

No caso do polígono de Vilamarín, a oferta da Xunta é de 18 parcelas de uso industrialcomercial. Os prezos de venda xa rebaixados están entre os 7.875 euros e os 92.965.

Por último, no polígono empresarial de Xinzo de Limia, a Xunta pon tres parcelas á venda, cunha bonificación do 50%. Son soares de uso comercial-industrial con prezos que apenas superan os 33.000 euros (en dúas parcelas) e de 396.000 euros para a terceira parcela.

A rebaixa do prezo do solo industrial é unha das medidas da Axenda da Competitividade Industrial Galega

12

Ourense por BARRIOS Febreiro de 2015

SOCIEDADE

Cellulem Block, os mellores tratamentos de beleza ao teu alcance

Restaurante na feira Xantar./ARQUIVO.

Xantar 2015 incluirá máis de cen actividades 4Terá lugar en Expourense do 4 ao 8 de marzo.

Redacción Xa está todo preparado para a 16ª edición do Salón Internacional de Turismo Gastronómico, Xantar, que se celebrará no recinto feiral de Expourense entre o 4 e o 8 de marzo.

Xantar 2015 contará con 17 restaurantes representativos da gastronomía galega, portuguesa, castelánleonesa e de Costa Rica, país convidado nesta edición. Ofrecerán menús baseados nos seus produtos autóctonos e de calidade, xa que a maioría inclúen alimentos amparados por unha denominación de orixe ou indicación xeográfica protexida. Contribuirase así á posta en valor dos produtos agrogandeiros e pesqueiros de calidade. Ademais, poñeranse en valor os beneficios para a saúde dos alimentos com-

prendidos na dieta atlántica e incluirán distintos menús aptos para celiacos.

Actividades Polo que respecta ao programa de actividades, Xantar incluirá tanto conferencias de expertos como exhibicións de cociña en directo, ademais de catas comentadas e degustaciones incluídas no chamado Encontro Ibérico sobre Dieta e Saúde que afronta xa a súa 10ª edición. En total, máis de 100 actividades orientadas a profesionais e afeccionados.

As actividades deste ano terán o dobre obxectivo de poñer en valor os produtos sostenibles e saudables por unha banda, e de apostar pola profesionalización do sector, pola outra.

En Cellulem Block Ourense dispoñen dos tratamentos máis axeitados para as necesidades de cada cliente. Celulite, remodelación corporal, post-parto, retención de líquidos, supertalla, brazos, manchas, flacidez... sexa cal sexa o teu problema, neste centro de estética ofreceranche a mellor solución.

Julia Vidal, responsable de Cellulem Block

Ourense, explicanos que empregan “tratamentos de vangarda coa garantìa de Termosalud, empresa española de recoñecido prestixio internacional, a prezos supercompetitivos sen baixar a eficacia e a seguridade das terapias”.

Nestes momentos teñen dispoñibles varias ofertas: “temos ata un 40% de desconto nos nosos tratamentos faciais e corporais; e un 45% de rebaixa

nos tratamentos pre-voda para noivas, madriñas, damas… Tamén, se acabas de ser mamá, temos o mesmo super desconto do 45% para ti”, indica Vidal.

Ademais, en Cellulem

Franciscanas introduce o traballo cooperativo nas aulas O cambio e o avance é unha das características que marcan a evolución das institucións. No ámbito educativo é unha premisa que non se pode esquecer; por esa razón no Colexio Plurilingüe Divina Pastora (Franciscanas) apostan pola renovación constante.

Este curso decidíronse a innovar desde as aulas na pedagoxía máis di-

recta por medio do traballo cooperativo. “Cremos necesario buscar canles para motivar ao alumnado á vez que sostemos unha aprendizaxe significativa, profunda, seria, madura.

Pensamos que é necesario actualizarnos, remover o noso panorama de traballo con actividades que sexan útiles e confiar nelas”, indica o director do centro educativo ourensán, Juan

luis Rodríguez.. Este curso 2014-2015 ensaiarán diferentes opcións en prol da convicción que garanta o futuro deste tipo de traballo en clase.

Adaptación das aulas Así mesmo, a necesidade de adaptar as aulas á realidade do século XXI (encerados dixitais, canóns proxectores e tabletas) é algo que teñen máis

Equipo directivo do Colexio Plurilingüe DIvina Pastora - Franciscanas.

Block Ourense dispoñen de fotodepilación, personalizada, rápida e indolora.

Consúltalles sen compromiso, a súa primeira cita é gratuíta. [+ info no 988 233 669]

que asumido no Divina Pastora. “O esforzo é ímprobo por dar resposta a esta necesidade”, afirma Rodríguez.

“Camiñamos coa certeza de que estamos a ser eficaces nun mundo que necesita da nosa maneira de ver o mundo: educación integral, aberta, solidaria.

Dispostos a seguir crecendo, renovándonos e aprendendo. Sen temor aos retos que se nos expoñan, con certa curiosidade, pero sen medo. A educación é un elemento imprescindible en calquera sociedade e somos responsables de dar resposta oportuna, seria e madura. Así ha de ser, é o noso compromiso. Gústanos o que facemos, así que non nos asusta o traballo que se nos ven encima”, afonda o director do centro educativo ourensán.

“Cremos necesario buscar canles para motivar ao alumnado”

PUBLICIDADE

Ourense por BARRIOS Febreiro de 2015

13

14

Ourense por BARRIOS Febreiro de 2015

EN BREVE 4 Semana do emprendedor no 12 de Outubro O IES 12 de Outubro organiza a “I Semana da empresa e o emprendedor” ata o 27 de febreiro, nun intento por achegar a realidade empresarial e laboral ao seu alumnado.

Neste instituto ourensán impártense tres familias profesionais de ciclos formativos (Imaxe Persoal, Electricidade e electrónica e Fabricación mecánica), ensinanzas encamiñadas á capacitación profesional que permita aos estudantes o acceso ao mundo laboral.

A “Semana” incluiu conferencias impartidas por profesionais do mundo da empresa e expertos en relacións laborais e creación de emprego.

Ademais, o xoves 26 hai xornada de portas abertas ás 19 horas para que aquelas empresas que colaboran coa Formación en Centros de Traballo do alumnado coñezan as instalacións, talleres e equipamentos e interactúen cos docentes para coñecer as suas demandas.

4GUÍA DE SAÚDE

ARTIGOS / SOCIEDADE

4VETERINARIA

4PSICOLOXÍA

O fomo

Máis que pelos!

O crecemento do pelo divídese en tres fases: - Fase anaxénica: é a etapa de crecemento activo, dura de 2 a 6 anos, durante os cales medra 1 cm cada catro semanas.

- Fase cataxénica: é a etapa de repouso, o crecemento detense, os folículos sofren unha morte clínica temporal.

- Fase telexénica: é a etapa de caída do pelo, onde o vello se substitúe por pelo novo.

Normalmente a muda do pelo da nosa mascota prodúcese dúas veces ao ano (teñen pelo para o frío e pelo para a calor) e é cando o noso can solta todo o pelo morto para dar paso ao novo.

Moitos dos nosos amigos peludos ao vivir en fogares con calefacción están continuamente mudando a súa pelame. Pero hai outros factores que poden desencadear unha maior caída como pode ser unha alimentación inaxeitada, a presenza de parásitos (externos/internos), idade, sexo, saú-

de (física e emocional), cambios hormonais, alerxias...

Algunhas razas son máis propensas á perda de pelo (como o labrador, golden, cocker, pekinés) e outras, por natureza, perden menos pelo (como o caniche, bichón maltes, yorkshire, foxterrier).

Algúns consellos para minimizar a caída son: - Alimentación sá e equilibrada.

- Controlar os parásitos, incluído o lugar onde dormen.

- Baño e aseo con xabóns e perfumes específicos para o seu pelo e pel.

- Cepillado mínimo 2-3 veces por semana e diario en cans de pelo longo.

- Se o seu can se rasca compulsivamente, se lame máis do habitual, ten a pel irritada, vermella ou presenta calvas debe consultar co seu veterinario para descartar enfermidades da pel ou alerxias.

[Continúa no vindeiro número]

Montse Castiñeiras, perruqueira do Hospital veterinario Abros

As redes sociais ata fai uns anos eran algo descoñecido. Pola contra, hoxe forman parte do noso día a día ata o punto que se non temos algún tipo de rede social é como se estiveramos descolgados. Ata aí todo ben, pero é moita a xente a que cada día pasa máis tempo enganchada a elas, chegando ao punto de converterse nunha das principais formas de relacionarse.

Por ese enganche, xa hai moitos casos de adición a internet, ao móvil… E agora xorde un novo término que é o de “fomo”.

Fomo é o medo a perder algo nas redes sociais, polo que as persoas que sofren esta nova síndrome necesitan estar

“As redes sociais poden ser moi útiles para manter o contacto, pero non para illarte do mundo”

conectados a elas de forma permanente para así poder consultar dunha forma compulsiva as redes, o correo, whatsapp... polo temor a non enterarse de algo e así quedar excluído.

A estas personas a desconexión das redes xéralles angustia por temor a non enterarse do que sucede ao seu redor, quedar excluídas dalgún evento ou que o resto das suas amizades fagan algo interesante sen contar con elas.

Que nalgún momento sufriras fomo non significa que sexas adicto a internet, pero hai que ter en conta que o uso inadecuado das novas tecnoloxías pode xerar dependencia das redes polo que é mellor ter en conta algunhas recomendacións tales como: - Establecer prioridades. Hai que lembrar que a cantidade de información que somos capaces de manexar é limitada, polo que debémonos centrar en persoas e datos que realmente nos interesen e poidan ser

[anúnciese en comercial@periodicobarrios.com]

útiles.

- Dosifica a presenza nas redes para evitar ser o cansino do grupo e así evitar xusto ao que máis lle tes medo, a que te deixen excluído.

- Ten en conta que por estar conectado ás redes continuamente para non perder nada, o que estás perdendo en realidade é algo máis importante: a vida - As redes poden ser moi útiles xa que ben aproveitadas poden enriquecer a nosa vida social, recuperar o contacto con antigas amizades ou compañeiros de estudo ou traballo, coñecer persoas con afeccións semellantes ás nosas, manter o contacto con seres queridos que viven lonxe, pero non para illarte do mundo.

- Planifica os teus momentos de lecer. Tamén é importante dedicar momentos a descansar e non facer nada, a estar ca familias, cos amigos, a practicar algún deporte ou facer cousas que che gustan.

- Realiza actividades ou algún tipo de exercicio ao aire libre, xa que iso facilita a desconexión.

- Fomenta a linguaxe verbal mantendo conversas frecuentes tanto en persona como por teléfono xa que desta forma podes trasmitir mellor as túas emocións.

- Limita o teu tempo de conexión diaria a internet a un tempo razoable.

- E cambia cousas da túa vida que non che gusten.

Rosa Mª Feijóo, psicóloga sanitaria G-4085

SOCIEDADE / OCIO E CULTURA

18 alternativas de ocio saudables para a mocidade ourensá 4 A 5ª edición de Ocioourense desenvolverase as fins de semana entre marzo e maio.

P.L. A Concellería de Saúde de Ourense organiza unha

nova edición de Ociuurense, o programa de actividades saudables para o tempo de lecer da mocida-

Técnicos municipais e concelleira de Saúde na presentación de Ociourense./P.LODEIRO.

de ourensá.

Son un total de 18 actividades, de carácter gratuíto, que se desenvolverán en fin de semana do 6 de marzo ao 31 de maio.

O programa de Ociourense 2015 inclúe, entre outras, as seguintes propostas: BTT, Piragüismo, Escalada, Parkour, Buceo, A bailar, A cociñar, Foto en ruta, Sábados de cine, Camiñar na noite, Xogos de sempre, Globoflexia, Cócteles sen alcohol, Maxia para ligar e Concurso de cócteles. O programa péchase o 30 de maio cun xogo de rol en vivo e o 31 de maio cunha andaina, e durante os tres meses estará aberto o concurso “Caza foto”.

Inscricións As actividades están dirixidas a mozos e mozas de entre 14 e 30 anos.

As persoas interesadas poden inscribirse xa a través da páxina web www.ociourense.es.

Ourense por BARRIOS Febreiro de 2015

A edición máis ambiciosa do “Pórtico do Paraíso” 4 O festival celebrarase entre o 6 e o 15 de marzo.

Redacción Do 6 ao 15 de marzo chega a oitava edición do Festival Internacional de Música de Ourense “Pórtico do Paraíso”, organizado polo Concello en colaboración con AGADIC, coa programación máis ambiciosa da súa historia, segundo o seu director, Juan Enrique Miguéns, “tanto polo número de concertos como pola extraordinaria calidade dos intérpretes”.

Serán 10 días de viaxe musical por nove séculos, dende o XII ata o XX, no que artistas de sete países distintos encherán a ci-

dade das Burgas da mellor música de cámara. Aos espazos habituais deste festival súmaselle este ano o Museo Arqueolóxico.

Programación Esta oitava edición será inaugurada o 6 de marzo na Catedral, coa actuación do grupo vocal francés Ensemble Jaques Moderne. A programación estenderase á igrexa de Santa María Nai con tres recitais a cargo do dúo español de violas da gamba que integran Fahmi e Rami Alqhai (o sábado 7), do estadounidense Paul O’Dette e o seu laúde renacentista (o martes 19), e da clavecinista

15

francesa Céline Frisch (sábado 14).

O dúo instrumental suízo Ensemble Peregrina presentarase o mércores 11 de marzo no Museo Arqueolóxico; mentres que os italianos Marco Beasley, á voz e ao clavecín, e Guido Morini, ao piano, pecharán a programación cun concerto o domingo 15 na igrexa de Santiago das Caldas.

O Teatro Principal será escenario das actuacións do grupo vocal alemán Amarcord (o domingo 8) e do cuarteto de clarinetes austríaco Vienna Clarinet Connection (o venres 13).

Agás as dúas citas no Principal, o resto dos concertos son gratuítos.

A mostra “Instrumentos musicais con historia”, no Museo Municipal, será unha das actividades paralelas.

Estréase como sala de concertos o Museo Arqueolóxico

16

Ourense por BARRIOS Febreiro de 2015

EN BREVE 4 Paseo saudable en bici e a pé O colexio Cardenal Cisneros organiza o primeiro “paseo saudable Cardenal Cisneros 2015”.

A actividade terá lugar o sábado 7 de marzo e poderase participar tanto en bici coma andando. Non ten carácter competitivo e o único que se pretende é pasar unha xornada en familia coa práctica do deporte como eixo.

A saída terá lugar no pavillón dos Remedios ás 10.30 horas e o paseo rematará nas pozas de Outariz. A actividade é gratuíta e poden participar todos os interesados, en especial as familias, teñan ou non aos seus fillos neste centro educativo.

4 Isósceles, novo libro de Luis Ahijado Isósceles é o novo libro de Luis Ahijado Gómez.

O mestre e poeta madrileño afincado en Ourense vén de publicar o segundo poemario da “triloxía dos tres ceos”.

O segundo ceo -Isósceles- está conformado por 60 poemas. Nel deixa atrás o pesimismo de El baúl del eterno reproche para ofrecer unha poesía máis realista, máis próxima ao lector. O espazo e o ceo están moi presentes neste libro que, ademais dos poemas, contén ilustracións de Raquel Sáenz Pascual.

Unha obra de venda ao público ao prezo de 12 euros que se poderá adquirir en Librería Aldova -Centro Comercial Ponte Vella-.

ARTIGOS / OCIO E CULTURA

4CRÓNICAS DOUTRO MUNDO

4RECEITA

A choiva do mundo, unha antinovela Hai novelas e novelas. Novelas posibles e novelas imposibles. Novelas aburridas e novelas divertidas. Novelas sinxelas e novelas complicadas. Novelas poéticas e novelas prosaicas...

Infindas novelas. Porque a historia da literatura escríbese a golpe de novela.

Poida que Milan Kundera acertase cando dixo que a historia da literatura é a historia da primeira gran novela moderna: Don Quijote de la Mancha. Un camiño polo que transitan o resto das novelas.

Antes de que existisen novelas modernas había outras novelas. Escritas en verso, como a Iliada ou as Mil noites e unha, ou concebidas non como imaxinara Cervantes, senón cunha proposta algo menos atrevida, máis convencional, aínda que igualmente digna de mención. Eu sempre lembro o Asno de ouro de Apuleio que para min foi a primeira gran novela. Pero hai moitas máis.

Con todo, eu hoxe non quero falar de novelas grandes ou de novelas pequenas, de novelas vivas ou de mortas novelas. Eu quero falar dunha novela líquida, se as novelas puidesen ser líquidas. Quero falar dunha

“Por que razón temos que perder o tempo cun escritor que semella que desafía o lector?”

antinovela, como definía Nicanor Parra a súa poesía, e como se iso fose mellor que unha novela. Algo así como se puidesemos dicir que esa intervención que fixo R. Mutt, tamén coñecido como Marcel Duchamp, para a exposición da Sociedade de Artistas independentes en 1917, en New York, e que non era máis ca un inodoro, titulado Fountain, fose mellor que calquera dos cadros de Velázquez ou de Monet.

Pois ben, A choiva do mundo vai un pouco disto.

Da negación do que ten que ser unha novela. Porque se un texto convencional ten comezo, desenvolvemento e final, esta novela está formada por historias que van tecendo, construíndo, algo que semella que ten a pretensión de ser unha novela. Pero que non ten formas definidas, que non comparte apenas personaxes, historias, lugares.

Por non compartir, non comparte nin narradores.

Ao final do texto aparecen títulos de crédito e banda sonora e personaxes como se así se pechase a novela película, ou a película novela. Definitivamente, esta é unha novela que se nega a sí mesma. Unha especie de territorio de novela…

E eu teño demasiados prexuízos con este texto.

Como teño prexuízos co escritor. Xosé Manuel Pacho, ourensán, avogado e, por riba, gañador coas súas obras dos premios máis importantes da narrativa e do teatro galego, o Torrente Ballester e o Dieste.

Puidendo ler a Neira Vilas ou a Inma López Silva, ou a Fran Alonso, por

Empanada doce de mazá Ingredientes (4 persoas): - ½ kg de manzás reinetas - 1 kg de follado - 250 gr de azucre - 1 xema de ovo - ¼ vaso de auga - Canela en rama

Edición en castelán de A choiva do mundo. que razón temos que ler a este ourensán? Por que razón temos que perder o tempo cun escritor que semella que desafía o lector, dificultando o ritmo narrativo, procurando algo que parece agochado entre as palabras?

Como se a literatura fose o centro do mundo, como se a modernidade líquida ou sólida, a de Bauman ou a de Habermas, conseguise explicar o que nos pasa.

Vivimos tempos difíciles. Tempos onde cada segundo conta, onde é máis doado ver a televisión que abrir un libro.

E podía aprender este escritor, Xosé Manuel Pacho, que se quere ser moderno, non se precisa escribir novelas deconstruídas, non se precisa escribir teatro, artigos, relatos, proxectos de novela, guións de cine e chamarlles novela. Para ser moderno abonda con tomar algo en El cercano, votar a AGE ou se cadra, reivindicar a Rosalía, ou a Baltar II. O resto, é literatura.

Manuel Blanco manuel.blanco74@ hotmail.com

Elaboración: - Prequecer o forno a 165º .

- Estirar a masa en dous rectángulos do mismo tamaño e picala cun garfo.

- Pelar as mazás en medias lúas e engraxar unha praca do forno, cubrila co follado, repartir as mazás e a metade do azucre.

- Feito isto, cubrir con outra lámina de follado, pechar ben e pintar cun ovo mesturado co azucre. Empoar co azucre restante.

- Cocela no forno durante 35 minutos.

Luis Iglesias Restaurante Os Caracoles Tel. 988 380 165

4ADÓPTANOS...

Recorda: é para sempre!

Duende é un cachorro de 5 meses e 6 quilos. É moi bo e xoguetón. Non medrará máis.

Cachorro macho. Pesa 5 quilos e de adulto chegará aos 10 aproximadamente.

Moi activo.

Nai e filla de 4 e 2 anos. Femias castradas. Acostumadas a vivir en casa e saír á finca. Urxe adopción.

Femia adulta. Tamaño mediano-grande. Pesa 30 quilos aproximadamente. É moi tímida, pero moi boa. Está acostumada a estar en finca.

Contacta con PROGAPE no 988 21 29 39, en Vilar de Astrés ou en Facebook

ARTIGOS / OCIO E CULTURA

4DIARIO DUNHA EMIGRANTE

4ARQUIVO VISUAL OURENSÁN

Cola Cao ou Nescafé O máis excitante de saber que os tempos están a cambiar é a incerteza de non saber para que lado da balanza van inclinarse. Como boa galega que son non me caracterizo por un optimismo desbordante e, con todo, síntome moi cómoda no limiar da incerteza. Non sei se isto é directamente proporcional ao de ser galega, ou porque unha vida de semi-nómade me foi preparando (non sempre ao meu querer, pero case nunca ao meu pesar) para esta situación transitoria na que o mañá é tan seguro e constante como o clima dun día na costa irlandesa.

O pasado día de San Valentín un home armado abriu fogo contra unha cafetaría no centro de CopenHague onde o Sueco Lars Vilk daba unha conferencia sobre “Blasfemia, Terrorismo e Liberdade de Expresión”. De novo saltaron as alarmas nos medios, mentres que partidos de tendencia radical ao longo e ancho do país frotaban as mans.

Dinamarca ten as políticas integracionistas e de acollida de refuxiados máis estruturadas e elaboradas de toda Europa. Proporcionalmente, este pequeno reino escandinavo é un dos países máis multiculturais do continente. Con todo, non é raro escoitar a moitos daneses que o problema radica en que Dinamarca non está afeita nin preparada

“Dinamarca é un dos países máis multiculturais do continente europeo”

para este tipo de cambios.

Sen dúbida, Á parte da traxedia das perdas humanas, isto é un duro golpe para o proceso de construción europea. Non me refiro só ao caso danés, que, tristemente, non é un caso illado, senón un máis entre a espiral de violencia intermitente e sinsentido que nos leva azoutando varias décadas. Metaforicamente, este tipo de sucesos e os sismos mediáticos que provocan son como verter un chorro de augarrás sobre a verniz de solidariedade e unión tan necesaria entre os nosos pobos.

O problema radica non en non estar afeitos, senón en non querer ver que o estamos dabondo, pero quizais do modo equivocado.

Desde hai tempo veuse educando ao persoal nun espírito agresivo-competitivo e extremadamente individualista, deixando de lado o de construír persoas. Centrámonos tanto na teoría, que a práctica de convivir co mundo pillounos desprevidos. Pero non por sorpresa.

En sucesivos días, anos, décadas, dirásenos que non estamos afeitos, que nos queren arrebatar a nosa identidade e que se someterán ao xugo as nosas liberdades máis fundamentais.

Inconscientemente, irásenos adoutrinando na temática disparatada da clasificación ancestral do mundo entre “nós” e “eles”, cando polas mañás, o noso maior problema, continuará sendo se porlle Cola-Cao ou Nescafé ao leite.

Raquel Sertaje

Ourense por BARRIOS Febreiro de 2015

17

4AS ANDRÓMENAS E OUTROS CONTOS

Contos dun cabalo

O canexón en 1956./FOTO PACHECO

O canexón O corredor, que discorría entre a rúa Colón e a de Cervantes, acollía un clandestino universo onde a supervivencia tiráballe un constante pulso ao decoro. Á esquerda do estreito pasadizo, existía un taller de madeira que antecedía ao fogar da Sra. Obdulia, altruista nai a tempo completo, un oasis no deserto da vida. Lindaba esta coa casa de Anita, en cuxo baixo gardaba o carro e o burro o célebre Pecas, encargado de recoller e distribuir os paquetes chegados vía tren á estación de Canedo.

No primerio andar dun edificio hoxe desaparecido, dormitaba o anónimo microcosmos de María Luisa. Á destra, presidía a transitada pasaxe, a casa da Gloria.

Despois viña a da Pochola, que fora da Monfortina, obrigada inquilina da Esmorga de Don Eduardo. A continuación estaba o bar “La Cubana” e a casa dos Ares. Na praza, os Suevia, Paraiso e Rosendo, esbozaban o pecaminoso escenario do 1956, no ano en que o canexón abandona a legalidade.

Fernando Valcárcel, membro do Arquivo Visual Ourensán

Viñamos da casa grande de Baxán, o pai levoume para que coñecera uns primos (Lurdiñas e Pedriño), que trouxeron de Caracas; seica son xemelgos pero non son iguais, son fillos dos meus padriños e van quedar ca avoa Anuncia.

De volta paramos na taberna do Viso, por enriba da estación do ferrocarril, e tomamos o de sempre: papá unha xarra de medio neto de viño do Ribeiro, eu unha “Mirinda” de laranxa e para o Moro, uns terróns de azucre que comía da miña man, con moita delicadeza. O Moro era así, un cabalo moi educado, lambíache a man facéndoche cóxegas, namentres lle rascabas a testa. Enredamos un bo anaco, conto vai e conto vén, ata que se nos fixo de noite.

Cando saímos os dous a cabalo xa era noite pecha, unha desas noites de inverno que non se ve un burro a tres pasos, o pai falaba co Moro como se fora unha persoa: “vai polo carreiro”, “sube o portelo da costa”, “xoo, cabalo, xoo”, “tranquilo, non esvares Morito”, “imos pequeniño imos”.

De súpeto, un lóstrego alumeou o camiño, despois un tronar sentiuse na noite. Parecía que o ceo ía estoupar naquel intre, achegueime máis ao meu pai. Baixando a costa de Viñoa pola pista vella de Mouriscade, comezou a chover, ao principio só unhas gotas, despois máis que chover diluviaba, como se a botaran a caldeiros, os lóstregos e os tronos alternábanse enchendo a noite de son e luz, e a min de medo e frío. Agora as sombras das xestas eran lobos, ou espíritos descarnados da

Santa Compaña, ou bruxas, ou demos que saían das fonduras dos infernos.

-Tranquilo, non te asustes, non pasa nada, pequeniño, eu xa coido de ti. Un pouco máis adiante está a ponte da vía, alí xa nos acollemosfaloume coa súa voz firme, doce, amorosa, e funme sentindo mellor. Non tardamos moito en chegar debaixo da ponte, buscou leña, prendeu lume e secamos a roupa, espiume e tapoume coa manta que levaba o Moro na silla.

Vestiume con moito agarimo, a camisa quentiña e os seus bicos fixeron o resto.

Xa non tiña medo, xa me pareceu aquela unha aventura marabillosa, todo o que pasaba con papá era marabilloso, pouco a pouco a tronada foi perdendo forza, e aínda se oía algún trono, pero a cada paso menos. Mentres o lume consumía as últimas xestas foi parando de chover, montamos e arrincamos cara Ribas do Asneiro.

Cando baixabamos cara ao río, ao coller a pista chegando a Santomé, preguntoume: - E tes medo aínda?

- Non, papá, xa non teño medo.

- Por que? Se non sabes o camiño para a casa, non sabes para onde vas.

- Xa, pero iso non me importa nada, eu sei que ti si sabes o camiño e vasme levar.

Anicouse e doume outro bico, notei que lle tremaba a voz, deulle unha chupada o pitillo e dixo: - Ti si que te fías de min, pero agora déixate de andrómenas que aínda nos queda un bo anaco para chegar a casa. E, por certo, disto nin unha verba Á avoa Hortensia.

Avelino Jácome

18

Ourense por BARRIOS Febreiro de 2015

OCIO E CULTURA

4O ENTROIDO EN IMAXES

70 comparsas participaron no multitudinario desfile da capital

Imaxinación ao poder: iconos de whatsapp, animais mariños, frailes, personaxes de videoxogos, series ou películas, cantantes, vikingos, abellas, xoguetes, ou traxes cheos de fantasía e cor foron algúns dos protagonistas das arredor de 70 comparsas e carrozas que participaron no desfile de entroido de Ourense.

Participaron comparsas de colexios da cidade, asociación de veciños, grupos de amigos, incluso chegadas doutras provincias galegas… con ambientación musical ou sen ela, con coreografías aprendidas ou espontáneas… todo un espectáculo que seguiron centos de ourensáns.

Finalmente, o xurado nomeou como comparsa gañadora do Concurso do Entroido a “Azucarados de Maside”, pola súa orixinalidade e colorido, e a “La vida es carnaval”, raíña do Entroido. Entre as comparsas de menos de 10 compoñentes, o primeiro premio (400 euros) foi para “Bandas da Serra”, o segundo (300 euros) para “Soños de papel”, e o terceiro (200) para “ Los juegos del hambre”. Das que contaban con máis de 10 integrantes venceu “Azucarados de Maside” (que recibiu ) 900 euros; o segundo premio (700 euros) foi para “Invasión dos bechos”, e o terceiro (500), para “Fantasí ade lo que el viento se llevó”.

Tamén se entregaron premios especiais (de 300 euros) á comparsa máis numerosa, “Os trasnos de Concepción Arenal”; á máis graciosa “Lego Family”; á mellor animación “Bajo el mar” e á carroza con mellor deseño para a “Asociación Cultural Andén I”.

Orixinalidade e cor nas comparsas da Valenzá

Ao redor de 40 comparsas e carrozas foron as protagonistas do desfile que o Martes de Entroido acolleu A Valenzá, e no que se repartiron 4.000 euros en premios. Na categoría de comparsas enxebres, os galardóns foron para “As Lamas van polo aire”, “Galiza no corazón”, “Os entangarañados”, “Las chicas del show” , “O mundo das pop corn” e “O chupinazo”. E entre as comparsas artísiticas, venceron “Os coellos piratas”, “O mundo de Mario Bros”, “Flower cabaret”, “Os gardiáns do dragón”, “Lego Family” e “Tribu Abekani”.

Procesión, cea e baile na honra de Frei Canedo

A Asociación Cultural Frei Canedo da Ponte tampouco se quedou atrás na celebración do Entroido. E o luns 16 festexeou o día grande de Frei Canedo; con actos dos cofrades ás 19.30 horas; procesión pola Ponte desde as 20.15; cea para socios ás 22 horas; e baile de disfraces ás 23.30.

Charangas e orquestras amenizaron todas as actividades para que o numeroso público congregado no barrio pontino non cesase nin por un intre de gozar do seu entroido.

OCIO E CULTURA

Ourense por BARRIOS Febreiro de 2015

19

4O ENTROIDO EN IMAXES

Paquita, Nicanor e Vicentín non faltaron no entroido de Seixalbo

O martes 17 celebrouse en Seixalbo o desfile de comparsas e baile de disfraces. Xa pola noite, Paquita, Nicanor e Vicentín, o seu fillo, foron os grandes protagonistas, os cales percorreron as rúas da localidade. Xa o mércores, o enterro da sardiña puxo o fin de festa.

Ademais, actuaron ao longo dos distintos días de celebración charangas e orquestras, e o grupo local Os PerQtores.

A voda da Pita, protagonista do entroido de Eiroás Eiroás tamén celebrou, como cada ano, o entroido cunha programación especial.

O sábado 14 tivo lugar o folión de Entroido; e o día grande dos seus festexos foi o martes 17 de febreiro, coa voda da Pita ás 13 horas, seguida de xantar, baile e desfile de disfraces. Todas estas actividades estiveron amenizadas por diversas charangas e contaron coa presenza de numerosos veciños e visitantes que non quixeron perderse a cita máis características do entroido de Eiroás. Xa ás 21 horas chegou o turno da queima do meco para despedir a festa.

20

Ourense por BARRIOS Febreiro de 2015

Goles en Espiñedo na visita da UD 4 1-9 foi o resultado final.

Redacción A Unión Deportiva Ourense venceu en Espiñedo ao Arcos por 1-9.

O equipo de Antonio Dacosta é superior ao resto de equipos de toda a Terceira Rexional do grupo 13º de Ourense, e demóstrao cada xornada. E se o campo é un dos mellores da provincia, a diferenza crece aínda máis. E iso aconteceu o pasado sábado en Espiñedo. A Unión Deportiva Ourense desprazábase ata a capital do Arenteiro para enfrontarse ao Arcos.

O campo que albergaba o encontro era o que utiliza como local o Arenteiro; un campo en boas condicións para a práctica do fútbol.

Comeza o festival En seis minutos a UD xa mandaba no partido. Julio Salgado facía o primeiro da tarde e oito máis tarde, Lucas Nieto xa poñía terra de por medio co segundo.

Antes do descanso chegaría a obra de arte do encontro. Xaco culminaría unha xogada na que Julio cedíalle o esférico de tacón, e este remataba ao fondo das redes unha vez driblado o gardamallas local; 0-3 e os xogadores enfilaban o camiño dos vestiarios.

Na segundo metade che-

garía un festival goleador. Julio Salgado, antes de saír do campo substituido, firmaría o segunda da súa conta e o cuarto do equipo. Santi, que levaba un minutos no terreo de xogo, lograba o quinto.

Lucas Nieto repetiría co sexto da UD. Nos dous seguintes goles uniríanse á festa Roberto Almeida (0-7) e Chechu (0-8).

Santi redondearía a goleada unionista co noveno gol e o segundo da súa conta. Wesley faría o da honra para os locais.

Ascenso Unha nova goleada que os leva a estar máis preto do ascenso. Con 57 puntos en 19 xornadas os homes de Antonio Dacosta xa contan as xornadas que restan para celebrar o ascenso á Segunda Rexional. O próximo escollo será o Salamonde a vindeira fin de semana no Couto. O partido será o domingo 1 ás 17 horas.

A UD Ourense recibe este domingo 1 de marzo ao Salamonde. O encontro terá lugar ás 17 horas no Couto

DEPORTES

Vitorias de Ourense Envialia e Cidade As Burgas

marcaba o gol da vitoria franxiverde e o terceiro da súa conta particular. A vitoria fai que as de Manolo Codeso manteñan a segunda posición con 45 puntos, a seis do líder, Futsi.

4 O Envialia gañou ao Gironella e o Cidade a Alicante.

Vindeira xornada Nesta xornada o Ouren-

R. Torres Vitorias de Ourense Envialia e Cidade As Burgas na xornada número 19 da Primeira División de fútbol sala.

O Ourense Envialia pasou máis apuros dos previstos para desfacerse do penúltimo clasificado, o Gironella. As de Óscar Vivián non lograron adiantarse no marcador ata a falta de dous minutos. Chiqui e Rosángela rubricaron a vitoria das ourensás. Esta vitoria

permite ás albinegras continuar na pugna por entrar na Copa. Agora están a dous puntos da cuarta posición que ocupa o Alcorcón.

Cidade As Burgas O Cidade acudía á cancha do cuarto clasificado, Alicante, con gañas de romper a racha de dúas derrotas consecutivas. As ourensás lograron poñerse 0-2 no marcador, pero as locais conseguiron empatar o encontro. A falta de 30 segundos, Iria Saeta

Vanessa Sotelo zafándose da xogadora xaponesa Shiori, no partido contra o Burela ./RAMSÉS

O COB recibe ao Leyma Coruña 4 O partido trasládese ao sábado 28 de febreiro.

R. Torres Participantes do Miño Radikal./I. OSORIO

Unha Miño Radikal do máis divertida 4 Celebrouse a primeira edición desta proba con máis de 400 participantes.

R.T.

Julio Álvarez centrando ao área no partido contra o Arcos en Espiñedo./RAMSÉS

se Envialia repite en casa contra o Universidade de Alicante. Pola contra o Cidade As Burgas visita a cancha do Móstoles. Xornada complicada para os dous representantes ourensáns que compiten contra o quinto e o oitavo clasificado, respectivamente.

Unha rede a uns centímetro do chan para reptar, sortear uns neumáticos, subir cunha corda unha rampa e baixar polo outro lado por uns tablóns, saltar e pasar por debaixo duns barrotes,... isto e moito máis foi o que tiveron que superan os máis dos 400 participantes da I Miño Radikal. O circuíto de 3,5 km tivéronno que completar dúas veces. Un

evento que deixou moi sabor de boca a todos os participantes, polo que a segunda edición será unha realidade.

Os gañadores Os máis rápidos en completar o percorrido foron Daniel Pérez e Raquel Guizán. Daniel Pérez realizou un tempo de 28:42 minutos, mentres que Raquel Guizán fíxoo en 35:40 minutos. “A dar gasss” foi o equipo vencedor.

O Club Ourense Balocento recibe ao Leyma Coruña na xornada número 23 da Adecco Ouro. O partido, que será no Paco Paz, cambia de día e hora. Pasará a xogarse o sábado (en lugar do venres) 28 de febreiro a partir das 18.30 horas.

O rival será un Leyma Coruña que marcha na décima posición a unha vitoria de entrar en play off. O COB loitará por manterse no pelotón de cabeza para manter intactas as opcións de en-

trar no play off co factor cancha favorable na primeira rolda.

Gañar en casa Os homes de Gonzalo García de Vitoria tentarán lograr a quinta vitoria como locais, logo de que as dúas últimas citas no Pazo saldáranse con vitora visitante. Enfronte terán a un Leyma Coruña que tan só leva dúas vitorias como visitante.

O COB é segundo, con 14 vitorias, ao igual que Navarra, Breogán e Burgos (estes dous últimos cun partido menos).

Último partido do COB no Paco Paz, contra o Burgos./I. OSORIO

PUBLICIDADE

Ourense por BARRIOS Febreiro de 2015

21

22

Ourense por BARRIOS Febreiro de 2015

SERVIZOS / CLASIFICADOS

Ourense por Barrios. Edita: Letras a la Carta S.L. CIF: B-32.323.925. Depósito Legal: OU 15-2015. Redacción: r/ Bedoya 7 1º Of. 6 - 32004 Ourense. Tel: 988 045 352 Correo-e: info@periodicobarrios. com. Distribúe: Visual. Imprime: Publicaciones Tameiga.

Directora: Paula Lodeiro. Director comercial: Miguel Rejo. Redacción: Paula Lodeiro, Ramsés Torres. Fotografía: Ramsés Torres, Paula Lodeiro. Colaboracións: Silvia Nieto, Raquel Sertaje, Manuel Blanco, Fernando Valcárcel.

Nº 2 - Ano: XII - Febreiro de 2015 - Difusión: 30.000 exemplares. Impreso en papel 100% reciclado. A opinión do periódico exprésase só no editorial, os artigos e cartas ao director expoñen posturas persoais. Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Se ten algún problema co reparto, chame ao 988 045 352.

4AXENDA Teatro - 27 de febreiro - “Gorentosadas”- 12.30 e 20.30 h - Teatro Principal Cine - 2 de marzo - “Everyday revolution” - 20:30 e 23 h - Biblioteca Pública - 4 de marzo - “Loreak” 18, 20:30 e 23 h - Biblioteca Pública Exposicións - Ata o 8 de marzo - “Os cerebriños do arco da vella” de Flor Fernández C. C. Marcos Valcárcel - Ata o 5 de abril - “Bitácora dun mariñeiro sentimental” de Antón Sobral e “Creando especies” de Herikberto Quessada- C. C. Marcos Valcárcel - Ata o 12 de abril - “Antón Pulido. Antoloxía” - Centro Social Afundación Música - 27 de febreiro - Tulsa + Os amigos dos músicos 21 h - Auditorio - 28 de marzo - Concerto familiar “Vaia circo” de Odaiko - 18.30 h - Auditorio - 1 de marzo - Ópera Nabucco - 19 h - Teatro Principal - 6 de marzo - Concerto de Sean Rowe - 21 h Torgal - 8 de marzo - Concerto de Amacord - 19 h - Teatro Principal - 8 de marzo - Concerto de Guadi Galego - 20:30 h - Auditorio - 13 de marzo - Concerto de Vienna Clarinet Connetion- 20.30 h - Teatro Principal - 14 de marzo - Concerto de Escuchando Elefantes - 20:30 h - Auditorio - 15 de marzo - Concerto de Collegium Marianum19 h - Teatro Principal www.periodicobarrios.com

4ANUNCIOS CLASIFICADOS [Deixe os seus anuncios no 988 045 352 ou en info@periodicobarrios.com. Gratuítos para particulares]

TRABALLO Danse clases particulares de pintura artística: oleo, acuarela, pastel, acrílico... Todos os niveis. Máis de 40 anos de experiencia. Tel. 687 193 344.

Danse clases particulares de Photoshop e deseño gráfico.

Todos os niveis. Con máis de 20 anos de experiencia. Tel. 667 508 333.

Ofrécese señora galega de 50 anos para tarefas domésticas, pasar o ferro, etc. e para coidado durante a semana e fin de semana de persoas maiores ou enfermos. Para Ourense e proximidades. Tel. 645 770 510.

Ofrécese señora española para traballar unha hora ao día ou á semana para tarefas do fogar, coidado de enfermos, nenos e anciáns. Dispoño de vehículo.

Prezo a convir. Con moita experiencia. Tel. 620 052 173.

Ofrécese señora con informes para coidar persoas maiores.

Tel. 637 005 910.

Fanse reparacións en fogares e negocios. Carpintería, persianas, mobles... Moi económico.

Tel. 656 782 460.

Ofrécese señora para servizo doméstico ou empresas de limpeza. Tel. 616 244 278.

Perruqueira con 20 anos de experiencia e coñecementos de estética ofrécese para traballar en fins de semana soltos. Tel. 685 971 034.

Moza busca traballo coidando persoas maiores, nenos ou realizando labores de limpeza no fogar. Tamén como coidadora de noite en hospital ou en casa particular. Ampla experiencia a través de axencias de axuda a domicilio. Tel. 661 08 09 62.

Desbrózanse fincas e fanse transportes e mudanzas. Tel. 629 319 269.

Necesítase persoal para traballar de internas e turno de noite, Infórmate no 687 02 36 41 ou Ao teu lado, r/Cruz, 8,Verín.

Ofrécese mozo para traballar en almacéns. Tel. 672 621 408.

Clases a domicilio neste cur-

so. Especialidade matemáticas xerais.Todas as etapas. Tamén outras materias. Ampla experiencia. Económico. Con CAP. Tel. 610 38 25 89 ou clasesadomicilio2014@hotmail.com.

Licenciada en Traducción e Interpretación dá clases de inglés e francés.Todos os niveis. Clases individuais e grupos reducidos.

Telf. 664 59 06 04

VENDAS Vendo videos e revistas de National Geographic. 50 euros. Tel. 616 786 607.

Vendo táblet nova. 75 euros.

Tel. 616 786 607.

Véndese compresor de aire ABC VG-5-PC industrial 6CVHP, presión 8Kgs/cm2 psi115, 750 Litros/minuto cfm 236,48 velocidad 650 depósito 300Litros, peso neto 210Kgs, peso Bruto 310Kgs. Prezo 1.000 euros. Tel. 610 65 94 17.

Vendo 36 fiestras corredeiras de aluminio branco con aislamiento, cristal doble Climalit. Medidas: 52cms de alto por 115cms de largo. Prezo 95 euros cada unha.

Telf. 610 65 94 17.

Véndese porta de aluminio con cristal blindado, sen marco.

Medidas: 73x209 cms. Ten pechadura e chave. Tel. Telf. 610 65 94 17 Vendo dúas portas de aluminio branco con cristal, sen marco.

Medidas: 235cms de alto por 78cms. A porta pódese adaptar de xeito sinxelo ao facer o marco.

Ten pechadura con chave. Prezo: 80 euros cada unha. Tel. 610 65 94 17 Véndese caldeira de calefacción de gas cidade, apeiros de labranza para decorar e sofá3+2 seminovo. Tel.637 005 910.

Véndense dous radiadores de 1500 e 50 vatios. Novos (un con garantía). Tel. 626 297 504.

Vendo xerseis feitos a man por encargo 10 euros, e bolsos de trapillo a 3 e 5 euros. Tel. 664 096 953.

Vendo sensores de aparcamento con pantalla led que indica distancia e lado de colisión (va-

rias cores) e regalo instalación en Ourense. En 3h telos instalados con acabado profesional garantido por 40 euros. Tel/Whatsapp 667 830 310.

Vendo alpacas, abonos e cereais.

Tel. 629 319 269.

Vendo vestidos de bautizo, comuñón e arras, novos, ao 50% do prezo de custo. Tel. 686 03 49 76.

Vendo 8 focos de baixo consumo a bo prezo. Tel. 675 63 10 11.

Vendo leña de carballo a bo prezo. Tel. 630 521 448 Véndese moto de 125 cc. Bo prezo. Tel.630 521 448.

Vendo manequíns en perfecto estado, modernos con pelo esculpido moi bonitos. 150 euros cada un (os tres, 400 euros). Tel. 988 25 43 59.

Vendo colchón antiescaras por 40 euros, e coxíns de látex por 25 e 20 euros. Tel. 606 035 781.

Véndese leña de carballo. Tel. 630 521 448.

En Xinzo véndense cinco rodas de Ford Escort 18560R14 en bo estado, e varias ferramentas de albanelería. Tel. 663 376 002.

VENDA/ ALUGUER Vendo casa no Carballiño semi restaurada, con finca, 40.000 euros negociables. Tel. 645 770 510.

Alúganse 2 naves de 422 e 454 m2 xuntas ou separadas en Polígono de Pereiro de Aguiar: parcela nº 15, fronte a Codisoil. Tel. 639 677 432.

Véndese piso de 3 habitacións, con garaxe e trasteiro, en Vigo (Praza España). Bo prezo. Tel. 639 816 209.

Vendo finca de 2.000 m2 edificable con auga e luz, a 10 km de Ourense. Tel. 600 51 25 59.

Alúgase amplo bar-restaurante céntrico en r/Marcelo Macías moi preto da av. de Ourense. O seu nome actual é “Punto de Encontro” e ten todo o necesario para abrir ao público. Pódese ver sen compromiso. Prezo a convir. Tel. 647 076 024.

Vendo piso en Marcelo Macías, 3 dormitorios, calefacción, aire acondicionado, ascensor, 2 galerías, parquet, amoblado súper luxo. Tel. 988 22 75 74.

Alugo piso zona O Couto. Reformado. Tel. 677 494 645.

Vendo piso en Carlos Maside (O Couto). Tres habitacións, calefacción e amplia bodega.

Totalmente reformado. Prezo económico. Tel. 677 494 645.

Alugo local económico e acondicionado de 15 metros cadrados. Xunto parada de autobús.

Certificado enerxético E. Tel. 627 203 131.

Alúgase praza de garaxe pechada con pequena adega en Faustino Santalices. Tel. 988 21 29 00.

Alúgase praza para moto no garaxe do edificio de Mercadona, número de 17, na Avda. de Santiago. Tel. 988 21 29 00 Alúgase praza de garaxe ao lado da praza do Couto para coche ou moto, 45 euros. Tel. 606 035 781 Véndese casa con finca na estrada de Santiago, con calefacción, gas cidade, semi nova. Con sofá, enfriador de botellas, tipo bar novo. Tel. 637 00 59 10.

Alúganse oficina na rúa Progreso, fonte ao Palacio de Xustiza. Con mobles. Bo prezo.

Tel. 637 00 59 10.

Precísase compañeiro de piso, zona Couto, fronte a Pabellón.

Tel. 637 00 59 10.

Alúgase piso moi amplo, con ou sen mobles. Todas as comodidades. Zona Couto. Económico. Tel. 606 56 92 28.

CONTACTOS Ofrécese mozo de 34 anos para mulleres de 40 a 65. Unha hora, 25 euros. Tel. 662 281 312.

4TELÉFONOS DE INTERESE Concello Ourense 988 388 100 Concello Barbadás 988 360 000 Deputación 988 385 100 Xunta de Galicia 012 Pazo de Xustiza 988 370 728 Policía Local 092 / 988 388 138 P. Local Barbadás 988 221 050 Policía Nacional 988 391 771 Guardia Civil 988 235 353 Guardia C. Tráfico 988 222 881 ITV 902 309 000 Bombeiros 080 / 988 370 000 Incendios forestais 085 Prot. Civil 24 h.

988 510 254 Prot. Civil Barbadás988 391 479 Cruz Roja Ourense 988 222 484 SOS Galicia 112 Urxencias e ambulancias 061 Consultas sanitarias902 400 116 H. Sta. Mª Nai 988 385 499 Hospital Cristal 988 385 500 Atención Cidadán 988 392 909 Teletaxi 988 21 00 11 Taxis A Valenzá 988 251 471 Taxis Carrefour 988 231 657 RENFE 902 240 202 Estación autobuses 988 216 027 Correos 988 223 083 Fenosa 988 222 222 Aquagest 988 250 088 Atención menor 900 202 010 Asoc. Diabética Auria988 226 608 AECC 988 219 300 C. C. Antisida 988 233 000 Alcer 988 229 615 AFAOR 988 219 292 Alcoh. Anón.

646 645 119 24h. Alc. Anón.

988 269 540 Alcoh.An. 24h.

988 22 76 23 Asoc.Crohn 630 136 447 Down Ourense 988 370 313 Atención Muller Maltratada 016

4AUTOBUSES: liñas e horarios dos urbanos de Ourense en www.urbanosdeourense. es e liñas e horarios dos buses a A Valenzá en www.anpian.com

PUBLICIDADE

Ourense por BARRIOS Febreiro de 2015

23

Ourense por BARRIOS Febreiro de 2015