OĐĐASAT . SAERNIE . NYHETER
Cavgil midjiide! info@samimag.no
Nr 04 . guovvamánu . 2019 . NOK 25
SÁMI GIELLAKONFERÁNSA 2019 LIHKOSTUVAI
Máilmmi vuosttaš sámegielat dohkát bivnnuhat
–Daelie hov tïjje båateme mijjieh aelkebe sinsitniem guarkedh
Ávvudedje stáhtaministariin, dronnegiin ja ruvdnoprinssain
SÁMi ođasmagasiidna . 04 . 2019
Ávvudeami maŋŋá De mii leat fas ávvudan Sámi álbmotbeaivvi biđđosiin, gáhkuin ja konsearttaiguin. Mii leat coggan gávtti, levgen ja juoiggadan. Ja go maŋŋá logadan aviissaid ja sosiála mediaid, váibmu lieggana go oainnán leavggaid, ilolaš mánáid, konsearttaid ja herggiid. Sámi álbmot lea ávvudan ja illudan, ja dadjat juo buot riikkaaviissat ja soames magasiidna maid lea deavdán siidduidis reportášaiguin sámiid birra. Mii dárbbašit sámi álbmotbeaivvi, vai dal jo ovtta beaivvi beassat guođđit bahča dovddu ja suhtu, mii čoaggana, go dábálaš beivviid logadat áviissain ja sosiála mediain sámi áššiid, ja eandalii kommentáraid. Sámediggeráđi Silje Muotka maid muitala ahte son lea ožžon máŋga dieđu suhttan sámi váhnemiin: Sin skuvllat eai ávvut. Son lea ožžon máŋga dieđu sápmelaš bargiin, geain lea moraš go sin bargosajiin eai čalmmustahte ge Sámi álbmotbeaivvi. Ságat aviisa muitala movt muhtin Álttá skuvla ávvuda álbmotbeaivvi dušše juohke goalmmát jagi ja VG kommentáhtor imašta manne ain lea nu vašši sámi álbmogii ja eandalii Sámi álbmotbeaivái, sámiid nationálabeaivái. Ii gávdno ipmárdus ahte sátni nationála ii mearkkaš riikka, muhto našuvnna, álbmoga. Go beare dávjá mii deaivat “boasttuolbmuid” ja ribahit singuin hállát “boasttufáttáid” birra. Nu mo gieskat, go hállen Tromssa olgešbellodaga miellahtuin, gii logai ahte Romsa ii galggaše galbet sámegillii, ii danne go eai galggaše sámegillii leat šilttat, muhto danne go lea nu divrras ja danne go lea boastut sámegillii galbet ja dasa stajidit ruđa dan botta go sin boarrásat eai oaččo albma biepmu. Hirpmahuvven ja lohken dien imaš jurddan, go orruhan lunddolaš ahte báikenamat leat guktot gielaide. Hirpmahuvven ja inge šat dárránan lohkat eambbo. In dárránan lohkat ahte jus buohkat máhtášedje sámi báikenamaid dadjat ja dovdat, dat soaittášii gádjut soames heakka, go riŋgejit 113 nummirii. In dárránan šat jearrat manne sámi šilttat ja boarrásiid biebmu galgá vuostálágaid biddjot. Ávvudeami maŋŋá mii máhccat fas árgabeaivái, ja dovdat fámuiduvvama. Ja go váldomediat eai šat čále sámiid birra de váidu maid rasisma Facebookas. Lea gal oba suddu go galgá ná, go Sámi álbmotbeaivvi mii galggašeimmet buohkat illudit ovttas ja ávvudit ovttas. Eat mii dieđus vuollán, ja jáhkkit ahte oktii šaddá min beaivi min buohkaid oktasaš ávvubeaivin, friijabeaivin, sihke sámiide ja min riikkaid eará álbmogiidda. Mii háliidit ovttas ávvudit, mii háliidit buohkaiguin gulahallat. Dan nammii mii bargat. Fámut didjiide buohkaide!
ANNE BERIT ANTI
Redaktevra . Redaktööre . Redaktør
SÁMi ođasmagasijne saemien saernieh jïh kreejnije tjaalegh åtna noerhte- jïh åarjelsaemien gïelesne jïh daaroen.
SÁMi ođasmagasiidna lea ođas- ja čiekŋudeaddji magasiidna mii ilbmá oktii vahkkui davvisáme-, oarjelsáme- ja dárogillii.
SÁMi ođasmagasiidna inneholder samiske nyheter og fordypende artikler på nordog sørsamisk, samt norsk.
Almmusteaddji . Utgiver: iSÁMi.Press AS ,Pb. 15 N-9735 Kárášjohka / Karasjok, Mobil: +47 906 242 96 info@samimag.no . www.samimag.no . FB facebook.com/sami.magasiidna . Twitter @sami_magasiidna Váldodoaimmaheaddji . Redaktööre . Redaktør: Anne Berit Anti, Mobil:+47 482 93 362, anneberit@samimag.no Hábmen . Hammoedimmie . Grafisk design: Nils Egil Gaup Prentehus: Trykkeri: Fagtrykk Idé AS Trøndelag Fylkeskommune: avd. kultur og regional har gitt støtte til utgivelse av sør-samisk innhold. ISSN: 2535-4221
PFU: The magazine is produced according to the Ethical Code of Practice for the Norwegian Press, and the Rights and Duties of the Editor 2
OĐĐASAT . SAERNIE . NYHETER
SÁMi ođasmagasiidna . 04 . 2019
SÁMI GIELLAKONFERÁNSA 2019 LIHKOSTUVAI
– Lea hui buorre giellavuoibmi dál
Spagga dievva lei Sámi giellakonferánsa. Sámit ledje čoahkkanan Tromsii juohke sajis. Dat illudahttá Sámediggepresideantta Aili Keskitalo. GOVVEN JA ČÁLLÁN: MÁRGGET JON BIRET ÁMMUNA ÁNNE BIRET, ÁNNE BIRET ANTI
Sámšdiggepresideanta Aili Keskitalo lohká dál illudit joatkit giellabargguin.
– Mu mielas lea leamaš nu buorre deaivvadit eará giellaberošteddjiiguin. Ja ferten dadjat ahte juohke logaldallan, digaštallan ja kulturdáhpáhus mii lea leamaš addá eambbo inspirašuvnna bargat viidáset sámegielaiguin. Mun duođaid loavttán áiggi bures dáppe, illuda sámediggepresideanta Aili Keskitalo.
BIVNNUT Sámediggi lágidii Sámi giellakonferánssa dainna ulbmiliin, ahte čalmmustahttit ON eamiálbmotgiellajagi álggaheami. Giellakonferánsa lei nu bivnnut ahte šadde viiddidit konferánsalanja čáhkkehan dihte buohkaid. Dasa lassin čuvvo 500 olbmo Sámedikki njuolggosáddaga.
– Lea nu movttiidahtti go sámi álbmogis lea nu stuora beroštupmi giellaáššiide, gielladoaimmaide ja giellapolitihkkii. Mii leat rievttes áiggis dál. Mis lea giellalokten, mis lea mánáidgárddiid sámáidahttin, mis lea oahppoplána revišuvdna ja riikkaidgaskasaš giellajahki oktanaga. Dat addá vuoimmi ja mun duođaid dovddan ahte mii dál mobiliseret
Loga eambo
3